نظرت حلا لمكان السلسة ولم تجدها
حلا : يلهوي هي راحت فين
لينظر تيم من حوله ويجد حيوان يشبه الراكون لكنه غريب بعض الشيء يطفو فوق الماء ومعه الجوهرة.
تيم : اهي هناك..وكاد ان ينزل الماء الى ان كيارا منعته
كيارا : استنى هنا... انت لا يمكن تنزل هنا.. وبتفكير كيف أنخلعت الجوهرة بهذه السهولة إلا أنها علمت الاجابة فور ان نظرت الى لوقا
لوقا : اكيد سودا
كيارا : مفيش قدامنا غيرها لكن دلوقتي حلا وجودها بدون الجوهرة هنا في خطر
تيم : وبالنسبالي انا ايه عادي يعني
نظرت له كيارا : اهو انت بالذات معرفش ازاي متواجد هنا من غير ما يحصل اي حاجه وانك متتأذيش ده فى حد ذاته يخليني اقلق
حلا : طب يا جماعة ممكن نفكر شوية بالنسبة للجوهرة هنعمل ايه.. وبعدين احنا اصلا هنخرج من هنا ازاي
لوقا : اول لما نروح لساحرة المملكة هتدلنا على كل حاجه
كيارا بقلق : احنا دخلنا منطقة محظورة ودي بيكون فيها قبائل الكاي ولحسن حظنا دول بيكونوا ألد اعدائنا واكيد عرفوا بتواجد الجوهرة
لوقا : طب لازم ندخل القبيلة دول لو استحوذوا عليها احنا انتهينا
حلا : طب ما تفكروا كده القبيلة دي اكيد مش عارفين انا مين او يعرفوا تيم ممكن ندخل احنا ونخدعهم ونجيبها ولا كأن حاجه حصلت
تيم بتفكير : طب اكيد القبيلة دي عددها قليل وكل واحد معروف فيهم
كيارا : عددها فعلا قليل لكن مش دي الفكرة هما مش هيقدروا يتعرفوا عليكم بس المشكلة انهم بيشتغلوا بتجارة الفتيات
حلا : ممكن توضحي اكتر يعني احنا نعمل ايه
تيم : قصدك انهم ثم فكر قليلا ليكمل... ان هما بيبعوا البنات كعبيد
لوقا : لا مش عبيد بياخدوا البنات الجميلات ويبيعوهم للسحرى علشان يحموا القبائل بتاعتهم وبالنسبة للسحرى فبيستخدموا البنات لاغراض كتير منها لأرضاء شهواتهم ومنهم بيستخدموهم لتجارب السحر أو لعمل خلطات تساعد سودا الساحرة المنفية.
حلا نظرت لتيم واخذت نفس عمييق : بص انا هكلمك انت لانك الوحيد من ضمنهم اللي مش بتلك كتير
تيم : بلك ازاي يعني
حلا : اللهم طولك يا روح... بص يا بني ممكن تقولي انا بحلم ولا ده بجد
تيم : اذا كنت انا مش مصدق نفسي ومش مصدق اللي انا فيه هطمنك ازاي بس
كيارا : احنا لازم نخطط هنعمل ايه بصوا احنا قربنا نوصل للبر قريب فهنخيم هناك وبعدين نشوف هندخل ازاي القبيلة
حلا : طب بصي هو انا ممكن ادخل القبيلة على اساس اني بنت من اللي هيتباعوا مثلا
كيارا : بس لو اكتشفوكي هيقطعوا راسك من غير تفكير
حلا : لا متخافيش من حاجه المهم ثم نظرت للوقا.. اسمك ايه.. ليرد عليها.. طيب يا استاذ لوقا انت بعضلاتك دي وشغل الاكشن هتدخل اول لما تكتشف اني في خطر
لوقا : وهعرف ازاي انك في خطر بقا
حلا : ببساطة انا هعمل حركة تعرفك انا فين وكمان علامة سهلة خالص ثم شرحت له (سوف تقوم بأخذ عيدان النار لتولعها وبأوراق الشجر ستغطيها لفترات حتى ترسم بالدخان علامة وينتشر في الجو على شكل دوائر)
يتفاجأ الجميع من ذكائها ويوافقوا على خطتها وبعد أن أوقفوا القارب
نزلت حلا لتنظر في كل اتجاه وتستغرب المكان لتأتي بجوارها كيارا
كيارا : عارفه ان جواكي اسئلة كتير اوي بس بما أن شكل قعدتك مطولة فأنا هحكيلك كل حاجة بس ايه رايك نحضر للرجالة أكل
حلا : اه يا ريت انا بقالي يجي يومين مأكلتش حاجه.. بس هنعمل ايه هنا ده تقريبا مفيش حاجه تتاكل
كيارا : لا اكيد هيبقى في ازاي
حلا : طب استني ايه رايك بما اننا في مكان شبيه للغابة انتي تشوفي لو اي اوراق صالحة للاكل هناك
كيارا بصدمة : انا ادور على ايه انا الاميرة
حلا : يا ختي قرفتيني وبعدين مش انتي اللي جبتي سيرة الاكل يلا يا سمو الاميرة عندنا بيقولوا الشاطرة تحفر بقرن غزال واحنا في محنة فهتدوري ولا تقعدي تتمنظري ونبي يا بت يا حلا بتقولي شعر
كيارا : خلاص خلاص بطلي رغي انا هدور هناك وانتي شوفي في الاتجاه ده
لتأخذ حلا اتجاهها وفجأة تسمع صوت خشب يكسر من ورائها لتتحرك بخطى بطيئة نحو الصوت وتخطو خطوة تلو الأخرى إلا انها رجلها التوت فوقعت على فرع مكسور
حلا : ااه اممم لتمسك قدمها من ألالم فتجد كأن شيء يلمس ظهرها لتتسع حدقت عينيها وتهمس لنفسها يا رب ميكونش تعبان يا رب يا رب يا رب لتجد اليد تمسك بمنكبها جيدا فتصرخ بفزع عاااااا الحقوناااي
تيم : اهدي اهدي بتصوتي كده ليه خرمتي طبلة ودني
لتهدأ اول لما رأته وتضع يدها على قلبها : ااه وقفت قلبي اقسم بالله خلاص لتأخذ نفسها ثم تحاول أن تقف فتؤلمها قدمها لتنظر لتيم بدموع
تيم : ايه اللي حصلك ويحاول إسنادها... امسكي فيا كويس بس.. انتي ايه اللي جابك هنا
حلا : امشي وانت ساكت بعد اذنك ما هو لولا انا بحاول اشوف اكل لينا مكنش ده حصلي... ليتفاجأوا بصريخ كيارا لتكمل حلا.. عيني عليكي يا بنتي اكيد لخمة ومجبتش حتى نملة يلا يا بني نروح نشوفها
لينظر لها تيم ويسرح بضحكتها فيتفاجأ بدقات قلبه السريعة ليكلم نفسه انت وقعت بالسهولة دي ولا ايه
حلا : بسم الله الواد يعيني من الصدمة اتلبس اه والله ده بيكلم نفسه
لينتبه لها : بتقولي حاجه معلش مكنتش مركز
حلا : لا عادي ولا يهمك ربنا يكون في عونك والله هي الحالة دي بتجيلك كتير
تيم : حالة ايه اللي بتجيني
حلا : لا متاخدش في بالك المهم يلا ونبي لحسن رجلي لو ورمت مش هعرف اتحرك يلا شد حيلك يا رجل
تيم بضحك : تعرفي ان دمك خفيف اوي
لتضحك حلا : والله انت اول حد يقولي كده بس تصدق ان على الرغم من المكان والمتاهة اللي انا فيها الا اني حاسه براحة واول مرة مشلش هم لتصمت فجأة وتفكر بأختها.. يا ترى يا نورة عاملة ايه دلوقتي
💢💢💢💢💢💢💢💢💢💢💢💢💢💢💢💢
نزلت نورة من المبنى وكانت تجري بدموع منهمرة
وقفت فجأة بشارع كان مخيف بعض الشيئ وكان فارغ تماماً
نورة : هو انا فين ايه ده لتغمض عينيها وبدموع حلا انتي فين ليه سيبتيني لتسمع فجأة صوت فتفتح عينيها بسرعة لتجد شابين يقفون امامها مباشرة
شخص منهم كان ينظر لها ولجسدها بتفحص : ايه يا جميل حد يمشي لوحده السعادي ويكون ومد يده ليلمس ذراعها المكشوف بالحلاوة. دي
لتصرخ نورة وتحاول أن تجري بعيد عنهم الا ان واحد منهم امسكها من شعرها : مش عيب اكون بكلمك وتمشي وتسيبيني كده
نورة ببكاء : ونبي سيبني حرام عليك ابعدوا عني والله اصرخ والم الناس
~: صوتي يا حلوة صوتي شوفي مين هيسمعك انتي النهاردة بتاعتنا ومتخافيش يا موزة هندلعك اخر دلع ليمسكها من بلوزتها والاخر ماسك بيديها حتى شق البلوزة لنصفين حتى فقدت نورة الوعي
💢💢💢💢💢💢💢💢💢💢💢💢💢💢💢💢
اتمنى يكون البارت عجبكم
شكرا لكل حد. دعمني لان بجد مكنش ليا اي طاقة اني اكتب حاجه بس حتى لو واحدة بس هي اللي عجبتها روايتي انا راضية ومبسوطة كمان وهكمل الرواية علشان دي موهبتي اللي لا يمكن اتخلى عنها
معلش اتكلمت كتير بس كنت محتاجه اعبر عن اللي جوايا يلا يا حبايبي اسيبكم في حفظ الله ♥
انتظروا البارت القادم 😉💖