قصص رعب 🔞🚫

منزل الشياطين

جماعه دوسوا على النجمة⭐ عشان التقيم  .... وياريت تعملولي متابعة علي صفحتي الرسمية علي الوتباد عشان يوصلكم مني كل جديد ومختلف ...✨
تجربه من جريمه حقيقيه 🔞

في عام 2005 حد يرجع ويفتكر الي حصل في الاسكندريه و الأرياف والصعيد بيوت كتير كانت مسكونه من الجن و لحد دلوقتي في أعمال بتتعمل بطرق بشعه جدا وممكن محدش يصدق أن في أعمال بتتعمل علي جثث ناس ميتين و اعمال بتتعمل علي الميه و الهدوم والطريق و علي الجسد اعمال كتير بتتعمل ومحدش كان مصدق أن فعلا ممكن واحد ملعون يخش عالم الجن ويخرج منه معاه شر غير متوقع وغير منطقي  ازاي واحد يبقا قاعد في البيت في وسط اهلوا ومره واحده البيت يتحرق ب كل الناس الي في
طب ازاي تبقا قاعد في البيت وتحس ب حاجات غريبه بتحصل معاك انت بس
وباقي الناس الي في البيت مش بيحصل لهم حاجه
طب ازاي تبقا بتصلي وعارف ربنا و تعمل كل حاجه في حياتك غلط
ازاي مثلا واحد بيصلي ومعروف عنه أنه إنسان مؤمن وبيحب الخير ازاي الإنسان ده الي يروح يبيع مخدرات و يسرق ويقتل وياكل اهل بيتوا ب فلوس حرام
ازاي ده ......؟!!
اقول لكم ازاي .......خليكم معايه للآخر 

انا كاتب بسيط و اسمي يوسف ابو الفتوح
بشوف في الشوارع حاجات كتييييير غريبه و انا من النوع الي بيحب يسمع الحوديت و الحكايات الي الناس بتكلم عليها كل يوم بكتشف حاجه اغرب من التانيه والتجربة دي كانت اصعب تجربه بالنسبالي
في يوم سمعت أن في اسكندريه بيت مهجور كان بيولع كل يومين تقريبا بليل ولم الناس تخش عشان تطفي النار محدش يلقي اي اثار لي أي حريق  و الأغرب أن في ناس كتير شافت بنت صغيره بتقف في البلكونه ولم الناس دخلت البيت كذا مره عشان تجيب البنت البنت بتختفي ومحدش عارف اي حكاية البيت ده كل واحد بيقول حاجه غير التاني الي قال بليل بنسمع صوت صريخ والي قال البيت بيتحرق بلليل والي قال انوا شاف ناس جوه البيت وشكلهم غريب ومخيف كلام كتير اتقال علي البيت ده ولكن في الحقيقي البيت ده لي قصه نادر جدا الي يعرفها وهي القصه ترجع لي عام 1962 كان البيت ده كان قاعد في عيله كبيره ومكونه من 12 شخص5بنات و 7رجاله و في يوم وليله ال 12 شخص اختفوا ومحدش عارف راحوا فين وبعدها  البيت اتباع كذا مره وكل ما حد يشتري البيت  يا يموت يا يخش البيت وميطلعش منه تاني او يطلع من البيت ويبقا عامل زاي المجنون لحد ما  في عام 2005 بدأت الناس تكلم عن البيت ده كتير البيت ده قصر كبير جدا وواخد مساحه كبيره جدا ف البيت ده يعتبر بيت اثاري ومينفعش يتهد أو يتزال المهم في رجال أعمال ومشاهير اشتركوا أنهم يشتروا البيت ده بسعر مهول وكبير جدا وبعد ما اشتروا البيت قالوا هيهدوا البيت و يعملوا بدالوا مشروع استثماري ولكن للأسف اول ما الونش داخل البيت و هدم صور البيت والونش اتفجر و كانت حادثه راح فيها ناس كتير ضحيه وبعدها اتمنع هدم البيت نهائي ولكن رجال الأعمال مسكتوش علي الخسارة و جابوا شيوخ دخلت البيت ومعهم طقم حراسه و فضلت الشيوخ جوه البيت تقريبا اسبوع وقالوا إن الشياطين الي في البيت  مشيوا خلاص وبعدها كل شيخ داخل البيت ده مات بطريقه صعب وصفها الي مات محروق والي مات مشنوق والي انتحر من فوق السطوح كل الشيوخ ماتت بطريق بشعه جدا ورجال الأعمال قالوا احنا نبيع البيت حته لو هنخسر في احسن ما حد فينا يموت وفعلا في واحد اسموا  ذياد اشتراه والبيت في عام 2007 و بعض الأقاويل بتقول ان ذياد ده ساحر ومن هنا تبدأ القصه مع ذياد و البيت الملعون .

انا ذياد سني 34 سنه انا من طبقه فقيره جدا انا مليش في الدنيا غير امي ابويا مات وانا عندي 10سنين وأمي هي الي ليا في الدنيا وانا من بعد موت ابويا نزلت اشتغلت وكمان اتعلمت و تعبت كتير جدا في الشوارع وفي الشغل و شفت ظروف صعبه جدا كل الي يهمني اني اجيب علاج امي ومخلهاش محتاجه حاجه وللأسف امي في يوم تعبت و ختها  المستشفى والدكتور قال إن امي لازمن تعمل عمليه جراحيه في القلب و أما هتموت قلت لي الدكتور بكام العمليه دي قال لي ب 60الف جنه وده غير العلاج الي بعد العمليه وغير تمن الغرفه بتاعت الرعايه يعني أنا محتاج 70الف جنه وانا ممعيش فلوس خدت ام من المستشفى وروحنا البيت و روحت حاولت استلف من طوب الارض عشان اعمل العمليه لي امي ومفيش حد ساعدني و في يوم رجعت من الشغل لقيت اومي وقعه علي الارض جريت عليها و لقيتها بتقول لي خد بالك من نفسك يبني وبعدها اومي ماتت وبقيت لوحدي وبقيت طول الوقت فاكر كل واحد طلبت منه مساعده ورفض يساعدني و معرفش اي الي حصلي بقا قلبي زاي الحجر بقيت بدوس علي اي حد و مابقتش اخف من حاجه و في يوم وانا راجع من الشغل سمعت صوت حد طالع وراي بصيت ورايا ملقتش حد و دخلت البيت نورت النور ودخلت الحمام وخرجت لقيت النور قطع ورجع تاني في لحظه واحده و لقيت راجل كبير قاعد علي الكرسي بتاع امي وقال لي ازايك يا ذياد ؟
قلت له انت مين و ازاي دخلت هنا؟!
:- قال لي اهدا يا ذياد اهدا
:-قلت له انت مين
:- قال لي انا واحد جي اساعدك و اخليك تاخد حقك من كل الي رفضوا يساعدوك وهما سبب موت امك لو كان حد فيهم اداك فلوس كان زمان دلوقتي امك عائشه بس يلا ارتاحت ودلوقتي انا جي اسعدك عشان تاخد حقق قلت اي؟
:- قلت له طب انت هتستفاد اي لم تساعدني؟
:- قال لي هستفاد أن جبت حق انسان الناس حكمت علي امه ب الموت و حكمت عليه ب أنه يبقا شغال عندهم زاي الكلب و يبقا مطيع للابد و تفضل انت زاي ما انت شغال عندهم اي رأيك لو خليتك أغنا واحد في الأرض وخليتك معاك قوي ووفلوس ملهاش عداد !!
:-قلت له مقابل كل ده اي؟!
:-قال لي مقابل انك تبقا مطيع ليا انا وهخليك اقوي واغناء بكتير من ما تتخيل
:-قلت له انا موفق ......

ومن هنا ذياد اتحول من انسان لملعون و لما ذياد وافق علي الطاعه العمياء بقا بيعمل اي حاجه مقابل الفلوس والقوي الي مش مع حد و في يوم جت ناس لي ذياد وقالوا إن عندهم قصر والقصر ده مسكون ومحدش عارف يطلع الشياطين الي في و ذياد اتفق معهم علي انه يشتري البيت وهو يتصرف و اشتراه
و ذياد الوحيد الي دخل القصر ولما داخل القصر شاف طفله صغيره وكانت بتعيط
ولم قرب منها   ...  الطفله اتحولت لي وحش مخيف و كان ذياد من الصعب يخاف عشان عارف ان وراء شيطان ومن اقوي الشياطين و كان عايز يعمل عقد مع الشياطين

ولكن الشياطين قالت يا ذياد انت والي معاك أضعف من انكم تخشوا هنا انت لو مخرجتش من هنا دلوقتي هتموت انت وهوا

قال ذياد انا لو ضعيف مكونتش دخلت هنا وانتم لو معملتوش عقد معايه هتتحرقوا واحد وراء التاني انتم و العشيره بتاعتكم وده اخر كلام عندي

:- وبعدها الشياطين اتجمعت و ذياد فضل واقف وعارف أنهم هيهجموا عليه وفعلا هجمو عليه و ذياد كان معا كتاب طلاسم سفليه وفتح الكتاب وقرء منه و بدأت شياطين العالم السفليه تطلع و باشكال مخيفه جدا وكان ده اكبر غلط عملوا ذياد وبعد ما شياطين السفليه حكمت البيت وسيطرت عليه البيت ده بقا اسوء من ما كان في الاول وذياد كان من اقوي السحره علي الارض لحد ما في يوم ذياد اتطلب منه انه يقتل اطفال مقابل حفاظه علي القوي وحفاظه علي البيت وذياد لم اتطلب منه كده رجع لي الشيطان الي اتفق معا اول مره وقالوا الحقني انا حضرت شياطين سفليه و طلبوا مني اقتل اطفال و لو معملتش كده هياخدوا مني كل حاجه ومش بعيد يقتلوني رد عليه وقال انت عايزني اعملك اي انت الي اتصرفت غلط وفتحت باب مستحيل يتقفل غير ب الدم وانا مش هقدر اعمل حاجه روح وزاي ما حضرتهم اصرفهم
:-
ومشي ذياد وهو عارف أنه  لو رجع القصر من غير ما يجيب ضحيه يبقا هو الضحيه و مفيش وقت القوي بتروح و ذياد قرار أن يقتلهم ويقتل نفسه وداخل القصر
كان القصر كله تعابين وكان في واحد قاعد علي كرسي كبير وقال فين الي اتفقنا عليه يا ذياد
:- قالوا انا مش هقتل اطفال وانا مش عايز منكم حاجه
:-قالوا ههههه هو انت فاكر دخول الحمام زاي خروجه لا انت دخلت العالم ده وانت عارف ان لازم يبقا في ضحيه مقابل كل الي انت فيه
الفلوس و القوة دي ممكن نخدها منك ونوريك اسود ايام حياتك قدامك يوم وتجيب ضحيه
:- رد عليه وقال أنا مش هجيب حد وريني هتعمل اي
:-بعدها طلعت نار من كل مكان والتعابين كترت اكتر و ظهر وحوش اشكالها اصعب من ما تتخيل وصفهم عصب كانوا عباره عن قرون طويلة و عظام و مخالب ضخمه و وشووش مثلثه وعيون زي عيون المعيز و الجسم عظم و جروح ف كل مكان و لقيت سقف البيت نازل منه دم بصيت في السقف لقيت اطفال كتير جدا ميتين ولقيت النار بتقرب عليا حاولت اهرب لكن مفيش فايده النار في كل مكان و الكائنات محوطاني وصعب الهروب سلمت نفسي وقلت انا كده ميت ميت
غمضت عيني ولقيت التعابين بتلف  حوليا و لقيت نفسي اترفعت في الهواء و فتحت عيني لقيت نفسي واقف علي صور السطح ولقيت قدامي الطفله الي شوفتها اول ما دخلت البيت
وقالت لي هما كمان عملوا فيا كده لو كنت فكرت كنت هتعيش لكن هما مش هيسبوك تعيش ولقيتها وقفه جنبي علي الصور و قالت لي عيش انت وانا هرجع لهم تاني امشي ومتجيش تاني وبعدها رمت نفسها من السطوح بعدها خرجت بسرعه من البيت ولم خرجت لقيت قدامي الشيطان القديم
ملحوظه كان اسمو ولهان
و قال لي مهنش عليا اسيبك تموت وجبت ضحيه عشان تعيش

ماهانش عليا اسيبك تموت جبت ضحيه  عشان تعيش و بعد كده يا زياد بلاش تعمل حاجه انت مش عارف  حجمها قد ايه  المملكه فيها اقوي مني ومنك والي حصل معاك ده مجرد حاجه بسيطه جدا فلما تيجي تعمل حاجه زي كده قول لي الأول علي الأقل اكون عامل حسابي
:- قلت له مكنتش اعرف انها هتوصل لحد كده يا ولهان انا عايز ارجع زاي  ماكونت فقير علي الأقل كنت بعرف انام انما دلوقتي بقيت صاحي ليل ونهار وللأسف الفلوس الكتير خلتني قلبي حجر واعما القلب والنظر  وانا اذيت ناس كتير كفايه لحد كده يا ولهان

:-قال لي يعني انت عايز ترجع للحرمان والفقر والجوع والعطش تاني يا زياد الفرصه بتيجي مره واحده في العمر والي حصل معاك انت السبب فيه  خليك معايه وانا هخليك  اسعد واحد في الدنيا
:- قلت له يا ولهان انت عندك حق انا غلط وده عقابي و دلوقتي يا ولهان هنعمل اي مع الشياطين الي في البيت دول القصر ده غالي جدا ولو الشياطين دي طلعت منه  القصر هيجيب فلوس كتير اوي أو بلاش نبيع البيت ونقعود في انا وانت ونرجع ايام  زمان
:- قال لي هو ده الكلام  بس في حاجه يا زياد لازم تعملها عشان نرجع لي ايام زمان ولو ما عملتهاش مش هنرجع للايام دي تاني :- قلت له  ايه هي الحاجه اللي انت عايزني اعملها

:- قال لي انا جبت ضحيه بدالك عشان انت تعيش وده طبعا لازما يتعوض

:- قلت له ازاي يعني اعوض الضحيه

:- قال لي محتاج منك دم و محتاج انك ماتاكلش حاجه ليوم واحد وتشرب ميا بس و تبقا نجس ليومين و كده يبقا متفقين ونرجع لي ايام زمان
:- قلت له هو ده الطلب موفق

وفعلا عملت الي قال لي عليه وده كان اكتر حاجه غلط عملتها انا كده سلمت جسدي ليهم ومكونتيش اعرف غير بعد سنه  المهم بعد ما عملت الي قال لي عليه روحنا البيت ولقيت البيت في ستات كتير و لقيت اغاني ورقص وفلوس ملهاش اخر
:- قلت لولهان هو ده الكلام خلينا نفرح وننسا الفقر

  و فضلت كده سنه وبعد سنه من المنكر و الفحشاء في يوم صحيت في نص الليل  فتحت عيني وبصيت حواليا لقيت البيت مليان تراب و قومت ولعت النور و لقيت عظام بشرية في كل مكان وسمعت صوت من المرايا الي قدام السرير روحت قدام المرايا لقيت واحده لابسه اسود وحوالين رقبتها تعابين اتفزعت من منظرها وكنت خايف جدا و كانت مغمضه عيونها
و قالت لي :- مالك يا زياد خايف ليه

:- قلت لها انتي مين؟!
:- قالت لي  انا الي مخلياك عايش في النعيم ده كله اوعي تكون فاكر ولهان هو الي عامل كل ده  ولهان مجرد خادم عندي وانت خدت  حقك وزياده يا زياد وجه الوقت الي اخد حقي انت طلبت من ولهان فلوس و سعاده  و انت دلوقتي معاك الفلوس والسعاده و كل طلباتك موجابه صح ول لا ..؟  يبقا بقى لازمن اخد حقي!

:-قلت لها عايزه ايه؟
:- قالت لي عايزه جسدك انت بعت جسدك لولهان مقابل انك تعيش ودلوقتي انا عايزاه عشان تكمل وتعيش في سعاده

:- قلت لها اي الي انتي بتقولي ده جسد ايه الي عايزه؟

:- لقيتها بتقول بصوت عالي  زياد جسدك ده ملكي انا

:- ولقيت بعدها وجع في جسمي كله ولقيت علامات سوده بتطلع علي جسمي قلت لها انتي عملتي فيا ايه؟

:- قالت لي انت دلوقتي تحت امري اسمع الكلام احسن ماخليك تشوف حاجه عمرك ما هتشوفها

:- قلت لها طيب انتي عايزه ايه؟
:- قالت لي هتنام علي السرير و تغمض عينيك ومهما حصل متتحركش من مكانك
:- قلت لها حاضر بس خلي الوجع الي في جسمي ده يروح
:- قالت لي متقلقش هيروح يلا روح نام
:- وروحت نمت علي السرير و غمض عيني و لقيت الوجع راح وبعدها حسيت أن في حاجه ماشيه جنبي خفت اتحرك ولقيت حاجه بتمشي علي جسمي و بتلف علي جسمي من كتر الخوف اتحركت وحسيت  ب وجع شديد في أيدي و صرخت بصوت عالي وقومت من السرير وفتحت عيني لقيت ايدي بتنزل دم ورجلي وبضني بتنزل دم  دخلت الحمام و غيرت هدومي
وبصيت علي ايدي لقيت اترسم عليها نجمه ورجلي وبضني نفس الرسمه وبصيت في المرايا لقيت مكتوب عليها (انت لنا الان )
_______

لو قرت للآخر اكتب تم
و اعمل متابعه عشان تقدر تشوف كل جديد اول ب اول
______
وفتحت عيني لقيت ايدي بتنزل دم ورجلي وبطني  بتنزل دم  دخلت الحمام و غيرت هدومي وبصيت علي ايدي لقيت اترسم عليها نجمه ورجلي وبطني نفس الرسمه وبصيت في المرايا لقيت مكتوب عليها ..... (انت لنا الان )
_______
بعدها خرجت من الحمام بجري زي المجنون و لقيت مرسوم علي جدران البيت نجمه وجوه النجمه مرسوم انسان فاتح ايده الاتنين لفوق شكل ٧ وفاتح رجله الاثنين لتحت شكل ٨ ولقيت حوالين النجمه ثعابين كثير و اصوات التعابين في ودني بصوت عالي و لقيت ودني وعيني بتنزل دم واماكن كتير في جسمي فيها دود ومش عارف اي الي حصل لي اتشليت ومش عارف اتحرك ولا عارف اتكلم ولقيت نفسي اترفعت من علي الارض و لقيت نفسي بقرب على النجمه لحد ما لقيت الانسان اللي مرسوم في النجمه اتحرك و فتح عينه وبصيلي و بصيت في عينه لقيت عالم كامل مجهول لقيت نفسي  وسط ناس لبسه دهب و رقصات و خمور و اغاني اول مرة اسمعها و لقيت واحده قاعد علي كرسي كبير جدا وقالت لي مرحب بيك في عالم المتعه الي حين

:- بصت لها وقلت لها هو اي الي بيحصل انا مش فاهم حاجه
:- قالت لي انا ملكة من ملوك الشياطين ودي مملكتي الخاصه مفيش حد يخشها الا لو كان مميز  وانت فيك مميزات كثير وانا باحب الاشخاص اللي زيك تحب تكون معي في المملكه وتبقى واحد مننا ولا تحب تكون ضدنا وتعيش اسود ايام حياتك. انا هنا زي ما انت شايف اللي بيخش مملكتي باعمل له كل اللي هو عايزه وهو كمان يعمل كل اللي انا عايزاه ها تحب تعيش هنا للابد معنا في وسطنا وتبقا واحد مننا وتبقا ملك من الملوك ولا تحب تعيش كعبد
:- بصيت في عيونها وبصيت حواليا لقيت نفسي بقول لا مش عايز اعيش هنا وقلت لها لا لا انا مش منكم ولا عايز ابقا منكم
:- لقيت وشها اتغير للاسود وقالت طيب حاول تفكر تاني عشان لو ده قرارك الاخير هترجع تعيش اسوء ايام حياتك وهتندم وسعهتا مش هتدخل هنا تاني
:- قلت لها انا قرارت خلاص مش عايز اعيش معكم
:- قالت لي طيب امسك نفسك قبل ما تموت
:- وسمعت صوت حد بيقول ارجع ارجع ارجع بصيت ورايا لقيت نفسي واقف علي صور البلكونه ووقعت من البلكونه وكان في حبل مسكت في وبعدها وقعت علي الارض و فقدت الوعي

بعد مرور (14)شهر

لقيت نفسي جوه مستشفى واول ما فتحت عيني لقيت دكتوره بتقول لي حمدالله علي السلامه بصيت لي وجه الدكتوره لقيتها هي الملكه قلت لها انتي عايزه مني اي
:- قالت لي عايزك ترجع لي عقلك
:- قلت لها سيبيني في حالي سيبيني وابعدي عني وبعدها ضربتها علي وشها و بصيت لي الدكتوره لقيتها واحده تانيه خالص ولقيت الدكاتره جم وقالوا اي الي انت عملتوا ده
:- معرفتش ارد عليهم
ولقيت دكتور جي يديني حقنه قلت له لا متدنيش حاجه
انا عايز امشي من هنا
ولقيت الدكتوره الي ضربطها بتبتسم ولقيت عيونها بتتغير بصيت لي الدكتور و قلت له خرجوا الست دي براء قال لي الدكتور اهدا شويه مش كفايه الي عملتوا
:- وقمت من السرير و الدكتور قال لي رايح فين قلت له سبني وملكش دعوه
:- ومشيت من المستشفى ومش عارف اروح فين قلت لي نفسي دلوقتي لو فضلت عايش هموت في اليوم مية مره  فبدل ما اموت من الخوف والهلوسه اموت وانا بعمل حاجه صح في حياتي روحت جبت الكتاب الي هو السبب في طلوع الشياطين من مكنهم  واخدت الكتاب و روحت البيت ودخلت جوه وكنت بخبي الكتاب اول ما دخلت سمعت أصوات حد بيجري من ورايا ومن كل حته في البيت و قلت بصوت عالي احضروا يا اهل البيت انا مش غريب انا زياد  بعدها كل الأصوات اختفت ولقيت باب غرفه اتفتح رحت عند الغرفه و قلت اظهري انا رجعت

ولقيتها وقفه ورايا وبتقول لي اهلا بيك
:- قلت لها بطلي الي بتعمليه انا مش هخاف منك لما تظهري وتختفي كل شويه انا جي اقولك امشي وارجعي انتي والي معاكي مكانكم الحقيقي

لقيتها ضحكت بصوت عالي

قلت لها تحضّر ملوك عوالم الشياطين
وفكرتها انها من اهل الشياطين الملاعين وقلت بعض التعوزات

ولقيتها واقفه قدامي
وقالت لي
:-انت كده خلصت جه دوري

ولقيتها اختفت ولقيت تعابين من كل مكان ولقيت نار حواليا ولقيت كائنات غريبه قدامي و لقيت نفسي في عالم كله نار و وحوش مخيفه بدأت اخاف ولكن كنت متماسك جدا وقلت لها مهما حاولتي تخوفيني مش هخاف ولقيت كائن شبه الكلب ولقيته بيقرب عليا  وفتحت الكتاب لقيت الكائن ده وقف اول ما فتحت الكتاب و الغضب والخوف ظهر عليه بدأت أقرء من الكتاب لقيته هجم عليا و جرحني في رجلي وانا واقف عمال اقرء واقرء لحد ما الكائن ده بدأ يطلع اصوات غريبه واختفى
وفضلت اقرء من الكتاب وعمال اسمع اصوات غريبه لحد ما لقيت امي واقفه قدامي وبتقول لي:- يا زياد
قلت لها :-امي  !!  امي  ازاي ازاي ؟؟!! انا امي ميته ؟!!!

:-قالت لي لا انا مش ميته بايدك تعيش معايه يبني
:- قلت لها سامحيني يا امي انتي ميته

وفضلت اقرء ولقيت امي اتحولت ل الملعونه الي كانت بتمثل امي وفضلت تصرخ بصوت عالي و انا فضلت اقرء وانا بقرء لقيت النار بتقرب مني والتعابين قرصتني كذا مره من رجلي وفضلت اقرء لحد ما كل حاجه اختفت بعدها  لقيت كل العلامات الي في جسمي راحت حتى قرص التعابين ملوش اثر وبعدها خرجت من البيت و سبت البيت و كتبت البيت لي الجامعات الخيريه ورجعت بيتي القديم
و بعد مرور أربع سنوات
‏تم أزالت البيت و اصبح بدل البيت ملجا ايتام و انا روحت الملجا و اتبرعت ب كل الفلوس الي معايه و خليت معايا مبلغ بسيط جدا الي عشت بيه باقي عمري

ملحوظه بعد ما اتبرعت ب الفلوس اكتشفت أن ولهان لسه عايش ولسه العقد الي مع ولهان لسه منتهاش ولسه في حكايه تانيه لسه منتههتش بيني وبين ولهان ودي نهاية منزل الشياطين . تمت
‏(نعتذر علي تاخر الجزء الثالث بسبب ظروف الكاتب نفسه و نرجو ان تقدروا ذلك) .

‏لو قرات للآخر اكتب تم 👻
‏و متنسوش المتابعه✔️ لي الصفحه عشان تشوف كل جديد اول ب اول
‏ومتنسوش التصويت على النجمه 👍 والمشاركة 🌍👽
‏