#جرح_الماضي.
#رُؤىٰ_جمال.
#الـفصل_الواحد_وعشرون.
السلام عليكم ورحمة الله وبركاته.
اللهمَّ أشفي كل مريض.
اللهمّ ارحم جميع موتانا.
______®
بمكتبه داخل مبنى القوات الخاصة كان يتحرك ذهابًا وإيابًا وهو يستشيط غضبًا بعدما علم ما حدث منها بالأمس، منذ متى وهي تعمل بمفردها وبدون الرجوع إليه؟
ظل عقله يفرض أكثر من سؤال حتى دخلت هي ببراءة شديدة وكأنها لم تفعل شيء، اندفع نحوها بعنف:
-أنتِ ازاي تعملي كده ازاي، ليه ليه مفكرتيش فيا أنا مهمتكيش يا L.M من إمتى حد فينا بيتحرك خطوة واحدة من غير التاني من إمتى يا ليريا بتخبي عليا!
تقدمت منه وأحاطت يداها الاثنان يده بابتسامة:
-أنا أسفة بس أنا شاكة في عصام ده وخاصةً بعد الورق اللي سيف بعته، صدقني يا سوارين مقصدتش أخبي عليك أو أطنشك أو أي حاجة من اللي أنت بتقولها دي، وبعدين أنا أهو قدامك سليمة الحمدلله.
-والله وعشان أنتِ قدامي يبقى خلاص انسى اللي عملتيه، أنتِ كنتِ ممكن تموتي يا غبية.
-ألا قولي يا سوارين هو أنتَ مجهز واحدة تانية تيجي تشتغل معاك فعايزني أموت؟
ضربها بخفة على يداها وهو يسحبها لأحضانه:
-متقوليش كده بعد الشر عليكِ.
بادلته العناق بقوة وهي تقول:
-الموت مش شر يا سوارين الموت علينا حق.
همس لها وهو يشدد من احتضانه:
-مقدرش أعيش من غيرك يا ليريا.
ابتعدت عنه وضربته على ذراعه وهي تضحك:
_بقيت حنين أوي يا ريس.
ابتعد عنها هو الآخر واتجه للمقعد الخاص به وهو يقول:
_وأنتِ بقيتِ هبلة ومتهورة.
كادت أن تناقشه لكن قاطعها ارتطام الباب بالحائط أثر دخول سيف ومهند لتبتسم بسماجة وترفع يديها وتشير لهما وهي تقول:
_هاي شباب.
تقدم منها سيف وحاوط رقبتها بعنف وبدأ تعنيفها وهي مندهشة من فعلته تلك:
_أنتِ متخلفة راحه تفتحي أبواب إحنا في غنى عنها دلوقتِ، أنتِ ليه غبية ومتهورة وأنانية، ليه بتعملي اللي في دماغك وخلاص بدون ما تدي لنفسك ثانية تفكرِ، لو فكرتِ ثانية واحدة مكناش هنبقى في القرف ده.
لكمته بمعدته وأبعدته عنها والدموع تترقرق بعيناها ثم هتفت بصوتٍ باكٍ:
_بقت كده يا سيف؟! يعني أنتَ شايفني كده! شكرًا يا سيف شكرًا يا أخويا.
تدخل مهند بالحوار محاولًا الهدوء:
_ما أنتِ غلطانة برضوا يا ليريا ده لو كان مسكك كان خلص عليكِ أنتِ اتصرفتِ من دماغك وبدون تفكير، كان المفروض تقوليلنا مش تمشي ورى ألماس!
STAI LEGGENDO
جرح الماضي.
Casuale_فراقِك صعبٌ، قلبي مشتاق حتىٰ أنه لا يقطع العتاب وإن كان كلانا مخطِء. _أما فراقك فهو أصعبُ بكثير فهو يقضي علىٰ أنفاسي وعند تذكرك يعودُ النفسُ لي وكأنك بجواري. ليكون عهد عليَّ إن اجتمعنا لن نفترق مرة أخرىٰ مهما حدث. _لم يبقىٰ قلبي سليمًا بعد حبي ا...
