عشقت انفاسك
تابع الحلقه 30 والاخيره
ولاء/ خشينا للفندق ملقيناش احمد وليلى
هشام **اكيد طالعين يدهورو ياعمري
ولاء ** باهي حبيبي شن رايك نحجزو نتعشو في مطعم
هشام ** فكره سمحه نغيرو جو تو نرن نحجز
ولاء ** وانا تو نرن علي ليلى نعطيها العلم
ليلى / طلعت انا واحمد
ليلى ** حبيبي نحنا وين توا
احمد ** هذا ياعمري شارع الملك
ليلى ** واااو منظرع يهبل اسس مريومه كنك
احمد ** هاتيها عندي انت حطي محمد في الكروسه مع زيزو
ليلى/ هو ماسك مريم وانا ندف في زياد ومحمد بالكروسه
احمد** بحتي لولو شارع الملك ، سموه هك نسبة للملك فريدريش الثاني، ملك فوتيمبيرغ بناه تقريبا من سنة 1806.
ليلى** اووووه حبيبي مثقف ويعرف حتى تاريخ البناء
احمد** مو ياعيوني حياتي كلها كانت برا بين فرنسا وبريطانيا والمانيا رحت خبره صقع عليك
/ درتلها حركه بحواجبي
ليلى / فتنا من جنب محل طلعت بنت لابسه شرت قصير وبلوزه مغطيه نص الشرت طلع معها شاب ودعاته بحضن وبوسه ع الخد ومشت
ليلى** طح سعدها هي وياه خزي كان يحقها باتها
احمد** هههههه تلاقي باتها قاعد جوا في المحل
ليلى** هههههه ولاء ترن
《☆☆☆》
احمد ** كنها
ليلى** قالت حجزت في مطعم هي وهشام وعازينا
احمد** باهي نمر نشوف قيس ونعدو
ليلى** ميدو بنقعدو لين يصح قيس
احمد** انت متبيش
ليلى** مش هكي بس واجد وانت شغلك
احمد** متخافيش مهني عليه وواخد ايجازه تلات شهور وبعدين لو انا موقفتش معاه قيس من بيوقف معاه مسكين معندش حد
ليلى** مش قصدي حبيبي وحتى انا بنوقف معاكم والي تبيه حاضر راحتك من راحتي
احمد** ربي يخليك ليا يااحن مرا في الدنيا
ليلى** ولاء اشبح شن قاللها الدكتور انحس بروحي مشغوله عليها
احمد** متخفيش هشام مهني عليها تي مسكين ضاغط علي روحه يخدم في تلات خدمات عشان مصروف علاجها
ليلى** ايه واضح يحبها
احمد ** وانا شن واضح عليا
ليلى ** اممم انت قصتك قصه
احمد** ووووه توا كنا كويسين
ليلى** هههههه كنك ياهبل الناس تبحت/ عيطها عيطه ونط
احمد ** شن قصتي احكي تكلمي بسرعه
ليلى** هههههه باهي هدي روحك بنقول كلام عادي را متخافش
احمد ** سمعينا
ليلى / قعمز جنبي حطيت راسي علي كتفه
ليلى** حبيبي انت اول ماجيت لليبيا وفرضو عليك اهلك تتزوجني كرهت حياتي حسيت بروحي انسانه عايشه ومش عايشه بعد الذل الي شفته مع خوك خلاص سلمت امري لله ومعاش قعدت ندور في روحي
دخلت انت حياتي في البدايه كنت دورش فيا لاصق في هناء وتراعي في مشاعرها الصراحه غرت منها لانها عندها راجل كيفك
حبيت انكون جزء من حياتك وقعدت كل يوم نتقرب منك اكتر
احمد / مسكت يدها ** خليني انا نكمل
حسيت بيك غير حسيت باانثي ضعيفه تبي من يمسكها من يدها ويوقفها علي كرعيها
كنت كل يوم نبات فيه عندك انحس بروحي مش انا انحس بااحمد جديد
حياتي تغيرت للافضل هذا / اشرت علي قلبي
** قعد يدق بطريقه غريبه
ضحكتك سحرتني وطيبت قلبك دوبتني
ليلى** ميدو
احمد** اعيون ميدو قلب ميدو شراين ميدو
ليلى** انحبك
احمد ** وانا نموت فيك هي نروحو ساد من الدوران
《☆☆☆》
يوسف ** هيا عاد
ساره ** اشويه بس
يوسف ** انا نزلت وخديت مريم معايا انت لحقي حبي
ساره / اليوم لمه في حوش هل يوسف ولد سلمى اخته نجح امتياز ودايرين جو حفله بسيطه
نزلت زحمممممه بكل ودوشه
ايه ** سرو تعالي نطلعو العصير انا وياك
ساره/ استغربت معاملتها عاديه معايا ولا كانه صاير شي
خشيت معاها للمطبخ طلعنا عصير وشكلاطه وقعدنا نضيفو
ايه ** خلاص الي في الحوش كلهم خدو طلعيه ليوسف نسابتنا في المربوعه
ساره ** هاك حبيبي
يوسف ** امسكي مريم هاك
ساره ** العشره هذي من من
يوسف ** هذا خليل راجل مروه حلف مقدرتش نرد حلفته دسيهلها نخدولها بيهن لعبه
ساره ** باهي في الليل نمشو لهلي
يوسف ** باهي عيوني ياسر كيف حاله
ساره ** تعبان بكل امي قالت من يوم طلقها وهو حابس روحه في شقته
يوسف ** تو نمر عليه حتى انا
ساره ** تسلملي يارب
يوسف ** خلاص عدي من قدامي راني ماسك روحي بالسيف شن اللون هذا يهبل عليك
ساره ** قصدك حلو حبيبي انا اول ماشريته معجبنيش لونه الروج هذا
يوسف ** لا يجنن يجنن تو بعدين نهدرزو ينادو عليا عيب طولت
خشيت
ساره / خشيت قعمزت جنب سلمى
ساره ** ان شاء الله كل عام من الاوائل
سلوى** ان شاء الله يارب
هند ** احسن حاجه صلوحه جاي يحب لقرايه حبيبي خالته
ايه ** ايه والله الواحد من غير شهادته الايام هذي ميلقى حد
سلوى** ايه والله انا نادمه اني مكملتش سرو انت امتى بتكملي
ساره ** مش عارفه والله بعد تزوجت وقفت بعدها الحمل وبعدين جياب سريب
ايه ** بس كملي احسنلك متلقي غير شهادتك
ساره ** حتى انا ليا ايام حطتها في راسي الفكره
ناضت ايه للمطبخ نضت وراها
ساره ** ايه انا
ايه / قطعت عليها وانا نبرم في المطبخ ** تعالي مديلي السفره وطلعي الصواني
ساره ** ايه اسمعيني
ايه ** انحطو في الكبابي هذينا ولا هذينا
ساره ** ايه كنك
ايه / برمت عليها القيتها تبكي
ايه ** كنك ياهبله ليش لبكاء تو مش وقته
ساره ** مو انت زعلانه مني ومتبيش تحكي معايا
تتهربي
ايه ** سرو اسكتي هاك اشربي اميه
ساره / شربت
** ايوته انا مش كيف ماانتي مفكره هو
ايه / قطعت عليها ** انت سرو مرات خويا العسل والقصه هذك تنسيها وانا نسيتها والانسان هذك خلاص نسيته وعرفته علي حقيقته
ساره ** كيف يعني
ايه ** نحكيلك بس متقوليش لحد حتي لسندس ولا ليوسف
مشيت صكرت باب المطبخ
ايه ** بعد القصه هذك رن عليا قعد يحكي ويبرر وانا صدقتك قدر يضحك عليا بكم كلمه
بعدها بيوم طلب مني طلب حقير فصلت عليه وهزبته قالي تعدي معايا شقت صاحبي وبعد هزبته قعد يبرر قالي مش قصدي وبعدها قعد يحكي عليك وفش كل الكلام وكيف كان يبحث فيك
ساره ** معقوله هكي قالي
ايه ** اها انا شاكه انه مش بوعيه كان
ساره ** يمكن بس خلاص صافي يالبن انا وياك
ايه ** حليب ياقشطه هههههه عدي ياقشطه راجل يبيك
ساره ** نعم اوفي
يوسف ** كن اعيونك هك باكيه
ساره / مسكت الكحل تحت اعيوني ** لا غير توضيت ساح بس
يوسف** باهي اقليبي هيا
ساره** ناكلو تورته بس
يوسف ** همك فبطنك هههههه
ساره ** هههههه
حطو تورته وطلعو لرجاله اشويه ورن عليا هيا اطلعي طلعت
يوسف / طول الطريق ماسك يدها واليد الاخر نسوق بيها
ساره ** اوفي
يوسف ** نعم
ساره ** اعيونه
يوسف ** ههههه ياستي اعيونه
ساره ** امممم قديش تحبني
يوسف ** بسم الله عليك كنك ساره حرارتك شن مرتفعه ولا كيف
ساره / حط يده علي جبهتي ** حول حول خلاص بنسكت مافيكش جو بكل
يوسف ** سرو زعلتي حي عليا مش قصدي كنت نتحنط بس حبيبي بحتي فيا ساره عاد را نرد بيك لشقه
ساره ** سألتك سؤال تبيش تجاوب خلاص بنسكت
يوسف / درست السياره وبحتت فيها ومسكت يديها بستهن
يوسف** وما بين حُبٍّ وحُبٍّ.. أُحبُّكِ أنتِ.. وما بين واحدةٍ ودَّعَتْني.. وواحدةٍ سوف تأتي.. أُفتِّشُ عنكِ هنا.. وهناكْ.. كأنَّ الزمانَ الوحيدَ زمانُكِ أنتِ.. كأنَّ جميعَ الوعود تصبُّ بعينيكِ أنتِ.. فكيف أُفسِّرُ هذا الشعورَ الذي يعتريني صباحَ مساءْ.. وكيف تمرّينَ بالبالِ، مثل الحمامةِ.. حينَ أكونُ بحَضْرة أحلى النساءْ
يوسف ** سرو كنك عاد ليش البكاء
ساره ** اوفي تحبني حقه
يوسف ** تي انحبك كلمه اشويه فيك انا عاشق متيم خلاص اسكتي را انديرها نرد بيك لشقه
ساره ** لا خلاص ها سكتت
يوسف ** وانت تحبيني زعما
ساره ** تي نمووووووت فيك
يوسف ** بطلي ياهبله الطريق اشوي خشينا في السياره
ساره ** هههههه راحن حمر مكان القرصه
يوسف / نزلت المرايه بحتت اخدودي حمررر
ساره ** هي حبيبي انت اركبله تو يفتحلك
《☆☆☆》
ياسر/من يوم طلقتها وانا نفس الحاله في شقتي حابس روحي وجوي شين امي تركب الغداء والعشاء وومرات ننزل ناكل عندهم دق الباب
يوسف ** انا ياياسر افتح
ياسر** اهلا كيف الحال ساره جت اكيد
يوسف** الحمدلله ايه قاعده لوطا
ياسر**كنها مركبت معاك
يوسف ** انا قتلها نبيك بروحك
ياسر** خير ان شاء الله تعال قعمز معليشي الحوش حايس
يوسف** حوش بلاش مرا كيف تبيه يكون كنك بحتت هكي ايه بنحكي معاك في الموضوع هذا
ياسر كنك طلقتها شن صاير بينكم كان مشكله بسيطه حرام تضيعو وتضيعو معاكم وليدكم احكي بالك تنحل
ياسر** مش بسيطه ومعاها حق واكثر انا احمار نستاهل
يوسف ** خطير لهدرجه الموضوع
ياسر** اسمع انا......
حكيتله
يوسف ** تبي الحق توقعتكش اديرها هذا حرام ياياسر انت هكي اشوي واتسميت زاني
والبنت هذي ربي يهديها منحسابش في بنات عندنا هكي تاريته الدنيا شينه
انت تو قبل ادور مراتك دور رضا ربي توب واطلب السماح منه انت صح انسان وتضعف
وربي غفور رحيم توب وشوف كيف ربي يهديك ويهديها ان شاء الله
(وَلَا تَقْرَبُوا الزِّنَا إِنَّهُ كَانَ فَاحِشَةً وَسَاءَ سَبِيلًا)
ياسر** مش عارف وين نمشي بوجهي منك متحشم بس مكنتش عارف انفكر كنت نصرف بلا تفكير انت راجل وتعرف كيف الراجل يضعف
انا في الفتره هذي كنت مضايق نفسيتي زيرو يايوسف كنت كل مانجي نقرب منها تصدني كانت تتحجج
يوسف ** ربي يهديك ويهديها / طبست راسي تحشمت باين عليه متاثر ويحكي بدون ميركز في كلامه
ياسر ** نمر عليك بكرا الجامع نقرا قران معاك
يوسف ** ايه ياياسر تقرب من ربي وحبه ربي يحبك
يوسف / روحنا
ساره ** بالله عليك هكي قالك خزي هذا ياسر العاقل
يوسف ** سرو عاد تخلينيش نندم اني حكيتلك
ساره ** مسكينه سمر محرها راجلك يخونك لا ومع من مع بنت حقيره واطيه
يوسف ** حبيبي قولي ان شاء الله ربي يهديهم
ساره ** حبي تو انا لو صار معايا زي سمر حملت وتوحمت عليك كرهتك وحرمتك ات
يوسف / سكتتها ببوسه علي فمها
يوسف ** مستحيل انديرها وانت مفروض تعرفيني مش محتاجه تسالي
سمر ** صح انا واثقه فيك
يوسف ** باهي نوضي ديري منه الي مبدري
سمر ** عجبك لونه
يوسف ** خياااال ايه هذا تعالي جنبي ياعسل
《☆☆☆》
احمد / مشيت لقيس
في المركز حالته معجبتنيش بس الدكتور طمني قالي يتعالج بسرعه ان شاء الله لانه ارادته قويه
طلب مني يكلم نهى من نقالي واخدين منه نقاله
سيبته يرن عليها
نهى / كيف باديه ننعس رن نقالي بحتت القيته رقم غريب مرديتش
دز رساله
( قليبي ردي انا قيس )
عاود رديت
نهى ** كيف حالك حبيبي
قيس ** اكويس وانتي
نهى ** من غيرك مش اكويسه
قيس ** رايفتلك حتى انا
نهى ** مش اكتر مني
قيس ** حكالك باتك وهشام
نهى ** اها قالي هشام في شاب متقدملك رن علي باتي ويبي يمسكك والعرس مزال
قيس ** وهما شن وافقو
نهى ** مبدأيا بابا موافق
قيس ** وانت
نهى ** هههههه اكيد
قيس ** ههههههه مافيش حشم بالخط العريض نبي نتزوج
نهى ** لانك انت بس كان شخص تاني را مستحيل نوافق وانقوللهم مزلت صغيره
قبس ** عارف عارف ونبصر هيا سلام بنصكر ينادو عليا
نهى ** رن مرا مرا سلام
《☆☆☆》
ولاء / وصلنا للمطعم قبلهم كان مطعم قاروين
لبناني الجو كان اكتر من هادي موسيقى فرنسيه هاديه وشموع قعمزنا علي طاوله فيها ورد طبيعي احمر
قعدت بحت ونبتسم زي الهبله
هشام ** كنك
ولاء ** هشومي الجو فضيع يجنن
هشام ** يعني عجبك
ولاء** وااااااااجد
هشام ** به حبيبي شعرك طلع دخليه
ولاء / دخلت شعري في الوشاح ** مو مستشورته ههههه
ليلى ** كبسه كنكم تضحكو ضحكونا معاكم
ولاء ** هييي طح سعدك رعشتيني ياكلبه
احمد / درتلها بصبعي** معلش لو سمحتي لو سمحتي مراتي مش كلبه
هشام ** معلش لو سمحتو لو سمحتو قعمزو الناس تبحت
ليلى / بحتت في احمد وبتسمت
ولاء / طبست علي ليلى ** كنكم طولتو
ليلى** يادوب غيرت لصغار وجهزت روحي
ولاء ** شن عجبك المطعم انا عن نفسي يجنن
ليلى** ايه والله جو مش عادي حي بحتي بحتي هذك شن لابسه
ولاء ** وووه طح سعدها شن مدرقه قفطان يدوب واصل لفخديها وعريان من الصدر
ليلى** لا لا خلي انوضو معندش راجل يقعد هنا انا
ولاء ** وانا معاك بروح بالدم نفديك يالولو هههه
ليلى ** تتحنطي ياوطيه نحكي جد انا هيا نوضي
احمد** كنكم انت وياها شن توشوشن بالشوي سمعنا
هشام ** اكيد يقرمن ههههههه ليبيات يابابا شن تبيهن يديرن
ولاء ** وكنهن الليبيات ياروحي مش مليات عينك ولا عجباتك هالعاريات الي تحق فيهن
هشام / طبست عليها حكيتلها بالشويه ** انبصر حبيبي كنك
احمد / بحتت في ليلى امتع كنها هذي
ليلى / ناضت الفرخه فاتت من جنبنا وزاد وضح قفطانها بكلللل يسلخ الوجه تحشمت قدام هشام
ولاء ** هي لولو نوضي
ليلى ** ناخد اعيالي بس
احمد ** تي كنكم الزح شن في فهموني
هشام ** ولاء كنكم شن في في شي زاعجكم احكي
ولاء / طلعت انا وليلى وهما ورانا
احمد / مسكت ليلى من يدها فنصت فيها
احمد ** عيب عليك شن حركات المراهقين هذينا الراجل عازمنا هكي اتخربو عليه الجو انت واختك
ليلى ** اييي احمد كنك حول يدي
احمد / فطنت لروحي ضاغط عليها بالقوه سيبتها
ليلى ** بحت ها شوف هذا عليش طلعنا درهتنا كبدنا
احمد / بحتت القيت الفرخه المانيه لابسه عريان قعدت نضحك مسكت اجنابي جا هشام يتسهوك
هشام ** عرفت كنهن قالبات وجوهن
احمد** هههههههه الصفره
هشام ** هههههه ايه الصفره
ليلى ** احمد / فنصت فيه
هشام ** حي علي امك ولعت ههههه
ولاء ** هشاااام
احمد ** هههههه خودلك حتى انت هي
هشام ** نعم
ولاء ** انغيرو المطعم ولا نروحو اختار
احمد ** ههههههه
ليلى ** اضحك انت عاجبك الجو صح
احمد ** شن قصتك انت واختك امتحان هو اختار وصح وغلط
ليلى ** انقوللكم حاجه ناخدو عشانا ونمشو نتعشو ع الشط
احمد ** فكره اتجنن
هشام ** موافق
ولاء ** باهي بس كان القينا زي هكي بنروحو
هشام ** كنك ولاء عاد المانيا امعبيه هكي الناس هكي لبسها هنا
احمد ** هشام خلاص اصلا البحر تو فاضي اكيد ليل
《☆☆☆》
وصلنا للبحر فرشنا قطعت فرشه وقعمزنا قعدنا ناكلو بيتزا ومشروب وهمبرقر
ليلى **باهي الدكتور طمنكم
هشام ** لا الحمد لله انحس بروحي متريح وانت احمد شن صار في قيس
احمد / فمي كان معبي مقدرتش نحكي قعدت ناشر بيدي شرقت
ليلى **بسم الله كنك حبيبي بالشويه عليك
احمد / فنصت فيها
ولاء / طبست علي هشام ** نوض خليهم ياخدو راحتهم وخلينا نتمشو ع الشط
احمد / ناضت ولاء وهشام يتمشو
ليلى / قعدت نراجي في الهزيبه** مش قصدي والله طلعت من فمي بدون مانركز
احمد ** تعالي قربي
ليلى ** ميدو اسفه
احمد ** قتلك قربي
ليلى / قربت راسي
احمد ** تبي اتهبليني انتي كنك لولو عاد ركزي عيب را
ليلى ** اخر مرا
احمد ** باهي نوضي نتمشو
ليلى ** والصغار ياحظي اقعد اقعد مش وجه تمشاي نحنا
احمد* استني اشوي
ليلى / مشي ورد يبتسم ** كنك
احمد / رفعت مريم راقده وحطيت محمد وزياد في الكروسه
ليلى ** وين رافعهم
احمد ** حجزت دار هنا هههههه
ليلى ** لا لا كذاب
احمد** ليلى
ليلى ** اسفه اسفه
احمد ** ورايا
ليلى / مشيت وراها خشينا لدار حط العيال راقدين
وطلعنا تمشينا
هشام ** هي تروحو ساد
احمد ** انتم روحو نحنا حاجزين
هشام ** لا لا وكنه احني حتى انا بنحجز
احمد ** شيك اعياب الزح
ليلى ** اسسس ميدو عيب
احمد** عادي مسمعونيش عدو هما بعدين انبصر
هيا خشي ساد
ليلى / خشيت العيال راقدين ع السرير
احمد** افففف السرير ضيق ها هنا في فراش نرقدو لوطا نحنا وخلاص
ليلى** هات نفرش / حطيتها جنب الصغار فراش واحد كبير
احمد/ قلعت قميصي وارتميت ع الفراش
ليلى ** وسع اشوي
احمد ** ها وسعت غير تعالي
ليلى/ لصقت فيه
احمد ** لولو
ليلى ** اعيونها
احمد ** انحبك
ليلى ** حتى انا
احمد** باهي عمري خلي ثقتك فيا اكبر من هكي انا مستحيل نبحت في غيرك الحركه الي امبدري مش حلوه بكللل
ليلى ** اسسسسسفه مش قصدي
احمد** وانا مسسسسسسامحك قلق الجاكه حوليها
ليلى / كنت لابسه قفطان فوقه جاكه حولتها
احمد** هكي احسن فكي شعرك كنك قاشطيه هكي
ليلى ** لا خليه حبيبي يضايقني
احمد ** لا لا انا نبيه مفرود ويغطي وجي وجهك
/ فردتهلها ونزلت عليها واااااااااا
《☆☆☆》
سمر / اصعب ايام حياتي يمرن عليا عمري ماتخيلت ان ممكن نبعد عليه دقيقه
انحس بروحي مخنوقه بدونه انحس بالدنيا سوده قدامي
ياسر / قعدت كل يوم نصلي في الجامع ونقرا بعد كل صلاه عشر صفاحي من المصحف انحس براحه اول مره انحس بيها
انحس بالدنيا غير تو في عيوني معاش نبي شي الا راض ربي عليا ونبيها هي وولدي
اليوم نبي نمشي نشوف وليدي
ولعت السياره رن يوسف رديت
يوسف ** ها وين
ياسر ** ماشي اهاااااااااااااا
يوسف ** ياسر ياسر كنك الو الو الو
يوسف / صمت صوت سياره وكانه دار حادث وفعلا اشويه ورنيت مرا اخره رد واحد قالي ان داير حادث ورافعينه لمستشفى ال....
مشيتله بدون منخبر حد القيته في العمليات
رديت خبرت اهلي وركبت لساره
ساره ** حبيبي كنك راد بدري اليوم
يوسف ** اعيوني انت مؤمنه وتخافي ربي صح
ساره **صح شن في يوسف
يوسف ** ساره قول مايصيبنا الا ماكتبه الله لنا
ساره ** يوسف كنك شن في خوفتني
يوسف ** ياسر خوك دار حادث وتو في العمليات
ساره ** لا اله الا الله لا اله الا الله
قعدت نعيط ونقول لا اله الا الله ووندعي وخلاص رفعني للمستشفى ومشي جاب هلي انقلبت المستشفى اعياط امي وخواتي ونسوان خوتي وخوتي
كلهم خايفين عليه ياسر خوي الحنين صح عصبي وواعر بس طيب ومفش منه
ساره ** يارب خود من عمري واعطيه يارب رده لينا اصحيح منقدرش انعيش بلاه اوخي ياناعليا
يوسف ** اس ياساره حرام عليك ادعيله
ام ياسر ** ياربي اشفيه ربي يرده لنا ومايحرمنا منه ندر عليا اصيام اتنين وخميس لين ربي يخد امانته
يوسف ** اهدي ياعمتي مش هكي
《☆☆☆》
احمد ** لا حول ولا قوة الا بالله وكيف حاله توا
يوسف** قاعد في العمليات
احمد ** يصير اي شي رن عليا
ليلى ** كنك شن صاير
احمد** ياسر داير حادث
ليلى ** ياناعليا ان شاء الله ربي يشفيه
احمد** نوضي حبيبي البسي نردو للفندق ورني علي ولاء يروحو معانا
ليلى / طلع احمد يسخن في السياره لبست ورنيت علي سمر نبي نسال علي ياسر
سمر ** الو
ليلى** الو سمر كيف حالك توا ان شاء الله اكويسه
سمر ** الحمد لله
ليلى ** مترعشيش روحك وان شاء الله ينوض صحيح
سمر / مفهمتش شي منها في اللحظه هذي خش حسام وجه اصفر جا شوري من الرعشه سكرت علي ليلى
حسام ** سمر راجلك مقلوبه بيه السياره وفي العمليات
سمر سمر كنك سمر اميييي الحقي
《☆☆☆》
زينب / ركب يجري خدي مفاتيحه
زينب ** خبرتها
حسام ** خبرتها وداخت تو فطنت تعيط وتخبط تبي تمشيله رافعها
هديل ** سوق بالشويه
حسام ** ان شاء الله
زينب ** رن طمني
حسام ** تمام يلي باي
زينب / طلع حسام خشيت درت تحليل وطلعت حامل مبيتش نخبرها نزلت لوطه وانا برمت ع الشقه
《☆☆☆》
سمر / نمشي في الممرات الدنيا سوده قدامي ليش ياربي ليش هو
ياريتني انا بداله منقدرش نتنفس بدونه بحت لحالي يرب وكون معايا يارب اشفيه
وصلت لعميمه ضبطتها وقعدت نعيط بصوت عالي
ساره ** شوفي شن صار فيه ياسوسو ياناعلي خويا بيضيع مني
سمر ** اه ياربي خودني بداله خود من عمري واعطيه
يوسف / نتيت فيهن ** اسكتي انت وياها عيب الناس تبحت
ساره / طبست راسي وسكتت
طلع الدكتور مشاله يوسف وخوته
يوسف ** ناض الحمد لله بس يبي راحه
ساره ** نبي نشوفه
يوسف ** الدكتور قال عشر دقايق بس
ام ياسر ** خشي سمر معانا تو يفرح بيك
سمر / خشيت انا واعميمه وساره
ام ياسر ** الحمدلله علي سلامتك خوفتنا
ساره ** الحمدلله علي سلامتك يااوخي
ياسر / كيف طالع من العمليه نفس ضايق والحركه صعبه ** الله يسلمكن
سمر ** الحمد لله علي سلامتك
ياسر / كنت بارم وجي ناحية امي وساره جاني صوتها برمت القيتها هي سمر
ابتسمتلها
ياسر ** الله يسلمك
سمر ** خوفتني عليك / قعدت نبكي
ياسر ** هشششش خلاص انا قدامك سمر خلاص ياهبله
ساره ** امي تعالي برا اشويه نبيك
ياسر ** خفتي عليا حقه
سمر ** اكيد حبيبي متت خوف
ياسر ** الله حبيبي من زماااان عليها
سمر ** انت حبيبي وزوجي وبات ولدي مو هذا كلامك ليا
ياسر ** اها صح يعني نطلع من المستشفى نقرو الفاتحه
سمر ** نبي اندير عرس تاني ههههه
ياسر ** علي الحال هذا اقعدي عند هلك ههههه
سمر ** خزي حول
ياسر / مسكتها مع يدها ** قربي عطيني احبيبه نصح طوووول
سمر ** بعد الفاتحه حبيبي تو الا
ياسر ** يغني تتغلي عليا
سمر ** شي زي هكي
الدكتور ** معلش مدام هلاص اطلعي
ياسر / طلعت سمر والدكتور قالي علي حالتي واني معاش نقدر نمشي صارلي شلل في كرعيا
انحس فيه عقاب من ربي او امتحان قلت لاحول ولاقوة الا بالله وخلاص قتله اطلع خبرهم طلع اشويه وسمعت اعياطهم اتقول قالولهم ياسر مات
《☆☆☆》
بعد مرور 4 شهور
سمر ** سروووو وينك تعالي لفرختك
ياسر ** حبيبي خليها ادير في قهوه جيبيها ليا حبيبت خالها
سمر ** حبيبي واعر عليك
ياسر ** سمر قتلك حطيها في حجري انا مش معاق لدرجه هذي
سمر ** مش قصدي
ياسر ** عارف اعيوني عارف وحتى انا مش قصدي نعلي صوتي
ساره ** هاكنك كنك من الصبح تنادي عليا هتيها فرختي
ياسر ** ههههههه بالشويه ياهبله وين القهوه
ساره ** سوسو السفره قاعده في المطبخ جيبيها واتيه
ياسر ** لا لا انا مراتي واعر عليها ههههه
ساره ** خزي واختك تملح
سمر ** يبصر متخديش علي كلامه
ساره ** انا في الدار داخل
ياسر ** سرو وين زعلتي ولا شن تعالي تعالي افف مشت
سمر ** تي اسكت ياهبل واضحه البنت جعانه تبي ترضعها
ياسر ** نبي نطلع لجنان طلعيني
سمر / دفيته بالكروسه طلعته لجنان
ياسر / تنهدت
سمر ** كنك حبي
ياسر ** حاس بروحي ضلمتك معايا
سمر ** بتعاود نفس الاسطوانا اسكت احسلك
ياسر ** تقدري اتكملي حياتك مع واحد مقعد تقدري اتعي
سمر / قطعت عليه
سمر ** نقدر نقدر انت غير اسكت انت واشرب قهوتك را نشربها انا
ياسر ** ههههه هبله وحق ربي
سمر ** في الليل عندك موعد مع الدكتور
ياسر ** اها حبيبي نبي نتريح نادي معاد يركبني لشقه
《☆☆☆》
ياسر / ركبت تمددت ع السرير
سمر / لبست روب قصير وخشيت جنبه
ياسر ** اول مرا انشوفه
سمر ** شاريته جديد هههههه
ياسر / نزلت علي رقبتها ** انحبك / ونزلت علي فمها ** ونموت فيك
《☆☆☆》
ولاء ** هشاااام
هشام / اخخخخخ اخخخ
ولاء ** نووووض جيبلي شكلاطه وفستق
هشام** راقد
ولاء ** قتلك نوض توا توا
هشام / رفعت راسي من تحت المخده واقفه واحطه يديها في وسطها وقالبه وجها زي البيبي
جيت حطيت يدي علي بطنها
هشام ** عشان حبيب باته حاضر تو نجيب بس انت كلبه متستهليش خزي نوضتيني من عزم نومي
ولاء ** انا كلبه باهي
هشام / عضتني ** اييييي عنجد وجك واعره
ولاء ** مو كلبه خود مايجيك منها الكلبه
هشام** احلى كلبه في الدنيا ايييي ساد ولاء عاد قطعتيني عض
ولاء ** ييي هذي جاتك واعره اشوي عدت لحمتك ففمي
هشام ** خزي اكلة لحوم البشر هههههه
ولاء ** لا زودتها حول خلاص ننزل لعميمه نطلب منها
هشام ** تعالي هن وين هاربه / نزلت علي رقبتها
ولاء ** اييي كنك هشام
هشام ** هههههه حتى انا اكل لحوم بشر واااااا
《☆☆☆》
هشام ** انا نازل وانت تطلعيش شعرك اميه جفيفيه قبل ورد بالك من وليدي ماشي نجيبله الفستق والشكلاطه
ولاء ** باهي مطولش
هشام / طلعت شريت ورديت عطيتهلها
الحمد لله ربي لطف بحالي وبحت فيا انا وياها بعد تعب وعنا شهور من مستشفى لمستشفى صحت ولاء من المرض وتو حامل
بس في كابوس رجوع المرض لان الدكتور قالي احتتمال يرد
ولاء ** العشيه عازمتنا امي ع العشي
هشام ** عشي نمشو حتى في الليل
ولاء ** مو بنسادعها انا وليلى
《☆☆☆》
قيس ** افتحي فايبر تو
نهى ** باهي ارجى اشويه
نهى / فتحت بعتلي صور غرف نوم ودواليب مطبخ وكتبلي اختاري
رنيت عليه
نهى ** اتحسها الصوره التانيه حلوه
قيس ** حتى انا قلتها
نهى ** والدولاب اختار انت عادي ذوقك حلو
قيس ** يبقى ناخد الداكن باهي
نهى ** باهي انت وين تو
قيس ** في شقتنا
نهى ** شن ادير
قيس ** نهى خلاص ماضي ونتهي وانا مستحيل نرد لوجيج هذك بعد نا تخلصت منه
نهى ** باهي باتي قالي جاين الاسبوع الجاي حقه
قيس ** ههههه حقه ياخوافه بنلبسك الدبله
نهى ** قلبي يدق من تو
قيس ** متخفيش اعيوني نجاة ومرات باتي وخواتي الصغيرات مفش شي يخوف بس اسمعي رقي روحك را
نهى** حاضر
قيس ** باتي ينادي عليا بعدين نرن عليك
قيس / نزلتله مدلي افلوس وقالي هذين اشري بيهن الدبله
نقنا حياتي تغيرت تصالحت انا وياه بعد روحت من المانيا خش فيها الشيخ يوسف وصفن القلوب
《☆☆☆》
احمد ** ليلى خليني نغيرله انا
ليلى ** هههههه مانصدق انا هاك الحفوظه
احمد ** اففف شن هذا كله
ليلى ** ياحبيب مامه بطونك توجع فيك نرفعوه مراجعه حبيبي باهي
احمد ** باهي ياعمري ساعه 6نمشو
ليلى ** حي عليك حي بحت فيهم كيف واقين
يبحتو غيره بتاكلهم هههههه
احمد / بحتت فيهم زياد ومحمد ومريم واقفين علي باب الدار ويبحتو فيا ويكشخو مش عاجبهم نغير لسند ونلعب فيه
ليلى ** حبيبي عدي امسكهم ولعبهم نبيهمش يكرهوو خوهم خليك عادل معاهم
احمد ** لا عادل لا مصطفى انا احمد وبنقعد طول عمري احمد ههههه
ليلى ** هه هه هه بايخه تعالو حبايب مامه
/ جوني حضنتهم
** بابا يغير لسند ويلعب معانا تمام ياروحي
مريم ** تمام
احمد ** هووو انا جيت من يبي يركب الجمل / طبست علي ركبا
ليلى / حطيت محمد علي ظهره قعد يمشي بيه وبعدها مريم وزياد قلبو الدنيا دوشه وضحك لين تعبو ورقدو
احمد** عنجد وجوهم تعبوني زي امهم متعبين
ليلى ** حرام عليك تو انا متعبه
احمد / نزلت علي فمها** خلي انجربو توا وااااا
《☆☆☆》
حسام ** زينب هديل هيا العرس كمل وانتن تتمكيجن بالشوي عليكن
هديل ** اخر حاجه روج بس
زينب ** وانا نلبس عبايتي ونطلع
حسام ** طلعات تهبلن انتن الزوز / طبست علي ودن زينب ** بس اكيد انت احلى
هيا عاااد نمشي ونسيبكن را
زينب / مشينا لعرس جيرانهم
هديل ** زينب انا بنخش للحمام منطولش
زينب ** تمام
هديل/ مشيت للحمام وخليت النقال
زينب / وصلتها رساله في الاول طنشت بعدين فتحتها
( اهلا هدوله انا مندر رايفت عليك وخاطري نشوف وليدي رني عليا نتفاهمو )
انصدمت كاتب وليدي معقوله الا انفكر فيه صح معقوله خالد مش ولد حسام
خديت الرقم ومسحت الرساله
تمت بحمدالله 😊
يتبع الجزء التاني
مع تحياتي صفاء عبدالله
ان شاء الله نالة اعجابكم
انتضرو الجزء2 ورواية هلا بريحة هلي قريبا 😚😘