Ashari Jenesse Ferell's POV
Napuyat ako kagabi kaya naman masakit ang ulo ko at wala ako sa mood na bumangon.
1 pm na! Ang gumising pa sa akin e yung walang tigil na kumakatok sa pinto ng bahay. Wala nga ako sa mood kaya tamad na tamad kong binuksan ang pinto.
Sino ba yung katok ng katok? Kanina pa ayaw tumigil!
"May katok ka ba sa utak at ayaw mong tumigil sa kakakatok ha?" bungad ko pag bukas ko ng pinto!
Nagkunot ako ng noo ng makita na wala namang tao. Wala ni ha ni ho, kahit anino missing in action.
Agad kong kinalikot ang tenga ko, may mga tunog yata akong naririnig na hindi ko dapat marinig ah.
Multo ba 'yon?
Minumulto ako?
Tanghaling tapat?
Ashari patawa ka sa sarili mo noh?
Umiling ako at kinumbinsi ang sarili ko na walang multo kasi tanghali palang. Sunog ang multo sa init ng panahon! Isasara ko na sana ang pinto at papasok na sana ako sa loob ng bahay ng biglang may maliliit na kamay ang humawak sa dulo ng short ko.
Dahan dahan kong ibinaba ang tingin ko.
Susginoo!
Halos himatayin ako ng makita ang isang gusgusing bata na may bitbit na nangungutim din na teddy bear! Akala ko chanak, sisigaw na sana ako sa takot e buti nalang naamoy ko siya agad. Amoy imbornal!
Nahulog ba'to sa kanal?
"Hoy bata sino ka? Maligno ka ba?" tanong ko sa kaniya. Hindi niya ako sinagot, naka-angat lang siya ng tingin sa akin.
Nagtitigan kaming dalawa ng bata. Mukha siyang dalawa o tatlong gulang palang. Nasaan ba magulang nito? Bakit ganyan itsura niya? Ang baho na nga, ang dungis pa. Kahit sampong safe guard yata ibuhos dito hindi pa din e-effect e.
At higit sa lahat, bakit sa dinami dami ng bahay dito sa bahay pa namin 'to kumatok? Mukha bang welcoming bahay namin ng mga batang uhugin at gusgusin?
Nakipagpaligsahan ng titig sa akin yung bata! Sinamaan ko naman siya ng tingin.
Shooo! Umalis ka na!
Wala akong ipangpapakain sa'yo!
Ayaw magpakabog sa titigan ha!
Papalayasin ko na siya dahil bukod sa mukha siyang chanak e mukha din siyang malas. Ayokong magpasok ng kamalasan sa bahay noh!
"Shoo alis!" sita ko sa kaniya sabay palis ng maliliit niyang kamay na nakakapit sa shorts ko.
Ewwww! Nahawakan ko yung imbornal!
Humikbi naman 'yung bata at umiyak na nga! Wow umiiyak pala ang mga chanak?
Itutulak ko na sana siya paalis ng bigla niyang yakapin ang tuhod ko sabay sabi ng...
"Mamhaaaaaa!" bulol pa.
Wala na! Finish na, 'yung legs ko panay kanal na! YUCKKK!
18 na ako pero kapag ganitong puyat ako, pumapatol ako kahit batang hindi pa ipinapanganak!
MAMHA? As in MAMA WITH LETTER H?
MAMA NIYA MUKHA NIYA!
Kelan ako nagkaanak? Jowa nga wala ako! Virgin pa ako kaya MAMA NIYA MUKHA NIYA!
SINO BA MAGULANG NITONG CHANAK NA'TO HA? ISUSUPALPAL KO LANG SA KANIYA ANAK NIYANG AMOY IMBORNAL!!