جرح الماضي.

الفـصـل السابع (الجزء الأول)._ما لا تشتهيه السفن):_

#جـرح_الـمـاضـِى.
#الـفـصـل_السابع.
#الجزء_الأول.
#تأتى_الرياح‌_بما_لا_تشتهيه_السفن.

حاشاه ربك أن يُنبِت حلمًا بداخلك دون أن يعطيك قدرة تحقيقه فتفائل دائمًا و لا تدع لليأس بابًا.
صلِّ على سيدنا محمد❤.
السلام عليكم و رحمة الله و بركاته.

فى إحدى النوادى الليلة الشهيرة بالاسكندرية دخل مهند و معه نورسين تتبعه بكل خطوة ليقاطعهم شخصًا ما و هو يوجه حديثه لمهند:
_أخبارك يا عم مهند.
ليرد مهند بابتسامة صفراء: أهلًا يا عم ماجد.
ليقاطعهم فتاة ترتدى ملابس فاضحة بعض الشيء:
تؤتؤ مكنتش أتوقع خالص إن لوكا يجى.
مهند بملل: عارف عشان أنا محدش يتوقعنى يا ملك.
ملك و هى تشير على نورسين _بعدما تفحصتها كثيرًا و نظرت لها من الأسفل للأعلى باشمئزاز _بغرور:
_نورسين حبيبتى و خطيبتى عن قريب، هعزمك طبعًا بس هتكون أحلى من دى عشان بتاعت مهند و نورسين.
ملك بابتسامة صفراء: عملتها قبلك و عزمتك على خطوبتى... أنا و ماجد.
ماجد: يلا يا مُوكا نشوف بقيت الضيوف.
مهند: اه أحسن برضوا.
ليرحل ماجد و ملك من أمامهم لكن عين ماجد لم تفارق نورسين ليضمها مهند من خصرها و ينظر له نظرات تحدى، فإن قدِرت على أخذ من معك فتلك غيرها و لن تحصل عليها مهما حدث.

ليجلسا الاثنين و نورسين مصدومة مما حدث ليحاول مهند اخراجها من تلك الصدمة:
نورس....
لتقاطعه بسرعة: أنت ازاى تحط إيدك على وسطى و تقول إنى حبيبتك و الكلبة دى بتقول عليا مزة ليه شايفانى زيها و لا الحمار إللِ معاها دا بيبصلى ليه أهطل هو، و بعدين أى عملتها قبلك دى ابو سخافتكم.
ليضحك مهند: براحـــة راديو شغالة ودودودود _كلمات تعبر عن سرعة الحديث _ أنا أسف يا نورسينَ بعتذر بس كنت أقصد أقوله بُعدك و إنك مش زيها ما أنا قولتلك ملك كان خطيبتي و سيبك منهم هما ناس قرف.
نورسين: لسه واحدة ليه قولتى إنى حبيبتك! كنت ممكن تقول صحبتى عادى.
ليقترب مهند منها و يهمس بأذنها:
_ عشان أنتِ حبيبتى فعلًا.
"لينهى كلامه بغمزة و يضع قُبلة على وجنتها"
_هروح أجيب حاجة ناكلها عشان متكليش حد
.
ليرحل مهند للبار حتى يأتى بأية شيء للأكل أما نورسين فكانت فى صدمة شديدة و يدها على موضع القبلة و تنظر لذلك النادى الليلى _الذى يملكه ماجد _ و تتوقع المال الذى يدفع من أجله هي متأكدة أن ذلك المال مؤكد أن يحيي أكثر من أسرة.

مهند: كاسين عصير يا مانو.
ملك: و كاس بسرعة "ثم توجه كلامها لمهند" مش هتشرب انهارده و لا أى.
_ملكيش دعوة.
_مش هتشرب عشان السانيورة معاك.
_خليكِ فى حالك.
لتقول و هى تسحبه لمكان بعيد: طب تعالَ معايا.
ليُبعد يداه عنها: أنتِ هبلة دى خطوبتك أبعدي كده.
_أنتَ بتغظني! و جايب البت دي معاك.
_اسمها نورسين و أنا مش بغيظك، هغيظك ليه أصلًا إحنا سايبين بعض من أكتر من ست سنين!
_لأ بتغظني عشان سيبتك و روحت لصاحبك.
_ملك أنا كنت مطنشك من قبل ما تسيبينى لــــيه عشان القرف إللِ أنتِ كنتِ هتعمليه أو عملتيه أصلًا فَـ فكك منى عشان أنتِ صفحة و اتقفلت و كانت أزبل صفحة فكفايا بقى و روحى اتعالجي عشان أنتِ مريضة.
ليصمت ثم يقول: أنا حاسس إنك ممكن تروحي لمرات أول واحد ارتبطى بيه و تقوليلها سيبي حبيبي... أنتِ مريضة.
ليتركها و يرحل.