.
في أحد الأحياء الشعبية كانت بطلتنا تقف بتأفف تنتظر أي وسيلة لتوصلها لمكانها، بعد مرور لحظات وجدت سيارة تمر من امامها لتجري ورائها
.. استني يا اسطى، يا عم اقف
سواق التوكتوك وهو يبتسم بتهكم : ست حلا اخبارك ايه.. شكلك مستعجلة
حلا بعصبية : حضرتك قاعد معايا فى بيتي وبعدين انت حشري كده ليه... بص انا مش فاضيالك اصلا عاوزاك توديني ناحية قهوة زينهم وتنزلني قصادها مش زي كل مرة
السواق وهو يتحدث بثقل فى كلامه: حاضر
وبعد ان وصلوا للمكان كانت تخرج ولكنه امسك بيدها
لتسحب يدها منه : انت اد الحركة دي
~: اه اوى كمان بس قوليلي انتى يعني واخذ يتفحص جسدها بنظراته كل يوم بتروحى البتاع اللى اسمه جيم ده وبصراحه باين انك قليلة اوي شكلك ضعيفه.. معرفش بنات اخر زمن بقوا مالهم والله اعلم بتروحى تهزي جسمك لمين... طب ما تهزيلنا حبه
انصدمت من كلامه ووجهت نظرها له : انا مش طالبة معايا خناق، لكن شكلك مش خايف على نفسك ومن البتاع اللى بتتهب تشربه ده ... ثم اخذت نفس عمييق... ولأول مرة احاول اطول روحي على حد... لو حصل وفكرت تقول كلام زي ده تاني لسانك ده مش هتعرف تتهنى بيه.. اه والله
~: والله وبنت الاكابر بقت تعرف ترد.. هتعملى ايه يا روح ابوكي وامك وكاد ان يلمسها
لم يجد رداً لانه كان بجسمه كله طاير فى الهوا الى سابع ارض.
حلا وهى تأخذ نفسها : عشان تعرف تطول لسانك وتطول ايدك كويس.. وده بقى اللى بتعلمه عشان تقول بهز جسمي لمين.. بهز جسمي عشان اعرف اربي امثالك.
كان الكل متجمع وكان مدربها يقف يشاهد ما يحدث دون ان ينبث بكلمة يشاهد فقط، تلاقت نظرها معه ثم دخلت للصالة التى تتدرب بها.
كانت حلا فى شدة غضبها ولا تعلم ما السبب، لم تكن غاضبة من السواق الفظ وإنما كانت الذكرى الاولى لوفاة أخوها هي ما تعكر صفوها.
كانت ترفع الاثقال بغضب شديد ولا تشعر بأي تعب هى كل ما تريده إخراج هذا الغضب والحزن الذى بداخلها.
اقترب منها المدرب
كريم : لامتي هتفضلي كده
نظرت له دون اي رد منها ليردف بغضب.. بطلى لعب العيال ده لازم تسيطرى شوية على غضبك لازم تعرفى امتى تفرغى طاقتك دي فى الحاجه الصح.
حلا : مش عارفه اقولك ايه بصراحه كنت منتظره كلامك ده من سنين وبدموع تحرقها ولا تأبي النزول.. انت متعرفش انا مريت بإيه.. ابعد احسنلك.. ناري مش هتهدى
كريم نظر لها وبفكرة خطرت بباله : حلا.. حلا بصيلى.. لترفع نظرها له... ليكمل تعالى نعمل قتال حر انا وانتى اوعدك انى مش هتساهل معاكي ليبتسم على فكرته الذي يعرف انها سترحب بالفكرة جدا
حلا اغمضت عينيها : كابتن كريم.. عارفه ومقدرة اللى بتعمله بس صدقنى انا كده افضل... لتتفاجأ بلكمة قوية منه فى وجهها كادت ان تقع لكنها تماسكت وبقوة ليعميها الغضب وتبدأ بالنزال الذي دام اكثر من ساعة
بعدما انتهت اخذت انفاسها بصعوبة فقد خارت جميع قواها.
وكان كل من حولها متفاجئ بها فكانت بارعة حقاً وكان هناك شاب لم تبعد انظاره عنها.
ليحل الليل وترجع لمنزلها بعد الكثير من الكدمات بجسدها إلا انها لا تزال تشعر بعدم كفاية جسدها من تفريغ الطاقة لديه.
دخلت غرفتها وأبدلت ملابسها واخذت حمام دافئ لتدخل عليها اختها وهي تبكي ثم ارتمت بحضنها
حلا بدموع : نورة محمد شايفنا وحاسس بينا... احنا مش هننسى ابدا انه كان سند لينا لكن ده عمره يا حبيبتى عمره ومكتوب ليه
نورة : حلا اوعي في يوم تسبيني.. اوعي زي ما بابا وماما ومحمد عملوا.
احست حلا بنغزة غريبة فى قلبها : كانت تخرج الكلمات بصعوبة من البكاء... عمري عمري ما اقدر اسيبك ربنا يقدرني واقدر اجهزك احسن جهاز واوديكي بإيدي لعريسك.
نورة : مش عاوزه اتجوز انا عاوزه افضل معاكي انتي وبس انتي اللى بقيالي من الدنيا
لتدخل عليهم خالتها: في ايه يا بنات خلاص يا حبابيبي انتو من الصبح مبطلتوش عياط... قوموا كلوا يلا
قومي يا بت بلاش وجع قلب ربنا يرحمه ويغفرله ده اللى نقدر نعمله.. وبعدين يعني معاكم.... بت يا نورة حسن بره قاعد على فكرة
نورة : ايه ومتقوليش يا خالتي كده لتخرج مسرعه بعد ان تعدل شعرها وملابسها
ضحكت حلا : والله هبله يلا يا خالتي قومي انا هاكل و ورايا مشوار كده هعمله
~:مشوار ايه
~: هنزل اروح لعمي اللى على كل شوية يتجاهل رسايلي... متخافيش انا نسيت موضوع زمان لكن على الاقل يشغلني فى الشركة عنده ميبقاش واكل حقنا وسايبنا كده.
~: طب لو رفض
~: متخافيش المره دي لا يمكن يرفض يلا قومي عشان ناكل بقا يا ست انتى.
ـــــــــــــــــــــــــــــــــــــــــــــــــــــــــــــــ
كان تيم يتعشى مع عائلته فى جو مبهج وسعيد
والد تيم : اخبارك ايه يا دكتور
تيم : والله يا بابا انا والحمدلله بعد اما فتحت العيادة حسيت براحه لا يمكن اتخيلها حسيت اني مش متربط.. دعواتك معانا بس
خالد اخو تيم الصغير : اسكت يا تيم كنت في الجيم النهارده ولاقيت بنت انما ايه.. لا يمكن تصدق
تيم : مش عيب عليك ولا نقول ايه مراهق
~: يا بني استنى مش لما اكمل انا مكنتش هقول حاجه اصلا.. البنت كانت بتضرب المدرب بشكل شرس جدا.. المرة الجاية لازم تروح معايا بجد
والد تيم : وبعدين معاكم يا ريت تاكلوا الاول وبعدين نتناقش فى امورك التافهه يا خالد
خالد : انا اموري تافهه يا بوب طب ده انا كنت هقولك على خبر بس خلاص
~: مش عاوز اعرف يا أخرة صبري
~: طب من غير ما تصر بس 😂خلاص هقول.. احم انا اتعينت اخيرا من الحرس الجمهوري
تيم باستغراب : حرس جمهور ازاى انا اعرف ده بيبقى فى الجيش انت لسه فى ثانوي
خالد بابتسامة فخر : لا ما هو انا اتعينت فى المدرسة
والدهم : لا والله.. والله وابني كبر فرحت قلبي يا بني عقبال لما اشوفك وزير كده 😂
~: يا رب يا بوب ليقاطع حديثهم اتصال من هاتف تيم
خالد بغمزة : قلبي دق ٣دقات
تيم بغيظ : اتلم يلا ثم وقف وانهى طعامه وبعدها دخل غرفته.
والدهم : واد انت لم نفسك
~: يا بوب سيبك مني.. النهارده انا وانت هنلعب على كام
~: لا انت المره اللى فاتت اخدت كل اللى ف جيبي
~: خلاص متخافش منلعبش على فلوس لو انت بتخاف
ليكملوا حديثهم بعد الكثير من الضحك والنكات
تيم بغرفته يحادث خطيبته : ايه يا حبيبتي بتصل بيكي من الصبح مش بتردي ليه
هبه : سوري اصل كنت مع ماما وروحنا لعمتو
~: طب يا حبيبتي ولا يهمك انتى اخبارك ايه
~: اهو مش قادره مشوفكش كل ده اهون عليك يا تيم
~: قلب تيم والله مش بإيدي انتي عارفه ان كنت متحمس للعيادة دي بقالى اد ايه واخيرا خلصت من الموضوع ده وفتحتها
~اممم العيادة اهم مني
~: لا طبعا بس فيما بعد هقدر اكبرها واجيب الشقة ونتجوز
~: اه وانا اقعد كل ده استناك بقا
~: مالك يا هبه بتتكلمي كده ليه
~: بص يا تيم انا مبقتش حمل الوضع ده وماما كل شوية تأنبني فى اختياري ليك
~: ايه اختيارك انتى واعية للكلام ده يا هبه
~: اه انا لا يمكن ازعل ماما وعشان كده انا وافقت اشوف ابن عمتي اللى جاي من بره
ـــــــــــــــــــــــــــــــــــــــــــــــــــــــــــــــ ــــــــــــــــــــــ
انتهى البارت ♥