.
.
ناظرها بوراجح وناظر عمراللي متسند ع الباب ومنزل راسة ، اخذ نفس وغمض عيونة وفتحهم وناظر شيخة:ابي اعرررف وشهالقوة العين اللي فيك انتي وولدك جايين لي هنا بعد اللي سويتوة!..
شيخة ناظرتة وهي عاقدة حواجبها..
بوراجح:تتسترين على ولدك الزبالة وانتي بعينك شايفتة يتحرش بها!..
شيخة:بوراجح الله يهداك لية تكلمني كذا!..
غمض عيونة:خذي الزززفت ولدك وطلعية ماابي اشوفة..
شيخة:تبي تطرد ولدك عشانها! ، لايكون مصدقها ، ولدي مايسوي الشينة هي اللي اغوتة ولعبت براسة و..
قاطعها بوراجح بحدة:انكتميي ، تكذبين ي شيخة؟ ، اخر عمرك تكذبين وتتبلين على بنت الناس عشان تدافعين عن ولدك؟ ، خافي ربك يامرة..
سكتت وناظرت رهام وصدت وهي تهز رجلها:موهي جابت لك الولد اللي تبية واللي تزوجت علي عشان تجيبة ، ناظرتة ، خلاص طلقها..
شهقت رهام وحطت ايدها على ثمها..
بوراجح بهدوء:ومن قال اني ابطلقها؟..
شيخة بحدة:لا بتطلقها ي بوراجح ، كيف ترضاها على نفسك انك تبقى مع وحدة لها سوابق..
بوراجح:شششيخة! ، صار يتنفس بقوة ويحاول يكتم غيضة وعصبيتة ، قلتلك مانيب مطلقها..
وقفت شيخة وبصراخ:لا بتطلقها ، ي انا ي هي ي حسين!..
بوراجح:تعوذي من الشيطان ي مرة..
شيخة:اعوذ بالله منها ، انت كيف متمسك بوحدة زبالة مثلها ومنت راضي تطلقها ، طلقها احسن لك ي حسين..
مسح وجهه واستغفر:شيخخة قلتلك ماني مطلقها خلاص!..
شيخة:اجل طلقني..
ضغط على راسة ومارد..
شيخة بصوت اعلى:طلقققني دامك تبيها ومفضلها علي ، اقولك طلقني ، لاتطنشني ، طلقني دامك تبيها وتموت فيها هالقد ، اساسا عمري ماحسيت انك تحبني..
بوراجح:اهدي ي مرة..
شيخة بصراخ:مارح اهدى الا لما تطلقني ، طلقققني ماعاد ابغاااك..
ضغط على صدرة وبحدة:اسكتييي خلاصصص انتي طااالق..
تمت تناظرة فترة بعدها لفت للباب وطلعت ولحقها عمر ، طلعت من المستشفى بسرعة وركبت السيارة وركب عمر جمبها وعينة عليها فجأة انفجرت بالبكاء..
.
.
طلعت من الحمام وهي لافة الفوطة على جسمها ومستحية من نظراتة ، اشر لها تجي جمبة وجت جلست جمبة وهي مستحية..
باس راسها وتم يناظرها وهو مبتسم..
استحت ونزلت راسها بعدها تذكرت وناظرتة وصارت تكلمة بالاشارة وهو مافهم ، قامت وفتحت شنطتها وطلعت دفتر وكتبت ومدت لة الدفترانا جد حامل؟؟)..
ابتسم:والله معرف بس قلت كذا عشان ابوك يردك لي..
حس وجهها تغير وبان علية الضيق ، جرها لحضنة وباس رقبتها:لاتتضايقين حبيبتي ترا تونا متزوجين مالنا الا كم شهر واصلاً توي من اسبوع داخل عليك وان شاءالله بتحملين وتعبين لي البيت بزران وان شاءالله يطلعون مزيونين مثلك..
.
.
جالسة قبال التسريحة تنشف شعرها بالفوطة وهي تسب وتلعن في عبدالعزيز ، انفتح الباب ، ناظرتة من المرايا ، دخل وفصخ ثوبة وعلقة وتسطح ، لفت لة وبقهر:تعشيت؟..
ابتسم وهو مغمض:اي الحمدلله..
ميرال:ي سلام طب وانا؟؟..
عبدالعزيز:محد قالك ماتنزلين!..
وقفت وتكتفت:لاوالله! مو لان حظرتك كاب علي جيك الماي ومبهذلني! ، قوم عشني برا..
عبدالعزيز:ماني موديك عندك المطبخ تحت روحي سويلك شي تاكلينة او شوفي يمكن في اكل باقي..
ميرال وهي رافعة حاجب:طيب ي عزيز ، سحبت شيلتها وطلعت ، زفرت بضيق وراحت غرفة هيلة ، ضربت الباب ودخلت:سلام..
لفو عليها:وعليكم السلام..
ضحكت شمايل وهي منسدحة على فخد هيلة:لايكون بعد انتي الثانية متزاعلة مع رجلك!..
جلست وهي عافسة وجهها وماردت..
كملت حسنا بقهر:اية وتخليو دفني وعورني وربي اني توجعت بداخلي اكثر من وجع كتفي وربي اني مقهورة ، طب وشدخلني فمشاكلة مع اخوي لية يحط حرقة قلبة فيني..
شمايل وهي منسدحة ومغمضة:احمدي ربك ان صقر طيب ويحبك ولا لو غيرة كان ضربك نفس ضرب اخوك لختي ويمكن ازيد وعقبها يطلقك ويرميك لاهلك..
حسنا برعب:بسم الله علي..
الهام:اجل روحي لعند رجلك وراضية لجل لايقلب عليك زيادة..
صدت:يخسى اراضية وهو المزعلني ، ناظرت اظافرها وبثقة ، هو اللي بيجي لعندي ويطلب رضاي وقولو حسنا ماقالت..
شمايل وهي تتثاوب:تكفون اذلفو عند رجالكم وانتي ، ناظرت الهام ، طسي غرفتك ابنااام ترا جت 11ونص..
طنشوها وكملو سوالف ، شوي وانضرب الباب ، قامت هيلة فتحتة والتفتت حسنا بسرعة بعد ماسمعت اسمة:هلا صقر!!..
حك صقر راسة:حسنا عندك؟..
هيلة:اية اناديها لك؟..
صقر:ياليت..
دخلت وثواني ورجعت لة:مارضت تجي..
صقر:في احد داخل؟..
هيلة:اية حرمة عزيز..
تنهد:طيب قوليها تتغطى ابدخل لهالمهبولة اراضيها اعرفها عنيدة ومارح تجيني..
دخلت وشوي ورجعت وفتحت لة الباب ودخل ، ابتسم وراح لها ووقف قبالها:اسف..
صدت وماردت علية..
صقر:قلتلك اسف والله مدري شكنت افكر فية يوم زعلتك ، وربي اني ماحسيت بنفسي ، خلاص يكفي زعل ماشفتك من المغرب لهالحين حرام عليك..
جرها وحاوطها من خصرها ولصق فيها وباس راسها وطول ، همس لها:اسسف..
بعدت عنة وهي منحرجة وابتسمت:ماتعيدها؟..
صقر:مااعيدها..
حسنا بدلع:خلاص سامحتك بس اليوم ابنام هنا لاني حلفت..
جرها من ذراعها:اقولها مششتاق لك ، امشي بس..
طلعو..
شمايل:اخ متى يجيني النصيب وافتك ، يالله انك ترزقني بواحدن مثل صقير ، لفت على ميرال ، وانتي الثانية متى رجلك بيجي يراضيك؟..
ناظرتها ميرال وصدت وبداخلها عارفة انة مارح يسأل عنها ولارح يفتكر فيها ، حاولت تصطنع الابتسامة:تشوفون فلم؟..
.
.
.
متجمعين كلهم ولاصقين ف بعض ويتابعون فلم بجوال ميرال ومندمجين وبحضن شمايل البوب كورن وكلهم ياكلون منة ، الا ميرال اللي كانت مومع الفلم ابد وبالها رايح بعييد ، انتبهت عليهم بعد ماصارو يتكلمون عن الفلم وبعدها استوعبت ان الفلم خلص..
شمايل:شفتو كيف البطل طب من الدور المدري كم لجل ينقذ حبيبتة ، رفعت ايدينها للسما ، يالله ، يالله انك ترزقني بالزوج الصالح اللي يحبني مثل ما راجو يحب قندهار بس ماابية يطب من الدور الستمية لان ادري انة بيفنقش ويموت وهذول هنود ابد مايصيبهم شي لو يفرمهم قطار ، بس ماابية يشبة راجو لان راجو كويحة..
الهام:وشو كويحة بعد ذي؟..
شمايل:سامعتها بمسلسل مدري فلم ، معناتة لون بشرتة كحلي واجلح املح..
الهام:الحمدلله والشكر هاذي مدري من وين تجيب هالكلام..
ميرال:خلصتي تجهيزك ولا باقي؟..
الهام:لا والله باقي كثير والمشكلة مابقى على زواجي الا اسبوع..
ميرال:الله يعينك..
شمايل وبثمها البوب كورن:كل الناس تنخطب وتعرس وانتي ليلحينك ماعرستي..
هيلة:وشتبيني اسوي يعني؟..
شمايل:انطقي ، قوليلة متى بنعرس ياخي مصخت لكم قرن مخطوبين ، عدلت قعدتها ، ترا جد اتكلم تراك كبرتي والشيب بدا يخط براسك واللي اصغر منك عرسو وانتي ليلحين وضعك هذاهو ، خاطبك من عام الفيل من كان عمرك 15 ، ثمان سنين خطوبة وزين تلحلح وملك عليك ويالله انطري ثمان سنين ثانية وعقبها بتعرسون..
تضايقت هيلة وماردت..
بعد فترة الهام راحت غرفتها وهيلة وشمايل انسدحو ونامو وميرال قامت ، لبست شيلتها وطلعت ، جلست بالصالة اللي بين الغرف تطقطق بجوالها لين ملت بعدها حست بجوع موطبيعي قامت نزلت وراحت المطبخ تسوي لها شي تاكلة ، فصخت شيلتها عشان تاخذ راحتها وصارت تجهز لها الاكل وهي متطمنة وعارفة ان كل البيت نايمين ، طلعت البيض والطماط والبصل والفلفل وصارت تقطعهم ، وهي تدندن بصوتها الججميل ، شهقت والتفتت بسرعة بعد ماسمعت صوتة:قايلك صوتك ججبار وماقد سمعت مثل صوتك..
ضمت اصبعها لصدرها وضغطت علية بأيدها الثانية وهي تناظر اصبعها اللي ينززف دم بغزارة بعد ماجرحتة بالسكين ورفعت راسها تناظرة..
قرب منها وهو يناظرها ومنججذب لجمالهاوموقادر يشيل عينة عنها:جرحتى نفسك؟ ، وقف بعد ماسحبت السكين ورفعتها بوجهه..
ميرال بحدة:بععععد ، رمت السكين بعد ماتراجع خطوتين لورا وركضت طلعت من المطبخ ودخلت جناحها بسرعة وسكرت الباب وقفلتة قفلتين وتسندت علية وعي تررررججف..
:وشفيك؟..
رفعت راسها بشويش وبلعت ريقها..
عبدالعزيز:وشبها ايدك ، قرب منها ومسك ايدها منصدم من الجرح والدم ينزف كثثيرر..
ناظرتة وهي ترمشش بعدها طاحت مغمى عليها من الخوف..
بحركة سريعة مسكها من خصرها قبل لاتوصل الارض وثبتها لصدرة وشالها ، جر عباتها ولبسها اياها وهو مندرك ومتوتر وطلع ، رجع بسرعة لانة نسى يلبس ثوبة ، سدحها ع السرير ولبس ثوبة ع السريع واخذ جوالة ومفتاح سيارتة وشالها ونزل مسسرع ، صادف مطلق بوجهه لكنة طنشة ومشى ، سدحها بالسيارة ورا وركب ومشى للمستشفى وهو كل شوي يلتفت عليها قلقان وخخايف عليها ، وصل المستشفى ونزل وشالها ودخل الطوارئ ، بسرعة جو ممرضات بعد ماشافوة شايلها والدم يصب من ايدها ع الارض..
الممرضة:حطها ع السرير..
سدحها وناظرهم وهو مرتبك..
الممرضة:وشفيها؟..
عبدالعزيز:ماادري دخلت وايدها تنزف وفجأة طاحت مغشى عليها..
بعد شوي بعد ماجت الدكتورة وكم ممرضة والتمو حولها يشوفون شفيها ويحاولون يصحونها ، وقف يناظرهم ، فز بعد ماشافها فتحت عيونها ووقف يناظرها وهم يسألونها وترد عليهم بهمس وصوت تعبان وبعدها عقمو جرح ايدها ونظفوة وبدت الدكتورة تخيطة وقلبة موجعة على شكلها وهي تعض شفتها وتغمض بقوة من الم الخياط..
بعد فترة قامت وراح لها ومسك ايدها ومشى ، اخذ لها العلاج اللي وصفتة لها الدكتورة ومشو ، فتح لها باب السيارة وركبت وركب جمبها ، ناظرها:ياجعك جرحك؟..
ضمت ايدها:شوي..
عبدالعزيز:وشمنة انجرحتي؟..
ميرال:كنت ابسويلي عشا وماانتبهت وجرحت ايدي..
عبدالعزيز وعينة على ايدها:جرحك كايد وغزيز وم انتبهتي؟..
بلعت ريقها وماردت..
تم يناظرها بشك ، كيف ماانتبهت وجرها كايد وخيطوها خمس غرز تحت اصبعها السبابة بشوي ، وصلو البيت ونزلو وصعدت وهو راح الحمام اللي عند المجلس وتوضى لجل يصلي صلاة الفجر بالمسجد ، بعد ماتوضى شاف ابوة واخوانة نزلو ومشى معهم للمسجد..
.
.
جالسة تناظر بوراجح اللي جالس على كرسية وشاد راسة بيدينة ومتكدر من طلق شيخة:حسين!..
رفع راسة..
رهام:لاتضايق نفسك هي اللي طلبت الطلاق واجبرتك علية ، ابتسمت ، وبعدين فكر فيها بنكون طول يومنا وكل الايام مع بعض ومحد رح يشاركك فيني..
بوراجح بهدوء:ابردها على ذمتي..
تلاشت ابتسامتها و..
.
.
.
بوراجح بهدوء:ابردها على ذمتي..
تلاشت ابتسامتها ورمشت تحاول تستوعب:ايشش ، ليةة تردها وهي اللي طلبت الطلاق وماتبغيك واساساً كانت تبغيك تطلقني وبعدين انت عارف ان ولدها كء..
بوراجح:رهام! ، هي بنت عمي ومالها حد غيري..
صدت وهي متضضايقة وخاطرها تكدر بعد ماقال انة بيردها لة ، لفت لة:طيب شعندك جالس عندي لهالحين ابنام انتهى وقت الزيارة من زمان..
ناظرها فترة بعدها مشى..
صدت تناظر الساعة تنتظر متى يجي الصباح ويمرها ظافر وياخذها ع بيت اهلها..
.
.
خلصو صلاة وطلعو من المسجد راجعين للبيت مشي وكالعادة كلهم يمشون مع بعض وعبدالعزيز بعيد عنهم شوي ، ناظر مطلق وصد ، مسستغرب منة اليوم وضعة مو طبيعي طول الوقت يناظر فية وهو مرتبك وبسرعة يصد لما يرفع راسة ويناظرة ، مسح على وجهه بأيدة وهو يستغفر على الشك اللي راودة ، وصار يكرر بداخلة ، لا ميرال غير واضح تحبني مستحيل تخونني ، بس هي وينها طول اليوم ، لالا استغفرالله انا ماشفت ع البنت شي حرام اظلمها وماهيب مايعة وجريئة مثل ، سكت وصار يستغفر الين وصل البيت ، صعد ودخل الجناح شافها التفتت بسرعة واستغرب:وشفيك؟..
ميرال:لا م مافيني شي بس ماحسيت بجيتك..
جلس جمبها:كيفك الحين؟..
ميرال وعينها على ايدها الملفوفة:الحمدلله..
عبدالعزيز:ميرال خلك صريحة ولا تكذبين..
بلعت ريقها وهي تناظرة..
كمل:كيف جرحتي نفسك هالجرح ، لاتقولين لي م انتبهتي ، لو مانك منتبهة كان جرحك صغير مو كايد كذا ، انتي متعمدة تذين نفسك؟ ، شدد على كلامة ، او في احد اذذاك؟..
سكتت فترة وهي تناظرة وخخايفة تقولة عن اخوة ويشك فيها ويظن ان هي تخونة وخايفة تسكت ومطلق يتمادى ، نزلت عيونها ورجعت ناظرتة:عزيز شفيك قلتلك ماكنت منتبهه ولان السكين حادة تأذيت بهالشكل..
تم يناظرها وماتكلم مايدري لية حاسس انها تكذب ، قطع علية تفكيرة صوت بطنها وابتسم:وشتبين تفطرين فية؟..
ميرال:بنطلع نفطر برا؟..
تم يناظرها بعدها ابتسم:البسي..
فزت بسرعة وسحبت عباتها بتلبسها ، قام بعد ماشافها متبهذلة وموعارفة تلبسها بأيد وحدة ، ساعدها ولبسها اياها واخذ الشيلة ولفها على راسها وطول وهو يناظرها بعدها حس على نفسة وتنحنح وساعدها لبسها النقاب وغطى عيونها ونزلو بعد مااخذ مفاتيحة وجوالة..
صادفو فريال تحت رايحة للمطبخ ووقفت:لوين رايحين؟..
عبدالعزيز بجمود:طالعين..
فريال:اي بعرف انو طالعين بس لوين؟..
زفر عبدالعزيز:بنفطر برا ، ميرال انا بالسيارة لاتتأخرين ، مشى..
ناظرتها ميرال بعدها لحقت عبدالعزيز بسرعة..
لوت فريال شفتها ودخلت المطبخ..
.
.
صحت من النوم وماودها تقوم ، تمنت انها ماتت ولا صحت ، كيف تتزوج واحد غير حبيبها راششد ، غمضت عيونها ونزلت دموعها لاشعورياً ، مسحت دموعها بكفوفها بسرعة بعد ماانضرب الباب دخل وهو مبتسم:صباح الخير..
تمت تناظرة وماردت..
جلس على اطرف السرير ومسح على شعرها:قومي حبيبتي لجل تروحين الصالون اليوم ملكتك على ولد عمك ظافر ولا نسيتي؟..
غمضت وحسك سكاكين تنغز بصدرها لما قال اسم غير اسم اللي بنت حياتها معاة ، اسم غير الشخص اللي تمنت تاخذة..
قامت بهدوء ودخلت الحمام ، ناظرت المرايا وغسلت وجهها اكثر من مرة بعدها بككت ، كانت تحسب انة حلم وبتصحى منة ، جلست على ارض الحمام ودفنت راسها بين رجولها وجلست تبكي وتندب على حظها..
.
.
جالسين بمطعم يمني شعبي وعبدالعزيز جالس يسبح بالمسباح ويستغفر عبال مايوصل لهم الفطور وميرال جالة قبالة تناظرة..
شويات ووصل الاكل ، تغطت ميرال بعد ماعبدالعزيز اشر لها بعيونة ودخل اليماني وحط لهم الفطور ع الطاولة وطلع..
شالت الغطى وهي تناظر الاكل اللي ريحتة تفتح النفسس ، اخذ عبدالعزيز خبزة واكل..
ناظرتة ورجعت تناظر الاكل..
عبدالعزيز:وراك ماتاكلين؟..
ميرال:ايدي..
تم يناظرها فترة بعدها قطع لها من الخبزة وغطها بالمقلقل وشال منة وقربها لثمها واكلتها..
صار ياكل ويوكلها معة ، بعدها خلصو وطلعو من المطعم بعد ماحاسب..
ميرال:اليوم ملكة ظافر؟..
عبدالعزيز بهدوء:اية..
ميرال:مم طب ممكن توديني السوق اشتريلي فستان للملكة؟..
ناظر الساعة:هالحين الساعة 6 ونص الصبح من اللي فاتح بذا الوقت؟..
ميرال:مو هالحين ، ودني عالساعة 10..
عبدالعزيز:طيب..
وقف عند البيت ونزل ونزلت وراة ، صعدو جناحهم ، فصخت عباتها وعلقتها وهي تناظرة دخل ورمى نفسة عالسرير بتعب حتى مافصخ ثوبة ، فك ازاريرة وحط ذراعة على عيونة وغمض..
جت ميرال جمبة:عزيز قوم افصخ ثوبك..
مارد..
ميرال:عزيزز! ، تنهدت وقربت منة اكثر وفكت كبكاتة وشالتهم وغطتة ، دخلت الحمام فرشت اسنانها وراحت انسدحت جمبة وبسسرعة نامت من التعب..
.
.
.
.
صعدت عالساعة 9 ونص بعد ماساعدت الحريم بغسيل الصحون ورتبت معهم ، دخلت الجناح وتحس نفسها هلككانة ، تنهدت بعد ماشافتة جالس عالسرير ويحوس بجوالة ، فز لها ولصق فيها وحاوط خصرها:مشتاق لك..
فكت نفسها بقوة منة:اووفف مطلق قلتلك موطايقتك لاتلمسني..
مطلق:ماصارت تراك مصختيها لا والمفروض انا اللي ازعل واصدك ، ترا اخوك المتحرش بختي وانتي التزعلين؟..
مهرة:قلتلك الوليـــد مايسويها ، اختك هي ال..
مطلق بحدة:مهرة!! ، احترمي نفسسك ولا تتبلين على اختي لجل تبررين للنجس اخوك..
ناظرتة بحدة بعدها دخلت الحمام وسكرت الباب بقوة وقفلتة ، فصخت ملابسها ورمتهم بعصبية وقهر بالارض وهي تسب وتلعن فمطلق وكارهه الهام كرة الشر وموطايقة تشوفها ، شغلت الماي البارد ودخلت تحتة وهي تفكر كيف تنهي زواج الوليد والزفت الهام قبل لايتم وككيف تخلي الكل يدري بسواتها..
.
.
جلست على السرير بتعب بعد مابدلت ملابسها ولبست عباتها وجلست تنتظر ظافر يجيها ، جلست تناظر الساعة وشويات وانفتح الباب ودخل ظافر وهو مبتسم:السلام..
فزت بفرح:وعليكم السلام..
ظافر:الحمدلله على سلامتك..
رهام:الله يسلمك..
ظافر:هاة جاهزة؟..
هزت راسها ، اسندها لجل تجلس على الكرسي وطلع وهو يدفها ويسولف معها:ولدك متى بيطلعونة..
رهام:يقولون بيخلونة فالحضانة كم يوم لان بعدة ماكمل ، بس الحمدلله صحتة وكل شي زين..
ظافر:الحمدلله..
اسندها وقامت معة وركبت السيارة وركب جمبها..
رهام وهي تناظرة:وشعندك احسك مبسوط بزيادة؟..
ظافر بأبتسامة:اليوم ابملك..
رهام:احلفف ، مبروك والله توي ادري ، ي حظك ب عفراء جمال واخلاق وادب..
ابتسم وعينة عالطريق..
.
.
مسحت دموعها وناظرتة بعد ماجلس قبالها وباس راسها:تدرين اني مااحب اشوفك تبكين؟ ، لان شكلك يخرب ووجهك يتنفخ وخشمك يصير هالقد..
ضربتة بكتفة:ي حممارر..
صقر:ههههه ، دلك كتفة وباس طرف شفتها ، اية خلك كذا ، صدقيني مااحب اشوفك ضايقة ومتكدرة ومن الحين اقولك بتحظرين الملكة وبتنبسطين ومحد رح يقدر يقولك شي ، مسح دموعها بيدينة ، مستحيل ابوك يمنعك من انك تحظرين ملكة اختك ، قومي اجهزي لجل اخذك الصالون يبغالك وقت عبال مايسنعون خشتك ، اححح والله امززح تعععالي..
.
.
رفعت الفستان اللي عجبها كثير تناظرة ، قصصير وعاري ولونة احمر ، ناظرتة وهي عاقدة حواجبها بعد ماسحب الفستان منها:ليةة!!..
عبدالعزيز:بدون لية ، هذا قميص نوم ولا فستان؟..
ميرال:عزيز مولهالدرجة حتى بلبسي بين الحريم بتتحكم فية..
طنشها وصار يحوس بالفساتين بعدها لقى اللي يبية وطلعة:خذي ذا زين..
ميرال بصدمة:مومن جدك؟ ، لا جد جد بالله عليك حتى اللي رايحين عزا مايلبسون كذا..
تم يناظرها وهو ماد الفستان وساكت..
تأففت:طيب خلاص ابدور شي ساتر وحلو بنفس الوقت ، طب ذا زين؟؟..
ناظر الفستان فترة ، اسود علاق وطويل وفية فتحة للفخذ وظهرة مفتوح ، تم سساكت ومارد..
ميرال:عزيززز..
اخذة وراح يحاسب..
.
.
بالصالون..
جالسة ع الكرسي وقبالها الميكب ارتست تضبط لها الميك اب للمرة الثالثة:حبيبتي خلاص مايصير مكياجك كل شوي يخرب..
مسحت دموعها بالمنديل وحاولت انها ماتبكي لكن رجعت تجهش بالبكاء ، ملت منها الميكب ارتست وقامت..
رن جوالها وردت بعد ماهدت نفسها:احـ مم هـلا سـ هيل..
سهيل:هاة خلصتي انا برا..
مسحت دموعها:ط طـيب هالحين ابطلعلك..
قامت لبست عباتها واخذت اغراضها وتغطت وطلعت..
ركبت جمبة بعد ماالقت السلام بهمس..
ناظرها وابتسم ومشى..
.
.
لفت عليها بعد ماحطت لها الروج ورسمت عيونها بالكحل:هاة وشرايك حلو؟؟..
شهقت هيلة:يويلككككك من ابووووي والله لايذذذذذبحككك ، ضربتها على كتفها ، من وين جايبة هالمكياج هااة..
شمايل:ايي ووجع. دلكت كتفها ، طالبتة من سوسن ، وبعدين ابوي وشدراة اني حاطة ميك اب..
هيلة:يعني ماتعرفين ان ابوي بكل مناسبة يصفنا ويقعد يشيك علينا وعلى لبسنا ، شهقت مرة ثانية وحطت ايدها على ثمها ، ي ويلي ي ويلي ، نامصصة؟؟..
جلست شمايل ع السرير:اوووة هيلة تراك فضحتينا بصراخك ، مالة داعي تبالغين وتكبرين الموضوع ترا كلها مسوية تنظيف حواجب وحاطة لي روج وكحلة..
ضربتها هيلة:من مسويهم لك تكلميييي..
شمايل:اي ايييي سوسن سووسسن خلاص اجعتيني..
خزتها وطلعت وراحت جناح سوسن وضربت الباب وهي تهز رجلها..
فتحت الباب:انتي ماتستحين على وجهك؟..
سوسن:لية انا شو عاملي وبعدين احترمي حالك ولاتعلي صوتك عليي..
هيلة:لا بعلية دامك مومحترمة حالك وجالسة تخربين خواتي ، لية نامصصة ل شمايل ماتعرفين ان النمص حرام؟..
سوسن:اوووة ، سكرت الباب بوجهها..
هيلة:هين ي يالسوسة انا اوريك..
.
.
.
.
دخلت المجلس الداخلي وابتسمت بعد ماشافت امها استقبلتها وسلمت عليها وباركت لها وبعدها فزو خواتها يسلمون عليها..
الهام وهي تبوسها:الحمدلله على سلامتك ، وين ولدك؟؟..
رهام:بالحضانة بيبقى عندهم كم يوم عشانة ماكمل..
شمايل:منزمان م شفتك يحليلك صايرة بطة..
شريهان:ملكيش دعوة بأوختك ، باست رهام ، الحمدلله ع سلامتك وسلامة النونو ي حبيبتشي ، حطت ترمس وكوب عالكومدينة اللي جمبها ، اهوة اللي حينفعك اشربيلك كوباية دلوأتي ومش عايزة اشوف فيها ولا اطرة..
شمايل سادة خشمها:يووة الله يعيننا ع ريحة الحلبة..
خزتها شريهان وسكتت..
صافحتها صيتة وسلمت عليها وبهدوء:الحمدلله على سلامتك..
جلسو خواتها حولها يسولفون معها وبعدها صعدو يكملون باقي تجهيزاتهم لملكة ظافر..
.
.
الســـاعة 9 ونص الكل موجود ببيت ابو سهيل بأستثناء صيتة اللي حلفت على فريال تروح لملكة ولدها وهي اللي تجلس مع رهام..
جالسين البنات يسولفون ويضحكون ، ناظرت الهام الساعة:موكن عفراء طولت ومانزلت..
شمايل:نصعد نشوفها!..
هيلة:اكيد شويات وتنزل خلو البنت ممكن تلبس وتجهز ، لفت على حسنا اللي تفرك ايدينها بتوتر ، وشفيك؟؟..
حسنا:م مافيني شي..
شمايل:قومي اصعدي وشوفي اختك ممكن تستحي لا احنا صعدنا..
بلعت حسنا ريقها بعد ماناظروها وقامت وصعدت وهي مترددة ، ضربت باب الغرفة ودخلت ، رجعت خطوتين ورا بعد مافزت عفراء وركضت وضمتها بقوة لدرجة انهم كانو بيطيحون ، بكت حسنا معها وتمو فترة ضامين بعض ويبكون..
عفراء ببكا:مابيةة..
بعدت عنها حسنا شوي وعقدت حواجبها:من الماتبينة؟؟..
عفراء:ظافر ، ماابية مااحبة مااطيقة..
حسنا:صاحية انتي ، انتي عارفة شاللي تقولينة؟؟..
عفراء:ايةة ، حسنا تكفين قولي لبوي انهم مايصلحون لبعض قولي اي شي بس اهمشي مااتزوجة..
حسنا:تبين ابوي يذبحني ويذبحك ، جلست ع السرير بضيق ، وبعدين تعرفين ان ابوي متبري مني ومقاطعني ومايكلمني..
جلست عفراء جمبها:شسوي ماابية ماابية..
ضمتها حسنا:خلاص حبيبتي والله ان ظافر رجال مامنة اثنين ، ادب واخلاق وفوق هذا وسيم ، تدرين كنت كذا قبل ماكنت ابغي صقر ولابمتقبلتة بس بعدين حبيتة وبجنون بعد ، اااه ي عفراء لو تدرين شكثر اموت فية واحمد ربي اني خذيتة..
نزلت عفراء بعد المناحة اللي سوتها فوق بعد ماوقعت واخترب مكياجها زود ماهو خربان بالاصل ، وحسنا حاولت تضبطة لكن مانفع ف مسحتة كلة وحطت لها كحل وحمرة فقط وكانت لابسة فستان اقل من عادي وبالاصل مااشترت فستان ولبست لها اي فستان بوجهها لقتة بدولابها ، جلست وباين وجهها مورم من البكي كلهم اعتقدو ان بكيها عادي بسبب الارتباك والخوف الطبيعي اللي تحس فية كل بنت بهاللحظة ، ابتسمت بمجاملة بعد ماجو البنات يسلمون عليها ويباركون لها..
شريهان عطت فريال كوع:مش حتأومي تباركي للبت؟..
فريال:حلي عني ، لفت على شريهان ، لك عنجد هي اليلت الترباية مو المفروض هي اللي بتجي لعندي بتسلم علي مو انا لك انا ام جوزا المفروض حاططت لي اعتبار ، ضربت فخذها بقهر ، هي البداية وعملت هيك..
طنشتها شريهان وقامت تبارك ل عفراء..
جلسو البنات حول عفراء يسولفون ومومنتبهين على عفراء اللي قالبة وجهها وتتزفر..
شمايل وهي تطالع جهه المدخل ولاوية شفتها:جت ست الحسن والدلال ، يخي ماتصير اهي اهي الا لما تتفصخ حتى يوم جت تلبس ساتر تتفصخ..
قرصتها هيلة بخاصرتها:مالك شغل فيها ، انا ابعرف شحارك ماعليك فيها البنت فحالها وماعمرها اذت احد ولا اذتك بالعكس حليلة وكل طلعة تذكرنا بشي لكن انتي مايبين ف عينك شي ، هزت راسها وهي تخزها..
جت ميرال سلمت على عفراء وباركت لها وهي مستغربة من شكلها ولبسها بس مااهتمت ، جلست جمب مهرة اللي كانت ساهية وتناظر الهام بحدة ومقهورة انها تسولف وتضحك ومبسوطة ولا كأنها عاملة شي..
.
.
رجعو الكل بيوتهم عالساعة 11 ونص وظافر كان طول اليوم مبسسوط ومرتبك وكان صقر يضحك علية ويقط لة نغزات ويهمس لة بكلام يحرجة ، بغرفة هيلة وشمايل ، منسدحة هيلة وتلعب بشعرها وهي تكلم مسفر بهمس عشان شمايل نايمة..
مسفر:خاطري اشوفك..
هيلة:وانا بعد بس وشنسوي نصبر للزواج ونشبع من وجية بعض..
مسفر:وشيصبرني لذا الزواج ، انتي عارفة ان ابوك معيي يزوجنا الا ليمن اتوظف وللحين مالقيت الوظيفة اللي تعجبني..
سكتت هيلة..
مسفر:طلبتك ولاترديني ، انزليلي تحت ابشوف زينك..
فزت هيلة بخوف:مسسفر وشتقول انت ، انت عارف ان لو ابوي ي..
قاطعها مسفر:وعمي وشدراة ، هالحين الساعة 2 ونص والكل نايم بهالبيت ، تكفين طلبتك لاترديني ، خليني اشوفك خمس دقايق بس تكفيين..
سكتت:طء ططيب..
اخذت نفس وفتحت الباب بشويش وهي مترددة وخخايفة و..
.
.
.
سكتت:طء ططيب..
اخذت نفس وفتحت الباب بشويش وهي مترددة وخخايفة وسكرت الباب ومشت على اطرف اصابعها وهي ترتججف وتتلافت خايفة احد يشوفها ، حطت ايدها على مقبض الباب وفتحتة وطلعت بسرعة ، وقفت تتلافت وتدور مسفر بعيونها وشهقت بعد ماحست بشخص سد ثمها وسحبها ، حاولت تفك نفسها منة وتصرخ ، همس بأذنها:اهدي يالمجنونة لاتفضحينا..
لفت لة:مسفر! ، خوفتني..
مسفر وهو يناظرها بحب:بسم الله عليك ي عيون مسفر ، وشهالززززين ، ي حظي فيك والله..
ابتسمت ونزلت راسها بخجل..
تلافت:امشي للمجلس لجل لحد يشوفنا..
هيلة بخوف:لا خلاص انا لازم اصعد..
مسك ايدها بسرعة:تكفييين خلك شوي ، ابملي عيوني بشوفتك ، خلك نص ساعة بس..
ناظرت ايدة اللي ماسكة ايدها ورجعت ناظرتة وبلعت ريقها:طء ططيب..
دخلت معاة المجلس وخايفة ان احد يشوفها..
.
.
جالس ع السرير ويناظرها ويهز رجلينة:انا ماكنت راضين بلبسك ذا من البداية ، ماخجلتي من الحريم ، ماحسيتي بنفسك شاذة من بينهم ، عارفن ان هم متسترات وانتي الوحيدة الفاصخة بينهم..
ميرال:عزيز وشهالكلام ترا انا بين حريم ، مالة داعي تسوي سالفة من ولا شي ، ماهو حرام ولا عيب لالبست هاللبس قدام الحريم..
قام وهو يفتر بالغرفة:انتي ماغلطتي ، انا الغططان اللي رضيت لك تلبسين ذا اللبس ، فرضاً حد من الرياجيل شافك بالغلط..
ميرال:عزيززز تراا بجد احسك بديت تطفشني اوففف ، اللبس مافية شي انت انت واهلك اللي تفكيركم اللي فية البلا ، سحبت بيجامة من الدولاب واخذت شرشف ومخدة وطلعت ، زفر وجلس ع السرير وهو متوتر كككيف خلاها تلبس هاللبس الفتتتتنةة اللي مفصل جسمها تفصيل وبارز مفاتنها والمفروض ماتلبسة الا لرجلها ، رص على اسنانة بعصبية وهو يتخيل لو احد شافها بالغلط وافتتن بها..
.
.
قرب منها وطبع بوسة على خدها ، بعدت عنة بسرعة وهي خخخايفة وترجف:مسسفرر وشبلاك؟..
قرب منها وحاوط خصرها بذراعة وشدها لة وهو يهمس بأذنها:تراك مرتي ماني مسوين شي حرام..
هيلة وهي تحاول تفك نفسها وتبعد عنة:مسسـء ، قاطعها ببوسة بشفتها وشد عليها وصار يشفشفها وهي تحاول تبعد وششوي وصارت تتجاوب معاة وو..
.
.
واقف عند باب الحمام ويضربة بشويش وبهمس:هيلة تككفين اطلعي موزين البكي بالحمام ، هيلةة افتحي لك سساعة ونص حابسة نفسك اطلعي ولا تراني ابكسر الباب..
جالسة بأرض الحمام ومتسندة ع الباب وتبكي بنحيب:روووح ، اتركككني ماابي اششوفك ، رجعت تبكي..
مسفر:هيلة تكفين افتحي ، تنهد ، هيلة حبيبتي اترجاك افتحي لحد يسمعنا تككفين..
ضربت وجهها كفوف وبصراخ:خل يسمعونا خليهم يعرفون باللي سويتة فيني ، بيذبحوني ، وربببييي بيذبحووني ، ضربت صدرها ، انا الغبية اللي سلمتك نفسي انا الغبية اللي جيتك المفروض مانزلت ، المفروض سمعت كلام ابوي وماعاندتة يومنة رافضض ان حنا نتقابل او نخرج مع بعض ، ضربت فخوذها ، الحين فهمت ليشش..
مسفر:هيلة حبيبتي تكفين قصري صوتك لحد يسمعنا..
فتحت الباب وطلعت وشكلها محيوس ومبهذل وكحلها ساح على وجهه:خايف؟؟ ، ضربت صدرة بقوة ، خايف تنفضح ، خايف يذبحونك ، خايف منهم..
مسك ايدينها وهم على صدرة وضغط عليهم:ماني خايف من احد ، تراك زوجتي واللي صار حلال ومالهم حق يمنعوني منك لو ابغي حقي الشرعي ، هيلة والله ان ماكنت قاصد مدري وشصار يومني شفتك وشفت زينك ، باس ايدها ، لاتسوين بنفسك كذا وتاجعين قلبي..
سحبت ايدينها منة بقوة وبحدة:بعددد ، حاولت تكتم شهقتها بس ماقدرت ورجعت تبكي بصوت عالي..
جرها وضمها بقوة ، حاولت تبعد لكن ف الاخير استسلمت وبكت الين مافرغت اللي بداخلها وهدت..
باس راسها وناظرها وبهدوء:روحي غرفتك ولاتكدرين خاطرك ، ابحاول اعجل بزواجنا ، مسح دموعها وهو يناظر عيونها ، احبك..
نزلت دموعها وقامت بصمت وطلعت وبسرعة صعدت غرفتها ودخلت الحمام ونزلت بالبانيو بملابسها وشغلت الماي وجلست تبكي تحتة..
.
.
ابتسم وعدل جلستة بعد ماطلعت من غرفة الملابس وهي لابسة بدلة الرقص اللي توة جايبها لها ، ناظرها من فوق لي تحت بأعجاب بذات بعد مانحفت وخسرت كثير من وزنها وصار جسمها جنان ، شغلت المسجل ع اغنية مصرية وبدت تتمايل وترقص مصري بفن وبراعة وبومطلق يناظرها وهو مبسسوط ، قربت منة وصارت تتمايل وهو طلع من جيبة فلوس وصار يرميهم عليها ، جرتة من ايدة وقومتة وصار يرقص معها وهو يحرك عصاتة ، جلس بتعب بعد ماخلصت الاغنية ونزلت شريهان للارض وجمعت الفلوس وحطتها بصدرها ، مد ايده لها وقومها وباس ايدها وو..
.
.
دخل وسكر الباب بقوة وجلس ع السرير وهو يهز رجلة:شو جاي لعندي بعد ماطردتك الست مهرة!..
لف لها:سسوسن!..
غطت وجهها بالشرشف:إفف ، ازا سمحت بدي نام روح نام بأي مكان تاني بلا ماتزعجني..
تأفف وقام وهو يتحلطم ، طلع وهو ماسك جوالة:هلا عمر ، دبري اي بنت هالحين..
.
.
//
انتهى