عشقت زعيم مافيا⁦♥️⁩ (جزء أول + جزء ثاني) مكتملة (تم تعديلها)

Mr and Mrs كورتي البعبع 😂🥳

(وحشتوني جداً .. وأخيرا شعنونتي هتتجوز بقى كرار يووه قصدي كورتي البعبع 😂 .. بس قبل ما أجوزهم لازم أعرفكم هما إتعرفوا على بعض إزاي لأن البت شعنونتي هتموتني لو معرفتش 😂 أسيبكم مع البارت وهقاطعكم ف الحتة قليلة الأدب 😂)

Flash back ↩️
=بعد مرور أسبوع على خروج سهيلة من المشفى ...
#كانت سالي في الجامعة تتابع المحاضرات في غياب صديقتيها سهيلة وأسماء الغائبتين .. في وقت الاستراحة وأثناء تركيزها في قراءة رواية مهمة حب لريحانة الجنة قاطعها شخص ما جذب منها تلك الرواية فكادت أن تسبه وتشتمه ولكن خجلت فورا لأن الشخص كان كرار معيدها الجديد في الجامعة يقف أمامها مبتسما ويتأملها ...
سالي بخجل شديد يتآكلها :- ح ح حضرتك أنا أنا هو أنا آسفة أوي علشان كنت هشتمك إفتكرتك حد تاني بيحاول يدايقني وكده أنا آسفة أوي .
كرار بابتسامة مرحة :- ولايهمك عادي كنتي عملتيها بصراحة أنا إللي خضيتك لما سحبت منك الرواية بالشكل ده بس أنا فضلت أقول إسمك كتير وأشاور ليكي علشان تاخدي بالك لكن واضح إن الرواية واخدة كل تركيزك فيها .
سالي بابتسامة خفيفة :- احم أنا آسفة والله بس أنا كده لما بندمج ف رواية صعب أتفصل عنها بلاقي نفسي جزء منها ومن الاحداث إللي فيها علشان كده مسمعتش حضرتك وأنت بتكلمني .
كرار بمرح :- والله مزعلتش أنا حسيت بكده فعلا لقيتك مركزة جدا فيها بس الفضول كان مموتني وكنت هطق وأعرف بتقري إيه ولما قربت منك لقيتها رواية مهمة حب وأنا بصراحة بموت ف الروايات إللي من النوع الرومانسي الكوميدي .
سالي بضحكة خفيفة :- ههههههههههههههههه معلشي بقى أنا كده علطول بركز أوي فيهم وبنسى نفسي و إللي حواليا وأحيانا بحلم بالرواية وأكمل أحداثها ف خيالي المجنون أنا و سهيلة و أسماء بنعشق حاجة اسمها روايات وبس .
كرار بابتسامة :- ضحكتك حلوة أوي على فكرة وبعدين كل البنات الحلوين بيحبوا الروايات مش أنتو بس يعني وزي ما بيقولوا عنكم الثلاثي المرح عاشق الروايات مش كده ولا إيه .
سالي بخجل ونظرت بعيدا عنه :- احم ده من زوق حضرتك يا دكتور كرار و أيوة إحنا فعلا الثلاثي المرح عاشق الروايات زي ما بيقولوا عننا لأنها بتاخدنا من دنيا لدنيا تانية خالص وبنعيش فيها حاجات كتير ياريت أقدر أعيش ف الخيال علطول لأن الواقع مزيف ودايما بيتعبنا ومش كل إللي بنحتاجه بنلاقيه فيه .
كرار بجدية :- عندك حق الواقع متعب بس الواحد لازم يتعب ف البداية علشان يقدر يعيش مرتاح بعدين ومش صح إن الشخص يفضل الخيال عن الواقع لأن هيفوق على صدمة قوية وهيتعب هو بسبب كده ف بلاش طريقة التفكير دي علشان متتعبيش إنتي ف الآخر وبعدين إيه إللي إنتي بتدوري عليه ومش لاقياه ف الواقع .
سالي بخفوت وايماءة :- أه أكيد حضرتك عندك حق ف كل كلامك أنا بس بقول ياريت لو أعمل كده بس طبعا صعب ف الواحد بيحاول يتأقلم مع واقعه وإللي بدور عليه ومش لقياه هو الحب الحقيقي بتاع الروايات إللي بنقراها لأن الحب إللي موجود حالياً ف الواقع بتاعنا بيعتمد على المصالح والجسم والمال مش بيهتم بالقلوب والنوايا الطيبة .
كرار بابتسامة :- فعلا بس برضو مش كل الناس كده بيهمها الفلوس والمنصب وتتخلى عن الحب وعلى فكرة الحب بتاع الروايات موجود بس الشخص لازم يختار صح بعقله وقلبه وإلا هيندم أوي بعدين على إختياره الغلط يا سالي .
سالي بابتسامة خفيفة :- حضرتك معاك حق بس الأغلبية كده قليل لو لقيت شخص كده بيفكر بنفس طريقة تفكير حضرتك وربنا يحققلنا إللي بنتمناه كلنا يارب صحيح هو حضرتك كنت محتاجني ف حاجة أساعدك فيها يا دكتور كرار .
كرار بارتباك وتوتر :- هااا محتاج اااا كنت محتاج ااا بصراحة كده كنت حابب أقولك حاجة بس خايف من رد فعلك لو قولتلك على إللي محتاجه منك .
سالي بقلق :- طب هو يعني الموضوع خطير ومهم للدرجادي علشان يخلي حضرتك ترتبك كده و تتوتر بالشكل ده إتفضل إتكلم أنا سامعة حضرتك .
كرار بابتسامة :- بصراحة كده أنا بحبك يا سالي ومن أول يوم شوفتك فيه ف كتب كتاب طائف و أسماء لما كنتي واقفة مع سهيلة إتشديت ليكي بطريقة غريبة حسيت قلبي كان هيخرج من مكانه ويجري عليكي ومش قادر أخبي عليكي أكتر من كده ولو وافقتي على حبي ليكي وقبلتيه أروح لوالدك وأطلب إيدك منه ونعمل الخطوبة آخر الأسبوع قولتي إيه يا سالي أنا بجد بحبك وتأكدي إني هشيلك جوا عينيا ومكانك ف قلبي إنتي وبس .
سالي بخجل ولم تدري ماذا تخبره :- ح ح حضرتك ب ب بتحبني أنا بس بس إشمعنى أنا يعني طب طب أنا بصراحة مش عارفة أقولك إيه والله أنا ملخبطة ومتوترة ومش جاهزة لكده دلوقتي .
كرار بحزن مصطنع ومثل النهوض من مكانه :- مش مشكلة ولايهمك واضح إني مش الشخص المناسب ليكي يا آنسة سالي وربنا يكرمك بالأحسن مني أنا مضطر أمشي عندي شغل ف المكتب .
سالي أمسكت بيده سريعا وقد شعرت بحزنه :- كرار إستنى خليك أنا مقصدش أزعلك أنا أنا كمان بحبك والله بس كنت خايفة يكون من طرف واحد ومش متبادل بينا علشان كده إتفاجئت لما لقيتك بدأت أنت وإعترفت بحقيقة مشاعرك تجاهي أرجوك متزعلش مني وأنا متأكدة من صدق كلامك لأن لو لسانك كدب ومقالش الحقيقة عيونك بتقولها .
كرار بمرح وضم يدها لكفه بحنية :- يعني أفهم من كده إنك موافقة سيكا عليا ولا إيه مهو كده إنتي وقعتي وعمري ما هسيبك أبداً وطالما مسكت إيدك ف إيدي يبقى مستحيل أسيبها ولو على موتي يا لولي فاهمة ولا لأ علشان أروح أقول لأبوكي .
سالي بخجل وتحاول سحب يدها منه :- احم بعيد الشر عنك وعن قلبك يارب وبعدين أنا لسه همهد ليهم الموضوع ف البيت وبعدين هقول لحضرتك على رأيهم يعني تديني وقت أقولهم فيه .
كرار وهو يترك يدها وابتسم بخفة :- خلاص يا لولي معاكي لآخر الأسبوع تقوليلهم وهستنى رأيهم منك وبعد كده هجيب والدي وأتقدملك رسمي فهمي نظمي تمام ونعمل الخطوبة بعد أسبوعين .
سالي بابتسامة صافية :- ماشي بس أنا عندي مقابلة شغل ف شركة أسد الألفي ف المعادي آخر الأسبوع والمفروض هبدأ معاه ف نفس اليوم برضو شغل يبقى إزاي بقى هقولك رأيهم أنا ممكن أقول لبابا وهو يكلم حضرتك ويبلغك بقراره ويحدد معاك موعد بعدين تتقابلوا فيه وتتفقوا مع بعض .
كرار باستغراب :- شغل مع أسد مش هو حالياً ف أمريكا بعد ما طلق مراته ولا رجع منها .
سالي بإيماءة :- أه هو لسه هناك مرجعش والمقابلة هتكون مع مساعد المدير ف الشركة يعني مع شخص تاني غير الدكتور طائف برضو لأنه مسافر فرنسا هو وأسماء شهر عسلهم بس بصراحة مش فاكرة اسمه وهتشرف على المقابلة المدام مريم سكرتيرة أسد باشا ويارب أتقبل فيها الشركة مشهورة جدا ف كل مكان وعلى النت برضو يعني هتبقى فرصتي لو قبلوني لأني نفسي أشتغل ف شركة كبيرة زيها من زمان وغير كده هو جوز صحبتي يعني الشغل عنده أفضل بكتير من الشغل مع حد تاني معرفوش ولا أنت إيه رأيك ف كده يا دكتور كرار تعتقد هيحصل إيه هناك معايا .
كرار بابتسامة :- ربنا معاكي ويوفقك يارب وأنا بتمنالك النجاح والتوفيق ف أي مكان خير باذن الله متقلقيش وبعدين صحيح أخبار مدام الألفي إيه بعد ما أسد سافر وهي رجعت بيت أهلها .
سالي بحزن :- معرفش عنها أي حاجة وابن عمها لازق فيها ومش عارفة أشوفها وأتكلم معاها بسببه من أول ما ظهر وإحنا مش مرتاحين ليه أصلا ربنا يستر بقى والموضوع ده يخلص ويرجعوا لبعض .
كرار بخفوت :- هيرجعوا إن شاء الله طب أسيبك أنا بقى علشان عندي محاضرة خدي بالك من نفسك اوك وزي ما إتفقنا إوعي تنسي تمام .
سالي بابتسامة وأومأت :- حاضر والله متقلقش كده وخد بالك على نفسك أنت كمان ربنا معاك .
#غادر كرار من كافتيريا الجامعة ليذهب إلى المدرج الذي سيحاضر فيه طلابه .. أما سالي ابتسمت بفرح  وسعادة واحتضنت الرواية ثم نهضت من مكانها هي الأخرى وذهبت لمحاضرتها الأخيرة وانتهى اليوم على خير دون أي جديد .. جاء موعد التقدم للوظيفة في شركة الأسد بالمعادي وذهبت سالي للمقابلة وتم قبولها بالشركة وتوظفت فيها .. وبعد مرور أسبوع آخر ذهب كرار إلى منزل والد سالي ومعه والده واصف الجندي وتمت الموافقة على عقد خطبتهم بعد يومان .. وفي تلك الفترة كان أسد عاد إلى القاهرة مرة أخرى واستطاعت سالي تبليغ سهيلة وأسماء بموعد خطبتها على كرار وبعد ذلك تمت الخطبة وعادت سهيلة إلى زوجها ...