.
.
شاف مطلق قام وهو يترنح وميرال اللي تسندت بسرعة وماسكة سلاح بأيدينها وترررجف وتجر الشرشف تحاول تستر نفسها..
ناظرت الدم وناظرت مطلق اللي يتمسك بالكومدينة والجدار والتسريحة ويطيح بالارض بسبب دمة اللي عبى الارضية وصار يتزحلق فية ويرجع يقوم يحاول يطلع وناظرت الدم اللي بيدينها..
ورفعت عيونها لعبدالعزيز اللي توها تستوعب وجودة عند الباب بعد مامر مطلق من جمبة ومسك كتفة وطاح بالارض عند رجولة وصار يزحف وطلع برا وصار يتمسك بالاشيا عشان يقوم ، طاح السلاح من ايدينها وهي ترجف:ع عزيـ ز وال والله انءء م كنت ح حموتة بـ س هو ح حاول يغتصـ ، حست بغصة وماقدرت تنطقها..
بكت وهي تشوف شكل عبدالعزيز وماسك السلاح بأيدة ويناظر الارض ووجهه اصصفر وعيونة صايرين مثل الجمر ويتنفس بشكل سريع ، تراجعت على ورا بخوف منة لما رفع عيونة لها وجا بسسرعة ناحيتها:عزيز والله هو التهجم علي وحاول يع ، صرخت بألم بعد ما مسكها بقوة وشد عليها بقوة لدرجة انها ماتتنفس وتحس اضلاعها رح تتكسر..
عزيز بهستيريا وبلا وعي وبصراخ:انتتتتي لييي محححد حياخذك منييييي ، رح اذبحك ، ايةة اذبحك عشان محد يقدر يقرب منك وياخذك مني..
ميرال ببكا:عزيزز اااة المتني..
عضت على شفتها تكتم صرختها من قوة ماهو عاصرها بحضنة وبهداوة:عزيز انا لك ، محد حياخذني منك ، اصلاً انا ماابي غيرك ابيك انت..
رخت ايدينة شوي بس لازال متمسك فيها وضامها..
انصدمت ميرال بعد ماشافت دمعتة نزلت وهو يردد:انتي لي محد رح ياخذك مني انتي ملكي ، ضغط عليها بقوة ونفضها ، لمسسسك! ، قولي لمسسسك؟؟..
ميرال بألم:اااة عزيز جالس تألمني ، والله مالمسني بعدني بكر ومحد حيلمسني غيرك ، عزيز وجعتني ، بكت ، عزيز والله احبك شيل من بالك وتفكيرك اني رح اخونك ، انا ماابغى الا انت..
تم يناظرها وهو يرجف وبعدها جر من عليها الشرشف ودفن راسة برقبتها وصار يبوسها بعنف ويردد انها لة وم حيسمح ان يلمسها غيرة..
وميرال متوجعة وتترجاة:عزيز تألمنييي ، موبهالطريقة الوحشية ، عزيز تكفى لاتكرهني فيك ، بكت..
غمض عيونة وحط راسة على صدرها وضمها وهو يتنفس بقوة ويسمع بكاها..
.
.
دخل قبلها وهو لاف يناظرها ويتغزل بشكلها طول الطريق وهي مستحية وتتدلع ، انخرش بعد ماشاف بوجهه مطلق يترنح بمشيتة وصار قبالة وطاح علية ، مسكة بسرعة وضمة لصدرة قبل لايطيح وهو مصصدوم ويناظر حسنا ، اسند مطلق وناظر حسنا ، طلعي مفتاح السيارة من جيبي بسسرعة..
طلعتة حسنا وهي مخروشة وترججف وفتحت السيارة وجا صقر وراها وساند مطلق سدحة ورا وناظر حسنا وركب بسرعة ومشى للمستشفى بسرعةة..
.
.
رجعو البيت الساعة 2 ونص ، ودخلو وهم يسولفون عن الزواج ومبسوطين..
وقفت شمايل بعد ماشافت الدم اللي عند الباب بالارض ولفت ناظرت امها:وشذاا!!..
استغربت شريهان وفتحت الباب ودخلت وانصصدمت من الدم اللي مغطي الارض والدرج ومعبي البيت:اية دة!..
دخل بومطلق وظافر وناظرو الدم ومصدومين..
ناظر بومطلق حريمة وبناتة وحريم اولادة:وشذا؟؟..
شاف حسنا جالسة عالكنب وتناظر الارض برعب وسساهية:وششصاير!!..
فزت حسنا بخوف وتوها تحس بوجودهم:م مدري عمـ ي جينا و وشفنا مطلق مجروح والدم يصب منة وطاح وصقر خذاة للمستشفى!..
شهقت مهرة بخوف وناظرت شريهان اللي ماقدرت توقف وطاحت بالارض تبكي:ابنييييي ابني حيموت ، ياربي لية بتعمل فيا كدة لية بتاخذهم مني واحد ورا التاني..
جلست جمبها فريال وضمتها:ماتعملي بنفسك هيك ان شاءالله مافية الا العافية..
ماردت شريهان وظلت تبكي وتضرب نفسها..
جلس بومطلق عالكنب يحس مافية حيل يوقف ، ناظر ظافر:رن على اخوك..
دق ظافر على صقر ومارد ، صار يدق اكثر من مرة ويعطية مشغول ، ناظر ابوة:يبة مايرد..
مسح بومطلق على لحيتة:لا اله الا الله..
ناظر ظافر الدم ومشى يتبعة وانصدم بعد ما وقف قبال جناح عبدالعزيز ويناظر الارض ورفع راسة يناظر الباب ، التفت بعد ماسمع صوت شمايل:ظافر ابوي يقول دق على صقر و ، ناظرت الارض وناظرتة ، لية واقف هنا!!..
مارد ونزل بخطوات سسريعة وراح لبوة:يبة!!..
ناظرة بومطلق:هاة طمني وشفية اخوك!..
ناظر الحريم ورد ناظر ابوة:ابيك شوي..
ناظر بومطلق الحريم:توكلو ماسمعتوة شقال..
ظافر:لالا ، سكت ماعرف شيقول ، يبة قم معي ، مسك ايد ابوة وقومة وبومطلق يناظرة وهو مستغرب ، صعد معاة ووقف قبال جناح عبدالعزيز ولف يناظر ابوة..
ناظر بومطلق الباب والدم وطبعة ايدين مطلق عالباب وكأنة بدأ يفهم وناظر ظافر بسرعة ، فتح الباب بسرعة ودخل وهو ينادي عبدالعزيز:عزيزز! ، عزيززز!!..
.
.
منسدح على صدرها وضامها بقوة كأنة بهالطريقة يتملكها ويبي يبين انهي لة وسساكت ويسمع بكيها..
ميرال ببكا:عزيز اذا مات رح يسجنوني ، رح يعدموني عشاني ذبحتة ، موقصدي والله ، شهقت بخوف ، عزيز انا خايفة ، حاولت تقوم ، تكفى عزيز خنهرب ماابي ابقى هنا رح يسجنوني ، رجعني للبادية ، رجعت نوبة البكاء وتصيح بصوت عالي خايفة ومصدومة من اللي صار وخوفها ززاد بعد ماتخيلت انة ممكن يموت ويسجنونها..
فزززت بخوف وصارت ترججف بعد ماسمعت صوت عمها بداخل الجناح ويصرخ وينادي عبدالعزيز..
قام عبدالعزيز ومسكتة بسرعة:عزيز لاتخليني ، تسندت بعد ماطلع ع السرير وهي تقرض اظافرها برعب وتناظر الدم اللي معبي المكان ، قامت بسرعة و..
.
.
.
.
تسندت ع السرير وهي تقرض اظافرها برعب وتناظر الدم اللي معبي المكان ، قامت بسرعة سحبت اي شي بالدولاب ولبستة ولبست عباتها وطلعت وقفت وهي تسمع عبدالعزيز يقول كلشي لبوة وهو منفعل ومعصب وناظرت عمها وشافتة سساكت وماابدى اي ردة فعل ، رجعت على ورا خطوتين بعد ماطاحت عين بومطلق عليها ، نزل عيونة وتم يستغفر وطلع بعد ماناداة ظافر ، ثواني ورجع وبهدوء وهو منزل راسة:صقر جا والشرطة معة..
لصقت بالجدار وهي تتنافض وتررررججججف وتهز راسها وتناظر عبدالعزيز..
ناظرها عبدالعزيز وطلع..
لصقت بالجدار وصارت تلطم وجهها وتبكي:وشسويت وشسويت ، اكيد مات وجايين ياخذوني..
حاولت تهدأ وتستجمع قواها وطلعت وداخلها خوف ورعب موطبيعي ، شافت الحريم كلهم واقفين عند الدرج ويطلون وراحت وقفت جمبهم وطلت..
.
.
نزل بومطلق ومعة عبدالعزيز وظافر ، ناظر صقر والشرطيين:شصاير!..
صقر:مطلق شفتة متصوب بالرصاص وحالتة خطيرة وهو هالحين بالمستشفى و الشرطة جاية تحقق بعد ماخذو اقوالي..
الشرطي وهو يناظر الدم ويناظر الدرج:هو لة اعداء ولا فية احد يهددة من قبل؟؟..
مارد بومطلق وتم ساكت..
ناظر الشرطي الثاني عبدالعزيز وثوبة المتلطخ بالدم:انت كنت موجود وقت اللي تصوب فية؟..
عبدالعزيز بهدوء:اية ، سكت ثواني ، انا اللي صوبتة..
صرخت ميرال ونزلت بخطوات سريعة:يكذب والله يكذب انا اللي ذبحتة ، رفعت يدينها الملطخة بالدم ، والله انا اللي ذبحتة لاتصدقونة..
بومطلق:صدق ماتستحين ونازلة عند الرياجيل ، اصعدي ياقليلة الادب..
طنشتة ميرال وقربت من الشرطيين:كذاب والله ان انا اللي ذبحتة خذوني انا هو ماسوا شي..
عبدالعزيز وهو راص على اسنانة:ميرااال روحي فووق!..
الشرطي وهو منزل راسة لان ميرال كاشفة وجهها وحجابها مبهذل ونص شعرها طالع:اخوي تفضل معنا للمركز ، حط ايدة على كتف عبدالعزيز..
بعدت ايدة ميرال:اتركة هو ماسسوا شي صدقوني ، ناظرت عبدالعزيز ، عزيز تكفى قولهم الصدق ، جرها بومطلق وصرخت ، عزيزززز!..
طلع عبدالعزيز مع الشرطيين ولحقوة صقر وظافر..
لفها لة بومطلق وناظرها وهو ماسك اكتافها:انتي ماتستحين نازلة عند الرياجيل بهالشكل ذا..
ميرال ماكنها تسمعة رخت بيدينة وهي تبكي:خذوة ، عمي تكفى قولهم هو ماسوا شي انا اللي ذبحتة ، مسكت ايدة وباستها ، تكفى طلبتك قولهم انة ماسوا شي والله يكككذب..
مسح على كتفها:خلاص اهدي رح يرجع لاتخافين..
مسحت دموعها وتمت تناظرة الين ماطلع ، رفعت راسها بعد ماسمعت صراخ الحريم وصعدت ، شافت صيتة مغمى عليها وهم يحاولون يصحونها..
.
.
دخلت الجناح وهي تناظر بقع الدم اللي مالية الجناح كلة ، دخلت الحمام ووقفت قدام المرايا وناظرت وجهها ونقط الدم متطشر بوجهها ومغطي جسمها ، فصخت ملابسها ورمتهم بالزبالة وشغلت الماي البارد ونزلت تحتة ، جلست وضمت رجولها لصدرها وصارت تبكي وترججف من برودة الماي..
جلست ساعة تقريباً بعدها قامت بتعب وتحس موقادرة توقف ، لفت الفوطة على جسمها وطلعت من الحمام ، لبست لها بيجامة مريحة ودافية ووقفت تناظر الغرفة وتحس استاحشت منها ، فتحت الدولاب وطلعت شرشف وحطتة على نفسها وطلعت ، ضربت باب غرفة هيلة ودخلت..
ناظروها هيلة وشمايل..
ميرال:ممكن انام هنا!..
ناظرتها شمايل وكسرت خاطرها وقامت من سريرها:نامي هنا ابفرشلي بالارض..
تنهدت ميرال:شكراً ، انسدحت ع السرير وتغطت بالكامل شوي وحسو بصوت شهقاتها على خفيف..
شمايل ناظرت هيلة ولفت تناظر ميرال..
قامت هيلة وجلست على اطرف السرير وحطت ايدها على كتف ميرال:ميرال حبيبتي لاتضايقين نفسك ، ان شاءالله بيطلع قريب بس شوية تحقيقات وكذا..
جلست جمبها شمايل ونزلت الشرشف عن وجهها:صحيح اتضارب معك بس مومعناتة اني اكرهك ، سكتت شوي ، انا طبعي كذا مع الكل ، ابتسمت ، اقولك شي ، اليوم حسدتك بالزواج ماشاءالله تبارك الله شكلك يججذب ويخلي الواحد غصباً عنة يناظرك ومايقدر يشيل عيونة عنك ، وو انا اسفة عاللي قلتة لك قبل وترا عزيزوة صدق يحبك وهالشي واضح بس مسوي فيها ثقيل وانا كنت ابغثك بس يوم قلت ذاك الكلام..
ميرال مسحت دموعها وتمت تناظرهم:عزيز ماسوا شي ، انا اللي اطلقت على مطلق النار..
سكتو وتمو يناظرونها..
عدلت ميرال جلستها ، مسحت دموعها وجلست تناظر ايدينها:مطلق دخل علي الغرفة و ، ناظرتهم وسكتت..
شهقت هيلة وناظرت شمايل وردت ناظرت ميرال:حاول يعتدي عليك..
غطت ميرال وجهها بيدينها وبكت بنحيب..
ناظرو بعض وقربو منها ، ضمتها هيلة وجلست شمايل تمسح على كتفها وتهديها..
ناظرتهم ميرال ومن بين دموعها:مابتكرهوني؟ ، مارح تضربوني او تطردوني عشاني سويت كذا بخوكم؟؟..
تمو يناظرونها وهم ساكتين..
شمايل:مو اول مرة مطلق يسويها ، من قبل طاحت علية مهرة يخونها مع..
قاطعتها هيلة:شششمايل!..
سكتت شمايل وصدت:يستاهل اللي جاة ، دامة حاط عينة على حريم اخوانة موبعيدة يتحرش بخواتة ، ناظرت هيلة ، موبعيد هالشي عن واحد مايخاف ربة..
ناظرتها هيلة بشك وبهمس:مطلق قد تعرض لك!..
حطت ايدها على ثمها وشهقت بعد ماشافت دموع شمايل ، مسكتها من اكتافها ونفضتها: مطلق سوالك شي؟ انطططقي!!..
ماردت شمايل وظلت تبكي..
بكت معها هيلة وبصراخ:تككلمي؟..
نزلت راسها وبأحراج وانكسار:..
.
.
.
.
نزلت راسها وبأحراج وانكسار:قبل يوم كنت صغيرة عمري 6 سنوات كان يجلسني بحضنة يلاعبني بعدها صار يبوسني عادي وشوي شوي صار يبوس شفتي ويتحسس جسمي ، تذكرين يوم جيت جلست بحضن ابوي وبست شفتة وشافني اتحسس مناطق بجسمي وضربني بقوة بعصاتة على ثمي وانكسرو سناني الامامية وهزأني عشان هالشي ، عرفت بعدها ان اللي يسوية مطلق غلط ، مقدر اقابل مطلق مقدر اجلس معة وحدي ، ارتتتعب منة وللحين اخخاف ، عرفتي لية للحين لازم اجي انام جمبك بسريرك واترك سريري وانتي تعيبين علي يوم كنت اتبول بسريري على نفسي ، ارتفع صوت بكاها وزادت شهقاتها ، للحين اخاف يجي ويكرر اللي سواة قبل ، امثل قدامكم القوة بلساني السليط لاكن داخلي ضضعيف ومكسور..
تمت هيلة تناظرها ودموعها تسييييل ، فجأة ضمتها بقوة وصارت تبكي معها وتدعي على مطلق وتتحسب علية..
جلست ميرال تناظرهم بدون ماترمش ومصصصدومة..
.
.
الساعة 6 الصباح
بسيارة صقر..
جالس صقر يسوق بهدوء وعينة عالطريق وملتزمين الصمت..
تنهد بومطلق وجلس يستغفر بهمس ، مسح على وجهه بتعب ونزل من السيارة بعد ماوصلو..
صقر:شالسالفة؟؟..
ظافر:بتطمن على ابوي بالاول بعدين اقولك..
نزل ورا ابوة بسرعة وراح لة واسندة ودخل معاة البيت وصعد معاة جناحة وجا بيدخلة جناح شريهان لان اليوم دورها ، وقف بومطلق وبهدوء:ابروح عند صيتة ، ترك ظافر ودخل جناح صيتة..
وقف ظافر فترة بعدها تنهد ونزل ، شاف صقر جالس ينتظرة راح جلس قبالة وقعد يقولة عن كل شي..
صقر:وذا الحمار مايتوب!! ، فوق انة ليل ونهار فهالشقق وكل يوم وحدة جديدة يروح يلف على محارم اهلة!! ، ماكفاة اللي سواة قبل بعزيز ويرد يسوية ثاني ، لية يسوي كذااا!..
تنهد ظافر:الفرق ان هاذيك كانت تزني معة برضاها استغفر الله ، وحسبالة ان حرمة عزيز الثانية بترضى نفس الاولى ، نصيب ان الامور عدت على خير وماجاة شي خطير وان شاءالله يصحى من الغيبوبة..
عدل صقر جلستة:صصصاحي انت! ، لعنبوك فوق كل المسوية تقول ان شاءالله يقوم بالسلامة ، ياجعل روحة تروح ويموت ويفكنا من شرة ، انت ماشفت وجة ابوي المسود! ، والله اني كنت خايف وحاط ايدي على قلبي خايف يصيب ابوي شي من بعد سوايا هالخسيس..
ظافر:ان مات ، عزيز يروح فيها..
ناظرة صقر:تهقى صدق ميرال المصوبتة ولا بس تقول كذا عشان لاياخذون عزيز؟..
ظافر:والله مدري..
.
.
فزت مخروشة بعد ماسمعت صراخة:قووومييي وشعندك نايمة بفراششي موقلتلك نامي ع الكنب!..
ناظرتة برعب وبلعت ريقها:ل ل ليـ ة تكلمنـ ي كذا! ارعبتني..
رفع الوليد حاجبة وجرها من طرف روبها ودفها بقوة وناظرها بقرف واشمئزاز:لا ولابسة لي روب نوم ومستعدة لي حسبالك ابقرب منك وتغريني بجسمك وشكلك ، اقرفتيني وربي مااشوفك الا شيطان قدامي..
انسدح وعطاها ظهرة وغمض متجاهل صوت بكيها وشهقاتها ومستسلم للنوم..
ضمت نفسها وجلست عالكنب وهي تناظرة وتبكي وتحس كل الاحلام اللي بداخلها تلاشت..
.
.
مسحت دموعها وفزت اول مادخل:عزيز وينة!..
تنهد وجلس على السرير بعد مافصخ غترتة:بالحجز عندهم..
لفت ناظرتة:لية ، لية خذوة ، هو ماسوا شي ولدي واعرفة مستحيل يضر احد ، جلست قبالة ، متعب انت تعرفة عدل والله انة فحالة وماعمرة اذى احد..
تسند:عارف..
صيتة:هات ولدي ي متعب ، ابي ولدي لاياخذونة مني تككفى..
بومطلق:اهدي يامرة..
صيتة:كيف اهدى وولدي مسجون ومتهمينة انة ذابح اخوة..
بومطلق:وشايفتني مرتاح ومبسوط ، حالي اردى منك ، زفر وقام ، طلع ودخل جناح شريهان شافها جالسة ع السجادة وتدعي لمطلق وهي تبكي ، تم يناظرها لين خلصت ولفت لة:ازي ابني ، زحفت لة ومسكت ايدينة ، متعب ارقوك خدني لية عاوزة اشوفو واطمن البي علية..
بومطلق بهدوء وهو يناظرها:ليتة يموت..
ناظرتة شريهان بصدمة..
بومطلق كمل:ليتة مات من يوم ماجبتية..
فزت وجلست قبالة:انتا بتئول اية! ، بتدعي على ابنك لية؟ ، مش ابنك ابن حبيبة الالب اللي لدوأتي بتشهق بأسمها هوا اللي اوصو ، رفعت ايدينها للسما ، إلهي تاخذ حء ابني منو ، والاهي مش حسيبو بعد اللي عملو ف ابني..
بومطلق:انتي عارفة ولدك شمسوي؟..
ناظرتة وهي ساكتة بعدها شهقت وكن توها تفهم..
بومطلق:ايةة ، حاول يكرر اللي سواة مع مرت اخوة ، صار يمسح على لحيتة بتفكير ، ماضنتي صدق هو اللمصوب اخوة..
شريهان:اصدك اية؟؟..
بومطلق:هو قال انة المصوبة وحرمتة قالت ان هي المصوبتة ، تهقين صدق القالتة ولا بس عشانها خايفة علية وتدافع عنة!..
شريهان:اصدك انو هيا اللي اوصت ابني!..
.
.
فتحت عيونها بعد ماحست بحركة وفزت بسرعة ، شافت هيلة توها طالعة من الحمام وشادة على بطنها ، فركت وجهها وبهمس:وشفيك؟؟..
جلست هيلة ع السرير جمبها بعد مالصقو السريرين ببعض ونامو كلهم جمب بعض:بطني ماغصني الظاهر اني كثرت عشا اليوم بالقاعة..
فتحت شمايل نص عين:اية اكيد بيمغصك بطنك على هالاكل ، يهب عليتس..
ضربتها هيلة وضحكت:ووجع ، انتي وشصحاك؟؟..
تمغطت شمايل:كم الساعة؟؟..
هيلة:9 الصبح..
قامو بعد ماغسلو ونزلو ونزلت معهم ميرال بعد مابدلت ولبست من جلابيات هيلة لان مابودها تدخل جناحها ، نزلت ووقفت بعد ماسمعت صقر يكلم بالجوال بعدها سكر وناظر ظافر:امحق غيبوبة مسرع ماقام منها..
.
.
.
.
سمعت صقر يكلم بالجوال بعدها سكر وناظر ظافر:امحق غيبوبة مسرع ماقام منها..
تمت واقفة ميرال فترة بعدها نزلت وراحت للمجلس وجلست جمب هيلة..
صقر يناظر ابوة:يبة المستشفى دقو و..
قاطعتة شريهان وبخوف:مطلق مات!..
ناظرها صقر:هذا يموت! ، قطو بو سبع ارواح يموت وذا لاء ، رد ناظر ابوة ، يقولون ان مطلق صحى..
تنهد بضيق وبهدوء:ليتة ماصحى..
سكتو وتمو يناظرونة..
زفر:سمو وكلو..
بدو ياكلون الا ميرال جالسة تناظر الاكل وساهية..
بومطلق:كلي يابنتي..
رفعت راسها بسرعة وناظرتة مستغربة من نبرة الحنية ، تنهدت واكلت شوي وهي مومشتهية ابد..
بومطلق يكلم عيالة:استعجلو لجل نروح لخوكم المستشفى..
فريال بهمس:ليك شو صار لحتى عز اوصو لابنك؟؟..
صدت شريهان تتهرب:ملكيش دعوة ، ناظرت ميرال وصدت..
.
.
جالسين يفطرون بهدوء ، رفعت عفراء راسها عن الجوال وناظرت ابوها واخوانها:حسنا راسلة لي بالواتس تقول ان عزيز ولد عمي مصوب مطلق ومتنوم بالمستشفى..
شرق بوسهيل ومد لة مسفر الماي وشربة دفعة وحدة:وشهو!!..
عقدت خولة حواجبهاوشتقولين!)..
بوسهيل:متى صار هالكلام؟؟..
ناظرت جوالها:من البارح راسلة لي..
بوسهيل:لا اله الا الله ، تنهد ، متعب ماقال!..
سهيل:يمكن ماحب يروعك..
اخذ بوسهيل جوالة ودق على بومطلق:السلام عليكم ، كيف حالك ي خوي عساك بخير ، صحيح اللي سمعتة! ، ان مطلق متصوب؟؟..
تنهد بومطلق:وعليكم السلام ، اية ي خوي..
بوسهيل:افا ي خوي تخبى على خوك! ، وراك ماخبرتنا نوقف وياك ونتطمن على حالة ولدك!..
بومطلق بضيق:ليتة مات ي خوي ، هذاهو صحى مثل البغل مابة شي ، سكت ثواني ، يالله استأذنك ياخوي ابدخل هالحين عندة..
سكر من بوسهيل ودخل بعد مافتح لة ظافر الباب وصقر يمشي جمبة ، ناظر مطلق متسطح وحاط ايدة على بطنة ومتوجع ، فز بعد ماشاف ابوة وحاول يعدل جلستة..
جلس بومطلق ع الكنب اللي جمبة وبهدوء:خلك مرتاح لاتتعب حالك ، مسح على لحيتة وبأبتسامة ، وشلونك هالحين عساك بخير؟..
بلع مطلق ريقة ومارد..
بومطلق:لا يالخسيس لا يالواطي لاياللي ماتخاف ربككك ، لعنبوك تاركك على هواك تعث فالارض فساد تزني وتسكر وتعربد وفوقهن ماخذ حرمتين ، تجي لحرمة اخوك ليييية! ، انا ابي اعرررف انت وشمنة مخلوق ، انا شمسوي بدنياي لجل ربي يبليني فيك قليييي شسويت! ، من يومك مسود وجههي وتتحرش بنات خلق الله وببنات الشيوخ وحتى بمحارم اهلك واخوانك ، تعبت وانا اربي فيك واضربك واغصبك على الصلاة بالمسجد واذكرك بربك وعذاب الاخرة وجنهم ياجعل جهنم تشويك..
حط ظافر ايدة على كتف ابوة وبخوف:يبة هد موزين عليك كذا!..
بومطلق بصراخ:وشششلون اهدى وذا ولدي ، ناظر مطلق وبحدة ، ريتك مت ولا صحيت ، تنهد وبهدوء ، هالحين بيجون يحققون معك ابيك تنكر كل شي وتتنازل عن اخوك ، هو اصلاً لك عين تقولهم عن سواياك وسواد وجهك!..
جلس ينتظر الشرطة يجون يحققون وياخذون اقوال مطلق ، انضرب الباب ولف بومطلق وضرب مطلق بعصاتة مكان الجرح وصرخ مطلق بألم وحس ان الخياط انفتح ، بومطلق بهمس:لاتنسى!..
مارد مطلق وتم حاط ايدة على بطنة ويتلوى من الوجع ، جلس المحقق قبال مطلق بعد ماالقى السلام وبيدة دفتر يكتب فية ، وصار يسأل مطلق ومطلق كل شوي يلتفت ويناظر ابوة ويرد بصوت متقطع من الالم اللي موقادر يتحملة..
المحقق:اخوي مطلق ، اخوك بنفسة معترف وقايل انة اللي اطلق عليك بسلاحة كيف تقول انة مو اهو اللي مصوبك؟..
بومطلق بحدة:خخلاص قالك ان ماهوب اخوة!..
ناظرة المحقق وهو رافع حاجب:لوسمحتو ممكن تتفضلون برا..
قام بومطلق وهو يخز مطلق وبعدها خز المحقق، ضرب بعصاتة بالارض بقوة وطلع وطلعو وراة صقر وظافر..
لف المحقق لمطلق:اخوي اتمنى انك تقول الحقيقة ، واضح ان الوالد ضاغط عليك عشان تبرىء اخوك ، ومثل ماقلتلك اخوك معترف ان اهو اللي اطلق عليك بسلاحة..
سكت مطلق فترة وبلع ريقة:اي صحيح هو اطلق علي ، لكن بالخطأ ، بلع ريقة ، اطلق علي وهو ينظف سلاحة وبالغلط اخرج الطلقة وجت ف بطني..
المحقق بشك:هذا اخر كلام عندك؟..
مطلق:اي ، لان هذا هو الصدق ومالة داعي اكذب ، وو ياريت تطلعونة مالة داعي تحجزونة ، كمل ، مالة داعي يبقى عندكم وهو ماسوا شي..
حط ايدة على بطنة بعد ماطلع من عندة وصرخ بألم كاتمة وناظر بقعة الدم اللي بالشرشف..
.
.
طلعت من الحمام وهي تنشف ثمها بفوطة ، اخذت جوالها اللي يرن وردت وجلست ع السرير:الوو!..
مسفر:وينك لي ساعة ادق ماتردين؟..
هيلة بتعب:معدتي ضاربة علي..
مسفر بخوف:بسم الله عليك ي قلبي وشفيك؟..
هيلة بأبتسامة:لاتخاف ، الظاهر اني امس مكثرة عشا..
مسفر:عافية ان شاءالله ، ماظنتي اللي جاك من الاكل امكن عين جتك ، قومي خلي امك تقرا عليك وتحصنك اكيد وحدة من الحريم البارح شافتك وحسدتك..
ابتسمت هيلة:طيبء ، سكرت ، انخرشت بعد ماانتبهت لشمايل اللي لاصقة فيها وتتسمع..
شمايل بضحكة:لا والثور خايف يقول جتك عين ، بتفكير ، هو صحيح جتك عين لكن مو لشكلك ، اكيد الحريم انصدمن يوم شافوك وقالو وشذا الآفة اللي ترعى قدامنا ، يهب عليك لحستي الصحن ومصمصتي العظامة وكسرتي راس الخروف انتي والثورة الثانية حسنا وكلتو مخة ولسانة وماخليتو فية شي وتقولين شكلك ثقلتي البارحة؟؟ ، .
.
.
.
جالسة بحديقة البيت لحالها وتحس نفسها متضايقة وودها تبكي ، دقت على صاحبتها نيكول وسولفت معها شوي تبي تغير نفسيتها بدون ماتخبرها عن اللي صار ، اخذت نفس ورفعت راسها وابتسمت لمهرة اللي جاية بأتجاهها..
مهرة:وشعندك جالسة لحالك!..
ناظرتها ميرال ونزلت عيونها بسرعة وصارت تشغل نفسها بأيدينها:لابس حابة اجلس لحالي شوي..
سكتت مهرة وفجأة:مطلق سوا شي؟؟.
ناظرتها ميرال بسرعة وماعرفت ترد..
اخذت مهرة نفس:ميرال تكفين قولي الصدق ولاتكذبين ، مطلق تعرض لك؟ ، مستحيل عزيز يطلق علية بدون سبب ، انا عارفة انة متعرض لك بس ابيك تأكدين لي بنفسك عشان انهي كل اللي بيني وبينة الى الابد..
عقدت ميرال حواجبها وصدت وحست الدموع تجمعت ف عينها:مو عزيز اللي اطلق علية النار ، ناظرتها ، انا اللي اطلقت علية..
عقدت مهرة حواجبها..
نزلت دموعها:جا وقال انة يبغيني ونفسة فيني وو ، شهقت ومسحت دموعها ورفعت راسها لفوق ، وقالت كلشي لمهرة وهي تبكي..
تمت مهرة تناظرها بدون ماترمش ، وقامت بهدوء ، صعدت جناحها بخطوات هادئة ولبست عباتها واخذت شنطتها وجوالها ونزلت بدون ماتاخذ باقي اغراضها ، نزلت وتوها بتفتح الباب وتطلع الا شافت بومطلق..
تم يناظرها فترة بعدها صد ودخل ، تنهدت براااحة عشانة مامنعها تروح ، ومشت ، وبأيدها جوالها تكلم الوليد يجيها..
.
.
فزت ميرال ودخلت البيت بسرعة بعد ماشافت عمها جا ، وقفت قبالة وبتوتر:عمـمي عزيز وينة!..
ناظر صقر وظافر واشر لهم بأيدة وقامو:تعالي..
راحت جلست جمبة..
بومطلق بهدوء:عزيز قالي انة دخل وشاف ، تنهد واستغفر ، شاف ال.. يحاول يعتدي عليك وانتي تصرخين وتنادين عزيز واطلق علية..
مسكت ايدين عمها بحركة مفاجأة وباستهم:عمي تكفى طلبتك ، طلع عزيز ، قلهم هو ماسوا شي ، مسحت دموعها ، حرام ينسجن وهو ماسوا شي ، برجفة ، انا اللي اطلقت علية..
بومطلق وهو عاقد حواجبة:رجلك بأذن الله بيطلع ، بحدة ، امسحي دموعك لاتتبكبكين..
مسحت دموعها وبعدت شوي..
اتكى بومطلق على عصاتة وعينة عالارض:تدرين وشتمنيت؟..
ناظرتة ميرال وماردت..
رفع عيونة لها:تمنيتك صوبتية هنا ، اشر على صدرة ، وذبحتية وفكيتينا منة ، حسبي الله علية من ولد..
عقدت حواجبها وتمت ساكتة..
بومطلق بصرامة:اسمعيني زين لاعاد اشوفك تبكين او تضعفين قدام حد ، دق كتفها بعصاتة ، خلك قوية وشامخة وماتنكسرين ، هذا الشي اللي يعجبني فيك ، انك ماتهابين ولاتضعفين ، تذكريني بنفسي يوم كنت بعمرك ، سكت ثواني ، جبت عيال كثيرين ، بس محد منهم طلع يشابهني بأطباعي ، ليتك كنتي ولد لي ارفع بك الراس بدل هالخسيس المسود وجهي..
تمت تناظرة ميرال بصدمة وسساكتة..
.
.
لف ناظرها ورجع يناظر الطريق:صاير شي بينك وبين رجلك!..
تمت مهرة ساكتة وبهدوء:ابتطلق..
لف لها بسرعة وناظرها وهو عاقد حواجبة:لية شصاير؟..
تنهدت مهرة:حاول يعتدي على مرت عزيز..
الوليد بصدمة:الثانية بعد!! ، ذا مايتوب..
استغفرت وصدت تناظر الطريق وبهدوء:انا نفسي عايفتة من زمان ، من يوم اخذتة وانا اطيح علية يكلم وانصدم اكثر بعد فترة انة يرجع البيت سكران وموبوعية وتالي عرفت انة يخونني مع بنات وسكت وصبرت ، قسيت على قلبي وسكت يالوليد عشان ابوي وعشان لا احمل لقب مطلقة وانت عارف المطلقة عندنا ايش! ، لين جا اليوم اللي شفتة بعيوني يخونني بالفراش معاها انجججرحت ، تدمرت ، انا عارفة بفعايلة بس مولهالدرجة ، مو بالبيت مو مع حرمة اخوة!..
تم الوليد ساكت وموعارف شيقول..
رفعت مهرة راسها تحاول تبين الامبالاة:قلي ، كيف علاقتك وياها!..
الوليد بضيق واضح:موقادر اتحمل اجلس معها بمكان واحد ، يووم واحد قضيتة معاها واحس نفسي بنفجر ، ودي اضربها وافرغ كل اللي بجواتي فيها ، بس مومن طبعي اني امد ايدي على حرمة..
.
.
جالس قبال ولدة ويكلمة:محتار وش نوع السيارة اللي رح اشتريها لك ، ماادري وش الموديل اللي تبية واللون ، احس الاسود فخم ، برايك اخذها سودا ، بس باقي ووين عبال ماتكبر وتسوقها ، تهقى اصبر كود تنزل سيارت جديدة وامكن لاخذت ذي تصير موديلها قديم ، انزين قم معي اوريك وشسويت لك ، شالة بشويش وخايف يطيح من ايدة وطلع برا البيت بزاوية الحديقة حاط العاب وقلعة صغيرة ، هاة وشرايك..
جت رهام:ماتحس انك متحمس كثير ، ترا توة ماصار عمرة شهر وشاري لة كل ذا وناوي تشتري لة سيارة وتسجلة بالجامعة من هالحين..
بوراجح:لا وناوي اسجل البيت والحلال بأسمة..
رهام:احس كني بديت اغار ، تكتفت وبقهر ، موكن ماخذ الجو كلة وسحبت علي؟؟..
قرب منها وباس راسها:انتي الخير والبركة ، انتي ام ولدي اللي طول عمري انتظرة ، من فرحتي خاطري اسوي لة كل شي..
رهام بقهر:اي وتسحب علي..
بوراجح بضحكة:كنك جد جد تغارين!..
ماردت..
بوراجح:اوف ، لا السالفة جد..
رهام بقهر وفيها بكية:مايصير من جا وانت دايم ساحب علي وجالس معة وتسولف وياة وتدلعة وانا ناسيني ، نزلت دموعها ، احسك صرت ماتحبني وبس تزوجتني عشان اجيب لك الولد..
بوراجح:لا السالفة جد! ، قرب منها لكنها صدت ومشت للبيت وهي تمسح دموعها..
لحقها وحط راجح بجلاستة الهزاز وراح صعد وراها ، دخل الغرفة شافها تمسح دموعها وصدت..
جلس جمبها:منجدك تغارين من ولدك!..
ماردت..
بوراجح:انتي عارفة اني احبك..
رهام:بس تحبة اكثر..
بوراجح:ان..
//
انتهى