رواية ---عشقت انفاسك
الحلقه الاوله
المقدمه
الحياه بالنسبه ليا مجرد تعب ونكد بس لازم نتحمل ونصبر علشان مريم بنتي الي عمرها سنتين وزياد ولدي عمره 6 اشهور
انا اسمي ليلى25سنه متزوجه من 3 سنوات وراجلي اسمه عماد
الحياه صعبه مع عماد بس انا تعودت نوعا ما خلاص سلمت أمري لله ويأست من أن حياتي تتصلح أو تتغير
ساكنه جنب عيالي ( عمى سالم بو عماد وخالتي عفاف أم عماد وكان عندهم خوله متزوجه وعندها ثلاته اصغار وزينب اصغيره في الحوش 19 سنه وأحمد خو عماد الي عمري ماشبحته لانه سافر قبل مانتزوج بيقرئ برا في فرنسا وتزوج وحده قبل مايسافر واستقر غادي)
كنت امقعمزه في الصاله نتفرج ع التلفزيون وكنت ماسكه زياد بين يديه ومريم راقده جنبي ع الصالون وفجأه سمعت دوشت كل يوم جئ في وقته الساعه 2:30
كان باين عليه مش قادر يفتح الباب بالمفتاح من الدوشه الي دارها وبعدين قعد يدق
اني نضت دخلت زياد لداره وحطيته ع السرير ورجعت لمريم دخلتها حتى هيا منبيش الصغار يشبحوا بوهم بالحاله هادى بش متتأثرش نفسيتهم
ومشيت فتحت الباب شبحتله القيت حالته زي ليلة أمس والي قبلها والي قبلها سكران
هو لما شبحني قالي ساعه بش تفتحي الباب يابهيمه وقعد يضرب فيا انا محسيتش بالضرب لاني تعودت خلاص عليه يعامل فيا كأني شغاله أو حيوان عنده أبسط شئ يمد يده عليا
انا في هاداك الوقت مكنتش انفكر في شئ إلا الصغار منبيهمش ينوضوا ع صوت العياط فتحملت الضرب وسكتت
اشويه ورقد هو انا نضت حطيت تلج علي آثار الضرب الي كان في كل مكان في جسمي
ورقدت وحالي كيف الايام الي قبل
اكيد بتقولوا ليش اتزوجتيه وانت متحبيشي
لما عماد جئ خطبني من خوي لأن بوي متوفئ
علاء خوي وافق طول بدون مايسئل ع الولد زين
وطبعا هادى امر من مرته خديجه الي تبي تتخلص مني اني واختي بأي طريقه فقرر خوي يعطيني لأول واحد يدق بابي وحتي اختي ناوين يديروا امعاها نفس الحاجه ويستر ربي
في الصبح فقت بدري جهزتله الفطور بش ميقعدش عنده سبله وخليته في المطبخ بش لما اينوض يفطر
وخديت زياد ومريم ومشيت لعيالي طبعا اولا ماخشيت جت زينب اخت عماد مسكت زياد اتحبه هلبا وقعدت اتلعب فيه وعزوزي عفاف مسكت مريم وقعدت اتبوس فيها اعيالي ايحبوا اصغاري هلبا
مريم شبحت عمتها زينب ماسكه شكلاته سيبت عمتي عفاف ومشت لزينب جرئ
ع عفاف * اتبيعيني علشان شكلاته يامريم
انا * تعرفيها قداش اتحبها تشبحها تهبل البنت
زينب نادت عليا قتلي زياد يبكئ تعالي خوديه
جيت بنوض ارتفع كوم ابلوزتي عمتي شبحتلي القت يدئ زرقه
* شن هادى ياابنيتي خيرها يدك
انا غطيت يدئ بسرعه وقتلها مافي شئ غير طايحه
شبحتلي ورفعت البلوزه مرا تانيه
ع عفاف * ضاربك حتى امس
هزت راسي بمعنى ايه
رفعت اعيوني ليها وقلتلها
*عمتي بالله عليك ماتخبري عمى سالم
( عمى سالم وعمتي عفاف اكويسين هلبا امعاي
هما زوجوا عماد علشان يحسابوه بيعقل بعد الزواج لان حاله هادى من قبل مانتزوجوا )
عمتي بعد سمعت طلبي استغربت
ع عفاف * اعلاش يابنتي منخبراش خليه يربيه اشويه مع انه مقدرش عليه بس في احتمال يتحشم من بوه ع الاقل
انا * لا ياعمتي هادى أسرار عيلتي مش لازم اتقوليله
الحق مكانش هادى هو السبب .السبب الحقيقي كان لأن عماد في المرا الي فاتت لما عمى سالم سمع بأنه يضرب فيا تعارك امعاه وعماد ولا عليا وعطاني طريحه وانا خفت الشئ هادى يتكرر
قعدت عند اعيالي لحد الظهر بعدين لميت اصغاري وروحت
كان هو مزال راقد طبعا كيف بيفيق وشن بيدير وهو لاشغله ولا عمله خاطئ السهر والزردات وبارك الله فيه عمي متكلف بي مصروفنه من الخبزه لحليب الصغار لأنه راجلي ميخدمش يعنى معنداش بيش يجيبلي
اشويه وفاق عماد جبته الفطور كان يشبحلي ويكشخ مش عاجبه وانا زي الخدامه انجيبله في الميه ونوتي في الغدئ وهادى كله وزياد يعيط
ناض عماد قلب سفرت الفطور
عماد * تي سكتيه الهم هادى الواحد رأسه بيطربق
وجئ بيطلع ناديت عليه وقتله نبي نمشئ لأهلي رجع هو وجئ شوري مسك يدي ولوها وراء ظهري وقالي
* تتحركي خطوه من الحوش نقتلك ونرميك للكلاب
وطلع
تغديتي اني والصغار وضميت حوستي وتفرجت اشويه بعدين نضت درت سندوتش منديرش في عشئ من بيتعشاء انا بس قاعده هو ميروحش بدري ويتعشئ مع جماعته
رقدوا الصغار وانا قعدت انارجي شن بيدير فيا اليوم
راجيت وراجيت وفجأه رن عليا هو قلبي فزع حسيت في شئ صاير رديت جاني صوت راجل غريب
الراجل ** يااختي هادى منزل عماد ال. ..
انا قتله ايه من انت وين عماد
الراجل ** عماد داير حادث ومقلوبه بيه السياره وهو توا في المستشفى
يتبع