တိမ်ယံလွှမ်းတဲ့တောင် / တိမ္ယံလႊမ္းတဲ့ေတာင္ (Complete)

🦋43🦋

Unicode
တိမ်ယံလွှမ်းတဲ့တောင်

                       🦋43🦋

        အခန်းကြီးထဲက မီးပုံးများ မီးတုတ်များအားလုံး တစ်ပြိုင်တည်း လင်းထိန်လာသည့်အခါ လူတစ်ယောက်က လဲကျနေတဲ့ သူတို့ဆီကို ပျံသန်းလာသည်။ ထိုစဥ် ဟွမ်ကျင်းရွှေက ဇတ်ကနဲထ၍ ထိုသူအား တိုက်ခိုက်တော့သည်။

       တစ်ဖက်လူ၏အားက စတင်တိုက်ခိုက်စဥ်က သတိထားရမယ့် အနေအထားမျိုး ၊ မိမိကို ထိခိုက်အောင် လုပ်နိုင်မည့်သူဟု ထင်ထားသော်လည်း တစ်ဖက်လူမှာ သူ၏လက်ဝါးတစ်ချက်၌ပင် ဝေးဝေးသို့ လွင့်ထွက်သွား၏။

'ဝုန်း....'

       နံရံနှင့် အရှိန်ပြင်းပြင်း ဝင်စောင့်ပစ်သည်။ တစ်ဖက်လူသည် သူကဲ့သို့ခေါင်းစွပ်အမည်း ဝတ်ရုံအမည်းနှင့် ​ဖြစ်၏။ ဟွမ်ကျင်းရွှေ ဓားထုတ်မည်အပြုတွင် ရုတ်တရက် နံရံက တဝုန်းဝုန်းနဲ့ လှုပ်ရှားလာသည်။ နံရံထဲကနေ သံကြိုးများ ဖောက်ထွက်လာပြီး သူ့လက်နဲ့ခြေထောက်ကို ရစ်ပတ်ထားသည်။

       ပြီးနောက် အရှိန်နှင့် ပြန်ဆွဲလိုက်သောအခါ ဟွမ်ကျင်းရွှေ၏ကျောပြင်က ဂူနံရံနှင့် မိတ်ဆက်သွားတော့သည်။

'ဝုန်း....'

"ဖူး......"

        သွေးတစ်လုတ်ပင် အန်ကျလာ၏။

"မင်းဘယ်သူလဲ..."
"ငါမင်းကို မသတ်ပါဘူး.... ဘယ်သူ့ကိုမှ မသတ်ဘူး...."

"မင်းဘာကြောင့် မေ့ဆေးသုံးတာလဲ... ဘာကြောင့်ငါ့ကို ဖမ်းထားတာလဲ"

        ထိုစဥ် နောက်ထပ်ဝတ်ရုံနက်များ ထပ်ထွက်လာပြီး ရိယုံနဲ့ ယဲ့ရှားလုံတို့အား ခေါ်သွားလေ၏။ နောက်ဆုံးကျန်ခဲ့တဲ့ လော့လော်ကိုတော့ စောစောကတိုက်ခိုက်တဲ့ သူကိုယ်တိုင် ကောင်းမွန်စွာ ပွေ့ချီနေတာ မြင်ရတော့မှ ဟွမ်ကျင်းရွှေ နားလည်သွားသည်။

"ရှီချိုး......"

        တစ်ဖက်ကလူ ခြေလှမ်းများ ရပ်တန့်သွားသည်။

"မင်းမဟုတ်လား.... မင်းဘာလုပ်ချင်နေတာလဲ လော့လော်ကို ပြန်ချထားလိုက်"
"အဟက် ဟွမ်ရှန်းကျွင်းက တကယ်လိမ်ရခက်သားပဲ..."