في خصرها الناحل مجاعة مساكين وفي ردفها شعب من العز بطران

Part 22

.
.
بوراجح:انتي عارفة اني احبك..
رهام:بس تحبة اكثر..
بوراجح:انتي زوجتي وهو ولدي ، كلكم احبكم ، وانتي عارفة شكثر احبك..
رهام:بس من طلع من المستشفى وانت متغير علي واحسك ماعاد تحبني وطول وقتك مقابلة ومنشغل عني ، احسس اني مقهورة ، انبسطت بعد ماصرت لي وحدي والحين جا ذا وصار يشاركني فيك لا وماكل الجو كلة..
بوراجح حس انة جد منشغل عنها وهاملها ولاهي مع ولدة:اوف كل هذا بقلبك وساكتة ، ابتسم ، والله احبك ، تبين نطلع عشان ترضين؟؟..
تمت ساكتة..
بوراجح:انا وانتي لحالنا ، نترك راجح عند امك..
ابتسمت وفزت بسسرعة وراحت تلبس..
.
.
جالسين يتعشون بصمت..
رفع راسة:حرمة عزيز وينها فية!..
هيلة:فوق بغرفتي مارضت تنزل تقول تبي تنام..
سكت فترة:جناح عزيز نظفتوة من الدم اللي فية؟..
ناظرو بعض وهزو راسهم بالنفي..
بومطلق:وشولة تاركينة لهالحين معفوس عقب ماتتعشون تروحون تنظفونة وتعقمونة زين ، فاهمين؟..
هزو راسهم..
ناظر صيتة اللي جالسة وسساهية وتناظر الاكل:يامرة وراك ماتاكلين؟..
صيتة بضيق:مالي نفس ، تنهدت وقامت..
تركها بومطلق لانة عارف انها زعلانة عشان عزيز..
.
.
منسدحة على السرير وكل شوي تتزفر وتتقلب ، فتحت عيونها شافت هيلة وشمايل جمبها وغاطين بنوم عميق ، تنهدت وقامت بشويش وسحبت شيلتها وطلعت وهي كاشفة ولافة شيلتها بأهمال ، راحت عند جناحهم ووقفت قبالة ، مسحت دموعها بسرعة وصدت ، راحت جلست عالكنب اللي بالوسط بين جناح عزيز واخوانة ، ضمت رجولها لصدرها وعينها ع الجناح..
.
.
رجع من الاستراحة قريب الفجر وصعد وهو يدندن ، وقف بعد ماشاف ميرال ساهية وباين انها متضضايقة كثير ، عقد حواجبة وراح بأتجاهها:وشعندك جالسة لحالك!..
رفعت راسها بسرعة ورمشت بارتباك وخوف وجت بتقوم..
صقر:ميرال وشفيك؟..
ناظرتة وهي عاقدة حواجبها:مافيني شي ، بروح انام..
صقر:انتي خايفة مني؟؟ ، تراني مو مطلق!..
بلعت ريقها وصدت..
ابتسم صقر:اذا متضايقة عشان عزيز تراة بيطلع لاتحاتينة..
ناظرتة بسرعة:متى!..
صقر:مدري بس ابوي غصب مطلق يتنازل عنة ويقول انة صوبة بالغلط..
جلست عالكنب وناظرتة ، جلس قبالها وقال لها عن كل اللي صار..
ابتسمت:طيب متى بيطلعونة؟؟..
صقر وهو يحك رقبتة:والله مدري ، رجع ناظرها وبسرعة نزل عيونة..
حست ميرال وانتبهت على نفسها ، رتبت حجابها ودخلت خصل شعرها الطالعة وقامت وهي مرتبكة:شكراً صقر..
ابتسم وتم يناظرها الين اختفت وبعدها قام ودخل جناحة ، وبهاللحظة تسكر باب الغرفة وجلست تفكر باللي شافتة ، صقر كان قريب من ميرال ويتكلم معها بصوت خافت وهي مبتسمة ، جلست ع السرير وهي تتوعد فيها..
.
.
جالسين حول السفرة يفطرون بهدوء..
شمايل ناظرت هيلة وبهمس:بسس ، شفتي ميرال؟؟..
هيلة وهي تاكل بهدوء ، هزت راسها:لا ماشفتها!..
بومطلق بحدة:وشعندكن تتهامسن؟؟..
شمايل:ااءء ك كنت اسألها عن ميرال!..
بومطلق:لية ماهيب فوق عندكم؟؟..
شمايل:لا يوم صحيت ماشفتها..
بومطلق:قومو شوفولي وينها فية!!..
قامو هيلة وشمايل وصعدو يدورونها ، دخلو غرفتهم شافوها فاضية ، طلعت شمايل وراحت جناح عبدالعزيز ، ضربت الباب بشويش ودخلت وهي تنادي ميرال ، دخلت الغرفة شافتها منسدحة ع السرير وضامة المخدة ونايمة..
سكرت الباب بشويش وطلعت وجت بتنزل ، شافت باب الحمام ينفتح وطلعت هيلة شادة على بطنها وبأيدها الثانية تنشف ثمها بالمناديل..
شمايل:هيلة وشفيك! ، لك يومين تعبانة وترجعين!..
هيلة بتعب واضح:ماادري..
راحت لها شمايل واسندتها واخذتها لغرفتهم ، انسدحت هيلة على جمب وضمت بطنها بذراعينها..
شمايل:بقول لمي تسويلك شي دافي تشربينة..
.
.
دخل الغرفة وشافها مكركبة شوي ، رفع عيونة لها وشافها منسدحة ع الكنب وضامة نفسها وترجف ومتغطية بغطى خفيف ، صرخ بقوة:لهالحححين نايمة! ، قووومي!..
فزت مخروشة وتتنافض وتتنفس بقوة..
الوليد:ابي افهم ي حضرة الاميرة ، وشعندك نايمة لهالحين؟ ، تنتظرين تجيك الخدامة تصحيك وتجيب لك فطورك لعندك وترتب لك الغرفة؟ ، قوومي اششوف انززلي سوي فطور وبعدها تجين ترتبين الغرفة وتغسلين ملابسي وتروحين لعند رجلين امي تخدمينها وتشوفين وشتبي فااهمة!..
رمشت بخوف وهزت راسها..
ناظرها بكرة وطلع وصفق الباب بقوة..
اخذت نفس وقامت غسلت وتوضت وصلت ولبست جلابية ناعمة بني غامق ورفعت شعرها وتعطرت ونزلت بدون لا
تحط ولا نقطة ميك اب..
سمعت صوت تحت ووقفت ، اخذت نفس طويل ونزلت وهي مستحية ، القت السلام بصوت خافت وراحت لام الوليد صافحتها:كيفك خالتي..
خزها الوليد واشر بعيونة على امة وفهمت ، قربت باست راسها وايدها..
ابتسمت ام الوليد وهي تتفحصها بعيونها:هلا بالعروس ، ماشاءالله تبارك الرحمن فلقة قمر بسم الله عليك..
ابتسمت الهام بخجل وراحت تسلم على خواتة وتسمعهم يتهامسون فيها ويمدحون بشكلها..
اتكت ام الوليد بتعب وجت بتقوم:يالله بقوم اجهز لكم الفطور..
الوليد:لا يمة لاتتعبين حالك ، ناظر الهام ، الهام اليوم ناوية تسوي الفطور..
ناظرتة الهام ونزلت راسها..
شهقت ام الوليد:لا عيب يمة وشهو اللي تسوي الفطور وهي توها بعدها عروس..
الوليد:خلاص انا قلتها ، وبعدين انا ليش اعرست! ، موعشان اجيب لك وحدة تعاونك وتشيل عنك حمل البيت ، ناظر الهام واشر لها بعيونة عشان تقوم..
ام الوليد:طب قومو ي بنات عاونوها..
قاطعها الوليد:..
.
.
.
ام الوليد:طب قومو ي بنات عاونوها..
قاطعها الوليد ولف ناظر خواتة:ارتاحو ولاتتعبون نفسكم هذاهي بتسوي كل شي..
ناظرتهم الهام ودخلت المطبخ وتحس بأهانة وذل وكأنة يقول انا جايبها خدامة لكم ، مسحت دمعتها بسرعة وصارت تجهز الفطور وتحاول قد ماتقدر انها ماتبكي ، التفتت بعد ماحست انة دخل اخذ كاس وصب لة ماي:اسمعيني زين ، تحطين الاكل وتتعذرين لمي تقولين لها مالك نفس ، او انك اكلتي بالمطبخ اي شي المهم انك ماتجلسين معنا بسفرة وحدة وتقابلينا ، مالي خلق تنسد نفسي ع الاكل لاقابلت خشتك ، ناظرها بقرف وطلع..
ماقدرت تحبس دموعها اكثر وبكت بصممت..
بالصالة:ياولدي مايصير تترك حرمتك تسوي كلشي لحالها ، قامت ، بقوم اعاونها..
مسكها الوليد من ايدها وخلاها تجلس:لاتتعبين نفسك ارتاحي وهي بتسوي كلشي لكم..
ام الوليد:يايمة حرام عليك البنت توها عروس وصغيرة مافيها تطبخ لنا كلنا حنا كثار طب خل خواتك يعاونونها..
الوليد:خليها عشان تتعلم على شغل البيت مابيها تتعلم عالراحة وتصير رفلا..
تنهدت ام الوليد وناظرت بناتها وصدت تستغفر..
بعد فترة جت الهام شايلة سفرة وحطتها بالارض وصفت الاطباق وناظرتهم:تفضلو..
قامو وجلسو حول السفرة وتمت الهام ماسكة الصينية وضامتها لصدرها..
ناظرتها ام الوليد:وراك واقفة تعالي كلي!..
ناظرت الوليد اللي صاد وياكل وموهامة ورجعت ناظرتها:احمم اكلت الحمدلله بالمطبخ وانا احضرة..
مشت للمطبخ تنظف القدور والعفسة..
ام الوليد بعتب:حرمتك عيونها حمرا قم شفها لايكون باكية!..
الوليد:امكن من البصل اللي قطعتة عيونها تورمت ، كلي كلي يمة وماعليك فحد..
بعد ماخلصو اكل جت الهام وشالت الصحون وغسلتهم ، طلعت من المطبخ وتحس نفسها هلكانة ، صحيح متعلمة من بيت ابوها عالشغل والكرف لكن كلهم يتعاونون مع بعض ومايصير الحمل كلة على شخص واحد ، صعدت ودخلت الغرفة ورمت نفسها ع السرير بتعب وغمضت ، شوي وانفتح الباب..
الوليد بحدة:لية الغرفة لهالحين مومرتبة؟؟..
ناظرتة وبتعب:توني داخلة ابريح شوي وبعدها ابء..
قاطعها:قومي الحين رتبيها لك ربع ساعة بتروش وبطلع ان شفتها بهالحالة ياويلك..
دخل الحمام الصغير يتروش ، قامت بتعب وصارت ترتبها بأستعجال خايفة انة يطلع ويعصب عليها ويضربها..
بعد نص ساعة طلع من الحمام لاف الفوطة على خصرة وناظر الغرفة وبعدها ناظرها:ههء تشوفينها مرتبة؟؟..
تمت ساكتة وماردت..
الوليد:هالمرة بعديها لك لاكن والله لو ادخل واشوف الغرفة ماتلق لق لااخليك تلعنين الساعة اللي تزوجتك فيها ، ناظرها من فوق لي تحت:هاتيلي ثياب يابلوة..
قامت وفتحت الدولاب وطلعت لة ملابس ومدتهم لة ، سحبها منها وهو عافس وجهه:انقلعي ابلبس..
مشت ودخلت الحمام ، وقفت قبال المرايا فترة ، شغلت الماي وغسلت وجهها ، تنهدت وشالت ملابسة المرمية بالارض وحطتهم بالسلة وصارت ترتب الحمام وتغسلة من الفوضى اللي تعمد الوليد يسويها لجل يتعبها..
بعد فترة خلصت غسيل الحمام وتنظيفة وتحس نفسسها بتموت من التعب وموقادرة تدوس ع الارض ، انصدمت لما شافت الغرفة اعتفست من جديد وازيد من قبل ، ارتجفت شفايفها وبكت وهي تتحسر على حالها..
.
.
جالسة بغرفتها تناظر الارض وسساهية ، انضرب الباب ودخل ومارفعت راسها لان عارفة انة ابوها ، جلس على اطرف السرير:كيفك ي بنتي!..
مهرة وعينها ع الارض:كيف تشوف حالي؟؟..
بوسطام:متزاعلة مع رجلك؟؟ ، ي بنتي مايصير كل يومين تتزاعلين معة وتلمين اغراضك وتجين ، المرة لازم تصبر وتتحمل رجلها وموعلى اي سبب تزعل وتترك البيت ، وبعدين رجلك مرقد بالمستشفى كيف تتركينة بهالحالة..
ناظرتة وعيونها غرقانة بالدموع:انت عارف لية مرقد بالمستشفى؟؟..
عقد حواجبة:عمك بوسهيل يقول ان عزيز مصوبة بالغلط..
ابتسمت:وانت صدقت؟؟ ، ضحكت بأستهزاء ، لاء ، ولد اخوك اللي تبغيني اصبر علية داخل على حرمة عزيز الثثثانية ومتحرش بها ، يبةة تبيني اعيش مع واحد مايخاف الله ، يزني مع حرمة اخوة ويروح شقق ويشرب ، حلفتوة انة يتوب بسس ذا مايتوب ، يبة رجع وحاول يكرر السواة قبل لكن مرت عزيز رفضت ، مسحت دموعها ، انا مومتضايقة وزعلانة عشانة والله ، انا زعلانة على حال عزيز واللي مر فية وذاقة وررربي واجعني قلبي علية عاش يتيم ومكسور ، متوجع على فراق امة اللي ماشافها ماعمرة ذاق الراحة والهنا ، وبالاخير ينطعن من اقرب الناس لة ، اخخوة ، لا مومرة مرتييين ، ولاتستبعد عادي يحاول يكررها وتصير ثلاث واربع ، تلومني لا نفرت من انسان حقير مثلة وابغضتة؟ ، ضربت على صدرها ، نفسي عااايفتة كارهتة ، يبة من اول شهر تزوجنا واكتشفت انة يخونني وعلى ذالك صبرت وسكت ، ششفتة بعيوني بالفراش مع وحدة غيري وانت اجبرتني ارد لة وقلت يابنتي اصبري بأذن الله يتوب ولك اجر ، صرخت ، ماابية هالاجرر ماابية ، مسحت دموعها ، شف يبة ، هالمرة لو شيصير مارح ارجع لة لو تجبرني وتقول ماتبغى زعل اخوك موعلى حسسابي مارح اردلة واذا بتجبرني عندي بيت اخخوي الوليد مارح يردني لو طلبتة يوقف معي ، انا ماعمري طلبتك بشي وهالمرة ابطلبك وتكفى لاتردني ، سكتت ، ابغى مطلق يطلقني قل تم!..
تنهد بوسطام وتم ساكت..
شهقت مهرة وببكا:قل تممم!..
اخذ نفس طويل:..
.
.
.
.
شهقت مهرة وببكا:قل تممم!..
اخذ نفس طويل:تم لك اللي تبين ، قام وطلع وهو متضايق على حال بنتة..
ضمت رجولها لصدرها وحطت راسها عليهم وجلست تبكي..
.
.
سكر من هيلة وهو متضايق عشانها وموداري شفيها وعارف ان مستحيل عمة يرضى ياخذها ويوديها للمستشفى ، تم جالس ومحتار شيسوي مستحيل يتركها بهالحالة ومايتحرك ويسوي شي ، فرك وجهه ومشى بأتجاة الصيدلية ونزل ، وقف قبال الصيدلي وانتظر يخلص اللي قبلة ، الين ماخلص الرجال..
مسفر:السلام عليكم اخوي حرمتي كبدها تقلب وترجع وبطنها ماغصها لها كم يوم وماني دارين شفيها عندك علاج للاعراض ذي؟؟..
الصيدلي:هيا متأخرة عليها؟؟..
مسفر بأستغراب:وشو؟؟..
الصيدلي ناظر مسفر وناظر الرجال اللي حول مسفر ووراة ، قرب وبشويش كلمة لان خاف من ردة فعلة لو تكلم قدامهم:الدورة الشهرية!..
تغير وجة مسفر:م مدري ليةة!..
الصيدلي مد لة تحليل حمل:خد دة وخليها تعمل التحليل الصوبح اول ماتفوء من النوم..
ناظر الكرتونة وبأستغراب وخوف:ليـ ةة!!..
الصيدلي:ي ابني انتو متقوزين بألكو اد اية! ومراتك متأخرة عليها وبترقع دا معناتو اية؟؟ ، انتا خليها تعمل التحليل عشان تتطمنو وبأذن الله مراتك حتكون حامل واذا ماكنتش حامل احسن تاخودها عالموستشفى..
مشى مسفر وحس وجهه انصفق ، ركب السيارة وتم جالس ومنزل عيونة ومصصدوم ، بلع ريقة وبرجفة شغل السيارة ومشى وكل تفكيرة خايف ان هيلة تكون حامل..
دق على هيلة وبلع ريقة بعد ماردت..
هيلة بتعب:هلا مسفر!..
مسفر بهدوء:انزليلي ابعطيك شي..
ناظرت هيلة الساعة شافتها 2ونص بالليل:طيب..
سكرت منة وقامت ونزلت تتخفت ، شافتة واقف ورا البيت وراحت لة ، استغربت بعد ماشافت لون وجهه مخطوف:مسفر وشفيك؟؟..
هز راسة:م مافيني شي خذي ذا واول ماتصحين من النوم حللي..
ناظرت الكيس:احلل ايش؟؟..
بلع ريقة اللي يحسسة ناشف وماقدر يرد..
فتحت الكيس وطلعت الكرتونة ، ارتجفت ايدينها وطاح الكرتون من ايدها وبكت..
قرب منها ومسك ايدينها ومو عارف يهديها ولا يهدي نفسة:هيلة حبيبتي تكفين اهدي..
ماردت علية وجلست تبكي وتضرب خدودها:انا الغبييية وشكنت متوقعة يوم سلمتك نفسي ، ابوووي بيذبحني ، استاهل ، وربي استاهل الموت ، ياويلي من ابوووي..
ضمها وبهمس:هيلة تكفين اهدي لاتفضحينا..
بعدت عنة:خايف تنفضح؟؟ الحين خفت؟؟ شبعدة ي مسفر شبعدة ، ابوي بيذبحني ، اخواني بيذبحوني ، كلا منكك ، ضربت صدرة وصارت تدفة بقوة وتسبة وتبكي..
مسفر:لية تحطين اللوم علي بس ترا انتي اللي سلمتي لي نفسك ومامانعتي وتجيني وانتي راضية هالحين بتلوميني لحالي؟؟..
جلست تناظرة بصمت ودموعها تسيل ، اخذت كرتون التحليل من الارض ومشت ودخلت البيت ومتجاهلتة وهو يناديها..
دخلت غرفتها ورمت نفسها ع السرير وجلست تبكي ودافنة وجهها بالمخدة تحاول تكتم شهقاتها لجل ماتحس فيها شمايل وتصحى ، رفعت راسها وناظرت جوالها بعد مارن وطفتة ورمتة جمبها ورجعت ثاني دفنت وجهها بالمخدة جلست تبكي بالساعات الين ما الشمس طلعت وحست بالتعب وغفت بدون ماتحس..
.
.
صحت من النوم تحس بألم ، عضت شفتها وهي تتلوى بالفراش من الوجع ، لفت جهه سطام وبهمس وصوتها مو قادر يطلع:سطاام ، ااة سط ام اصحى..
ضمها ودفن راسة برقبتها:شوي حبيبتي بس شوي..
هند بكت من الوجع:سطاام قوم اصحى بطني يوجعني تكفى قوم..
فز بسرعة وبخوف:وشفيكك؟؟..
هند ببكا:مدري ، سطام بموت من الوجع ماني قادرة اتحمل ااااة..
قام بسرعة وهو متوتر وخايف ووقف وهو حاط ايدة على راسة وموعارف يتصرف ، جاب عباتها ولبسها اياها وشالها ونزل بسرعة بعد مالبس ، حطها بالسيارة ومشى عالمستشفى..
نزل بعد ماوصل وفتح الباب وشالها ودخل بسرعة ، جت لة ممرضة وقالت لة يدخلها بقسم الطوارئ ويسدحها ع السرير ، حطها وتم واقف ومتوتر وكل شوي يناظر ساعتة ويحس انهم طولو وماقالو لة شفيها..
بعد فترة طلعت الدكتورة:لو سمحت لازم توقع على هالاوراق بسرعة ، زوجتك لازم نعملها عملية غسيل قبل لايأثر عليها ، الجنين ميت لة اسبوعين ف بطنها كييف ماحسيتو!..
ناظرها سطام بعدم استيعاب وهو فاتح ثمة:انتي وشتقولين؟؟ ، فرك وجهه ووقع ومشت الدكتورة ، شد على راسة وجلس ع الارض..
.
.
منسدحة بحضنة وتلعب بشعرة:صقوري شرايك نفطر برا..
صقر:مالي خلق..
بعدت عنة وناظرتة..
صقر:من الاخر مطفر ارتحتي؟؟..
حسنا:كيف مطفر واحنا بأول الشهر وبعيوني شايفة عمي مسلمك راتبك ، وماشاءالله راتبك مو شوية..
صقر وهو رافع حاجبة:قلنالك مطفر ، صرفت كل اللي عندي عليك يكفي معطيك ست الاف حق تكشخين بالزواج مسوية شعرك ووجهك بمدري كم وفستانك بألفين وشوي ، ميل ثمة والباقي لهفتية..
حسنا:يعني بتحاسبني؟؟..
عدل صقر قعدتة:تبين الصدق؟؟ ، اية ، صحيح قبل لااتزوج اصرف ومايجي اخر الشهر الا قاعد ع الحديدة لاكن هالحين الصرف موطبيعي ، انا موبخيل والعب بالفلوس لعب لكن بالمعقول موب كذا ، كل يومين جارتني لمجمع شارية لك ملابس وجواتي وماركات وعشاك وغداك وحتى فطورك من برا ، حسنا خفي علي..
حسنا بقهر:خلاص مارح اطلب منك ريال دامك بتذلني وتحاسبني ع القرش اللي اصرفة..
صقر:موقاعد احاسبك بس شوفي نفسك وشقاعدة تسوين كنك مشفوحة..
اخذت نفس:شكراً صقر ، قامت ولبست شيلتها..
صقر:حسنا لاتزعلين بس كنت اب..
.
.
.
.
صقر:حسنا لاتزعلين بس كنت ابغيك تخففين مصاريفك شوي ، قام وراها ومسك ايدها ، حسناء..
سفهتة وسحبت ايدها منك بقوة وناظرتة بحدة وطلعت..
فرك وجهه وسحب فانيلتة ولبسها بسرعة وطلع:حسنا!!..
سفهتة ودخلت جناح عبدالعزيز..
تنهد ورجع جناحة ، تسطح وحط المخدة على وجهه بطفش ونام..
.
.
فزت بسسرعة بعد ماحست ان احد انسدح جمبها ، ضربتها بالمخدة بقوة:حححسبي الله عليك خوفتيني حسبالي انك ، سكتت..
ابتسمت حسنا وحركت حواجبها:حسبالك اني عزيز هاة؟ ، يمة وشذا الشوق اللي ذابححك..
تسندت ميرال:حسبالي انك الزفت مطلق..
تغير وجة حسنا وسكتت..
تنهدت ميرال:متى تتوقعين عزيز يطلع ، ناظرتها ، احسة طول دخلنا اليوم الخامس وهو بالحجز ، يعني مالمفروض يبقى عندهم كل هالمدة دام مطلق تنازل عنة..
حسنا:ماتوقعتك تحبينة ، سكتت ، يعني مدري اسلوبة وو كلامة قليل ومنطوي و ، سكتت..
ناظرتها ميرال وهي عاقدة حواجبها:واذا كلامة قليل ومنطوي معناتة مااحبة؟؟ ، ماجذبني الا هدوءة وغموضة احسة شخصية ومحترم وحنوون بجد ماشفت انسان مثل طيبة وحنيتة بس يكابر ومايحب يظهرهم ، شي واحد كان يغثني فية خضوعة لاوامر ابوة وطاعتة بكل شي ، بس بعدها استوعبت ، طاعتة لابوة شي واجب وملزوم فيةة ولو كان يعصي ابوة ومافية خير لة اكيد مارح يكون فية خير فيني ، عرفت ان مو بعزيز البلا ولا ب اخوانة البلا بعمي انة بالاجبار يخضعون لة ولاوامرة..
ابتسمت حسنا:تععالي وشطاري اللي مخلي عمي ليل نهار جايب سيرتك ، يسأل عنك وخلوها ترتاح وصعدو لها الاكل ولاتأذونها وتضايقونها ، شمسسوية انتي؟؟..
ابتسمت ميرال:مالك شغل ، قوليلي وشعندك جاية عندي؟..
حسنا:ماتبيني؟ ، اوك بقوم..
مسكتها ميرال:تععالي ، ناظرتها ، متزاعلة مع صقر؟؟..
صدت حسنا:تخيلي يقول عني مشفوحة وانة من خذاني قعد ع الحديدة واني لاعبة بفلوسة لعب ، مسحت دموعها ، شاف اهلي تخلو عني ومالي سند وصار يعايرني كل شوي على اتفة سبب ، ميرال احسة مايبغيني ومبتلش بي ويقول انة يحبني بس كذا مو من قلب..
ميرال:هو يحبك بس صقر تعرفينة دايم يخونة التعبير ويخبص بالحكي..
مسحت دموعها وسكتت..
ميرال:حسنا ، ترا كثر الزعل يسبب برود بينكم ويخلية يطفش ويمل ومايراضيك لو استمر زعلكم وصار بشكل يومي..
حسنا:يعني تبينة يغثني ويجرحني بكلامة واسكت وارضى؟..
ميرال:لاء ازعلي وبيني لة انك منتي راضية باللي سواة وفهمية ان هالشي يزعل ، عطية فرصة يراضيك مو على اي سبب شلتي نفسك وطلعتي من جناحكم ، خلك بمكانك بس بيني لة انك زعلانة عشان يجي يراضيك بس لاصرتي تطلعين من عندة وتورين الكل انكم متزاعلين بيتضايق من هالشي ومارح يجي كل يوم يعتذر لك قدام اخواتة واهلة خلي زعلك بينك وبينة ولاتطلعين مشاكلك لحد لاتخربين حياتك بأيدك..
سكتت حسنا وتمت تفكر ف كلامها:قد قلتلك اني احبك؟ ، وربي اختي اللي اهي اختي ماحتنصحني وتوعيني مثلك ، بقوم لصقييير ، طلعت بسرعة ودخلت جناحهم وسكرت الباب بقوة متعمدة عشان يصحى..
فز مخرووش:بسم الله ، فرك وجهه واستغفر ، شافها جت ورفعت الغطى وانسدحت واعطتة ظهرها ، ابتسم ولصق فيها وضمها:قومي اجهزي عازمك على احلا فطور..
حسنا بدلع:مابي موتوك تقول مطفر واني مفلستك..
صقر:من قال اني بوديك افخم مطعم ترا كلها سندويشتين شكشوكة وعلبة حمضيات ماتجي ب عشرة ريال ، باس خدها ، يلا قومي بسك تغلي..
ابتسمت ولفت لة:ثواني بس ، قامت تسرع تلبس..
ابتسم وقام الحمام يغسل عشان يصحصح وطلع لبس فانيلتة وثوبة واخذ مفاتيحة واغراضة ولف لها:يلا؟؟..
هزت راسها ، مسك ايدها ونزل معها..
.
.
جالسين حول السفرة يفطرون ، رفع راسة:ارسلتو لميرال فطورها؟؟..
فريال:اية حبيبي ارسلنالها بس متل كل مرة مابتاكول..
سكت ونزل عيونة..
سوسن بهمس لفريال:شبو هاد الختيار كل يوم بيسأل عنا ومهتم فيها لهالاد؟؟..
فريال بهمس:مابعرف..
ناظر صيتة:وانتي ليمتى بتظلين على هالحال!..
صيتة:ولدي مسجون وتبيني اكل اسولف وانبسط واضحك؟ ، مدري بحالة نايم ومرتاح بنومتة ولا فراشهم مأذية ، ياكل زين ولا اكلهم موعاجبة ، اندري بحال ولدي متكدر وضايق بسبب هالنجس ولدك..
شريهان:متغلطيش على ابني!!..
صيتة:تدافعين عن واحد حقيررر ونجس يلعب بأعراض الناس ويتحرش بمحارمة ومحارم اهلة حسبالة كل الناس واطية ويرضون بسهولة مثل ذي ، اشرت على سوسن اللي تغيرررر وجهها وشحب لونها..
جت شريهان بترد قاطعها بومطلق:بسسسس انتي وياها صدق ماتستحون وماعاد صرتو تحشمون احد..
ناظر صيتة:ماهقيتها منك تصغرين عقلك وتصيرين مثلهم يالفاهمة يالعاقلة يالراكدة ، ضرب بعصاتة الارض ، موضوع عزيز ومطلق لحد يفتحة ويتكلم فية ثاني..
تمت سوسن سساكتة وغارزة اظافرها بأيدها من التوتر وتجرحت ايدها ، تنحنحت وقامت:الحمدلله..
صعدت وهي تسبهم:الله ياخدهون كلياتهون ، الله ياخدك يالختيار ي الشنتير ، الله ياخدك يالعقيم مسدأة حالا ومفكرة انو ابنا عنجد اففف ، رفعت راسها ووقفت بنص الدرج بعد ماانتبهت لميرال بوجهها ، دفت ميرال ، ابعدي عن وشي ماني طايأ شوفك..
ناظرتها ميرال وهي مصدومة و..
.
.