في خصرها الناحل مجاعة مساكين وفي ردفها شعب من العز بطران

Part 34

.
.
جالسة تناظر الارض بسرحان ودموعها تسيل ، جلست جمبها فريال وحطت ايدها فوق ايد رهام وضغطت عليها وبأيدها الثانية ضمتها وباست كتفها:خلاص بيكفي اللي بتساوية بحالك مابيصير ياروحي ، صرلك يومين وانتي بهالحال..
حطت شريهان الصينية بالارض وجلست على يسارها:عملتلك محاشي حتاكلي صوابعك وراها دنا عملتها مخصوص عشانك..
قصت بالملعقة قطعة من الكوسى وقربتها لثم رهام وصدت وهزت راسها بالنفي ودموعها تنزل:مالي نفس..
ضربت شريهان صدرها:ينهار اسود ، يبت انتي من اولت مبارح مكلتيش حاقة ، كولي يحبيبتشي لاحسن يقرالكي حاقة ولاللببطنك..
مسحت دموعها بعنف وعضت شفتها بقوة لدرجة انها انجرحت ونزفت شوي:تككفين خالة والله ماليي نفس..
شهقت فريال ومسكتها من اكتافها:خلاصص مابتساوي هيك الرجال مات ، مابيصير تموتي حالك مشانو ، مشان الله كلي لك شوي ، خالتك المسكينة تاعبا حالا ومن الصبح وهية بالمطبخ عم بتحضر المحاشي مشانك بتعرف انك بتحبيون كتير ، مسحت دموع الهام وباست عيونها وابتسمت وهي تناظر شريهان بدت توكلها شوي شوي وتمسح وتسمي عليها ، تنهدت فريال وجلست تناظرها ومنكسر خاطرها وموجعها قلبها عليها..
.
.
بالمجلس..
جالس قبالها وحاط ايدة على خدة ويناظرها..
ارتبكت هيلة من نظراتة وحطت بنتها بسريرها:وشفيك تناظرني كذا؟؟..
مسفر وهو على وضعة:محلوة كثير يبنت اللذين..
حركت عيونها بغرور وصارت تلعب بشعرها:من يومي وانا مزيونة ، سحبت ايدها بعد مامسكها مسفر ، يووة مسفر بعد..
مسفر:ماني مبعد ، حلالي ماني مسوي شي حرام..
توسعت عيونها وبعدتة بسرعة بعد ماباس شفتها:مسفررر انت انجنيت؟ ، بالله لو حد دخل علينا وشافنا بذا الوضع؟؟..
مسفر:موقادر امسك نفسي صايرة تفتنين ، انا خبري الوحدة لاولدت تخترب تستشين مو تحلو زيادة كذا!!..
ناظرتة بنص عين:عن العيارة بس ، ويلا قم لاتتأخر على دوامك..
مسفر:ماني ماشي ، انتي قايلة لي من اول ماتزوجنا ماراح تتركيني اقرب منك الا لين تالدين ، وهذاك ولدتي هالحين ، وراك تبعديني!!..
هيلة:لا بالله انك اهبل ، قم لاانادي عليك امي هالحين ، قمم..
عفس وجهه وتأفف:زين زين اوففف..
هزت راسها بعد ماطلع:مهب صاحي ، ابتسمت بعد ما انضرب الباب ودخلت شمايل:زوجك ال.. ، موب هنا؟؟..
ضحكت هيلة:لا موب هنا..
فصخت شمايل جلالها:اشوا طس من نفسة ولا كنت جاية اشرشحة واطردة ، لعنبوة ذا الظاهر ناوي يسكن هنا اربع وعشرين ساعة مقابلك وووع ماتلوع كبدك منة؟؟..
ضحكت هيلة:امبلا..
رمت شمايل نفسها ع السرير وتمت تناظر السقف: الله يعينك ، اقول هيلة..
هيلة:قولي..
شمايل:تهقين ابوي بيزوج رهام بعد ماتخلص العدة؟؟..
تنهدت هيلة بضيق:مااهقى الا اكيد بيزوجها ، والله انها كاسرة خاطري ذابحة عمرها بكي ، احسها جد تحبة ومتعلقة فية وانكسرت بعد موتة..
تنهدت شمايل وقربت من هيلة وضمتها وتمو ساكتين..
.
.
جالس بزاوية الغرفة ضام رجلينة لصدرة ويناظر الموجودين بجمود..
ابتسم واحد منهم ورفع اوراق اللعبة: ناقصنا واحد تلعب بلوت معنا؟؟..
صد بعيونة:مابي..
واحد ثاني:اترك عنك ذا شكلة معقد من جا وهو منعزل ولايكلم احد..
شوي ودخل احد اللي يشتغلون بالمركز:مطلق ال.. ، جهز اغراضك عشان تمشي ، خلصت مدتك هنا..
توسعت عيون مطلق ع الاخر وناظرة بصدمة:وششهو؟؟..
قام وراة بسرعة بعد مامشى:لحظة لحظة ، كيف خلصت مدتي وانتم قايلين اني اببقى هنا خمس سنين ، انا ماصار لي بذا المكان الا شهور!!..
الرجال:العلم عند الله ، حتى انا مستغرب مثلك ، الادارة بلغوني ان مدتك بهالمكان خلصت ، رفع حاجب ، الظاهر السالفة فيها واسطة ، شف من هاللي قدر يتوسط لك ويطلعك من هالمكان ، وبعدين انا سمعت ان انت مالك بالارهاب وان الموضوع فية غلط ، طبطب على كتفة ، يلا توكل..
تم يناظرة فترة وهو ليلحينة مومستوعب بعدها ناظر الباب اللي انفتح ، تم دقايق بعدها طلع ويحسس نفسة مومصدق وان كل اللي يصير مجرد حلم وكل خطوة يخطيها يلتفت ورا يتأكد انة اكيد طلع ، رمش اكثر من مرة بمحاولة انة يستوعب وجود الشخص اللي واقف قدامة ، بلع ريقة ومشى اتجاهه ببطء وهو منزل راسسة بأحراج وانكسار:يبة!!..
.
.
.
بلع ريقة ومشى اتجاهه وهو منزل راسسة بأحراج وانكسار:يبة!!..
رمى مطلق نفسة عند رجلينة واجهش بالبكاء وهو متمسك في ثوب بومطلق:يبةة اسسف والله ماكنت ادري ولابمتوقع ان الامور بتوصل لذي الدرجة ، هز راسة ، انت تعرف ان انا مالي بهالامور والارهاب والله ان بومالك استغل سذاجتي ودبسني معة وانا ماسويت ولا شي من اللقالة ، يبة انا خسرت كل شي ، خسرت رضاك علي وخسرت اهلي واخواني وحريمي خسرت كل شي كل ششي مابقالي شي بهالدنيا ، كلي ذنوب وطحت بذنوب اكبر ، تككفى يباة سامحني والله اني تغيرت ، باس ايد ابوة ثلاث مرات ، يبة الله يخليك سامحني عطني فرصة ، فرصصة اخيرة بس..
مسح بومطلق على راسة وبهدوء:امش نرد للبيت..
ركب السيارة ورا بعد ماترك ابوة وهو طول الوقت ماسك ايدة ويبوس فيها ويشمها ويبتسم..
ركب جمبة صقر ناظرة ثواني وصد يناظر الشارع وخخايف من رجوع مطلق اللي ممكن او بالاصح اكيد رح ترجع المشاكل ، تنهد وكلة خوف ان مطلق ماتغير ويكرر فعلتة وممكن انة يحاول يمس شرف وحدة من حريم اخوانة او ، "حسسنا" ، اخذ نفس طويل وزفر وتم ساكت..
وصلو البيت ومطلق يحسس ان الطريق ططويل ، نزل بخطوات كبيرة متجةة لداخل البيت ، استوقفة صوت ابوة:مطلق!!..
التفت ناظر ابوة..
تنهد بومطلق:مالك دخلة بالبيت ، خلك فترة بالملحق الخارجي الين احس ان صدق انك تغيرت وربي هداك وو ، سكت ، اعذرني ، دخل للبيت..
طبطب ظافر على كتف مطلق ودخل ورا ابوة وتم صقر واقف يناظر مطلق بجمود ، بعد فترة طلع من جيبة مفتاح الملحق ورفعة بوجة مطلق:خذ..
تنهد مطلق واخذة..
صقر:الله يساعدك الملحق يبيلة شغل مهجور وتعرف ، رفع اكتافة ودخل البيت..
نزل راسة مطلق بأنكسسار ومشى متجة للملحق ، فتحة بصعوبة ودخل ، ناظر المكان كانت غرفة متر في متر وفيها سرير حديد ومرمي علية مفرش قديم والغبار مالي المكان وفنفس الغرفة من برا حمام صغغير ،
التفت بعد ماسمع صرختها وجرت ناحيتة بسسرعة ورمت نفسها بحضنة وضمتة بقوة وهي تبكي:الف الحمددلله والشكر ليك ياارررب ، ابني رقع ، بعدت عنة وناظرتة وعيونها متغرقة بالدموع ، مش مسدأة ابنييي رقع ليا تاني..
ضمها مطلق وصار يبوس راسها ويدينها وطاح عند رجولها باسهم وجلس ضام رجولها وهو يبكي مثل الطفل:اشتقتلك يممة والله اني مششتاق لك كثير..
جلست شريهان ع اطرف السرير ودفن مطلق راسة بين فخوذها ، ضمت راسة بيدينها الثنتين وجلست تبوس راسة وتشمة وهي تبككي بنحيب ، تبكي بألم ام فقدت ولدها ومشتاقتلة ، لها ششهور ططويلة ماشافتة ، وحال مطلق نفس حالها وزود ، كان يجهش بالبكاء بصوت عالي ويمسك ايدينة امة ويبوسهم ويشمهم وهو مغمض كأنة خايف يفقدها ثاني ومومصدق انة رجع وشافها..
جلسو ساعة ونص على هالحال وبعدها هدأت شريهان وصارت تمسح على راسة وتسمي علية ، باست راسة:خلاص ي حبيبي ، ابتسمت ، ابوك مسمحك ، ناظرت عيونة ، بس ارجوك متعملش اي حاقة غلط ، مش عايزة اتحرم منك طول عمري..
مسح مطلق دموعة وناظرها:يمة انا تغييرت ، صدقيني والله تغيرت..
ابتسمت وهي تناظرة ، تحس ماودها ترمش تبي تشبع من شوفتة ، اخذت نفس طويل وناظرت الغرفة ، الاوضة متوسخة اوي . مكنتش عارفة ان ابوك حيطلعك من المكان اللي كنت فية ، تنهدت ، سامحني يبني ، مأدرش أعمل اي حاقة واعصي كلام ابوك وادخلك قوا البيت ، انا مسدأتش يرضى عليك ويرقعك ليا بعد ماحرمني منك ي حبيبي ، رفعت اصبعها ، بس ثواني حندة لوحدة من اخواتك مينفعش تجلس فية وهوة متوسخ اوي كدة..
ابتسم مطلق وجلس ع السرير بعد ماطلعت ، اخذ نفس ططويل وجلس ينتظر امة ترجع..
بعد ربع ساعة دخلت شريهان مبتسمة ووراها شمايل شايلة بأيدها سطل موية فية صابون ومنشفة على كتفها وماسكة مكنسة بأيدها..
شريهان:يلا نظفي الاوضة ، ناظرت مطلق ، تعالا ي حبيبي نخرج لحسن مايقرالك حاقة بسبب الغبار اللي مالي الاوضة..
مسكت ايد مطلق وقومتة وطلعت معاة برا تاركة شمايل تناظر الغرفة مصصدومة:يممماة منجدك بتخليني انظف كل ذا بروحي ، التفتت ورا ، يممماةة!!..
.
.
.
.
واقفة عند باب المجلس الداخلي الصغير تطل ع العمال من ورا الباب وهم يدخلون الاثاث والاغرض اللي طالبهم بومطلق وموصي عليهم ، ناظرت صيتة وردت ناظر الاغراض:يووة مااحس ان مالة داعي عمي يشتري كل ذا يعني مولهالدرجة ، رمى اثاث المجلس وسواة جناح لي ولعيالي!!..
مسحت صيتة على كتفها:تعرفين عمك شفقان ع الحفيد وحالف انة يتكفل بأول حفيد يجية ، مابالك ب اربعة احفاد مرة وحدة! ، شوفي فرحتة كيف ، ناظرت بومطلق وهو واقف يأشر للعمال وين يحطون الاغراض ، انا اول مرة اشوفة فرحان كذا..
اخذت نفس طويل وصدت تناظرهم..
بومطلق رمى اثاث مجلس الحريم الصغير وسواة غرفة خاصة لميرال وعيالها ، خوفاً عليها لاتتعب من الصعود والنزول لجناحهم بعد ماقالت الدكتورة ان لا تجهد نفسها ولاتتحرك ابد..
اخذت نفس ططويل وتنهدت وهي تناظر الالعاب الولادية اللي يدخلونها العمال وكل خوفها انها تجيب بنات وماتجيب الولد ، حطت ايدها على بطنها اللي برز بشكل كبير وتنهدت..
صيتة:عزيز ماكلمك؟؟..
ميرال:لاوالله ماكلمني ، ناظرت صيتة ، هو قال بيتطمن ع الحلال وبيرد بس احسة طول..
صيتة:لاتحاتين ان شاءالله ماصاير الا الخير..
صدت وهي تحاتي عبدالعزيز من الصبح طالع والحين جا المغرب وللحينة مارجع..
.
.
نزلت وهي تمشي قريبة منة ، التفتت تناظرة بعد ماشبك اصابعة بأصابعها وباس ايدها وكملو نزلو ووراهم مرام ابتسامتها شاقة وجهها ، القى السلام ومشى ناحية خالتة وسلم عليها ، قربت بخجل وسلمت عليها..
هنادي تناظرها بصدمة واعجاب:ماااششاءالله ، وشهالزين لااله الا الله ربي يحفظك ويحميك من العين..
ابتسمت الهام ونزلت راسها بخجل..
ابرار وهي تناظر الهام بحدة وراصة على اسنانها:كيفك مصعب!..
مصعب وهو منزل راسة وصاد لانها كاشفة:بخير الله يسلمك ، يالله استأذن انا ، مشى..
تمت ابرار تناظرة لين اختفى وطلع وجلست تهز رجلها بتوتر وهي تخز الهام وتتفحصها بغيرة شديدة من فوق لي تحت..
.
.
امتلى البيت بمعارف ام مزعل واقاربها..
وحدة من اقارب ابو مزعل بحسد:ماشاءالله من وين طحتو لكم على هالبنت ، اهلها كيف رضو يعطونها ولدكم وهي بهالجمال ، مهب معقولة يزوجون وحدة مثلها لولدكم ، رفعت حاجب ، الا ابسأل لايكون ولدكم خذاها من دون علمكم بعد مثل ماغيث خذاك مندون علم اهلة ورضاهم؟؟..
اخذت ام مزعل نفس طويل وابتسمت بمجاملة:لاابشرك ابوة راح وخطبلة اياها ، وبعدين ولدي وشزينة الف بنت تتمناة واولهم انتي ، ولا نسيتي انك كنتي بتموتين تبغينة ياخذ وحدة من بناتك!!..
تغير وجهها وصدت..
ام عدنان:الا ابسألك هي من بنتة؟؟ ، سعودية!!..
رفعت ام مزعل راسها بفخر:اية ، ابوها الكل يعرفة بكل المجالس ، ناظرت الهام وابتسمت ، بنت الشيخ بومطلق ال.. كلكم تعرفونة..
انصدمو الموجودين ان مصعب ماخذ بنت شيوخ ومو اي شيوخ بنت الشيخ بومطلق!!..
عقدت ام هيثم حواجبها وحطت ايدها تحت حنكها وبتفكير:انا قد شايفتها من قبل!! ، شهقت ووجههت الكلام لالهام ، موانتي اللي كنتي ماخذة ولد ام وليد ال..!!..
تغير وجة الهام وشحب لونة بعد ماالكل صار يناظرها ، بلعت ريقها وناظرت ام مزعل..
وقفت مي بسرعة:حيااااكم ع العشا تفضلو تفضلو..
قامو وهم يتهامسون بسالفة الهام وان مصعب كيف رضى ياخذ لة وحدة متزوجة من قبل..
ماباقي بالصالة حد غير الهام وابرار ، رفعت راسها بعد ماتكلمت ابرار:اووف والله وطلعتي متزوجة من قبل ، ابعرف كيف مصعب رضي ياخذ وحدة مستعملة ولامسها حد قبلة ، مايحس بقرف؟ وععع ، انا حامت كبدي ، هالحين مصعب تارك بنات الناس كلهم وماخذك انتي ، اشرت بأصبعها عليها ، بقايا حد مستعملك وراميك بعد ماشبع منك ، على فكرة انا ومصعب بيننا علاقة حب وبيتزوجني قريب ان شاءالله ، بس ماخذك عشان يحوش كم فلس منك بعد مايموت ابوك المخرف ذا وتورثينة وبعدها بيطلقك ويرميك مثل مارماك زوجك الاولاني ويتزوجني ، ابتسمت وهي تناظرها بأستحقار ومشت..
تركت الهام بالصالة لحالها فتررة تناظر الارض وهي عاقدة حواجبها وتتنفس بقوة ، قامت بسرعة صعدت فوق.. .
.
.
.
جالسة بالصالة وقبالها صيتة وجالسة تتصل علية كل شوي وهي تهز رجلها بتوتر..
ناظرتها صيتة بخوف:مارد؟؟..
هزت ميرال راسها بالنفي:جوالة مغلق..
خافت صيتة ازيد:يارربي تأخر كثير ، الله يحفظة ويرجع لنا بخير وعافية..
جت فريال شايلة بيدها صينية فيها كاسات ماي ، اعطت صيتة كاس واعطت بعدها ميرال وجلست:مابتعرفو خبر عن عزيز؟؟..
هزت صيتة راسها بالنفي وهي تناظر ميرال اللي منزلة راسها..
دخل بومطلق والقى السلام وجلس:علامكن سهرانات لهالحزة مانمتن الساعة جت 11 ونص؟؟..
قامت صيتة وجلست جمبة وبرجا:متعب واللي يسلمك خلنا نطلع ندور علية والله اني خايفة واحاتية ، قلبي مومتطمن ابد خايفة ان صابة شي..
فريال:ماتخافي ان شاءالله مافية اشي بتلائية لهلاء آعد بالبر وناسي حالو مع الغنام ، يعني مابتعرفي عزيز..
بومطلق:هذاني ارسلت صقر وظافر للبادية يشوفون كانة هناك ولالاء ، وبعدين عزيز مو اول مرة يسويها لاتحاتون..
صيتة:بس قلبي مومتطمن هالمرة..
بومطلق:كل مرة تقولين نفس الحكي ويرجع ولدك مافية شي ، لاتفاولين ع الولد خلاص..
تنهدت وصدت تهز رجلها بتوتر تنتظر خبر عن عزيز يطمنها علية..
بعد نص ساعة رن جوال بومطلق وفزو كلهم ، ناظرهم بومطلق ورد:هاة بشر ، عسى لقيتوة بس!!..
عقد حواجبة وتم ساكت ، التفت بعد ماانفتح الباب ودخل ، شششهقت صيتة ووقفت ميرال وهي تناظرة وعاقدة حواجبها وقلبها يدقق بقوة وتوسعت عيون فريال ع الآخر:انتااا شو اللجابك لهون!!..
بومطلق تم يناظر مطلق بنظرة خلتةة ينزل راسة..
شريهان:مالكو ابني عايز يخش الحمام ، الماية متئطعة برة..
ناظرت صيتة بومطلق:انت رديتة للبيت؟ ، تكلمم!!..
اخذ نفس طويل وناظر شريهان:عندك الحممام اللي بلمجلس الخارجي ، انا موقققايل ماابية يدخل البيت هالفترة نهائياً!!..
طلع مطلق وهو منزل راسة..
بومطلق:اسمعيني زين يامرة ، انا مارديت ولدك الا عشانك والله ثم والله لو اشوفة معتب عند فتحت باب البيت لا اطردة من البيت واطردك قبلة ، انا لياهلحين ماوثقت بولدك عشان ادخلة بيتي وما اامن على حريم خوانة وهو موجود..
طلعت شريهان مقهورة بدون ماتتكلم وراحت ورا ولدها..
جلس بومطلق منزل راسة وحاط ايدينة على راسة انفتح الباب وشاف ظافر وصقر دخلو ، زفر بضيق..
صقر:مارجع لهالحين؟؟.
فريال:لاء..
صقر:ذا وين ذالف فية..
صيتة:روحو المستشفيات دورو علية..
بومطلق بحدة:يامرررة لاتفاولين ع الولد ان شاءالله مافية الا العافية..
صدت وهي تهز رجلها بقووة من التوتر والخوف..
وميرال منشغل بالها علية وكل شوي تتصل ويطلع جهازة مغلق..
ظافر:انا بروح ادورة امكن احصلة..
صقر:بجي معك..
فتحو الباب ووقفو متنحين..
صقر:وششفيكك! وشصاير؟؟..
عبدالعزيز حادث بسيط..
صقر:اي بسيط وانت وجهك مفقع كذا..
قامت ميرال بهدوء ومشت ناحية الباب وانصددمت لما شافتة ، شهقت وحطت ايدها على ثمها..
قامت صيتة بسرعة وراحت لة ، بعدت صقر وظافر وشهقت يوم شافتة وضمتة بقووة:يمة ولدي حبيبيي ، باستة ، بسم الله عليك ياروحي وشصار لك..
ابتسم عبدالعزيز ومسح دموعها وباس راسها:لاتخافين مافيني شي يالغالية ، رضوض بسيطة..
صيتة:اي رضوض وانت متكسر جعل الوجع فيني ولا فيك..
بومطلق:وشصار؟؟..
عبدالعزيز:حادث بسيط يبة ، دخل البيت..
بومطلق وهو يناظرة:اي بسيط وانت تعرج ومكسر وحالتك حالة ، خوفتنا عليك واشغلت بالنا ، كان كلمتنا وعطيتنا خبر باللي صابك..
جلس عبدالعزيز بصعوبة ع الكنب ومد رجلة:ماعندي جوال ، جوالي تكسر وانعدم..
بومطلق:موعذر ، تقدر ترن علينا وتطمنا بأي جوال ، بذمتك من الصبح طالع وتوك راد ، الساعة جت اثنعش بالليل وفوق ذا ، صايبك حادث ولا خبرتنا باللي صار لك ، ابك انت ماتفكررر!! ، ماتقول عندي اهل يحاتون ويخافون علي ، ابك هالمسيكينة شوي وتنجن من خوفها عليك ، وامك تحن وتترجاني اطلع معها ادورك بالشوارع ، انت متى بتعقل وتحس ان حنى نخاف عليك ليمتى بتم على ذا الحال حسبالك انك عايش لوحدك ، والله لو انك مومتكسر هالحين ك..
.
.
.
انت متى بتعقل وتحس ان حنى نخاف عليك ليمتى بتم على ذا الحال حسبالك انك عايش لوحدك ، والله لو انك مومتكسر هالحين كان رنيتك بهالعصا على دماغك عشان تفكر وتستوعب ان لك اهل ويخافون عليك..
مسكت فريال كتفة:خلاص الولد تعبان اتركو لحتى يرتاح..
تنهد بومطلق ورفع اصبعة بتهديد:لو مرة ثانية يصيبك شي وتعيد سواتك هاذي مارح تشوف شين يسرك ، ان رنيت عليك ترد حتى لو انت بقبرك فاهممم!!..
هز راسة وهو منزل عيونة:ان شاءالله يبة..
خزة بومطلق وصعد ولحقتة فريال..
لوى صقر شفتة وطبطب على كتف عبدالعزيز:الحمدلله على سلامتك وماتشوف شر يالحبيب ، صعد جناحة..
ظافر بهدوءة المعتاد:الحمدلله على سلامتك ، فالحديد ولا فالعبيد ، مشى..
وقفت صيتة اللي كانت جمبة ومسكت ايدة وقومتة:قوم يمة عشان ترتاح ، وزين ان جناحكم الجديد زهب ولا انت مافيك حيل تصعد وتنزل وانت بذا الحالة، مشت ودخلتة المجلس الحريم..
جلستة على السرير:ريح يمة وانا بروح احط لك شي تاكلة ، تركتة وطلعت ، تم جالس على السرير ويوزع نظرة على المجلس بأعجاب لتغييرة الكبير ، انتبة لها واقفة عند الباب وتناظرة بصمت..
ابتسم ابتسامة جذابة:مافي الحمدلله على سلامتك؟؟..
تجاهلتة ومشت لداخل ، فصخت برقعها وشيلتها وحررت شعرها ، مشت ناحيتة وانسدحت على السرير وعطتة ظهرها..
لفها لة:ميرال!..
ناظرتة بحدة:كان بأمكانك تتصل وتطمني عليك موتخليني مثل المجنونة ارتعب واخاف عليك ، تقوست شفتها وبكت ، رفعت اصبعها وبتهديد ، شففف ي عزيز ، روحة للبادية ثاني مافييةة ، فاهممم!!..
ابتسم:فاهم..
مسحت دموعها وعقدت حواجبها:كيف صار معك الحادث؟؟..
عبدالعزيز قرب مسح دموعها بأيدة اليسار:لاتبكين ، خلاص شوفيني قدامك ومافيني الا العافية..
ميرال:اي عافية!! ، انت شايف وجهك كيف مرضض وراسك لافينة وايدك مكسورة وتعرج وحالتك حالة..
ابتسم:تخافين علي!..
ميرال:تستهبل! ، هالحين تشوفني ابكي قدامك واشاهق وتسألني..
باس شفتها وهو مبتسم:احبك ، رجع باس شفتها وهو مغمض..
تنحنحت صيتة وانحرججو اثنينهم ، حطت صيتة الاكل على السرير وطلعت وهي مبتسمة..
ميرال بأحراج ووجهها احمر ضربت كتفة:كلا منك ، شهقت بعد ماشافتة تألم ، اههءء بسم الله عليك والله موقصدي..
.
.
واقفة عند الباب تودع آخر الضيوف وتبتسم لهم بمجاملة واحراااج ، اختفت ابتسامتها بعد ماطلعو ومشت لداخل ، جلست بالصالة على كنبة منفردة وعينها ع السجادة..
هنادي والجوال بأذنها:يووة صالح مووقتة ابد مايرد ، استغفر الله الوقت تأخر..
ناظرت عهود امها وشافتها مومنتبهه وساهية ، ابتسمت بمجاملة:عادي خالتي شدعوة منتي ببيت اجانب تراة بيت اختك..
هنادي:فشلة قاعدة عندكم لهالحزة وابوك شوي ويجي ، ياربييي وشسوي بهالولد ، ناظرت عهود وتنهدت ، مايررد وشسوي..
مي بمجاملة:عادي خالة اسهري معنا خلنحش بالناس وننبسط..
رن جوال مرام وردت:هلاء ، ناظرت الموجودين ، اممم ، فوق امكن نايمة والله مدري عنها ، طب انا وشعلي اسألها ، يووة وشدخلني اذا ماترد ، تأففت ، اية راحو مافية الا خالتي وبنتها ، طيب خلاصص اوف ، ابتسمت وهي عافسة وجهها ، ابرار تغطي مصعب بيدخل..
ابتسمت ابرار ولبست عباتها وحطت الشيلة على اكتافها..
مرام وهي راصة على اسنانها وبأبتسامة وبهمس تكلم عهود:لاحياء ولا مستحى فهالبنت..
دخل مصعب بعد ماتنحنح:السلام..
ردت ابرار بدلع:وعليكمممم السسسلااام ، كيفك مصعب..
لوت مرام شفتها:انتي طول اليوم بتجلسين تسألينة نفس السؤال! ، قالك العصر انة بخير..
ام مزعل:مرررام!!..
تأففت وقامت:تصبحون على خييير الوقت تأخر لازم ننام تعبانين من الصبح واحنى نكرف ، مشت..
هنادي بأحراج وفششيلة:اعذريني يوخيني طولت عندك بس وشسوي صويلح مايرد ابد..
ابرار بسرعة:مصعب تقدر توصلنا!!..
هنادي:بنتتت عيب..
ناظر امة وشافها تناظرة بجمود وهي ساكتة ، عقد حواجبة:وشدعوة ي خالة ، انتظركم برا..
.
.
.
.
حط الملعقة على جنب ومسح ثمة بالمنديل:الحمدلله..
ناظرتة وبالاصح كانت طول الوقت تناظرة ومانزلت عينها عنة ابد ، ابتسمت:بالعافية ، عقدت حواجبها وبتردد ، اعجبك الاكل؟ عرفت من خالتي فريال انك تموت بالباشميل وقلت لازم اسويها لك..
ناظرها وتم ساكت ثواني بعدها ابتسم:حلو ، تسلم ايدك..
تسندت بعد ماقام وابتسسمت وتحس نفسها مبسووطة لمجرد ان ظافر ابتسم لها وانة حب اكلها وقال عنة حلو..
شالت الاكل من الطاولة ونظفت المكان ودخلت الغرفة ، شافتة متسطح ع السرير وحاط ايدينة ورا راسة ويناظر السقف ، طلعت لها روب ناعم من الدولاب وراحت للحمام تبدل وطلعت وانسدحت جمبة ، مسك ايدها ولف يناظرها وبهدوء:تعبان ، اذا تقدرين تمسجيني! ، عقد حواجبة ، وان ماتقدرين خلاص..
ضغطت على ايدة لما حست انة بيبعد وابتسمت:انت تآمر امر..
قربت منة وساعدتة يفصخ فانيلتة وانسدح على ظهرة ، جابت من الدرج زيت الخاص للمساج ووزعتة على جسمة وصارت تمسجة وهو مسسسترخي ومغمض ويحس براحة موطبيعية وان التعب اللي بجسمة بدا يخف بالتدريج..
.
.
رمى الاوراق ع السرير:غشششاشة..
حركت حواجبها وابتسمت بمكر:موغش ي حبيبي اسمة فن وذكاء..
ضرب فخذها:اقول انطمي وقومي طلعي الاوراق اللي مخبيتهم تحتك..
برطمت:يوووة كيف كشفتني..
رفع حاجبة:شايفتني غبي؟ ، حسنوة لوسمحتي العبي بدون غش ولا ترا هاة ماني لاعب معاك مرة ثانية..
كشت علية:من حلات اللعب وياك ، رمت الاوراق وتسطحت ، طفش ، فزت بعد ماشافت صقر قام يلبس ثوبة ، وين وين ان شاءالله..
صقر:ابطلع شوي عند اخوياي..
تكتفت وتوها جت بتتكلم ، سكتت وقربت منة وصارت تلعب بأزارير ثوبة وبدلع:مافي طلعة..
رفع حاجب:عفواً ، لية شايفتني جاي استأذنك اطلع ولالا؟؟..
ناظرتة رمشت:لاء ، بس انا قلت لاء..
عقد حواجبة بغضب ، رخى بعد ماطبعت بوسة على شفتة: صقر انا اخخخاف ، لاتتركني لحالي بذالوقت الله يخليككك ، تقوست شفتها..
عض شفتة:وانا اقدر!!..
.
.
جالس ع السرير الحديد الصغير ومتسند ع الجدار وضام رجلينة لصدرة ويناظر الارض بسرحان ، وزع نظراتة بأرجاء الغرفة وتنهد مايدري لي متى بيبقى بهالمكان السيء ، تسطح وناظر السقف وهو يحمد ربة ، هالمكان بنسبالة المفروض يكون افضل مكان لواحد حقير مثلة ، من بيقبل ان يحتك معة بعد اللي سواة ، كيف بتكون ردة عبدالعزيز بذاات لاشافة ، اخوانة من نظراتهم واضضح انهم نافرين منة وكل واحد منهم خايف لايسوي سواتة مع حرمتة محد بالبيت رح يتقبل وجودة بينهم ، اخذ نفس ططططويل وزفر وغمض عيونة بأستسلام للنوم وثواني وغط بنوم عميق ولاول مرة من ششهور يحس براحة بنومتة..
.
.
فتح عيونة بسرعة ، ناظرها فترة بعدها ابتسم:من متى وانتي جالسة تناظرين فيني!!..
ردت بهدوء غير العادة:من رجعت..
عدل جلستة وابتسم:بس؟..
عقدت حواجبها..
عبدالعزيز بأبتسامة:مومن اول يوم شفتيني فية بالبادية لهاليوم وانتي متنحة ومفهية فيني؟؟..
عفست وجهها:تراك واثق من نفسك بزيادة ، ترا انت مو ذاك الزود وفية شباب احلا منك و اءءي ايي عزيز اترك شعري..
عبدالعزيز وهو يسحب خصلة من شعرها ويطويها بأصابعة ويشدها:خيرر!..
ميرال بألم:جعل عيوني العمى ان ناظرت غيرك ايي عزيز ، ايةة انا خاقة معك واعشقك واعشق اسلوبك وملامحك وكل شي فيك اتركني بس..
رخت ايدة وابتسم:جد!!..
صدت بعيونها بكبرياء ، صرخت بعد ماشد شعرها:ايةةةة جد والله عزيز جد..
ترك شعرها وتسند وبغرور:داري بس حبيت اسمعها منك ، فز بألم بعد ماضربت كتفة بقوة ، ااااة ، ميرال ميررال تعالي..
.
.
دخل الغرفة وعقد حواجبة بعد ماشافها منسدحة على بطنها بالسرير وتبكي ، مشى اتجاهها وجلس على اطرف السرير ولفها لة وبهدوء:لية البكا!!..
غطت وجهها بيدينها وزاد بكيها..
مصعب:حبيبتي وشفيك؟؟ ، الهام تكلمي وششفيك لاتخوفيني عليك..
الهام من بين شهقاتها:م مصـ عب اناءء ، غطت وجهها بيدينها ورجعت تبكي..
عقد حواجبة مستغرب موفاهم شفيها..
.
.
.
.
عقد حواجبة مستغرب موفاهم شفيها ، مسك ايدينها وباسهم وبحنية:الهام يقلبي تكلمي وشفيك لاتخوفيني عليك! ، حد من اهلك صاير لة شي؟..
هزت راسها بالنفي وهي تبكي..
مصعب:حد غاثك اليوم ولامزعلك بكلمة؟؟ ، تكلممي وشفيك!..
مسحت دموعها وحاولت تهدي نفسها:مصصعب ، اء ، انا..
مصعب:انتي ايش!..
اخذت نفس طويل تستعد للي بتقولة:مصعب انا م ماادري كان اهلي خبروك بالموضوع ولالا ، نزلت راسها ، مصعب انااا ، ناظرتة وتحس بأنكسار ، انا م ، غطت وجهها بيدينها وبكت ، مصعب انا مطلقة..
مصعب:كل هالبكي هالحين عشان هالموضوع؟؟..
نزلت ايدينها عن وجهها وناظرتة وهي فاتحة ثمها..
مصعب بأبتسامة:خبرني عبدالعزيز من الاول ، مسك ايدها ، الهام انا داري بكل شي وراضي فيك وابغيك ، مسح دموعها ، اسمعيني زين لا اشوف هالعيون تنزل منها دمعة ثاني ، قرب وباس عينها اليمنى بعدها عينها اليسرى وابتسم وهو يتأملها ، وجهها صاير احممر من البكي وصاير شكلها يجنن ، تدرين!! ، غيرت رايي كل يوم ابكي صاير شكلك يجنن..
ضحكت..
ابتسم:ايةة اضحكي يازين ضحكتك بس..
نزلت راسها بخجل ورجعت ناظرتة:ااءء مصعب!..
ناظرها وبحب:عيونة!..
الهام:ابقولك شي ، احمم ابي كل شي بيننا من البداية يكون مبني على الصدق والصراحة ماابي تكون علاقتنا من البداية بكذب ، نزلت راسها وانسدل شعرها على وجهها وغطاة ، بالبداية ماكنت موافقة وراضية بزواجي منك وكنت رافضة بشدة لدرجة اني كنت كارهتك من قبل لااشوفك واعرفك ، رفعت راسها وناظرتة ، بس هالحين لما عرفتك كل شي تغير انا ماقد شفت مثل طيبة قلبك وحنيتك واسلوبك معاي وكيف تعاملني تحسسني كني اميرة ، ماابي اكذب عليك بس تراي للحين مابعد اتقبلك كزوج بس احس مشاعري بدت تتغير اتجاهك ، ابتسمت بعد ماشافتة ابتسسم ومسك ايدها وباسها وهو مغمض..
(وَعَسَى أَن تَكْرَهُواْ شَيْئاً وَهُوَ خَيٌْر لَّكُمْ وَعَسَى أَن تُحِبُّواْ شَيْئاً وَهُوَ شَرٌّ لَّكُمْ) ..
، فتح عيونة وهو يتأملها بحب باين من عيونة:قومي خليني اشوف هالزين!..
نزل الغطى عنها ومسك ايدها وقومها وتم يناظرها فترة ططويلة بعدها ابتسم:ادري انك سمعتي هالجملة من ناس كثير بس صدقيني اقولها لك وانا مفتون بك ، تراااك جججميلة..
ابتسمت ونزلت راسها بخجل وبداخلها تقول لو تدري ي مصعب اني ماقد سمعت هالكلمة ابد ، ماعمري حد مدحني ولا قد سمعت كلام حلو..
جلس يتغزل فيها ويسمعها كلام ذوبها من الخجل ، جلس يسولف معها الين ماحسو بالتعب ، قامت الهام تبدل وتغسل ، لبست روب نوم سساتر طلعت من الحمام ومشت اتجاهه وانسدحت جمبة ولاول مرة تتجرأ وتدفن راسها بصدرة..
انبسط مصعب على حركتها وجلس يمسح على شعرها ويناظر السقف وهو يفكر بكلام امة ويسترجع اللي صار قبل كم ساعةة..
رجع البيت بعد ماوصل خالتة وبنتها وكانت بنتها راكبة وراة وطول الطريق تتميلح لة وتتكلم بمياعة ودلع اليما حس راسة صدع منها ، دخل البيت وشافها جالسة بالصالة لحالها والبيت شبة اظلم:السلام..
:انت داري انك ماخذ وحدة مطلقة !!..
عقد حواجبة ومشى بأتجاهها وجلس ع الكنبة اللي قبالها:اية يمة داري لية وشفيها؟؟..
ام مزعل بعصبية:وشش اللي وشفيهااا ، انت منجدك تتكلم مصعب لاتجنني انا طول اليوم كنت مندركة ومعتفسة ولاني قادرة اقابل الضيوف من بعد ماعرفت انك متزوج لي وحدة مطلقة! ، انت عارف ايش يعني انك متزوج وحدة مطلقة؟ يعني لامسها رجال غيرك انتتتتت كيف راضي بهالشي ومتقبلها! ، هزت راسها ، لا الظاهر حد لاعب بعقلك منت ولدي اللي اعرفة ولا لايكون من طيبتك الزايدة استغلوك ورمو عليك بنتهم!..
مصعب:يمممة وشهالحكي! ، محد لعب بعقلي ولا شي انا اللي رايح اخطبها بنفسي وانتي تدرين ان لي سنتين وانا احن ماابي اخذ الا وحدة من بنات بومطلق لاني عارف بتربيتة لبناتة وخوفة وحرصة عليهم..
ام مزعل:وهذا من حرصة الزايد زوج بنتة المطلقة لك ، اية شافك طيب وقلبك ابيض وينقص عليك بكلمتين..
مصعب:يمة!!..
ام مزعل:وصمة!..
غمض عيونة وتكلم بهدوء:قوليلي وشفيها المطلقة! ، مافيها عيب..
ام مزعل بعصبية:لا فيها وفيها الف عيب بعد ولا لو مافيها عيب ماطلقها زوجها الا لنة شايف عليها شي..
مصعب:ولية مو الرجال اللي فية العيب! ، لية نحط العيب فيها؟؟..
ام مزعل:لان الرجال مايعيبة شي ، ضربت فخوذها ، انا ولدي يتزوج وحدة مطلقة ليةة وشفية مايعيبة شي المفروض تاخذ بنت مووحدة مسستعملةة..
وقف وبعصبية:يمةةةة خلاصصص ، انا ابيها وراضي فيها ولا ابي غيرها..
وقفت ام مصعب وبعصبية:ايةة اكيد ساحرتك ولاعبة بعقلك..
مصعب:موكنتي ق..
.
.
.
.
مصعب:موكنتي قبل فرحانة ومبسوطة لاني خذيتها شاللي تغير الحين..
ام مزعل:عشانها مطلقة..
زفر مصعب:يمة خلاص قفلي هالموضوع..
ام مزعل:ايةة عشان كذا يوم رحت تخطبها جابو الشيخ وملكتو بسرعة حتى ابوك استغرب من تصرفهم لكن مافكرنا ان لذا السبب زوجوك اياها بسرعة خافو انك تدري انها مطلقة وتهون..
مصعب:يمة والله ادري من قبل لااخطبها والله ان اخوها قايل لي محد غشني ولادبسني ف شي..
جلست ام مزعل ع الكنب وتهز رجلها بتوتر:طلقها..
مصعب بصدمة:وششهو! ، وشقاعدة تقولين يمة الله يهداك مايصير ، جلس جمبها ومسك ايدها وباسها ، هدي وناظريني..
ناظرتة وهي تهز رجلها بتوتر ، حط ايدة على رجلها:هدي!! ، تنهد وابتسم ، انتي شفتي عالبنت شي؟؟..
صدت..
مصعب:ناظريني تكفين..
تأففت وناظرتة وبدون نفس:لاء..
مصعب:حسيتي ان البنت قليلة ادب ولا مهي متربية؟..
لوت شفتها:لاءء..
مصعب:يعني ماشفتي ع البنت شي..
زفرت:تبيني انتظر ان اشوف عليها شي؟؟ ، البنت مهيب بعاجبتني بطلت وغيرت رايي فيها ، ورجلها ماطلقها الا لن فيها بلا..
مسك ايدينها الثنتين وباسهم:يمة اذنك تحبيني وتبين سعادتي ابيك تتقبلين البنت وتنسين سالفة طلاقها ، جلس عن رجولها وهو ماسك ايدينها ، لو تقولين لي طلقها هالحين ابطلقها اهمشي رضاك وكل اللي تبينة بيصير بس اعرفي يايمة ان طلقتها قلبي بينكسر يمة هالبنت حبيتها احس مافي مثلها بالدنيا ولابلاقي احسن منها ويكفي انها بنت شيوخ..
ام مزعل:ولاني احبك وابي مصلحتك ابغيك تطلقها ، ووعد مني ازوجك اللي احسن منها..
مصعب:ماابي اللي احسن منها ، ابيها هي يمة تكفين لاتكسرين قلبي الله يخليك ، جلس جمبها وبهدوء ، يمة هذاهي خالتي هنادي مطلقة وكلنا عارفين ان سبب طلاقها انها ماتحملت زوجها والعيشة معة وانتي بنفسك اللي وقفتي معها بالمحاكم وانتي اللي خليتها تتطلق بأصرار منك ، هالحين العيب بخالتي ولا برجلها!..
ام مزعل بحدة:اككيد برجلها يعني انت ماتدري عن اللي سواة فيها!!..
رفع حاجب:موقبل شوي تقولين الرجال مايعيبة شي وان المرة لاتطلقت اكيد العيب فيها ولا ماكان رجلها طلقها..
ام مزعل:سالفة خالتك وطليقها غير وزواجك من هالمطلقة غير ، مصعب اءء..
مصعب:لية سكتي!! ، انتي ماتدرين وش سبب طلاقها ، لية تحكمين ع البنت من دون ماتعرفين شي عنها يمة انا ماخبرتك كذا انتي ماشاءالله عليك فاهمة وواعية وانتي دايم تقولين لنا لاتحكمون ع الانسان بسرعة..
تنهدت وتمت ساكتة..
باس راسها ووقف:قومي يالغالية ارتاحي ، باس ايدها ، تصبحين على خير..
قامت:وانت من اهلة ، مشت لغرفتها..
تنهد مصعب براااحة وصعد لالهام يحسس اشتاق لها..
.
.
فتح عيونة وشافها بوجهه وابتسم:ليمتى بتتمين تراقبيني وانا نايم؟؟..
ميرال:وشراقب فيك جالسة اناظر الرضوض والجروح اللي مالية وجهك..
رفع حاجب:بالله!..
كشت علية وقامت..
عدل جلستة وهو يضحك:طيب صباح الخير..
ميرال:تو الناس..
عبدالعزيز:ورا اخلاقك قافلة من صباح الله؟ ، تعالي ساعديني اقوم!..
قربت وهي تتحلطم ومدت ايدها بتقومة ، مسكها وجرها جلسها بحضنة وناظرها:وشفيك!!..
صدت..
عبدالعزيز:للحين زعلانة ع اللي صار امس؟..
ميرال:وانت اللي سويتة فيني شوية!..
عبدالعزيز:خلاص طيب ، وعدتك اني مااتركك واروح للبادية لحالي ثاني ، ان جيت اروح اباخذك معي زين!!..
ناظرتة وصدت..
عبدالعزيز:وشاللي يرضيك!..
ابتسمت بخبث..
.
.
جلست على اطرف السرير:خلاص ياروحي مابيصير اللي بتساوية والله حرام..
تمت تناظر الجدار بجمود ودموعها تنزل بصمت..
مسحت فريال دموعها وباست راسها:مشاني اومي كلي معنا وغيري جو الاكتئاب اللي معيشة حالك فية ، جوزك صرلو شهر من مات وانتي على هالحال مابيصير ، مشان اللي ببطنك اومي كلي!..
ماردت..
فريال بحدة وصرامة:اسمعيني منيح ازا مابتئومي هلاء تاكلي معنا رح تشوفي شي مابيعجبك ، بصراخ ، اومييي لشششوف..
ناظرت امها بعدها قامت بهدوء وطلعت..
تأففت فريال وقامت وراها..
نزلت ببطء وراحت للمجلس الخارجي وشافتهم متجمعين حول السفرة..
شريهان بفرحة:ي اهلاً وسهلاً بيكي وانا بؤل الشمس طالعة منين ، تعالي هنا ي حبيبتشي..
مشت رهام بهدوء وجلست جمبها وهي ساكتة..
مدت لها شريهان قطعة من الخبز بعد ماغمستها بالفول:كولي اللئمة دي من ايدي ، عيب ي بت بفضل مادة ايدي كدة هوة افتحي بؤك يلاااا ، ابتسمت بعد ماكلتها ، الف عافية ي حبيبتشي..
جلست فريال تناظرهم وهي مبسسوطة ان شريهان هي الوحيدة اللي تقدر تجبر رهام تاكل بأسلوبها وطريقتها ، ماتقدر تعبر او توصف مدى حبها لهالانسانة ولطيبة قلبها ، تححس انها اختها ماهي ضرتها ، ابتسمت وبدت تاكل..
.
.

//

انتهى