💓..
خودي..
خدت تماضر الفلوس من آمنه وهي مبتسمه قالت:في ميزان حسناتك..
امنه ابتسمت ونزلت عيونها لوطا وهي ساكته..
وعصام يشوفلها بنظرات اعجاب واضحه..
تماضر:هي توا اني ماشيه سلام..
امنه شبحتلها وقال:مع السلامه..
تماضر شبحت لعصام وقالت:السلام عليكم..
وهو رد عليها..
بعدين مشت توجهت للباب وطلعت من المكتب..
وامنه ولت لخدمتها ع اللاب..
وعصام يشبحلها فضوله بيقتله يبي يعرف امنه شن دير.
يعني الفلوس توا لمن عطتهم وين حيمشوا؟
تنحنح وقال:استاذة آمنه..
قامت عيونها وشبحتله وهي تقول:نعم..
عصام ابتسم وقال:مساهمه فمؤسسة خيريه؟
امنه بإبتسامه:دار أيتام..
عصام بإبتسامه:امم..حلو هلبه..
هي ابتسمت مجامله وولت شافت للاب..
وهو قعد يشوفلها بإبتسامه..
بعدين تنهد..وشاف لساعته...
ناض وقف خدي لابه وقال:محاضرتي تبدا توا..
هي ابتسمت مجامله تاني ويدوب شبحتله بعدين شبحت للاب..
هو ابتسم تاني..
ومشي توجه للباب..
فتحه وطلع..
وامنه تخدم ع اللاب كل تركيزها فيه..
انفتح الباب شبحتله..
لقت عصام مولي..
وقف فالباب وهو يقول:لو في اخطاء قوليلي عليهم نصلحوهم مع بعض..
امنه:لتوا لا..
عصام ابتسم وقال؛لو في..
هي هزت راسها وابتسمت مجامله ومن داخل رقيتلها..
عصام؛تمام..
مشي بيطلع..
كيف جاي بيصكر الباب فتحه وولى مرة تانيه وقال:ااا..
شبحتله وهي تحاول ماتبينش انزعاجها..
عصام عقد حواجبه وقال:تقدري تروحي بيه الفلاش..
امنه ابتسمت مجامله تاني وقالت:باهي..شكرا..
عصام:تمام..
كيف جاي بيطلع..
امنه قالت؛استاذ عصام..
طول ولى وشبحلها بإنتباه وقال:نعم!
امنه:اذكر بالك تبي توصي ع حاجه تانيه؟
رفع حواجبه
امنه ابتسمت بربكه وقالت:بش متضطرش ترجع مرة تانيه يعني ويضيع وقت المحاضرة..
هو ابتسم وقال؛كان اذكرت حاجه تانيه بعد المحاضرة نقولك عليها..
امنه:تمام..شكرا..
عصام ابتسم وقال؛العفو..
بعدها طلع وصكر الباب..
امنه قعدت تشوف للباب وتراجي وهي تعد..
1..2..3..4..5..6..7..8..9..10..11..12..13..14..15..16..17..18..19..20....
قعدت تشوف للباب شويه..
بعدين غمضت عيونها وفتحتهم وهي تزفر...
وولت للاب من جديد..
فجأة..
انفتح الباب..
امنه غمضت عيونها بنفاد صبر بعدين فتحتهم وشافت الباب..
انخلعت لما شافت راس عبدالقادر..
عبدالقادر وهو مبتسم ابتسامه عريضه:My teacher نخش عادي؟
امنه وقلبها يرفرف ووجهها محمر:خش..
فتح الباب وخش وفيده شنطة لاب..
قدم ووقف قدامها..
قدم خطوة وهو يشوفلها بإبتسامه ساحره ونظرات تنطق بكل كلام حلو الفم مايقدرش يقوله وامنه كانت تهرب بعيونها عنهم..
حط شنطة اللاب ع المكتب..
هي شبحتله..
رفع حواجبه ونزلهم وهو مبتسم..
بعد قرب يده للشنطه ودفها بصوابعه الزوز السبابه والوسطى لقدام شويه..
امنه:ايه شن هدا؟؟!
عبدالقادر حك حاجبه بعدين حط ايديه الزوز ورا ظهره وقال:ليك انتي...
امنه رفعت حواجبها وقالت:شن هو اللي ليا اني!!
اشر بيده عليه وقال:اللاب توب ليك انتي فمكان هداكا..
هي شبحت لشنطة اللاب..
وحست بشعور حلو هلبه..
اول مرة يحسبها حد فحاجه غير حناها وخالها..
بس مع هذا كانت لازم تكبح هالشعور...
رفعت عيونها وشبحتله وقالت بجديه:خوده واطلع برا..
هو ابتسم ع جنب..
قدم خطوة تانيه..
حط ايديه ع المكتب..
وطبس وقرب وجهه من وجهها بمسافه كويسه..
وعيونه يتأملوا فعيونها..
هي اللي جاها جاها..
تقول انسحرت..
قعدت مسهمه فعيونه وخلاص..
وقلبها داير حال داخل..
وكالعاده يفضح فيها بقوة سرعة نبضاته اللي تخلي فصدرها يعلى ويهبط..
عبدالقادر بصوت هادي:الهديه..ماتنردش..واني عطيتك ماأهم من الحاجه هادي هديه..ومانبيش نردها بكل
امنه تلقائيا طلعت منها تنهيده حاولت تكتمها
هو ابتسم وقال:عيونك مايبوا شي..من غير شي مش سالك معاهم..
هي هدا وين استاقظت..
رقالها الادرينالين لأعلى مستوياته من الغضب هالمره..
ضمت شواربها لداخل بغضب..
ورفعت ايديها الزوز وخبطتهم بقوة ع طاوله المكتب..
هو انخلع..
ووخر...ورفع ايديه يتقي بيهم روحه من سيل الهزايب اللي جايه..
آمنه بغضب:وسعت بالي معاك هلبه هلبه وهدا اللي خلاك تتمادى انت..صفر فالبحث صفر...ومش هكي وبس مافيش امتحان نصفي اول..يعني صفر هكي كبره..رفعت ايديها وهي مخليتهم مقابلات بعض لكن موسعات عن بعض..
عبدالقادر نزل ايديه وقال؛علاش هكي يااستاذة بس!!فاش غلطت معاك..اشر ع اللاب وقال..جبتهولك فمكان الأول هكي من باب انك استاذتي وليك حق عليا...وزي ماقتلت قبل ماعلمني حرفا..
امنه قطعاته وهي تقول:قسما بالله كان ماطلعتش توا ناديلك رئيس القسم..
عبدالقادر بإستغراب:علاش تعاملي فيا هكي بس؟!يشهد الله اني مقدرك ومحترمك و....
سكت و هو ضام شواربه القدام وقعد يشوفلها كيف ناضت من ورا المكتب ومشت للباب وهي تمشي فمشيتها المميزة بغضب..
هو عقد حواجبه وابتسم بإعجاب..
هي فتحت الباب ومشت طلعت..
استاقظ لروحه ولمدى خطورة اللي حيصير توا..
مشي وراها بسرعه وهو يقول :استاذة..غير دقيقه يااستاذة شويه بس...
تمشي ومش معبراته..
وهو راها يقول:غير صلي ع النبي..
ع طلعة رئيس القسم ومعاه واحد من الأساتذة فوجوههم..
امنه وقفت فمكانها..
وعبدالقادر وراها وهما يشوفولهم..
قعدوا يشبحوا لبعض لحظات..
بعدين رئيس القسم قال:خير استاذة آمنه في حاجه..
الاستاذ اللي معاه وهو يشوف لعبدالقادر من فوق للوطا:اكيد الفاشل هدا مقلل ادب معاها..
عبدالقادر رفع حاجبه اليسار وشبحله بحده..
الكلمه اللي قالها الأستاذ وجعت قلب آمنه..
حست روحها مارضتهاش في عبدالقادر...
رئيس القسم بحده:قادر..راهو صبري بدي ينفد..
غمض عبدالقادر عيونه وفتحهم وهو يحاول يتحكم فأعصابه..وكيف جاي بيتكلم..
سبقاته آمنه وقالت:مافي شي استاذ..اني وياه كنا ماشيين للمعمل..عنده بحث ويخدم عليه وجي استشارني فيه..
هو اندهش دهشه فحياته مااندهشها..
⚡عبدالقادر..
حد من المندهشين...
جمان:اسكت انت من غير شي راقيتلي
عبدالقادر:ههههههههه]..
الاستاذ عكرش وجهه وقال بهزوة ممزوجه بالإستغراب:عبدالقادر!!
عبدالقادر قلده بنفس تعابير الوجه وقال:ايه عبببد القااادر..
هي حاولت تشد ضحكتها بكل قوة وحافظت ع تعاببر وجهها الجاده..
رئيس القسم:ياسرك تسهويك زايد وتخرج سادك..استاذتك هادي مازال اصغر منك وواخده الماجستير..تحشم ع وجهك شويه..
عبدالقادر اللي قبل الكلام هدا مايأثرش فيه بكل بدي يوجعه لأن انقال عنه قدام انسانه تهمه هلبه نظرتها ليه..
ابتسم مجامله وقال لرئيس القسم؛إن شاء الله ونولي معيد فالكليه ومرات زميل والله اعلم بعد وقت نشد مكانك..
هما الزوز شبحوله بصدمه..
اما امنه التفتت وقعدت تشبحله..
كيف واقف حاط ايديه ورا ظهره ويشوفلهم وهو مبتسم ابتسامة ثقة ممزوجه بتهكم..
الزوز فجأة قعدوا يضحكوا..
بعدين رئيس القسم قال:لو خدت ليبيا كاس عالم انت تولي معيد هنايا..
ومشوا من حداهم وهما يضحكوا..
وامنه معاهم بعيونها..بعدين غيرتهم ليه لقاته يشبحلها..
غيرت عيونها وشبحت القدام وقعدت تمشي بإتجاه المعمل..
وهو شبحلها شويه بعدين لحقها..
عبدالقادر:وين ماشيه..
امنه:شن قلت لرئيس القسم بكري؟!
هو ابتسم وقال:علاش كذبتي ع خاطري؟
وقفت والتفتت شبحتله من فوق لتحت وهي تقول؛ع خاطرك!!..
هو رفع حواجبه وقعد ساكت..
امنه عقدت حواجبها وقالت؛اضطريت نكذب ع خاطري اني..فكرت انهم حيفهموا غلط ونجيب لروحي الدوة انجبرت نكذب..
نزل حواجبه وابتسم وقال:شكرا..
هي رفعت حواجبها بتعجب..
اما هو ابتسم ع جنب وقال:عن إذنك..
ولف ومشي..
وهي قعدت معاه بعيونها وودانها يسمعوا فدقات قلبها💓..
لما وصل فأخر الممر التفتلها..
هي ارتبكت غيرت عيونها وقعدت تساوي فوشاحها..
هو ضحك..
هي شبحتله تاني..
لقاته مازال قاعد فمكانه..
زادت ارتبكت...ومشت طول لمكتبها..
وصلت فيه وخشت صكرت الباب..
هو ابتسم بتنهيده..
بعدين شبح القدام وقعد يمشي...
مجرد طلع من مكان الاقسام..
تلاشت ابتسامته وهو يفكر فالكلام اللي انقاله..
اضايق هلبه...
وقعد يفكر فيه هلبه...
💮💮💮💮💮
مقعمزات فباحة الكليه ويهدرزوا..
روبين:مانعرفش منين طلعلي مش عارفه اذا كان يلحق فيا ولاصدفه؟؟اني حسيته زي اللي انصدم لما شافني..
رتاج:باهي كان ماطلعتش صدفه وطلع يلحق فيك وناوي يديرلك حاجه يخرب بيها عليك خطبتك من عصام؟
روبين:يااااريت..
رتاج:هبله والله هبله..
روبين:لا مش هبله..عصام بني آدم متخلف ومعقد يتعامل معاي بأسلوب حقير لين خلاص تقول خاطبني بالسيف عليه..غلطة عمري اللي قبلت بيه..
رتاج تنهدت وقالت:اخرتك بتفسخي واضحه..
روبين:ان شاء الله يارب..
رتاج مطت شواربها بملل وسكتت..
اما روبين قعدت ادور بعيونها فالمكان كأنها ادور ع حد..
رتاج لاحظتها وقالت:فمن ادوري..
روبين ارتبكت وهي تقول:حد..من بندور يعني؟
رتاج شبحتلها بشك هي تهز فراسها..
وروبين تجاهلت شبحاتها...
💮💮💮💮💮
فالمعهد...
حدا شجره قريبه ع السور..
سيرين:حبيبي ماتكدرش روحك تنحل..
زيد بضيق:كيف مانكدرش روحي ياسيلين..الخدمه هادي لو راحت مني نقعد نصفق بإيديا والجيب بيفضى ونرجع نمد فيدي لخوي مرة تانيه...
سيرين :وشن فيها؟خوك فالنهايه..قصدي حرام يكون عنده هدا كله ويقعد دابه بروحه..
زيد:رزق بوه معرق عليه مش زي بوي اني اللي قعد عاله ع بوه..حتى بعد مات خدي مرته..
سيرين:مرته امك..
زيد تنهد بضيق وقال:اااه ياسيلين..مش عاجبني حالنا بكل مش عاجبني اللي يديروا فيه خوتي وبوي..ولاعاجبني هو خوي هدا كيف يتعامل معانا..تعرفي سيلين خاطر عليا نهج ونخليهالهم كلهم..
سيرين:وين بتهج وانت فجيبك ماتكسبش عشرة جني!!
هو انصدم فكلامها..
وسيرين استاقظت لروحها شن قالت وفيسع حاولت تتلافى غلطتها معاه فالدوة وهي تقول:قصدي الهجه مش ساهله حتى هي تبي فلوس راهو..
هز راسه وقال بتهكم:واني اللي جايك نبيك تخففي عليا...تمام..تمام.. مشي من حداها..
سيرين مشت وراه وهي تقول:اسفه زيد مش قصدي..زيد..زيد غير اسمعني شويه خل نفهمك..
وزيد تكعبش فالسور وركب بعدين نقز..
سيرين بضيق وعيونها معبيات دموع:زيد..
بعدين ارتسمت ع وجهها ملامح العصبيه..قعدت تخبط فرجلها ع الأرض وهي تقول:يابهيمه ياسيرين ياحمارة ياسيرين.
جتها وحده تجري وهي تقول:سيرين تعالي بسرعه..
التفتت وهي خايفه ومشت لصاحبتها تجري والزوز قعدوا يجروا مع بعض..
مجرد اختفوا جت مديرة المعهد..
قعدت ادور بعيونها كان في اي حركة مشبوهه..
مالقت شي اطمنت ومشت ولت من حيث اتت..
🌟🌟🌟🌟
ماشي في ممر الدور التاني مع صحابه يهدرزوا..
شويه جتهم بنت حلوة هلبه وتبان راقيه جدا..
قعدت تنادي:قدورة...قدري..
التفتوا التلاته..
ابتسم عبدالقادر وقال:جيهان..
جيهان بإبتسامه:ايه جيهان...
وفاروق وجلال مفنجلين عيونهم فيها..
عبدالقادر شبحلهم شويه وكيف جاي بيشبحلها رجع شبحلهم وقال:شويه يابرو انت وياه..
هما شبحوله..
بعدين هزو روسهم وقال فاروق:نتلاقوا فالمحاضرة..
عبدالقادر:ok
مشوا الزوز..
جلال:زبطها اهيا..هادي اللي كانت تقرا فقسم جولوجيا وتخرجت العام اللي فات..
فاروق:ايه زبطتها قبل نحسابها حاطه عينها ع قدري طلعت مدايرة علاقه مع هارون..
جلال:ايه..
💮عبدالقادر بإبتسامه:ليك وحشه بصغارها..
ضحكت وقالت:وليك انت اكثر..ماصدقتش لما شفتك..
عبدالقادر ابتسم بإستغراب وقال:علاش!؟
جيهان بضحكه:توقعتك تسيب..
عبدالقادر ضحك وقال:لالا..ناوي نتخرج خلاص..
ابتسمت وقالت:حلو..
من بعيد شويه..
طلعت امنه من اخر ممر الأقسام فالدور التاني....
مشت نزلت من دروج ينزل للممر منخفض فالدور التاني..
"اللي يقروا فكلية العلوم جامعة طرابلس يعرفوه"..
لما وصلت للدرجه ماقبل الأخيره..
وقفت..
لما شافاته واقف ع وحده صغيره وناعمه وجميله وانيقه جدا وزاهيه بالألوان اللي لابستها..
يهدرزوا وهما يبادلوا فبعض الإبتسامات..
عبدالقادر:باهي كويس كان لقيتي خدمه..
هي شبحت زي قطعه ورقه شجرة يابسه ع كبوطه..
قربت يدها ليها وحولتها وهي تقول:ايه اهو..شبحتله وابتسمت وهي تقول..ماشي حالي..
عبدالقادر بضحكه:تعرفي توجي استاحشاتك هلبه..
جيهان بضحكه:تذكر لما مرة جبتها هني وين شبحتني شن قالت..
عبدالقادر عقد حواجبه وقالت:لا مش مذكر..
جيهان:حيي كيف نسيت لما قالتلك نخطبهالك قدورة..
ضحك وقال:اهاا..
جيهان:ههههههه...تهبل..ربى يحفظها..
🍂امنه اللي كانت مازال واقفه تشوفلهم قعدت لاإراديا تقارن بينها وبين البنت فكل شي..
حست روحها ماتجي جنبها شي..
وفخاطرها ضحكت ع روحها اللي فكرت مجرد التفكير ان عبدالقادر معجب بيها..
لاهي بيضا وحمرا زي البنيه اللي قدامه..
ولاصغيره فسنها..
ولاهي دلوعه ونعومه زيها..
وحده زيها هي شن بيشوف فيها واحد زي عبدالقادر؟..
استاقظت من سرحانها ع صوت طالبه جايه بتنزل قالتلها:عفوا..
هي بعدت وقالت بصوت مخنوق:تفضلي..
نزلت البنت ومشت فحالها..
اما هي تمالكت نفسها وكملت طريقها للقاعه اللي بتعطي فيها محاضرة لمادة جديده مسكتها بتعطيها هي واستاذة تانيه..
وهي ماشيه كانت لازم تفوت من قدام..
رسمت ع وجهها ملامح اللامبالاة...ومابتش تشبح جهته حتى الشبح..
عبدالقادر :والله شن بنقولك..الأيام..هاااديي...وسكت وقعد بعيونه معاها..
جيهان التفتت وهي تشوف وين مايشبح..
شافت امنه وهي عاطيه بالظهر وخاشه للممر اللي فيه القاعه..
جيهان رجعت شبحتله:معاش تشبحلها هكي..حول عيونك وقول الحمد لله اللي عافانا وفضلنا ع كثير من عباده..
شبح لجيهان بحده وقال:علاش خيرها شن فيها!!؟
جيهان استغربت نظرته وقالت:ماشفتهاش كيف عرجا..!؟
عبدالقادر:عرجا!!؟
جيهان:ايه عرجا..
عبدالقادر رفع يده وشاف لساعته وقال؛معليشي جيهان عندي محاضرة توا..نخليك..سلام..
ومشي عنها وخلاها..
وهي قعدت معاه بعيونها وتشوفله بصدمه..
🍂🍂🍂🍂
كانوا الزوز يشوفوا القدام بصدمه حتى هما..
فاروق:يافرحة قدو..
جلال:سبحان الله..
امنه شبحت لساعتها وهي تراجي امتى اطق 12مزبوطه بش تبدا تعطى..
كانت الساعه ع وشك تكون 12ميته موت..
هي قدمت طول للباب..
وصلت فيه..
وكيف جت بتصكره..
طلع فوجهها.
قعدت تشوفله وهي مخلوعه كالعاده..
عبدالقادر بإبتسامه عريضه :مازال دقيقه استاذه..
هي فهمت انه يقرا هني..وخرت شويه ع الباب..
هو خش طول وقلبه يرقص من السعاده..
مشي طول قعمز ع كرسي فاضي بطاولته
"الكراسي هني منفردات"..
حط شنطة اللاب قدامه وقعد يفتح فيها وهو يشوفلها بإبتسامه..
وصحابه يشوفوله وهما مبتسمين..
هي صكرت الباب..
بعدين مشت ولت لطاولتها..
وقفت وراها وقالت:اغلبكم يعرفني..بس في اللي لا..اني استاذة آمنه الهوني..
وبدت تعرف فنفسها للطلبه اللي مايعرفوهاش وهو معاها بعيونه..
ثباتها..وقوة شخصيتها واسلوبها الواثق اللي تتكلم بيه مخليه مبهور بيها..
ناهيك عن فتنة عيونها الحزينه...💓
🌸بعد تعريفها ع نفسها بدت بمحاضرتها..
هو كان مقعمز وحاط رجل ع رجل ومربع ايديه وهو يشوفلها مركز ع كل تفصيل فيها...
وهي كانت تحاول ع قد ماتقدر تتجاهل وجوده..
ونجحت فالشي هدا..
اللي ساعدها تنجح اكثر شي هو اللي شافاته قبل لتخش المحاضرة والفكرة اللي كونتها فراسها عنه..
🍂🍂🍂
بعد ساعه ونص بالزبط..
تمت المحاضره..
هي طول حطت لابها فشنطتها ومشت للباب وطلعت...
وهو كان معاها بعيونه وابتسامته ع وجهه..
ناضوا صحابه من مكاناتهم ومشوله..
جلال بضحكه:مروق الباشا..
فاروق بضحكه:حتى بعد طلعت مايبيش يطلع..
شبحلهم هما الزوز بربع عين..
بعدين ناض وهو يلبس فشنطة اللاب قاللهم :تعرفوه نادر الصويعي؟
فاروق:اني نعرفه..
عبدالقادر :شفته اليوم..
فاروق:ايه..
عبدالقادر:حلو..فيسع فيسع قابلني بيه..
جلال وفاروق بإستغراب:علاش؟
عبدالقادر:تو تعرفوا بعدين..هيا بسرعه معاش في وقت..
فاروق:اوكي هيا..
ومشوا التلاته مع بعض وطلعوا من القاعه..
🍂🍂🍂🍂
قولي لامك يابنت جاي الليله اطلب ايدك..
ولا بعمري عاقل كنت وحياة الإله بريدك..
لبس طاقيته ع راسه..
وشبح للمرايه وهو يساويه فرقبة فانيلته ويغني..
عشته طول وعرض الدني..
مابعمروا راسي بينحني..
جاته امه وهي تضحك قالت:غير امتى يجي اليوم اللي بتقولي فيه اخطبيلي يام..
التفتلها وقرص خدها بعدين طبس ع سبيدروه خداه و قال:مش جاي بكل..
ومشي طلع من الحوش وصكر الباب.
وخلاا امه تقول:العفو ياربي ياسيدي..!
هو بعد لبس سبيدروه..
مشي لسيارته وركبها..
كيف جاي بيولعها خطرت عليه روبين..
وخطر عليه اللي دارتهوله كله..
ولع السيارة بغضب وقال:مش قادر نعديها..مش قادر..
خبط بيده ع الدومان..
بعدين شده بقوة بإيديه الزوز وتحرك..
💮💮💮💮
الساعه 3:00بعد الظهر..
مشت طول للعياده اللي راقده فيها امها بعد عرفت ان خواتها سبقوها غادي بوهم اللي روح بيهم وجابهم للعياده..
وين جت خاشه..
كان اسماعيل اللي مدرس سيارته غادي يشوفلها من المرايا كيف خاشه..
سموعه:حي كان ماتطلع اختها!!..غير شن جايها ليها هادي تبان عاقله ومحترمه مش زيها هي..اللل..الكلبه هادي..
وزفر بقوة من الغضب..
🍂🍂🍂🍂
وصلت امنه للممر اللي فيه حجرة امها..
وين قربت توصل..
وقفت لما سمعت وحده من خالاتها تقول:امي قالت بتجي هي وياها..اسمعي من توا كان بتمشي للكسوة تلبس حاجه باهيه تولي بنت شويه..راهو الناس اللي مناسبهم خوك ناس دقق ع كل شي و يعلقوا هلبه..
روبين:تريحوا مش حتمشي هي اصلا عندها رهاب اجتماعي اختي هادي من الاخير..
سيرين:ماتحبش تخش مناسبات تخاف ينشدوها علاش عنستي..
خالتها ضحكت وقالت:يعطيهالك يافرخه..
مريم:تمشي ولاماتمشيش ماعلياش فيها..المهم توا روحوا بيا خل نوتوا ارواحنا بوكم قال من الحوش لحوش خالكم طول..
سيرين:كل شيلي واتي..
روبين:حتى اني..
🍂🍂🍂
هي ماكملتش باقي دوتهم..
مشت طول قاصده باب العياده..
طلعت منها وهي تمشي بسرعه لسيارتها..
واسماعيل معاها بعيونه..
حسها مش ع بعضها..
بعدين شبحلها من مرش الروشن متاعه..
لقاها تمسح فدموعها وهي تركب لسيارتها...
قعد يشبحلها..
لعند ماتحركت بسيارتها..
خطر عليه بعدها لما شافوهم هو وعبدالقادر كيف كانوا واقفات مع بعض هي واختها يتعاركوا..
وكلام روبين وحركتها متاع تلويحة الفلوس فعقله..
اسماعيل:اكيد مش شقيقتها هدا علاش تتعامل معاها هكي..اصلا الكلبه هادي شن بيطلع منها..كلبه..كلبة كلاب..
🍂🍂🍂🍂
آمنه كانت فقمة الحزن وهي تسوق..
كانوا دموعها ينزلوا منها بصمت..
ليهم عمر يتعاملوا معاها هكي مفروض تكون متعوده لكن مع الأسف ماقدرتش تتعود..
لقت روحها بدون ماتحس قدام الميتم..
حست روحها ولأول مرة تبي تفضفض لبنادم زيها لعلها تلقى راحتها معاه..
🏵تقول العيب اللي فيا مش من ربي..هما مش فاهمين انهم قاعدين يهزوا ع خلقة ربي مش اني...
تماضر تشوفلها بألم وعيونها معببات دموع.
امنه ببكي :علاش الناس هكي تفكر..علاش ميحكموش عليا بأخلاقي بعلمي بالإنجازات اللي درتها فحياتي..علاش تقييمهم ليا يكون بزواجي من عدمه..علاش يقيموا فيا بعيبي الخلقي ومايشوفوش لأخلاقي...اني ياتماضر همي مش فالناس قد ماهمي فعيلتي..امي امي نفسها كارهتني ع خاطر هادي..حطت يدها ع رجلها وقالت..هادي..هادي..اللي اطلقت من بوي ع خاطرها وخلاته حتى هو ينفر مني بسببها..
خبطت عليها وقالت..ولا مرة قلت علاش ياربي خليتني هكي ولاحنقوله..نبيه بس يقويني بش نقدر نواجه البشر اللي زي هادم..
تماضر مسحت دموعها وقالت بحزم:كله فيدك انتي ياأمنه لو ماخليتهمش يحسوا ان عيبك هدا مأثر على حياتك ماكانوش تعاملوا معاك هكي..اني لو كنت مكانك كنت مشيت وجيت عليهم نتكلم معاهم واني واثقه من نفسي لأنهم كلهم ماوصلوش لربع اللي اني وصلتله..
انتي يا امنه ليك قيمه واهميه اكثر منهم كلهم..العيب ماينشافش قدام مميزاتك اللي مالهاش حد طز فيهم..
اطلعي واشري لبس وامشي واحضري العرس من اول زغروطه فيه وانتي لابسه وطارحه..وحق ربي ياامونه مايطلعلهم معاك بعدين..امونه..
《حبي نفسك..واقبلي روحك زي ماانتي》
غصب عنهم حيقبلوك ويعترفوا انك خير منهم يخي..
كلام تماضر حرك حماس امنه وحبها للتحدي..
لدرجه انها طلبت منها تاخد اذن بش يمشوا مع بعض السوق وتشري امنه كل اللي يلزمها للعرس..
🌟🌟🌟🌟
الساعه 7:00مساءا..
تجديده كانت واقفه برا ادير فطلة ع نخلتها..
تجديده:الله يبارك ع نخيلتي الله يبارك..زي الوريده..
ضحكت بنتها فتحيه اللي كانت تشوفلها ع التشبيه بعدين قالت:يام..
تجديده:هاااه..
فتحيه:قدورة وينه ماريتاش بكل؟..
تجديده:اتصل بيا بكري وقالي راني معطل ياحناي ماشي نقرا عند وليد نعرفه
فتحيه:ههههههههههه..وانتي صدقتي يام..
تجديده:ياودي ع كيفه المهم مايقربش المخدرات والباقي كله عادي..
فتحيه بضحكه؛ع قولتك..
التفتت تجديده وقالت:تنزلي تكسدي معاي..
فتحيه :مش ماشيه لحليمه!؟
فتحيه:جاياتها سلفاتها واني مانحبلهم شبح وجه..
فتحيه:ههههه..باهي هاني نازله..
تجديده؛نزلي معاك سطيل المقروض اللي داساته عندك..
💮💮💮💮
لبس معفن لا..رقيص وتسهويك زايد لا...هدرزة مع شباب العيله لا..فهمتي ولانعاود..
هو كان يتكلم وهي كانت مبعده التليفون عن وذنها وهي تتأفف بملل وتشقلب فعيونها..
رداته لوذنها بعد ماقال فهمتي ولانعاود هي ردت:ايه..
عصام؛تتسهوكي..
فنصت وقالت:علاش نتسهوك..نسمع فيك شن تقول!
عصام رفع حاجبه وقال:باهي شن اخر حاجه قلتها ترا؟..
روبين بربكه:ماتمشيش الصاله..
عصام هز راسه وقال:اسمعي يابنت الناس الطريق اللي فيها اني وياك قاعده تقصري فيها..ركزي ع تصرفاتك راهو اني بالي مش واسع هلبه..وصكر عليها..
روبين :ان شاء الله والله ينشرك وهالطريق تولي اخرتها مسدودة ونفتك منك..
داخل..
مريم؛ايه العرس ان شاء الله الصيف الجاي..الراجل مستعجل..ههههههه..
مرت خوها من فوق نفسها:باهي ربي يتمم ع خير..
بنت خوها:امنه بتجي؟!..
سيرين؛لالا مش جايه تعرفوها ماتحبش المناسبات..
مرت خو مريم؛مابعدها من روحها بنتك هادي الحق تبي دكتور نفسي..
مريم:ماعندي مابنديرلها..المهم توا قوليلي شن ناويين اديروا..
🌸🌸🌸🌸🌸
تاني يوم...
الصبح..
الساعه 7:30..
واقفه تشوف لروحها فالمرايه..
كانت هالمرة مغيرة فلبسها هلبه..
تجرأت ولبست الوان زاهيه..
وزينب وجهها ع خفيف جدا..
حست انها حلوة هلبه بكل شي فيها...
وقعدت تردد فعقلها كلام صديقتها تماضر..
خدت نفس بعدين قالت:توكلت على الله..
مشت طول بإتجاه الباب..
فتحاته وطلعت..
صكراته وراها..
وقعدت تمشي..
لعند ماوصلت فالكوجينه...
شافت حناها تغني مع سلام قدري..
اغنيه"انشد" المذاعه فالراديو..
ابتسمت..
بعدين تسحبت ومشت طلعت هربا من اسئلة حناها اللي مش حتخلص لو رتها هكي..
🌸وصلت فسيارتها..
حطت حاجاتها فيها...
بعدين ركبت..
صكرت الباب وشغلت السيارة وتحركت..
بعدين فتحت الراديو وقعدت تسمع فنفس الأغنيه..
🌟نفس الأغنيه كان يسمع فيها قدورة وهو ماشي للكليه..
[جمان؛من امتى؟..
عبدالقادر بضحكه:صدفه فتحت الراديو لقيتها ..حلوة..
جمان:امممم]
💓انشد ياسيد الحلوين واشغل فكرك مرة بينا..
رانا لزولك مشتاقين..رانا لزولك مشتاقين..
وانت من بالك ناسينا ياسيد الحلوين..
انشد..
ياسيد الحلوين..واشغل فكرك مرة بينا...💓
💓💓💓💓
وست الحلوين..
خشت للكليه..
هالمرة كانت حاسه بشعور منعش..
كانت حاسه روحها زي الفراشه فعلا..
وكانها قبل كان مقيده روحها بقيود..
فكتهم عنها واخيرا..
واطلقت العنان لجناحاتها اللي كانت مانعتهم يرفرفوا بش ماطيرش لانها كانت ديما تخاف من السقوط..
لكن هالمرة مابت تخاف من شي بكل
قررت اطير وهي واثقه انها مستحيل اطيح بس ممكن تنزل وتحط ع الورد..
ايه.السموح اللي زي الوريده وكان بكامل اناقته حتى هو كان جاي وراها..
يشوفلها من الخلف وهو مبهور..
هدا مازال ماشافهاش من القدام..
سرع خطواته وجي جنبها وقال:صباح الخير..
هي كالعاده انخلعت..
قعدت تشبحله..
هو تلاشت ابتسامته قام نظراته شويه وقعد يشوفلها زين..
هي اذكرت اللي شافاته امس..
شبحت القدام وسرعت خطواتها وفاتته..
هو وقف وقعد معاها بعيونه لين اختفت من قدامه..
نزل نظراته ع عيونه وقال بضحكه:خلاص وحق ربي رسمي طحت فيها البنت هادي اني..💓
🌸🌸🌸🌸
عدت الساعات..
وامنه من مكتبها ماطلعتش كانت مع عصام يراجعوا فالمحاضرات اللي عطاهولها..
عصام كان حاس بإنجذاب غير عادي اتجاهها..
وهي مش مركزة عليه نهائي...
اما قادر..
فكان مختفي بالمرة...
حتى صحابه ماحصلوشي..
هكي لعند ماجت الساعه 2:00بعد الظهر..
خشت أمنه للمدرج..
كانوا الطلبه يشوفولها بإعجاب..
كانت طالعه حلوة هلبه...
وفقت ورا طاولتها وقالت:مساء الخير..
كلهم ردوا:مساء الخير..
ماعدا صوت واحد قال..
'مساء الورد "
شبحوله الطلبه كلهم..
لكن هي تجاهلت...
شبحت للقائمة بعدين شبحتلهم وقالت:غاده الطيب..
عبدالقادر وقف وخدي اللاب متاعه وطلع من ورا الكرسي ونزل وجاها..
امنه ارتبكت بس حاولت تخفي ارتباكها لما قالت بحده؛غاده وينها..
غاده؛عبدالقادر قبلي استاذة..
فاروق:انتي قلتي الخميس الجاي يجي بالعرض متاعه..
الاء:ايه استاذة كلنا شاهدين..
هي حركت عيونها جيهته وقعدت تشبحله بطرفهم..
هو ابتسم برفعة حواحب..
غيرت عيونها وشبحت للطلبه..
بعدين حولت من ورا الطاوله ومشت للمدرج...
هو وقف ورا الطاوله وحط اللاب متاعه..
شبح لزملائه..
كلهم كانوا يحمسوا فيه..
وفاروق وجلال غمزوله بعيونهم..
امنه وصلت في كرسي وقعمزت بروحها..
وشبحتله..
هو فتح بطمة دجاكته..
وحط يده فجيبه سرواله وهو يشوفلها..
ابتسم وقال؛بسم الله الرحمن الرحيم...
امنه ضمت كفوفها لبعض وحطتهم تحت ذقنها وقعدت تسمعله..
هي ماخداتاش بجديه..
لكن هو فاجئها..
كان يتكلم ويشرح بطريقه..
خلت المدرج كله يشوفله بصدمه وفامهم مفتوحه..
اما هي نزلت ايديها ع الطاوله..
وقعدت تشوفله بإندهاش..
وين تجي تسأله يرد عليها بإجابه نموذجيه..
امنه انبهرت مش بس اندهشت..
وهو كان ملاحظ نظرات عيونها..
وكل ماله تزيد ثقته بنفسه..
بعد ماكمل..
ابتسم وقال:هو هدا..
كلهم شبحوا لآمنه..
أمنه بإعجاب شديد قالت..
"مذهل!"
....يتبع..
