في خصرها الناحل مجاعة مساكين وفي ردفها شعب من العز بطران

Part 35

.
.
لحقتة بخطوات كبيرة بعد ماخلص اكل وقام ووقفت قبالة وهي تفرك ايدينها ببعض:بتطلع!..
ناظرها وبأبتسامة:شوفة عينك مكسر ومابي حيل..
ميرال:امم طيب كلم حد من اخوانك يجيب معاة شي اكلة احس جيعانة ماشبعت..
توسعت عيونة ع الاخر:ماشااااااءالله لااله الا الله وش اللي جيعانة انتي ماخليتي شي بالصحون الا واكلتية..
ناظرتة بصدمة:عزيززز!..
عبدالعزيز:عليك بالعافية بس لاجد اتكلم ، خفي شوي ع الاكل شهيتك ماشاء الله مفتوحة بزيادة اخاف تجوعين وماتلاقين اكل وتاكليني..
ميرال:تدري؟ ، الشرهه مو عليك علي انا الخبلة اللي مرتزة قبالك واطلب منك تجيب لي شي اكلة ، انا اعلمك شغلك ، خزتة ومشت..
راحت المجلس:احمم ااء عمي..
بومطلق:هلاء امري ، تبين شي ناقصك شي؟ تحسين بعوار وتعب تبين حد ياخذك للمستشفى؟؟..
ميرال وهي تفرك ايدينها ببعض ، ناظرت ظافر وصقر وردت ناظرت عمها..
بومطلق حس واشر لهم:قومو توكلو..
ميرال:لا عادي ، مشت وقربت منة وبصوت صغير ، احمم عمي انا جيعانة وبصراحة ماشبعت وتعرف انا حامل واكل عن اربعة وانا خامستهم وشهيتي مفتوحة..
بومطلق:ماطلبتي شي ، ناظر صقر ورفسة برجلة ، قممم جب لمرت اخوك شي تاكلة ، ناظر ميرال ، وشتبين تاكلين؟؟..
ابتسمت وناظرت عمها..
.
.
جلست ع السرير قبالها:تهقين فيني شي عشاني ماحملت لهالحين؟..
ضحكت حسنا وانسدحت:هذاني معرسة قبلك وشوفة عينك ماحملت وعادي عندي..
عدلت عفراء جلستها وهي تفكر:مابقى شي ماسويتة مابقى خلطة واعشاب ماشربتها ومافية فايدة ، افف احس ططولت ، حسنا انا ماصدقت على الله حياتي مع ظافر تزين ماابي تخرب بسبب سالفة الحمال ، عمي وانا ادرى فية ان ماحملت بيعرس ظافر علي ، حسنا فكري بهالموضوع بجدية شوي ترا حتى انتي لو ماحملتي عمي بيعرس صقر وحدة ثانية عليك..
صدت حسنا وبضيق:طيب وشسوي ماني عارفة لية ماحملت لهالحين..
عفراء:ماتحسين ان في شي غريب ، مهرة وسوسن من خذو مطلق ماحملت ولا وحدة فيهم وانتي وانا ، بس الوحيدة اللي حملت ميرال زوجة عزيز..
حسنا:وش الغريب فالموضوع؟..
عفراء:مدري احس ان في شي مومعقولة ان ولا وحدة فيننا تحمل ماادري ماادري..
حسنا:موضوع الحمال بيد رب العالمين مو بأيدي ولابأيدك ، ربي كاتب انها تحمل ، وان شاءالله الله بيرزقنا ، لاتحسدين البنت..
عفراء:موقصدي احسدها والله بالعكس مبسوطة عشانها بس ، تنهدت وسكتت..
.
.
نزلت وهي مبتسمة وتسمع سوالف وضحك بالصالة ، دخلت والقت السلام ، اختفت ابتسامتها بعد ماشافت هنادي وابرار بنتها جالسة مع ام مزعل ويسولفون ، التفتت ام مزعل بعد ماانتبهت لوجودها وعفست وجهها وصدت..
حست فيها الهام وتضايقت ، مشت وجلست جمب مي اللي جالسة تاكل التفاحة بقووة وهي تخز ابرار..
مرام بهمس:بشويش لاتغصين ونبتلش ، ناظرت ابرار بصدمة، طع الثانية هييي بتخلص علينا الفاكهه كلها ماتعرف الذرابة الناس تحط الفاكهه ديكور وذي قضت ع الصحن كلة..
عهود:واللي يسلمك خليها منشغلة بالاكل ولا تجلس تسولف وتصدع روسنا بسوالفها..
مرام:والله مااخليها تتهنى ، ابتسمت ورفعت صوتها ، الا ابرار مو انتي قايلة انك تسوين دايت اشوف ماشاءالله شهيتك مفتوحة ومابقيتي شي بالصحن..
ام مزعل:مرااام!!..
ابتسمت ابرار:لا عادي خالتو ماقالت شي ، اية يروحي انا مسجلة ف الجم واسوي دايت وشوفيني محافظة على جسمي ورشاقتي ، ناظرت الهام ، الا الهام ابسألك! ، انتي جايبة عيال من زوجك السابق؟ ، لان ماشاءالله جسمك جسم وحدة معيلة..
تغير وجةة الهام ونزلت راسها وبلعت ريقها :ل لاءء..
انقهرت مرام:الا ابرار ابسألك ، شصار على الخطاطيب الطوابيرر اللي يجون يبغونك للحين ترفضينهم وماتفكرين بالزواج؟؟..
عقدت هنادي حواجبها وناظرت ابرار:اي خطاطيب؟؟..
عهود ومي ومرام فطسو ضحك..
ام مزعل:بسس عيب!..
مرام بضحكة:يمة وشعلية تقولين لنا عيب؟ مو المفروض تقولين لابراروة عيب عشانها تكذب والكذاب يروح النار!..
ضحكو بناتها..
ام مزعل بحدة وهي تخزهم:داخل انتي وياها!..
قامو وجرت مي الهام وصعدو..
دخلو غرفتهم وجلسو على السرير يسولفون..
عهود:وشفيك كل شوي تناظرين ساعتك؟؟..
مي بضحكة:الظاهر تنتظر جية الحبيب..
مرام:وية لايكون تحاتين يجي وابراروة هنا ، حركت حواجبها ، تغارين علية..
صدت الهام بخجل..
ضحكو..
مرام:ياربي شوفو شكلها ههههه ، شهقت وابتسمت بخبث..
عهود:يمة يمة جتها الافكار الخبيثة..
عدلت مي جلستها:وشعندك هالمرة؟..
مرام:انا ابرار ذي ماادانيها وحالفة اني اخليها تحرم تجي البيت صح؟؟..
عهود:يوووة كلامك ذا قلتية من يوم وحنا صغار وهاذهي ناقعة عندنا كل يومين ماشفنا شي..
مرام بأبتسامة:ابرار وش اكثر شي تموت فية وتبية؟ وش اللي يخليها كل يوم مرتزة وجاية بيتنا؟؟..
ناظرو الهام وسكتو..
ضربتهم مرام:انطقو..
عهود ومي وهم يناظرون الهام:مصعب..
عهود بسرعة:تراة والله مايحبها ولايدانيها..
مي:يعني بذمتك وجة القرد ذا ينحب؟..
مرام بتفكير وهي تناظر الهام:قومو نضبطها..
ناظرتهم الهام بدهشة:تضبطون من؟..
.
.
.
جالسة ع السرير تناظر مرام وعهود يتضاربون..
مرام:اقولك هالقصة احلا ماتفهمين!..
عهود:وانا اقولك المدرج بيطلع حلو عليها..
ضربت مرام جبهتها: ياربي وشيفهم هالثورة ، يااااقدمك من يقص هالحين مدرج اذكر هالقصة على ايام جدتي الله يرحمها ، انا اقول هالقصصة تجنن وخصوصاً انها تناسب وجهها وافكر اصبغ شعرها هالدرجة خخيال بيطلع عليها..
قربت منها عهود وعينها ع الجوال:اشوف! ، ناظرت الهام وردت ناظرت الجوال ، اي والله صادقة بتطلع تجنن عليها..
جلسو يناظرون الهام وهم مبتسمين والهام تناظرهم ببلاهه..
دخلت مي وهي ماسكة ايد وحدة وشايلة بالايد الثانية شنطة كبيرة واللي معها شايلة شنطتين وحدة صغيرة ووحدة شنطة سفر: وجبت منى..
سلمت منى عليهم وفصخت برقعها وعباتها:ماشاءالله هاذي زوجة اخوكم؟..
جلست مرام:اية عاد هالله هالله فيها يالجارة مااوصيك عليها..
منى بأبتسامة:مايحتاج توصين ماتعرفين شغلي؟؟ ، ناظرت الهام ، حبيبتي قومي اجلسي ع الكرسي..
ناظرتهم وبهمس:وش بتسوون فيني..
جرتها مي:جايبين لك اطلق وحدة بالحي تعرف تسوي بدكير ومنكير وتصبغ وتقص وتحط ميكب يعني صالون متحرك ، اققول قومي وانتي ساكتة..
جلست وهي تناظرههم وموفاهمة شي..
التمو كلهم حول منى وصارو يعلمونها وشيبون وبدت منى بشغلها..
.
.
دخلت المجلس بعد ماطلبها ابوها بخطوات بطيئة وهي رافعة راسها كأنها عارفة ان بيجي هاليوم اللي بيناديها ابوها فية ووشاللي بيقولة ومجهزة الرد ، وقفت قبالة وتمت تناظرة وتكسو ملامحهها البرود:نعم يوبة!..
بومطلق وهو يحط نص ملعقة سكر بالشاي ويحركها:تعرفين يابوك انتي ارملة وبعدك صغيرة ، رفع راسة وناظرها ، مالة داعي للمقدمات ولد ابوعامر طالب يدك وانا اعطيتة كلمة وانتظرك بس تالدين وتطلعين من العدة عشان تملكون وياخذك معة بدون زواج وخرابيط..
رهام بجمود:بأي حق توافق؟..
بومطلق بصدمة:وشهوو!!..
رهام بصراخ:ماراح اخذة ولا راح اخذ غيرة ولو تنطبق السما على الارض ماتزوجت ، غير حسسين ماابي ووالله لو تفكر تجبرني على شي لاافضحك واروح اشتكيك عند المحاكم ووالله والله لو تضربني لا اهرب واسود وجهك وافضحك بين الناسس ، ماابي اتزوج واذا انك تشوف اني بجلس علة على قلبك لاتخاف كلها يومين وراجعة لبيت زووجي وماني بعازة احد..
مشت..
ناظرها بومطلق بدهشة ومومستوعب ولا كلمة من اللي قالتة..
.
.
رن جوال صقر ورد شوي وسكر ، ناظر عبدالعزيز:يالحبيب وصلت سيارتك ، قوم لجل نشوفها..
قام صقر وعبدالعزيز وظافر معاهم..
طلعو ووقف صقر وضرب راسة:اوووف ، لف وناظر عبدالعزيز ، اللي يشوف السيارة مايصدق ان اللي يسوق مامات ، قرب يناظر السيارة وهو مصدوم..
حط ايدة على كتف ظافر وبهمس:في شي صاير بينك وبينة؟؟..
تم ظافر يناظرة وتنهد:انا اغلطت علية يوم اللي مشت جدتي وقلت كلام مالمفروض اقولة ومن يومها صقر ماراضي يكلمني او يقبل اعتذاري..
جا صقر ناحينهم وناظر عبدالعزيز وبأبتسامة:قل تم ، ولا إن المرة فاقرتني ، ضرب صدرة ، لاكن السيارة علي ، جديدة وكالة موتشيلح ، من بكرة الصبح ابخذك تختار السيارة اللي تبي وانا ابدفعها اقساط لك ..
ابتسم عبدالعزيز:ماتقصر بس انت سدد اقساط سيارتك ثم تكلم..
صقر:يحبيبي ابوي شاريلي اياها كاشش مو انا اللي اخذلي سيارة اقساط..
ضحك عبدالعزيز..
صقر ويناظر بعيد:ولية وشمطلعة من جحرة ذا! ، استغفر الله يخوفي نغيب عن البيت ويستفرد بوحدة من حريمنا..
التفت عبدالعزيز واختفت ابتسامتة ، ناظر اخوانة ومشى ناحية مطلق وصقر وظافر لحقوة بسرعة..
ظافر:عزيز ، عزيزز..
تجاهلةة عبدالعزيز ولف مطلق لة بقوة:انت وششجابك هنا!!..
مسك صقر عبدالعزيز من ذراعة:اتركة يولي..
نفض ايدة بقوة وناظر مطلق بحقد وكرهه:قلي وششجابك موابوي طاردك من البيت ، موقايلك لاتجي البيت ثاني قلي وشعندك جااااي ، من هالمرة ناوي علية من اللي حاط عينك عليها ، حرمة صقر ولا حرمة ظافر ولا حررمتي!!..
مطلق:عبدال..
قاطعة عبدالعزيز ودفة بالقوة ع الجدار:لاتقول اسسمي على السانك وتنجسة ، لك عين تجي عقب اللسويتة!! ، انت وشمنة مخلوق قلييي وشمنة مخلوق..
مسكة صقر مرة ثانية ومعاة ظافر:يحاولون يبعدونة..
ظافر:عبدالعزيز هد..
نفض ايدينهم وناظرهم:مااني مهدي ، انتو ماتخافون ، هز راسة ، ماتخافون على حريمكم وذا موجود ، ترا ماسواها مرة سواها مرتتتين وبيسويها ثلاث واربع ، هذا اللي قدامكمم رح تشوفونة بيوم من الايام يعتدي على وحدة من حريمكم ، عادي عندكم!..
صقر:كلنا نفسك مانبية يجلس بالبيت وخايفين على حريمنا منة لاكن ابوي هو اللي ردة للبيت مابيدنا شي نسوية الا لنا مانترك حريمنا لحالهم وننتبة عليهم منة..
عبدالعزيز:بس!! ، ناظر مطلق ورد ناظر صقر ، دام ذا موجود بالبيت انا باخذ حرمتي واطلع من البيت ، ناظر مطلق بكرة ومشى..
لوى صقر شفتة:الظاهر اني بسوي نفس الشي ، مشى..
تنهد ظافر وحس ان مطلق ك..
.
.
.
.
تنهد ظافر وحس ان مطلق كسر خاطرة لاكن صحيح كلام عبدالعزيز ، مايقدر يستأمن على زوجتة ومطلق موجود ، حس ان قلبة انخمش لمجرد انة تخيل مطلق يكرر سواتة لكن مع عفراء ، عقد حواجبة وناظر مطلق ومشى وهالتفكير مرعبة ، دخل البيت وصعد للجناح وكالعادة ريحة البخور والعطور مالية المكان والاضاءة الخافتة والموسيقى الهادية اللي دايم تشغلها ، تنهد ويحس بالاسترخاء كل مرة من يدخل الجناح ، ابتسم ودخل يدور عليها ، شافها تو طالعة من الحمام ولابسة روب الحمام اسود وتنشف شعرها بفوطة صغيرة بنفس اللون لفت راسها بالفوطة ، ابتسمت لة ومشت للتسريحة وبدت توزع اللوشن على جسمها..
مشى ناحيتها ووقف وراها ، ناظرتة من المرايا وابتسمت لة..
طلع من جيبة علبة وفتحها ومسك السلسال ولبسها اياة..
ناظرتة بدهشة وحطت ايدها على السلسال ولفت لة ، ابتسسمت وتحس بفرحة موطبيعية بس عشان ظافر اهداها هالسلسال النااعم ، وقفت وحضنتة:احبك..
بلع ظافر ريقة وبتردد ضمها وبعدها باس كتفها وابتسم..
.
.
واقفين جمب بعض يناظرونها وتعابير وجههم خوفتها:شين؟ موحلو صح انا قايلة لكم مالة داعي لذي الاشياء..
مرام وهي متنحة:مهبولة انتي!! ، يجججنن خيال خيال طالع عليك ، احس عيوني قامت تدمع احس بفخر للانجاز اللي سويتة..
دفتها مي بكوعها:وش انجازة تراها منى اللمسوية كل شي وانتي جالسة تبلعين..
مرام:انطمي..
عهود:جد جد صايرة تهبلين ، يعني انتي ماشاءالله حلوة بس صرتي احلا..
منى بأعجاب:جميلة ماشاءالله ربي يحميك..
مي:كم حسابك!..
منى:والله مااخذ ولا ريال..
عهود:لا منى الله يخليك لاتحرجينا..
منى وهي تلم اغراضها والمكياج:حلفت اني مااخذ منكم شي تزعلوني كذا..
مرام:ياعمري هذا الجيران السنعين مو حصوة القردة..
مي:الله ياخذها..
مرام:وياخذ القردة الثانية اللي تحت ونفتك..
رفعو ايدينهم:امين..
منى بضحكة:حرام تدعون عليهم..
مرام:حرمت عليهم عيشتهم..
عهود اعطت الهام فستان:قومي البسية مصعب الحين جاي..
ناظرت الفستان:لاا عاري..
دفتها مرام:اقول انطمي وقومي البسية لا احنا نلبسك اياة..
قامت تبدل وشوي وطلعت وهي مستحية وتحاول تنزل الفستان لتحت وتخش صدرها بأيدها الثانية:طيب عطوني شال..
جروها وطلعوها برا الغرفة ومي تلحقهم بالكعب ، لبسوة اياها بالاجبار ونزلو وهم يسحبون فيها..
شهقت مي وبهمس:جا جا اسمعو صوتة بالصالة..
انخشو وصارو يطلون كلهم..
مرام بتهديد:هالحين تدخلين وتتميعين بمشيك وتروحين لرجلك وتمسكينة من كتفة وتقولين ، غيرت نبرة صوتها وبدلع ، حبيبي جييت!!..
مي وهي تنطط:خل تبوسة خل تبوسة بعد..
قرصتها عهود:عيب..
الهام بصدمة:استحي..
مرام:يالبقرة شوفي ابراروة كيف لاصقة وناشبة فية ترا والله تاخذة منك ، شوفي كيف كلامها معة معسول وتتلزق فية وتتميع وتتصنع الدلع بشكل يلوع الكبد بس ترا الرجال يطير ورا هالسوالف ومصعب لاماشاف منك هالحكي الزين وبيجلس يسمعة منها تالي بيميل لها ويحبها وانتي عاد بكيفك..
هزت عهود راسها بتأييد..
مي:صدقيني ترا ابراروة حية والله تصرقة منك انتي بس لو تقولين لة كم كلمة حلوة ينهبل ولا يفكر بغيرك صدقيني..
عهود:انطمي يالبزر انتي وشعرفك بهالكلام..
مي:كليتبن تراك اكبر مني بسنة..
مرام بخبث:موتقولين هالحكي بينك وبينة لاا قولية قدام ابراروة وهالحححين عشان تنجن وتتصرقع وتحس ان مافي مجال انها تاخذ مصعب لاشافتة طاير فيك..
منى:ترا اختي زوجها اعرس عليها واخذ صاحبتها عشانها كانت تتلزق فية نفس ابرار الين ماخذها..
بلعت الهام ريقها واخذت نفس طويل ومشت لداخل الصالة..
مرام بدهشة:صحيح الكلام اللي قلتية ححقيررر زوج اختك كيف سوا كيذاا؟؟..
عهود:يالهبلا نسيتي ان منى ماعندها خوات..
ضربت مرام جبهتها:اووة صح ، يمة منك منتي بهينة شوفي البنت قامت تركض.. كلهم صارو يطلون..
،
،
هنادي:والله اني مشتاقتلك صاير ماتنشاف الا بالقطارة وان دخلت البيت سلمت وطرت فوق.. ابرار وبدلع وهي ترتشف من كاس العصير:شف كيف امي تحبك؟ حراام اجلس عشانها لاتكسر بخاطرها..
مصعب وهو منزل راسة: اعذريني ي خالة والله اني اجي من الدوام تعبان ومافيني حيل..
ابرار:مالك عذر بكرا امي ناوية تعزمك ع العشا تعال عندنا بدري لاتتأخر..
ابتسمت هنادي:صحيح بكرا تعال تعشى عندنا ، وشتحب اسويلك ع العشا؟؟..
ابرار وعينها على مصعب:مالة داعي تسألينة ، انا اعرف كل اللي يحبة واللي يكرهه ، ابتسمت وارتشفت من العصير ، التفتت لصوت الكعب توسسسعت عيونها ع الاخر وشرقت بالعصير وانكب على عباتها وتلعوزت وصارت تكح بقوة..
ضربت ام مزعل ظهرها:بسم الله عليك ياقلبي شوي شوي وانتي تشربين..
بعدت ابرار عن ام مزعل وهي تمسح وجهها بالمنديل وتمت تناظر مصعب كيف مبلم ومتنح ف الهام ، رجعت ناظرتها وحسسسست بقهر موطبيعي ونار الغيرة تشتعل بداخلها..
هنادي بخوف:وشفيك يمة بسم الله عليك..
تجاهلتها ابرار وهي تناظرهم وتتنفس بقووة..
مشت الهام ناحية مصعب وهي مستحية ، القت السلام بصوت خافت وقربت منة وبتردد توها بتمسك ايدة الا هو سبقها وقرب منها حيل ، شبك اصابيع ايدينة بيدينها ورفع ايدها وباسها وهو ماشال عينة عنها:ناوية تذبحيني؟؟ ، وشهالزين خفي علي ي بنت الناس انا ماقويت على شكلك يوم خذيتك وهالحين تبين اقوا على شكلك وانتي كذا ، حرام عليك..
.
.
.
.
ورفع ايدها وباسها وهو ماشال عينة عنها:ناوية تذبحيني؟؟ ، وشهالزين خفي علي ي بنت الناس انا ماقويت على شكلك يوم خذيتك وهالحين تبين اقوا على شكلك وانتي كذا ، حرام عليك طول يومي بالشغل صاير مسبهه وبالي معك وهالحين اجي اشوفك احلا من قبل ، لف على امة ، يمة قولي لها تخف علي ، والله حرام عليها ع اللي تسوية فيني شوفي قلبي يمة كيف يدق..
الهام اخخخختفتتتت ذاااابت من الاحرااااج الموطبيعي تمنت الارض تنشق وتبلعها وتحسس ان جتها دوخة..
هنادي:ههههه حرام عليك انت شف وجة البنت قلب طماطة..
ابرار بحدة:منجدك انتتتتت؟؟ ، اعمى ماتشوف؟ طايح حب وغرام وغزل بهاذي؟؟ بوحدة مستعملها غيرك من قبل ويوم شبع منها رماها واخذت فضلتة؟ انت ماتشمئز منها؟ ، قلي يوم دخلت عليها وشحسيت فية من شعور وهي مو بنت؟؟ عادي؟؟ ، لاء انت موطبيعي اكيد مسحور او لانها خبرة ف العلاقة ال.. وهالشي عجبك؟..
شهقت من قوة الكف اللي جاها وطاحت على الكنب ، ناظرت امها بصدمة ، اول مرة تمد ايدها عليها وتضربها:تضربيني ي يمة؟؟ طيب انا اوريك والله مااجلس عندك دقيقة وحدة بالبيت ، ناظرت مصعب والهام ، انا اوريكم ، ناظرت ام مزعل ، وحتى انتي ، اجل تزوجين ولدك هاذي وانااا تتركيني؟؟ تفضلين الزبالة هاذي على بنت اختك؟ ، ناظرتهم بحقد وطلعت تركض..
هنادي بأحراج:اعذروني والله مالي وجة عقب اللي صار ، نزلت راسها وطلعت بسرعة ورا ابرار خايفة عليها..
.
.
دخل المجلس وشاف ابوة جالس يرتشف القهوة بهدوء ، مشى ناحيتة ووقف قبالة:انا ابطلع من هنا..
استغرب بومطلق:اطلع انا وشعلي؟..
اخذ عبدالعزيز نفس يهدي نفسة:قصدي ابخذ حرمتي وابطلع من البيت..
عدل جلستة:خير؟؟ ولية ان شاءالله لاتقولي عشان البادية وو..
قاطعة عبدالعزيز:عشان مطلق هنا!..
سكت بومطلق..
عبدالعزيز:اعذرني يبة لاكن مستحيل اجلس ومطلق بالبيت مااستامن على حرمتي وهو فية..
بومطلق:اخوك تغير وانا شفت هالتغيير بعيوني مطلق صار شخص ثاني..
ابتسم بأستهزاء:مثل المرة الاولى؟؟ ، اللي قالك فيها انة تغير وانت صدقتة ورد حاول يسويها ثاني بميرال؟، يبة انا جاي ابلغك ان مالي قعدة بهالبيت دامة مطلق موجود فية..
بومطلق:وشتبيني اسوي انت جالس تخيرني بينك وبينة! ، اخذ نفس طويل ، اسمعني ، ان اخوك رد وحاول يتحرش بحرمتك ثاني انا اوعدك انء..
قاطعة عبدالعزيز:وتبييييني انتظرررة يرد يححاول؟ ، لا يبة والله ان مالي جلسة بذا البيت دام هو فية..
زفر:خلاص!! ، منت طالع من البيت ابشوف صرفة لخوك وادبر لة مكان يجلس فية..
عبدالعزيز:ماراح انتظر ، ليما طلع من البيت بلغني عشان ارد..
بومطلق:وين بتروح فية!..
عبدالعزيز:ابشوف لي احد الفنادق استاجر غرفة..
غمض بومطلق عيونة:خلاص ابخلي ظافر ياخذة هالحين ويستاجر لة شقة ، تنهد بومطلق بعد ماطلع عبدالعزيز وغمض عيونة..
شوي ودخل صقر:يبة!..
فتح بومطلق عيونة:زين جيت..
جلس صقر جمبة:يبة ابكلمك بموضوع بس يليتك تتفهم الوضع وماتعصب..
بومطلق بخوف:تكلمم وشصاير خوفتني..
اخذ صقر نفس طويل ولم الفناجيل وحطهم بعيد:لا تعصب هاة ، يبة انا اباخذ حرمتي وابطلع من البيت..
بومطلق بصدمة:انتتتت بعد!!..
صقر بأستغراب:وشفية!!..
بومطلق:اخوك توة جايني وقايل نفس الحكي..
صقر:يعني نلم اغراضنا؟..
بومطلق بعصبية:وششش تلممم!! ، لا مالكم طلعة من ذا البيت ، ابشوف لي حل مع مطلق يبات ف اي مكان اليما ادبر لة شقة ولا فلة على قدة..
قام صقر..
بومطلق وهو عافس وجهه:ناد اخوك..
صقر:اي اخو فيهم..
بومطلق:ظافر..
زفر بومطلق بعد ماطلع صقر واخذ الدلة وصب لة قهوة واكل تمر وبعد ربع ساعة جاة ظافر:هلا يبة..
بومطلق وهو عافس وجهه:انت الثاني ماعندك شي تقولة!!..
ظافر:فالحقيقة ، سكت..
بومطلق:تبي تطلع من البيت مثلهم!!..
نزل راسة..
فرك بومطلق وجهه وتنهد:لاحول ولا قوة الا بالله ، خذ مطلق لأي فندق وشف لي من الفلل الصغار اللي عندنا ولا من الشقق الزينة لخوك واثثوها لة وخلوة يسكن فيها بعد ماتخلص امورها ، اشر بيدة ، توكل ، ايةة ، شف لة وظيفة يشغل عمرة فيها بدل الجلسة بالبيت ، وظفة بالشركة هو مايفتهم كثير بأمور الxxxx..
ظافر:ابشر ، مشى..
دخلت شمايل وهي مستغربة من ظافر اللي باين انة متضايق:احمم يوبة!..
بومطلق:انتي بعد جاية تبلغيني انك تبين تطلعين!!..
عقدت حوجبها وفتحت ثمها:هاة!!..
بومطلق بدون نفس:وشتبين!..
شمايل وهي تفرك ايدينها ببعض:اءء جاية اقولك ان امي تقول وشنفسك فية ع العشا؟..
بومطلق:اي شي اي شي..
لوت شفتها ومشت..
.
.
عند ناس من زمان ماتكلمنا عنهم..
جلس على اطرف السرير ونزل الغطى عن وجهها:الى متى بتسوين بنفسك كذا؟؟..
تمت تناظرة بجمود..
مسك ايدها وباسها:عندي لك خبر بيفرحك..
سحبت خولة ايدها ورجعت تغطت بالكامل متجاهلتة..
.
.