عشقت انفاسك
الحلقه 27
زينب / درنا حفله بسيطه جو عائلي
بعدين قروا الفاتحه
احمد ** حبيبي خلاص قريناها قوليلها تطلع
ليلى ** به مبروك عليها
احمد ** بارك فيك
زينب / رفعني أحمد لحوشهم نزلت جن البنات قعدن يربجن عليا ويزغرتن قعمزت اشويه بعدين ركبوني كنت نرعش وجعانه من الصبح مش واكله شئ
حسام / درت حوسه علي روحي هشام ومالك مسيبونيش بكل لحيتي خليتها محلقتهاش لان زينب هك تبي قرينا الفاتحه وجابوها للحوش اشويه وركبت خشيت عليها بحتت فيها زين اتهبل طالعه بالتسريحه والمكياج
حسام ** السلام عليكم
زينب / انحس بروحي متوتره ** وعليكم السلام
حسام / قربت بستها علي جبهتها ** مبروك علينا وطالعه اتهبلي عسولتي
زينب ** عسولتي لقيتش كلمه احلى
حسام ** هههههه بنبدوا من تو عراك
زينب / مش عارفه شن نحكي متوتره كلام يطلع بروحه
زينب ** انبصر حبيبي
حسام / بست يدها ** حبيبك جعااااان تعالي نتعشو جعانه حتى انت ولا
زينب ** ميته جوع
حسام ** افتحي فمك
زينب ** خلاص حبيبي شبعت
حسام ** اخر وحده عشاني
زينب ** به حول البصل نحباش
حسام ** حولته كولي هي
زينب ** انوض نغسل ايديا
حسام ** به وهي خلي انصلو
زينب ** سومي هديل وين
حسام ** عند هلها اليوم
زينب ** المطبخ مشترك
حسام ** اي روحي بس وعد شقتنا بروحنا بديت فيها بس لاني مستعجل عليك عرست هنا وخلاص
زينب ** عادي نصبر
حسام ** به قربي كنك مقعمزه غادي انفوتو الليله هدرزه ولا شن
زينب / خديت نفس عميق ** اه سومي شميت
حسام ** شن / وشميت تيشيرت امتاعي ** مدوش اليوم انا را
زينب ** ههههههه تي لا بنت قهوه اتهبل شكله اهلك لوطه دايرين قهوه
حسام ** اي تو شميتها
زينب ** خاطري فيها انوض اندير / ونضت
حسام / مشيت نجري لباب الدار سكرته قبل تطلع
حسام ** قهوه بعدين توا تعالي وااااااااا
《☆☆☆》
ياسر / كملت الاوراق وقعت عليهن ورفعتهلها
كله الا سمر عندي نخسر كل شئ ولاتعرف
لاني عارف لو عرفت معاش هتبحت في وجي
اليوم مطلعتش من الحوش قاعد نحاول نقول لسمر اني بعت المطعم
سمر ** حبيبي كنك
ياسر ** نعم
سمر ** من بدري نحكي انا متردش مكنتش معايا
ياسر / كنت سارح ** لا معاك
سمر ** باهي شن كنت نحكي
ياسر ** اممممممم قلتي تبي بوسه صح/ ومسكتها
سمر ** ههههه لامش صح
ياسر ** هكي ناخذ درجه ضعيفه
سمر ** ههههه صفر ع العشره
ياسر ** عدي عدي اصلا انتي مدرسه فاشله
سمر ** هههههه قعد الحق فيا تو
ياسر ** اي يعني لو كان كنتي ابله اكويسه را خديت عشره ع العشره
سمر ** تعال ياطالب جاي/ ومسكته من اخدوده **انت طالب مهمل وداير دوشه في الفصل ومتقراش وشيطان وتبي عشره ع العشره انت المفروض تنضرب بالعصا علي ايديك وكرعيك
ياسر ** خزي عليك ارهاب تو لو كان كنتي مدرسه هكي اديري للطلبه
سمر ** هههههه لا انبصر اصلا المعامله هذي تخلي الطالب معنداش نيه للحصه ولا يحب الماده يعني لو كانت مدرسه اكويسه اكيد الطالب هيحب الماده ملخص الكلام كان حبيت مدرس الماده اتحب الماده
ياسر ** يعني انت لو قريتي هتعاملي الطلبه اكويس
سمر ** تي اكيد ندلعهم وانفهم اكويس تي انبوسهم حتى البوس غير ينجحوا
ياسر ** البوس لا انتي تبوسيش حد غير يسو
سمر ** هههههه كنك حمقت انبصر را
ياسر ** ابصاره بايخه هذي معاش تبصري هكي نغار انا تعالي عندي / رقدتها علي صدري وقعدت انبحت فيرالصقف
سمر ** يسو كنك حبيبي مش عاجبني اليوم كله سارح
ياسر ** بعت المطعم
سمر / نطيت ** وليش
ياسر / رديتها لصدري ** انحس بيه مشروع فاشل ناوي نفتح مشروع تاني
سمر ** شن هو
ياسر ** مش عارف قاعد نفكر
سمر ** تبي الحق حبيبي غلطت مفروض مبعتاش
ياسر ** خلاص سموره حتى انت متزيديهاش علي
سمر / بسته علي كتفه ** دير الي ريحك وانا معاك في كل شئ اديره
ياسر / حضنتها** ربي يخليك ليا حس جود يبكي
سمر ** اه صح نوض نشوفه
ياسر / سمر ناضت قعدت مكسد فتحت فيس
نزلت منشور في قروب نبي نشتغل والي عنده عمل يرن عليا ع الرقم هذا وكتبت رقمي
جت سمر صكرت الفيس خشت جنبي
ياسر ** رقد
سمر ** ايه ياروحي كان جعان
ياسر ** سوسو حتى انا جعان
سمر ** شن انديرلك
ياسر ** اي شئ يعبي بطني فاضيه انحسها ها اسمعي تزوي
سمر ** هههههه سمعت
ياسر / دارت سندتش مفروم ومعاها كبايت عصير ليها وليا وجابتهلي
سمر / مديتهلا ** اطلع من السرير تاكلش هنا عدي المطبخ ولا الصاله
ياسر ** نانا
سمر ** شن نانا هذي
ياسر ** هههههههه مش انت اتقولي نانا بدل لا لا
سمر / درت بيدي ** انا
ياسر ** هههه ايه انت
سمر / درت بيدي ** متاكد انا اخر كلام
ياسر ** ايه متاكد جورج قرداحي ههههه
سمر ** به هاته ونوض دير بروحك / خديت سندوتش وقعدت ناكل فيه
ياسر ** سمررررر لا تكمليشي جعااااااااااان
سمر ** ودااااااااااني هاك تسمسم بس نوض برا السرير تفترش خبزه وانا منحبش هك
ياسر / كريتها ** بس انا انحب اشربي عصيرك وهي خلي نرقدو ليل ساعه قريب 1
سمر ** به عطيني نتشه
ياسر / عضيتها علي كتفها
سمر ** اييييي حسيتها
ياسر ** مو انت قلتي عطيني نتشه
سمر ** تي من السندوتش ياغبي
ياسر / حطيت الكبايه ع الكوميدينو وفكيت منها كبايتها وحطيتها ** انا غبي به تعالي انقولك الغبي شن بيدير فيك ويعاقبك علي الكلمه هذي / حطيت الورغان علينا واااااااا
سمر / الصبح نضت هو مزال راقد غيرت لجود وكنت ناويه ننزل لوطه درتله فطوره وحطيته جنبه نقاله يرن
سمر ** يسو نقالك يرن / مردش عليا راقد مهانش عليا نوضه مشيت نبي انديره صامت مسكته شفت الاسم كان مسجله ( م ) استغربت شن م في غموض في الموضوع القيت روحي راده وسكتت نبي نسمع الصوت
موده ** الو يسو شكراااا حبيبي ع المطعم
سمر / طاح النقال من بين ايديا
ياسر / نطيت مع صوت خبطه بحتت القيت سمر واقفه مصدومه ونقالي طايح نضت نجري مسكت النقال موده متصله ومزالت ع الخط سكرت عليها
وجيت لسمر
سمر / خلاص قعدت واقفه نستوعب في الكلام قالت يسو حبيبي يعني هذي وحده تعرفه وشن شكرا علي المطعم شن القصه جا مسك ايديا
ياسر / نرعش خلاص خايف اتكون قالتلها علي موضوع الشقه والوجيج الي درته
ياسر** حبيبي هذي فرخه تنابش فيا ع النقال بس انا معطيتهاش وجه
سمر ** فرخه مسجلها م فرخه اتقولك يسو حبيبي فرخه اتقولك شكرا ع المطعم شن قصته المطعم ومن البنت هذي ياياسر
ياسر ** نعرفهاش شكله وحده تبي اتخرب بينه متصدقيهاش اعيوني
سمر ** كذاب
ياسر / خلاص معاش عرفت شن اندير نحلف كذب ولا انخلي سمر تزعل قعدت ساكت
سمر / قعدت نبكي ** ليش انا فيش قصرت
ياسر ** منعرفاش ياسمر منعرفهاش بالله عليك متكبريش الموضوع عقاب وحده خرابت بيوت رنت عليا وانا مش معبرها
سمر ** رن عليها وكبر المايك
ياسر ** لا مش ران
سمر ** يبقى خايف صح
ياسر ** لامش صح
سمر ** به رن
ياسر / مسكت النقال ورنيت وايديا يرعشن ردت
موده ** رايفت اعيوني هههههه
سمر / ضحكتها امتع وحده حقيره استفزتني فكيت النقال منه
سمر ** ياقليلة الادب ياحقيره يالي اهلك معرفوش يربوك انت كيف ترني علي راجل متزوج وتحطيه في راسك يااختي راجل يبيش يرد عليك انت كنك لاصقه فيه فوتيه وشوفي غيره هذا مش لك راجل محترم دوري حد من سلالتك واطي زيك
موده ** هههههههه محترم
يجي شقتي عقاب الليل محترم ههههههه
يخش دار نومي ههههههه محترم
يرقد في سريري هههههه محترم
ضحكتيني كان راجلك محترم شن خلى للتانين املا
سمر ** كذابه ياسر مستحيل يدير هك
ياسر/ وجي عرق ونرعش نحكي معاها بصوت واطي ** سمر سكري
موده** خلي النقال عندك نبعتلك الادله تو بنسكر ياحلوه وسلميلي ع المحترم وقوليله احترامه عاجبني هههههه
سمر / سكرت برمت علي ياسر جا فك مني النقال بحتت فيه يرعش وعرق ويتأتأ كيف الي مداير جريمه وخايف
ياسر ** حبيبي هذي وحده ، ، ، ، وباين في حد مسلطها علينا
سمر / عمره ماسب قدامي واضح عليه متوتر ومش واعي لكلامه وصلت رساله
ياسر / فتحتها بنمسحها عارفها من موده فكاته مني
سمر / فكيت النقال منه وفتحتهن رسائل ع الماسنجر صور دردشه قعد يحاول يفك مني النقال مشيت نجري للمطبخ سكرت عليا هو قعد يخبط
ياسر ** سمرررررر افتحي قتلك را انكسره افتحي عمري انفهمك افتحي اقليبي
سمر / فتحت الصوره وقريت الدردشه كلام يسلخ الوجه مقطف معاها كلام حقير
قريت كم مرا بش صدقت هو يخبط وانا قعدت نبكي تي كيف يدير هك معقوله
اشويه ووصل فيديو فتحته
اكبر صدمه في حياتي قريب اغمي عليا وانا نتفرج عليه ياسر مع البنت هذي في دار النوم
نزلت ع الوطا وقعدت نبكي بصوت عالي
سمر ** انا شن درتلك ياياسر بش ادير هكي انا في ايش قصرت حراااام عليك الي درته فيا
فترة حملي كترت معاك صح بس متوصلش للخيانه ياياسر
ياسر/ انخبط ع الباب بحد جهدي ** اقليبي افتحي انفهمك هذي كذابه
سمر / وقفت وعليت صوتي ** كذابه لا مش كذابه انا شفت المقطع بعيوني
ياسر ** سوسو حبيبي افتحي الباب نتفاهمو بالشويه
سمر / فتحت الباب طول تعنقني
ياسر / قعدت نبكي علي كتفها ** الشيطان ياسوسو وانا اقسم بالله ماقربت منها طلعت من الشقه طول جيتي بين اعيوني قلت مستحيل ندير في سمر هك
ياروحي انا انحبك منقدرش انعيش بلاك متسيبينيش سمر
سمر / دفيته وضربته كف ** يعني معترف انك مشيت لشقتها
ياسر / طبست راسي
سمر ** تعرف انحس بالقرف منك مش قادره انبحت في اعيونك معقوله ياسر العاقل هكي يدير لا لا مش مصدقه / مشيت لدار نحكي بروحي لحقني
ياسر ** شن اديري
سمر ** كيف ماانت شايف انلم في دبشي
ياسر ** مافيش اطلوع من الشقه
سمر ** مدخلكش بيا انت
ياسر / قعدت ناخد في الدبش من الشنطه ونرمي فيه ع الوطا بعصبيه ونتكلم من بين اسنوني ** اطلوع من الشقه مافيش ياسمر سمعتي ما ف ي ش
سمر ** طلقني
ياسر ** منقدرش
سمر ** طلقني
ياسر / طحت عند كرعيها قعدت نبكي ** انبوس علي كرعيك اندير الي تبيه حاضر انت اطلبي وانا انفذ بس طلاق لا ياسمر طلاق لا لو حابه تعدمي ياسر اطلبي الطلاق
سمر / قعدت انبحت فيه ** طلقني ياياسر انا مستحيل نقعد معاك دقيقه بعد الي درته
سمعت منى تنادي من لوطه
منى ** ياسر ياسر ياسر الحق امي
《☆☆☆》
ساره / ليا كم يوم في الشقه عشان مريم نقدرش نطلع بيها مزالت صغيره حتى لوطه مننزلش يركبن البنات عندي مرات يكسدن
طارق معاش شفته بس الموضوع هذا شاغل بالي مفكره نحكي ليوسف بس اكيد هيكرهه وهو ولد خالته وصاحبه شكله واجد
يوسف ** اعيوني انا نازل تبي شئ
ساره ** لا حبيبي منبيش شئ بس وين ماشي
يوسف ** بنمر علي امي بعدين ماشي لهيثم
ساره ** سلملي عليها اعميمه وقول للبنات يركبن يكسدن عندي
نزل يوسف قعدت مكسده خلاص البنات مركبنش ومريم رقدت قررت ننزل انا خليتها راقده ونزلت
سمعتهم يعدرزو في الجنان آيه وسندس ويوسف وعمتي ويضحكو وجوهم سمح بحتت فيه القيته يضحك بدموعه وجعتني روحي انا طول النهار في الشقه وجو شين وهو مسيبني وقاعد هنا ينكت ويضحك
ساره ** السلام عليكم خير
كلهم ** وعليكم السلام
سندس ** كيف حالك سرو اليوم
ساره / بحتت فيها وكشخت ** الحمد لله
يوسف/ عارفها حاسه بالغيره نضت تبعدت من جنب البنات ومشيت قعمزت جنبها وقربت لودنها
يوسف ** شن السماحه هذي
ساره ** مشيت لهيثم
يوسف ** ايه تو كيف روحت
سندس ** ساره تفضلي هاك هذي بسبوسه دايرتها انا هاك ذوقي وعطيني رايك
يوسف ** ايه سرو ذوقيها اتهبل
ساره / فنصت فيه وكليت منها ** ايه حلوه عطيك الصحه
يوسف ** اهو العصر يأذن انا ماشي لجامع
سندس ** يتقبل الله مقدم انوض انصلي حتى انا
يوسف ** منا ومنكم
ساره ** آيه ارزقي شوفي مريم ناضت ولا لا
حنان ** جيبيها عندنا
ساره ** اعميمه يوسف ميبيش يقولي صقع ومزالت صغيره
حنان ** خليك منه هالمهبول
ساره ** هههههه جيبيها ياآيه وين هند مزالت في الكليه
حنان ** ايه عندها اختبار اليوم
ساره ** ان شاء الله ربي يوفقها
آيه ** هاك امسكي ابنيتك نجيها ياربي
حنان ** هاتيها ليا انا
سندس ** شبه يوسف
ساره ** ايه حتى هو يقول فيها
سندس ** نجي العيون ياربي عيون باتها
ساره ** ايه اكبار زي باتها
ساره / حرقتلي دمي باتها وباتها
ساره ** انخشو داخل هنا صقع علي ميري
سندس ** دلعي فيها ميري
ساره ** اها انا اندلع فيها ميري
سندس ** اكيد يوسف لا اصله ميحبش الكلام هذا
ساره / بحتت فيها زين وخشيت
حنان ** آيه غسلتي دبش يوسف
ساره ** اي دبش شن جابه هنا
آيه ** شيخنا نزله الصبح دبش امسخ قال ساره تقدرش واعر عليها تغسله مزالت مريضه فجت علي راسنا انا وسندس غسلناه
سندس ** ماشيه نطبقه ولما يجي انمدهله
ساره** لا لا خليك تو نطبقه انا انت خلاص بارك الله فيك تعبتك / ومشيت سيبتهم
أيه ** كنها هذي
حنان ** خلنها حرام تعبانه وضايق خاطرها امشن غيرلها جوها
ساره / قلبت وجي انكشخ عليهم جت آيه وسندس
سندس ** كنك ساره شن صار
ساره / مرديتش
آيه ** سرو كنك عاد قلبتي فجاه
ساره ** انا مقتلاش مش غاسله هو يشتغل من عقله
آيه ** تي عادي يابارده خويا هذا يعني قبل اتجي انت انا كنت نغسل ونحدد ونوكل ونشمل ههههه
سندس ** هههههه
ساره ** ايه هذا خوك وعادي اديريله الشئ هذا يفرح بيك بس تعبنه سندس / وبحتت فيها وكشخت
سندس / فهمت قصدها متبينيش ندخل في راجلها
آيه ** تعالن بنحكيلكن حاجه
ساره ** شن في مدخلتينا لدار ان شاء الله خير
آيه ** خير خير عيد ميلاد هند قريب ومخططه نديرلها حفله هك عائليه علي قدنا
سندس ** هههه حي يسمعك اوفي يقتلك يقولك حراااااام
آيه ** هههههه ايه يحكي فيها هك صوته يزلزل حرااااااام ههههه
ساره / انبحت فيها كيف تحكي علي يوسف وكيف يتغير وجها لما اتقول اسمه تي اعيونها يريحن اقلوب اقلوب
ركبت شقتي حطيت مريم في سريرها جا يوسف
يوسف / خشيت القيتها مقعمزه والشقه مظلمه
شعلت الضئ
يوسف ** خير اعيوني / جيت قعمزت جنبها
ساره ** خير .كنك ماقلتلي اغسليلي دبشي انا عمري قلت واعر منقدرش يعني تتصرف من راسك وتحرجني قدام امك وخواتك وفلونه شن يقولوا عليا تو بايره مش قادره تمسك حوشها وتهتم بيه راجلها يدور في من يغسله دبشه
يوسف ** سرو انا نبيش انتعبك نبي انريحك انت مزلتي مريضه
ساره ** انا قتلك مريضه انا طلبت منك تريحني انا غاويه تعب يااخي تعبني بس تنزل تقول للفرخه هذك تغسلك دبشك هذي منرضاهاش
يوسف ** ساره اوزني كلامه شن فرخه هذي بعدين هذا مش اسلوب الي تحكي بيه تحركي في ايديك قريب تضربيني
ساره ** حرقتلي دمي انت وياها طول النهار اوفي واوفي تي عارفه تفاصيلك اكتر مني
وانت طول النهار فلونه وفلونه كان الحكايه هك طلقني وتزوجها
يوسف ** تي لا انت زودتها انا مش هنرد عليك عارف نفسيتك تاعبه بس كلامك هذا مش ناسيه تعلمي اسلوب الحديث
ساره ** ايه انا مريضه نفسا صح كلامك يايوسف وبعدين اسلوب الحديث خليته لك ياشيخ
مش عارفه علي من تكذب تي كيف شيخ وانت طول النهار تضاحك معاها مش حرام هكي حرام تقابلها لابال تهدرز وتبصر
يوسف ** سااااااااره
ساره ** اضربني فش تراجي
يوسف / مسحت لحيتي بيديا ** استغفر الله لاحول ولا قوة الا بالله مش هنرد عليك انت نفسيتك تاعبه بعد اجيابك وانا عاذرك / خشيت لدار غيرت
ورقدت
ساره / خش رقد اشويه ولحقته حطيت مريم في سريرها جنبي ورقدت
في نص الليل ناضت مريم اتعيط قعدت انسكت فيها خلاص تعبتني عيت نعسانه نبي نرقد ويديا طاحن
يوسف / كنت راقد قلبت لجهه الاخره نسمع فيها اتقول
ساره ** ارقدي ياماما ساد عيت ارقدي حرام عليك
يوسف / فتحت اعيوني القيتها تبكي رفعت روحي
يوسف** هاتيها نسكتها انا
ساره / مرديتش كشخت ومسحت دموعي
يوسف ** قتلك هاتيها وانت ارقدي ساد قديش منك حتى انت
ساره / فك مني البنت وقعد يهز بيها انا تسطحت
يوسف / مربم رقدت حطيتها في سريرها بحتت في ساره راقده خشيت جنبها وحركتها بالشويه حطيتها علي صدري وقعدت نمسح علي شعرها
يوسف ** حبيبي انت اغلى انسانه عندي بعد امي انت حياتي مستحيل نبحت في غيرك انت ساره وحده بس في الدنيا مافيش منك اتنين انحبك انحبك انحبك يادنتي كلها
ساره / كنت نسمع فيه بس مغمضه اعيوني دايره روحي راقده
يوسف / حس بيها كأنها تكذب عليا ومش راقده
نبي نتاكد بعدتها عليا وقعمزت قعد نكح
ساره / شرق قعد يكح نطيت للمطبخ جبتله ميه
ساره ** هاك حبيبي اشرب بسم الله عليك تو كنت اكويس شن صار
يوسف / خديت لميه حطيتها علي جنب بحتت فيها عرفت انها كانت تسمع فيا
ساره ** اشرب اميه
يوسف ** لا خلاص عدت الشرقه
ساره **به / وخشيت بنرقد جا حضني
يوسف ** اسف عمري زعلتك اليوم بس حتى انت زودتها معاي
ساره / خشيت فصدره ** حتى انا اسفه بس تعبانه مضايقه من الحوش وضايق خاطري وانت را مزودها مع البنت هذي انا واثقه فيك بس مش واثقه فيها
يوسف ** حرام عليك سرو بعدين انا متزوج شن تبي فيا هي بنيه صغيره وسمحه والف من يتمناها وانا شين ههههنه
ساره / بعدت من عليه ** ها شفت عليش نحكي اصغيره وسمحه قال
يوسف ** ههههههههه نبصر اعيوني تعالي عندي
《☆☆☆》
قبس / حياتي مدمره خلاص معاش روحت للحوش قاعد في نفس المكان ونفس الحاله
فاتن اسبوعين اليوم اخر يوم في امتحانات نجاة ونهى اه نهى مرايف عليها علي صوتها وكلامها فلسفتها وضحكتها بس منقدرش انكلمها
صوتي متغير واضح اني مش طبيعي
امس سهرت مرقدش بدري نضت متأخر مع 1 القيت ايمن وصحابه مقعمزين يهدرزو
ايمن ** قيس انت معاش فيه لين تجيب مني
قيس ** تي مفلس ياايمن اصبر عليا اشويه
ايمن ** منعرفش اليوم تبي هات فلوس
قيس / خشيت داخل قعدت نقلب في شنطي نذكر قبل كم يوم مسلف من صاحبي فلوس القيتهن
طلعت عطيتهن لايمن
ايمن ** اووووه هذا مبلغ كبير هاك خود هذا كله ليك بس دبده
قيس / رمالي كيس بودره خديته وقعدت نشم
خديت جرعه كبيره ارتخيت رن نقالي نجاة رديت مكنتش بوعي
قيس ** ها نجوته
نجاة ** قيس انا في الثانويه بابا نقاله مقفل وانا بنروح ملقيتش حد يروح بيا
قيس ** دقيقه ونكون عندك
قيس / نضت خديت سيارة ايمن
وصلت للثانويه كنت مشغل اغنية لوفي ومعليها لحدها
( عيشه طبقات لتعبتله غيري اخداه ياما نشقي ونجري وحقي ولد البابا اكله فنفس البقعه انعيشو لكن العيشه مختلفه انتو اتعيشو فعزنا واحني انعيشو في خربه حقوقنا احلام وتو احلامنا ع الفاضي كان اكبر حلم ليا حوش فيه مرات نحمد علي اطاني مطلبت الي حقي راني عايش فدنيا براني والي عليها كل فاني
مولود فعيشه انحاس وهم الدنيا علينا هب اما هو لما ولد القي فمه كشيك ذهب )
درست السياره ونزلت اعيوني حمر دبشي مسخ وريحتي اع
الاغاني كانن عاليات طلعو استاذيه جو شوري
استاذ ** عيب عليك
قيس ** تي فكني يارا
نجاة / طلعت شفته بالحاله هذي قعدت نبكي فهمت وضعه طول مش طبيعي باين عليه
نهى / واقفه مصدومه منظره مبهدل مش قيس الي يلبس ويتكم اعيونه سواد خفت منه قعدت واقفه جنب نجاة
نهى ** نجاة متركبيش معاه را يقلب بيك السياره واضح مش طبيعي شفيه مش قادر يوقف
نجاة ** خويها يانهى ضاع مني
نهى ** خلاص اسكتي معاش تبكي اطلعي روحي معانا هشام جانا نوصلوك قي طريقنا
نجاة ** وهو
نهى ** تو نقول للاستاذ علي يقوله نجاة روحت
نهى / مشيت اشرت للاستاذ بيدي وقيس بارم وجهه مشافنيش وقتله يقوله نجاة روحت
وطلعت لهشام بنقوله ان نجاة بتروح معانا
شافني قبس جا شوري
قيس** نونو حبيبي رايفتلك باعمري
نهى / خلاص معاش عرفت شن ندير قدام الاساتذه وهشام اكيد سمعه نزل من السياره
برمت علي هشام
نهى ** هشام هيا
قيس ** حبي بحتي فيا كنك
هشام ** انت اي احترم نفسك
قيس ** اطلع من راسي ..تعالي عمري
نهى / مسكني من يدي جا هشام كره قعد يهز فيه
هشام ** انت شن تبي في اختي ياحقير من وين تعرفها يدك هذي مزلت تمدها نكسرها ليك
قيس ** اختك هذي ليا سمعت ليا امتاعتي نحبها وهي اتحبني مو نونو احكيله كلامي صح عمري ولا لا
نهى / قعدت نبكي
هشام ** حقير مش طبيعي اختي مستحيل ترضى بواحد حشاش تي بحت لنظرك رايح زي المتشرد
قيس ** نونو قوليله حبيبي انت اتحبيني حتى وانا بالحاله هذي صح
نهى ** هشام نبي انروح هيا
هشام / فنصت فيها ** اسكتي انت
قولي من وين تعرفها
قيس ** اسمع اختك عجبتني وانا جدي خديت رقمها ونكلم فيها
هشام / سيبته
ودفيته طاح جيت لنهى
هشام / نحكي من بين سنوني ** هذا شن يفترش الي قاله تو صح
نهى / انعيط وخلاص عليك موقف خويا عرف اني انكلم
هشام / عليت صوتي ومسكتها من اكتوفها بالقوه ** الي قاله صح
نهى / خفت منه هزيت راسي بمعنى ايه وقعدت نبكي ضربني كف جا قيس يجري كره وبدأ فيه ضرب
قيس ** يدك نقصهلك مزلت تمد عليها يد نعدمك سمعت نعدمك
قعد قيس يضرب وهشام يضرب بس هشام ضرب قيس اكتر لان قيس مكانش واعي
جو الاساتذه حزو وخدو قيس وروحت انا وهشام وسهى الا كانت مصدومه حتى هي مكانتش تعلم بعلاقتي بقيس
قيس / فقت الليل قاعد في الثانويه في دار الغفير جاني استاذ ( عيب عليك الي ادير فيه انت شاب في اول عمرك سيب هالسم حياتك تدمر )
انا كنت نسمع من هنا ونطلع من هنا مش بيدي الموضوع خلاص راح ادمان سمعته حكي علي حاجه مش مذكرها انا تي اصلا انا شن جابني لثانوية نجاة بكل
طلعت نجري بعد سمعت اسم نهى لما قالي ( نهى طالبه ممتازه مش عارفه كيف دارت هك بس ربي بديستر كان ماخوها يدير فيها حاجه )
رنيت علي نجاة ردت
قيس ** نجاة شن صار
نجاة/ قعدت نبكي ** مخدرات صح ياقيس
قيس ** قتلك شن صار متهبلينيش
حكتلي ع القصه وكيف تعاركت مع هشام
نجاة ** قيس ارجع للحوش
قيس ** خلاص معاش في حاجه اسماها قيس
قيس انتهي تدمر بس نهى لا الا نهى منقدرش بلاها تي...
سكرت معاش قدرت نحكي قعدت نبكي
مسكت النقال رنيت عليها مقفل اكيد خوها واخد نقالها بعتت رساله لنجاة ( ابعتيلي رقم سهى اخت نهى ) بعتتاته اتصلت بيها
قيس ** خير سهى انا قيس خو نجاة
سهى ** اها عرفتك الي درتلنا فضيحه في المدرسه
قيس ** نهى وين الله يربح طمنيني عليها
سهى ** محبوسه في الدار وهشام والع ولعه شينه ناويلها علي نيه
قيس ** وراس امك دخليلها النقال نبي نكلمها
سهى ** منقدرش
قيس ** الله يربح ورحمة من غالي عليك حسي بيا الله يحس بيك
سهى ** استنى تو نجرب
سهى / خشيت عليها ع اساس بنعطيها ايكال
نهى / كنت مرميه ع السرير ونبكي جت سهى
سهى ** قيس يبي يكلم
نهى ** معاش تجيبي سيرته قدامي
سهى ** هذا كله يطلع منك انت وين احترامك وقرايتك ولا ياسهى ماتنفعك الا قرايتك طلعتي احرف مني وملعبه الولد علي صوابعك
نهى ** سهى اطلعي برا مش ناقصتك
سهى ** طالعه بس خلي النقال عندك اولد بيهبل ويكلمك
نهى / طلعت سهى وهو سكن يرن في الاول مرديتش بعدين تشجعت ورديت ببرود
نهى ** شن تبي اخره خلاص فضحت بيا وخليتني نندم اني وثقت فيك وطيت راسي قدام خويا والثانويه كلها
قيس ** حبيبي انا اسف
نهى ** اسف شن ينفع الاسف تو خلاص ياقيس انت كسرت قلبي
قيس / سكتت معاش حكيت شئ قعدت نبكي بصوت مسموع
نهى /قعد يبكى نسمع فيه بالعبره قعدت نبكي معاه
نهى ** قيسو شن صاير معاك حبييي شن قصتك مكنتش هك تاخذ في شئ احبوب شئ هك احكيلي ياروحي
قيس */ زدت اعياط ** ناخد يانهى ناخد في جميع البلا بس نبي نسيب ساعديني عمري
نهى ** من امتى
قيس ** بعد بدن امتحاناتك ضغوطات الحوش ومشاكل مع باتي وزدتها انت سيبتيني ولاد الحرام لعبو في قلي وضعت
نهى ** عشاني حبيبي بطل
قيس ** مش في يدي نونو ادمنت خلاص فات الوقت صعب نسيب بسهوله بس انت اوقفي معايا وساعديني لاني مش هنتحمل غيابك وهنضيع اكتر
نهى ** قيس انت جرحتني اليوم
قيس **سامحيني عمري مش بوعي
نهى ** معاش نبي انكلمك
قيس / قعدت نبكي ** لا مدريش فيا هكي نهى بالله عليك فرصه تانيه لعلاقتنا فرصه بس
نهى ** نعطيك فرصه بس توعدني تعدي تتعالج من الادمان وانا نشجعك ومعاك قيسو العمر كله
قيس ** انحبك حفيدة نيوتن
نهى ** اوعدني
قيس ** وعد وعد تو سكري / سكرت جلدي يرعش خديت حبوب
نهى / سكر مستعجل اول مرا يسكر هو قبل ديمه انا الي انقوله بنسكر
لازم يتعالج خلي انكلم نجاة نخبرها
《☆☆☆|》
ليلى / سجلت في الكليه تخصص محاسبه كنت نقرأ فيه قبل نتزوج عماد بس بعدها سيبت الكليه بأمر منه
احمد ** مرات السمحه جاهزه بكره اول يوم كليه
ليلى ** متوتره
أحمد ** نمشي معاك هههههه بالك نلقو بعيصات
ليلى ** خزي / ضربته علي كتفه
أحمد ** خطرها انا بعيصتي تلبس عبايه را
ليلى ** عادي مرات سروال وقونات حبيبي
آحمد ** ع ب ا ي ه
ليلى ** بعدين ساهل ي ا ن ك د
أحمد ** نكد في عينك نوضي جيبيلي فنجان قهوه
ليلى / جبتله فنجان قهوه ** خير حبيبي نسمع فيك تكلم في ياسر تستحمدله
احمد ** امه جتها جلطه وتعبانه بش تمشي تطمني عليها
ليلى ** امممم تعرف حبيبي حتى اخته نبي نمشي نباركلها بس نبي سمر تخش معايا
آحمد ** بكره باهي
ليلى ** تو نرن علي سمر نخبرها
آحمد ** به تمام / قربت منها هي كانت مقعمزه جنبي في الصاله **قتلك الصغار راقدين
ليلى **ههههه ايه
آحمد / قربت اكتر ** كلهم
ليلى ** هههه كلهم
آحمد / حولت شعرها علي جنب ** كلهم كلهم
ليلى ** ههههه كلهم كلهم
ناض محمد يعيط
أحمد ** عنشكله مش وقته سكتيه وارجعي
ليلى ** حبيبي محمد ساخن بكل حرارته مرتفعه
آحمد / رفعناه للمستشفى طول الليل نعانو فيه
رقدنا متاخر
عدلت المنبه ضرب
فطنت الساعه قريب 9
جت قعدت نوض في ليلى
أحمد ** روحي كليتك وقت عليها
ليلى ** في الدولاب
آحمد ** هههههه دولاب شن ياهبله قتلك وقت ع الكليه
ليلى/ نطيت** هييي ساعه كم
آحمد ** الساعه 8:45 هههههه
ليلى ** تي رعشتني انا عندي 10 مزال ليش منوضني تو
آحمد ** ههههه في حاجه امس آجلناها نبيها تو
ليلى ** نوض نفطر الصغار حول
آحمد ** الصغار مزال راقدين واااااااا
《☆☆☆》
ليلى / مشيت للكليه انسجمت تعرفت علي بنتين اكويسات نفس التخصص مع 2 روحت تاعبه
روح بيا آحمد طلع من الخدمه عشاني
آحمد ** غدانا عند امي اليوم
ليلى ** ربي يخليها ليا حنونه
آحمد ** تي الصغار مهبلينها مسكينه ههههه
ليلى ** كانت زينب شايله عليها بس تو قعدت بروحها خطرها علي زينب رنيت عليها
آحمد ** رنيت عليها وين فرحانه واضح عليها
ليلى / خشينا لحوش اعميمه آحمد قعمز مع باته وانا حطيت الغدائ في صواني وطلعته
آحمد /قعمزنا تغدينه مريم كانت راقده حطت ليلى السفره قدامي انا وباتي وسفره تانيه قدامها هي وامي وجابت زياد قعدت توكل فيه قعدت نبحت في محمد مقعمز بعيد ياروحي مدورتاش بكل
نضت خديته
آحمد ** حبيب باته جعان كول وليدي هي
ليلى / نطيت **آحمد لااا
آحمد / قطعت عليها ** اسكتي انت الهي بولدك خزي طحتي من عيني عيل جعان قدامك دايرك ام مثاليه انا بس انت ام لعيالك بس
ليلى / نضت من السفره وخشيت داخل
سالم ** قليل ادب كيف تحكي معاه هك قدامنه هذا موضوع بينك وبينها
آحمد ** تي شفتها ياباتي دايره فرق
عفاف ** انت احمار فرق شن الي تحكي عليه ولدك عند حساسيه من التوم والمكرونه معبيه توم هذا عليش مكولتاش
أحمد ** متقوليهاش يعفوفه
عفاف ** قلتها بس بعد زعلتها مسكينه
آحمد / حطيت كاشيكي ونضت
سالم ** اسمع ياليد تعلم من اخطأ خوك حتى هو زعلها واجد وفي الاخر خسراها مش لازم تعاود نفس سيناريو خوك
آحمد ** خويا الله يرحمه ياجماعه ويغفرله ممكن معاش يفتح قدامي السيره هذي سيرت انا ليلى كانت متزوجه عماد تو ليلى مراتي خلاص تو نراضيها
أحمد ** حبيبي افتحي الباب
ليلى / مسكره عليا بابا المطبخ قعد يدق فتحتله
آحمد ** غبي شن بديري نصيبك تزوجتي واحد غبي
ليلى ** غبي ومتسرع وشعره مريش هههه
آحمد / قعدت نساوي في شعري ** هذا الفرخ محمد خربهلي
بست يدها ** شكرا اقليبي انت مهتمه بيا وبمحمد وبصغارك وتو بديتي تقرأ وهذا كله بدون ماتشكي ولا اتقولي عيت
ليلى ** اولا مافيش حاجه اسماها محمد واصغارك في حاجه اسماها اصغارنا بعدين كيف مقالت شيرين اناااااا انا كلي ملكك
آحمد ** هههههه كلك كلكو
ليلى ** ميدو حول حوش اهلك
آحمد ** نخلو اصغار هنا ونعدو شقتنا
ليلى ** جعانه جعانه جعانه / وقعدت ناكل من الطنجره
آحمد / تاكل بشكل غريب فم وراء فم **بالشويه يامفجوعه ههههههه
ليلى ** ههههه مش مني هذا فرخك
آحمد ** هههه نجيك ونجي فرخي
ليلى / تغدينا وروحنا مع الساعه 5 مشيت لحوش هل ياسر
《☆☆☆》
ولاء / هشام ليه كم يوم طول النهار برا الحوش
في الاول عذرته قلت اكيد مرايف علي اصحابه وقريب نرجعو لالمانيا خليه يشبع منهم بس كتر
معاش نشبح فيه الي اول مانوض ولما بنرقد
اليوم
يتبع