"အဲ့တာဆိုညီမလေးကိုထားခဲ့ပြီနော်ဆရာ"
မိုးစက်ချိုဆရာဖြစ်သူကိုကျူရှင်အပ်ပြီးပြောလိုက်လေသည်၊၊ပြီးတော့လမင်းငယ်လက်ကိုဆွဲပြီးဝရံတာနားကိုခေါ်ကာအသံတိုးတိုးဖြင့်
"ငယ်လေး စာကိုသေချာလိုက်လုပ်နော်
ဒီနှစ်ငယ်လေးအောင်ကိုအောင်ရမယ် အိမ်ကိုသေချာပြန်နော်" ကြိတ်ကာမှာလေသည်၊၊
လမင်းငယ်စိတ်ရှုပ်နေသည့်ပုံဖြင့်
"အင်းပါ ဟိုမှာစာစသင်တော့မယ်ငါဝင်တော့မယ်" ဆိုကာအထဲသို့ဝင်သွားလေသည်၊၊ဆရာကနေရာချပေးပြီးစာစသင်လေသည်၊၊
မိုးစက်ချိုဝရံကနေအထဲကိုလှမ်းကြည့်ပြီးလက်ကနာရီကိုတချက်ကြည့်ကာအလုပ်သွားဖို့ထွက်ခဲ့သည်၊၊
စာသင်ချိန်အကူးအပြောင်းတွင်
"မုန့်စားပါဦးလား"
လမင်းငယ် သူ့လက်မောင်းကိုတို့ပြီးပြောလာတဲ့ဘေးကကောင်မလေးကိုတချက်ကြည့်လိုက်သည်၊၊
လမင်းငယ်ခေါင်းလေးခါပြီး
"တော်ပြီ"
ထိုကောင်မလေးကပြုံးပြပြီး
"ထမင်းစားချိန်ကျတူတူစားရအောင်ချိုင့်ပါတယ်မလား"ဆိုကာမှန်ပြတင်းပေါက်ဘောင်ကလမင်းငယ်ချိုင့်ကိုမေးငေါ့ပြလေသည်၊၊
"အင်း နင်ရောချိုင့်ပါလာလား"
"မပါဘူး ဒီကျူရှင်အောက်ကဆိုင်မှာဝယ်စားမှာလေ"
လမင်းငယ်ခေါင်းညိမ့်ပြလိုက်သည်၊၊
သူကထပ်ပြီး
"ဒါနဲ့နာမည်ဘယ်လိုခေါ်လဲမသိ"
"လမင်းငယ်ပါ
နင်ကရော"
"ယွန်းရတီ ယွန်းလို့ပဲခေါ်ကြတယ်လမင်း
လမင်းလို့ပဲခေါ်မယ်နော်ရတယ်မလား"
လမင်းငယ်ထိုစကားတတ်တဲ့ကောင်မလေးကြောင့်စာသင်ခန်းထဲနေရမခက်ပေ၊၊သူမကဘေးကနေစကားပေးတာမို့ကြာတော့နေသားကျလာလေသည်၊၊
"ယွန်း....
ကျူရှင်ဆင်းရင်နင်ဘယ်သွားဖို့ရှိလဲ"
လမင်းငယ် သူငယ်ချင်းတွေကလည်းအောင်တဲ့သူကအောင်ကျတဲ့သူကလည်းဘော်ဒါတွေရောက်ကုန်တော့အတူသွားဖို့အဖော်မရှိပေ၊၊ဒါကြောင့်ဘေးကကောင်မလေးကိုစကားစရလေသည်၊၊
