أبو البنات

الجزء 18

بقت مصدومه ما قادره تعبر مشيت اتم باقي الشمار سمعت الحوار دا بين يوسف وابوي

=عمي لا اله الا الله

-محمدا رسول الله(عليه افضل الصلاه واتم التسليم)

=انا مش البت دي طلبتها منك وقلت لي اديتك ليها الناس دي جات تعمل شنو عندكم

-اي اديتك كلمتي ولي اسي واقف وراها لكن البت نصيبها ما وقف وكذا واحد قبل كدا جوها ورفضتهم

=خلاص هسي تعقد لي وتديني مرتي ونحسم الفارغه دي

-كدي صلي على النبي

=عليه افضل الصلاه واتم التسليم

-دا ما موضوع بتحسم هسي خلي ابوك يجي ونحن بنتفاهم

يوسف حلف يمين قال البت دي لو اديتها لي زول غيري الا اكتلو ابوي قال ليو لو عندك معاها قسمه ما بتعرس غيرك رجعت لي هناء جريتها من يدها وطلعنا برا يوسف جاء سلم علينا لمن جاء دور هناء عاين ليها مسافه وهي عيونها مليانه دموع سلم عليها ومسك يدها ونست اصلا انها ما بتصافح لمن شافت ابوي جرتها هديل خشت تعمل الشاي ونحن قعدنا نتونس ويوسف وهناء ما رفعو عيونهم من بعض بعد قعده قريب ساعتين استأذنو ومشو

هناء:ما قادرة اصدق انو يوسف كان هنا وسلمت عليو حاسه بيو حلم حلم😢

-ما حلم ولا شئ يوسف جاء واخيرا ح تتلمو سوا واشوفك احلى عروس😍❤

+احييي ان شاء الله يحصل كدا من متين منتظره اليوم دا الله يجيبو😢

هديل:ما تخافي ماف صبر والا من وراو جبر خليك واثقه في قدرة ربنا على تغير اي حاجه للاحسن💛

روان:كلامها صااح بعد كل صيام طويل بكون في طقه نضيفه منتظراك😂

هناء:ان شاء الله😢

سمرا اضربي لي حمد خليو يديني اتكلم معاو بكون ما عندو شريحه

-حمد اريبا وانا زين بجزروني جزر شين😒

هديل:عمران عندو زين اضربي ليو

-احسن اعمل خدمه عشان رصيدي ما يودع😂

بقيت بفتش في رقم عمران نسيت مسجلاو بي شنو هديل ملتني ليو وطلع كوماندو2😂وبالعربي كمان معناها علاقتنا زيرو لانو ناسي البحبهم مسجلام بالانجليزي وجمبهم قلوب💛

-كوماندو

عمران:وعليك السلام

-وعليك السلام برضو اديني يوسف

=الزول بسلم وبسأل عن الحال دا من الذوق طبعا

-حال شنو انت هسي ما كنت معانا في البيت😕

=الحال بتبدل من ثانيه لي ثانيه

-اها يا عمران كيف حالك يدينك واضنينك في محلهم ولا اتبدلو😒

=الله يهديك

-اميييين

ادى التلفون لي يوسف سلمت عليو وقلت ليو هناء عايزة تتكلم معاك واديتها التلفون

على لسان هناء:-

شلت التلفون وقلبي عايز يقيف حاسه انو دا حلم وح اصحى منو وما القى يوسف قاعد💔

-السلام عليكم

يوسف:وعليك محبه الله

-يوسف😢💔

=ياعيون يوسف

-بالجد انت جيت ولا انا كنت بحلم

=والله العظيم جيت😂

قعدت ابكي وقعد يحنس فيني قال لي خلاص اسكتي والا والله العظيم اجي البيت هسي ولو ما عقدو لي وسقتك معاي ما ارتاح قلت ليو تعال اعقد سااي قال لي كنت ناوي والله لكن عمي ثبتني قلت ليو انت جيت متين قال لي جيت الضهر وما كلمت زول امي لمن شافتني زاتها اتخلعت قعدت تبكي زيك كدا فتحتو بيت بكا😂قلت ليو حقها كم سنه ما شافتك قال لي هسي جيت وما راجع الا وانت في يدي قلت ليو نشوف قال لي دا منو الاهبل الجاء يتقدم ليك دا😡قلت ليو مديري في المصنع الكنت شغاله فيو لكن استقلت منو قال لي هو مشى يشتغل ولا يعاين لي بنات الناس😡قلت ليو جاء بالباب عديل ما عمل حاجه غلط ولا حرام انت القال ليك اتأخر قدر دا شنو😒قال لي ويدق الباب لي يدق راسو الكبير دا قعدت اضحك😂وقلت ليو زول طالب الحلال ما يدق الباب كيف قال لي يمشي يدقو بعيد عشان ما ادق راسو بالحيطه😡قلت ليو بقيت شرس شديد قال لي مشتاقين قلت ليو سمرا قالت عايزة التلفون يلا مع السلامه🙈قال لي ما مشكله بنتلاقى وبعرف كيف اخليك تتكلمي

رجعنا لي:-

شلت التلفون لقيت المكالمه اكتر من نص ساعه قلت ليهم والله بالغتو لي اديتوني التلفون لي كان تتمو الرصيد الفيو😕اسي افعل نت بي شنو بس وماما ولا شغاله بي عايشه في دنيا تانيه وعيونها بتطلع قلوب قلوب😂 قلت الو الو ماف زول ردا علي والخط فاتح قفلتو وختيت التلفون يشحن ورقدت نمت

تاني يوم:-

صحيت متأخر كالعاده اتسوكت وصليت ورجعت رقدت في سرير شلت التلفون لقيت رساله تم تحويل مبلغ كبير اول مره يصلني بكونو ناس زين اتخلعو😂 اجيي والمشكله ناس زين ما بوروك الرقم الحول ليك الرصيد كلمت ماما قالت لي بكون دا يوسف عشان قلت ليو كملت ليك رصيدك قلت ليها عااد يوسف الهناء والسرور💃💃👏

هناء:اكيد يوسف الهناء🙈

الضهر كدا عم عبدالله وعبدالرحمن جو لي ابوي قعدو في الديوان اتكلمو مسافه طويله كنت عايزة اتشمر لكن خفت اتجلد😂قمت شلت الشاي عشان اسمع اول ما دخلت سكتو وبعد طلعت رجعو يتكلمو(خساسه شديده😂)تاني طلعو وابوي قال لي عم عبدالله ان شاء الله ما بحصل الا كل خير جريت لي ابوي قلت ليو الخير في شنو قال لي يوسف اتقدم لي هناء وبعدين ح يجو يتقدم ليها رسمي طوالي فكيت ليها زغرودة عاليه وقلت ليهم دي الاخبار البتشرح القلب😍❤هناء دخلت جوا خجلانه وهديل ضربت لي رقيه

"""""""""""""""

رقيه:صحيت بدري اتسوكت وصليت تاني قشيت ومسحت وفرشت البيت وولعت البخور دخلت المطبخ غسلت العده وختيت الشاي في النار بعد جهز حولتو للسرمس ووديت الصينيه البرندا مشيت لي خالتو امل صحيتها ومشيت لي ياسر وعشان طبعي رومانسيه قلت اصحيو بطريقه رهييبه وسوبر رومانسيه😍بستو في خدو وقلت ليو ياسر يلا قوم كفاك نوم ما ردا علي تاني بستو ابى يقوم في المره الاخيره جراني من يدي وقال لي كرريها تاني وبقوم قلت ليو انت قليل ادب سااي انا ماشه اتفكيت منو ومشيت قعد يضحك لقيت خالتو امل بتكب في الشاي جبت البسكويت وقعدنا نشرب وياسر جاء

ياسر:جمعه في الحرم ان شاء الله

امل:اميييييين

-الله يوعدنا

بعد انتهينا شلت العده غسلتها وياسر مشى يجيب الفطور خالتو امل قالت الا تسوي قلت ليها ما مشكله بسوي انا قالت لي ولدي متعود ياكل من يدي قلت ليها خلاص زي ما تحبي مع انو كان نفسي ياسر ياكل من طبخ يدي لكن كلو لي خير وطلعت قعدت في البرندا ياسر جاء واداها الحاجات سوت الفطور وفطرنا وانا ماشه على الحوش سمعت صوت تلفوني لقيتها هديل

-ياداب اتذكرتو عندكن اخت😒

هديل:بطلي لوم واسمعيني اول

-اها في شنو شمار خطير

+خطير شديد

-احكي حرقتي روحي😑

+يوسف جاء والليله جايين يتقدمو لي هناء

-والله كضابه😍

+امبارح كان معانا والليله عمو عبدالله وعبدالرحمن جو اتكلمو مع ابوي وشكلهم اتفقو على العرس

-اقيفي الشمار دا ما بتحكي بالتلفون خليني لمن اصلكم

+ما تتأخري

قفلت منها ومشيت لي ياسر قلت ليو انو جايين يتقدمو لي هناء وعايزة امشي بيتنا قال لي الف مبروك ليها وعقبال البقيه قلت ليو امييين دخلت استحميت ولبست لي عبايه وشلت شنطه فيها توب وطقمو وانا طالعه قال لي اصبري اوصلك قلت ليو ما تخلي امك براها قال لي ما بتأخر بوصلك وبرجع سريع قلت ليو خلاص ارح

""""""""""""""

عمتو اميره جات مع احمد عشان تساعدنا في التجهيزات

اميره:يلاا يابنوت ما عايزة كسل اصلا شغلنا حبه نضفو الحوش وخلو المطبخ علي وانا بظبتكم

-ايواا يا اميره يا ظباطه😍👋

احمد:احترمي نفسك وناديها عمتو لانها ما قدرك فهمتي😴

-احمد انا محترمه نفسي وناديتها اميره من الحماس بس

=خلي لي حماسك دا حدود

اميره:انا راضيه انت بتتحشر مالك😕

روان:ما تخش بين البصله وقشرتا عشان ما ح تشم الا عفنتا😂

كلامو ضايقني شديد ونبره صوتو كان قاسيه علي يعني هو ما عارف انا بحب عمتو اميره لي ياتو درجه وبحترمها لمن يتكلم معاي كدا كنت متنشنه وما فهمت لليوم دا حاجه

رقيه جات ونزلت استخبارات عايزة تعرف الحصل بالتفاصيل الممله😂

بعد صلينا العشاء وجهزنا تب ناس عمو جو وانا وابوي استقبلناهم

-اهلين يا عمتو نعمات الما بعرفك يا اهل العريس😂

نعمات:الله يهديك يا مجنونه

-امييين...الله شوف اخو العريس حمد دا حلو كيف حييي هسي لي انا ما بعرفو كان عرسنا😢

حمد:امي دي منو البت السمحه الما بعرفها دي اخطبوها لي😂

-الله ديل جايبين معاهم بودي غارد اربعه في اربعه

عمران:الله يهديك

يوسف:المجانين في نعيم😂

دخلو جوا وقعدنا كلنا في الحوش قدمنا الضيافه وبدو يتونسو بعد العشاء عم عبدالله قال لي ابوي طبعا سبب زيارتنا واضح جينا طالبين يد بتك الكريمه هناء لي ولدنا يوسف على سنه الله ورسوله ابوي قال ليو يوسف ولد ممتاز وواثق من اخلاقو وتربيتو لكن الراي حق هناء جريت جوا ناديتها طلعت سلمت عليهم وابوي سألها من رايها قالت ليو موافقه قرو الفاتحه ولبسو الدبل وهديل الصوراة صورتم

يوسف:ما تعقدو لي وتدوني مرتي بالمره

حمد:ابرد ياعمك😂

خليل:الصبر جبر

يوسف:صبرت لمن زيتي طلع كفايه لحدي هنا بعد تلاته اسابيع تعقدو لي ونتم العرس دا وخلاص

نعمات:يا يوسف استهدي بالله تلاته اسابيع شنو البتقوم فيها عرس ونحن ولا حمرنا البصل ولا دقينا الويكه وعملنا اللحمه عايز الناس تشيل حسي ويقولو عملت العرس الاول في بيتها وحق ولدها الكبير كلفته سااي

يوسف:ما ح تحصل كلفته بكره تمشو تجيبو الشيله وتبدو تجهزو للعرس والباقي محلول بإذن الله

قدر ما شالو وختو راسو وستين سيف العرس دا الا بعد تلاته اسابيع وفي النهايه اقنعم بي رايو

تاني يوم مشت هناء ورقيه مع عمتو اميره عشان يشترو الشيله وما جو الا بعد العشاء

رقيه:وووبعلي وما شاء الله من الحاجات الاشتريناها

روان:سمحه للدرجه دي

رقيه:ما فيها ولا نص كلمه

هديل:اكيد ذوق عمتو اميره لا يعلى عليه

رقيه:ومالو ذوقي😒وبرضو طلعت لي بي توب جديد ادوني ليو بعد قفلنا الشنطه

-حظكك والله

فرجتنا في التياب والحاجات الاشتروها ورقدت نامت وهي شايله التلفون في يدها يا حليلها تعبانه

بعد يومين:-

اميره:خلاص فرشو بعد دا بكونو قربو يصلو

فرشت سراير الحوش وولعت البخور ودخلت جوا شويه كدا سمعنا صوت بوري عربات عمتو اميره شالت الدلوكه وروان ورها عشان تدق وهي تغني وانا ورقيه نزغرد بعد عملنا هيصه حتى نزلو ودخلو البيت وما شاء الله الحاجات ما تديك الدرب(صحي عرس المغتربين خمج سااي😂)

الشنط سته من اصغر مقاس لي اكبر واحد وتلاته طباقه بتاعت كريمات كل كريم جايبين منو خمسه(نتمسح كلنا😂) والدهب والقروش غير الريحه وشواويل السكر وشوالين طلح ما شاء الله بس شيله هناء دي ماف زول ما اتكلم بيها فتحو شنطه الملابس التياب تسعه مع انو رقيه قالت لينا اشترينا سته بس والجلبابات والبجامات والفساتين والعبايات حتى نحن اخواتها مشتري لينا فساتين بي طقمهم ولي ابوي جلابيه وعمه ومركوب نمر وطاقيه وعصايه غايتو بس ما شاء الله😍❤

بعد الناس مشيت قلت لي هناء راجلك دا ما بالغ معانا نحن البجي يتقدم لي لو ما سوى لي زيك ببكي😂قالت لي اي زول ورزقو وربنا كريم علينا كلنا💛تاني شالت تلفونها ودخلت جوا

على لسان هناء:-

بعد شفت حاجات الشيله الكتيره زياده عن اللزوم دي قلت اضرب لي يوسف اشاكلو لانو بي سببو ح يصعب لي باقي الناس العرس بي بعزقتو دي

-يوسف

يوسف:يا عيون يوسف

-دا شنو العملتو دا

=عملت شنو

-الشيله دي بالغت فيها كدا لي ما عارف البنات غيورات هسي الوحده بكره لو ما جابو ليها حاجات كتيره بتابى العرس وتقعد تحرس بيت ابوها

=والله دي مشكلتم انت مرتي وانا عملت العلي مع اني حاسي اني لسه مقصر تجاهك لكن الله يسهل علي واسوي ليك البتستاهلي

-تقصر في شنو يا يوسف ما فضل الا تجيب لي نجوم السماء😕

=ياريت لو اطول لانو ما تغلى عليك

-بتبالغ شديد

=ما ببالغ بعمل ليك البتستاهلي تتذكري قبل خمسه سنين قلت لي شنو؟

-ما متذكره😑

"فليكن لكل منا غرفه مغلقه يحتفظ فيها بكل ذكرى جميله مرت به اول شعر بها"

💜ابقوا عافيه💜