စာသင်သွားရင်သုံးနေကျဖြစ်တဲ့ အိတ်အဖြူလေးထဲကို မှင်နီနဲ့ပုံနှိပ်စာအုပ်တစ်ချို့၊ကိတ်မုန့်အသေးလေးနှစ်ထုပ်လောက်နဲ့ရေဘူး၊ဖုန်းတို့ကိုပါ တစ်ခါတည်းထည့်လိုက်၏။နန်းကြီးသုပ်စားကြတာမလို့ ဗိုက်ကထမင်းစားတာလောက်တင်းတိမ်မှာမဟုတ်မှန်းသိတာကြောင့် မုန့်အပိုယူသွားခြင်းသာ။ပုံမှန်အချိန်မှာဆို မုန့်တွေယူမသွားဖြစ်။သွားရည်စာစားခြင်းကလဲ သွယ်ဝိုက်ခြင်းနည်းနဲ့ ဝင်ငွေထွက်တာပဲလေ။အဲ့အစား ထမင်းကြမ်းစားသွားတာကမှ ဗိုက်ပိုပြည့်အုံးမည်။
"ကောင်းကောင်း ငါသွားပြီ။ခြံတံခါးလိုက်ပိတ်အုံး."
"အေး..ငါgameဆော့နေလို့ ပြီးရင်ပိတ်လိုက်မယ်။မင်းတံခါးစေ့ခဲ့လိုက်လေ."
"ပိတ်ဖို့မမေ့နဲ့နော်။အပြင်မသွားတော့ဘူဆိုရင် သော့ပါတစ်ခါတည်းခတ်ထား.."
အပင်စိုက်တာ ဝါသနာထုံတဲ့သူဖြစ်တာကြောင့်နှစ်ရှည်ပင်ဖြစ်တဲ့ မာလကာပင်၊သြဇာပင်တွေကို နေရာလွတ်ရှိသလောက်စိုက်ထားဖြစ်သည်။ညနေဘက်မှာလမ်းထဲက ကလေးတစ်ချို့က မှောင်ရိပ်ခိုပြီးမာလကာသီးခိုးတတ်ကြတာမလို့ အိမ်ခြံဝန်းကိုလဲ စိတ်မချနိုင်ပေ။နှမြောတတ်တဲ့သူမဟုတ်ပေမယ့် စည်းကမ်းမရှိလုပ်တာကိုတော့ ဘယ်လိုမှသဘောမကျ။ခွင့်တောင်းပြီးခူးတာဆိုရင်တော့ အလွမ်းတို့က အပင်ပေါ်ပါတက်ခူးပေးဖို့အထိ ရက်ရောပါတယ်။
ရွာကအိမ်မှာဆို မာလကာပင်ကြီးတွေက ခြံထဲမှာလေးငါးပင်လောက်ရှိတာ။ခူးချင်တဲ့သူလာခူးဆိုပြီးတံချူပါအဆင်သင့်ထောင်ပေးထားသည်။အလှူရေစက်လက်နဲ့မကွာအောင်မလှူနိုင်ပေမယ့် ဒီလိုအသီးအနှံလှူရတဲ့အကျိုးကြောင့်ထင်ပါတယ်။ကျွန်တော့်အသားရေလေးတွေက ဖြူတာမဟုတ်ဘဲ ဝင်းဝင်းလေးရှိနေသည်။
အဆင်သင့်ဖွင့်ထားတဲ့ခြံတံခါးအတိုင်း ကျွန်တော်ဝင်လာခဲ့လိုက်သည်။ပထမတစ်ခေါက်ရောက်ဖူးပြီးသားမလို့ အခက်ခဲမရှိဝင်သွားနိုင်ပေမယ့် နည်းနည်းတော့ကြောင်စီစီနိုင်လှသည်။တခြားရက်ကွက်တွေသွားသင်ရင် စက်ဘီးနဲ့သွားတတ်ပေမယ့် တစ်လမ်းထဲကအိမ်တွေကိုဆို ခြေလျင်သာသွားဖြစ်သည်။လမ်းများများလျှောက်တော့ ခန္ဓာကိုယ်မှာ အဆီမရှိတဲ့အကျိုးလေးတွေပါ တစ်ဆက်တည်းရ၏။
"အန်တီ ကျွန်တော်ရောက်ပြီခင်ဗျ..."
ရှူဆေးဘူးကို အန်တီကရှူရင်း ဆိုဖာပေါ်မှာပေါ်မှာခြေပစ်လက်ပစ်ထိုင်နေသည်။လုံးဝနွမ်းဖက်နေသလို၊အားအင်မရှိတော့တဲ့ပုံစံမျိုးဖြစ်နေတာကြောင့် စိတ်ပူသွားရပြန်သည်။အခုထိ ဟိုကောင်လေးအရိပ်ရောင်ကိုမမြင်ရသေးတာကြောင့် မျက်မှောင်တွေတွန့်ချိုးထားမိသည်။စာသင်ပေးခဲ့ဖူးတဲ့ကလေးတွေဆို ခြံဝအထိလာကြိုတာတို့၊ရောက်တာနဲ့ရေတစ်ခွက်ပေးရတာတို့ ရှိကြပေမယ့် ဒီကောင်လေးကျတော့ လူနဲ့တူတဲ့အရိပ်ကိုပင်မတွေ့ရတာ။
"ဝင်ခဲ့ပါ ဆရာလေးရယ်.."
အန်တီက ကျွန်တော့်ကို အားနာသလိုကြည့်ရင်း လက်သီးဆုပ်လိုက်၊ဖွင့်လိုက်လုပ်နေသည်။အသက်ကိုပြင်းပြင်းရှူကာ စိတ်ကျလျှော့ချနေတဲ့ပုံစံမျိုး။အခြေအနေက မဟန်ပါ။ဟိုကောင်လေးပတ်သတ်ပြီး ပြသနာတစ်ခုခုရှိပြီထင်ပါတယ်။
"နေမကောင်းဘူးလားအန်တီ။မလန်းဘူးနော်."
အရင်ကတည်းက မျက်မှန်းတန်းကာ စကားပြောဖူးတဲ့လူတွေ ဖြစ်တာကြောင့် ရင်းရင်းနှီးနှီးသာပြောဆိုဖြစ်သည်။သားလုပ်သူကအချိုးမပြေတော့ အမေလုပ်သူစိတ်ဆင်းရဲနေတာကိုတော့ ဘယ်လိုနည်းနဲ့မှသဘောမကျပေ။စာသင်ကာမှ အပြစ်မရှိအပြစ်ရှာကာ ထိပ်ကိုငါးချက်လောက်ခေါက်ပစ်အုံးမည်။ဘယ်ကလေးအပေါ်မှာမှ အခုလိုစိတ်မထားခဲ့ပေမယ့် ဒီကောင်လေးကိုတော့ ဘယ်လိုတွေးတွေး negativeတွေသာ ပြနေ၏။အနှုတ်လက္ခာဖာရင်ဟိုက်က minusအောက်မှာ ဖြစ်နေသည်။
"နေကကောင်းပါတယ်ဆရာလေးရယ်။
ဘယ်ကနေ ဘယ်လိုစပြောရမှန်းတောင်မသိတော့တာပါ။မျက်နှာလဲပူသလို၊အားလဲနာရပါတယ်."
"ပြောပါခင်ဗျ။အားမနာပါနဲ့.."
"ဆရာလေး တခြားစာသင်ဝိုင်းကိုဆက်သွားဖို့ရှိသေးလား။ကျွန်မတို့ အိမ်က ပြန်ရင်လေ.."
"မရှိတော့ဘူး အန်တီ။ကျွန်တော်က စာသင်ဝိုင်းတွေကို လေးနာရီအထိပဲထားတာ။မနက်ကတည်းကတောက်လျှောက်သင်တာဆိုတော့ နားချိန်က သိပ်မရဘူးလေ။အန်တီကိုကျတော့ အရမ်းအားနာလို့ စာသင်ချိန်တိုးပေးလိုက်တာပေါ့။စာသင်ရတယ်ဆိုတာ နာမည်ကပဲသက်သာတာအန်တီရေ။စိတ်နှစ်ကိုယ်နှစ်နဲ့သင်ရင် အရမ်းပင်ပန်းတယ်။ကိုယ်သင်သလောက် ကလေးကစာမရရင် နှစ်ခါပင်ပန်းပေါ့။စိတ်မောလူမောကြီး.."
ဆရာလေးက အကြောင်းစုံကို ရှင်းပြမှ အားနာတဲ့စိတ်က တစ်ဆင့်ထက်တစ်ဆင့်တိုးပြီးဝင်ရောက်လာခဲ့ပြန်ပါသည်။ကျွန်မ ဘယ်ကနေ ဘယ်လိုစပြောရမှန်းတောင် စဉ်းစားလို့မရတော့ပါ။
"ဟုတ်တာပေါ့ဆရာလေးရယ်။ဟို..ဟိုလေ."
"ဟုတ်ကဲ့ ပြောပါခင်ဗျ.."
ကျောင်းသားနဲ့တူတဲ့ အမြီးတစ်ချောင်းကိုတောင် မတွေ့ရသေးတာကြောင့် စိတ်ထဲမှာမတင်မကျဖြစ်လာရသည်။အန်တီ့ပုံစံကလဲ တစ်ခုခုကိုပြောချင်နေတာထက်၊တောင်းပန်ချင်နေတဲ့ပုံစံဆိုတော့ ပိုပြီးတော့ သိသာနေတာပေါ့။
"ခုနေ့ ဆန်းဒေးဆိုတော့ အလုပ်ပိတ်ရက်ပေါ့ဆရာလေးရယ်။ကျွန်မအလုပ်က အရမ်းစိတ်ပင်ပန်းရတဲ့အလုပ်ပါ။ဆန်ပွဲရုံကို ညီမတွေနဲ့လွှတ်ထားပေမယ့် ကျွန်မက ဝင်ကူစစ်ရသေးတယ်လေ။ပြီးတော့ အခုရာသီက ပွင့်လင်းရာသီဆိုတော့ ရုံးမှာလဲ အလုပ်တွေအရမ်းများလာနေပြီ။နိုင်ငံခြား ဧည့်သည်အတွက် Guideငှားရတာတို့၊ပြည်တွင်းခရီးသွားတွေအတွက် ခရီးပုံစံပြောပြပေးရတာတို့ကျတော့ လူမနိုင်ရင် ကျွန်မပါ ဝင်ကူရတယ် ဆရာလေးရယ်။"
လိုရင်းမရောက်သေး။အန်တီက သူ့အလုပ်အကြောင်းကို ပလ္လင်ခံနေတာ နာရီဝက်နီးပါးလောက်ရှိလုနေပြီ။ကျွန်တော်လဲ အရမ်းရှည်လွန်းနေတဲ့စိတ်ကို ဆွဲဆန့်ကာ အပြုံးတုတစ်ခုကိုသာ ဆင်မြန်းထားလိုက်၏။
"နေ့ခင်းမေ့လည်ဘက်တွေက အိပ်လေ့အိပ်ထမရှိပါဘူး။ခုနေ့မှ မနက်ကလဲ မီးဖိုချောင်ဝင်ရတယ်။
အိမ်အလုပ်တွေသိမ်းရဆည်းရနဲ့ဆိုတော့ ထမင်းစားပြီးတစ်ရေးအိပ်လိုက်တယ်ပေါ့ဆရာလေးရယ်။ခုနကမှပဲ နိူးပြီး စာသင်ဖို့သွားနှိုးတော့ အခန်းထဲသူမရှိနေဘူး။ကျွန်မလဲ ဘာလုပ်ရမှန်းမသိတာနဲ့ ဖုန်းဆက်လိုက်တယ်ပေါ့။သူ့သူငယ်ချင်းတွေလူခေါ်လို့ ကျွန်မကိုတောင်မပြောပဲ လိုက်သွားတယ်တဲ့ဆရာလေးရယ်။အဲ့ဒါနေ့ခင်းကမှ မုန့်ဖိုးတစ်သိန်းပေးထားတာ။သူ့သူငယ်ချင်းတွေနဲ့ စုံမိရင်တော့ တစ်ရက်စာလောက်ပဲ သုံးစားပစ်မှာ ဆရာလေးရယ်။ကျွန်မဖြင့် သွေးတက်လိုက်တာ..."
"ခနလေး..အန်တီပြောချင်တာက အခု အန်တီ့သားက အန်တီမသိအောင်အပြင်ထွက်သွားတယ်။ခုအိမ်မှာမရှိဘူး အဲ့သဘောလား.."
အန်တီက မျက်နှာငယ်လေးနဲ့အားနာသလိုကြည့်ရင်း တောင်းပန်စကားကိုသာ အကြိမ်ကြိမ်ပြောနေတော့သည်။ဟိုကောင်လေးကို စိတ်တိုမိတာမှန်ပေမယ့် အန်တီကိုတော့ အားနာမိသည်။သားသမီးမကောင်းမိဘခေါင်းဆိုတာ ဒီလို အပေအတေတွေအတွက်ထားခဲ့တဲ့ စကားပုံပဲဖြစ်ပါလိမ့်မည်။စာသင်ချိန်တွေကိုတောင် အသစ်တိုးပြီးသူ့ဆီလာသင်ပေးခဲ့ခြင်းကို စာသင်ပေးခံရမယ့်သူက အိမ်မရှိဘူး၊အပြင်ထွက်သွားတယ်ဆိုတော့ ကျွန်တော့်အပေါ်ကြောလိုက်ခြင်းဖြစ်တယ်လို့ပါ တစ်ဆက်တည်းခံစားလိုက်ရသည်။ဒါမျိုးတော့ အလွမ်းကိုလာကြောလို့မရ။အကြောင်း သိကိုသိစေရမည်။
"ကျူရှင်စာသင်ရက်မှာ ဆန်းဒေးမပါဘူးဆိုတော့ ခုတစ်ပတ်တော့ထားလိုက်ပါအန်တီ။ကျွန်တော်က သူလိုအပ်တဲ့ဘာသာရပ်တွေကို ဆွေးနွးချင်လို့ခုနေ့တစ်ရက်လာကြည့်လိုက်တာပါ။မနက်ဖြန်တော့ ခုလိုမဖြစ်စေနဲ့ပေါ့။."
"အားနာလိုက်တာဆရာလေးရယ်။အအေးလေးသုံးဆောင်ပါအုံး။ကျွန်မသွားဖျော်လိုက်ပါ့မယ်."
"နေပါစေအန်တီ။ကျွန်တော် နန်းကြီးသုပ်တွေစားလာလို့ခင်ဗျ။ဒါဆို..ကျွန်တော့်ကိုခွင့်ပြုပါအုံး.."
"ဟုတ်ကဲ့ပါရှင့်။ကျွန်မခြံဝအထိလိုက်ပို့ပါ့မယ်."
"ရတယ်အန်တီ။နားနားနေနေ နေပါ။အားနာရမယ့်သူတွေမှ မဟုတ်တာပဲ။မနက်ဖြန်မှာသာခုလိုဖြစ်မယ်ဆိုရင်တော့ ကျွန်တော်အားနာနာနဲ့ပဲ စာသင်တာကို ရပ်ရပါလိမ့်မယ်.."
ကျွန်တော်လဲ အပွင့်လင်းဆုံးသာပြောလိုက်သည်။အန်တီမျက်နှာမကောင်းတာကိုသိပေမယ့် မတတ်နိုင်။အလွမ်းဆိုတဲ့ကျွန်တော်က ကိုယ့်အပေါ် စကားလုံးနဲ့ကြောတာကိုတောင်ကြိုက်တာမဟုတ်။ခုလိုအပြုအမှုတွေသာ ရက်ဆက်လာမယ်ဆိုရင်တော့ ပြတ်သားသင့်တာကို ပြတ်သားပစ်ရပေအုံးမည်။မက်လောက်စရာ လစာကိုပေးထားပေမယ့် ကျောင်းသားတစ်ယောက်အပေါ်ချော့မော့ပြီးစာသင်မယ့်အထဲမှာတော့ ကျွန်တော်မပါချေ။
"မဖြစ်စေရပါဘူး ဆရာလေးရယ်။ကျွန်မတာဝန်ယူပါတယ်။မနက်ဖြန် လေးနာရီကို ဆက်ဆက်လာခဲ့ပါရှင်."
"ဟုတ်ကဲ့ခင်ဗျ။ဒါဆို မနက်ဖြန်ထပ်တွေ့ပါ့မယ်အန်တီ."
အန်တီ့ကိုနှုတ်ဆက်ရင်း ခြံထဲကနေထွက်လာခဲ့လိုက်သည်။စိတ်ထဲမှာတော့တစ်နုံ့နုံ့နှင့်။စာသင်လာခဲ့သမျှတစ်လျှောက်လုံးခုလိုအဖြစ်မျိုးမကြုံခဲ့ရဖူးတာကြောင့် ဒေါသစိတ်က ဘယ်လိုမှဖျောက်ဖျက်လို့မရ။ဒီကောင်လေးနဲ့ကျွန်တော် မနက်ဖြန်တော့တွေ့အုံးမှာပါ။
9.3.2022(Wed)
10:02pm