البارت السابع والعشرون...
نزلت روكا بعد ماحاولت تهدي وتمسح دموعها غسلت وشها... وعلي اد ما كان كلام هاشم واجعها اوي..وموجوعه هي كنان علي وجعه..علي اد ما فرحت انه اخيرا اتكلم معاها وحست ان في امل يرجعو زي الاول...نزلت روكا.. واعدت معاهم عالتربيزه...
سولي.. كنتي فين.
روكا.. كنت نايمه ياقلبي..
سولي ممكن تأكليني..
روكا.. بس كده تعالي ياروحي.
ساره... سولي بلاش نتعب روكا. خليها تاكل.
روكا.. لا خليه انا عايزه اكل معاه.
ابتدو ياكلوو وساره ووالدتها يتكلمو وروكا بتلعب مع سولي وتأكله...
روكا... انا كنت عايزه اقولكم اني هسافر. الصبح..
صفيه.. ليه ياروكا..
ساره.. مش قولنا ياروكا تفضلي بقي.
روكا.. حبيبتي انتي عارفه ان عندي شغل ومقدرش اسيب الشركه اكتر من كده.. خصوصا اني لما جيت بلغتهم بالتليفون بس ومروحتش بنفسي فا من وقتها لا روحت ولاحتي بتابعهم كويس..وجايلي ايميلات كتير وحجز كتير مش عارفه اتواصل من بعيد لبعيد كده..
صفيه.. هتيجي تاني ياروكا..
بصت روكا.. لهاشم..
هاشم.. لصفيه.. سبيها تروح تشوف شغلها.. واي وقت هتكون فاضيه فيه هتيجي ..
ابتسمت روكا. براحه..
صفيه.. وساره ابتسموو اخيرا الوضع هيتحسن...
ساره طيب هتسافري امته..
روكا.. هستني بس بعد الفجر كده. عشان الحق. اوصل. لاني هروح عالشركه علي طول...
صفيه... طيب خليكي بعد الفجر بشويه يكون النهار طلع..
روكا.. مانا علي بال مااتحرك.. النهار هيطلع...
صفيه طب هتيجي امته .
روكا... هخلص بس الشغل اللي ورايا اللي اتعطل ده والمره الجايه بأذن الله قبل ما اجي هكون مرتبه نفسي ومخلصه اي شغل ورايا..
ساره.. طيب متتأخريش عشان خاطري...والمره الجايه لما تيجي يكون حازم رجع وهعرفك عليه..
روكا.. ان شاء الله ياحبيبتي....
صفيه.... كلي وقومي نامي عشان تقدري تسوقي ..وعرفيني اصحيكي امته..
روكا.. ملوش لزوم يامامي خليكي مرتاحه انا هظبط المنبه...
صفيه... مش عيزاني اشوفك قبل ما تمشي ياروكا...
روكا.. لا والله يامامي مش قصدي. بس مش عايزه اتعبك.
صفيه... لا هشوفك قبل ماتمشي..
ساره.. وانا كمان عايزه اسلم عليكي قبل ما تمشي..
روكا.. حاضر........
.................
وصلت سيلا مكان الحادث وكان معاها مصور تاني...
المكان.. كان مليان برجال الشرطه.. والمصوريين...والصحفييين...
جمعت سيلا..معلومات كتير عن الحادثه...
كانت حادثه غريبه من نوعها. ولاكن كان فيها شئ غامض..
بنتين.. اصحاب.. اتقتلو في ظروف غامضه.. البنت الاولي سهيله صاحبه الڤيلا..اهلها مسافرين بره..مصر وهي اعده لوحدها من طبقه راقيه والدها رجل اعمال معروف...اما البنت التانيه.. مليكه منفصله عن اهلها وعايشه في شقه لوحدها..تم اكتشاف الجريمه.. بعد يومين من الحادث... تم ابلاغ الشرطه بعد ظهور ريحه غريبه..فورا اتحركت الشرطه لمكان الحادث في نفس الوقت اللي باقي شلتهم لاحظو غيابهم وعدم ردهم علي موبايلتهم.. وراحو مكان الحادثه عشان يطمنو عليهم في نفس اليوم اللي تم البلاغ عنهم.. كان المكان عباره عن بكاء وحزن من باقي اصحابهم..اللي اكتشو مقتل اصحابهم...
تم إبلاغ الاهل بالحادث...وبعد تحقيق مع اصحابهم...مكنش في شك في اي حد وبعد مراجعه الكاميرات اكتشفو ان الكاميرات معطله من يومين .
والغريب ان باقي تسجيلات الكاميرا القديمه..
كان ظاهر البنتين لوحدهم طول الوقت ومكنش في اي حاجه غريبه تدل علي توتر البنات او وجود شخص تاني معاهم... فاخلال اليومين اللي قبل الحادث كانت سهيله ومليكه اعدين مع بعض...وبيمارسو حياتهم الطبيعيه بشكل طبيعي واخر تسجيل للكاميرا كان حفله عيد ميلاد ومن الواضح انه عيد ميلاد البنت صاحبه الڤيلا واخر وقت الكاميرا كانت شغاله فيه الساعه 2صباحا .. وابتدا الشك من ظابط المباحث في ان حصل خلاف بينهم فاقتلو بعض لاكن تسجيلات الكاميرا وكلام اصحابهم كان بيبين حبهم وقربهم لبعض جدا.....ومن المستحيل ان يحصل بينهم خلاف ينهو بيه حيات بعض.. والشك مكنش في محله...وقال واحد من اصحابهم ان كان فيه حفله من يومين عيد ميلاد سهيله ومكنش في اي حاجه وقتها كان يوم عادي جدا وبعد انتهاء الحفله مشيو كلهم ومفضلش معاها غير مليكه.. ومن اليوم ده محدش شافهم ولا حد كلمهم ولما كانو بيتصلو بيهم مكنوش بيردو.. فا استنتج الظابط انهم اتقتلو يوم الحفله بليل.. لان الدكتور حدد وقت الوفاه من يومين. وده نفس التوقيت بتاع الحفله...
وتم رفع البصمات بالكامل... في الڤيلا والغريب ان مكنش في بصمات فالڤيلا خالص غير بصمات سهيله ومليكه.. واصحابهم يوم الحفله...كانت جريمه معقده سيلا كانت هتتجن عشان البنات وكان نفسها تطلع بأي معلومه.. لاكن الجريمه كانت معقده جدا....الاهل مسافرين الصحاب ميعرفوش عنهم اي حاجه من يوم الحفله الكاميرات معطله من يومين البصمات مش موجوده... مكنش في غير البواب هو الامل الوحيد...انه يفوق ويعرفو منه اللي حصل...لاكن حالته كانت صعبه اوي... مطعون 4طعنات.. بينزف من يومين لاكن فضل عايش طول اليومين دول ..
تم نقله في اسرع وقت للمستشفي.. وتم نقل الجثتين للمشرحه عشان يتم تشريحهم...يمكن تكتمل الصوره...ويكتشفو السر الغامض فالجريمه....
مشيت سيلا... بعد ما جمعت معلومات عن الحادث وشويه صور...لحد ما تظهر معلومات جديده... لكن فضلت سيلا طول الطريق تفكر.. في لغز الجريمه الغامض ولانها فضوليه جدا مكنتش قادره تمنع نفسها من التفكير....
.......
بعد ما وصل بدر... عند عامر.....اعدو يتكلمو تاني في نفس حوار...روكا....
بدر.... اهدي بقي كده ياعامر اليومين دول وروكا مش هتطير... اكيد هترجع تاني... انت ناسي ان شغلها وحياتها كلهم هنا يعني المسأله يومين تريح فيهم دماغها واكيد هتيجي تاني...وانا اول ما تيجي هروحلها بنفسي ... واتكلم معاها...
عامر... تفتكر... هتقدر تقنعها..
بدر.. ملكش انت دعوه بقي..هعرف اكيد...
وهي لازم تسمع..
عامر... ان شاء الله...
بدر... انا هقوم انا بقي اطير وانت ارتاح شويه...
عامر.. خليك انت وراك حاجه..
بدر....لا مش ورايا بس لسه هشوف سيلا وبعدين اروح..
عامر... مقولتليش عاللي حصل خليك فاكر بس .
بدر.... مفيش.و الله.كل الحكايه زي ماقولتلك..
عامر... طب وهي ..قالتلك ايه..
بدر... هي كمان قالت انها بتحبني .
عامر... هي باين عليها طبعا كنت متوقع...
المهم.. خلي بالك منها.. ربنا يسعدكم ياصاحبي واسمع عنكم اخبار الحلوه البومين اللي جاييين..
بدر... هتصدقني لو قولتلك ان علي اد مانا مبسوط علي اد ما انا مكنتش عايز ده يحصل..
عامر.. ليه بتقول كده..
بدر... مش عارف خايف اظلمها معايا حاسس ان في حاجه مش مريحاني..
عامر... ياعم هو انت مبتعرفش تفرح..
بدر.. مش حكايه مبعرفش افرح بس علي اد حبي ليها علي اد مانا خايف عليها انت عارف شغلي صعب اد ايه..
عامر... عيش ياصاحبي واتبسط ومتضيعش حياتك علي تفكير اهبل...ولو خايف من الموت فا كلنا هنموت بس مينفعش نوقف حياتنا ونستني الموت..واي حد مكتوبلو حاجه هيشوفها.
بدر... خليها علي الله..المهم.. انا هقوم عايز حاجه..
عامر.. لا سلملي علي نوني.. وسلم علي سيلا..
بدر.. وهو ماشي هسلملك علب نوني بس..
عامر.. بمشاغبه.. ماشي ياعم سلم علي نوني وانا هبقي اتصل اسلم علي سيلا..
بدر.. بصله.. بغيظ .. جرب كده يا حيلتها...
عامر.. الله يسهلو ياعم....
بدر.. ي
سلام يارخم.
عامر.. بابتسامه علي صاحبه.. سلام..
............
خرج بدر.. وركب عربيته.. وطلع موبايله وكلم.. سيلا...
بدر.. الوووو
سيلا.. ايوه يابدر...
بدر.. انتي فين ياحبيبي.. الساعه 11الوقت اتأخر ..
سيلا.. انا خلصت خلاص ومروحه ..
بدر.. عملتي ايه..وايه حكايه البنتين اللي اتقتلو دول
سيلا... حادثه غريبه اوي يابدر.. انت عارف بنت منهم صاحبه الڤيلا بنت مين...
بدر.. مين..حد معروف ولا ايه.
سيلا... دي سهيله بنت رجل الاعمال هاني عزام..
بدر... بتتكلمي جد
سيلا.. اه والله اتقتلت هي وصاحبتها... والكاميرات لقوها متعطله.واخر حاجه متسجله كان في حفله عيد ميلاد سهيله.. ومن بعدها الكاميرات اتعطلت جيرانهم بلغو لما حسو ان في ريحه مش حلوه واصحابهم من يوم الحفله محدش كلمهم ولما بقو يتصلو ومحدش رد قلقو عليهم ..واتفاجئو لما راحو ولقوهم..مقتوليين..كانو منهاريين جدا وبعدين الغريب ان بعد رفع البصمات ملقوش اي بصمات غريبه ..
يعني ولا تسجيلات للكاميرا ولا بصمات ولا سرقه ولا اي حاجه..والبواب مطعون اربع طعنات وبينزف من يومين بس لقوه عايش بس نبضه ضعيف جدا نقلوه المستشفي فورا..
بدر.. لا اله الا الله غريبه فعلا. طيب اهلهم مقالوش حاجه.
سيلا.. اهل سهيله بره مصر.. وبلغوهم...
واهل مليكه صاحبتها..موجودين وتم إبلاغهم..
الڤيلا اتشمعت..والبنتين اتنقلو عالمشرحه..ولسه التحقيقات هتبتدي ..واليومين اللي جاييين يارب يكون فيهم جديد...
بدر... والدها مش هيسكت ..وهيقوم الدنيا..
سيلا... اكيد طبعا...
بدر... بس يمكن تكون سرقه..
سيلا.. بقولك مفيش حاجه اتسرقت .. عاينو الڤيلا كلها وكل حاجه تمام... حتي كان في مبلغ مش صغير محطوط في دولاب سهيله من غير خزنه ولا اي حاجه.. وفي دهب.. وفي حجات كتير غاليه بس كله زي ماهو.. دي شبهه جنائيه يابدر... خصوصا الطريقه اللي اتقتلو بيها.. مش مجرد قتل لحد داخل يسرق البنات مطعونه كتير جدا ده البواب لوحده مطعون اربع طعنات...واللي داخل كان ناوي يقتل... لانهم لقو البواب مطعون في الاوضه بتاعته بره يعني اللي دخل الڤيلا دخل عليه الاول قتله وبعدين كمل....
بدر... فعلا كده مش سرقه ربنا يستر..
سيلا.. يارب بجد انا مضايقه جدا عشانهم ومنظرهم واجعني اوي...
بدر... ربنا يرحمهم ياحبيبي وبعدين ايه انتي اول مره تحققي في جريمه قتل..ولا ايه اجمدي..
سيلا... لا دي تاني مره...بس بجد المرادي غريبه اوي ووجعت قلبي اوي..
بدر.سلامت قلبك ياقلبي..
سيلا.. بابتسامه... انت فين...
بدر... انا خرجت من عند عامر... وركبت العربيه وكلمتك حتي لسه متحركتش انتي اللي فين..
سيلا... انا قربت عالبيت...هتعمل ايه
بدر... ولا حاجه هروح...
سيلا... ايه ده..مش هشوفك انهرده..
بدر... وحشتك..
سيلا... هشوفك ولا لا..
بدر... الاه مش لما اعرف وحشتك ولا لا..
سيلا... لا مش وحشتني..
بدر... طيب يبقي اروح بقي.
سيلا... انت مصدقت لا تعالي اشوفك
بدر.. ليه..
سيلا... عشان وحشتني...
بدر... ناس متجيش غير بالعين الحمرا...
سيلا ... بضحك.. انا بقول كده..
بدر... طيب انتي من الصبح فالشغل وبعدين خرجتي عالتجمع .. واكيد مكلتيش واكيد مجبتيش اكل وطبعا حبيبتي فاشله.. مش بتعرف تعمل اكل قوليلي بقي تحبي تاكلي ايه.....
فاللحظه دي وصلت سيلا عالبيت...
سيلا... انا وصلت....قولي بقي مين دي اللي فاشله..
بدر... حبيبتي
سيلا.. طب تصدق يابدر بقي ان انهرده هتاكل من ايدي..
بدر... لا بلاش الوقت متأخر ومش قادر اروح المستشفي..
سيلا.. بقي كده..
بدر... لا بهزر والله وبعدين انا اطول اكل من ايد بنوتي الجميله..
سيلا.. بنوتك..
بدر.. اه انتي مش بنتي ولا ايه...
سيلا... بحبك علي فكره..
بدر.. بتقولي ايه..
سيلا.. لا خلاص هي بتيجي مره واحده..
بدر.. بضحك...ماشي ياستي... المهم خليها مره تانيه... عشان.. انتي راجعه متأخر واكيد مرهقه مره تانيه تكوني اجازه او معندكيش شغل كتير.
سيلا... لا ملكش دعوه انت ده بعد فاشله دي لو هموت من التعب لازم اقف واعمل بنفسي عشان اثبتلك...
بدر.... ياستي انا اللي فاشل.. بقولك ايه انا جعان ومعنديش استعداد اجرب وانا جعان..
سيلا.. طب والله يابدر لا انا اللي عامله بس..
بدر.. ماشي ياستي امري لله انا اللي جبته لنفسي..
سيلا.. تحب تاكل ايه بقي..
بدر.. كمان سيبالي الاختيار لا كده كتير...طيب مكرونه بشاميل..
سيلا...🙄🙄🙄🙄انت قصدك تعجزني صح
بدر... بضحك.. ايه جبتي ورا ليه ما كنتي عامله عبد موته الوقت..وصراحه اه بعجزك عشان ترجعي في كلامك..
سيلا.. طب بص بقي اقفل والله لا هعملها .. ويلا بقي عشان انت معطلني وبقولك ايه سوق براحه عشان الحق اخلص..
بدر.. لا علي مهلك يادوب الحق اروح اي مطعم اكل واحيلك..
سيلا.. طب اياك يابدر...
بدر.. بهزر ياقلب بدر....
سيلا.. يلا باي.
سيلا.. باي ياحبيبي...
........قفلت سيلا.. وهي حاسه انها ورطت نفسها..
سيلا.. طب اعمل ايه انا الوقت. يعني كان لازم اعمل عبده موته زي ماقاللي صحيح.. ماكان جاب هو اكل وخلاص..
بس لا. ايه يعني مكرونه بڜاميل لازم اعملها وتطلع تحفه كمان عشان ميستقلش بقدراتي💪🤔
ومسكت.. الموبايل وكلمت نوني.
سيلا... الوووو
ناهد... اهلا بالقمر..عامله ايه ياسيلا..وحشاني..
سيلا.. وانتي اكتر يانوني..
ناهدد...احسن الوقت..
سيلا.. الحمد لله ياقلبي..انا بصراحه ليا عندك طلب..
ناهد.. أمريني يا قلبي..
سيلا.. العفو يانوني... بصي انا كلت من ايدك المكرونه البشاميل وبصراحه كانت تحفه عيزاكي توصفيهالي عشان ليا مزاج اعملها الوقت...
ناهد.... طب ايه رأيك تقومي تلبسي وتيجي وانا اعملك احلي مكرونه بشاميل..
سيلا.. ربنا يخليكي يانوني مره تانيه بقي عسان راجعه مجهده من الشغل خليني انا اعملها واجرب..
ناهد.. ابدا بعني راجعه تعبانه وهتقفي تعملي مكرونه بشاميل. لا لازم تبجي..
سيلا.. لنفسها... يعني انا ملقتش غير نوني.. انا اللي عملت في نفسي كده..
سيلا.. والله مره تانيه هجيلك صدقيني مش هقدر خالص انهرده..
ناهد... ماشي ياستي بصي بقي.. الاول.....
وابتدت... ناهد توصفلها وسيلا بتسجل المكالمه عشان لو نسيت حاجه ترجعلها...وفضلت توصف نوني
ناهد .بس ياستي وتدخليها الفرن فالنص واول ماتحسي ان الاطراف. لونها بقي دهبي تقفلي الفرن وتشغلي الشوايه بس متسبيهاش كتير يادوب دقيقه تاخد لون وبس ياستي كده..
سيلا.. تمام يانوني ربنا يخليك ليا...
ناهد .ابقي قوليلي النتيجه بقي...
سيلا... بس كده وهصورلك شكلها كمان.. واعملي حسابك انك هتعلميني الاكل..الفتره الجايه
ناهد... بس كده انا عيني ليكي اهو احسن من اكل بره.
سيلا.. عندك حق انا تعبت من اكل الشارع ده...
ناهد...ماشي ياحبيبتي روحي يلا اعمليها بسرعه.
سيلا... ماشي يانوني تسلميلي يارب يلا سلام..
ناهد.. سلام ياحبيبتي....
.....قفلت سيلا.. وابتدت بسرعه تحضر كل حاجه... وابتدت تسمع خطوه خطوه وتعملها بسرعه......
..............
نسيبها شويه ونرجعلها تكون خلصت الاكل🤣🤣
نروح لريم....بعد ما خرجت ريم من شغلها..
روحت البيت كانت مجهده جدا اول مره تصحي بدري علي غير العاده..رجعت ريم.. خدت شاور.. واعدت. مكنش عندها نوم مع انها صاحيه بدري ومنامتش كويس بس كانت مضايقه من طريقه يوسف من ساعت ما قفل معاها مكلمهاش ولا مره ولا حتي عرف خلصت ولا لا ولا روحت ولا لا اول مره تحس انه متغير من يوم ماعرفته...ديما بيضحكها وديما طريقته حلوه وبتحسه مجنون زيها بس اول مره يقلب عليها... ريم كانت فكراه زعل عشان مقالتلوش انها عارفه ان عامر رايح لروكا... بس فالحقيقه هو حس بالغيره مش من صاحبه بس ديما احساس الغيره مؤشر لأعلان الحب...
فضلت اعده ماسكه موبايلها... وتسأل نفسها اكلمه ولا مكلمهوش...ريم كمان كانت اول مره تحس انها مهتمه بشاب كده.. كل حد عرفته مكنش غير مجرد صاحب بيجمعهم هزار ضحك.. لاكن يوسف الوحيد اللي ديما شاغلها ديما قلبها بيدق لما تشوفه ديما بتحب تكلمه تاعد معاه لما بيكون معاها مبتبقاش عيزاه يمشي...
مسكت ريم... الموبايل...واخيرا قررت هي اللي تكلمه وتشوف مكلمهاش ليه...
كانت خايفه ميردش عشان متحسش بالاهانه..
ريم.. لنفسها انا هكلمه لو مردش والله ولا هكلمه غير لما هو يتصل...
اتصلت ريم.. رن كتير وقبل ما تقفل..
يوسف... الووو. وصوته كان متغير
ريم... كنت هقفل علي فكره...
يوسف.. معلش كان في جيبي ..
ريم... انت فين..
يوسف... مروح..وانتي..
ريم.. فالبيت مكلمتنيش ليه...
يوسف... كنت مشغول ..شويه..
ريم.. انت لسه مخلص..
يوسف... لا خلصت علي 8 كده وخرجت روحت مشوار...
ريم... الساعه الوقت 11 كل ده في مشوار... وبعدين معرفتش تكلمني ..من قبل ماتروح مشوارك ده..
يوسف... لا معرفتش..
ريم... مشوار ايه ده بقي... ورن جرس الباب.عند ريم.. وحست بتوتر...
يوسف... ريم هو الباب ده اللي بيخبط عندك...
ريم... اه..
يوسف... انتي مستنيه حد من البنات ولا ايه..
ريم.. لا خالص..سيلا روحت وسما في بيتها مع مامتها..
معرفش مين اللي جاي الوقت..
يوسف.... طيب خليكي معايا..وانتي بتشوفي..
ريم... بتوتر.. انا خايفه.....
يوسف... بتوتر...متخافيش.. انا معاكي...
نسيبهم بقي شويه 😉😉😉
................ . ..
نرجع لسيلا ونشوفها عملت ايه....
بعد ما سيلا حضرت الاكل.. ودخلته الفرن..طلعت خدت شاور لحد ما بدر يجي...
خلصت شاور وظبطت نفسها كانت لابسه فستان. قصير لونه روز. كت ضيق من عند الصدر ونازل علي واسع شويه وواصل لقبل ركبتها...
ظبطت شعرها وحطت برفيوم.. هادي.. وميكب خفيف اوي كان شكلها يجنن وريحتها كانت تجنن...
سمعت جرس الباب.. بيرن.. قفلت باب الاوضه ونزلت جري تفتح.....
فتحت.. لقت بدر.. ساند عالباب.. بأيده ورافع حواجبه...
سيلا.. ايه ده في ايه مالك...
بدر .. انتي مش قافله الباب اللي بره ليه مش قولت ميت مره تقفلي الباب..
سيلا... مانا سبته عشان عارفه انك جاي. وكمان طلعت خدت شاور. فقول عشان متفضلش واقف حتي لو جبت تأعد فالجنينه لحد ما افتحلك...
بدر... وانا قولتلك مؤت مره ميتسبش لاي سبب حتي لو هقف استناكي ميت ساعه بره... قسما بالله ياسيلا لو جيت مره تانيه لقيتك فتحاه لاهتشوفي مني وش مش هيعجبك..
سيلا.. بزعل حاضر.
بدر.. نزل حواجبه وابتسم وحشتيني..
سيلا... بزعل طفولي بعد ايه بقي.. بعد ما اتحولت عليا
بدر... انتي اللي بتخليني اتحول ياسيلا.. وبعدين انا خايف عليكي انتي لوحدك ولا معاكي بواب ولا شغاليين ولا اي حد... ولازم تأمني نفسك لحد ما اشوفلك موضوع البواب ده قولتلك...
سيلا.. حاضر
بدر.. فكي وشك بقي وحشتني ضحكتك.. علي فكره لو مضحكتيش مش هوريكي جايبلك ايه..🤨🤨🤨
سيلا... وهي بتسرق نظرات للشنطه اللي في ايده.. ولسه قالبه وشها...
جايبلي ايه...🙄
بدر.. اضحكي الاول...
ابتسمت سيلا...
بدر... ايوه كده...امسكي ياستي...
مسكت منه سيلا الشنطه...ودخلت وسابته..
بدر... بقت كده خدتي مصلحتك وسبتيني عالباب..
سيلا.. بضحك عايزه اشوف جايبلي ايه ادخل..
دخل بدر.. وقفل الباب.. وجريت سيلا عالكنبه...
اعدت.. واعد بدر جمبها.. وفتحت الشنطه...
سيلا... ايه ده😳
لقتها مليانه شوكلاته وحجات كتير جميله...
سيلا.. انت عرفت منين اني بحب الشوكولاته..
بدر... عشان بنوتي عبيطه اكيد بتحب الشوكلت...
سيلا.. اعده.. تطلع والشوكلاتات مش بتخلص ومبسوطه جدا.. ايه كل ده. انا هفضل اكل فيهم سنه...
بدر... انا لو اعرف.. انك هتكوني مبسوطه كده كنت جبتلك اكتر...وبعدين خلصيهم انتي بس وليكي عليا اجبلك تكتر منهم..
سيلا.. بفرحه... ربنا يخليك ليا..
مسك.. بدر . ايدها ويخليكي ليا ياحبيبي..
سحبت سيلا.. ايدها وهي بتصوت وبتجري عالمطبخ المكرونه..
بدر.. الله يخربيتك يامجنونه قطعتيلي الخلف..
خرجت سيلا بعد دقايق..
سيلا.. متحرقتش الحمد لله..
بدر... عيزاها تتحرق بعد الخضه دي كمان...بس علي فكره ريحتها حلوه..
سيلا.. بجد😍
بدر.. بجد ويلا نامل بقي عشان هموت من الجوع...
سيلا.. وانا كمان.. ثواني هجيب اطباق...
...حضرت سيلا السفره...وراحت علي بدر.. اللي كان ساند دماغه عالكنبه ومغمض عينيه...
مسكت.. ايده...حست بدر.. بايدها وحس بقلبه بيدق من لمستها فتح عينه..
سيلا.. انت نمت ولا ايه يلا قوم..
بدر.. لا منمتش...
سيلا.. بتشده. طب يلا بقي انا جعانه..
بدر.. قام.. وهو ماسك ايدها...
وراحو مع بعض عالسفره...
ابتدت سيلا تحطلو الاكل.. ومركزه اوي وهي بتقطع..
وبصت علي بدر.. لقيته باصص عليها ومبتسم وهي بتحط الاكل..
سيلا.. باستغراب.. بتبصلي كده ليه..
بدر.. ممنوع ابصلك ولا ايه..
سيلا.. لا بس..بصتك عايز تقول حاجه.. وبعدين علي فكره انا هعترفلك اعتراف..
بدر.. اعترااااف مره واحده قولي ياستي..
سيلا... انا بتوتر من اي حد يركز بعينه في عيني خصوصا انت..
بدر.. اشمعني بقي عشان عيني ملونه وكده..
سيلا.. بابتسامه لا خالص.. بس مش عارفه لنا بتبصلي بتلغبط..
بدر.. طب كويس انك قولتيلي عشان افضل ابصلك لان شكلك وانتي متوتره بيعجبني اوي..
سيلا.. ياسلام..
بدر... وبعدين هو في حد بيبصلك ويركز في عينك ولا ايه🤨🤨🤨
سيلا.. انت هتتحول تاني ولا ايه... لا مفيش مش قصدي بس عموما انا بتوتر وبتلغبط من الحركه دي اوي...
قولي بقي كنت باصصلي كده ليه..
بدر.. اصل شكلك حلو وانتي اعده عالسفره وبتقطعي المكرونه وبتحطيها فالطبق وانا اعد ادامك ومستني اكل من ايدك...يعني تخيلت اننا في بيت واحد وانا راجع من الشغل وانتي عملالي اكل.. عجبني التخيل ده..
سيلا.. بابتسامه وباحراج.. طب يلا كل.. وقولي رأيك ولو وحشه بردو قول حلوه..
بدر.. اكيد حلوه كفايه ان انتي اللي عملاها..
سيلا.. بكاش اوي..
بدر... اوووي..
وابتدا بدر. ياكل.. وسيلا بتراقبه... وفجأه رفع بدر حواجبه🤨🤨
سيلا.. ايه وحشه😳😳
بدر... انتي متأكده ان انتي اللي عملاها..
سيلا.. اه والله العظيم بس لو وحشه اعتبر اني طلبت اوردر..
بدر.. بضحك.. علي فكره والله مش كلام بس فعلا تحفه انتي اصلا بتعرفي تعمليها..
سيلا. بفرحه.. لا خالص دي اول مره اجرب اعملها..
بدر.. استحاله بجد فظيعه وبجد والله العظيم وحيات سيلا عندي مفيهاش غلطه..
سيلا.. يعني مش فاشله..
بدر.. قطع لسان اللي قول علي بنوتي كده..
سيلاا.. عيونها بتلمع بحب وفرحه.. وابتدت هي كمان تاكل...
كلو مع بعض..
بدر.. الحمد لله.
سيلا.. ايه ده انت خلصت..لا مل تاني
بدر.. كلي انتي انا خلصت وكلت تاني
سيلا.. عشان خاطري..
بدر.. وحياتك عندي مش قادر بجد شبعت
سيلا . ماشي قامت سيلا تشيل الاطباق..و قام بدر. ساعدها في شيل الاطباق...
سيلا.. تشرب قهوه..
بدر.. كمان قهوه كده كتير..عليا..
سيلا..خليها عليا..
بدر... ماش ياستي هتعبك..
عملت سيلا.. القهوه لبدر...
بدر.. ممكن طفايه..
سيلا.. اه نسيت...اتفضل..تعالي نروح بره
بدر.. يلا...
خرجو بره واعد. بدر عالكنبه.. واعدت سيلا جمبه عالكرسي..
بدر.. تعالي جمبي.
سيلا.. مانا جمبك اهو..
بدر... انا عايزك جمبي..
قامت سيلا.. واعدت جمبه وحاسه باحراج وحاسه بخياله وهو باصصلها.. فحبت تكسر التوتر ده...صحيح.عامر كويس..
حس بدر. بيها.. اه الحمد لله..بخير...
سيلا...الحمد لله... عندك شغلك كتير بكره..
بدر..الله اعلم علي حسب ..
فضلت سيلا تتكلم في حجات ملهاش علاقه ببعض وبدر.. بيرد عليها وبيحاول يخفف توترها...
بدر.. الوقت اتأخر.. هقوم انا بقي..
سيلا.. خليك شويه..
بدر.. الساعه 1ياقلبي.. لازم تطلعي تنامي وترتاحي وانا كمان اروح...
سيلا.. طيب...
بدر.. قام وقف...وهي مكشره وشها عشان ماشي...
مدلها ايده..مش هتيجي توصليني..
سيلا.. مدتله ايدها.. شدها بدر.. لحضنه...
وحضنها...وقرب من ودنها.. اولا د انا وانتي عندنا شغل ولازم نرتاح ثانيا بقي وده الاهم..انا لو عليا مش عايز امشي واسيبك.. بس غصب عني...
سيلا... بس انا عيزاك تاعد شويه...
بدر... وانا والله ياحبيبي عايز اعد معاكي بس عايزك ترتاحي عشان تقدري تركزي فالقضيه اللي معاكي...
مش عايز امشي واسيبك مكشره كده...
سيلا... حاضر.
بدر... رفع راسه ومسك وشها بايده.. حاضر ايه ما لسه وشك مكشر اهو..
سيلا. بابتسامه لا خلاص...
قرب.. بدر. من راسها وباسها...ورجعها لحضنه تاني....
يشم ريحتها ونفسها قبل نا يمشي....
اما سيلا فا مسكت فيه زي الاطفال وبتحاول تتنفس ريحته اكتر ...
بدر... بقول ايه انا لازم اروح حالا...اكتر من كده وانا مش مسؤوول عن اللي هيحصل...
سيلا... بسذاجه...نوني هتقتلك عارفه..
بدر.. والنبي انتي ولا عارفه حاجه يلا تعالي اقفلي ورايا..
سيلا.. حاضر...طمني لما توصل..
بدر. حاضر ياروحي...
راحت سيلا وراه.. وقفلت الباب ورجعت تاني الڤيلا قفلت علي نفسها...مشي بدر.. بعد ما اطمن انها قفلت..
وراح عالبيت....
نرجع تاني... لريم... وطبعا هنرجعلهم للوقت اللي سبناهم فيه..👌
يوسف... بقولك متخافيش افتحي...
ريم.. طيب حاضر متزعأش مش كفايه اني متوتره بتوترني زياده...
قربت ريم.. من الباب... مين...
مييين...
ريم..يوسف.. محدش بيرد انا خايفه افتح اوي..
يوسف... افتحي متخافيش وانا هرجعلك...بس خليكي معايا...
ريم.. طيب حاضر... مسكت ريم.. الباب... وفتحت... ملقتش حد ادامها...
بس لقت تحت رجلها بوكس صغير. وعليه كارت.
يوسف... في ايه..
ريم.. مفيش حد. بس لقيت بوكس... وكارت..
يوسف.. مكتوب في حاجه..
ريم.. معرفش انا خايفه امسكه..
يوسف.. متخافيش انا معاكي.. وجايلك حالا..
ريم.. حاضر.. مسكت ريم الكارت... ده مكتوب.. في انا اسف... ممكن تقبلي اعتذاري..
يوسف.. وده مين ده ان شاء الله...
ريم.. والله العظيم ماعرف..
يوسف.. والله ده حد بيقولك اقبلي اعتذاري... في حد زعلك ولا ايه..
ريم.. لا خالص محدش زعلني...
وظهر يوسف.. ادامها...
بس انا زعلتك..
ريم.. من الخضه مسكت قلبها ..
يوسف......حرام عليك...
قرب. منها يوسف.. ششششش ايه وشك ابيض كده ليه اسف والله مقصد اخضك ...
وقرب منها وخدها في حضنه...ومن شدت خوفها حس بضربات قلبها ..
يوسف.. اهدي الله يخربيتك قلبك بيدق جامد..
ريم.. انت وقفت قلبي والله ..
يوسف.... حقك عليا مكنتش اعرف ان قلبك ضعيف كده...
ريم....وانا كنت عارفه انك مجنون بس مكنتش اعرف انك مجنون كده...اعده لوحدي وحد بيخبط عليا بليل ومش بيرد وسايبلي بوكس وفجأه يطلع حد ادامي.. وتقولي قلبك ضعيف...
يوسف.. بضحك.. والله كنت عاملك مفجأه..
ريم... اوعي كده ابعد عني انا مبكلمكش..
يوسف.. انتي بتقلبي بسرعه كده ليه..
ريم.. مخصماك..
يوسف.. طيب انا اعتذرت اولا ثانيا انتي لسه من شويه قايله ان مفيش حد زعلك.. شوفتي بقي انك بتدكدبي..
ريم.. ايوه محدش زعلني غيرك..
يوسف.. وانا جتلك ياستي ومهنش عليا اشوفك زعلانه..
ريم.. والله. ممن اعرف بقي ليه كنت رخم كده انهرده...
يوسف... عشان اكتشفت انك. حشاني ومكنتش عارف اشوفك.
ريم.. لا والله بتضحك عليا..
يوسف.. ابدا والله بس كان في قلق فالشغل واسف لو كلمتك بطريقه ضايقتك بس والله مكنتش اقصد..واديني ياستي جتلك لحد عندك...
ريم.. طب ومشوار ايه اللي كنت فيه..
يوسف.. ياساتر عالفضول.. ماشي ياستي هقولك...تعالي طيب ناعد بره فالجنينه..
ريم.. لا ادخل تعالي... عشان اعملك حاجه تشربها..
يوسف.. تمام..
دخل معاها يوسف وعملتله ريم نسكافيه...اتفضل..قول يلا بقي.
يوسف.. بصي ياستي...انا هقولك سر يمكن انتي اول واحده تعرفه.. حتي العيال صحابي محدش يعرفه لسه..
ريم.. بحماس ايه قول .
يوسف.. يعني انتي عارفه انك غاليه عندي واحنا الاتنين بنحكي كل حاجه لبعض وكده...
ريم.. ماتخلص يايوسف.
يوسف.. ياساتر طيب.. براحه..
يوسف.. بصراحه كده انا في
بنت معجب بيها..وبحبها.. وبقالي فتره وحاسس ان هي كمان بتحبني.. وانهرده قررت اني اقولها
ريم.. بحزن بان علي وشها.. يعني المشوار ده كنت معاها..
يوسف... لا انا.. مكنتش معاها بس كنت بجبلها هديه يعني عشان لما اروحلها اديهالها..
ريم... بحزن.. تمام..
يوسف... مقولتليش بقي..
ريم.. ايه.
يوسف.. ايه رأيك..
ريم.. في ايه.
مسك يوسف.. البوكس. من ايدها.. وفتحه... كان في لسله وفيها حرف الy اول حرف من اسم يوسف...
يوسف... 🤨🤨🤨فالهديه..
ريم.. باستغراب.. هي دي .قاطعها يوسف
يوسف.....بحبك ياريم..
ريم....😳😳صدمه شلتها كانت حاسه بس كلامه عن حبه. لبنت تانيه شل حركتها ولسانها.. وصدمه كتفتها..
ريم... بفرحه وعين مليانه دموع ضربته علي كتفه...
شدها يوسف.. في حضنه...
ريم.. وانا كمان بحبك. وكنت هصدق انك بتحب حد تاني..
يوسف.. وهو بيبوس راسها... مقدرش.. احب غيرك ولا ينفع تشكي ان في بنت تاني في حياتي...
ريم.. انت رخم اوي تاني مره توقع قلبي انهرده...
يوسف... وانا بحبك اوي...😍
ريم.. كانت طايره من الفرحه..
مسك يوسف السلسه لبسهالها...
جريت ريم.. علي المرايه.. تشوفها...
واول ما شافتها فضلت تتنطط من الفرحه زي الاطفال...
يوسف.. واقف يضحك عليها من بعيد... كفايه تنطيط يامجنونه..
جريت ريم.. عليه.... حضنته. وشالها يوسف خالص من الارض وفضل يلف بيها...
بحب مجنونه...
ريم.. لو كنت حبيت غيري كنت قتلتك..
يوسف... مقدرش لسه ملاقتش مجنونه اكتر منك..
............
بعد ما روح بدر وطمن سيلا عليه...
رغو شويه.. مع بعض. ونام بدر.. واعدت سيلا علي السرير وفي اديها ورقه وقلم.....
مسكت قلمها وابتدت تكتب🤔🤔🤔
.......... خلص البارت علي كده.. نكمل بكره....
واستنوني في احداث كتير...
رجوع روكا...
واحداث غريبه في القضيه اللي مسكاها سيلا😳😳😳😳😳😳