"Hi! Sabi pala ni boss ay pumunta ka raw mamaya sa hide out. Hindi sa dati ha? Sa ika apat na building."
Habilin ni Annika sa akin. Inayos niya ang kanyang buhok tsaka lumagpas na sa aking kinauupuan.
Sinundan ko siya ng tingin hanggang sa makaupo siya sa kanyang puwesto at nangalumbaba siya. Huminga ako ng malalim at nagkabit balikat.
Hindi ko alam kung anong pakulo ito ni Felix. Hindi rin kami nagkita ng ilang araw mula noong nag usap kami.
Gusto ko talaga makapagtapos ng pag aaral. Natatandaan ko pa noon na nag stop ako dahil sa naghirap sila nanay at tatay. Hindi ko alam kung naghirap sila talaga o baka gusto lang ni tatay na magtago. Nahinto ako ng isang taon sa pag aaral at ayoko na iyong maulit pa. Kung dumating ang araw na walang wala sila nanay gusto kong may ilalaan ako para sa pag aaral ko.
"Addelyn! Pass the papers na!" singhal sakin ng ka klase ko na si Cathy.
"Lagi ka nalang tulala ah."
Nag tawanan ang mga kaklase ko habang ang guro namin ay may kinakausap rin na kapwa guro sa pintuan.
"Naman!" sagot ng isa. Nakikinig naman si Annika at ngumingisi. "Don't get me wrong ha. Alam niyo naman ang usap usapan about kay boss Felix dito. He's wild. Mapili rin iyon sa babae kahit na may nakapila para sa kanya sa fraternity. Pero di basta bastang nang kakama. Marami na yata yang na virginize at hindi na ka taka taka kung si Addelyn ay palaging pagod."
Sumipol naman ang mga kaklase naming lalaki. Hindi ko na lang sila pinansin at pinasa na ang papel ko.
"Sagutin mo muna ang tanong ko!" si Cathy, ayaw tanggapin ang papel ko. Ilang numbers lang yata ang nasagutan ko.
Nangunot ang aking noo.
"Kung naano ka na ba ni boss Felix. Come on! Tell us!"
Halos lahat ng kaklase ay nasa akin ang tanong. Umirap ako at tumayo para ako nalang maglatag sa mesa ng aking papel.
"Tss, ang feeler talaga. Naiinis na ako sa Addelyn na iyan! Lumalaki ang ulo!"
"Girls, chill." tumatawang saway ni Annika.
Nasundan pa iyon ng dalawang subjects. Ito iyong mahirap sa kolehiyo kasi katawan at utak ang kailangan. Ang daming essays..walang katapusang projects.
Sa lunch time ay ako lang mag isa. Nakikita ko mga kaibigan ni Karen at siya pero hindi niya ako pinapansin.
Pumasok ako sa Milk Tea store. Ang tindahan na binayaran ni Felix ang isang buong taon ko na pagkuha ng milktea at ibang pagkain nila dito.
Pumila ako at nakita ang babaeng pamilyar sakin. Siya lagi ang nagbibigay ng milktea at cupcakes sakin.
Kinagat ko ang labi ng ngumiti siya sakin. "Uhm, isang milktea at limang cheesy ensaymada."
"Hmmm..blooming ka ngayon ah. Nasaan na si Felix? Di na namin nakikita iyon ah."
Nagkibit balikat ako. "Hindi ko nga rin alam." tsaka hindi ako blooming, stress nga ako.
Binigay niya sakin ang kakainin ko. "Ang laki ng bayad ni Boss samin tsaka dapat raw maganda ang services namin sayo. Yieee! Ngayon lang 'yun nagka ganon!"
Napaisip ako sa sinabi niya. Iyong pagkain ay halos kulang iyon sakin. Nagdagdag pa ako ng sandwich.
May grupo ng taga ibang Unibersidad ang pumasok. Iilang babae at lalaki, nakita ko na dumapo agad ang titig ng babae sakin at maging ng mga lalaki. Nagbulong bulongan sila.
Umiwas ako at inayos ang pagkakapuyod ng aking buhok. Nag banyo ako para linisin ang sarili bago lumabas.
Kinakabahan ako bago sumapit ang hapon. Dahil wala ang guro sa last subject ay maaga kaming nadismiss.
Pupunta ako ngayon sa hideout ng mga Phantoms. Pumupunta ako doon kung may sasabihin si Felix o pinapasuyo niya sa mga tauhan niya.
Hindi ko alam kung paano nabuo o anong rason kung bakit may grupong Phantom. Ang alam ko lang ay target niya ako simula ng pumasok ako dito.
Ang hideout nila ay hindi puwedeng pumasok ang sinumang estudyante. O baka natatakot naman ang iba at walang nagsusubok. Nagmistula kasing ka takot takot ito pero malinis naman sa loob lalo na iyong kuwarto ni Felix doon.
Sa tuwing nasa loob ako nun ay iniisip ko kung ilang babae na ba doon ang dinala niya at kinama?
Inalog ko ang ulo ko at pumasok na sa unang building. May mga nakikita akong tauhan nila na may hawak na kaha-kahang beer. Hindi nila ako nakita.
Tuloy tuloy ang lakad ko papuntang building. Medyo maingay doon at may mga lumabas pero sa ibang daan pumunta kaya hindi parin ako nakita.
Ang likod pala nitong building ay ang likuran na ng eskwelahan. Matalahib na at hindi ko na alam kung saan patungo ang kalsada sa gilid nito.
"Oops!"
Napatili ako ng may bumunggo sakin.
"Karen! Ikaw pala!"
Humalukipkip siya. Kasama niya si Annika at dalawa pang babae. Ang gaganda nila.
"Ano pang inaantay mo diyan? Pasok na! Minsanan lang itong party ng fraternity nangyayari kaya dapat makita mo."
"P-Party?"
"Oo. Mauna na kami ah! Bye."
Tinitigan ko silang pumasok doon.
"Anong meron?"
Wala talaga akong alam sa mga pakulo nila at kanilang batas. Wala namang sinasabi sakin si Felix at wala naman siyang text sa akin.
Wala na akong nagawa kundi ang pumasok nalang. Para makauwi ako agad. Alam ko naman na wala naman kaming ibang gagawin ni Felix kundi ang maghalikan.
Pagkapasok ko ay hindi ako nagkamali. May party nga!
Naghihiyawan sila at ang dami nila. Nay nakita akong mga mukhang modelong babae!
"Excuse me!" may nagtulak saking babae na lalabas kaya napaatras ako at ininda ang tapak ng heels niya sa aking paa. Kahit na nakasapatos ako ay masakit parin! Parang tumagos na kutsilyo sa paa ko!
Matalim kong tinitigan ang babae.
"Let's go home! Nadine is Felix flavor for tonight! She's a bitch!"
What?
Sinong Nadine?
Humiyaw ang mga nagsasayawan sa gitna. Ang daming babae na tingin ko ay hindi dito pumapasok. Sa narinig ko ay parang kinabahan ako.
Maraming pumapasok sa isipan ko. Nang ako ay tumingin..naghawian ang mga nakakumpula na sila Borge. At nakita ko si Felix na naninigarilyo.
With him...is a woman.
Tinulak tulak si Felix nila Borge na tila inuudyok siya sa katabi niyang babae. Ngumisi si Felix at nilingon ang babae. When he face her.. the woman clung on his neck and gave him a torrid kiss.
Naghiyawan ang mga nakatanaw sa kanila.
"Grabe talaga si boss! Galing Europe pa raw iyang babae!"
"Matinik yang si boss."
"Paano yung si Addelyn? Mas maganda iyon kaso bata pa-"
Nakita ko kung paano manlaki ang mga mata ni Borge. Binalik ko ang tingin kay Felix na nakatingin na sakin. Hindi ko alam kung ano itong nararamdaman ko.
Gusto kong...sugurin ang babae at murahin si Felix. But...no. We're not a thing. Totoo nga ang mga sinabi nila Karen.
Parang hindi ako magsisisi sa huli. Sa ikabubunga ng plano nila.
Umigting ang panga ni Felix at tumayo. Halos mahulog ang babae. Kinuha ko ang cellphone na binigay niya at binagsak iyon sa sahig. Nagsitahimikan ang lahat ng makitang sakin ang tungo ni Felix pero tumalikod na ako.
Ayokong makita nila Karen ang luha ko. Ayokong isipin nila na nahuhulog na ako.