တောင်တန်းပေါ်က အေးစိမ့်စိမ့်အငွေ့အသက်များက တကယ့်ကို သာမန်နှင့်မတူညီဘဲ ထူးကဲစွာ ပြင်းထန်လွန်းလှ၏။
ပြတင်းပေါက်တွေ အကုန်လုံးလုံနေအောင် ပိတ်ထားတာတောင် အအေးဒဏ်က ခန္ဓာကိုယ်ထဲထိ စိမ့်ဝင်နေသလို ခံစားနေရသဖြင့် လေးဆက် ကိုယ်လေးကို ကျုံ့လိုက်ကာ စောင်ကို ခေါင်းအထိလုံအောင် ဆွဲခြုံလိုက်သည်။
“ အေးလိုက်တာ ”
နဂိုကတည်းက အအေးဒဏ်မခံနိုင်သူမို့ နှုတ်ကနေ ငြီးငြူမိသွားသည်။ ခြေရော ခေါင်းပါမကျန် လုံအောင်ခြုံထားသည့်ကြားထဲမှ အေးစိမ့်မှုများက အသာစီးရနေပြန်သည်။
ထိုစဉ် သူ့တစ်ကိုယ်လုံးက အရမ်းကို နွေးထွေးလုံခြုံသည့် နေရာတစ်ခုကို ရောက်သွားသလို ခံစားလိုက်ရသည်။
“ အခုရော နွေးသွားပြီလား ”
သူ့နားထဲသို့ ရင်းနှီးသည့်အသံတစ်သံက တိုးဝင်လာသည်။ ဘာအသံပါလိမ့်။ ထိုအသံကြောင့် ပိုနွေးထွေးသွားရသည်။ ပြင်ပမှ ဆောင်းလေအေးကြောင့် သူ့ခန္ဓာကိုယ်က အေးစက်နေသည့်အတွက် လူက ပိုပြီးနွေးသည့်နေရာကိုပဲ ကပ်ချင်နေမိသည်။
“ ကိုကို ”
ခပ်ကွေးကွေးလေးအိပ်နေကာ တစ်ကိုယ်လုံးကို စောင်နှင့်ထွေးထားပြီး ချမ်းနေရှာသည့် ကိုကို့ကို ဖက်ထားရင်း ဈာန်ရာင်ခ ပြုံးမိသွားသည်။
ကိုကို့မျက်နှာကို အုပ်ထားသည့်စောင်ကို ဖယ်လိုက်တော့ အခုထိ မျက်လုံးမပွင့်သေးသည့် ကြောင်ပေါက်စလေးက အရမ်းအေးနေသည်ထင်ပါရဲ့။ သူ့ရင်ခွင်ထဲကို တဖြည်းဖြည်း ပိုပိုပြီးတိုးဝင်လာသည်။
“ ဖက်ထားပေး ... အေးတယ် ”
အိပ်ချင်မူးတူးဖြစ်နေသည့် ကိုကိုက ထိုကဲ့သို့ ပြောလာသဖြင့် သူလည်း ကိုကို့ကို ပိုတိုးဖက်ထားလိုက်သည်။ မျက်နှာလေးတစ်ခုသာ ကွက်ဖော်ထားသည့် ကိုကိုကလည်း သူ့ရင်ခွင်ထဲသို့ အတင်းတိုးဝှေ့နေလျက် ... ။
ထိုစဉ်
“ မင်းတို့နှစ်ယောက် ဒီမနက် အာရုဏ်ဆွမ်းကပ်ဖြစ်ဦးမှာလား ”
အခုမှ နွေးသွားလို့ ပြန်အိပ်ဖို့ကြံရုံရှိသေး။ လေးဆက်ရဲ့နားထဲ ငှက်ဆိုးထိုးသံကဲ့သို့ အော်သံကြီးက ဆိုးဆိုးရွားရွားတိုးဝင်လာသဖြင့် မျက်နှာက ရှုံ့မဲ့သွားမိသည်။
အိပ်ကောင်းနေတုန်းပဲ ရှိသေးတာကို အသံဆိုးကြီးနဲ့ ... ။
ကိုမြတ်သူ၏ရွဲ့တဲ့တဲ့စကားကြောင့် ဈာန်ရောင်ခ ခပ်ဟဟတစ်ချက်ရယ်လိုက်ကာ သူ့ရင်ခွင်ထဲတိုးဝင်ပြီး အိပ်စက်နေသည့်ကြောင်ပေါက်စလေးအား
“ ကိုကို ... ကိုကို ထတော့နော် ... ကျွန်တော်တို့ အာရုဏ်ဆွမ်းကပ်ရဦးမယ်လေ ”
အင်း ... ဒီအသံလေးကတော့ ပျားရည်လိုပဲ ချိုချိုသာသာလေး ... ။
သို့ပေမဲ့ အသံလာရာလမ်းကြောင်းက လေးဆက်နှင့် အရမ်းနီးကပ်နေသလို ခံစားနေရသည်။
“ ကိုကို ”
မဟုတ်သေးဘူး။ တော်တော်ကြီးကို နီးကပ်နေတာပဲ။
“ ကိုကို ထတော့ ”
ဒီလောက်နှိုးနေတာတောင် မျက်လုံးမပွင့်သေးဘဲ ရှုံ့မဲ့နေသည့်ကိုကို့ကို ကြည့်ရင်း ဈာန်ရောင်ခ အသဲယားလာသဖြင့် ကိုကို့ရဲ့နှာခေါင်းလုံးလုံးလေးကို အသာအယာနမ်းရှိုက်လိုက်သည်။
အဲဒီနောက် နူးညံ့အိစက်နေသည့်ပါးပြင်လေးအား အနမ်းများဖြင့် ရှေ့ဆက်နေလျက် ... ။
အဲဒီမြင်ကွင်းကို မြတ်သူတစ်ယောက် အဝတ်အစားလဲရင်း အမြင်ကပ်ကပ်နှင့် ထိုင်ကြည့်နေပေးလိုက်သည်။
တစ်ယောက်ကလည်း စောင်နှင့်လုံးထွေးပြီး ဘယ်လောက်နှိုးနှိုး မထသေးဘဲအိပ်ကောင်းနေတုန်း။ နောက်တစ်ယောက်ကလည်း ဝတ်ကောင်းစားလှတွေ ဝတ်ထားပါရက်နဲ့ အိပ်ရာပေါ်ပစ်လှဲပြီး စောင်ကိုရော အိပ်နေသည့်လူကိုပါ သိမ်းကြုံးဖက်ထားသည်။
ထို့အပြင် ဈာန်ရောင်ခ၏အကြည့်များက အရမ်းကို ရွှန်းစိုတောက်ပနေကာ မထင်ရင်မထင်သလို သူငယ်ချင်းဖြစ်သူကိုလည်း ကောက်ကောက်နမ်းတတ်သေးသည်။ အဲဒါကိုလည်း ဟိုကောင်က နည်းနည်းလေးမှ မငြင်းဆန်ဘဲ ကျေကျေနပ်နပ်ကြီး အနမ်းခံသည်။
မြတ်သူကိုယ်တိုင်လည်း ချစ်သူရှိသည့်သူမို့ အခုလိုမျိုး ချစ်သူသဘာဝကျီစယ်ကြသည်ကိုလည်း နားလည်ပါရဲ့။ ဒါပေမဲ့လည်း နှစ်ယောက်တည်းရှိမှ ကျီစယ်လို့မရဘူးလား။
အခု မြတ်သူတစ်ယောက်လုံး လူကိုယ်တိုင် သူတို့ဘေးမှာ ငုတ်တုတ်ကြီး ရှိနေသေးသည်လေ။ ကလေးကို လွမ်းသည့်စိတ်၊ အရှေ့တည့်တည့်က အချစ်ငှက်နှစ်ကောင်ကို မကျေနပ်သည့်စိတ်တို့ ပေါင်းစည်းသွားပြီးနောက်
“ ကျစ် ! ဒီနှစ်ယောက် ငါ့ရှေ့မှာ ဘယ်လိုတွေ လာဖြစ်ပြနေတာလဲ ... ကလေး မပါလာလို့ စိတ်မကြည်ရတဲ့ကြားထဲ ... လူကို မျက်စိနောက်အောင် တမင်သက်သက်များ လုပ်နေသလား မှတ်ရတယ် ”
လေးဆက် သိလိုက်ပြီ။ အဲဒီငှက်ဆိုးထိုးသံက ဘယ်ခွေးသူတောင်းစားရဲ့အသံလည်း ဆိုတာကိုပေါ့။ အသံတွေ ဆူညံနေအောင်ကြားနေရပေမဲ့လည်း ထချိန်မတန်သေးလို့လားမသိပေ။ မျက်လုံးက ဘယ်လိုမှ ဖွင့်လို့မရ။
“ ညီလေး မင်းသူငယ်ချင်းတွေရော နိုးပြီလား ”
“ နိုးပြီ ကိုမြတ်သူ ... လရောင်ရော နေ့သစ်ရော နိုးပြီ ... ပြီးတော့ ကိုနောင်ခန့်လည်း နိုးပြီထင်တယ် ”
နောင်ခန့်ကတော့ ပြောစရာပင်မလို။ ဒီလိုအချိန်လောက်ဆို နိုးနေမည်မှန်း မြတ်သူ သိသည်။ သို့ပေမဲ့လည်း ဟိုဒုက္ခအိုးနှစ်ယောက် ကျန်နေသေးသည်။
“ ဒါနဲ့ ဟိုမမလေးနှစ်ယောက်အခန်းကရော ... ”
ကိုမြတ်သူ၏အမေးကြောင့် ဈာန်ရောင်ခ တစ်ချက်ပြန်စဉ်းစားကြည့်မိသည်။ ကိုကို့အခန်းဆီ လာတုန်းက အဲဒီအခန်းကို ဖြတ်လာခဲ့ရသည်မဟုတ်လား။
“ သူတို့ကတော့ မနိုးသေးဘူးထင်တယ် ကိုမြတ်သူ ... ကျွန်တော် ဖြတ်လာတုန်းကတော့ ဘာအသံမှမကြားရဘူး ”
မြတ်သူ သက်ပြင်းအသာအယာချလိုက်မိသည်။ ထင်သည်။ အဲဒီလိုဖြစ်လိမ့်မယ်လို့ထင်နေသည်။
သူတို့နှစ်ယောက်လား။ ဝီရိယရှိရှိ အလိုက်တသိနဲ့ နိုးနေမှာ။ ပြီးရင်လည်း ဝတ်စားပြင်ဆင်ဖို့အတွက် အချိန်တွေ မနည်းမနောယူကြဦးမည်။ အလှကြိုက် ဒေါ်မေမြတ်မှူးပိုင်က အဆိုးဆုံးဖြစ်သည်။
“ ဒါဆို ငါ အဲဒီနှစ်ယောက်ကို သွားနှိုးလိုက်ဦးမယ် ... မင်းကတော့ ဒီတစ်ယောက်ကို မရရအောင် နှိုးထားပေး ... ”
ကိုမြတ်သူ၏အပြောကို ဈာန်ရောင်ခ ပြုံးပြုံးကြီးခေါင်းညှိမ့်ပြကာ သဘောတူလိုက်သည်။ အဲဒီနောက် ကိုမြတ်သူက အခန်းထဲမှ ထွက်သွားပြီး တံခါးကို သေချာပြန်စေ့ပိတ်ပေးသွားသည်။
အခုဆို ဒီအခန်းထဲမှာ သူနှင့်ကိုကို နှစ်ယောက်တည်းသာ ကျန်ခဲ့တော့သည်။ ထိုအခါ သူ့ရင်ခွင်ထဲ ရောက်နေသည့် ကိုကို့ကို အပေါ်စီးကနေ အုပ်မိုးထားလိုက်ရင်း
“ ကိုကို ထတော့လေ ”
သူ ဘယ်လောက်နှိုးနှိုး ကိုကိုက တအင်းအင်းငြီးငြူကာ ပြန်အိပ်ပျော်သွားသည်။ ရာသီဥတုက အေး၍ထင့်။ အအိပ်မက်သည့်ချစ်သူလေးက အိပ်ရာကနေ ထချင်ပုံမပေါ်ပေ။
“ ကိုကို မထရင် ကျွန်တော် နမ်းမှာနော် ”
“ နမ်းပေါ့ ”
အိပ်ရေးဝဖို့အရေး တကယ့်ကို အနိုင်မခံ အရှုံးမပေးသည့် အာဂလူသားလေးပါလား။ ဒီလိုအခွင့်အရေးမျိုးက နှစ်ခါပြန်မရသည်မို့ သူလည်း ကိုကို့ရဲ့ပါးပြင်အိအိလေးများကို တရွှတ်ရွှတ်မြည်အောင် လိုက်နမ်းနေမိသည်။
“ ဈာန် ”
ပြောမိတာ မှားသွားပြီလားဟုပင် ထင်ရသည်။ အိပ်ချင်နေသည့်စိတ်တွေက နူးညံ့သည့် ဈာန့်အနမ်းများကြောင့် လွင့်ပြယ်သွားရသည်။
“ တော်ပြီ ဈာန်ရာ ... အိပ်နေတာကို အတင်းလိုက်နမ်းနေတော့တာပဲ ”
“ ကိုကိုကမှ မထတာ ... မထမချင်း နမ်းမှာ ”
ဈာန်က အပြောနှင့်အလုပ် တကယ်ညီလှသည်။ ဆောင်းလေအေးကြောင့် အေးစက်နေသည့် သူ့ပါးတွေ ပူထူနေအောင် အနမ်းခံနေရသည်က သက်သေပင်။
“ ဈာန် ”
“ ထတော့ဆို ... ”
“ မင်း ထူပေး ... ”
ကိုကိုက ကလေးပေါက်စလေးလို လက်ဆန့်ပေးလာသည်။ အိပ်ရာထက်မှာ လှဲလျောင်းနေသည့် ကိုကို့ကို ဆွဲထူမလိုက်တော့ စောင်များနှင့် လုံးထွေးရစ်ပတ်နေသည့် ကိုကိုက သူ့ရင်ခွင်ထဲကို အလိုအလျောက်တိုးဝင်လာသည်။
ကိုကို့ရဲ့လက်တွေက သူ့ခါးကို ဖက်တွယ်ထားကာ သူ့ရင်ခွင်ထဲမှာ ခေါင်းလေးမှေးတင်ထားရင်း အချိန်ဆွဲနေသည်။
“ ကိုကိုက အရမ်းအိပ်ပုတ်ကြီးတာပဲ ”
“ အဲဒါဆို မင်း အမြဲတမ်း နိုးပေးလေ ... ဘာလဲ ... ဒါလေးတောင် မင်းက မနှိုးပေးချင်ဘူးလား ”
“ နှိုးပေးမယ် ... တစ်သက်လုံး နှိုးပေးမှာ ”
ကိုကို့ဆံနွယ်လေးကို ပွတ်သပ်ပေးရင်း နဖူးလေးကို ငုံ့နမ်းမိပြန်တော့ ကိုကိုက ခပ်ဖွဖွပြုံး၏။
❇️❇️❇️❇️❇️❇️❇️❇️❇️❇️❇️❇️❇️❇️❇️❇️
ရန်ကုန်မြို့ပေါ်မှာ ရှုရှိုက်ရသည့်လေနှင့် တောင်တန်းပေါ်မှာ ရှုရှိုက်ရသည့်လေက တကယ့်ကိုကွာခြားလွန်းသည်။ သန့်ရှင်းလတ်ဆတ်မှုက ဘယ်လိုမှ နှိုင်းယှဉ်၍မရ။
ဒီနေ့ ဆံတော်ရှင်ကျိုက်ထီးရိုးစေတီတော်မြတ်ကြီးကို အာရုဏ်ဆွမ်းကပ်ဖို့အတွက် လေးဆက် မနက်အစောကြီးကတည်းက နိုးနှင့်နေသည်။ အမှန်တော့ သူများက အတင်းလာနှိုးသွားခြင်းဖြစ်သည်။
ရိုးရိုးရှင်းရှင်း ပုဆိုးနဲ့ ရှပ်အကျီလက်ရှည်ကိုသာ ဝတ်ထားပေမဲ့ တောင်ပေါ်ဒေသ၏အေးစက်မှုက အရိုးထဲအထိ စိမ်ဝင့်နေသည့်အတွက် အနွေးထည်တစ်ထည်ကို ထပ်ဝတ်လိုက်ရသည်။
ခပ်ဝေးဝေးမှ လှမ်းမြင်နေရသည့် တောင်စဉ်တောင်တန်းများကား မြူမှုန်များကြောင့် ပိန်းပိန်းမှောင်နေပြီး ဆောင်းလေအေးများကလည်း တရကြမ်းတိုက်ခတ်နေလျက် ရှိသည်။
အချိန်အားဖြင့် မနက်ငါးနာရီခန့်ဖြစ်သည်။ သို့သော် ဘုရားရင်ပြင်တော်ပေါ်တွင်တော့ ဘုရားဖူးခရီးသည်များဖြင့် စည်ကားစပြုနေချေပြီ။
ဈေးတန်းလမ်းတစ်လျှောက်ရှိ တည်းခိုခန်း၊ လက်ဖက်ရည်ဆိုင်၊ ထမင်းဆိုင်၊ ရေချိုးဆိုင်အစရှိသည်တို့၌လည်း သက်ဝင်လှုပ်ရှားသွားလာနေကြသည့် လူများကား မရေမတွက်နိုင်လောက်သည့်အထိ များပြားလွန်းလှသည်။
“ ကိုကို ”
သဘာဝဆန်သည့် ရသစုံမြင်ကွင်းတစ်ရပ်ကို ငေးမောကြည့်ရှုနေခိုက် ဈာန့်အသံကို ကြားလိုက်ရသဖြင့် နောက်ကို လှည့်ကြည့်မိတော့ ဆွမ်းတော်ဗန်းနှစ်ခုကို သယ်ဆောင်လာသည့် ဈာန်က သူ့အနောက်နားတွင် ပြုံးပြုံးကြီးရပ်နေသည်။
“ ဈာန် ... ပေး ... ပေး ... ငါ လိုက်ယူပါ့မယ်လို့ ပြောသားပဲ ... အခုတော့ မင်းတစ်ယောက်တည်း သယ်လာရပြီ ”
ဈာန့်လက်ထဲမှ ဆွမ်းတော်ဗန်းတစ်ခုကို အလျင်အမြန်လက်လွှဲပြောင်းယူလိုက်ရင်း ဆူသလိုလို ပြောမိသွားသည်။ အစက သူပါ ဆွမ်းတော်ဗန်းလိုက်ယူဖို့ ကြံရွယ်ထားသော်လည်း အဆိုးလေးက လူကြပ်လိမ့်မယ်ဆိုသည့် အကြောင်းပြချက်ဖြင့် သူ့ကို ချန်ရစ်ထားခဲ့သည်။
အခုလည်း သူ ပြောသမျှကို ဈာန်က အပြုံးမပျက်နားထောင်ရင်း
“ ကျွန်တော်ကမှ ကိုကို့ကို မပင်ပန်းစေချင်တာ ”
“ ဒါလေး သယ်ရတာ ပင်ပန်းစရာလား ဈာန်ရဲ့ ”
“ မသိဘူး ... ကျွန်တော်က ကိုကို့ကို မပင်ပန်းစေချင်တာပဲ သိတယ် ”
အပြောကောင်းလွန်းသည့် အဆိုးလေးကို မျက်စောင်းထိုးလိုက်တော့ ဒင်းလေးက ရယ်ကျဲကျဲဖြင့် တုံ့ပြန်လာ၏။
တကယ်ပါ။ သူနှင့် ပတ်သတ်လာလျှင် ဈာန်က သိပ်အကဲပိုလွန်းသည်။ သို့သော် ထိုကဲ့သို့ အကဲပိုမှုမျိုးကို သူ့မသိစိတ်ကနေ သဘောကျနေမိတော့လည်း ခက်သား။
“ လာ ... ကိုကို ... ကျွန်တော်တို့ သွားကြရအောင် ”
ရုတ်တရက် သူ့လက်တစ်ဖက်ကို ဆွဲကိုင်လာသည့် ဈာန့်ကြောင့်
“ ဟမ် ! နေဦးလေ ဈာန်ရဲ့ ... နောင်ခန့်တို့ကိုလည်း စောင့်ရဦးမယ်လေ ”
“ မပူနဲ့ ... သူတို့လည်း လာနေပြီ ”
ဈာန့်အပြောကို မယုံသဖြင့် အနောက်ကို လှည့်ကြည့်မိတော့ ဆွမ်းတော်ဗန်းကိုယ်စီ သယ်ဆောင်လာကြသည့် နောင်ခန့်တို့ကို တွေ့လိုက်ရသည်။
ထုံးစံအတိုင်း မြတ်သူနှင့် မေမြတ်က တီးတိုးတီးတိုးသဖန်းပိုးပြီး ရန်ဖြစ်နေကြ၍ နောင်ခန့်က ဝင်ဖျန့်ဖြေပေးနေရသည်။ ဥဥကတော့ မှတ်တမ်းသမားပီပီ သူ့ဆွမ်းတော်ဗန်းကို နောင်ခန့်လက်ထဲ အပ်ကာ မြင်ကွင်းအစုံစုံကို ရှုထောင့်အမျိုးမျိုးကနေ အမိအရရိုက်ယူနေသည်။
လရောင်နှင့် နေ့သစ်ကတော့ စကားတပြောပြောဖြင့် အေးအေးလူလူလမ်းလျှောက်လာနေကြသည်။ အဲဒီနောက်မှာတော့ သူလည်း စိတ်အေးသွား၍ ဈာန် ခေါ်ဆောင်ရာနောက်ကို အသာတကြည် လိုက်သွားမိသည်။
ဈာန်က သူ့ကို ဆွမ်းတော်ကပ်ရာစောင်းတန်းရှေ့ကို ခေါ်ဆောင်သွားခြင်းဖြစ်သည်။
ယခုအချိန်က ဆံတော်ရှင်ကျိုက်ထီးရိုးစေတီတော်မြတ်ကြီးအား အာရုဏ်ဆွမ်းကပ်လှူပူဇော်သည့် အချိန်အခါဖြစ်၍ ထိုစောင်းတန်းရှေ့သို့ ရောက်အောင် ရင်ပြင်တော်ပေါ်က လူအုပ်ကို မနည်းကျော်ဖြတ်ရသည်။
ထိုစောင်းတန်းရှေ့တွင်လည်း ဆွမ်းတော်ဗန်းများနှင့် ပြည့်နှက်နေ၏။ တရားထိုင်နေကြသူများ၊ ဘုရားရှိခိုးနေကြသူများလည်း အများအပြား ... ။
အဲဒီနောက် လေးဆက်နှင့်ဈာန် နှစ်ယောက်စလုံး ထိုစောင်းတန်းရှေ့သွားကာ ကိုင်ဆောင်လာသည့် ဆွမ်းတော်ဗန်းနှစ်ခုကို တရိုတသေကပ်လှူ၏။ ဆွမ်းတော်ကပ်လှူပြီးနောက် နှစ်ဦးသားအတူတကွ အမွှေးတိုင်များ၊ ဖယောင်းတိုင်များထွန်းညှိပူဇော်ပြန်သည်။
လေးဆက် ဖယောင်းတိုင်မီးထွန်းညှိရင်း ဘေးကို မသိမသာစောင်းငဲ့ကြည့်မိတော့ ဆီမီးရောင်များ ထပ်ဟပ်နေသည့် ဈာန့်၏တည်တည်ငြိမ်ငြိမ်မျက်နှာက တစ်မျိုးတစ်ဖုံ လူကြီးဆန်နေကာ ချောမောသည်ထက် သာလွန်နေ၏။
ဆွမ်းတော်ကပ်လှူပူဇော်သူ များပြားလွန်းလှ၍ထင့်။ ခဏချင်းပင် တာဝန်ရှိသူများက သူတို့ကပ်လှူထားသည်ကို ပြန်လာစွန့်သွားကြသည်။ သို့သော် မိနစ်ပိုင်းအတွင်းမှာပင် ထိုစောင်းတန်းတစ်လျှောက် ဆွမ်းတော်ဗန်းများဖြင့် ပြည့်နှက်သွားပြန်၏။
မြန်မာပြည်သူပြည်သူများ၏ ဘာသာရေးကိုင်းရှိုင်းမှုကား ဩချစရာကောင်းလှသည်။
ထိုဆွမ်းတော်ကပ်လှူနေစဉ်အတွင်း လူတိုင်း၏မျက်နှာအသွင်အပြင်များက လောဘ၊ ဒေါသ၊ မောဟတို့နှင့် ကင်းလွတ်ကာ ကြည်လင်သန့်စင်နေသည်ဟု လေးဆက် ထင်မြင်မိ၏။
ထို့နောက် ဈာန်က သူ့လက်ကို ဆွဲ၍ နေရာလွတ်တစ်ခုကို ရှာသည်။ လူတွေ များပြားလွန်းလှ၍ နေရာလွတ်ရရန်ပင် မလွယ်ကူပေ။
နောက်ဆုံး ခက်ခက်ခဲခဲရလိုက်သော နေရာလွတ်တွင် ဈာန်က သူ့ကို ဦးစားပေးကာ ထိုင်စေ၏။ အဲဒီနောက် သူ့ဘေးနားတွင် ဈာန်က ဝင်ထိုင်လိုက်ကာ နှစ်ဦးသား ကြည်ညိုစိတ်ထက်သန်စွာဖြင့် ဘုရားရှိခိုးကန်တော့ကြသည်။
ဗုဒ္ဓမြတ်စွာဘုရားကို ယုံကြည်သက်ဝင်စွာဖြင့် ရှိခိုးကန်တော့ရ၍ စိတ်ကြည်လင်အေးချမ်းမှုကို ခံစားရသည်ကတော့ အမှန်ပင်။
ရွှေရောင်ဝင်းလက်နေသည့် ဆံတော်ရှင်ကျိုက်ထီးရိုးစေတီတော်ကြီး၏အတုမရှိဘုန်းတန်ခိုးအာနုဘော်ကြောင့် ရင်တွင်းမှ ပီတီစိတ်၊ ကြည်နူးစိတ်များကား အစွမ်းကုန်ဝေဖြာလာသည်။
ဆည်းလည်းသံ၊ ခေါင်းလောင်းသံ၊ ဘုရားရှိခိုးသံများ ခပ်တိုးတိုးပျံ့လွင့်နေသည့် ဘုရားရင်ပြင်တော်တစ်ခုလုံးက အေးချမ်းသာယာမှုကို ဖော်ဆောင်နေသည်။
ဘုရားရှိခိုးပြီးနောက် လေးဆက်တို့နှစ်ယောက်သား ထိုနေရာမှ ထထွက်လာခဲ့ကြသည်။ နေရာတစ်နေရာရရန်ပင် မနည်းရှာနေရသည်မို့ နောက်လာမည့် ဘုရားဖူးဧည့်သည်များအတွက်ကိုလည်း ထည့်စဉ်းစားပေးရမည်မဟုတ်လား။
ထိုနေရာမှ လှည့်ထွက်လာရင်း နောင်ခန့်တို့ကို တွေ့လိုတွေ့ငြား လိုက်ရှာကြည့်မိတော့ ခပ်လှမ်းလှမ်းမှာ ဘုရားရှိခိုးနေကြသည့် အုပ်စုက သူ့မြင်ကွင်းထဲ တန်းခနဲဝင်လာသည်။
အမြဲတစေ အငြိမ်မနေတတ်သည့် မေမြတ်နှင့် ဥဥတောင်မှ ဆံတော်ရှင်ကျိုက်ထီးရိုးစေတီတော်မြတ်ကြီး၏အရိပ်အာဝါသအောက်မှာ သိမ်မွေ့နူးညံ့စွာ ဘုရားရှိခိုးနေကြသည်ကို တွေ့တော့ သူ ပြုံးမိသွားသည်။
ဘာသာတရားက လူတွေကို အစွန်းရောက်စေနိုင်သလို အေးချမ်းစေနိုင်သည်ဆိုတာက တကယ့်ကို အမှန်တရားပင်ဖြစ်သည်။
“ ကိုကို ”
ဈာန်ရောင်ခ ကိုကို့လက်လေးကို တယုတယဆွဲကိုင်ရင်း လူအုပ်ကြားထဲမှ တိုးထွက်လာခဲ့သည်။ ဘေးနားက ပုဂ္ဂိုလ်လေးကတော့ သူ ခေါ်နေတာကို မကြားဘဲ အနောက်ဘက်ကို လှည့်လှည့်ကြည့်ရင်း ဘာကို သဘောကျနေသည်မသိ။ ပြုံးချည်း ပြုံးနေတော့သည်။
အေးချမ်းမှုအသွင်ဆောင်သည့် ကိုကို့အပြုံးလေးကြောင့် သူ့စိတ်နှလုံး ကြည်နူးချမ်းမြေ့ရသည်ဆိုတာကတော့ အမှန်ပင်။
ထိုစဉ် ကိုကိုက ရုတ်တရက်ဆိုသလို သူ့ဘက်ကို လှည့်ကြည့်လာသဖြင့် သူ့မှာ သူခိုးလူမိဖြစ်သွားရသည်။ ကိုကိုကတော့ သူ ငေးကြည့်နေတာကို ရိပ်မိသွား၍ ပြုံးတုံ့တုံ့မျက်နှာထားလေးဖြင့်
“ အဆိုးလေး မင်း ငါ့ကို တစ်ချိန်လုံး ကြည့်နေရတာ မပျင်းဘူးလား ”
“ မပျင်းပါဘူး ... ပျင်းစရာလား ... ကိုယ့်ချစ်သူ ကိုယ် ကြည့်တာ ဘာဖြစ်လဲ ”
ဒီကောင်လေးက အလာသားပဲ။ မနေ့ကမှ တရားဝင်ချစ်သူတွေဖြစ်တာကို ဒီနေ့ကျ ပိုင်ပိုင်နိုင်နိုင် အသုံးချတတ်နေပြီ။
“ ဒါပေမဲ့ ငါက ချောမှ မချောတာ ... မင်း အဲဒီလို ခဏခဏကြည့်နေလို့ ငါ့မျက်နှာပေါ်က ပြစ်ချက်တွေကို ရှာတွေ့သွားပြီး ရိုးအီသွားရင် ဘယ်လိုလုပ်မလဲ ... အဲဒါဆို မင်း ငါ့ကို ထားခဲ့မှာမလား ”
အမြဲလိုလို သူ့ကိုပဲ တစိမ့်စိမ့်ငေးကြည့်နေတတ်သည့် ဈာန့်ကို အသည်းယားလာသဖြင့် တမင်သက်သက် စလိုက်ခြင်းဖြစ်သည်။ သို့သော် သူ လုံးဝမထင်မှတ်ထားသည်က
“ ကိုကို ! ကိုကို့မျက်နှာ တစ်ခုခုဖြစ်တာနဲ့ ကျွန်တော်က ထားခဲ့ရအောင် ကျွန်တော်က ကိုကို့ကို မျက်နှာကြည့်ကြိုက်ခဲ့တာမို့လို့လား ! ပြီးတော့ ကျွန်တော်က ကိုကို့ကို ထားခဲ့မှာ ဟုတ်လား ! မဖြစ်နိုင်ဘူး ! ဒီကိစ္စက ကျွန်တော် သေမှပဲ ဖြစ်နိုင်မှာ ! ဖြစ်ချင်ဖြစ် ကိုကိုကပဲ ကျွန်တော့်ကို ထားခဲ့မှာ ! ကိုကိုကပဲ ကျွန်တော့်ကို ထားခဲ့မှာလို့ ! ”
ဈာန့်အသံက အနည်းငယ် လှိုင်းခတ်နေသည့်အပြင် မာထန်နေသည်။ သူ့စကားကြောင့် ဈာန်က တော်တော်ဒေါသထွက်သွားပုံပင်။
ရုတ်ခြည်း မကြည်မသာဖြစ်ကာ မှိုင်းညှို့သွားသည့် ဈာန့်မျက်နှာလေးကို ကြည့်ရင်း လေးဆက်လည်း စိတ်မကောင်းဖြစ်သွားသဖြင့် ဈာန့်ပါးနှစ်ဖက်ကို သူ့လက်ဖြင့် အုပ်ကိုင်လိုက်ကာ
“ ဈာန် ... ဈာန် ... နောက်ဆို ငါ အဲဒီလိုမပြောတော့ဘူးလေနော် ... စိတ်မဆိုးပါနဲ့ ... ငါ မှားတာပါ ဟုတ်ပြီလား ကလေးလေး ”
“ နောက်တစ်ခါဆို ထားခဲ့မယ်ဆိုတဲ့ စကားမျိုးကို ဘယ်တော့မှ မသုံးရဘူး ... အဲဒီစကားကို ကျွန်တော် အမုန်းဆုံးပဲ ... ကျွန်တော်လည်း ကိုကို့ကို ဘယ်တော့မှ ထားသွားမှာမဟုတ်ဘူး ... ကိုကိုလည်း ကျွန်တော့်ကို ဘယ်တော့မှ မထားခဲ့ရဘူး ”
“ အင်း ... အရာရာ မင်းသဘောအတိုင်းပါပဲ အဆိုးလေးရယ် ”
“ ချစ်တယ် ... ကျွန်တော်က ခင်ဗျားကို အရမ်းချစ်တာ ”
“ ငါလည်း မင်းကို အရမ်းချစ်ပါတယ် ”
အခုမှပဲ ဈာန့်မျက်နှာလေးက ပြန်လည်ရွှင်ပျလာသည်။ ထိုအခါကျမှ လေးဆက်လည်း သက်ပြင်းချနိုင်တော့သည်။
ဘယ်အချိန်ကတည်းကများ ဈာန်နှင့်ပတ်သတ်လာလျှင် ဒီလောက်ထိ ဂရုစိုက်မိသွားလဲ မသိပေ။ ဈာန့်မျက်နှာလေး ညှိုးငယ်နေတာကိုပင် သူ့မှာ မမြင်ရက်။
အဖြစ်သည်းလွန်းသည်ဟု ဆိုချင် ဆိုကြပါစေ။ ဒီအဆိုးလေးကိုတော့ အမြဲတမ်းပျော်ရွှင်နေစေချင်တာ သူ့ရဲ့တစ်ခုတည်းသော ဆန္ဒဖြစ်သည်။
“ ဈာန် ဒါနဲ့လေ ... ”
“ အင်း ... ကိုကို ဘာပြောမလို့လဲ ”
“ ငါ ဇလပ်အတွက် ငွေလှူပြီး ရွှေသင်္ကန်းကပ်ပေးချင်လို့ ... အဲဒါ မင်း ငါ့ကို တစ်နေရာရာမှာ စောင့်နေပေးမလား ”
ကိုကို သူ့ကို အားနာနေမှန်း ဈာန်ရောင်ခ ရိပ်မိသည်။ ကွယ်လွန်သွားသည့် ချစ်သူဟောင်းအတွက် ကုသိုလ်ကောင်းမှုလုပ်ပေးရာမှာ အသစ်စက်စက်ချစ်သူဖြစ်သည့် သူ့ကို ငဲ့ညှာနေမှန်းလည်း သူ သိသည်။
သူ သိပ်ချစ်ရသည့် ကိုကိုက အဲဒီလောက်ထိ လူတစ်ဖက်သားကို အားနာတတ်သည်လေ။ ကိုကို့ရဲ့လက်လေးနှစ်ဖက်ကို ဈာန်ရောင်ခ ဆွဲယူဆုပ်ကိုင်လိုက်ပြီး
“ ကိုကို ”
“ အင်း ”
“ ကျွန်တော်လည်း ကိုကိုနဲ့ အတူတူ ရွှေသင်္ကန်းကပ်ပြီး မတောင်ဇလပ်ဖြူအတွက် ကုသိုလ်ကောင်းမှုလုပ်ပေးချင်တယ် ”
ထိုအခါ ကိုကိုက သူ့ကို မယုံနိုင်သလို မော့ကြည့်လာသည်။
“ ဘယ်လိုပဲပြောပြော မတောင်ဇလပ်ဖြူက ကိုကို့အတွက် အရေးကြီးတဲ့သူပဲလေ ... ကျွန်တော် နားလည်ပါတယ် ”
“ ဒါပေမဲ့လည်း ဈာန်ရယ် ... မင်း အဲဒီလောက်ထိ လုပ်ပေးဖို့မလိုဘူးလေ ”
“ လိုတာပေါ့ ကိုကိုရဲ့ ... ဘာပဲပြောပြော ကျွန်တော့်မှာလည်း တာဝန်ရှိတယ်လေ ... ကိုကိုက ကျွန်တော့်ချစ်သူ ဖြစ်နေတာမို့ ... ”
ကိုကို့မျက်ဝန်းလေးများက ငွေ့ရည်သိုင်းဖွဲ့လာပြီး သူ့ရဲ့လက်တွေကို ပြန်ပြီး တင်းတင်းကြပ်ကြပ်ဆုပ်ကိုင်လာကာ
“ ကျေးဇူးပဲ ဈာန် ... ငါ မင်းကို တကယ်ကျေးဇူးတင်ပါတယ် ... ငါ့ကို နားလည်ပေးတဲ့အတွက်ရော ... ပြီးတော့ ဇလပ်ကို ... ဇလပ်ကို ... ”
စကားမဆုံးခင်မှာပဲ ကိုကို့အသံက တဖြည်းဖြည်းတိမ်ဝင်သွားပြီး ကိုယ်လေးက တုန်ရင်လာသည်။
သူ့ကိုကိုကတော့လေ သိပ်ခံစားလွယ်တာပဲ။
ဘုရားရင်ပြင်တော်မှာဖြစ်နေသောကြောင့် ကိုကို့ကို သူ့ရင်ခွင်ထဲ ထည့်ပြီး မနှစ်သိမ့်ပေးနိုင်ခဲ့ပေမဲ့ သူ ဆုပ်ကိုင်ထားသည့် ကိုကို့လက်လေးတွေမှတဆင့် သူ့ရဲ့နှစ်သိမ့်မှုကို ကိုကို သေချာပေါက် ရရှိနိုင်ပေလိမ့်မည်။
ချစ်သူတို့မည်သည် ခံစားချက်ချင်း ဆက်နွယ်နေကြသည်မို့ ... ။
❇️❇️❇️❇️❇️❇️❇️❇️❇️❇️❇️❇️❇️❇️❇️❇️
ဗုဒ္ဓဗောဓိတစ်ထောင်ရှိရာသို့ သွားရာလမ်းခရီးတွင်ဖြစ်သည်။ နေ့လယ်မှသွားလျှင် နေပူမိမည်စိုးသဖြင့် မနက်စာစားပြီးသည်နှင့် ချက်ချင်းထထွက်လာခဲ့ကြခြင်းဖြစ်သည်။
မနက်ခင်းအချိန်အခါသမယမှာ အအေးဓာတ်ငွေ့ငွေ့ကျန်နေသေး၍ အကုန်လုံး အနွေးထည်ကိုယ်စီ ဖြစ်နေကြသော်လည်း ယခုအခါတွင်တော့ လှုပ်လှုပ်ရှားရှားသွားရ လာရတာ များလွန်းလှသဖြင့် အေးစိမ့်မှုတို့ ပျောက်ဆုံးကာ ချွေးတပြိုက်ပြိုက်ကျပြီး ထိုဝတ်ဆင်လာသည့် အနွေးထည်များမှာ ဝန်ထုတ်ဝန်ပိုးသဖွယ် ဖြစ်လာချေပြီ။
နေထွက်လာသဖြင့် နေရောင်ခြည်မှာ စူးရှသော်ငြား တစ်ချို့နေရာများတွင်တော့ သစ်ပင်များ၊ အမိုးအကာများဖြင့် အုံ့ဆိုင်းဆိုင်းဖြစ်နေသဖြင့် အပူသက်သာ၏။ သစ်ရိပ်ဝါးရိပ်ကျဲသည့် နေရာသို့ရောက်လျှင်မူ အပူဒဏ်ကို မရှုမလှခံစားရလေသည်။
သို့သော် သဖျိုးသဖြန်းတိုက်ခတ်နေသော တောင်ပေါ်လေအေးများကြောင့် အမောပြေရသဖြင့် တော်သေးသည်ဟု ဆိုရပေမည်။ လေတိုက်လိုက်တိုင်း နွမ်းဖတ်နေသည့် စိတ်တို့ ပြန်လည်လန်းဆန်းသွားပြီး ခွန်အားသစ်တို့ သွန်းလောင်းပေးလိုက်သလိုပင်။
အပေါ်စီးမှ ကြည့်လျှင် လှမ်းမြင်နေရသည့် စိမ်းညို့ညို့တောင်စဉ်တောင်တန်းများကား ရင်သက်ရှုမောဖွယ်ရာကောင်းလှ၏။ တကယ့်ကို သဘာဝအလှတရားစင်စစ် ပီသပေသည်။
ထို့နည်းတူ ကျေးငှက်လေးများ၏ တကျီကျီတကျာကျာတေးဂီတသံကို နားဆင်ရင်း သဘာဝတရားထဲ ပျော်မွေ့ရသည်မှာ မြို့ပြအရပ်တွင် မရနိုင်သည့် ခံစားချက်ပေါင်းစုံကို ပေးစွမ်းနိုင်လေသည်။
ဗုဒ္ဓဗောဓိတစ်ထောင်သို့ သွားရာလမ်းခရီးမှာ တချို့နေရာများတွင် ပြေပြစ်ချောမောသော်လည်း တချို့နေရာများတွင်တော့ အုတ်လှေကားများ ခင်းထားခြင်းဖြစ်သည်။ တချို့အုတ်လှေကားများမှာ တော်တော်မြင့်သည်ဟု ပြောလို့ရသည်။
ကျိုက်ထီးရိုးဘုရားရင်ပြင်တော်မှ ဗုဒ္ဓဗောဓိတစ်ထောင်သို့ ခရီးက တော်တော်ဝေးဝေးသွားရသည်မို့ လေးဆက်တို့အုပ်စုထဲမှ အမျိုးသမီးလေးဦးမှာ ဟောဟဲလိုက်နေကြချေပြီ။
စစသွားစဉ်က “ ဒီလောက်လေးကတော့ အပျော့ ” ဟု အားနှင့် မာန်နှင့် ဆိုကာ လန်းဆန်းတက်ကြွမှုအပြည့်နှင့် ရှေ့ဆုံးမှ ချီတက်သွားသည့် ဥဥ၊ မေမြတ်၊ မနန္ဒာနှင့် မယုယတို့မှာ အချိန်ကြာလာသည်နှင့်အမျှ တဖြည်းဖြည်း ခြေလှမ်းများ အားလျော့ကာ နှေးကျလာတော့သည်။
ထိုအမျိုးသမီးလေးဦးမှာ မနေ့ကမနက်အထိ သူစိမ်းအနေနှင့် ရှိနေကြသော်ငြား ယခုအခါမှာတော့ အချင်းချင်း အင်မတန်မှ ရင်းနှီးကျွမ်းဝင်နေကြလေသည်။
အလွန်ထူးဆန်းလွန်းပေစွ ... ။
အနှီထူးခြားဆန်းကြယ်ဖြစ်ရပ်မှာ မနေ့က ကျီးကန်းပါးစပ်နှင့် မုဆိုးတောင်ကို သွားနေစဉ် အတောအတွင်း ဖြစ်ပွားခဲ့ခြင်းဖြစ်သည်။
မေမြတ်နှင့် ဥဥမှာ အစကတည်းက လူငယ်ပီပီ ပျော်ပျော်နေတတ်သူများဖြစ်သဖြင့် နှုတ်ချိုကာ ဖော်ရွေလှသည့် မနန္ဒာနှင့် ခေတ္တခဏ စကားစမြည်ပြောပြီးပြီးချင်းမှာတင် အသိမိတ်ဆွေများဖြစ်သွားကြတော့သည်။
အချိန်ကြာလာလေ ပိုရင်းနှီးလေဖြစ်ကာ တစ်ခဏတွင်း ညီအစ်မရင်းချာများကဲ့သို့ ခင်မင်ရင်းနှီးသွားကြလေသည်။ ထိုအချိန်မှစ၍ အရင်က မနန္ဒာတို့ကို သိပ်မယုံသင်္ကာဖြစ်နေသည့် ဥဥတောင်မှ ယခုအခါ မနန္ဒာချည်းထပ်နေတော့သည်။
ရိုးရိုးအေးအေးနေတတ်ပြီး စကားနည်းသည့် မယုယတောင်မှ ဥဥ၊ မေမြတ်တို့နှင့် ပေါင်းကာ စကားဝိုင်း၌ ရယ်ရယ်မောမောပါဝင်လာသည်။
ဤမျှနှင့်တင် မကသေး။ ထိုလေးယောက်မှာ မန္တလေးကို ရောက်ခဲ့ရင်၊ ရန်ကုန်ကို ရောက်ခဲ့ရင်ဆိုသည့် အနာဂတ်အကြံအစည်များဖြင့် ဖုန်းနံပတ်၊ အိမ်နံပတ်များတောင် လဲလှယ်ထားပြီးကြချေပြီ။
ဒီခရီးစဉ်တစ်လျှောက် ထိုလေးယောက်၏စကားသံများဖြင့် ပွက်ပွက်ညံဝေဆာနေသည်မှာ နောင်ခန့်နှင့် မြတ်သူတို့တောင် လက်မြှောက်အရှုံးပေးရသည့်အထိပင်။ လရောင်နှင့် နေ့သစ်တို့ခမျာလည်း သူတို့အုပ်စုနှင့် တော်တော်ကြီးကို နေသားကျလာသည်ဟု ဆိုရပေမည်။
လူဦးရေအားဖြင့် ဆယ်ယောက်ဆိုသည့်အားက နည်းနည်းနောနောမဟုတ်ပေ။ ထို့အပြင် လူငယ်တွေချည်းဖြစ်နေသဖြင့် ပိုဆိုးတော့သည်။ ဟီးဟီးဟားဟားရယ်သံများ၊ ဆူညံရန်ဖြစ်သံများက သူတို့ဖြတ်သန်းရာလမ်းတစ်လျှောက် ပျံ့လွင့်ကျန်ရစ်ခဲ့လေသည်။
ထိုကဲ့သို့ ပျော်ပျော်ပါးပါးဟီလာတိုက်ကာ သွားလာကြရင်း တစ်ဖက်တစ်ချက်မှာ ဈေးဆိုင်များ စီတန်းနေသည့် အုတ်လှေကားထစ်လမ်းများဆီသို့ ရောက်လျှင်တော့ သူတို့ အပျော်ကြီး ပျော်ရတော့သည်။
ဂျီသား၊ ဆတ်သား၊ ချေသား၊ ယုန်သား အစရှိသည့် တောတွင်းသားစစ်စစ်များကို ရောင်းချနေကြသည့် ဆိုင်များလည်းရှိ၏။ ဒေသခံများ အမဲလိုက်၍ ရရှိလာသည့် သားရဲတိရစ္ဆာန်များ၏ဦးချို၊ အစွယ်၊ သားရေအစရှိသည်တို့ကိုလည်း တွေ့မြင်ခဲ့ရသည်။
တောင်ဆိတ်ဆီ၊ သစ်ဥသစ်ဖုအကြောပြေလိမ်းဆေးဆီ၊ နံ့သာဆီစသည့် ပရဆေးဆိုင်တန်းများတွင်တော့ အနံ့ပေါင်းစုံဖြင့် မွှေးအီနေတော့သည်။
ဆိုင်တစ်ဆိုင်ရှေ့သို့အရောက်တွင် ဆိုင်ရှင်လင်မယားက လိမ်းဆေးဆီအစမ်းလိမ်းပေးသဖြင့် မေမြတ်တို့အုပ်စုက ပျော်ပျော်ကြီး ဝင်လိမ်းကြပြန်သည်။ ဆိုင်ရှင်လင်မယားကလည်း သဘောကောင်းလွန်းလှသည်။ အဲဒီနောက်မှာတော့ လက်ဆောင်ပေးဖို့အတွက် ထိုဆိုင်မှပင် လိမ်းဆေးဆီ၊ နံ့သာဆီများကို အများအပြားဝယ်ယူခဲ့ကြသည်။
အထူးသဖြင့် မေမြတ်တို့ အမျိုးသမီးတစ်သိုက် အဆူညံဆုံး၊ အပျော်ဆုံးနေရာကား လက်ဆောင်ပစ္စည်းအရောင်းဆိုင်များပင်ဖြစ်သည်။
ရိုးရာချည်အိတ်၊ လက်စွပ်၊ လက်ကောက်၊ ဆံထိုး၊ ကလစ်၊ အကျီ၊ ပဝါ၊ ထဘီအစရှိသဖြင့် အမျိုးအစားစုံလင်လှသည်။ မေမြတ်တို့အုပ်စုကတော့ ရွေးလိုက်၊ ဝယ်လိုက်၊ နောက်တစ်ဆိုင်ကူးလိုက်ဖြင့် ပျော်ရွှင်မြူးတူးနေကြသည်။
သွားရင်း လာရင်း မောပန်းလာသည့်အခါ၌လည်း နီးစပ်ရာဆိုင်မှာ ရေသန့်ဘူးဝင်ဝယ်၊ ဖရဲသီးဝယ်စားပြီး ကွပ်ပျစ်ပေါ်မှာ လှဲလျောင်းကာ အမောဖြေကြရ၏။
မျောက်ကလေးများကို တွေ့သည့်အခါမှာတော့ မြတ်သူက မေမြတ်နှင့် ဥဥကို လိုက်စသဖြင့် အကုန်လုံး အုတ်အော်သောင်းနင်းဖြစ်ကာ ရယ်မောကြရပြန်သည်။
အပြန်ခရီးတွင်တော့ တောင်စောင်းထိပ်တွင် တစ်ဖက်ရပ်တဲထိုးသည့် အကြော်ဆိုင်တွင် အကြော်ဝင်စားကြပြန်သည်။ အမြင့်ပိုင်းရောက်နေသည်မို့ တဟူးဟူးတိုက်ခတ်နေသည့် တောင်လေအေးများကား စိတ်ကို အလွန်အမင်းကြည်လင်လန်းဆန်းစေသည်။
အကြော်လေးစား၊ ရေနွေးကြမ်းလေးသောက်ရင်း တောင်အောက်ဖက်ရှိ တောတောင်အလှသဘာဝများကိုလည်း ငေးမောကြည့်ရှုကာ ပင်ပန်းနွမ်းနယ်မှုကို ဖြေဖျောက်ရသည်။
သဘာဝတရားကြီးကား စိတ်ပင်ပန်းမှုကို ပျောက်ကွယ်စေသည့် ကုသရာဆေးဖြစ်သည်ဟုဆိုရင်လည်း မှားမည်မထင် ... ။
အချိန်တစ်ခုကြာမြင့်ပြီးနောက် ဘုရားရင်ပြင်တော်သို့ ရောက်ရန် သိပ်မလိုတော့ပေ။ ထို့နည်းတူ ဈေးဆိုင်တန်းများလည်း တဖြည်းဖြည်းစိပ်လာချေပြီ။
ဟိုဟိုဒီဒီ လျှောက်ငေးကြည့်နေရင်း လေးဆက်၏မြင်ကွင်းထဲ တစ်စုံတစ်ရာက ထင်းလင်းစွာ ဝင်ရောက်လာသဖြင့်
“ ဈာန် ! ခဏ ! ”
လှေကားထစ်တွေပေါ် တက်မည့်ဟန်ပြင်နေသည့် ဈာန့်လက်ကို ဖမ်းဆွဲထားလိုက်တော့ ဈာန်က အလိုက်သိစွာဖြင့် သူ့ဘေးမှာ လာရပ်သည်။
လေးဆက်၏အကြည့်တွေကတော့ တစ်စုံတစ်ခုဆီသို့ တန်းတန်းမတ်မတ်ကျရောက်နေလျက် ... ။
ထိုစဉ် သူတို့နှစ်ဦးနောက်ကနေ လိုက်တက်လာသည့် ဥဥက
“ လေးဆက် နင် ဘာလုပ်နေတာလဲ ”
“ ဪ ... ငါ ဒီမှာ ပစ္စည်းဝယ်စရာရှိလို့ ... နင်တို့ ဆက်သွားနှင့် ... ပြီးရင် ငါတို့ လိုက်လာခဲ့မယ် ”
“ အေး ... အေး ... ဒါဆိုလည်း ပြီးရော ... ငါတို့ အရင်သွားနှင့်ပြီနော် ”
ဥဥက ပြောရင်းဆိုရင်း လှေကားထစ်များကို ပြေးတက်သွားသည်။ ဥဥနောက်မှ လိုက်လာသည့် မနန္ဒာနှင့်မယုယကလည်း သူ့တို့ကို ပြုံးပြကာ စကားတပြောပြောဖြင့် အပေါ်တက်သွားကြသည်။
မေမြတ်ကတော့ သူ့နောက်မှာ ပါလာသည့် လရောင်ကို ခဏခဏလှည့်ကြည့်နေပြီး လေးဆက်တို့ကို အဖက်တောင်မလုပ်ပေ။ မြတ်သူကတော့ သူတို့စုံတွဲကို တစ်ချက်စိုက်ကြည့်ပြီး ခေါင်းတရမ်းရမ်းဖြင့် ကျော်တက်သွားသည်။
ချစ်သူဖြစ်ပြီးကတည်းက အမြဲလိုလို နှစ်ယောက်တစ်ကမ္ဘာဖြစ်နေတတ်သည့် လေးဆက်နှင့် ဈာန့်ကို အကုန်လုံးက လက်လျော့ထားလိုက်ကြပြီထင်သည်။ ဤမျှအထိ သည်းသည်းလှုပ်နေသည့်စုံတွဲမို့ မြင်ပြင်းကပ်ခံနေရမည်ဆိုလည်း လွန်အံ့မထင်ပေ။
“ ကိုကို ဘာကို ကြည့်နေတာလဲ ”
ဈာန့်အမေးကို မဖြေအားသေးဘဲ
“ ဒါလေးကို တစ်ချက်လောက် ပြပေးလို့ရမလား ”
အဲဒီနောက်မှာတော့ သူ့လက်ထဲသို့ ရောက်ရှိလာသည့် သစ်သားဆံထိုးငယ်လေးကို လေးဆက် သေသေချာချာကြည့်ရှုမိသည်။ ဆံထိုးထိပ်ဖျားမှာ ကံကော်ပန်းသဏ္ဌာန်အလှဆင်ထားသည်က လေးဆက်ရဲ့စိတ်အာရုံကို အလုံးစုံဆွဲဆောင်နိုင်လေသည်။
“ ဒီဆံထိုးလေးက တစ်ခုပဲ ကျန်တော့တာရှင့် ”
ထိုဆံထိုးလေးအား သူ စိတ်ဝင်စားနေမှန်းသိတော့ ဆိုင်ရှင်အမျိုးသမီးငယ်က ဝင်ပြောလာသည်။
“ ဒါဆို ကျွန်တော့်ကို ဒီတစ်ခု ထည့်ပေးပါ ”
ဈေးတောင် မေးမနေတော့ဘဲ ဒီဆံထိုးလေးကို သူ ဝယ်ယူဖို့ ဆုံးဖြတ်လိုက်သည်။
“ အဲဒါက ဘယ်သူ့အတွက်လဲ ကိုကို ”
အဆိုးလေးက သူ့လက်ကို ခါရမ်းရင်း စိတ်လက်မကြည်သာသည့် အမူအရာမျိုးဖြင့် မေးလာသည်။ ဈာန် ဘာကြောင့် ဒီလိုဖြစ်နေရသလဲဆိုတာကိုလည်း သူ ရိပ်မိလိုက်ပါသည်။
ဒီကောင်လေး သဝန်တိုနေခြင်းသာဖြစ်သည်။
“ မင်းညီမလေးအတွက် ... ”
စက္ကန့်အနည်းငယ်မျှ ငြိမ်ကျသွားပြီးနောက်မှာ ဈာန်က
“ မင်းညီမလေးဆိုတာက ပန်းကလေးကို ပြောတာလား ”
“ အင်း ... ငါ့ညီမလေးက မင်းညီမလေးပဲလေ ... ဟုတ်တယ်မလား ”
ထိုအခါကျမှ ဈာန်က စိတ်အေးသွားသည့်နှယ် သက်ပြင်းချလိုက်ရင်း
“ ဒါနဲ့ ပန်းကလေးက ဆံထိုးကြိုက်တာလား ”
“ အင်း ... ညီမလေးက ဆံထိုးတွေကို အရမ်းသဘောကျတာ ... ပြီးတော့ သူ အကြိုက်ဆုံးက ဒါလေး ... ”
ဆံထိုးထိပ်ဖျားနားလေးမှာ ရှိနေသည့် ပန်းပွင့်လေးကို ပြသလိုက်တော့
“ ကံကော်ပန်း ”
“ ဟုတ်တယ် ... ညီမလေးက ငယ်ငယ်လေးကတည်းက ကံကော်ပန်းကိုဆို သိပ်ကြိုက်တာ ... ကျန်တဲ့ပန်းတွေကိုလည်း သူ သဘောကျပါတယ် ... ဒါပေမဲ့ ကံကော်ပန်းကတော့ သူ အနှစ်သက်ဆုံးပန်းပဲ ”
“ ဒါဆိုလည်း ထပ်ဝယ်မယ်လေ ... တစ်ခုတည်းဆို ဘယ်လောက်မလဲ ”
“ တော်ပြီလေ ... ထပ်မဝယ်တော့ဘူး ... တစ်ခုဆို လုံလောက်ပြီ ”
“ ကိုကိုကလည်း ... အကုန်လိုက်ဝယ်ရင်တောင် ဘယ်လောက်မှ မကုန်တာကို ... ပန်းကလေးအတွက် ကျွန်တော် လက်ဆောင်ဝယ်ပေးမယ်လေ ... လာပါ ... ကျွန်တော်တို့ ထပ်သွားရှာကြည့်ကြရအောင် ”
ညီမလေးအတွက် သူ့စိတ်ကြိုက် မဝယ်ပေးရ၍ ဈာန်က ဂျစ်နေသောကြောင့်
“ ဘယ်အရာမဆို တော်ရုံသင့်ရုံပဲ ကောင်းတယ် ဈာန်ရဲ့ ... လောဘကြီးလွန်းရင် စိတ်ပင်ပန်းရတတ်တယ် ... ငါ့ညီမလေးကို တခြားကိစ္စမပြောနဲ့ ... ဒီလိုသေးသေးမွှားမွှားပစ္စည်းတွေနဲ့ ပတ်သတ်လာရင်တောင် လောဘမကြီးစေချင်ဘူး ... အများကြီးရဖူးတဲ့လူက နောက်ဆိုရင်လည်း အများကြီး လိုချင်နေဦးမှာပဲ ... လူဆိုတာ စိတ်ခံစားချက်တွေနဲ့ တည်ဆောက်ထားတာမို့ လိုချင်တာကို မရနိုင်ရင် စိတ်ပင်ပန်းမှုက ပိုလာလိမ့်မယ် ကလေးလေးရဲ့ ... ဒါတွေကို မင်း သိရဲ့လား ”
ဈာန့်နှာခေါင်းလေးကို ခပ်ဖွဖွတို့ထိပြီး ချစ်စနိုးဖြင့် ပြောမိတော့
“ ဒါပေမဲ့ ကျွန်တော်ကတော့ ကိုကိုနဲ့ပတ်သတ်လာရင် လောဘကြီးတယ် ”
တစ်ကိုယ်စာကြားရရုံ ခပ်တိုးတိုးရေရွတ်လိုက်သံကြောင့်
“ ဟမ် ! ဈာန် မင်း ဘာပြောလိုက်တာလဲ ”
“ ကျွန်တော်ကတော့ ကိုကိုနဲ့ပတ်သတ်လာရင် အရမ်းလောဘကြီးတယ်လို့ ! ကိုကိုက လောဘကြီးတာကို မကြိုက်ရင်လည်း မတတ်နိုင်ဘူး ! ကျွန်တော်က နဂိုကတည်းက အဲဒီလိုလူမျိုးမို့လို့ ကိုကိုနဲ့ပတ်သတ်လာရင် အမြဲတမ်း လောဘကြီးနေဦးမှာပဲ ! ”
စူပုတ်ပုတ်ရုပ်လေးနှင့် ကလေးလေးက တကယ့်ကို တဇွတ်ထိုးဆန်လွန်းလှသည်။
“ ဒါဆိုလည်း ငါနဲ့ပတ်သတ်လာရင်တော့ မင်းမှာ လောဘကြီးပိုင်ခွင့်ရှိတယ် ... ဒီတစ်ခုတော့ ငါ မင်းကို လောဘကြီးခွင့်ပြုပေးမယ် ... ဟုတ်ပြီလား ကလေးလေး ... ထပ်မဆိုးနဲ့တော့ ”
“ ကိုကို ! စကားဆိုတာ ပြောပြီးရင် တည်ရတယ် ! ကိုကို ပြောသမျှစကားလုံးကို ကျွန်တော်က အတည်ယူမှာ ! စတာပဲဖြစ်ဖြစ် နောက်တာပဲဖြစ်ဖြစ် ကျွန်တော် ဂရုမစိုက်ဘူး ! ကိုကို့နှုတ်က ထွက်သမျှစကားလုံးတိုင်းကို အတည်ယူမှာ ! ကိုကို ပြန်ရုတ်သိမ်းခွင့်မရှိဘူး ! ”
“ အင်း ... ရတယ် ... ဒါပေမဲ့ ချွင်းချက်တော့ ရှိတယ် ... မင်း ငါ့တစ်ယောက်တည်းကိုပဲ လောဘကြီးရမယ် ... တခြားလူတွေကိုတော့ လောဘမကြီးရဘူး ”
ထိုအခါ ဈာန့်မျက်နှာထက် အပြုံးလဲ့လဲ့တချို့ပေါ်ပေါက်လာပြီး
“ စိတ်ချပါ ... ကျွန်တော်က ကိုကို့တစ်ယောက်တည်းအတွက်ပဲ ”
မုသားအလျင်းကင်းမဲ့သည့် ထိုကတိစကားတစ်ခွန်းကြောင့် သူ့နှလုံးသားထဲမှာ ကြည်နူးခြင်းဟု အမည်ရသည့် အနွေးလှိုင်းတစ်ခုက ငြိမ့်ငြိမ့်ညောင်းညောင်းစီးဆင်းသွားလေတော့သည်။
9:52 A.M
25.5.2021 ( Tuesday )