عشقت انفاسك
الحلقه 17
(عند زينب )
مشيت نجري نبي نقصقص أن شاء الله الي في بالي مش صح
قعد يتهرب مني كل مانجي شوره يغير الطريق
حسام / منبيش نتلاقى معاها قعدت انغير في طريقي لما انشوفها
وفي نهاية الدوام ركبت سيارتي بنروح
فجأه فتح الباب وركبت زينب
حسام ** هيييي زينب انزلي الطلبه يبحثوا شن يقولوا عليك تو
زينب **😢 كنك تتهرب مني
حسام / أشرت بيدي ** انزلي
زينب / شفت الدبله في يده
زينب ** 😢حسام شن هذي
حسام / شبحت في يدي ** هذي دبلتي خطبت بنت عمي الأيام الي فاتن
زينب ** 😢 اتبصر صح
حسام ** منبصرش يازينب منبصرش وانزلي
زينب / قعدت نبكي بعبرتي ** يعني كنت تلعب عليا
حسام** انت الي قلتي من اول ماتعرفنه أن كل الرجاله كذابين وكلامك صح مع الأسف
زينب / نسمع فيه ونبكئ لا مستحيل سومي يدير فيا هكي تي هو الي نقذني من هذك الولد توا هو يدير زيه لا لا مش مصدقه
حسام / قطعتلي قلبي وهي تبكى جنبي مقدرتش انقوللها الحقيقه لاني اكيد بنطيح من عينها اكتر من هكي جي في بالي نمسك يدها بس تحكمت في روحي
حسام ** هيا انزلي بنعدئ
زينب / مسحت دموعي وبحتت فيه
زينب ** اخساره والله خساره
وجيت بننزل وصلاته رساله فتحها انا جاني فضول نعرف شن فيه لأنه تعقد بعد قرأها
حسام ** الزح هذا الي كان ناقصني
زينب / كريت منه النقال ونزلت
كانت الرساله من رقم اخره 86
( حسام انا هديل انا في مشكله حسام اليوم درت اختبار لاني حسيت بيها تأخرت وطلعت حامل يعني لازم نستعجلوا في زواجنا قبل ماينكشف امرنا)
زينب / وقفت مصدومه جسمي جمد هو نزل وجاء شوري يجرئ رميت النقال علي وجهه
زينب ** واطئ حقير تافه انا كلبه الي حبيتك
انت شخص ميستاهلش الحب انت انسان حيوان
وقعدت نبكي
حسام / مسكت يديها وقعدت اندمع
حسام ** حبيبي مش قصدي كانت غلطه كنت سكران . بعد عركتي معاك مشيت لولد عمي حشاش وسكار ومش عارف كيف خلاني نشرب
روحت للحوش القيت هديل
زينب / قطعت عليه وانا نبكي
زينب ** روحت للحوش القيت هديل خديتها في حضنك 😢
حسام ** زينب
زينب ** لو سمحت معاش اتكلمني ونساني ومبروك عليك وعليها
ومشيت وسيبته
/
/
/
(عند ياسر )
ياسر / فاتح باب السياره وواقف برا
ياسر ** انزلي قتلك
سمر ** مش نازله
ياسر ** سمر متيبسيش راسك وانزلي
سمر ** نبيش ننزل
ياسر ** بسم الله / ورفعتها
سمر / قعدت انخبط فيه ** نزلني نزلني
ياسر / دخلتها للاستراحه
سمر / مشيت قعمزت ع الصالون انفخ ونكشخ
ياسر / درت اشوايات ومشروب وسلطات وحطيت جنبها مبتش تأكل قعدت انسهف فيها
ياسر ** امم الله عليا نا شيف من الخير بنتها اتهبل
سمر / سهفني وهو يأكل قعد في خاطري وانا حامل حرام عليه خليته ناض بيغسل ايديه وجيت كليت
ياسر ** عقلت وراء الباب انبحت فيها الهبله تأكل بدرقه عليا
اشويه ورجعت لميت الحوسه
هي خشت للدار لحقتها
سمر / فتح الباب وخش يفك في أزرار قميصه
سمر ** ياسر اطلع برا انا بنرقد هنا
ياسر ** باه وانا راجلك وبنرقد جنبك تهيألي حلال صح
وجيت عليها قعدت ادف ودير في جو
سمر / اول مرا يدير هكي انا اندف فيه وهو مصر يقرب وبالقوه زودها واجد ضربته كف
ياسر / حصلت الكف الي نبيه . درت روحي زعلت وطلعت من الدار
سمر / مش عارفه كيف درت هكي اكيد راقيله مني توا اكيد زعل لحقته
سمر ** يسو حبيبي مش قصدي
ياسر ** خلاص ياسمر عدي ارقدي انا راقد هنا في الصاله
سمر ** باهي مش زعلان مني
ياسر ** انت زعلانه مني
سمر ** مممم مش عارفه
ياسر ** ها عطيتيني كف حتى انت هكي تعادلنه
سمر ** اها قصدك انت درت هكي بلعاني بش اتحصل كف
ياسر ** تبي الحق هههه ايه
سمر ** يابارد خزي عليك
ياسر ** حبيبتي تعرفيني نا مش طبعي هك وعمري مفكرت انعاملك هكي
سمر ** عارفتك حنون
ياسر ** يعني حنينه سموره
سمر ** امممم ايه حنينه
ياسر ** امممم باهي مرايف
سمر ** ياسر
ياسر** عدي افتحي الدولاب
سمر ** شن فيه
ياسر** شوفي بروحك
سمر / مشيت فتحت الدولاب
سمر ** خزي عليك بارد/ القيت روب
ياسر ** غيري وتعالي انراجي فيك
غيرت ودرت مكياج وبخيت عطر
وولعت التلفزيون ودرت بوشار وكسدت انا وياه هو متكئ وانا متكيه عليه
سمر ** مباره لا ياياسر
ياسر ** باهي شن تبي اتحطي اكيد مسلسل رومانسي وجو حب وعشق
سمر ** ههههه ايه
ياسر / برمتلها ** تو معقوله تبي رومانسيه وانا قاعد تعالي هنا وااااااااا
سمر / مع الساعه 6 الصبح نضت علي صوت نقال ياسر يضرب هو مفطنش بيه
مشيت شفته القيتها رشا 😈 شن تبي البلوه هذي توا درته صامت وقعدت ماسكته
ياسر / فتحت اعيوني بحتت في السرير سمر مش جنبي ناديتها
ياسر ** سموره حبيبتي وينك
سمر / صكرت علي رشا وقفلت النقال وحولته
سمر ** جايه حبيبي نشرب ميه بس
ياسر ** حبي تعالي طفئ الضئ اعيوني. وتعالي جنبي
/
/
/
(عند ولاء)
اليوم مشيت انا وهشام برمنه للمحلات والملاهي لعبت انا وياه تقريبا في جميع الألعاب
ومشيت للعياده وفي أخبار اكويسه أن حالتي احسن من قبل وهشام أصر ان يحتفل بالخبر هذا
هشام / كلمت مطعم حجزته كله طبعا كلف بس عشان عيون ولاء . وحجزت في فندق وشريتلها هديه
هشام ** هيا ياهمي وتي روحك بسرعه عطلنا
ولاء/ انسقم في وشاحي ع المرايه ** صار انا همك
هشام / خربتلها وشاحها ** احلى هم ونكد في الدنيا غير هيا
ولاء/ ليا اقريب ساعه انساوي فيه خربهلي
ولاء** اه ليش هكي
هشام /حطيت صبعي علي راسي** لاني هكي
طلعنا ومشينه للمطعم
ولاء** واو مطعم يهبل حبيبي بس كنه فاضي
/ وبحتت فيه بنظره امتع راك اتكون مداير يلي في بالي
هشام / عرفت نظرتها ضحكت ** ايه الي في بالك صح
ولاء** مهبول رسمي
هشام ** هبلتيني منك لله
ولاء** لا انت مهبول قبل ماناخذك مديرش الحق فيا توا
هشام ** مهبول وزدتي هبلتيني ياعسل انت
ولاء ** معاش فهمنى مرا عسل ومرا هم
هشام ** ههههه واو عليك . لا انت عسل ياستي وعسل امتاعي امتاعي نا بس . بعد خطرها في عسل اليوم / وغمزتلها
ولاء ** مفهمتش
هشام / درتلها بحواجبي ** حاجز في فندق
ولاء/ تعشينه والجو كان حلوو ورايق هدرزنا وصورنا طبعا عشان نبعت لهلي
وبعدها مشينه الفندق خشينه جناح راقي ومرتب يعني حاجه صح
هشام / مديتلها صندوق صغير
هشام ** هي اتفضلي حبي
ولاء** شن هذا
هشام ** متفجرات ههه تي هديه يابارده
ولاء ** ههه تي نعرف بس اندير في جو المسلسلات
هشام ** اممم به افتحيها
ولاء/ فتحتها القيت فيها ورده وطرف شكلاطه
عجبتني بس توقعت حاجه تانيه بسته علي خده
ولاء** اتهبل حبيبي شكرا
هشام ** دوري بالك تلقي شئ تاني
ولاء/ بحتت فيه وقعدت اندور القيت مفتاح في الورده مسكتها
ولاء** هذي شن
هشام ** مفتاح باللغه العربيه الفصحه
ولاء/ نتكلم باللغه الفصحه ** عارفتها مفتاح بس ليش
هشام ** هههههه عنجد وجك ضيعتي الفصحه
هذي حبيبي مفتاح امتع
كريتها وقفتها قدام الروشن واشرتلها
هشام ** امتع هذي هي
ولاء/ 😍 سيارت دودج امدرسه تحت الفندق برمت عليه انط
ولاء** وااااااااو حبيبي شكرا اتهبل
هشام /اتنط ودارت ازعاج
هشام ** تي اركحي ياهبله شن يقولوا علينا الناس الي لوطه
/
/
/
(عند يوسف )
لمينه العيله وعبينه سيارات سيارات زحمه عيال ودوره بس جو سمح ماشين للمصيف
ساره / هذي اول طلعه ليا مع عيالي جو سمح مرا مرا في جو الطقش بيني وبيني سلفتي بس صبياتي واقفات معايا درع علي قولتهن
وصلنا خدينا شقتين جنب بعض واجد عيلتهم كبيره العيال خشوا للبحر وانا والصبايا درنه قهوه وبريوش وكعك وطلعنا لرجاله وقعمزنا نتفرجوا ونهدرزوا
يوسف / قعمزت انا وصلاح ومندر وخالد وزياد خوتي ع الشط نهدرزوا
فجأه شبحت ساره تأشرلي وتبكئ مشيتلها نجري
يوسف ** كنك تبكئ
ساره **😢 يوسف نبي انروح
يوسف ** كنك شن صار
طلعت شيماء مرت صالح حامقه
شيماء ** مرتك تدلع حسونه ولدي ناش الطاسه تبزع عليها العصير قعدت اتنفخ وتنت علي العيل
يوسف / بحتت في ساره وفنصت فيها
ساره / عطاني نظره اتخوف اول مرا يشبحلي هكي سيبته وخشيت قعد يضبح من قدام الباب
يوسف ** ساره ياساره ساره
ساره / مبيتش انرد لين عزوزي قتلي نوضيله را حامق نضت نرعش
القيته يراجي فيا
يوسف** كنك مترديش
ساره ** نعم شن في / ومزلت نبكئ
يوسف / الصبايا اللداخل قعدن يبحتن واضحه يقصقصن مسكت يدها
يوسف ** تعالي حبيبتي نبيك
ساره / نمشئ وراه ومزلت نعيط لعند وصلنا لنهاية المصيف مفش زحمه واجد
يوسف / قعمزت ع الشط وقعمزتها جنبي
يوسف ** اعيوني خلاص معاش تبكئ
ساره **😢 والله كذابه انا صح اضايقت لما بزعوا العصير علي دبشي وقلتله ليش هكي بس هذا الي قلتهله هيا فصلت عليا وقعدت اتلقح وتقول في كلام مقلتاش
يوسف ** خلاص اسكتي والله مصدقك ياروحي
ساره ** باهي انت ليش بحتت فيا هكي قدامها
يوسف / قعدت اندمع
يوسف ** ياعمري خايف عليك منبيكش تغلطي في حق أي شخص كبير والا صغير لأن ربي يأخذ الحق من الظالم وانت مراتي وحبيبتي نبيش ربي يعاقبك ويحطك في النار / ودموعي زادن.
ساره / قعدت انبحت فيه يهبل عليك عسل راجلي ياناس كل يوم نكتشف فيه حاجه جديده اتخليني منندمش اني تزوجته وتخليني نشكر حسام وباتي
ساره ** هههه تي باهي اسكت ساد من الدموع حبيبي
يوسف ** تضحكي ياشفشه الحق عليا نبيك اتخشي للجنه معايا
ساره ** هههههه ومن قالك بتخش للجنه
يوسف / درت بحواجبي ** زعمه
ساره** قعدت نضحك عليه
مسكت يده
ساره ** حبيبي لو كان رجعت للوراء هترجع تتزوجني والا بتختار وحده متدينه
يوسف / ضغطت علي يدها
يوسف ** مستحيل انا اخترت وحده بس من يوم شبحتها مع باتها موصلها للكليه وانا عقلي معاها ومتهنيتش لين راحت مراتي حلالي
ساره ** هيييي أن شاء الله انت شابحني قبل الزواج
يوسف ** امالا شن بنتزوجك هكي مرات تطلعي شينه ههه
ساره ** اممممم به شن كنت ادير في الكليه ياصايع
يوسف ** ساره 😠
ساره ** اسفه اسفه حبيبي ياشيخ
يوسف ** هههه كنت رافع وراق دلال بنت اختي تقرأ معاك
ساره / قعدت انهدرز مع يوسف ع الشط بعدين وقفنا بنرجعوا لشقه مشيت ماسكه في يده فجأه كندرتي تعبت تراب سيبته
ونزلت بنفض الكندره هو مشئ قدامي فاتت بنت والحق سمحه ولابسه وجو بحتت في يوسف
البنت ** الرقم ياعسل ورأس امك خف علينا راك من بدري مدوخني وراك نعجبك را
يوسف قعد يستغفر انا مشيتله نجري مسكت في يده
ساره ** يا حيوانه ياقليلة الادب والله عقاب دنيا بنت وتعاكس خزي عليك وعلي مربيك عدي دوري واحد غيره هذا راجلي ومستحيل يبحت في وحده زيك خزي عقاب
جت بنتكلم يوسف ضغط علي يدي وهي رعشت ومشت مشيه بلا رده أن شاء الله
يوسف / قعدت نضحك عليها
يوسف **ههههه فصلتي فصله شينه
ساره ** إلا أنت عاد/ مسكت يده من فوق كيف العرسان ** حبيبي راك
يوسف ** 😍ساد را انروح بيك للحوش توا
ساره ** هههه لا حبيبي خلاص سكتت
يوسف ** خلي نرجعوا جعت اعيوني
/
/
/
(عند ليلى )
أحمد مصكر راسه مباش يصدقني أن هناء هيا الي دفتني
ليلى ** اقسم بربي إلا هيا واختك تكذب
أحمد ** ليلى اسكتي شن تفترشي راك زودتيها ورقيتيها ليا
ليلى ** رقيتها ليك . به عدي ملح ياأحمد
أحمد ** انملح
ليلى ** ايه انت متبيش تصدقني ومطلعتني مهبوله .. زيك زي خوك
أحمد / خلاص هبلت وقعدت كيف التور الهايج انخبط وانكسر في الشقه
أحمد ** انملح ياليلى انملح ولا زيي زي خويا ياعنجد وجك ياعن........
ليلى / قعد يسب لميت العيال ومشيت لحوش عيالي وخليته ايكسر وراقيله
مشيت القيت هناء وخوله يهدرزن وزينب قالوا مريضه في الدار
خشيت انكشخ عليهن
خوله ** السلام لله
بحتت فيها ** السلام عليكم
هناء** وعليكم السلام بعد خطرها
ليلى ** انت متدويش معايا بكل را نعرف النداله الي درتيها
ضحكت / هناء** وراجلك صدقك
ليلى ** خزي عليك حقيره
هناء** ياحبيبتي العبي بعيد را أحمد يعشقنا يموت في التراب الي نمشئ عليه ومستحيل يصدق اي كلمه عليا . وتو اكيد فرحان لان تريح من الفرخ الي منك واكيد هنرجعوا لفرنسا ياحلوه
ليلى / مقدرتش انرد قعدت نبكئ ورجعت للحوش القيته ايلم في القزاز
أحمد / فرغت شحنتي وهديت وندمت اني زعلتها فتحت الباب وخشت طول لدار بدون ماتحكى معايا
خشيتلها نبتسم
أحمد ** انديرلك قهوه معايا
مردتش مشيت درتلها وجبتهلها مبتش تأخدها ولا تكلمني
أحمد ** حبيبي خلاص عاد انا اسف ياحبي
وقربت بنبوسها ناضت
أحمد ** ليلى انا اسف سامحيني عاد منقدرش علي زعلك را
مردتش
مشيت وراها وهيا واقفه قدام المرايه نزلت علي رقبتها
أحمد ** اه لو تعلمي قديش انحبك
مشت وسيبتني رقتهلي
وفاتن ايام وهيا ع الحاله هذي معاش تتكلم معايا ومعاش سمعت صوتها
ليلى / ضايعه ليا كم يوم انحس بكلام هناء صح في احتمال أحمد يسيبني
الأيام هذي انعامل فيه برود ومعاش خليته يقرب مني
أحمد / مكسدين ع التلفزيون نبحتت فيها وهي ساكته قربت بستها علي كتفها رعشت وبحتت فيا وناضت خشت لدار بترقد
أحمد ** عنجدي
اتصلت هناء
أحمد ** الو
هناء** الو حبي قتلك رايفتلك واجد تعال عندي اليوم اندلعك
أحمد ** بكره هنو أن شاء الله
هناء ** امم تعال توا عشان خاطري
أحمد / بحتت في الدار ليلى مصكره عليها بالمفتاح
أحمد ** خمسه ونكون عندك ياعسل
هناء** وانا نراجي فيك ياروحي
مشيت بتت عند هناء وخليت ليلى بروحها
رجعت تاني يوم نفس الحاله انحاول انسايرها ومنضغطش عليها
أحمد ** ليلى تطلعي لسوق اليوم
مردتش
أحمد ** خلاص امالا انا مطلع هناء
ناضت بدون ماتحكى معايا غيرت ووقفت قدام الباب
أحمد ** امم به هيا اطلعي
ليلى / مشينه شريت دبش ليا وللعيال وهو خدي قمصان
ورجعنا نزل حط الملابس عندي
أحمد ** حبيبي خلي الدبش هذا هنا انا خاش ندوش ديريلي حاجه نأكلها
/
/
/
(عند ياسر )
ياسر ** كيف صار
رشا ** هذا الي صار مطبخ المطعم انحرق انا اتصلت بيك بس انت صكرت عليا
ياسر ** اه خلاص تم عرفت القصه
/
/
/
( عند حسام )
الليله فرحي علي هديل لبست بلا نيه
دارها حفله بسيطه خشينه لشقه
حسام ** خير
هديل ** خيرات مبروك علينا
حسام ** علي شن ياحسره اسمعي يابنت لانقرب عليك ولا تقربي عليا
هديل ** اممم به انا نتوحم علي تفاح خاطري فيه جيبلي سومي
حسام ** الكلمه هذي معاش اتقوليها وعليك حقيره كلا انت ارقدي بكره انجيبلك
وطلعت وسيبتها وبحتت حتى في وجها ولا للفيلوا الي لابسته
/
/
/
(عند زينب )
عرفت ان اليوم زفة حسام وفوتت طول اليوم في الدار نبكئ فجأه وصلتني رساله فتحتها ولقيت
يتبع