"ငယ်လေး......ထတော့လေ
ငယ်လေး......"
မိုးစက်ချိုကုတင်မှာတင်ပါးလွှဲထိုင်ပြီးလမင်းငယ်ကိုနှိုးနေလေသည်၊၊ကုတင်အောက်မှာခွလုံးနဲ့ခေါင်းအုံးပြုတ်ကျနေတာမို့မိုးစက်ချိုခါးလေးကိုင်းပြီးကောက်ကာတင်လိုက်လေသည်၊၊
အရင်လိုငယ်လေးဆိုတဲ့နူးညံ့တဲ့ခေါ်သံလေးကြောင့်လမင်းငယ်မျက်လုံးကိုလက်ဖြင့်အသာပွတ်ပြီးထထိုင်လိုက်နေသည်၊၊လမင်းငယ်မျက်လုံးတွေအသာဖွင့်ပြီးမိုးစက်ချိုကိုပြုံးပြနေလေသည်၊၊
မိုးစက်ချိုအသဲယားတာမို့လမင်းငယ်နှာခေါင်းလေးကိုညစ်လိုက်ပြီး
"မမ အလုပ်သွားတော့မယ်
ခုံပေါ်ကအုပ်ဆောင်းမှာကြက်သားကြော်နဲ့ကန်စွန်းရွက်ကြော်ထားတယ်"
လမင်းငယ်ခေါင်းလေးညိမ့်ပြီးနှုတ်ခမ်းလေးဆူပြလေသည်၊၊
မိုးစက်ချိုလည်းစချင်တာမို့
"မနမ်းချင်ပါဘူး.....
မျက်နှာမှမသစ်ရသေးတာ"
လမင်းငယ်ချက်ချင်းမျက်နှာကြီးဆူပုတ်ကာ
"အင်း.....ရွံတယ်ဆိုလည်းမနမ်းနဲ့
အရင်ကကျသူများအိပ်နေတာတောင်ခိုးနမ်းပြီးတော့များ...."
မိုးစက်ချိုသဘောကျပြီးရယ်နေတော့သည်၊၊
"မမကစတာပါကွာ
နှုတ်ခမ်းကြီးဆူမနေနဲ့"ပြောပြီးလမင်းငယ်အနားတိုးလာလေသည်၊၊
ကောက်စိန်လေးကရှောင်လိုက်ပြီး
"မနမ်းနဲ့"
မိုးစက်ချိူကလည်းအတင်းရအောင်လိုက်နမ်းလေသည်၊၊ဒါတောင်လမင်းငယ်ကရုန်းနေသေးမို့မနည်းဖက်ကာနမ်းရသည်၊၊
မိုးစက်ချို လမင်းငယ်ပါးလေးနှစ်ဖက်ကိုဆွဲပြီး
"ကောက်စိန်လေးရယ်.....
စိတ်ကောက်ပြေပါတော့
မမကိုရယ်ပြပါလား နော်....."
"အာ.....လွှတ်တော့ရယ်ပြမယ်
ပါးဆွဲရင်သရေကျတယ် လွှတ်"လမင်းငယ်စကားတွေလုံးထွေးကာပြောလေသည်၊၊
မိုးစက်ချိုလမင်းငယ်စကားကြောင့်ခွက်ထိုးခွက်လှန်ရယ်ပြီးလွှတ်လိုက်လေသည်၊၊
လမင်းငယ်တချက်နှုတ်ခမ်းလေးတွန့်ချိုးကာပြုံးပြပြီး
"ရပြီလား"ဆိုကာပြောလေသည်၊၊မိုးစက်ချိုကတော့သူ့ကလေးကိုကြည့်ကာသဘောတွေကျနေလေသည်၊၊
လမင်းငယ်နှုတ်ခမ်းလေးဆူပြီး
"မမ.....ငယ်လေးညနေကျခွေသွားဝယ်ချင်တယ်
ပြီးတော့အကင်လည်းစားချင်တယ်"
"ခွေကဘာလုပ်မှာလဲငယ်လေးရယ်
ဖုန်းထဲကကြည့်လို့ရတာပဲ"လမင်းငယ်ဆံနွယ်လေးတွေကိုနားထဲညှပ်ကာပြောလေသည်၊၊
လမင်းငယ်ထပ်ပြီး
"ဖုန်းနဲ့ကအားမရလို့ပါဆို"
ဒါနဲ့ပဲမိုးစက်ချိုအိတ်ထဲက၁ထောင်တန်၃ရွက်ထုတ်ကာ"အိမ်မှာလည်းမုန့်တွေရှိတယ် ဒါလောက်တယ်မလားငယ်လေး"ဆိုကာလမင်းငယ်လက်ထဲထည့်ပေးလေသည်၊၊
လမင်းငယ်ပြုံးပြီး
"လောက်ပါတယ်မမရဲ့.....ဟီး"
"သေချာဂရုစိုက်ဦးနော်
တံခါးတွေသေချာပိတ်နော်ငယ်လေး"မိုးစက်ချိုလမင်းငယ်ကိုမှာပြီးအခန်းမှထွက်ဖို့ပြင်လေသည်၊၊
လမင်းငယ်ကလည်း
"စိတ်ချပါမမရယ် ဒီနားလေးတင်"
မိုးစက်ချိုခေါင်းညိမ့်ပြီး
"ကဲ.....မမအလုပ်သွားပြီ
ငယ်လေးရေမိုးချိုးပြီးစားလိုက်နော် ကန်စွန်းရွက်ကကြာရင်မဲပြီးစားမကောင်းဘဲနေမယ်"ဆိုကာလက်ပြပြီးထွက်သွားလေသည်၊၊
မိုးစက်ချိုထွက်သွားတော့လမင်းငယ်လည်းရေချိုးအင်္ကျီဝတ်ပြီးမနက်စာစားဖို့ပြင်လေသည်၊၊အုပ်ဆောင်းကိုဖွင့်ပြီးထမင်းခူးလိုက်သည်၊၊ကြက်ကြော်ထားတဲ့ဆီလေးဆမ်းပြီးဆားလေးဖြူးလိုက်လေသည်၊၊ပြီးတော့ထိုင်ကာစားလေသည်၊၊
ပန်းကန်ဆေးလက်ဆေးပြီးပုံနေတဲ့အဝတ်ခြင်းကိုယူကာမီးပူတိုက်ဖို့ပြင်လေသည်၊၊ပျင်းတာမို့မီးပူတိုက်ရင်းစကားပြောဖို့ယွန်းရတီကိုvideo callခေါ်လိုက်လေသည်၊၊
"ဟဲ့ ဘာလဲ"
လမင်းငယ်မီးပူတိုက်ရင်းဖြင့်
"ငါမနေ့ကသူနဲ့လမ်းခွဲလိုက်တယ်
မမနဲ့လည်းငါအဆင်ပြေသွားပြီသိလား"
"တွေ့လား.....ခုလိုပြတ်ပြတ်သားသားဆုံးဖြတ်တာဘယ်လောက်ကောင်းလဲ
နင့်ကိုတော့တကယ်အားကျတယ်သိလား
နင်ကအချစ်ခံလူတန်းစားဆိုတော့....."
ယွန်းရတီအရုပ်တွေတစ်ရုပ်ပြီးတစ်ရုပ်ပြောင်းနေတာမို့လမင်းငယ်မျက်စိနှောက်တာနဲ့
"ငယွန်းမ.....effect တွေဘာတွေလုပ်မနေနဲ့
မသိရင်နင့်ကိုအပြင်မမြင်ဖူးတာကျနေတာပဲ"
လမင်းငယ်ပြောတော့မှယွန်းရတီငြိမ်လိုက်ပြီးမျက်စောင်းတွေထိုးနေလေသည်၊၊
လမင်းငယ် ယွန်းရတီကိုရယ်ပြီး
"ဒါနဲ့နင်ရောဟိုအမကြီးကိုငေးပဲငေးကြည့်နေတော့မှာလား"
ယွန်းရတီမျက်နှာငယ်လေးဖြင့်
"ဒါပေါ့ဟာ ဘယ်တတ်နိုင်မလဲ
ဆိုင်မှာထိုင်ကြည့်ရုံကလွဲဘာမှမှမတတ်နိုင်တာ
ဒါပဲကျေနပ်ပါတယ်ဟာ"
ယွန်းရတီနဲ့အားလူးဖုတ်ရင်းမီးပူတိုက်တာမပျင်းရဘဲပြီးသွားလေသည်၊၊မိုးစက်ချိုဘောင်းဘီအိတ်ထဲက၅၀၀တွေ့တာမို့မီးပူနဲ့သေချာဖိပြီးယူလိုက်လေသည်၊၊ညနေလောက်ကျဆန်ဆေးပြီးညစာအတွက်ထမင်းတည်လေသည်၊၊
၆နာရီခွဲတော့လမင်းငယ်ခွေထွက်ဝယ်လေသည်၊၊သရဲကားနဲ့ကိုရီးယားကားစိတ်ကြိုက်ရွေးဝယ်လေသည်၊၊နောက်ပြီးအကင်စားချင်တာမို့လမ်းထိပ်ကအဒေါ်ကြီးဆီဝင်ကာဝယ်လေသည်၊၊
အိမ်ပြန်ရောက်တော့တစ်ယောက်တည်းမို့သရဲကားတွေမကြည့်ရဲတာနဲ့ကိုရီးယားကားသာကြည့်ရင်းစားလေသည်၊၊
ခဏကြာတော့မိုးစက်ချိုခြံတခါးဖွင့်သံနဲ့အတူ
"ငယ်လေးရေ....."ဆိုတဲ့ခေါ်သံပါကြားရလေသည်၊၊ဒါနဲ့ပဲလမင်းငယ်ကြည့်လက်စကိုရပ်ထားလိုက်ပြီးမိုးစက်ချိုကိုပြေးကြိုလေသည်၊၊
"မမ ခေါ်နေတာကြာလှပြီ
ငယ်လေးဇာတ်ကားထဲမျှောနေတယ်ပေါ့ဟုတ်လား"
လမင်းငယ်ပြုံးစိစိဖြင့်
"ဟီး.....
ဒါနဲ့ဒီနေ့ငယ်လေးလေပုံနေတဲ့အဝတ်တွေမီးပူအကုန်တိုက်ထားတယ်သိလား"
မိုးစက်ချိုရေသောက်ပြီး
"လိမ္မာတာပေါ့
ဘယ်သူကလေးလေးလဲပြောပါဦး"
"မသိဘူးလေ....."
မိုးစက်ချိုလမင်းငယ်ပါးဖောင်းဖောင်းလေးနှစ်ဖက်ကိုဆွဲညစ်လိုက်ပြီး
"မမ ကလေးလေးပေါ့
ဘယ်သူကလေးဖြစ်ရမှာလဲ ဒါတောင်သိဘူးလား ဟမ်...."
လမင်းငယ်အတင်းရုန်းပြီး
"ပါးကိုမဆွဲပါနဲ့
သရေကျပါတယ်ဆိုမမကလည်း....."
မိုးစက်ချိုပြုံးပြီး
"ကျူပ်မဆွဲခင်တည်းကရှင်အိပ်တိုင်းသရေကျတာပါနော်.......ခုထိကိုကျတုန်း"
လမင်းငယ်မျက်နှာကြီးဆူပုတ်ပြီးဧည့်ခန်းကိုထွက်သွားလေသည်၊၊ပါးစပ်ကလည်းပွစိပွစိပြောပြီးTVပြန်ကြည့်နေလေသည်၊၊
မိုးစက်ချိုလည်းဧည့်ခန်းကိုလိုက်လာပြီး
"ငယ်လေးညစာစားပြီးပြီလား"
လမင်းငယ်ပြန်မဖြေဘဲTVသာဆက်ကြည့်နေလေသည်၊၊
မိုးစက်ချိုလမင်းငယ်ဘေးထိုင်လိုက်ပြီး
"မမကချစ်လို့စတာကိုကလေးလေးကလည်း
လက်ဖက်ထမင်းသုတ်လိုက်မယ် မမတို့တူတူစားတာပေါ့နော်.....နော်ကလေးလေး"
အဲ့တော့မှလမင်းငယ်
"ဗိုက်ဆာနေပြီ
ရေမြန်မြန်ချိုးပြီးလုပ်ပေးတော့"
မိုးစက်ချိုလမင်းငယ်ပါးလေးကိုရွှတ်ခနဲနမ်းသွားပြီးထွက်သွားလေသည်၊၊လမင်းငယ်ကတော့ရုတ်တရတ်မို့ပါးစပ်အဟောင်းသားနဲ့ကျန်ခဲ့လေသည်၊၊
"ငယ်လေးရေ.....လာစားတော့
ရပြီ"
လမင်းငယ်လည်းဧည့်ခန်းကနေလှမ်းပြီး
"မမ ဒီကိုလာခဲ့ပါလား
TVကြည့်ရင်းတူတူစားရအောင် ပြီးရင်လည်းသရဲကားတူတူကြည့်ပေးဦး"
မိုးစက်ချိုလည်းလှမ်းပြီး
"ဒါဆိုလည်းပန်းကန်နဲ့ရေဘူးတွေလာယူဦး"
လမင်းငယ်မြန်မြန်ပြေးပြီးကူမလေသည်၊၊ဒါနဲ့ပဲတူတူTVကြည့်ရင်းစားကြလေသည်၊၊ကျောင်းသားအချစ်ကားလေးဖြစ်တာမို့ပေါ့ပေါ့ပါးပါးနဲ့ကြည့်လို့ကောင်းလေသည်၊၊
စားသောက်ပြီးသွားတော့မိုးစက်ချိုပန်းကန်တွေယူပြီးမီးဖိုချောင်ထဲဝင်ကာဆေးလေသည်၊၊ပြီးတော့ပြန်ထွက်လာပြီးလက်သုတ်ပဝါကိုလမင်းငယ်လက်ထဲထည့်ပေးလေသည်၊၊
လမင်းငယ်ပြုံးပြီး
"သုတ်ပြီးပြီမမ"
မိုးစက်ချိုမျက်ခုံးလေးတွေတွန့်ချိုးသွားပြီး
"ဘယ်တုန်းကသုတ်လိုက်တာ"
"ခုနကပဲအင်္ကျီနဲ့သုတ်လိုက်တာ"ဆိုကာလမင်းငယ်သူ့အင်္ကျီကိုဆွဲကာပြောလေသည်၊၊
မိုးစက်ချိုချက်ချင်းလမင်းငယ်နားရွက်လေးကိုဆွဲလိမ်ရင်း"ပါးစပ်ကိုအင်္ကျီနဲ့သုတ်ရမယ်လို့ဘယ်သူပြောထားလဲ"ပြောလေသည်၊၊
"အား......
နာတယ်မမ" လမင်းငယ်အော်လေသည်၊၊
မိုးစက်ချိုလွှတ်မပေးဘဲ
"နောက်တစ်ခါလုပ်ဦးမလား.....ဟမ်"
လမင်းငယ်လည်း
"အား.....နောက်မလုပ်တော့ပါဘူးမမ
နာတယ် လွှတ်ပါ"
မိုးစက်ချိုလွှတ်ပေးလိုက်လေသည်၊၊လမင်းငယ်ကတော့နီရဲသွားတဲ့သူ့နားရွက်လေးကိုလက်နဲ့အသာကိုင်ကာာညည်းလေနေသည်၊၊
မိုးစက်ချိုလမင်းငယ်ကိုကြည့်ပြီး
"စည်းကမ်းကိုမရှိဘူး.....
ချစ်ပေမဲ့စည်းနဲ့ပဲထားမှာ
မလိုက်နာရင်တော့နာပြီသာမှတ်လမင်းငယ်"
လမင်းငယ်နှုတ်ခမ်းလေးဆူပြီး
"ဟုတ်"
ဒါနဲ့ပဲလမင်းငယ် မိုးစက်ချိုလည်းဘေးမှာရှိနေတာမို့သရဲကားစကြည့်လေသည်၊၊အကြောက်ဆုံးကသရဲဖြစ်ပေမဲ့အကြိုက်ဆုံးကလည်းသရဲကားဖြစ်လေသည်၊၊
သရဲထွက်လာတာမို့လမင်းငယ်လက်လေးတွေကာရင်းလက်ချောင်းကြားတွေကနေခိုးကြည့်လေသည်၊၊မိုးစက်ချိုကတော့မကြောက်တာမို့ဘေးမှာအော်လိုက်လက်တွေကာလိုက်အလုပ်ရှုပ်နေတဲ့လမင်းငယ်ကိုကြည့်ကာရယ်လေသည်၊၊
သရဲကားပြီးတော့TVတွေအကုန်ပိတ်ပြီးအိပ်ဖို့ပြင်လေသည်၊၊လမင်းငယ်မအိပ်ရဲတာမို့ခေါင်းအုံးနဲ့ခွလုံးကိုအမြန်ယူပြီးမိုးစက်ချိုအခန်းထဲပြေးဝင်လာသည်၊၊ပြီးတော့မိုးစက်ချိုကုတင်ပေါ်ခုန်တက်လိုက်လေသည်၊၊
မိုးစက်ချိုလမင်းငယ်ကိုကြည့်ပြီး
"ဟော.....အဲ့တာဘာဖြစ်ရတာတုန်း"
လမင်းငယ်တစ်ယောက်မိုးစက်ချိုကိုခွကျော်ပြီးထောင့်ထဲကိုဝင်ကာ
"ငယ်လေးမအိပ်ရဲလို့မမ"
မိုးစက်ချိုရယ်ပြီး
"ငကြောက်လေး"
လမင်းငယ် မိုးစက်ချိုကိုကြည့်ပြီးဟန်မပျက်ပြန်ထိန်းကာ
"မကြောက်ဘူး ဘယ်သူကကြောက်လို့လဲ
ငယ်လေးကစေတနာနဲ့မမကြောက်နေမှာစိုးလို့"
မိုးစက်ချိုသူ့ကလေးကိုကြည့်ပြီးပြုံးကာ
"ဟုတ်ပါပြီ
ကဲ.....လာအိပ်ရအောင်"
လမင်းငယ်ခွလုံးကိုဖက်ကာလှဲလိုက်လေသည်၊၊မိုးစက်ချိုသူ့ကလေးဖက်ထားတဲ့ခွလုံးကိုအတင်းဆွဲယူပြီးဘေးမှာထားလိုက်လေသည်၊၊
"မမ ငယ်လေးကခွလုံးမပါရင်မအိပ်တတ်ဘူးလေ"
မိုးစက်ချိုကလည်း
"မမတစ်ယောက်လုံးရှိတာကိုခွလုံးလိုသေးလို့လား"
အဲ့လိုပြောတော့မှလမင်းငယ်သဘောကျသွားပြီးမိုးစက်ချိုရင်ခွင်ထဲတိုးဝင်ကာဖက်ထားလိုက်တော့သည်၊၊