#جـرح_الـمـاضـىِ.
#الـفـصـل_السادس.
"إلهِّ فيكَ قد أحسنتُ ظنِّى و منْ ذنبِّى بعفوِكَ أستجيرُ"
استغفرو ❤.
: قال أي مش متحركة من البيت إللِ أما تنضفي زبالتك، دا عند أم لُطفِى إللِ بتنور و تطفي.
كانت تسير بوجه حزين حتىٰ رأت إحدىٰ الكافيهات الّتي تعشق وجباتها لتبتسم بسعادة و تدخل تجلس و تبدأ بطلب الطعام.
مهند في الهاتف: ألو ألو أقفِى فِى حتىٰ فيها شبكة...... أيوة كده، ها أنا دخلت الكافية أهو أنتِ فين.
نور و هي تنظر لِمَّا فعلته نورسين: معلش يا مهند البيت عندي يضرب يقلب و لازم يتنضف، فمش هعرف أجِى.
مهند: دا أي الرخامة دي بس!
نور و هي تنظر لالماس الّتِى دخلت و تشير لها بأن تنتهِى حتىٰ يُنظفوا المكان: sorry.
مهند و قد رأىٰ نورسين و عرفها: لا عادِى سلام.
ليغلق الخط فِى وجهها فتتعجب نور من ذلك و تنظر لالماس:
_ أهبل دا و لا عبيط؟
_مين ده؟
_واحد زميلي في القسم فكك.
داخل إحدىٰ مدن الألعاب يقف سيف و يرتدِى تيشرت أسود و جينز أسود و آسر كذلك بإختلاف التيشرت فهو رمادي و الماسة تنظر لهم بإبتسامة و سعادة و ترتدي بلوزة بالون القرمزي و جينز.
الماسة: مكنش ليه لزوم و الله الإبتسامة إللِ من تحت إسنانكم دي يا أهلي و الله.
سيف: أبو سخافتك يلا قولي عايزة تركبي أي.
الماسة: لا لأ سيفو يا حبيبي أي الشروط... الخسران ينفذ الأوامر بهدوء و لا أي يا باشا.
آسر: صح، يلا شوفي عايزة تلعبي أي.
الماسة: أشطر كتكوت أنت، يلا.
لتسير و هما خلفها فيهمس سيف لآسر:
_هىَّ مصدقة إنها كسبتنا في دورين الكوتشين قوىِّ كده ليه!
_اكتم خلينا نخلص و نروح.
_ماشي يا أخويا أنا معاك أنتَ و بنتك للآخر و هلعب أيّ لعبة إلا....
_ بيت الرعب هنلعب بيت الرعب.
قالتها الماسة بسعادة شديدة ليضحك آسر بصخب و يندهش سيف و هو ينظر إليها.
الماسة: أي يا باشا بتضحك ليه؟
آسر و هو يجذبها و يسير: مفيش حاجة يا بنوتي يلا نروح نجيب التذاكر وااااا
الماسة: نلعب يا بوب.
آسر و هو يضحك: نلعب بس في تريلة وقعت ورىٰ نجيبها و لا.
نظرت الماسة لسيف: تعالىٰ يا حظابط متخفش.
سيف: أنا خايف من إللِ هيحصل بعد العرض بس أمري لله.
ليضحكان عليه و يتجهوا لجلب التذاكر.
مهند و هو يجلس و يجذب البيتزا من نورسين:
_براحة علىٰ نفسك ليحصلك حاجة و أنا محتاجك.
و أنهىٰ كلامهُ بغمزة و هو يأكل قطعة بتلذذ.
لتنصدم نورسين فمن يقدر علىٰ أخذ الطعام من يدِها هكذا حتى ترىٰ أنه ذلك الوقح كما لقبته:
_أنتَ مجنون ياض حد سمحلك تقعد و لا تاخد بيتزيتي.
مهند و هو يأكل: ذوقك حلو فِى البيتزا زي ما هو حلو في كل حاجة.
_ يا ولا يا ولا كده أضعف أنا و أقع في حب روميو و أبقىٰ جوليت الهبلة صح أنتَ أهطل ياض.
_ شتيمة كمان و هرمي البيتزا دي في وشك.
_ لا و علىٰ أيه دي البيتزا حلوة.
لتسحب منه قطعة بيتزا و تأكل و بعد انتهائها:
_أطلبلي بيتزا كمان هه.
_أي دا ليه؟
_عشان أكلت البيتزا.
_أنا دي قطعة واحدة.
_خلاص خلاص شكلك جِلده... من فضلك اتنين برجر... شوف أنا سالكة إزاي طلبتلك معايا عشان متبصليش في الأكل بس.
_اسمك أي؟
_نورسين.
_نون سين و لا نون صاء.
_ما تقلش تاني ياض.
_ياض في عينك إتلمي بقىٰ.
لتضحك: sorry.
_ضحكتك حلوة يــا نورسين، صح كده!
_صح يا باشا و أنتَ اسمك أي؟
_مهند.
_مهند لطيف الاسم بس نورسين ألطف تحسه كريِيتڤ كده.
ليضحك بدهشة: كريِيتڤ! أنتِ عارفه يعني أيه كريِيتڤ؟
_إحم no قولي أنتَ...
_يعني مُبدع، إبداعيّ كده يعني.
_خلاص نورسين تحسه إسبشيل "Special" مميز هه أنا أصلًا شاطرة في الإنجلش.
_لا بجد "و يضحك عليها" طب يا أشطر نورسينَ و أحلىٰ بنوته.
_ما تسبلي يا عم كمان "و تضحك" أطلب بيبسي و شيبسي كمان يلا.
ليضحك: حاضر يا نورسينَ.
_و لا أقولك خلاص أنا هطير أنا اتشاو.
لترحل نورسين و ينظر في أثرها مهند بإبتسامة و يتذكر منظرها و هي تأكل فيضحك.
يتذكر مهند و هو يحرك السيارة و يشق الطريق منذ أيام عندما كان يتصفح إحدىٰ مواقع السوشيال ميديا و كان "الفيس بوك" حتىٰ رأىٰ صفحة نورسين عرفها من الصورة حتىٰ إنه ظل يُقلب في الصور و البوستات حتىٰ دخلت الماسة و قاطعتهُ لتزداد إبتسامتهُ إتساع.
ليمر الليل سريعًا بسعادة و تنير الشمس الكون بِقُدرة الله
داخل المدرسة سحبت الماسة يد أحمد و خرجوا من الفصل و الماسة تقول:
_أخيرًا Break تعالىٰ عندي كلام كتير احكهولك.
أحمد: احكي يا لولتي.
لتضحك و هِىّ تروِى ما حدث معها بالأمس:
_بس دخلنا بيت الرعب بقىٰ يا أحمد و فهمت عمي كان خايف من إيه.
_أي؟
_طول ما إحنا جوه و أنا بمسك أيده جامد و بقرصه "و تكمل وهي تضحك" و مش كده و بس بوشكاش بيضحِىّ عضيته و أنا خارجة وووو.
_ خلاص كل إللِ فِى بطنك!
لتهز رأسها بمعنَىٰ نعم.
_ أففف و روحتوا طبعًا.
_بالظبط ها و أنتَ عملت أى امبارح.
_زرعنا ورد امبارح و فل و ياسمين أنا و ماما و الورد بلدي.
_بجد! أنا بحبه قوى يا أحمد.
_ خلاص أول وردة تطلع ليكِ.
لتمر الأيام و فى إحدى الأيام كانت الماس بالمكتب ليدخل أمير:
الماس: خير يا أستاذ أمير فى حاجة؟
أمير: مس الماس بصراحة كده أنا معجب بيكِ و عايز اتجوزك.
الماس اتصدمت: نعم!
_عايز اتجوزك...
_لتقاطعه بعصبية: لاء طبعًا أنتَ أهبل و لا شكلك كده.
_لو سمحتِ زى ما أنا محترم معاكِ فى الكلام لازم تتكلمِ باحترام و تكونى محترمة.
_أنا محترمة غصب عنك و عن أى حد اتفضل بره.
_ليمسكها من ذراعها بقوة: أنا همشى بس رجعلك تانى.
ليدفعها للخلف و يرحل فتجلس على الأرض و تبكى على حالها فلِمَ لا يرى أحد ذلك الخاتم بيدها.
تعلم أنها أخطأت لكنه أخطأ هو الآخر بعد ما كانت تهرب منه تآمل الآن أن تلقاه.
الماس تجلس على الأريكة و أمامها على الطربيزه نور تلعب بسلاحها و نورسين تأكل لتصرخ نور بها:
_ما تنطقي بقى.
الماس: حاضر عارفين أمير إللِ قولتلكم عليه قبل كده و أنه بيقعد يلمح دايمًا بأنه بيحبنى؟
نورسين: أيوة ماله يعنى.
_طلب إيدى للجواز و لمّا رفضت زقنى و قال هيجى تانى المشكلة أن هو و غيره مش بيشوفوا دى.
لترفع يداها و تشير على خاتم بيدها الشمال.
نور: و أنتِ لابسة دى ليه أنتم مش سيبتوا بعض؟
الماس: لأ أنا مراته.
نورسين و هى تضع كيس الشيبسى جانبًا:
_يعنى أى يا عبصمد أنتِ مش مطلقة!
الماس: لأ مين قال كده.
نورسين بسماجة: أنا استنتجت كده.
نور: متستنتجيش تانى هه و أنتِ يا الماس ما ترجعى لجوزك.
الماس: مش عارفة هو فين بالظبط و غير كده حاسة بخوف من اللقاء.
نور: أنتِ غبية!
لتخبطها نورسين: نــور.
الماس: أنا مش غبية يا نور الغبية هى إللِ بتصحي على كوابيس بسبب خطيبها إللِ سابها و إللِ تحاول تنتحر عشان شوية أوهام.
لتكمل: أنتِ فاكره لما جينا المستشفى أنا مكنتش عارفة إنك أنتِ إللِ رميتى نفسك.
_أنتِ بتعيريني يعنى؟
نورسين: خلاص بقى مينفعش كده أنتِ و هي.
لتأخذ نور أشياءها و ترحل.
سيف: أخيرًا جيت يا أستاذ.
مهند: راحت عليا نومه بس.
_فى حاجة شكلك مخبيها و إحنا مفيش بينا الكلام ده.
_ما أنتَ عارف بلف بلف و ارجع أقولك لكن معاها مكنتش بلف.
ليضحك الاثنان ليكمل سيف:
_محدش كان بيلف معاها.
مهند و هو يضحك: و فى الآخر جه أخوك اتجوزها.
سيف: فعلًا هنفضل نفتكر الذكريات كتير يا ترى؟
مهند: و نفضل زعلانين... بصراحة يتزعل عليها.
سيف ضحك: عندك حق.
ليصمت ثم يكمل بسعادة: الحمدلله البت العنيفة دى لسة مجتش.
_سامعه حد جايب في سيرتى يا مهند.
لينصدم مهند و يضحك: متسمعيش وحش.
سيف: أعوذ بالله من الشيطان الرجيم.
نور: أى شوفت جن.
سيف: تؤ عفريت.
مهند: بذمتك دى عفريت... دى قمر.
نور: تسلم يا باشا.
سيف: لا و الله.
مهند: أى! ما أنت كوشت على التانية.
_و الله دى كانت صاحبتى و آسر هو إللِ خدها على فكرة.
_و دى صاحبتى عادى.
_و يا ترى مين هيلبس دى فى الآخر.
نور: خلاص يا أبا أنت و هو، هي تِركه، أنا هعمل نفسى مش فاهمة.
كان آسر يجلس و ينظر لأمواج البحر و هى ترتطم بعنف فى الصخور.
ليقاطعه هاتف من السكرتيرة تبلغه بمحادثة أستاذة الماس.
آسر و الماس فى ذات الوقت: السلام عليكم.
ليطول الصمت و كلٌ منهم يشعر بأنها نبرة صوت من أحبه.
ليقاطع الصمت صوت نورسين و هى تنادى الماس: الم....
لم يسمع آسر غير ذلك ليحاول الاتصال مجددًا لكن الهاتف قد أغلق.
عند الماس كانت تكتم فم نورسين بعدما أغلقت الهاتف نهائيا: اكتمى.
نورسين بهلع: اييي.
لتبعدها الماس: مفيش روحى حضرى الأكل.
نورسين و هى ترحل: دك قرف فى شكلك عيلة مجنونة.
الماس لذاتها: هو و لا بس دى نبرة كلها برود!
أما نورسين فدخلت المطبخ و لم تعلم ماذا تحضر لتنادى بصراخ:
_ميسو أنا مش عارفة أحضر أى و داخلة أوضتى.
الماس: يا بنت...
لتقاطعها نورسين و هى تجرى لغرفتها و تغلق الباب بقوة حتى لا تفتحه الماس.
الماس: أفشل واحدة و هتطلق بعد يوم هه.
نورسين و كانت ممسكه لكارنيه مهند بعدما أفرغت حقيبتها:
_متخفيش هقوله إنى مش بعرف أطبخ.
لتسمع الماس تسبها فتغلق الباب بالمفتاح و تجلس على فراشها تنظر لذلك الكارنيه و تتذكر أنه أعطاه لها منذ أيام حتى تحدثه لكنها لم تفعل ذلك.
لتمسك هاتفها و تنقل الرقم و تبدأ بأكل الشيكولاتة و انتظار رده.
بداخل القسم يجلس الثلاثة يتحدثون بالقضية حتى صدع رنين هاتف مهند ليستأذن و يخرج للخارج:
_ألو.
_عليكم السلام.
_السلام عليكم و رحمة الله و بركاته، مين.
_أنت بتعرف تطبخ.
_مين!
_رد على سؤالى.
_اه يعنى بس مش شاطر يا نورسين.
لتنصدم نورسين و تغلق الخط أما هو فضحك عليها و أعاد الإتصال لترفض الإتصال مرتين ثم ترد:
_عرفت منين!
_مش معنى إنك عارفة إنى بقفل الباقة فى الشغل يبقى معرفش أفتحها فى لحظة و أعرف مين بيرن.
_غبية يا نورسين.
_ها خلصى رنيتى ليه.
_ها مفيش كنت فاضية بس.
_طب و فاضية بليل أعزمك على حفلة.
_حفلة أى.
_خطوبة ناس أصحابى.
_بص أنا عاملة رجيم من تسعة لـتسعة و نص فممكن أجى معاك النص ساعة دى.
_هعدى عليكِ تسعة سلام.
ليغلق الخط بابتسامة و هى كذلك حتى تنظر لوجهها بالمرآة بجانبها فتنصدم من شكلها فالشيكولاتة على معظم وجهها فتهرول سريعًا حتى تجهّز ذاتها.
أما بداخل المكتب خلال المكالمة نظرت نور لسيف ثم قالت:
_دفعت كام يوم المستشفى؟
لينظر لها سيف بعدما فهم ثم يدرك ما تقوله: المستشفى يوم ال....
لتقاطعه نور: اه دفعت كام أنا مبحبش حد يبقشش عليا.
_دى كانت صدقة بس.
لتنظر له بصدمة و عصبية ليقاطعها: خلاص بهزر أى مبتهزرش يا رمضان! أبقى رديهالى مش لازم دلوقت.
_أردهالك أمتى؟
_اى السؤال ده إحنا ظباط على فكرة لأ و داخلين على قضية سلاح و حشيش يعنى وارد إصابة.
نور بهدوء و قد هدأت: متقولش كده إن شاء الله منتصابش.
ليبتسم سيف على هدوئها.
نور: نـــورســـــين خلصى مش حدوتة هي دي حفله.
نورسين من الداخل: قولتيها بنفسك حفلة فلازم اتظبط.
_لو مخرجتيش و الله لافتح الباب.
لتأتى الماس و تفتح الباب و هى تضحك وتقول: أنتِ لسه هتهددى.
لتبتسم نور و تخرج نورسين من الحمام و تأخذ أشياءها و تضعها خارجًا.
نورسين: بـاردة.
بداخل القصر انتظرت الماسة والدها كثيرًا حتى يعود لتسمع صوت السيارة فتتحمس ليدخل آسر و هو يهاتف أحدهم:
_تدورى على صاحبة الرقم إللِ بعتهولِك و تجبيلى تاريخها من يوم ولادتها كمان، معلش أنا مش فاضى الأيام دى عشان فى عرض أزياء الأيام الجاية و كده، تمام تسلمِ، سلام.
ليغلق الخط و ينظر خلفه لالماسة و هى تصعد الدرج خلفه:
_أى إللِ مسهرك كده يا الماسة.
_أنت عارف أن المس مجتش انهارده؟
ليحملها و يتجها لجناحها: أيوة عارف.
_طب عارف ليه!
_تؤ أنتِ عارفة؟
_اه أصل إحنا روحنالها انهارده المكتب و كانت بتعيط و خارج من عندها مستر كده يا بابا بخاف منه.
_طب خلاص أنا هكلمها لما تجيلك يوم الخميس......
فى حاجات حلوة هتحصل الفصل الجاى فتفاعل بقى و برأيكم أخلى مهند يعكنن على نورسين و لا بلاش نكككد🙃😂.
خليت نور و الماس يتخانقوا عشان أنا شرير 😈😂.
رُؤىٰ جمال.
دمتم فِى رعاية الله و حفظه ❤.