.
.
دخل الغرفة وشافها على وضعها منسدحة وتبكي ، اوججعة قلبة عليها وراح لها ، انسدح قبالها وباس شفتها ومسح دموعها:خلاص ، ترا دموعك تعذبني ، مااقوا اشوفك بذا الحال..
حسنا من بين شهقاتها:صصقر انت خنتني ، شايف ذا الشي سهل وجاي تقولي ماتقوا تشوفني كذاا!! ، مسحت دموعها وناظرتة ووجهها مورم واحمر من البكي ، عشان مالي احد تقوم توججعني وانت داري ان مالي اهل بيوقفون معي ، تقوست شفتها وبرجفة ، عشان ابوي واخواني تبرو مني ومالي احد ، شهقت بقوة واجهشت بالبكاء بعد ماجرها لحضنة وضمها بقووة:اششش وشهالحكي ، كيف مالك احد وانا وين رحت ، تركها وباس شفتها اللي ترججف ، انا لك ام وابو وزوج واخو . قلتها لك من قبل واقولها لك هالحين ، مسك ايدينها وباسها ، اسسسف والله اسف ، حسنا وربي احبك ومااشوف بالدنيا غيرك..
حسنا بصراخ:صصقررر انت من ايشش مخلوق ، تقول تحبني وانك لي الابو والاخو والزوج ، وتخخوني ، تقول ماتششوف ف الدنيا غيري وانت كنت بالفراشش مع وحدة غيري!! ، ارررحمنيييي خخلاصصص تكفى صقر اتركني لحالي وربييييي بمووووت ااااةةة يمة اااااة..
ضمها بقوة وهو خخايف عليها اول مرة يشوفها بهالحالة:تكفين اهدي لاتسوين بنفسك كذا..
حسنا بهمس وهي مغمضة عيونها من التعب:لية خنتي صقر لييةة؟ انا احبك..
باس راسها وتم ساكت ، بعد فترة حس انها نامت سدحها بشويش وغطاها وطلع ، شاف بوجهه امة وحريم ابوة وخواتة طالعين من غرفة عبدالعزيز ، تغير وجهه..
شريهان:ي ماشاء الله ، مالها الست حسنا حابسة نفسيها ف اوضتها وماامتش لدلوأتي وانتا طالع من قوا الاوضة زي الحرامي ، شهقت وحطت ايدها على صدرها وصغرت صوتها ، ليكونش الست هانم نايمة وخايف تفوء..
صقر:يمةة اء ، حسنا تعبانة شوي..
تخصرت شريهان ورفعت حاجب:تعبانة؟؟ ، لفت على فريال وشمايل والهام اللي للحين واقفين وبحدة ، مالكو وائفين هينا لدلوأتي بتستنو اية!..
لفت على صقر وخزتة بعد مامشو:اولتلي تعبانة هاة؟؟ ، تعبانة وصوتها وهيا بتزعأ واصل لؤضت اخخوك! ، اخس عليك ي ابن القزمة واللاهي معرفتش اربيك ، ابنيييي ابني انا مراتو بتعلي صوتها علية ، ابن المحروسة شريهان اللي كل ولاد الحتة بمصر بيخافوها طلع مش راقل! ، تفلت ف الارض ومشت..
.
.
ابتسم وناظرها:خفتي علي!!..
صدت تحاول تخفي خجلها:لا بس انقرفت من المنظر ودخت..
رفع حاجب:اهاا!..
نزلت راسها وصارت تلعب بأيدينها..
عبدالعزيز:تهقين قول شمايل صايب ان انتي حامل؟؟..
ناظرتة بسرعة:لااء ، استحت ، مستحيل..
عقد حواجبة:لية مستحيل؟..
ميرال بأحراج ووجهها احمر:لان توك داخل علي من فترة..
عبدالعزيز:دام قولك كذا اجل يلا انا ابغيك تحملين..
نحاشت منة بسرعة بعد ماقرب:عزيززز!..
عبدالعزيز بحدة:اسسمعيني زين وهذاني بلغتك ، ان ماحملتي خلال هالشهر ابعرس واخذ الثانية انا ابي وحدة تجيب لي الولد..
تغير وجهها وصارت ترمش بسرعة منصدمة من اسلوبة اللي فجأة تغير..
عبدالعزيز:هههههه لاتخافين ماني معرسن عليك ولاني مستعجلن ع الحمال..
برطمت ودخلت الحمام..
دخل وراها وعصبت:عزيز اطلع..
فصخ ثوبة وفانيلتة ورماهم بالارض:خذي راحتك ، ابتروش انا..
ميرال:ابطلع!!..
عبدالعزيز بأبتسامة:اطلعي محد ماسكك!..
ميرال:طب بعد عشان اطلع..
بعد شوي بحيث انها لاجت تطلع لازم تلصق فية ، مرت من جمبة وبسرعة لصق فيها ولصقها بالجدار..
ميرال بتبكي:لاءءء عزيزز حرام عليك..
باس رقبتها وبهمس:انتي اللي حرام عليك..
.
.
دخل المجلس وجلس جمب ابوة وهو ساكت..
بومطلق بهمس وبحدة:وين كنت ذالفن فية؟؟..
صقر:بالغرفة رحت اتروش بعد ماذبحنا الذبايح..
بومطلق:ماششاء الله ، يعني هالحين تبتقنعني انك ذابحن لك خروف مع اخوانك يالتسذوب! ، ابك انت عصفور ماتقدر تذبحة!..
صقر:يبة!..
بومطلق:وحطبة ، قم طس روح قل للحريم يجهزون القهوة..
قام وهو ساكت..
.
.
طلع بعد ماتروش ولبس ثوبة الابيض ولف غترتة السكرية اللي بها نقش بالاحمر والبني ، تعطر وطلع متجة ل مجلس الرجال وهو مبسسوط عشان قرب زواجة واخيراً مابقى علية الا اسبوع ، صار يتخيل كيف بتكون حياتة معها ويتخيل كيف بيكون شكلها ، اكيد جمميلة ، اذا صوتها جميل ويفتن كيف شكلها بيكون ، وقف وعقد حواجبة بعد ماسمع صوتها اللي صار يعشقة ويعرف نبرة صوتها ونعومتة ويميزة من بين كل الاصوات ، ماقدر يتمالك نفسة والتفت يبي يخطف نظرة سريعة لمحبوبتة اللي من ارتبط اسمها بأسمة صار يحبها وماهو اي حب ، حب طاهر وصافي ك صفاوة قلبة ، حس بالدم يضخ بجسمة بقوة وخفقان بقلبة اللي يحس انة بيطلع من مكانة ، حط ايدة على صدرة يحاول يهدي ضرباتة خخايف لا تسمع صوت دقات قلبة ، صار يتأملها وهي تكلم بالجوال وتلعب بشعرها ، تنهد بقوة ، اجمل بكثثير مما تخيلها ، قطع علية سرحانة فيها لما انطقت اسمة..
:ظافر!! ، اففف لاتذكريني فية استغفر الله ياربي نشبة هالانسان مايحسس ، ي خي ثقيل دم ماينبلع ، غدير لاتحاولين ، اساساً فرق السما والارض بين ذا اللي ينقال لة ظافر وراشد ، تقوست شفتها ، وحشني اليوم دقيت علية وجوالة مغلق افف ، وش اللي متزوجة وعلى ذمة رجال! ، وذا تسمينة رججال! ، يمشي ورا ابوة تقل بزر وابوة يمشي كلامة علية وهو ساكت ، ي خي ماعندة شخصية ، وانا اقولها الف مرة مااطيق الرجال اللي بلا شخصية ، ح..
.
.
.
.
ي خي ماعندة شخصصية ، وانا اقولها الف مرة مااطيق الرجال اللي بلا شخصية ، حلو الرجال يكون شديد وشخصيتة قوية ممم مثل حبيبي راااشد..
حسس كأن احد كب علية ماي بارد ، حس انة غغغغبي كيف ماانتبة انها ماتحبة ولا تطيقة ، طول الشهر يكلمها وهي تتعذر او تتأفف طول المكالمة ، غمض عيونة بقووة وهو يسمع باقي كلامها وتجريحها فيةة..
شهقت عفراء بعد ماشافت صقر طالع مستعجل وبسرعة حطت الشيلة على راسها وتغطت ومشت ، مشى صقر بأستعجال ومومنتبة لها وشايل بأيدة صينية دلال الشاي والقهوة والفناجيل ، عقد حواجبة بعد ماشاف ظافر واقف عند شجرة كبيرة ومعطية ظهرة:ظافر!!..
خاف بعد مالف ظافر وشاف شكلة:وشبلاك! ، وراة وجهك لونة منخطف!!..
ماقدر يرد علية ومششى وهو حاسس ان كل احلامة اللي بناها معاها تدمرت وكل كلمة قالتها ترن بمسامعة وبسكاكين تنهش قلبة..
ناداة صقر:ظافر!! ، لحظة ، راح بسسرعة المجلس وحط الصينية بالارض بقوة وتناثرو الفناجيل والتمر بالارض وطلع يركض ومتجاهل سب وصراخ ابوة ، رفع ثوبة وصار يمشي بخطوات كبيرة وبعيونة يدور ظافر لاكن ماشافة ، انتبة لسيارة ظافر انها موموجودة وطلع جوالة من جيبة بسرعة ودق علية اكثر من مرة لاكنةة مايرد ، ززاد خوفة علية ، اول مرة بحياتة يشوف ظافر بهالحالة ، ركب سيارتة بسرعة وصار يفتر بين المزارع يدورة..
.
.
بالمجلس الداخلي ، دخلت وهي شايلة صينية حب ومكسرات وحلا ووراها هيلة بأيدها دلال الشاي والقهوة ، ناظرت خالتها اللي اتكت ع الارض وقامت:وين ي خالة!!..
ام الوليد:ماكلمك الوليد!! ، بنرجع للبيت..
تغير وجهها وراحت لها:خالة تكفين كلمية خلينا نجلس..
ام الوليد:مقدر يمة ، علاجي خلص ولازم ارد البيت اكلة ، تبين اكلم لك الوليد عشان تبقين مع هلك!!..
ابتسمت:ايةة ياليت..
ابتسمت لها ام الوليد واتصلت علية:هلا يمة ، ناظرت الهام ، زوجتك تبي تجلس شوي عند اهلها ولين ردو يردونها البيت ، يمة ميخالف خلها تنبسط شوي وشفيك عصبت الله يهدااك!! ، زين زين ، ربي يصلحك ، سكرت وناظرت الهام وتنهدت..
فهمت الهام ومشت غرفتها بهدوء وراحت تجهز وتحاول انها ماتبكي..
شافتة بالغرفة جالس ينتظرها ، صدت وفتحت الشنطة وصارت تحط الملابس اللي بالدولاب بوسط الشنطة..
الوليد:تبين تبقين عند اهلك؟؟..
ماردت..
الوليد بحدة:اكلمك انااا!..
التفتت وهي تمسح دموعها:وشسويت لك انا ، لية تعاملني كذا ، تعاقبني عشاني حبيتك!!..
ضحك بصوت عالي وقام متجهه لها ، مسكها من ذراعها بقوة وقومها:لية للحين مسوية لي فيها المسكينة والمظلومة ، دفها بقوة ، افهميييي تراك متبلية علي بشي انا ماارتكبتة اتهمتيني بذنب انا م سويتةة وتقولين تحبيني! تحسبين ابقولك خلاص دامك تحبيني ابغفر لك وابنسي!! ، تهبين ، وربي مارح ارحمك ولو انك حاطة ببالك ان فترة وتعدي وبعدها ابتعود عليك وشوي شوي واحبك ، والله ثم والله لو ماباقي بالدنيا حرمة غيرك ماحبيتك ، انتي بعيوني ششيطان خبيث ، مسك كتفها ورص علية بقوة ، اسمعيني زين ، ان شفتك قربتي لخواتي وحاولتي تبثين سمومك وتلعبين بعقولهم لاتلومين الا نفسك ، انتي خخددامة والخدامة ماتسولف مع اسيادها ، نفضها ورماها بقوة بالارض ونزل لمستواها وبهدوء:واذا تبين اسامحك واغفر لك ذنبك ، سكت فترة ، تروحين لاهلك وتقولين لبوك انك انتي اللي داخلة علي مهوب انا وتعترفين ب كل شي سويتية غير كذا لو تحلمين مااسامحك ، ناظرها بأستحقار ، ويلا هالحين روحي جهزي شنط امي وخواتي بسسرعة..
.
.
دخل المزرعة وهو متضضايق ، افتر حول المنطقة كلها يدور على ظافر لاكن م لقاة ، دخل المجلس وجلس جمب ابوة وكل تفكيرة ظافر وششفية ، اكثر انسان يعرفة ، اقربلة حتى من نفسة رغم ان صقر دايم يعلق علية لاكنة يححبة اكثر واحد ، صار يهز رجلة بتوتر وخخوف ان ظافر يصيبة شي وماانتبة لابوة اللي ينادية ، ماحس الا بالعصا بخاصرتة:اااةة..
بومطلق:ووجعاة ، وشساهين بة ، لي ساعة اناديك..
عقد حواجبة وبضيق:امر يوبة!..
بومطلق:ظافر وينة فية! ، كل ذا يتروش موعادتة يطول علي..
توتر صقر:م مدري الظاهر واحد من اخوياة تعبان وراح يشوفة..
بومطلق:مهيب من عوايدة يروح مكان الا قايلي قبل ، اششوف رن علية وقلة يجيني مالة لزمة يروح عند خوية شايبة اولى بة..
اخذ جوال ابوة ودق علية وبعد ثالث رنة رد:هلا يبة!..
صقر بحدة:يالهيسس تعال بسرعة والله ان ماجيت لالعن خيرك ، سكر ورمى الجوال جمب ابوة..
ناظرة بومطلق وهو رافع حاجبة:وراك تكلم اخوك تسذا!!..
صقر:ااء لا بس عشان يخاف ويجي بسرعة مايطول..
.
.
.
.
دخل المجلس وراح عند ابوة وباس كتفة:سم يبة ، بغيتني!!..
بومطلق:اية يابوك ، تعرف اني ماني متعودن اجلس الا وانت على يميني ، وخويك ذا مالة صلاح فيك مابتنفعة ، خلك جمبي وادعي ان الله يقومة بالسلامة..
ناظر ابوة وهو مستغرب ثم ناظر صقر اللي يأشر بعيونة ثم فهم وسكت ، انخمش قلبة بعد ماسمع ابوة يكلم عمة يتكلمون عن امور الزواج وان كلشي خالص وبومطلق يتكلم بفخر انة راح يكون افخم زواج لاصار ولا استوى وان كل اللي يسوية لجل ظافر وصار يمدح ظافر ويثني علية وظافر منزل راسة ويحس بتبلد وللحين كلامها يرن بأذنة..
نبهه صوت ابوة:قم مع اخوك للمطار عمتك جت من الامارات روحو جيبوها ، ناظر صقر ، قم معة لجل تناوسة بالطريق..
قام ظافر وهو ساكت ولحقة صقر بسرعة ، ركب السيارة وشغلها وركب صقر جمبة ومشى بسرعة حتى قبل لاصقر يسكر الباب:ههههيي وششفيكك!!..
مارد وتم يسوق بسرعة..
صقر:مهبول انت وششفيك ، وقف ، وققققفف ، اذا انك ناوي تموت موت لحالك مو تموتني معك ، قووم!!..
نزل صقر وركب مكانة وراح ظافر ركب مكان صقر وصد يناظر الدريشة..
صقر:انطق قلي وشفيك؟؟..
ظافر:مافيني شي..
صقر:ظافر تراني ماني غبي ، واضضح ان فيك شي ولا شي كايد بعد ، منت ظافر اللي انا اعرفة اول مرة اشوفك بذا الحال! ، تكلم قلي وشفيك؟؟..
ظافر بحدة:مممافييينييي ششييي!.،
انصدم صقر ، لاول مرة فححياتة ظافر يعلي صوتة علية ، ناظرة وهو مبلم ومومستوعب ان ظافر الهادي اللي عمرة ماصرخ ولا عصب يصرخ بوجهه بهالطريقة اللي ارعبتة ، ضغط بريك بقووة ولف علية:ههييي انت لاترفع صوتك علي! ، تولي بالطقاق اللي يطقك مولازم تقول ، لكن الشرهه موعليك علي انا اللي لي ساعتين ميت خوف عليك وجالس احاتيك ، مشى وطول الطريق ساكتين..
وصلو المطار ونزلو يمشون بعيد عن بعض ، صقر زعلان على ظافر ومقهور وظافر يمشي وراة ومو حاس بالدنيا ماغير كلام عفراء يتردد ببالة ، قرب من صقر وبهدوء:صقر!..
لف علية:نعممم!! يرحم امك لاتسوي لي فيها بتعتذر ومدري ايش لاني انا الغلطان اللي خايف وشاغل بالي على واحد مو كفو مثلك..
غمض عيونة وبهدوء:ابطلق عفراء..
صقر بصراخ:ايشششش!! ، انتبة للناس اللي التفتو يناظرونة ، سحب ظافر من جيبة وراح بعيد ، رص على اسنانة وتكلم بحدة ، مهبول انت واعي لنفسك وللحكي التقولة!! ، قرب وشم ثمة ، لايكون شارب شي ، صصاحي انت ككيف تبي تطلقها ومابقى على زواجكم الا اسبوع! ، عقد حواجبة وبهدوء ، شايف ع البنت شي؟؟..
ظافر:وشهالحكي بنت عمي ومابلاقي احسن منها ، لكن احس اني تسرعت شوي وموب هي الزوجة اللي انا ابغاها..
صقر:لايكون شينة وتشبة عمي بطي!..
ظافر:استغفر الله ، صقرر!!..
حك صقر رقبتة:طب قلي وش البلا اللي فيها وانا اوعدك اني اوقف معاك..
ظافر:مابها شي ، قلتلك انا اللي بي البلا ، ماحس اني حبيتها..
صقر:ماينفع تطلقها ، لان لو طلقتها الناس كلها رح يتكلمون فيها ، ولد عمها ماعافها قبل الزواج بأسبوع الا لنة شايف ع البنت شي ورح يتكلمون بشرفها وسمعتها ، اصبر خلني افكر بحل ، ضرب راسة ، اوووة نسسيت عمتي شيخة ، راح يركض ووراة ظافر يمشي بهدوء..
وقف صقر وفتح ثمة ع الاخر:جاك الموت ي تارك الصلاة ، وششجابها ذي!! ، ابتسم ، هلا هههلا بجدتي هلا بالغالية ، اووف منزمان عنك والله حسبتك ميتة تخللتي ب الامارات ، اااححح جدة!!..
ام متعب:وقصص بلسانك ياالكافر ياعدو الله ياللي ماتخاف ربك..
صقر وهو يدلك رجلة بألم:للحين مانسيتي السالفة!!..
ضربتة بالعصا:شل شل اغراضي وامش وانت ساكت لاامردغك بذا العصا على ظهرك يالسروق ، تلافتت ، شيخة وينها فية! ، رفعت ايدها وصارت تأشر ، شيخة ، شيخخة تعالي لقيت الكافر ولد اخوتس::
لوى شفتة وصد ، ابتسم لعمتة بعد ماجت وسلم عليها وسلم على بناتها وهو منزل عيونة..
مسك ظافر جدتة واسندها لة ومشت معاة وهي تسولف ونص سوالفها سب ولعن ف صقر..
صقر وهو عافس وجهه ويمشي جمب عمتة:عمتي بالله كيف عايشة عندكم ومستحملينها طول هالفترة ، تنهد وهز راسة ، الحمدلله ان الله فكنا من شرها والله يعينكم على مابلاكم ربي..
ضحكت شيخة:اسكت بس لاتسمعك ، طول الرحلة وهي تهدد فيكم..
صقر:اوف ، ابوي مايدري انها جت معكم!!..
شيخة بضحكة:لا محلفتني ماقول لحد عساس بتبقى ب الامارات مع بناتي بس اصرت انها تجي وتحظر زواج اخوك وتشوف حرمة عزيز..
لوى شفتة:معناتة القعدة بتطول عندنا ، اففف..
ركبت شيخة وبناتها بالسيارة وظافر وصقر يحطون شنطهم ورا ، جا بيركب صقر وانصدم ان جدتة راكبة قدام:لحووول ، جدة يرحم امك اركبي ورا قبل لاحد يشوفك..
ام متعب:مانيب راكبة ، يلا فارق اركب ورا وخلن اسوق..
صقر وهو راص على اسنانة:لا بالله انفضحنا ، بهداوة ، ادري انك تسوقين وبالامارات عندك سيارة لكن محنا بالامارات حنى بالسعودية تكككفين طلبتك انزلي قبل لاحد يشوفك وننفضح..
دفتة بعصاتها بقوة وبعدتة ونزلت وهي تسبة..
مسكها:خليني اساعدك..
بعدتة:لو تشوفني طايحة بالارض انازع مابيك تساعدني يالكافر يالسروق..
صقر:لحووول ، اللي يسمعك يقول اني مدخن زقارة حشيش مو زقارة عادية وترا ماسرقت منك الا عشرة ريال كنت مطفر..
ناظرتة بأستحقار وسكرت الباب بقوة..
تأفف وركب ومشى وطول الطريق الجدة تسب وتتوعد بالبيت كلة وصقر عافس وجهه وساكت وظافر موحولهم ابد..
.
.
بالمزرعة ب مجلس الرجال ، جالس يتقهوى وياكل التمر ويسولف مع اخوانة ب امور الxxxx والفلل اللي بناها ويمدح صقر بكيفية تعاملة واسلوبة مع المشتريين ، لف بعد مادخل صقر وشافة قالب وجهه:جت عمتكم!!..
صقر بدون نفس:اية ومعها مفاجأة تسرك بالحيل..
شوي ودخلت وحدة قصصصيرة ولابسة عباية راس وبرقع اماراتي ومتكية على عصا خشبية بنية:هلا بعيالي..
شرق بومطلق بالقهوة ونصها انكب على ثوبة واحترق:يمةة!!..
ام متعب:وصمممة تصم اذونك يالعاق ، لاتقولي يمة ، انا ماجبت الا شيخة ، ليتني ماجبتكن بس ، ليت كل خلفتي بنات ، ليتني سقطت يوم حملت فيكم ، انت بذااات ليتني بركت فوقك وموتك يال.. ، صدق ماتستحون ، كل واحد فيكم اردى من الثاني يالتسلاب ، ولا واحدن فيكم يرفع السماعة ويسأل عني!! ماكلفتو على نفسكم تسألون عن اميمتكم! ، نسيتو ان عندكم ام ولا بس قلتو راحت جلست عند شيخة كم شهر خلاص ننساها ، لكن دام اني ماعرفت اربيكم قبل هالحين ابربيكم من جد وجديد يالسلوقي انت وياة ، انا عارفتن ان البلا موب فيكم البلا من راس الحياية والxxxxب حريمكن ، وينهن فية انا اعلمهن شغلهن والله لااشغل هالعصا فوق ظهورهن واخليهن يرقصن سامري!!..
صقر:اوة جدتي تعرفين والله للسامري!..
ام متعب:كل تبن وانطم دامي ساكتتن عنك ولاهيتن ببوك وعمامك ال..
بومطلق:يمة الله يهداك وشهالحكي ، مايصير تكلميني انا واخواني كذا قدام عيالنا!..
ام متعب:لاااا؟؟ ، علمني بعد كيف اتكلم!! ، سد حلقك بتراب يالعاق انت وياة وخل عيالكم يعرفون ان انتو عاقين بمكن المسيكينة ، دقت صقر ب صدرة بعصاتها ، وانت يالسروق خذني لهن اشوف..
تأفف ومسكها ومشى معها ، راح عند قسم الحريم وتنحنح وبعد فترة دخل وهو ماسك جدتة:السلام..
شهقت شريهان بقوة وفريال غصت بالتمرة اللي كانت تاكلها والباقي يناظرون الجدة وهم مبلمين..
ام متعب:حنا لو داخلين على يهود ردو السلام ، لوت شفتها وناظرت فريال ، بسم الله عليتس شوي شوي لاتموتين علينا ، لفت على شريهان وبتمسخر ، وانتي الثانية علامتس يوم شفتيني شهقتي ، كل ذا شوق لي! ، بحدة ، قوووومن سسسلمن عليييي!..
قامو كلهم وهم يتنافضون وراحو سلمو عليها وباسو راسها وايدها ، سحبت ايدها ونفضتها بقرف بعد ماسلمو عليها ، مشت بهدوء وجلست وناظرتهم:علامكن للحين واقفات ، تفضلو لاتستحن مني ، خبري فيكن ماتعرفون الحيا والسنع والاصول ناظرت فريال من فوق لي تحت ، انتي يالعصلا صبي لي قهوة..
سرعت فريال صبت لها ومدتها لها..
ام متعب دقتها بعصاتها على ايدها وشهقت بعد ماانكب شوي من القهوة على ايدها:المفروض تقولين سمي الله ياخذك!..
فريال بوجع:سمي ، وبهمس ، الله ياخدك..
ام متعب بنص عين:وش ترطنين بة؟؟..
فريال:الت الحرء بيوجعني..
ام متعب وهي ترتشف القهوة بصوت:اييةة هذا نار الدنيا كيف نار الاخرة اللي بتصليك انتي واللي وراك ، هزت راسها ، ياويلكن من عذاب ربي تبون تاخذون ولدي مني! ، لكن معصصي ، وهذاني قاعدتن لكن قعدة وبشوف كيف تبتحرموني من ولدي ، ارتشفت القهوة بصوت وتفلتها ، وععع من مسويها ، ناظرت شريهان ، روحي احلبي لي من سميتك واطبخي لي الحليب مع حلبة..
لوت شريهان شفتها بقهر ومشت وهي تسب ف ام متعب وتلعنها ، لان ام متعب مسمية البقرة على اسمها واسم فريال والحريم اللي ماتطيقهم..
لفت على صقر:وانت تعال!..
جا وجلس جمبها..
ام متعب:عطني تتن..
صقر:هااة! ، م ماعندي!..
ام متعب:اقول ، هاتة بسرعة خل اقند هالراس..
صقر:طيب بس لاتعلمين ابوي..
ام متعب بنفاذ صبر:اخلصصص علي!..
فتح بكت الدخان ومدة لها عشان تاخذ وحدة ، اخذت البكت كلة وطلعت وحدة وحطتها بثمها وسكرت البكت وحطتة بصدرها ، هات القداحة..
لوى شفتة ومدها لها ، شغلت الزقارة وصارت تدخن وهي تخزهم ، ناظرت فريال:تعالي انتي همزي رجيلاتي تاجعن من المشي..
جت فريال وجلست عند رجولها وصارت تهمزها بقوة..
رفستها ام متعب:وجججعع يوجعك ، شوي شوي يال.. ، اشوف طسي مامنكن فايدة ، لفت على صيتة ، عزيز وينة!!..
صيتة:الظاهر مع حرمتة..
ام متعب:روحي نادية..
صيتة:ابشري ي خالة..
التفتت ام متعب على فريال:تعلمي يالعوبا شوفي السنع والاحترام كيف صاير ، لوت شفتها وصدت..
.
.
دخل الغرفة وهو قالب وجهه ، هو وجدتة مافي صلح بينهم ابدد ، لاهو يطيقها ولاهي تدانية ، ابتسم بعد ماشاف حسنا واقفة قبال التسريحة وتلبس شيلتها ، التفتت ناظرتة وبعدها نزلت راسها وجت بتطلع..
صقر:وين وين..
حسنا بهدوء:بطلع اجلس مع البنات شوي اغير جو..
صقر:اقول خلك هنا احسنلك والله ان طلعتي مابيجيك غير الهم والغم والنحس ومصايب الدنيا كلها بتجيك من ورا جدتي..
عقدت حواجبها:جدتي جت!!..
صقر بضيق:للاسف ايةة..
راحت جلست ع السرير وفصخت شيلتها:يووة صادق اجلس هنا احسنلي بدل لاتفضحني وتسفل فيني..
جلس جمبها وابتسم:لية انتي وشمسوية!!..
حسنا بخجل:مالك شغل!..
صقر:يلا ععاد!!..
حسنا:مرة كنا متجمعين وصارت صلاة ، قامو كلهم يصلون الا انا كان عندي عذر عاد جدتي شافتني ماصليت ومسكتها علي حسبالها اني كافرة ومااصلي وصارت كل ماشافتني تعايرني ، ععاد وشيفهمها ان كانت جايتني..
ضحك صقر:لا حالتك اسوء من حالتي ، اجل انتي طلعتي كافرة ، ههههه..
.
.
.
.
جالسة قبال التسريحة تنشف شعرها بالسشوار ، طفتة بعد ماانضرب الباب وراحت فتحتة:هلا خالتي..
صيتة بأبتسامة:عزيز وينة؟؟..
ميرال:بالحمام..
صيتة:بلغية ان جدتة جت..
ميرال:ان شاءالله ، سكرت الباب بعد مامشت صيتة وشهقت بعد ماحست فية لصق فيها وضمها من ورا وباس رقبتها:من جاي!..
بعدت عنة وصدت بعيونها بخجل بعد ماشافتة لاف الفوطة على خصرة:خالتي صيتة ، احمم تقول ان جدتك جت..
ابتسم:طيب يلا البسي لجل نروح نسلم عليها..
اخذ فانيلتة وسروالة اللي مجهزتهم ع السرير وراح يلبسهم ولبس ثوبة ووقف قبال المرايا ينسف شماغة ولبس كبكاتة ولبس الحزام الاسود على صدرة وحط فية السلاح ، فتح غرشة دهن العود وحط خلف اذانة وبمعصم ايدة ولف على ميرال اللي واقفة تناظرة:يلا؟؟..
ميرال:بتدخل عند الحريم!!..
عبدالعزيز:ايةة ابسلم على جدتي..
ميرال بغيرة:ي ويلك لو اشوف عيونك تتلاقط هنا ولا هنا..
شهقت بعد ماجرها لحضنة وباس شفتها:امهبول انا عندي هالزين واناظر غيرة؟..
ميرال:اية هذا حكيكم يالرجال ، رفعت صبعها وبتهديد ، رح اذبحك لو شفتك تبحلق ف الحريم..
مسك اصبعها وباسة:يازين غيرتك..
صدت:مااغار..
ابتسم:طيب ، ناظرها بنص عين وبجدية، لو احد يشوفك بالغلط ماحيحصلك خير ، خلك لابسة البرقع ولاتفصخينة احسن ، يلا!..
مشت معاة بعد مالبست برقعها وراحو عند مجلس الحريم ، تنحنح عبدالعزيز وبعدها دخل ووراة ميرال ، القو السلام وراح عبدالعزيز عند جدتة اللي من شافتة تهلل وجهها وصارت ترحب وتحيي فية:ياهلا ويامسهلا بشيخ الرجاجيل ، ياهلا ويامرحبها بالغالي ، هلا بسمي ابوي..
نزل وجلس قبالها على ركبة وباس راسها ويدينها ونزل لرجولها..
مسكت ايدينة وبأبتسامة:كيفك يالغالي عساك طيب..
عبدالعزيز بفرحة:بخير الحمدلله..
ام متعب:عسى هالxxxxب بس مومأذيينك ، والله لااوريهم شغلهم هالتسلاب يستقونً على يتيم..
ابتسم عبدالعزيز قرب منها وبهمس:بس وحدة متعبتني ححيل وابيك تورينها شغلها..
ام متعب بصراخ وهي تحرك عصاتها:منهي فيهن والله لااسود عيشتها هال..
ضحك:مهيب منهم ، شفتي هاذيك المزيونة ، ناظر ميرال اللي واقفة تبي تسلم على ام متعب بس تنتظر عبدالعزيز ، تنهد ، لاعبتن بي لعب..
ام متعب بنص عين تناظرها:منذي!..
عبدالعزيز:حرمتي..
توسعت عيونها ولفت بسرعة علية وبصراخ:اعرست ياللي ماتستحي! ورا ماعزمتون؟؟..
عبدالعزيز:عزمناك يمة بس كنتي مسافرة مع عمتي بلندن..
ام متعب:ايةة ، لوت شفتها ، من بنتة هاذي من اي عيلة!! ، شكلها اجنبيتن ماهي من العرب!..
عبدالعزيز:بنتك..
عقدت حواجبها وهي تناظرة بعدها شهقت بقوة:ماخذن بنت سعد!! ، ناظرت عبدالعزيز ، اندري انك عرست وجايتن لجل اشوف حرمتك لاكن ماهقيت انك تاخذ بنت العوبا الاجنبية هاذيك ، لوت شفتها ، عساها مهيب مثل امها؟؟..
ابتسم:انتي وشتشوفين؟؟..
ناظرت ميرال من فوق لي تحت:مدري اخاف انها عوبا ومن تحت لتحت مثل الضباعة اللي هنا! ، علت صوتها ، تعاليييي..
شريهان بهمس لفريال:ينهار اسود ومنيل بستين نيلة دي حتأطعها حتت ، لاة دي حتموتها ، اندهيلها ي بت متروحش للولية المفترية دي..
فريال بحماس:هشش خلينا نشوف ، ييي نائصنا فوشار ، اخذت صحن المكسرات وصارت تاكل..
قربت ميرال وهي خايفة..
ام متعب:علامك! منتي ناوية تسلمين علي؟؟..
نزلت وباست راسها ويدينها وقلدت عبدالعزيز وباست رجولها:شلونك يمة!..
تهلل وجة ام متعب:بخير ، تعالي اجلسي ، شيلي البرقع خنشوفك!..
ناظرت عبدالعزيز وشالتة..
ام متعب:بسم الله ماشاءالله ، منت بهين ي عزيوز ، لفت على عبدالعزيز ، علامك جالسن هنا لياهالحين! ، قم تلحلح ورح عند الرياجيل ترا محنا ماكلين حرمتك ، لاتخاف ، يلا قم فارق..
ناظر ام متعب:افا يمة جحدتيني عشان هاذي!..
ام متعب:اقول قم!!..
عبدالعزيز:طيب ابقوم بس ابي حرمتي..
سحبتها ام متعب:خلها ، عندي سالفة معها..
باس راس ام متعب وطلع..
التفتت ام متعب على ميرال:تعالي ابسألك ترطنين عربي ولا مثل ذولي ماينفهم حكيك!! ، اشرت على فريال وشريهان..
ضحكت ميرال:لا ارطن عربي..
ام متعب:اية زين ، شوفي بكون معك من البداية واضحة وصريحة انا مااحب اللف والدوران ، ان شفتك عوبا ولسانك طويل مثل ذولي ابقص لسانك وامصع رقبتك مصع وان شفتك منتيب سنعة هم ابسنعك بطريقتي وامردغك بهالعصا وان شفت ولدي عزيز جا وشكالي عنك تشهدي على روحك ترا عزيز غالي عندي..
رمشت ميرال ومانطقت بولا حرف..
ام متعب:وشلون ريا وسكينة عسى بس مومأذينك ومأذين عزيزوة!!..
عقدت حواجبها بعدم فهم:من!!..
ام متعب وهي تأشر بعصاتها:هذولي ، انعرف عزيز مايتكلم بشي وانا داريتن ان هم موتاركينة فحالة هالعقربتين..
هزت راسها:لا م سوو شي..
ام متعب:ايةة زين ، اجل سنعتهم هالعصا..
ابتسمت ميرال وشوي شوي وصارت تسولف معاها وكل فترة تقمط من الخوف من تهديد ام متعب اللي فجأة تفصل..
شمايل بهمس ل هيلة:تشوفين اللي انا اششوفة!! ، عاشت معانا قرن ، ي خي من تأسست السعودية وجدتك موجودة بذا الحياة عمرها فوق الميتين سنة ويين الا من عام الفيل وهي عايشة عمرررها سولفت معك ولا معي مغير تسب وتلعن فينا وف ابوي وذي شوفي كيف لهم ساعتين يتساسرون مدري وشيقولون اففف..
هيلة بهدوء:ابغي حل لمصيبتي!!..
//
انتهى