عشقت انفاسك
الحلقه 28
هشام / طلبت من باتي فلوس قالي تو وضعي ميسمحش وفلوس خواتك منقدرش نمسهن مجمع مبلغ اكويس لنهى وسهى نعرسهن بيه
قعدت نخدم مع مالك في محل مواد غدائيه في العشيه ونخدم علي سياره في الليل
خلاص موعد سفرتنا قريب ولازم نجمع اشوية فلوس
اليوم تعبت واجد روحت الساعه 12 في الليل خشيت علي امي فتحتلي سهى مشفشفه
هشام ** راقده امالا
سهى ** ايه كنت راقده انت كنك جاينه
هشام ** قلت نمر عليكم اليوم مشفتش امي
سهى ** امك في سابع حلمه وبعدين حتى هي قالت تبي اتشوفك قبل رايح تختفى واجد
هشام / خشيت للمطبخ ** تعالي في شئ ناكله جعان
سهى ** اركب لمرتك
هشام ** حرام نبيش نتعبها ههههه
سهى ** وتعب اختك عادي
هشام ** خلاص منبيش بكل خزي
سهى ** خلاص هي اطلع خلي نسكر وراك الباب
هشام ** وين اختك رقدت
سهى ** ايه
هشام ** تعشت
سهى ** ايه
هشام **فتحتلها امي الباب كيف ماقلتلها
سهى ** ايه
هشام** النقال متعطولهاش را وانت هاتي نقالك اشويه
سهى / نقالي عند نهى تغير وجي راح الوان الوان
سهى ** مش عارفه وين حطيته
هشام ** رد بالك تلعبي بديلك حتى انت را هذيك الوقت تتغير معاملتي معاك زي ماتغيرت مع اختك
نحسابها جو احترام وقرايه طلعت تكلملي في واحد حشاش
هشام / طلعت ركبت شقتي
ولاء/ قعدت نراجي فيه في الصاله افففف نعست خداني النوم
اشويه فطنت حسيت بيه رافعني
هشام ** حبي كنك راقده هنا مريضه اتحس في شئ
ولاء ** كنت نستني فيك نعست وخداني النوم
هشام / حطيتها ع السرير وغطيتها ومشيت لدولاب طلعت بجامتي وغيرت ومشيت للمطبخ
فتحت التلاجه خديت تفاحه غسلتها ورجعت لدار
ولاء ** حبيبي جيبلي حتى انا سهفتني
هشام / جبتلها وطلعت اللاب تب من الدولاب
هشام ** الشبكه وين
ولاء ** تو نجيبها
ولاء / نضت طلعتها وشغلتها وجت قعمزت جنبه
خش علي ايميله ع الفيس حطيت راسي علي كتفه وقعدت نتفرج عليه عادي فاتح ايميله قدامي
يعني سريب زمان خلاص مافيش شئ داسه عليا
هشام ** ههههههه في وحده معلقه علي صورتي
ولاء / نطيت ** درلها حظر
هشام ** وشن نحصل
ولاء ** هاته نديرلها انا / وخديته خشيت علي صورته الشخصيه
في وحده دايره وجه فيه قلوب وماتبه ان شاء ربي يحفظك درتلها حظر
ولاء ** خلاص هاك
هشام ** ههههههه نجيها ياربي الي تغار عليا
ولاء ** حبيبي عيونك ارهاق
هشام ** اها تعبان اعميري
ولاء ** به حول هذا/ حولت اللاب
ولاء ** وتسطح ندلكلك راسك غمض اعيونك
ولاء ** حبيبي نحكي عادي
هشام ** خير ان شاء الله
ولاء ** وين تمشي الايام هذي رايح تختفي واجد
هشام ** امم تحقيق هو ههههههه
ولاء ** هيا عاد
هشام** نخدم
ولاء ** تعب في روحك واجد بعدين مش ناقصنه شئ
هشام ** به معاش نتعب روحي واجد طفي الضي بنرقد
ولاء / طفيت الضئ وفتحت ايميلي
القيت دكتوري باعتلي ( تعالي بعد اسبوعين نبدو علاج )
بعتتله (حاليا بناجل الجيه بس ياريت هشام ميعرفش )
عارفه انه كعنداش فلوس لسفره سمعته يحكي هو وعمي
طفيت النت ورقدت
《☆☆☆》
ليلى / مشيت نسأل علي ام ياسر
خشيت عليهم سلمت وطمنت عليها
ليلى ** سمر كيف حالك وكيف حال جود.
سمر ** الحمد لله انت كيف حال الصغار كنك مجبتيهم
ليلى ** خليتهم مع باتهم
سمر ** ربي يحفظهم وتجيبي وتنوضي اصحيحه
ليلى ** قتلك انا ناويه نمشي نبارك لساره تمشي معايا
سمر ** ايه به امتى
ليلى ** بكره
سمر ** خلاص تم
ليلى ** كيف حال عرسانه
سمر ** هههه اكويسين ميقعدوش في حوش بكل ديمه طالعين
سمر / روحت ليلى ركبت شقتي ركب ورايا
ياسر / بعد عرفت بموضوعي كانت ناويه تسيبني بس بعد مرضت امي والدكتور قال رد بالكم علي صحتها ومترعشوهاش اجلت الموضوع
سمر / طلعتله مخده وغطاء ورميتهله في الصاله
وخشيت الدار وسكرت الباب ورايا
ياسر / مشيت قعمزت جنب الباب
ياسر ** تناديك رغبت المقابيل من الارض وانت بالمجره تهادي علي غسنن من الليل وتمادي علي القلب ومقره ترا كل هالدنيا تساهيل مدام اننه بنعيش مره تلدين وتزين التعاليل تصدين وتصد المسره
سمر / قعد يغني في غنية ماجد المهندس صوته سمح
سمر ** ريح روحك وارقد
ياسر ** احبك موت كلمه مالها تفسير ولين اليوم مدري كيف افسرها لاني من عرفتك وانا حسك غير متل روحا لقت روحا تدورها
سمر ** ارقد ياحاله متعب روحك ع الفاضي خلاص يومين تلاته وتطلقني
ياسر ** لا ياحبيبي لاااااا ندتلك وانت مسمتعتش
ندتلك
سمر ** يااااسر خلاص اسكت ازعاج بنرقد
ياسر ** مافي نوم بعد اليوم مافي نوم الي جمبك حبيبي انا مارح كن بدي بدي جن وشوف السماء اقريبه
سمر ** جن يكسر رقبتك بنرررررقددددد
ياسر ** سوسو افتحي الباب نحكو بس حبيبي
سمر ** اسمع ياسر لو عندك امل 1في الميه اني ممكن انسامحك فحوله لاني مستحيل نسامحك سمعت مستحيل
ياسر ** به نحبك تصبحي علي خير / ومشيت لصاله
سمر / خلاص خديت قراري مستحيل نقعد معاه الا الخيانه منقدرش نسامح عليها
نرجع حوش اهلي نربي ولدي ونشتغل بشهادتي
ونكون مستقبلي ولا عاد في حب لا غيره خلاص بنعفس علي قلبي وبنكمل حياتي
بروحي
ياسر / قعدت نتقلب علي الفراش
الحقيره موده مستحيل نفوتها هك هنرجع المطعم ونخليها تندم ع اليوم الي فكرت فيه تلعب عليا
سمعتها فتحت الباب نضت نجري خشت للحمام قعدت واقف نستنى فيها
طلعت
ياسر ** حبيبي بحتي فيا
سمر ** ياسر حول ايديك
ياسر/ قربت عند ودنها همستلها ** مش ياسر انا يسو حبيبك وروحك وقلبك وزوجك وبات ولدك وانت سوسو قليبي وعشقي ونصي وكبيدتي وام عيالي
سمر / يتنفس في ودني دبت معاه
ياسر / حاس بيها بدت تحن وتنسجم معايا رفعت يدي حطيتها علي وسطها قربتها ليا** انا من غيرك انموت يسو من غير سمر ينتهي يجن يهبل
سمر ** ياسر خلاص بعد
ياسر ** لا مش خلاص سوسو اسمعيني انحبك انحبك انموت فيك انت قلبي/نزلت كتف الروب وبستها علي كتفها **وروحي/بستها اخره **وعمري / جت بنبوسها دفتني
سمر / مش عارفه كيف قعدت منسجمه معاه بس بعدين فطنت دفيته
سمر** تصبح علي خير / خشيت وسكرت الباب
《☆☆☆》
نهى ** اممم بعدين غسلت ماعين الغدئ
قيس ** به بعدين
نهى ** قيلت هههههه
قيس ** وبعدين
نهى ** نضت درت قهوه شربت مع ماما وجيت كلمتك
قيس ** كلمتي من
نهى ** كلمتك انت
قيس ** امبه من انا
نهى ** اه حبيبي ونور اعيوني
قيس ** نجي سنفورتي نونو اسمعي
نهى ** نعم
قيس ** نبي ندزلك نقال نقال سهى مرات تاخد فيه وانا نقعد محروم من صوتك هك حرام
نهى ** ايه حتى انا كترت عليها
قيس ** يعني ندز ههههه
نهى ** دز ههههه بس حبيبي كيف ومع من
قيس ** مع نجاة بكرا يوصلك
نهى ** تم قيسو خلاص بنسكر
قيس ** امووووه سكري
نهى / سكرت من قيس رنيت علي نجاة
نهى ** شن صار
نجاة ** كلمت عمتي وهي تو بتقول لولدها هو كان في فرنسا مرات يطلع بيه يعالجه
نهى ** ان شاء الله
قيس / سكرت من نهى قعدت ندور بالسياره معايا جرعه بس نبيش ناخد بنحاول عشانهن نهى ونجاة
خلاص وجي قعد يصب عرق ايديا يرعشن درست وخديت حبه
رن نقالي آحمد ولد عمتي
آحمد ** ها قيس كيف حالك
قيس ** تمام وانت
آحمد ** اكويس قتلك تعال حوشنا نبيك
قيس ** تو
آحمد ** ايه تو
قيس ** به
آحمد ** لولو صوته مش طبيعي شكله واخد جرعه تو
ليلى ** ياروحي حرام نجاة كلمت تبكي
آحمد **قيس ولد طيب غير كيف بس صار فيه هك
لولو لمي العيال وعدي حوش اهلي نبي نحكي معاه بروحنا
عدت ليلى اشويه وجا يدروخ وعيونه حمر
قيس ** خير حمادي
آحمد ** خير قيسو كنك مريض
قيس ** لا مافي شئ
احمد ** تعال تعال قعمز هنا نديرلك قهوه
قيس ** لا لا متدورش كنك شن تبي
آحمد ** انت كنك شن صاير معاك ليك قريب شهر مسيب الحوش
قيس ** هك مشاكل خالك وتعرفه راجل نكدي ومتع مشاكل
احمد** صح خالي صعب بس هذا ميعنيش انك تاخذ وجك وتدور في الشوارع وتصيع
قيس ** خلاص سكر ع الموضوع فكني
أحمد / مسك نقاله اعيونه بيتغمضن خلاص يقاوم مقاومه
احمد ** بمن تبي تتصل
قيس ** هههههه كبيدتي
احمد / تي خلاص الولد رايح فيها اعيونه ودبشه ريحته متغيرررررر مش قيس الاول الي يحب يلبس وتشم عليه احلى ريحه مسك نقاله وطلع للبلكونه يمشي مش تابت
انا مشيت نديرله في قهوه نبيه يصحصح
نهى / كنت مكسده نقرض مع امي في الخضره بتدير عصبان سهى جتني وشوشتلي
سهى ** هاك البلي امتاعك يرن
نهى ** متقوليش عليه بلي
سهى ** تي امسكي وبلاش نفخ
نهى ** تسللت بالشويه مشيت داري
نهى ** ها قيسو
قيس ** اعيوووووووني كنك طولتي بش رديتي
نهى / يحكي بصوت عالي وكلامه مش مفهوم عرفته مش طبيعي
نهى ** قيس سكر تو نبيش نكلمك
قيس ** لا لا كلميني كني مافي شئ را ههههه
نهى ** قيس مش وعدتني اتسيب السم هذا
قيس ** هههههه وعدتك من انا امتى
نهى ** قيس خلاص بنسكر وانت عدي اغسل وجك واشرب قهوه
قيس ** به كنك تبكي معاش تبكي نونتي
نهى ** قيس انا نحبك ومنبيكش تريح هكي
قيس ** وانا نموت فيك تعرفي شريته النقال وبكره نبعته به قليبي
خلاص معاش تبكي تو نعدي نغسل وجي ونشرب قهوه غير اسكتي عمري باهي
نهى ** باهي
قيس ** نكلمك بعدين ردي عليا
نهى ** خلاص سلام
احمد / خش من البلكونه وخش للحمام ولع الدش ونزل راسه خشيت عليه
احمد ** قيس كنك
قعد يبكي
قيس ** نبي نوعى خليتها تبكي رعشتها يااحمد
احمد ** به اغسل وجك وتعال اشرب قهوه
طلع شرب قهوه خديت جاكته فتشتها وطلعت كيس بودره طبس راسه
احمد ** قيس بحت فيا قتلك بحت انا
اسمع هذا يدمر حياتك اولا بحت فروحك رايح متشرد شعر مغفغف ودبشك حاله
تضيع روحك باهالسم تي كنت اكويس تقرا علي حالك وتخدم وامورك اكويسه شن دخلك للمخشيش هذينا كيف صار فهمني
قيس ** ولاد حرام مرا قلت لواحد راسي مدلي حبه وانا خديتها بدون منعرف شن هي نحسابها مسكن طلع مخدرات و قعدو يعطوني فيهن بالبلاش لين ادمنت وتو يبو فلوس
احمد ** لا حول ولا قوة الا بالله ربي يهديهم ان شاء الله بس انت ياقيس لازم توقف عشان حياتك عشان نجاة تي عشان كبيدتك الي باين انك اتحبها ومتحملتش دموعها غسلت وجك
را مستحيل ترضى بيك وانت بالحاله هذي
مستحيل تكمل حياتها مع واحد مدمن
قيس ** نبي نسيب بس مش عارف
كيف
احمد ** مركز
قيس ** مركز شن
احمد ** تبدي علاج في مركز وتفتك من هالسريب
برا في مركز اكويس نسفرك وكان تبي نسافر معاك وتبدئ علاج
قيس ** نسافر ونسيب نجاة
احمد ** نجاة خلاص بتتزوج بعد كم يوم
قيس** مش موافقه
احمد ** كيف صار
قيس ** قالت واحد من يالا معارف باتي ونفس النسخه
احمد ** تي نعرفه عبدالعزيز ولد ممتاز خلي منه الموضوع هذا تو انا نتفاهم معاها نجاة انت اشقى بروحك تو
نوض ادوش وغير دبشك وخلي نرفعك للحلاق
قيس **طلعلي دبش منك هههههه
احمد ** به ههههه تتذكرى ايام زمان وقت كنا صغار كنت نتعارك انا وياك لما تجينه وتبل دبشك اميه امك كانت تاخد من دبشي وتلبسلك وكنت نعارك ونت عليك
قيس ** هههه ايه يقعد وجك احمر وحواجبك مقرونات في بعض وامي تقعد تهدي فيك
احمد ** الله يرحمها
قيس ** اخ قديش مرايف عليها علي ضحكتها وحضنها حتى تهزيبها ليا ولنجاة
احمد ** خلاص اسكت يارا وامسح دموعك ونوض ادوش
قبس ** تي المنشف ياهمي
احمد ** اصبر اندور فيه
رنيت علي ليلى دوشه جنبها
احمد ** قتلك وين المناشف
ليلى ** شن قلت
احمد ** ليلى بعدي من الدوشه
ليلى ** تبعدت شن صار معاك
احمد ** حكيت معاه حتى هو يبي يتعالج وتو نبي نحوس عليه رايح مبهدل ريحته ودبشه وشعره حاله تو قاعد في الحمام وين حاطه المناشف
ليلى ** في الدرج اللوطي جيهة السرير
احمد ** به شن الزحمه هذي خوله عندنا امالا
ليلى ** ايه وبايته بكرا جايه زينب وعازمين تبي تساعد اعميمه وميدو نبات حتى انا
احمد ** الا مبات مفش طيبي خاطرك وفي الليل حتى متاخر عادي روحي المهم ترقديش بعيده عليا واصلا بكره عندك كليه
ليلى ** هههه بنغيب
احمد ** من اولها اهمال لا لا انت تبي مسكت عصا بش تقري
ليلى ** هههههه حبيبي هيا عاد الجو سمح هنا خوله وامك اتفقنا نسهرو خليني ميدو
احمد ** بكره الصبح الساعه 10 اتكوني هنا
ليلى ** تي بكره جايه زينب كنك كيف نروح
احمد ** ههههه تروحي ادوري دوره ع الحوش وترجعي
ليلى ** به خلاص عدي حطو اشوايه نبي ناكل جعانه ههههه
احمد ** ههههه انت امتى تشبعي ديمه جعانه هي خلاص باي بوسيلي علي زيزو ومريومه وحمني وحبيب باته سند
قيس ** وين المنشششششششف
احمد ** هاك
قيس / غيرت دبشي بخيت من ريحة احمد عديت حلقت
احمد ** هك رحت عرسسس بعد خطرها من البنت
قيس ** منحبش نحكي علي بعيصتي ههههههه
احمد ** تي هيا يارا نبي نتعرف علي مرت خويا
قيس ** صحبت نجاة في الثانويه بنت عيت ال.....
احمد ** عيت ال..... كاني سامع بيهم راجي راجي وصلت هذا عديلي ياغالي
هشام ال......
قيس ** ايوه هذا خوها طلعنا معارف ههههه
احمد ** اضحك تو بعدين تندم
قيس ** عليش بسم الله كنك انت ندمت لما تزوجت
احمد ** تي انبصر
انا ندمت بس لاني تزوجت هناء تمنيت ليلى اتكون اول مرا في حياتي وصغاري كلهم منها
قيس ** ياعيني تاثرت نبي نبكي
احمد ** خزي بارد
به كم عمرها عروستنا
قيس ** اممم تو بتعارك انت نعرفك متحبش زواج بنات الصغيرات
احمد ** اصغيره واجد
قيس / هزيت راسي بمعنى ايه ** مواليد 2001
احمد ** يعني 15 سنه
قيس ** يس
احمد ** وانت 21
قيس ** شبوب مزلت هههه
احمد ** اصغيرين مزال بدري ع الزواج
قيس ** ايه حتى انا قلتلها ومتفقين بعد تلات اسنين بس ماسكها ليا البنت
احمد ** به وين ماشي تو
قيس ** نبي نمشي لنجاة اشويه
احمد ** بعدها تعال بات عندي اليوم وبكرا بالك نمشو نصالحك مع باتك
قيس ** انسى مش ناوي شكله واصلا حتى انا مش مدوره
احمد ** قيس مهما كان باتك را
قيس ** به خلاص بكره ساهل
المدام مش قاعده امالا
احمد ** ايه بايته عند هلي
قيس ** ههههه وكنك قريب تبكي
احمد ** ههههه مقدرش علي فرقها
قيس / روح احمد وصلته بالسياره وخلالي سيارته برمت بالسياره القيت روحي قدام حوشهم
رنيت عليها
نهى / خفت نرد يطلع نفس حالته امبدري بس رديت
نهى ** الو
قيس **سامحيني
نهى ** معاش ادير فيا هكي
قيس ** حاضر
نهى ** به انت وين تو
قيس ** قدام حوشكم ههههه
نهى ** حقه
قيس ** وقسم بربي هههههه
نهى ** قيسو عدي هشام تو بيروح مصيبه يشوفك
قيس **به عديت بس نبي نكلمك فيديو
نهى ** بوشاحي را
قيس ** به المهم نشوف وجك
نهى ** به سكر اشويه انحوس عليه ههههه
قيس **هههههه متكتريش نبيك علي طبيعتك
نهى / مشيت درت كريمه ورسمت عيني خطيت حواجبي وروج ومسكره
رن رديت شفته حايس علي روحه شعر وجل ولبسه حلوه
نهى ** اشيه اشيه غلبتنا
قيس ** وين القمر عندنا في الوطا معقوله
نهى ** يعني حلو المكياج
قيس ** المكياج حلو والي دايره المكياج احله
نونو بنتعالج
نهى ** حقه حبيبي احسن قرار تاخده
قيس ** بس بنسافر
نهى ** حقه
قيس ** تزعليش عمري كان توافقي نتزوجك تو ونسافر انا وياك
نهى ** مزال قيسو مزال بدري
《☆☆☆》
احمد / روحت وقيس بات عندي الصبح طلع بدري محسيتش بيه
نضت 8 مشيت للعمل رجعت 2 حوش اهلي زحمه عماتي وخالاتي قعدت واقف برا رنيت علي ليلى طلعتلي
احمد ** ايه ايه لابسه ومتكمه متقولش عندك راجل مستنيك
الحوش جعان مريض تندريش عليا بكل
ليلى **هههههه تعرفش تكذب انا روحت كيف ماتفقنا مع 10 ملقيتكش غيرت لصغار بعدين ليست انا وتو كيف جينه
احمد ** به جعان ونبي ناكل
ليلى ** خش للمطبخ تو ماخدلك طريق
ليلى / خشيت قلت لصبايا في المطبخ احمد يبي يخش طلعن سكرت الباب الدخلاني وفتحت الباب الي من برا جا
احمد ** زينب مزال ماجتش
ليلى ** لا مزال بس في الطريق هاك هذي عصبانه كولها
احمد / قعدت نبحت فيها طالعه سمحه بالقفطان الذهبي قربت منها
احمد ** نبيش ناكل عصبان
ليلى ** باهي شن تبي في شاورما وكباب و
احمد ** بناكلك انتي هههههه
ليلى ** ميدو حول
احمد ** بوسه ع السريع بس
ليلى / باسني خشت علينا عمته
احمد ** احم احم خير اعميمه / وطلعت عنجد وجي لازم يعني من الفضايح
ليلى ** تبي شئ اعميمه
سناء ** ههههه روجك خرب واسيه
ليلى / تحشمت بس الحمد لله جت في عمته سناء اكويسه وجوها سمح مصيبه كان جت في عين كوتر
طلعت رن احمد
ليلى ** كنك شن تبي اخره
احمد ** مقالت شئ
ليلى ** ههههه قتلي روجك خرب واسيه
احمد ** هههههه نجيها ياربي عمتي منحرفه طلعت
ليلى ** وانا نقول لمن طالع انت هههه
احمد/ عليت صوتي ** ليلى
ليلى / خفت يكون زعل ** نعم حبيبي
احمد ** نخش نواسيلك الروج هههههه
ليلى ** ههههه لا الله يربحك مش ناقصنه
احمد ** به روحي بدري
ليلى ** خلاص زينب جت سكر
《☆☆☆》
زينب / طول الايام الي فاتن الوضع تمام حسام ديمه عندي عشان عروسه وهديل مزالت عند هلها
اليوم زوارتي
مشيتك لاهلي
جو حلو خوله وليلى قاعدات خوالي وعمامي
هدرزو وفي الليل روحو
خش احمد
احمد ** اووووه زيزي
زينب ** ظهري يابلي
احمد ** تي زوزك كنه روح بدري
زينب ** متعود يرقد بدري زوزي
ليلى ** احسن مش كيف الي عندي
احمد ** وكنه الي عندك مش عاجبك
ليلى ** اه يدي احمد كنك
احمد ** اسف مش قصدي بصاره بس
زينب ** خوله في المطبخ ادير في سفره نمشي نعاونها
احمد ** بايته حتى هي
زينب ** ايه كنه نضاقو عليكم
احمد ** وجك يابارده
مشيت زينب للمطبخ خش باتي
سالم ** ليلى شن اخبار الكليه
ليلى ** الحمد لله بدينا قرايه امتحانات بعد تلات شهور
احمد / تحكي بكل حماس
عفاف ** به مش وعر عليك 3 اعيال والرابع في الطريق وكليه
احمد ** باتهم قاعد يقعمز في الحوش ويمسكهم هههههه
ليلى ** ايه باتهم قاعد
احمد ** تي ايه ايه انبصر راني شن نمسكهم هذي حلو والله والعمل شن اندير فيه
عفاف** انا تو نعاونك فيهم
ليلى ** ربي يخليك لينا ويطول في عمرك
سالم ** وين البنات
عفاف ** في المطبخ
سالم ** تعالي طلعيلي الطاقم خلي نعطيهلهن تو
احمد ** طاقم شن
عفاف ** ذهب جايبهن لخواتك
احمد ** اها / وبحتت في ليلى
سالم / خشيت داخل
سالم ** كيف الي وجعا خاطره حرام مراته باتها متوفي المفروض حسبناها تفرح بيه مسكينه
عفاف ** ايه والله نسيناها
سالم ** بعد ايام نجيبلها واحد
زينب / خش باتي عطانا الذهب
زينب ** يهبل يهبل نجك ليا
خوله ** ربي يطول في عمرك
《☆☆☆》
احمد**🎶 علشان احنا مع بعضينا ولاول مره لوحدينا
هاتي بوسه يابت هاتي حته يابت
الوساده الخليا تعبت مني ياغليا
ليلى ** ستر الله باقي
احمد ** ديري عزم ستر الله باقي
ليلى **ميدو اليوم زينب بايته خليني ا..
احمد /قطعت عليها ** لا لا لا مافيش ساد امس نوضي هي قدامي
ليلى ** به دكتتوري
احمد ** في عينك هاتي محمد وزياد وانت جيبي مريم
ليلى ** واعر عليك الزوز
احمد ** لا عادي
ليلى ** به نعدي نسلم عليهم
ليلى / خشيت علي زينب وخوله في المطبخ
ليلى ** تصبحو علي خير مروحه انا
خوله ** قدامك كل خير
زينب ** بوسه بس من زيزو اه يهبل حبيب عمته
احمد / نبحت فيها من الباب وجعتني اللقطه محمد مدورتاش بكل مش تو بس طول النهار وهي ماسكه تبوس في مريم وزياد ومحمد مابحتتش فيه بكل
ليلى / طلعتله خدي مني زياد وطلع طلعت وراه مشينا شقتنا
خش حط الصغار في الدار وخش غير دبشه
ليلى ** كنك قلبت فجاه
احمد ** حولي من قدامي درقتي عليا بنتفرج
ليلى / سكرت التلفيزون
ليلى ** نحكي معاك انا
احمد ** عنجد وجك اولعيه ليلى
ليلى ** قول كنك قبل
احمد / نضت بروحي وقفت قدام التلفزيون ادنيتها بالشويه
ليلى / حسيتها بطني نخستني قعمزت ع الصالون مسكت بطني ** اه
احمد / طبست عليها نرعش ** حبيبي حسيتيها صارلك شئ لولو بحتي فيا بلاش بكي
ليلى ** بطني احمد مغص خلاص
احمد ** نوضي بسرعه نرفعك المستشفى
ليلى ** لا لا نبيش نمشي تو نتسطح تصح
احمد ** قتلك نوضي / مشيت جبتلها عبايه ووشاح لبستهلها وقعدت نحادي فيها
مشينا للمستشفى اشويه وروحنا
ليلى ** مش قتلك مافي شئ
احمد ** قالي تعب وارهاق معاش تعبي روحك
ليلى ** افتحلي باب السياره مقدرتش نفتحه
احمد / فتحتهلها ورفعتها
ليلى ** احمد نحن في الجنان عيب يشوفنا حد
احمد ** مافيش حد حبيبي ها خشينا لشقه
دخلتها لدار قعمزتها وقعمزت جنبها
احمد ** منستاهلكش صح
ليلى ** شن قلت
احمد ** انا منستاهلكش
ليلى ** احمد بلاش جو تعال حبيبي
احمد / حطيت راسي علي حجرها ومسكت يدها ** اسف مش قصدي
ليلى** عارفه بس حبيبي كنك قلبت فجاه
احمد ** لولو واجعني محمد انحس بيهم ميحبوشي
ليلى** من هما
احمد ** اهلي
ليلى** وانا شن تحس بيا
احمد ** وليدك هذا اكيد تحبيه
ليلى ** صدقني ميدو يحبوه حتى هما
احمد ** هك انحس بيهم يفضلو في زياد ومريم عليه
ليلى ** نفهم من كلامك انك حاسس انهم مدايرين فرق
احمد ** ايه هكي حاس
ليلى** وليش يعني
عشان هما ولاد عماد ولا عشان محمد ولد هناء
احمد ** شن تفترشي ليلى الكلام هذا منحباش انا هذيما ولادنا انا وانت بس
ليلى** وهذا الي نبي نوصله
انت حاس انهم دايرين فرق وانت بالطريقه هذي
هتدخل الفكره هذي لراس محمد هيقعد يتحسس من ابسط حاجه بعد يكبر
صدقني ميدو انت تتوهم محمد هذا اكبر حفيد لعيلتك وهو اغلى واحد تي عمي سالم 24 ساعه ماسكه
احمد ** قصدك مايمسكش في زياد
ليلى ** هههههههه لا حبيبي يمسك فيه بس حتى ولو ماكانش يمسك فيه را معدلتش لاني عارفه ان عمي يحبه وعند كلهم زي بعض
احمد ** كنك
ليلى ** بطني مغص مره تانيه
احمد / نضت من علي حجرها ** تسطحي اعيوني
ليلى / تسطحت جا حط يده علي بطني
احمد ** وليدي تعبش امك را غاليه هذي
ليلى ** حقه
احمد ** تي تسال تي غاليه ونحبك ونموت فيك
ليلى ** حتى انا نموت فيك
احمد** انا نحبك اكتر
ليلى ** لا انا
احمد ** انا وخلاص تم الكلام
ليلى** ههههه به
شن صار في موضوع قيس
احمد ** بنسفره وفي احتمال نسافروا معاه
ليلى ** ان شاء الله ربي يهديه
احمد /غمزتلها** به انت امتى ربي يهديك وتجي تخشي جنبي
ليلى** مزال بدري بنعدي نتفرج
احمد ** راجي انجي معاك
《☆☆☆》
حسام / اليوم روحت زينب من هلها
وهديل روحت قبلها
زينب / خشيت لشقه القيتها في الصاله سلمت عليها
هديل ** شن الاخبار
زينب ** تمام شن اخبارك انت
هديل ** اكويسه بس خالد مهبلني الايام هذي
حسام ** وينه حبيب باته رايفتله
هديل ** يلعب في داره
حسام / مشيت لخالد
زينب / قلعت عبايتي وخشيت داري خليتها في الصاله
حسام / جبت خالد لهديل وخشيت لزينب
حسام ** رايفتلك ياعسل
زينب ** حبيبي امتى نستقروا بروحنه انا هك منقدرش ناخد راحتي حتى بنطلع بالروب لصاله بايخه متجيش
حسام ** حبيبي جناح تحملي لين نكمل شقتنا
زينب ** جناح دار وحمام
حسام ** مش كنتي اتقولي انعيش معاك حتى في براكه هههه
زينب ** هههههه كنت نكذب عليك
حسام ** به تعالي ياكذابه جاي
زينب **ههههه حسام كنك عاد اصبر نغير
حسام** تي يومين كاملات فاتن عليا بلاك وتقوليلي اصبر واااااااا
《☆☆☆》
زينب ** حبيبي رقدت
حسام ** خلاص بنرقد
زينب ** به انا بنوض ندوش
زينب / نضت فتحت دولابي نبي ناخد دبش
مسكت روب القيته مشرط و
يتبع