أبو البنات

الجزء 29

هناء:بعد تعب حتى الممرضه سمحت لي اشوف سمرا دخلت لقيت مؤيد جوا اول ما شافني مسح دموعو وطلع قعدت معاها مسافه اتكلمت فيها قدرتي لكن من غير اي فايده طلعت وانا ببكي الدكتور جاء عمل ليها فحص وقال لينا دخلت في كومه💔

هديل:لي دخلت في كومه الحصل ليها شنو😭💔

الدكتور:جسمها لسه ضعيف وما قدر يتحمل الحادث الاتعرض ليو

هناء:طيب ح تصحى متين

الدكتور:الحاجه دي بعلمها رب العالمين في ناس بصحو بعد يوم او اتنين وتلاته واسبوع وشهر ومرات سنه وسنين

رقيه:معقوله تقعد دا كلو😭💔

الدكتور:كترو ليها من الدعوات الله يشفيها ليكم ومشى كلنا بقينا مصدومين من الحصل

نعمات:وااي يابتي من الجاتك😭💔

اميرة:يحليلها مسكينه ما تستاهل والله

رقيه:ما كلو من ولدك الله ينتقم منو😡

هناء:رقيه احترمي نفسك

رقيه:مالي غلطانه لو ما هو ما كان حصل ليها شيء

هديل:ما تزعلي منها يعمتو الحمل مع الحصل لي سمرا موترنها

اميرة:ما عتبانه عليها ربنا يقومها بالسلامه وقامت مشت جات هناء وهديل اتكلمن معاي كتير كنت متضايقه ومشيت وخليتهن واقفات يتكلمن سااي لحقتني روان قالت لي انا عارفه انك زعلانه عليها لكن عمتو ما عندها ذنب قلت ليها لو ما ولدها كان سمرا قاعده نصيحه لكن شوفيها هسي وين راقده زي الجثه ما معروف تصحى ولا لا😭💔قالت لي ح تصحى انت ما بتأمني بي ربنا وقدرتو انا متأكده انو ربنا ما ح يخيب ظننا فيو وح تقوم حضنتني وقعدت تبكي

"بعد مرور اسابيع"

هناء:عدت علينا ايام واسابيع نحن بس حارسين المستشفى وحياتنا واقفه وماف اي تطور في حاله سمرا لمن بدينا نفقد الامل انها ممكن تصحى تاني في يوم مشيت غرفتها شفت عمران طالع سألتو وقلت صحت قال لي قريب بإذن الله ومشى دخلت ليها ووقفت جمب راسها ومسكت يدها وقلت حبيبه امها ما ناويه تصحي انا عارفه انك بتحبي النوم لكن كفايه عليك قدر دا لسه ما شبعتي نوم عليك الله قومي شوفي ابوك بقى عامل كيف ولا بياكل ولا بشرب حتى النوم خلاو...وهديل دموعها ما نشفت من خدها...وروان ضعفت وانتهت وحالتها بقت بالبلاء...ورقيه اهملت البيبي بتاعها من خوفها عليك...الناس دي كلها بتدعي ليك خلاص قومي وقعدت ابكي بحرقه💔

حسيت بي يدها بتتحرك كنت قايله نفسي بيتهيألي لكن تاني حركتها جريت ناديت الممرضه والدكتور دخلو وطلعوني برا بقينا واقفين منتظرنهم اخدو مسافه حتى طلع لينا الدكتور

روان:سمرا مالها الجاها شنو💔

الدكتور:ما تخافوا والف مبروك ليكم بتكم صحت

اي وحده حضنت التانيه ودموعنا جرت

خليل:كنت عارف بتي ما بتمشي وتخلي ابوها كنت عارف

روان:بنقدر نشوفها

الدكتور:اول في حاجات لازم تعرفوها بسبب الحادث الحصل والضرر الصاب دماغها احتمال 70% تكون فاقده الذاكره بصورة كليه او جزئيه كليه يعني ما تتذكر اي حاجه ولا جزئيه اليهي فاقده فترة من حياتها واحتمال كبير تصاب بي شلل نصفي نتيجه تضرر العمود الفقري لازم نجهز لي كل الاحتمالات

هديل:يارب ما تكون حاصله ليها حاجه وتقوم لينا سليمه معافيه😭💔

رقيه:ان شاء الله يارب

نقلوها غرفه عاديه وخلونا نخش ليها اول ما شفنها ما قدرنا نمسك دموعنا كلنا حضنها وقعدنا نبكي زحتنا منها وقالت لينا انتو منو وعايزين مني شنو اتخلعنا وبقينا نتلفت نادينا الدكتور بقى يسألها بتعرفي ديل قالت ليو لا ما اتعرفت على زول فيها💔

روان:سمرا انا رونه نسيتيني💔

هديل:معقوله نسيتي ام عيونه حلوه💔

رقيه:حتى ام رغو ما متذكراها💔

هناء:ولا حتى امك💔

-بهظر معاكن معقوله اقدر انساكن😂

روان:تف عليك وقفتي قلبي😑

هديل:بت عواليق خلاص😒

رقيه:فكوني عليك الله خلوني ادقها🙂

هناء:ما حرام عليك تخوفي امك عليك🥺

-كدي تعالن خشن حضن اشتقت ليكن شديد😔

جو حضنوني وقعدن يبكن ابوي قال ليهن اي وحده بتبكي تطلع برا طوالي سكتن وجاء مسك يديني وباسها وفي جبيني برضو وقال بتي السمحه الكسلانه ما قامت الا بعد شبعت نوم قلت ليو حبيت ادلع عليكم شويه😂قعدوا يتونسو معاي تاني الممرضه قالت ليهم يطلعوا عشان ما اتعب وطلعوا جاء حمد مع عمران داخلين

حمد:اول مرة اشوف لي زول قام من غيبوبه سمح كدا

ختيت يدي في وشي وضحكت قال لي اخخ من الضحكه دي خفت ما اشوفها تاني قلت لو انت فاكر اني ح اموت قبل اعرسك بتحلم والله قال لي انا عرستك خلاص ودمي بجري في عروقك😍قلت ليو وانا اقول بقيت سمحه ودمي خفيف كيف اتاريك دا انت🙈ونسوني شويه وعمران قال لي حمدلله على السلامه ومرقو الممرضه جات وجابت لي الاكل طبعا ما اكلمكم عن اكل المستشفيات عامل كيف🙂شلت لي لقمتين بالغصب تاني ما قدرت ادخل حاجه جوا خشمي الباب دقه قلت اتفضل دخل مؤيد

مؤيد:المستهبله😒

-ايودي ود قلبي والله مشتاقين🙈

=شوق الليبلعك عواليق دي كم مرة قلت ليك عايني كويس بعد داك اقطعي الشارع😑

-والله ما انا الغلطانه كنت ماشه على جنب وبفتش في البخاخ بتاعي العربيه ضربتني

=الحمدلله قدر ولطف

-اها التخريج كان كيف صورت لي مش

=ما اتخرجت

-كيف يعني ما اتخرجت انت مجنون ولا حاجه

=ما كنت في حاله تسمح لي اتخرج

-مؤيد انت اهبل الزول بتخرج كم مرة في عمرو كيف تضيع عليك فرصتك الوحيده😠

=في أولويات اهم من التخريج

عايزة اشاكلو واجوط الدكتور جاء داخل مع ناس هناء

الدكتور:كيف بتنا الليله

مؤيد:كويسه شديد لمن بتتشاكل

-الحمدلله احسن بكتير ح تطلعوني متين انا زهجت من القعده دي😔

الدكتور:متين انت صحيتي😂ح اعمل ليك كم فحص وبعدها نقرر بتطلعي متين

-طيب

جاب اللمبه الصغيره ديك وولعها في عيوني وشاف التقارير حقتي وتاني شال حاجه طويله كدا وسنتها حاده قلت ليو دقيقه داير تعمل بيها شنو قال لي ما تخافي اختبار بسيط وبقيت بتصبب عرقا(شايفين العمق دا😌)كف الغطى عن رجليني وقعد يطبز فيهم ويسألني حاسه ولا لا اول كنت بالجد ما حاسه ولا هو ما كان بطعني اساسا

الدكتور:انت حاسه بالوخزات دي

-برري والله

روان:لو بتمثلي ح اجي اخنقك🙂

-اقسم بالله ما حاسه

طعني في رجلي الشمال حسيت وجريتها تاني رجع جرب في اليمين ما حسيت قلت ليو في شنو قال لينا نتيجه للحادث والضرر اللحق العمود الفقري كنت متوقع شلل نصفي لكن الحمدلله ما حصل عندك قصور في خلايا الحس والاعصاب بتاعت رجلك اليمين لكن ما تخافي مع تمارين بسيطه وعلاج فيزيائي ح ترجعي تمشي عادي قلت ليو يعني انا هسي عندي شلل ربعي😂قال لي لو حافظتي على طاقتك وحيويتك دي في اقل من شهر بإذن الله ح تمشي عادي قلت ليو ان شاء الله

خليل:ممكن نخرجها

الدكتور:ح نضطر نستضيفكم اسبوع زياده عشان في تقارير بتخص العمليه بتاعت الدماغ لمن تطلع ونتأكد انو كل حاجه تمام وماف مشكله ح نخرجها على طول

-اووف اسبوع تاني انا زهجت والله🥺

هديل:ما تخافي نحن قاعدات بنونسك

الدكتور طلع وابوي وراو وقعدت مع اخواتي جاء حمد وعمران داخلين وشايلين اكياس في يدهم

روان:جبتو معاكم شنو؟

حمد:ولا تعشمن كلو حق سمرا انتو يدينكن ما بتدخلوها

-الله دا كلو عشاني🥺

جابو لي دب ابيض كبير وناعم وشاورما وعصير منقا ونوتيلا وحلاوات(مع انو ما اظن يخلوني اكلهم)

-يلهووي على الدلع😔

هديل:ياريتني سمرا😂

روان:سمرا ما تنسي رونه من حاجاتك دي فاهمه

-حااضر تكرم عينك

حمد:لا ماف ليك دي ليها براها انتن اطلعن برا وشيلن حاجاتكن

رقيه:انا جاريه اعزل اكبر سندوتش🤤

روان:لك ما حذرتي والله(عامله فيها بتتكلم سوري😂)

وطلعن جري هديل لحقتهن عشان تلقى حاجه تاكلها ماما صلحت لي المخده ومرقت قلت لي حمد صاحب الفكرة الرهيبه دي منو قال لي انا طبعا😎قلت ليو اخخ يمهند يحساس انت قال لي والله ولا انا ولا شتين دا البوص دا وضرب عمران في كتفو قلت ليو الكوماندو طلع جنتل شديد😂ما ردا علي قلت ليهم طيب مسلسلي احضرو وين وتلفوني اتهربد هربده السواد🥺حمد طلع تلفونو لقاو طافي شحن قام عمران اداني حقو قعدت احضر وهم طلعوا حضرت كتير وما انتبهت لنفسي نمت متين

عدت الايام بطيئه خرجوني ورجعت البيت وابوي اصرا يعمل لي كرامه كان يوم مزدحم شديد وفي نص الجوطه دي الكان ناقصني منو؟ايوااا بس هي

عزة:ما ارتحتي الا وقت خربتي علي فرحتي😡

-مديه نفسك قيمه اكتر منك بكتير انت منو لمن افكر واتعب نفسي عشان اخرب فرحتها😏

+عرسي من احمد شده ما ماغسك وقاطع قلبك لمن فضلتي تموت وما تحضري

-والله لو بالجد اتمغست ما كان شفتيتي في الحفله برقص

+ما بعيد الحادث الحصل ليك دا يكون تخطيطك

-بتحضري هندي كتير لمن مخك بقى دكوة وما بتفهمي

+ما فرقت اصلا لانو احمد معاي وما ح يسيبني

-ان شاء الله يضوي ليك ان شاء الله

ان شاء الله يضوي ليك ان شاء الله💃👏

+معليش عارفه الحصل صعب عليك لكن دا حال الدنيا

-ولا يهمك ولا تشغلي بالك علي انا ما بقيف على سفاسف الامور والاشخاص ولا بهمني زول ما عندو كلمه وراسو فاضي هاجت كيف اتكلم عن احمد كدا ولا اشتغلت بيها ومشيت(طبعا بقيت بمشي بعصايه😂)

نادتني وحده من بنات جيرانه وقفت جمبها قعدت تبكي قلت ليها مالك ردت علي انا كنت عارفه دا الح يحصل وما كلمتك اعفي لي وحكت لي كيف عزة سرقت رقم احمد من تلفوني طبعا ما فيو رمز عشان كدا لقتو مجدوع في السرير وانتهزت الفرصه شالت الرقم وبقت متواصله معاو وبتضرب ليو وتتونس معاو كل يوم حتى طلعت قابلتو كم مرة وما خلت حاجه ما قالتها فيني بحب مؤيد وبوصلني بالعربيه وبتكلم معاو بالساعات وغايتو كلام بس الحمدلله قلت ليها العفو عند المقدرة وانا حسي ما عندي قدرة اسامحك لمن قلبي يصفى تجاهك بعفي ليك قالت لي طيب مشيت لي اخواتي قعدنا نتونس

روان:شفتيها عامله كيف بوشها الزي حله البرستو دا😒

رقيه:حلات ما جايه مجيه التقول ماشه عرس ما عندها ذوق نهائي والعجب التوب اكعب من وشها🙂

هديل:ولا الكلام وتعطيش الجيم قايله نفسها كدا بقت واااو وراقيه😑

هناء:اول مرة في حياتي احس اني بكره انسان😠

رقيه:الما بتشوفو في بيت ابوك بخلعك😏

-بنات عيب البتعملن فيو دا وعلى فكرة هي ما تستاهل حسناتنا التعبنا فيها تكون قاعده في امان الله يجيها جبل بتاع حسنات😒

رقيه:فعلا ما تستاهل الجزمه الرمه

هديل:رقيه انت ما نصيحه😂

عده الايام بين الجامعه مع الامتحانات الاخدتها بدايل والمستشفى عشان العلاج رقيه بطنها وصل حلقها وخلاص على وشك توضع طبعا طلع ولد ما بت😂وهي فرحانه كيف عشان كلامها الطلع صااح

""""""""""""""""""""""""

رقيه:ياسر قوم...وااااااي يا ضهري...ياسر ما تقوم يازفت انت😡

ياسر:بسم الله مالك

-ح اكون مالي بولد بس😑

=تولدي مش لسه بدري

-جاي طالع ارجعو يعني

=هسي انا اعمل شنو اسخن مويه ولا اجيب بشكير بقى ماشي في الغرفه وخاتي يدو في خشمو وما عارف يتصرف قعدت اضحك فيو

=بتمثلي صاااح

-طلعت كيووت شديد وانت خايف😂

جدعني بالمخده وقال لي هظارك بايخ ودمك بقري🙂وانا لسه بضحك لمن خليتو يفصل ويضحك معاي جاء رقد جمبي وختى يدو في بطني وقال لي حرام عليك تعملي كدا انا بجد ما عرفت اتصرف ولا كنت عارف ح امشي وين من اللبشه قلت ليو كفايه علي اني شفتك وانت خايف عشان تحافظ علينا دا عندي بالدنيا🥺قال لي لو ما خفت عليك اخاف على منو بس ضماني عليو وباسني في جبيني😍❤

"""""""""""""""""""""""

هناء:انت عارف اني ماشه بيتنا بعد بكرة صااح

يوسف:لي ماشه بدري كدا

-بكرة رقيه ح تجي وانا لازم اكون هناك عشان اساعدها لغايه ما تولد وتقوم بالسلامه

=يعني بتقعدي معاها لمن تولد وتعمل الكرامه

-دا اقل شيء لانها بكريه وما بتعرف حاجه

=لكن كدا ح تطولي مني شديد

-ما بطول والله ح اجيك مرة في الاسبوع اغسل واكوي واطبخ وانضف البيت

=مرة وحده بس يظالمه😔

-يوسف

=عيون يوسف وقلبو وعقلو وكل حاجه فيو

-فصلتني🙈

=كدا تعالي قريب انا اشتقت ليك

-لا انا ما اشتقت ليك عندي حاجات بسويها وبجيك

=ما اشتقت لي🙂

-هو انا اقدر ما اشتاق ليك🙈

=خلاص تعالي قريب

-لا ابيييت

=ما غالبني اقوم واجيك

-يوسف عليك الله روق ساااي🙈

قام جراني من يدي وباسها وقال ح تكون ايام سوده من غيرك قلت ليو لا قدر الله وما وراك ايام سوده دا شنو البتقول فيو دا قال لي خلاص خليك قاعده عشان ما اقول كدا قلت ليو انت مستهبل سااي وجنك امور😂

"""""""""""""""""""""""""

كنت راقده في السرير ونعسانه خطرت لي حاجه في بالي قلت اكتبها وانوم فكتبت في الاستوري

"كُـلما راودنـي شـعور أنّـك قد رحـلت اهـتزّ قـلبي بـطريقةٍ غـير مـألوفة"

وقفلت التلفون ونمت

💜ابقوا عافيه💜