Unicode
တိမ်ယံလွှမ်းတဲ့တောင်
🦋1🦋
'ဟူ.......'
တစ်ဖက်က လက်သီးတိုက်ကွက်ကို ခန္ဓာကိုယ် သေးသေးသွယ်သွယ်နဲ့ လှပသော မိန်းကလေးတစ်ယောက်က သူမခန္ဓာကိုယ်ကို အနောက်သို့တိမ်းစောင်းကာ ရှောင်လိုက်သည်။ ခြေလှမ်းခြေကြွမှန်မှန်ဖြင့် သူတို့နှစ်ယောက်သည် ဟုန်ကျင်းကျောင်းတော်၏ ပညာဖလှယ်သည့် စင်မြင့်ပေါ်တွင် တိုက်ခိုက်နေကြတာဖြစ်သည်။
ပထမလက်သီးတိုက်ကွက်ကို ထုတ်သောသူမှာ သူမနှင့်ရွယ်တူ လူငယ်လေးတစ်ယောက်ဖြစ်ကာ အခြေခံအဆင့်က ကောင်းမွန်သော်လည်း သူ့လက်သီးတွေက ပန်းပွင့်လက်သီးကဲ့သို့ အားမပါပေ။
တစ်ဖက်မိန်းကလေးသည် မျက်နှာတစ်ခြမ်းကို ဖုံးအုပ်ထားသည်သာမက သူမ၏အမည်ကိုလည်း ထုတ်ဖော်မပြသေးပေ။ တစ်ဖက်လူငယ်နှင့် သူမ၏လက်ဝါးထိ တွေ့သွားစဉ်တွင်တော့။
'ဝုန်း.....'
မျက်နှာဖုံးမိန်းကလေး လွင့်သွားလေသည်။ လေထုပေါ်တွင် နှစ်ပတ်လောက်လှိမ့်ကာ ဟန်ချက်ပြန်ထိန်းလိုက်ရသည်။
"မိန်းကလေး.... မင်းရဲ့အခြေခံအဆင့်က ထင်သလောက်လည်း မဟုတ်ပါဘူး....."
မိန်းကလေးက ချက်ချင်းပြန်ထ၍ ဒုတိယအကြိမ် တိုက်ခိုက်မည်အပြင်။
"ရပ်......"
ဟုန်ကျင်းကျောင်းတော်၏ ဆရာတစ်ယောက်ဖြစ်သော ဆရာယဲ့က ထပြောလိုက်သည်။ တပည့်များ ရွေးချယ်ပွဲတွင် အနယ်နယ် အရပ်ရပ်က လူငယ်များ လာရောက်ယှဉ်ပြိုင်ကြရာ သူတို့နှစ်ယောက်က နောက်ဆုံးဖြစ်လေသည်။
ဟုန်ကျင်းကျောင်းဟု ခေါ်တွင်သော်လည်း လောကသိအမည်မှာ ဟုန်ကျင်းချင်ဂိုဏ်းသာ ဖြစ်သည်။ သိဒ္ဓိစွမ်းအင် အားကောင်းသော တောင်ကြီးပေါ်တွင် တည်ထား၍ တောင်ခွဲလေးလုံးရှိကာ တောင်တစ်လုံးစီတွင် တောင်သခင် တစ်ယောက်ဆီရှိသည်။
ငါးနှစ်တစ်ကြိမ် ကျင်းပသော တပည့်ရွေးချယ်ပွဲတွင် ယခုနှစ်က လာရောက်ယှဉ်ပြိုင်သူ အများဆုံးနှစ်ဖြစ်တာကြောင့် စစ်ဆေးရာတွင် အချိန်ကြာသွားခဲ့လို့ ညနေစောင်းပင် ရောက်နေပြီ ။
JE LEEST
တိမ်ယံလွှမ်းတဲ့တောင် / တိမ္ယံလႊမ္းတဲ့ေတာင္ (Complete)
Historische fictieNormal သိုင်းစာစဥ်လေးပါ Normal သိုင္းစာစဥ္ေလးပါ
