لفصل السابع عشر
جلست عائشة بعد سلامها علي الجميع فتحدثت خديجة
وهي تقف خديجة : انا هروح الشغل بالمناسبة انا بقيت محامية قصي
صمت الجميع بصدمة فردت عليها مروة : الف مبروك ياقلبي فرصة حلوة في شغلك
عائشة : بس انتي بتحبي تشتغلي شرعي ايه اللي اتغير
خديجة : انا اللي اتغيرت
ريما : والرجالة مش دول اللي بتكرههم وشيفاهم ظلمة
خديجة : كلهم زي بعض يلا بقي سلام
شمس وهي تقف : استني انا جايه معاكي
خديجة : يلا
في الخارج
خرجوا من الشقة وقفوا امام المصعد في انتظاره فتسألت خديجة
خديجة : انتي مقولتيش ليه جوه انك شغالة في شركة قصي برضوا
شمس بضيق : المنصب أكبر مني وانا عارفة نفسي مش هقدر عليه حتي انا مش عارفه معتز إختارني للمنصب ده ليه
وضعت خديجة يديها علي كتفها : عرضه علشان انتي فعلا تستحقيه بطلي بقي تقللي من نفسك بالطريقة دي
عانقتها شمس بحب فهي دائما تكون لها السند والداعم القوي في كل شئ يقابلها في حياتها .. بادلتها خديجة العناق ابتسمت شمس وقالت
شمس : متزعليش منى؟
خديجة بإبتسامة : انتي عارفه مش بعرف ازعل منك
وصل المصعد فصاعدوا لينطلقوا الي عملهم
في الداخل
رن هاتف "ريما" معلنًا عن اتصال "مراد" بها فاسرعت بالرد عليه
ريما : ألو
مراد : حبيبتي انا تحت
ريما وهي تقف : وصلت ياقلبي انا نازلة اهو دقيقة وابقي قدامك
أغلقت ريما و اعتذرت من ياسمين وودعت صديقاتها و غادرت سريعًا
مروة وقفت أيضًا قائلة : أنا كمان يا بنات إتأخرت علي الشغل
مرام : خديني معاكي نزليني في طريقك قدام المستشفي
مروة : حاضر ياقلبي يلا يا بنات سلام
عائشة وهي تقف : خدوني معاكوا
ياسمين : انتي لسه جاية علي فكرة
عائشة بإحراج : علشان أسيبك ترتاحي
ياسمين برجاء : خليكي قاعدة معايا شوية
عائشة بإستسلام : حاضر خلاص يابنات روحوا انتوا
مروة ومرام : سلام
ياسمين وعائشة : سلام
في الأسفل
وجدته ينتظرها امام سيارته اقتربت منه ووقفت امامه
ريما بإبتسامة : إزيك
مراد بإبتسامة : الحمدلله وانتي
ريما بحماس : زي الفل قنبلة نشاط علي غير عادتي، يلا هنبدأ النهارده منين؟
مراد بضحك : يا شيخه، طيب فطرتي الأول؟
ريما : لا وانت؟
مراد وهو يفتح لها باب سيارته : لا تعالي نفطر بعدين نبدأ نتحرك
ريما تركب : اوكي يلا بينا
ابتسم لها واغلق الباب ثم إلتف حول السيارة ليصعد الي مقعد السائق وينطلق الي إحدي المطاعم
•••••••••••••••••••••••••••••••
استيقظ بألم برأسه أثر الضربة التي تلقاها عليها فتح عينيهم بصعوبة ينظر بإندهاش حوله فكيف وصل الي هنا كيف وصل الي غرفته تري ماذا حدث؟؟؟!!!
قفز من علي الفراش يقف سريعًا فشعر بدوار فجلس علي الفراش ينادي علي والدته أتيت والدته راكضة فهو كان فاقد وعيه أكثر من ساعة منذ أتي به والده
حازم : ماما ايه اللي حصل انا جيت هنا ازاي؟
والدته : فاروق .. حازم يا حبيبي انت عامل ايه دلوقتي حاسس بحاجه؟
حازم بصدمة : ايه هو بابا عرف؟
والدته باستغراب : عرف ايه؟
قبل ان يرد قاطعه دخول والده وهو يقول : ايوة عرفت
ثم نظر الي زوجته وقال لها : سيبيني شوية معاه يا إيمان ؟
إيمان بإصرار : انا لازم أعرف في ايه، ايه اللي حصل مع ابني يا فاروق؟
فاروق بعصبية : قولت سيبيني دلوقتي
خرجت غاضبة منه لكن بالآخر خضعت لأمره فهي تخافه كثيرًا فهي زارع هذا الخوف بها وبأبنه الوحيد هكذا كان يعتقد أنه سيكون المسيطر الوحيد عليهم لكنه خاطئ لكن سوف يكتشف مؤخرا بعد أن تعطيه الأيام درسًا لا ينسي نتيجة قسوته هذه .. أغلق فاروق باب الغرفة خلف زوجته ثم نظر الي ابنه بغضب
نظر له "حازم" برعب فهو يخافه كثيرا منذ طفولته لم يشعر بلحظة واحدة معه بحنان الأب
فاروق بهدوء ما قبل العاصفة : من امتي وانت ع علاقة بيها؟
حازم بخوف : مين هي؟
صفعه تراجع حازم بضع خطوات أثر الصفعة فجذبه فاروق من قميصه قائلًا : عيل فاضي زيك علي أخر الزمن يفضحني ويخسرني شقي عمري انت فاكر ان هسمحلك ده انا أدفنك حي فاهم ودلوقتي عرفني ايه اللي حصل بالظبط
دفعه الي الفراش ثم جذب كرسي وجلس أمامه : احكيلك بالظبط ايه اللي حصل يومها
حازم بدأ يسرد : انا كنت شارب مش فاكر غير ان روحتلها وانا متعصب لما عرفت ان قصي داخل معاك في صفقة ممكن تخسرك كل حاجه ومن كام يوم كنت قابلته وفهمت منه ان عارف علاقتنا
وضع حازم يديه علي رأسه وهو يحاول يتذكر ما حدث : بعدين.. بعدين استفزتني وضربتها بعد كده حد ضربني علي رأسي وبعديها محستش بحاجه
صمت فاروق يفكر فتسأل حازم : هو في حاجه يا بابا
فاروق بغموض : انت لازم تسافر فأسرع وقت
•••••••••••••••••••••••••••••••
عندما وصلوا الشركة وجدوا معتز في انتظارهم ليخبرهم أن قصي في انتظارهم اتجهوا مباشرة الي مكتبه لعمل إجتماع يضم هم الأربعة فقط دخلوا وجلسوا بعد إلقاء السلام.. بدأ قصي بالحديث
قصي : أولا أهلا بيكوا فالشركة
شمس وخديجة : أهلا بحضرتك
قصي : ثانية الشغل
وهو ينظر الي شمس : معتز ماسك معايا كل حاجة علشان كده اقترح ان يجيب حد يبقي مسؤول عن علاقات الشركة مكانه
شمس بصدمة وهي تنظر الي معتز : ده حقيقي انت اللي كنت مسؤول عن القسم
نظر معتز إليها بهدوء وقال بهمس : اهدي دلوقتي الاجتماع يخلص وافهمك
اكمل قصي : طبعا هتبقي مسؤولة عن جميع علاقات الشركة بما فيهم الأعمال الخيرية وطبعا اي إجراء قانوني هتتحركي مباشرة لخديجة
شمس بتفهم : تمام فهمت
قصي : معتز سلمها الاوراق تقدرى ترجعي لمعتز في اي حاجة تقدروا تتفضلوا انتوا
وقفت شمس وكادت ان تغادر : قصي بيه
قصي : ايوة
شمس بضيق : انا بعتذرلك جدا علي المقال اللي كتبته عن حضرتك
قصي : تعتذري ليه؟
شمس : علشان اللي كتبته عن..
قصي : سؤال واحد اللي كتبتيه ده كدب
شمس : لا بس انتهاك لخصوصية حضرتك
قصي : لا مفيش خصوصية في كده انا فخور بنفسي ان قدرت اتخطي المرحلة الصعبة دي وبحاول اخلي اطفال كنت زيهم في يوم من الأيام يتخطوا المرحلة دي من حياتهم ويبدأوا حياة جديدة
نظرت له خديجة بإعجاب لم يلاحظه غير صديقتها فهي الوحيدة التي تستطيع قرأت نظراتها، ابتسمت له وغادرت مع معتز وبقيت خديجة لمناقشة الأعمال معه .. بعد مغادرة شمس ومعتز نظر الي خديجة وقال بإبتسامة بدي لها مختلف بعض الشئ اليوم لما أصبح جذاب هكذا قطع شرودها به وهو يقول
قصي : خديجة انتي معايا
خديجة : ها اه اه معاك
قصي : كنت بقول بلاش رسمية بينا لو ده مش هيضايقك
خديجة بتوتر : اه عادي اللي تحبه حضرتك
قصي بضحك : برضوا
خديجة بإبتسامة : خلاص خلاص
قصي ابتسم بسعادة فها هي الجبال بينهم تذوب : زي الفل يلا نبدأ بقي شغل يا.. خديجة
خديجة بإبتسامة : يلا
بدأ يشرح لها أعماله ويسلم لها ملفات أعماله عدي عليهم بعض ساعات لم يشعروا بها نظر في ساعته
قصي : يااه محستش بالوقت
خديجة بتأكيد : فعلاً ده بسبب الشغل
قصي بإبتسامة : او بسببك
نظرت له بدهشة : بسببي أنا!!! مش فاهمه؟
قصي بتغيير الحديث : يلا تعالي نروح نتغدا حتي هتصل بمعتز وشمس يجوا معانا
خديجة بإبتسامة : تمام
غادروا واتصل قصي بصديقه ليأتي هو وشمس معهم حتي يشعرها أكثر براحة غير أنه يعلم انها كانت لترفض لو كانوا هم فقط
•••••••••••••••••••••••••••••••
كانت منغمسة في العمل عندما دخلت عليها إحدي الموظفات تريد سؤالها عن شئ
مروة : اتفضلي كنت عايزة تسألي عن ايه
الموظفة بتردد : الحجاب عايزة أسألك عنه
مروة بإبتسامة : عايزة تسألي ايه عنه
الموظفة : يعني مثلا لبساه ليه؟
مروة : أولاً علشان الحجاب فرض مش إختيار ثانية علشان أحافظ علي نفسي وأحميها ثالثًا علشان أكون غالية ومش رخيصة
الموظفة بضيق : رخيصة؟!
مروة : طبعا رخيصة انا لما يكون معايا جوهره هسيبها لكل الناس يشوفوها ولا هحصنها واحميها مش بعيد ان احطها في خزنة بعيد عن عيون الناس
الموظفة بتفهم : طيب ازاي بيحميكي؟
مروة بتفكير ثم أخذت هاتف الفتاه : انتي حاطة لموبيل جراب ليه؟
الموظفة : علشان احافظ عليه
مروة : بالظبط ده نفس اللي بيعمله الحجاب
الموظفة بإبتسامة : شكرا جدا انا دلوقتي فهمت خطيبي أصل هو طلب مني أتحجب وكل أصحابي قالولي انه معقد
مروة بإبتسامة : بس هو كده مش معقد هو كده بيحبك بجد وعايز يحافظ عليكي
الموظفة بسعادة : صح انتي صح يلا سلام هروح أكلمه
مروة بإبتسامة : سلام
وعادت لتكمل قراءة الملف الذي كان بيديها ليقاطعها كريم وهو يقول
كريم : كلام هزني من جوه
مروة بإبتسامة : ربنا يهديك
كريم وهو يجذب الكرسي ويجلس أمامها : ليه شايفاني مجنون قدامك
مروة بإعتراض : الهداية لمن ضل طريقه الي الله مش للمجنون يا مستر كريم
صمت قليلًا ثم قال بإندفاع : مروة تتجوزيني
مروة بصدمة : ايه انت عبيط
كادت تغادر لكنه قطع عليها الخروج : اسمعيني بجد ان حابب جدا ابقي زيك حابب اقرب من ربنا وانا متأكد ان ده هيحصل علي ايدك ده غير ان مشاعري ناحيتك حقيقية انا بحبك وعارف انك مستحيل تقبليها الا بالحلال
كاد قلبها يروق له لكن تذكرت سببه الأساسي مروة بحزم : بص يا أستاذ كريم انا عارفة اتفاقك مع جدك سمعتكوا بالغلط انا قولت اقولك ان عارفة علشان اقصر عليك الطريق
انهت حديثها وغادرت انعقد لسان كريم ولم يستطيع الرد لم يشعر غير أنه خسر شئ ثمين كأنها أصبحت قطعة من قلبه هل..هل حقًا قام بخسارتها لأجل إتفاق عقيم؟
#حبيبة_محمود
#بقلمى
#ليس_للعشق_قواعد
#روايات
#روايات_رومانسيه
#روايات_اسكريبتات_مميزة
#عالم_الروايات
#عالم_القراءة