محاصرها بنظراته..
وهالحصار في البدايه اربكها..بس بعدين تجاهلاته لما لهت مع الصغار..
كانت تهدرز عليهم وهو يراقب فيها..
في تفاصيل ملامحها...
فيهم سحر يجذب 💓
تبتسم يبتسم معاها..
تركز يركز معاها...ولما تضحك💕
يضحك معاها ضحكتها بالنسبه ليه احلى شي شافه فحياته💓
⚡عبدالقادر
صح حلوة بالمرة لما تضحك..مرات لأنها في الغالب هكي متجهمه ولاعابسه...بس تبي الحق في كل حالاتها تجذب..
عندي فضول شديد نعرف هيا من وين..
جمان:ترا احزر😁
عبدالقادر ضحك وهو يشوفلها وقال:
اممم صيعانيه...الصيعان فيهم جمال زي هدا ..
جمان: لا الصيعان جمالهم مميز هكي تحسه اشقر في الأسمر..
عبدالقادر: صح ..بس حتى هي جمالها مميز..
اممم...مصراتيه..ياودي لا هدوكا بيض حمر في الغالب..
جمان:لالا ولا مصراتيه..هادي فيها حاجه مختلفه ..
عبدالقادر:لا عاد راك تقولي ورفليه وتطلع بنت سيدي..
جمان: هههههههه لالا...
عبدالقادر تنهد وقال:ولا شرقاويه...باهي من وين؟؟!!!
جمان:زيد فكر...
رجع شافلها بتركيز..بعدين ابتسم بتعجب شافلي ..بعدين رجع شافلها ..
ناض من مكانه ومشالها طول..
"جنوبيه انتي؟"
شبحوله الزوز...
امنه تأففت وقالت برفعة حاجب وهي تشوف لتماضر:هيا تماضر بالله ..ناضت وخدت شنطتها ..
عبدالقادر:غير بالله اقعدي شويه بس..
فنصت بيه..
عبدالقادر ضحك بربكه:باهي جاوبي ع سؤالي بس 😅
سطراته شبحه من فوق للوطا وطلعت طول..
هو تنهد بيأس..
"ايه من الجنوب وهونيه"
شبح يمينه شاف تماضر تشبحله بإبتسامه..
تماضر:وراهي تهبل ومافيش منها بس تبي من يتعب عليها..
ابتسمت تاني وقالت للصغار..هيا حبيباتي..
ومشت طلعت معاهم..
هو ضحك ورجع قلبه يدق بقوة💓💓💓
وطلع طول وراهم...
💕💕💕💕💕
في السيارة
امنه:متروشق هدا رسمي عارفاته في الأخير بيجبرني ع شي مانبيشي..
تماضر بضحكه:زي شني يعني..وغمزت..
امنه رمشت عيونها وقالت بصوت عالي شوي:تماااضر💓
تماضر: ههههههههههه..
تحاول تركز في الطريق وحاسه بربكه غير عاديه...ويجي بين عيونها بنظراته بالذات تحس بشعور غريب يخلي في حرارتها ترقى 💓🌡🔥
🌟🌟🌟🌟🌟🌟🌟
اما هو وراها...
وفاتح اغنيه ويغني معاها..
شو جاني شو جاني من حبك ياأسمراني..
اه منك اه ياني كان قلبك طيب..
جمان:هههههههههههه..انت اوفر حتى في الأغاني..
عبدالقادر:اسمممر ياحبييييب 😁
جمان بهمس :حتى الشقر حبيبين 😔
عبدالقادر وهو يدربك ع الدومان:قلتي حاجه؟
جمان بربكه : نغني نغني...ياضلك قبالي ياتركني بحيلي 😅
عبدالقادر😂
🌟🌟🌟🌟🌟🌟🌟🌟🌟🌟
انفتح باب الحوش..
خش..
"عصام"
عصام وهو يحول في كندرته:ايه يام..
طلعت من الدار ومشتله..
زمزم :عطلت اليوم..
عصام وهو يحط في كندرته حدا الباب:طلعت من الكورس مشيت لواحد صاحب شربت عنده قهوة..
زمزم :باهي بنقولك ..
عصام برفعة حواجب:شني..
زمزم:غدوة اهل خطيبتك عازمينا ع الغدي..
عصام بتضييقه عيون:علاش!!
زمزم:قالوا بوها يبي يزيد يتعرف عليك..
ضحك بتهكم وقال:بالله!! تبدلت ملامحه للحده وقال..قوليلهم مش فاضي...وفات من حدا امه..
لحقاته٠ امه :كيف ولدي هكي مايجيش..
وقف عصام والتفت وهو يقول:قصدك عزومتهم هادي من اصلها تجي ؟!!
زمزم تنهدت وقالت:حتى اني ماحبيتهاش الحركه..لكن عيب نرفضوا ولدي مايجيش...هكي بدير حساسيات انت..
عصام شبحلها شويه بعدين قال: باهي...ومشي طول لداره وفي راسه شي..
امه تنهدت وولت لدارها
💛💛💛💛💛💛💛
طلع في حوايجها وتحاول تختار واختها تشوفلها..
سيرين:مقتنعه انتي بهالفكره ..
روبين:ايه...الدوة وجه لوجه مش زي التليفون..ضحكت بغمزة وقالت..في رجاله عندهم مفاتيح تقدري تخشيلهم منها لما تقابليهم وجه لوجه..
ضحكت سيرين وقالت:لكن هو مش زيهم..صعب هلبه ومسكر بأقفال مصديه..
روبين:لو مسكر بشني الا ما يكون ليه مفتاح صدقيني..
سيرين بضحكه: ربي يوفقك وتفتحي سمسم ع خير..
ضحكت روبين وبعدين قالت:شن رايك في البلوزة هادي؟
سيرين:حلوة وملفته..
روبين ابتسمت: حلو
🌟🌟🌟🌟🌟🌟🌟🌟🌟🌟
قعد وراها لين وصلت الصغار ومشرفتهم للدار..
نزلت معاهم قعدت حوالي7دقايق بعدين طلعت..
ركبت سيارتها وتحركت..
وقعد وراها لين وصلت لحوشها ...
راجاها لين خشت للحوش..
قعد شويه....
⚡عبدالقادر..
عندي فضول شديد جيهتها..نبي نعرفها اكثر نبي نعرف حتى كيف يمشي يومها شن ادير بعد تروح من الكليه..
جمان: وشن ادير يوم الجمعه والسبت..
غمض عيونه بشده وقال:نسسسيتها الحكايه هادي مرة وحده🤦♂️
جمان بضحكه:ونسيت الزردة متاع المناجيه صحابك ..
فجأة سطربت السيارة..ولف وطار بيها..
جمان:بالشويه 😲
ولاعبرني وكمل طيران...
واني اعصابي تلفت😖
⚡⚡⚡⚡
وصل للحوش..خش داخل طول غير ورفع معاه صاكو فيه دبش ..
وباس راس حناه ع السريع ..
وطلع جري ركب السيارة .. وطار بيها مرة تانيه🛩..
بس اني هالمره مش معاه..
ياروح مابعدك روح 😌
🍂🍂🍂🍂🍂🍂🍂
اتقرض في الرشده وهي تقول:هما يكبروا ولساناتهم تطل ضحكت وقالت..جو عليهم.
تبره اللي كانت مقعمزة حداها ضحكت وقالت:خاطر عليا تجيبهم نهار يتغدوا ولا يتعشوا ..خاطري
نشوفهم..
ابتسمت وهي تحط في الرشده المقرضه في الصونيه:إن شاء الله..
سكتوا شويه..
بعدين تبره قالت:عرس ولد خالك اسبوع بعد الجاي..
ملامح وجهها تغيرت وهي تحط في الرشده في الطنجره..
🍂ماتحبش المناسبات الأجتماعيه..اكثر موضع تحس بيه في النقص..بسبب نظرات الناس واسئلتهم البايخه انخطبتي..جاك موضوع..وعلاش ماانخطبتيش لاتوا؟!!
تقول قاعده ع قلوبهم
ناهيك عن اقاربها مش خير من امها وخواتها.. معاملتهم ليها اسوأ بهلبه...
ممكن في سببين لهالشي
اولهم نفور امها منها وكره خواتها ليها وكلامهم عنها الدايم بالسوء في قولت انها متعجرفه ومتغطرسه ومعقده وماتجيش تشوف امها ولادور فيها ومن هالكلام
وتانيهم هو انطواء امنه وحبها للأنعزال ع ناس تشوفلها بنظرة انها ناقصه...وزياده عن ذلك مايشبهوهاش في العقليه والتفكير لأنهم سطحيين هلبه 🍂
تبرة لما سكتت فهمت عليها وقالت:اسبوع الجاي نطلعوا للسوق ناخدوا حويجات وانتي تاخدي حوايج مناسبه..
امنه بعد بلعت ريقها قالت: الحق اني مش حنمشي كان يوم الدخول ..
نبرة طارتلها قالت:باهي لعند امتى يابنتي لعند امتى حالك هدا ..ره غلط اللي ديري فيه تجيبي لروحك فالكلام المش باهي وتوقفي في حالك..
قلبها وجعها هلبه من كلام حناها قالت بضيق شديد: مية مرة نقولك اني هكي مرتاحه..مرتاحه..معاش تقوليلي الكلام هدا حتى انتي ..تعبت والله تعبت..
ومشت طول طلعت من الكوجينه ودموعها ينزلوا فتحت باب دارها وخشت وسكراته بالقوة..
وقعدت تبكي بالعبرة...
اما جداها ناضت وهي مضايقه ع الأخر مشت للطنجره تشوف فيها..وقلبها واكلها ع بنت بنتها اللي ماعندهاش حظ في الدنيا...
🍂🍂🍂🍂🍂🍂🍂🍂🍂🍂
تاني يوم...
بعد صلاة الجمعه...
وصل عصام هو وأمه لحوش نساباته ..
نزل هو وامه...
ونزلوا معاهم حاجات جايبينها
زمزم وهي تشوفله:وليدي اطلق عبستك..
شبحلها بربع عين بعد شبح للباب ورن جرس الإنترفون..
ردت عليهم روبين:مني..
عصام:اني وامي😑
روبين ابتسمت :شويه بس..وصكرت..
زمزم:شن الأسلوب هدا ؟
ماردش ع امه..
زمزم:ربي يهديك..
انفتح الباب وكانوا بو روبين وامها استقبلوهم استقبال حلو ودخلوهم..
عصام للمربوعه..وامه مع مريم للحوش داخل..
هدرزوا شوي..
حطولهم الغدي بازين بالوطني..
تغدوا ...وبحبحوا😁..
وكملوها هدرزة...
لعند ما..
الزبير "بو روبين": تبي تشوف خطيبتك..
فاجئه السؤال من بوها بس مالقاش غير انه يرد عليه ب:
تمام مافيش مشكله..
ناض وطلع من المربوعه بش ينادي بنته..
عصام:الله يسامحك يامنى وخلاص..
شويه وطلعت روبين بروحها..
انصدم في انها طالعه من غير حجاب وفوقها اللبس جريء بعض الشي وممكيجه..
روبين وهي مبتسمه:شن جو..وقعمزت حداه بس بمسافه..
هو منصدم في اللي يشوف فيه..
يعني هي خطيبته قاعد اجنبي عنها وتطلعله هكي لاوفوقها بوها خلاهم بروحهم من بدايتها!!
تكنطا ع الآخر وقال بحده: روبين..
هي ابتسامتها تلاشت لما شافت ملامح وجهها الغضبانه..
عصام :انتي في اليومين اللي كلمتك فيهم كنت تسمعي فيا وتفهمي شن نقول ولا كنت ندوي مع روحي..
روبين بربكه:احمم..علاش شن درت؟؟
عصام :ولي لدارك واشبحي لروحك في المرايه وتو تعرفي..وكمل بحزم وهو يقول...اني راجل محافظ مانرضاش المراة اللي بناخدها تطلع بالمنظر هدا حتى ليا اني مادام مش قاري فيها فاتحه..ولاعاجبني جو العزايم هدا والمشي والجي ع حوشكم واني مازلت خطيبك فقط لاغير..
ناض..من الأخير..زيدي فكري في الموضوع لقيتي كلامي مايمشيش معاك كل حد يمشي ع حاله..وترا بالله ضبحيلي ع بوك وقولي لأمي هيا..
كانت تسمع ومصموته ووجهها انخطف لونه..ناضت طول ولفت وطلعت طول وهي مصدومه..
عصام :استغفر الله وخلاص..
🌟🌟🌟🌟🌟🌟🌟
نبوا بنت العايله...
نبوا بنت العايله..
ترضى بالعيشه المعقوله...
كان فاروق يدربك ع الطنجره وهو يغني..
:خلااااص وراس حناك اسكت..
وقفوا وهما يضحكوا..
عبدالقادر بضحكه:باهي سمعنا انت ياسلطان الطرب..
شبحله بطرف عينه بعدين شبح القدام وتنحنح وبدي يغني..
ترتج من راسها الا قدامها..
ماشية مشية عوج...
⚡عبدالقادر
ماعرفتوشي ..ولا اني ماعرفتكمش عليه..انتي قلتيلهم شي عنه؟!
جمان :قتلهم لما عرفت بفاروق ان عندك زوز صحاب تانيين غيره..عرفوا جلال..بس الكائن الغريب هدا اني بروحي مانعرفاش 😒
عبدالقادر بضحكه :نحساب روحي حكيتلك عنه....
يللا ماعلينا نعرفوكم توا...
صاحبي ..صديق الكفاح...
سموعه...اسماعيل...اني وياه اصحاب من ايام التانوي..صاحب صاحبه وراجل قدر من الأخير..
وفاشل دراسيا وحياتيا زيي واحرف..🤣
المهم ...خشينا كليه مع بعضنا..فصلوه من اول سمستر..
جمان :اكيد خلاهم كلهم وبتقدير ضعيف جدا..
عبدالقادر بضحكه:لا ياودي هو ماكملش حتى شهر..
جمان:باهي علاش فصلوه..
عبدالقادر :تعارك هو ودكتور وعطاه طريحه نباش القبور سمعه مشراني ويتفاهم بيده بس..
جمان :هو الصراحه باين من منظره منظر شر...
ضربة الحاجب والعيون الحاده..ووجهه وضربة الموس ع خده..مجرم ولا سلاسله..ولا لبسه..ووعع..
عبدالقادر:هههههههه اسكتي ره يسمعك..
جمان🤐
ضحك وقال...طبعا موهبته الغناء صوته شبيه بجورج وسوف ويغني مليح..
جمان :انت مطبل من الطراز الرفيع...صوته زي صوت السيارة اللي محركها انضرب لما تجي تولعها
عبدالقادر ضحك وقال:حاولت نتخايل الوصف 😅😂
صوت تصفيق ...👏👏..
عبدالقادر صفق معاهم وهو يقول:نوارة ياصاحبي..
سمعه:باهي فهمنا...وتوا اسألوني..علاش درتلكم الزرده هادي ؟
جلال بضحكه:فكرت فيها الحق منين جاتك..
عبدالقادر: اشبح ع من ضاحك وواخد فلوسه..
ضحك بعدين تنهد وقال:انتوا ياكلاب صحابي من سنين ماعندي حد نشكيله غيركم...
شبحوا لبعض بإستغراب..
شبحله عبدالقادر وقال:شن في؟؟
سمعه :انت قتلي اشبح ع من ضاحك عارفني نضحك ومايضحكوش عليا.. تنهد وكمل يقول ..لكن هالمره انضحك عليا صاحبي..
فاروق:تي غير دقيقه ..قصدك دايرلنا زرده ع خاطر طلعت مضحكه ولاكيف؟
سمعه وهو مغمض عيونه بعصبيه:ترا بالله ياقدو سكته خير مانقلبه ع الشوايه تو..
عبدالقادر وهو شاد ضحكته؛رووقه...سايلانت باليز..
فاروق سكت وهو شاد ضحكته..
جلال بضحكه:باهي حللنا هاللغز...
سمعه؛تي ماهو قاعد ندوي اني..موتوا لين نكمل كلامي..
قدورة روقه جللو:باهي 😁😁😁
سمعه:وين وصلت اني لااله الالله ..اللهم صلي ع النبي..ايه اذكرت..انضحك. عليا..من فرخه الزفت..وديني ياولاد خشت خاطري وحبيتها من جواجي القلب..لكن طلعت كلبه بنت كلب..
عبدالقادر:شن دارت..
سمعه :جبدت عليا وفاتتني وانخطبت لدكتور في الجامعه..
فاروق بضحكه وهو مضيق عيونه:لا ماعندهاش حق..
عبدالقادر:😆
جلال بضحكه: وانتي عديتيها؟
سمعه:نعدي امها..ندفن روحي واني حي اشرفلي..
عبدالقادر بضحكه:باهي شن درتلها..
رشف وهو مبتسم بنصر وقال:شفتها بعد انخطبت...وهدتتها ياتجيبلي اللي صرفته عليها يا نفضحها..
تلاته بصدمه:جابتهوملك!!
سمعه بضحكه:1500 دينار ينطح دينار..
عبدالقادر :غير دقيقه قصدك اللي صرفته علينا في الزردة من الفلوس نفسهم..
حط يده في جيب كبوطه وطلع ربطة الفلوس:اهما مش ناقص منهم قرش...مانديرهاش يابوصاحب..ربيتها بس..
تنهد عبدالقادر بإرتياح وقال: باهي شن بندير بيهم..
سمعه :نبي نصدقهم بس مش عارف وين نحطهم..نبي نحطهم فمكان تقه او نعطيهم لحد يستحق بجد..
قعدوا يفكروا...
قادر وهو يفكر ماخطرش في باله الا شي واحد..
ابتسم وقال :هاتهم نعرف حد تقه يحطهم في مكانهم..
ابتسم سمعه ع جنب ومدهم لعبدالقادر:تصرف بمعرفتك..
خداهم عبدالقادر وهو مبتسم..ناض ومشي بيحطهم في سيارته...
سمعه وهو يشوفله:فيه حاجه متغيره..
فاروق اللي كان يقلب في الشوا شبح لجلال والزوز ضحكوا..
سمعه بضحكه:شن في..
فاروق :الدونجوان مكبد
سمعه بصدمه:هههههههههههه...والله توينز روحي الراجل هدا..
ضحكوا فاروق وجلال..
ع جيته قعد يضحك معاهم وهو مش عارف السبب🤣
بعدين قال بضحكه:خيركم..
سمعه بضحكه:حتى انت وقعت في الفخ ؟!
شبح قادر لصحابه بربع عين :زي خالتي حليمه مادسوا السر..
خدي سمعه حصوة من حداه وحدفها عليه وهو يقول :عليا اني الأسرار ياقديده..
عبدالقادر ضحك وردها عليه :باهي ياحيوان تو نحكيلك..
وبدي يحكي عن قصته مع آمنه...حاول يوصف شعوره ع قد مايقدر😅
سمعه: نشهد بالله مافهمت منك حرف..
عبدالقادر:😑
جلال وفاروق:😂😂
سمعه :باهي انت شن شفت فيها بالزبط..
عبدالقادر بحده :وانت شن دخلك!😑
شبح سمعه لفاروق وجلال ..ضحك وهما ضحكوا معاه..
عبدالقادر😒
سمعه شبحله وقال:لا خلاص انت ياصاحبي..وقعت وماحد سمى عليك..
عبدالقادر ابتسم بإحراج وهو لاف وجهه لجهة تانيه..
وهما يضحكوا عليه..
🍂🍂🍂🍂🍂🍂🍂🍂🍂
بس اللي كان الكلام يدور عليها...كانت تتأمل بعيونها الحزينه وراق الشجر وهو يطيح وهي مقعمزة في الجنان..
والريح تضرب في وجهها...
سرحانه وتفكر ...وتاخدها الافكار وتجيبها...
وكل مالها تاخدها لعالم يزيدها حزن ع حزنها...
داخل..
تبرة:اني والله ماتكلمت الا من خوفي عليها يعني لأمتى بتقعد هكي قولي؟
محمد:يما امنه عمرها 25عام شابه عاقله ناضجه وتعرف تتصرف معاش تضغطي عليها ولا تفرضي عليها شي هي حرة في حياتها تعيشها كيف ماتبي وحني مربينها كويس وواثقين من اخلاقها الغلط ماديراش.. سكت شويه بعدين تنهد وقال ...البنت مش ناقصها يام ره..
تبره شبحة جهة روشن الكوجينه ..كانت تشوف لحفيدتها بألم ودمعت في سرها"ربي يفرحني بيك"
💛💛💛💛💛💛💛💛
الساعه 7:00مساءا..
شن لعب صغار هو؟!
روبين ببكي :علاش دايرين فترة الخطوبه قولولي مش بش يتعرفوا المخطوبين ع بعض..كان انسجموا مع بعض يكملوا...كان لا..كل حد يمشي في حاله..
مريم :طياح سعدك ..قداش ليها فترة الخطوبه هادي !!حتى 10ايام ماسكرتيهم وانتوا مفروض تقعدوا مخطوبين 6شهور!! شن ريتي منه انتي..
روبين وهي ترشف:ريت منه اللي يخيلني مش طايقاته معاش نبيه..
مريم :لاااا حبيبتي انسي ..مادام خديتي فرصتك في التفكير اول ماجاك الموضوع وقلتي باهي خلاااص تم..ونقاش معاي في الموضوع هدا معاش في خلاص...
روبين :ماااما!!
مريم :لاماما لابابا.. ولفت وطلعت من الدار وسكرت الباب وراها...
روبين شبحت لأختها :خيرك ماتكلمتيش معاي!!؟
سيرين :الموضوع يخصك مايخصنيش..ولفت راسها القدام وكملت قرايه..
وروبين تشبحلها وتبكي..
💛💛💛💛💛💛
مكالمه هاتفيه..
عصام بعصبيه:غلطت لما وكلتك بالموضوع.....مفروض بروحي اخترت.............لالا ماقلتش هكي بس اني قلت نبيها متعلمه مثقفه محافظه..مش تافهه وسطحيه ومنفتحه..........ماعندي ماندير توا ..بنفوت مدة وكل حد يمشي ع حاله مستحيل نكمل معاها هادي ........ياودي احسن معاش نبيك تدخلي فيا بكل..باهي!! وصكر عليها..
ولوح هاتفه ع السرير..
زفر بقوة وقال:استغفر الله العظيم..
🍃🍃🍃🍃
وفات باقي اليوم...
وجي اليوم اللي بعده...
كان فيه كل شي زي ماهو..
🍂امنه حابسه روحها في دارها طول الوقت ولاهيه بخدمتها ومابتش تحتك بحد لاحناها ولا خالها..
💛وروبين نفسيتها زي الزفت..بسبب قرار خداته بدون تفكير مجرد طهقه حست بيها لفتره وراحت لحالها وتوا استاقضت لروحها بس متأخر...
حتى لو بتستمر معاه لفتره بسيطه وتسيبه صعبه عليها بالذات بعد طوقت بيه قدام اقاربها وصاحباتها اكيد اللي بيشمت فيها بعد تفسخ اكثر من اللي واجعه الحال..
"سطحية التفكير"
وعصام...كان نادم لأنه فكر بسطحيه لأول مرة في حياته في اهم شي..الزواج..وقت اللي خلا اهله يختاروله بناءا ع صفات ماتنعرفش الا بالمعاشره..
🌟🌟🌟🌟🌟🌟🌟🌟
بس ع غيرهم هياجه وجو مليح في الخمس..
ضحك وغني وشوايات وحتى عصبان دارهولهم سمعه اللي كان مشهور بيه بنه وصنه...
تجديده كانت تغير منه😁..
الساعه 7:30مساءا...
والله مانعرف شن هو اللي يدير فيه بش يطلع معاه هكي..
فتحيه بضحكه:نفس نفس..
عبدالقادر بضحكه :والله شكله هكي..
تجديده حطت الصونيه متاع البسيسه بقوة ع الطاوله وقالت:كووول ..😒
ولفت ومشت وقفت ع اللاوندينو بش تغسل الماعين..
فتحيه تضحك بكتمان..
وهو ضحك وكلي من البسيسه وقال :اممم..يلتفوا بالحرير ايدياتك ياتوجي...
تجديده ضحكت ع الوضع الهزاز..
وفتحيه تضحك..وهو كمل ماكله بسيسه وهو مبتسم💕
🌟🌟🌟🌟🌟🌟🌟🌟🌟🌟🌟
تاني يوم...
الساعه 8:30صباحا..
وصلت بسيارتها لساحة اللي قدام الكليه..
درست..خدت شنطة لابها من الكرسي اللي جنبها..
فتحت باب السيارة..
وكيف نزلت..
"صباح الورد"..
امنه بخلعه :هيييييييي..وحطت يدها ع صدرها وغمضت عيونها بشده..
حول نظاراته وقال بربكه :اسف..مش قصدي..
فتحت عيونها وشبحتله وقالت:انت شنو بالزبط ؟!!
عبدالقادربضحكه:غير اهدي ..لاني جايك فموضوع جدي..
رفعت حاجبها وقالت:موضوع..وجدي..وانت جاي بيه!!
عبدالقادر:هههههههههه..
هو يضحك وهي تشوفله بملامح حاده بس نظرة العيون مختلفه💕
هدا ضحك وقال:ايه..احمم..يخص..دار الأيتام..
هي قعدت تشبحله وتراجي فيه يكمل..
عبدالقادر بإبتسامه حك حاجبه وقال:الحق ..غرت منك وقتها..ضحك وقال ..بجديات ..حك حاجبه من جديد وقال..المهم حبيت ندير زيك ....
امنه تنهدت وهي رافعة حواجبها وقالت:برا دور تلقى جايني اني علاش..
ابتسم وقال:نبي نشاركك..💕
هي قلبها دق بقوة لما سمعت كلامه الأخير💓
قعدوا يشوفوا لبعض للحظات..
والزوز كانت تتحرك في داخلهم مشاعر حلوة هلبه..
قاعده ادير زي مايصير للأقطاب المختلفه لما تتلاقى مع بعضها وقوة جذب هائلة تجذب فيهم لبعض 💓💓
"تقبلي 💕"
رمشت عيونها ونزلتهم وقالت:كيف..مافهمتش💓
هو بإبتسامه قال:نبي نعطيك مبلغ ..نساهم معاك بكفالتهم..
رفعت عيونها وقالت :مش شرط اللي اني كافلتهم في غيرهم..
هو طلع من الشنطه متاعه الفلوس ومدهولها: هادو الفلوس ..تفضلي..ديري بيهم اللي تشوفيه مناسب..
هي شبحت للفلوس فيده ...بعدين شبحتله..
ابتسم وقال :ع فكرة حتى اني يتيم....
تفاجئت وهي تشوفله..
كمل يقول :من لما كان عمري 7شهور..بس ممكن حظي خلاني نتربي وسط عيله وناس تحبني..الحمد لله..بس في غيري انحرم حتى من الحاجه هادي..
هي مازالت متفاجئه وحاسه بصدق كلامه من نظرات عيونه كان فيهم حزن وهو يتكلم...
عبدالقادر:خودي...
هي شبحت للفلوس ..رفعت يدها وقربتهم ..
وخدت الفلوس..
عبدالقادر:مشكورة..
هي هزت راسها بإيجاب بعدين قالت بحده :توا تحرك للقاعه بسرعه 5 دقايق والمحاضرة تبدا..لو جيت بعدي..اطير اتجنح ماك خاشها..
هو ضحك ولبس نظاراته وقال:حاضر..معلمتي 💓
لف ومشي وهو مبتسم بفرح وحاس بشعور جميل بالمرة 💓
اما هي سكرت باب السيارة وهي تشوفله..
شبحت بعدها للفلوس وهي واقفه حدا سيارتها..
بعدين رجعت شبحتله..
توسعوا عيونها هالمرة لما ركزت ع حاجه هدا وين لاحظتها..
كان لابس شنطة اللاب توب..
لاإراديا ارتسمت ع وجهها ابتسامه حلوة بالمرة
من قلبها 💓..
اما هو لما كان يقص في الطريق قام نظاراته وقال :شافت الشنطه..
جمان:هههههههه ايه..
عبدالقادر:باهي بالله عليك قوليلي شن كانت ردة فعلها..
جمان بترقيصة حواجب:الااااااا..
عبدالقادر:ياعندك مكر انتي 😒
"قدوووووو"
عبدالقادر :سموووعه.. وسلموا ع بعض...
جمان :هيا بسرعه معاش في وقت..
عبدالقادر بعد من ع سموعه :ايه صح هي سلام نتلاقوا بعدين..
وطار يجري 🏃♂️
واني تنهدت بإرتياح 😌..
"انتي مني "
اني فنصت لما لقيت صاحبه يشبحلي وعيونه قلوب...
طول هربت..
سموعه وهو يدور حواليه :تي غير وين مشيتي !!؟؟
وقف تنهد وقال : آااه ياقلبي طرف هالصفرا 💓
ضحك ولف خش داخل..
جمان :لا ياااربي ..من بينهم كلهم مايطيح فيا الا هدا 😭😭😭😭😭😭😭😭😭😭😭😭😭😭😭😭😭
...يتبع...
