Unicode
တိမ်ယံလွှမ်းတဲ့တောင်🦋20🦋
"ဟွမ်ကျင်းရွှေ မင်းအမေကထက်မြတ်သလောက် မင်းကတော်တော်လည်း တုံးအတာပဲ"
"ပါးစပ်ပိတ်ထား!"စောစောကလှည့်မကြည့်ရဲသော လော့လော်ကလှည့်အော်လိုက်တော့သည်။
"လော့လော်နောက်ဆုတ်...."
ဟွမ်ကျင်းရွှေ သူမလက်ကိုဆွဲ၍ အနောက်ကိုပို့ထားလိုက်သည်။ လိုင်ကုန်းလျိုသည် စွမ်းအင်မြင့်ကျင့်ကြံသူ ဖြစ်လေရာ သူလှုပ်ရှားလိုက်တာနဲ့ လော့လော်ကို အရင်ဆုံးထိခိုက်သွားနိုင်သည်။
"နွီအော်နဲ့ငါ တိုက်ခိုက်ခဲ့တာမှန်တယ်... အဲ့ဒါကလည်း ငါသူ့ဆီတိမ်ဖြိုဓားကို ခဏငှားရုံပါ... ဒါပေမယ့် သူကမပေးဘူးလေ အဲ့ဒါကြောင့် ငါကတိုက်ခိုက်ပြီးယူရတာ.... မင်းစဥ်းစားကြည့် တိမ်ဖြိုဓားကဘယ်လောက်စွမ်းလဲ တိမ်ဖြိုဓားသခင်ဖြစ်တဲ့ မင်းအမေကို ငါကဘယ်လိုလုပ်သတ်နိုင်မှာလဲ"
ဟွမ်ကျင်းရွှေ "....."
"မင်းသိချင်တာ ဒါပဲမလား... မင်းအမေကို ငါမသတ်ဘူး အဲ့တော့မင်းသွားတော့...."
"ဘယ်သူသတ်တာလဲ""ငါဘယ်သိမလဲ "
"မသိဘူး?....""မသိဘူး.... သွားတော့...."
ထိုစဥ် အိမ်တော်ထဲ တစ်စုံတစ်ယောက် ပြေးဝင်လာသံကို ကြားလိုက်ရ၏။ ထိုသူက သေချာပေါက် လိုင်မုန်ဖြစ်ရမည်ဟု ခန့်မှန်းမိလိုက်ချိန် ဟွမ်ကျင်းရွှေ နှင့် လော့လော်က ထွက်ခွာရန် ပြင်လိုက်သည်။
သူတို့လှည့်ပြန်မည် အပြုတွင် လိုင်ကုန်းကျို၏ရင်ဝတွင် ဆံထိုးရှည်တစ်ချောင်းက အနောက်ကနေအရှေ့အထိ ထုပ်ချင်းပေါက်သွားတော့သည်။
'ဖူး.....'
သွေးပွတ်ပွတ်အန်ကျလာသော လိုင်ကုန်းကျိုသည် သူ့ရင်ဝကို ပြန်ငုံ့ကြည့်ရင်းမှ မျက်နှာတစ်ပြင်လုံးက ဖြူဖတ်ဖြူရောဖြင့် သွေးစုပ်ခံထားရသကဲ့သို့ ပြောင်းလဲသွားသည်။ ဟွမ်ကျင်းရွှေတို့နှစ်ယောက် လှည့်ကြည့်စဥ် လိုင်ကုန်းကျိုက ကြမ်းပြင်ပေါ် ဒူးထောက်ကျသွားလေပြီ။
YOU ARE READING
တိမ်ယံလွှမ်းတဲ့တောင် / တိမ္ယံလႊမ္းတဲ့ေတာင္ (Complete)
Historical FictionNormal သိုင်းစာစဥ်လေးပါ Normal သိုင္းစာစဥ္ေလးပါ