عشقت زعيم مافيا⁦♥️⁩ (جزء أول + جزء ثاني) مكتملة (تم تعديلها)

شهر العسل في تركيا 🤭

(جمهورري الحبيب .. وحشتوني جداً والله .. رجعت أهو بفصل جديد كمان يارب يعجبكم كالعادة .. فووت وكومنتتت متنسوش اوك .. تأخيري سببه المحاضرات والمذاكرة والكلية والله سامحوني على التأخير ولما هكون فاضية هكتب تاني)

©©في قصر الأسد بتركيا صباحا ...
#إستيقظ أسد من نومه بغيظ بسبب مضايقة أشعة الشمس لعيونه البنية فرمش بأهدابه عدة مرات حتى فاق بالكامل .. فأخفض نظرات عيونه ليرى زوجته مازالت نائمة و تحتضن خصره بذراعيها وأقدامه بأقدامها بتملك وقوة شديدة خشية أن تفقده أو يهرب منها .. فانتهز أسد الفرصة وصرخ بأعلى صوته جانب أذن سهيلة التي استيقظت من نومها فزعة للغاية ...
أسد بصراخ :- عاااااااااااااا صرررصااااارررر عااااااا ده بيطييييررررر اااااااااه صرررصااااارررر .
سهيلة بفزع ووقفت على السرير بخوف :- إيه بتقول إيه صرصار ودخل هنا إزاي إقتله موته لأ لأ شرحه إزنقه طيب لأ لأ لأ أنا بكرهه البتاع ده أوي خليه يمشي يا أسد أرجوك إضربه بالنار يععععع إيه القرف ده مقرف أوي أبو شنب ده يععععععع .
أسد وجلس جانبها يضحك بشدة حتى أدمعت عيناه :- ههههههههههههههههههههههه اوووبس إنتي طلعتي خرعة أوي يا سهيلة إيه ده بقى سهيلة الألفي بتخاف من حتت صرصار بيطير مش معقول لو كان أي حد قالي كده مكنتش صدقت والله هههههههههههه أه ياقلبي هههههههههههههههه تؤتؤتؤ أومال لو كان في صرصار بجد كنت عملتي إيه هههههههههههههههه بقى صرصار يخوفك بالشكل ده بس بصراحة تسلم دماغي على المقلب ده والله .
سهيلة وقد أمسكت بالوسادة وضربته بها قائلة بغيظ وغضب :- يا بارد يا غلس ياللي معندكش دم ولا ريحته حتى بقى فيه حد بيصحي حد كده ده أنا قطعت الخلف بسببك والله العظيم خد خد خد والله مهسيبك يا أسد يا ألفي هموتك من الضرب والبهدلة والشتيمة النهاردة أنت بارد فعلا .
أسد وهو يحاول تفادي الضربات ويضحك :- بس يابت بس بطلي ضرب بقى ههههههههههههههههههههه ده إنتي طلعتي خفيفة خالص وجبانة أوي يا لولي اااه ااااه يابت إنتي بطلي بقى ضرب وإلا هتندمي والله ولسانك الطويل ده هقصه ولما إنتي قطعتي الخلف يا مفترية أومال أنا لازمتي إيه هااا .
سهيلة وهي تقفز فوق أكتافه كالقرد وتضربه بغل :- طب أهو خد دي بقى والله أنت بارد يا بارد بقى أنا نايمة وتصحيني بغباوة كده يا أسد لا ياروحي بعد إللي عملته ده عقابك بقى مش هتقرب مني هااا ولا هتكلمني لآخر اليوم وشوف مين هيعبرك ويرد عليك من أصله اوك يا بارد يا غلس يا غتت .
(القردة ركبت على أكتافه زي الأطفال بالظبط 😂 محدش يسألني ركبت إزاي لأنها أكيد إتشعبطت عليه زي القرود وهي بتتشعبط على الشجرة 😂)
أسد وهو ينهض بها من فوق السرير ويتمشى بها في الغرفة :- بقى كده يا قردة طيب تعالي بقى أوريكي عقاب كلامك الأهبل ده وبتنطي عليا يا سهيلة زي القرود بالظبط يا شيخة عارفة لو حد تاني مكاني كان زمانه راميكي من هنا والله وخلص نفسه منك ومن زنك يا ولية يا مفترية .
سهيلة بغيظ وتضربه على أكتافه :- نعم يا أخويا ليه يعني قال تعاقبني قال يا سلام مهو أنت الغلطان من الأول وأنا مش قردة يا أسد باشا إتلم أحسنلك هممم وأنت لو عايز ترميني فعلا من فوق إعملها يلا أنا مش مكتفاك والله وأهو ترتاح مني بجد .
أسد وهو ينزلها بقوة و أوقفها أمامه قائلا بغضب و صياح :- بتقولييي إيييه يابت إنتي طب قسما عظما يااا سهيييلااااة لو قولتييي الكلمةةة ديييي تاااانييي هتشووفييي وش الأسد إللي الكل بيكرررهه سااامعة ساعتها هتكرهيني وهتكرهي اليوم إللي شوفتيني وعرفتيني فيه ومش هكرر كلامي تااااني علشان أناااا بقول الكلمة مرررة ومشش بعيييدهاااا وللمرررة المليوون هقولهالك على جثتييي إنكككك تبعدييي عنييي والموت عندي أهون من إني أسيبك إنتي مراتي وملكي وبتاعتي وليا أنا بس فاهمة والبعد عني بموتي أنا متملك مجنون ف حبك إنتي وإنتي وافقتي على تملكي وجنوني وإدماني فيكي حتى إنتي كمان بتملكيني وبتغيري عليا بلاااش تختبري تملكي وأنانيتي فيكي يا سهييلاااة بلااااش .
#ألقى أسد كلامته في وجه تلك المسكينة المنكمشة على نفسها من الخوف ودخل إلى الحمام صافعا الباب خلفه بقوة .. ولأول مرة تظهر شخصية أسد الحقيقية أمامها التملكية والأنانية وبالفعل هي وافقت عليه وتعشقه بجنون .. لذلك قررت إنها لن تتخلى عنه وستحاول تغيير شخصيته وتعيده لما كان عليه من قبل .. فخرجت من الغرفة وذهبت إلى غرفة أخرى لتتحمم وتبدل ملابسها إلى بيجاما قطنية مليئة بالرسومات الكرتونية ذات حمالة واحدة وبنطالها قصير يصل إلى ركبتها ثم أزاحت شعرها على جانب واحد من كتفيها وخرجت من الغرفة متجهة إلى المطبخ في الطابق السفلي .،. وعند أسد كان قد خرج من الحمام يلف حول خصره منشفة وبأخرى يجفف شعره الأسود الكثيف ويتلفت بعيونه يبحث عن زوجته فلم يجدها بالغرفة .. تيقن أسد أنها خرجت من الغرفة كي تبكي بسبب نبرته العالية الغاضبة معها التي أخافتها بشدة .. إرتدى ملابسه المكونة من بنطال قماشي أخضر اللون وتيشرت أسود اللون بنصف كم وحذاء رياضي مسطح .. ثم خرج من الغرفة هو الآخر وهبط إلى الطابق السفلي ليبحث عنها فصدم بشدة عندما رآها تقف في المطبخ وتوليه ظهرها وتأكل دون أن تنتظره وكانت ترقص على ألحان أغنية مصرية (جمالك مستفز) ومندمجة للغاية وهي تشبه الاطفال في جنونهم ومرحهم .. فوقف مستندا على الباب يشاهدها وهي ترقص وتأكل في نفس الوقت ولا تعيره أي إهتمام بالرغم أنها رآته وهو ينظر إليها ...
سهيلة بغناء ورقص :- جمالك حبيبتي جمال مستفز .. عيونك سفينتي وشط ابن حظ .. وفارد شراعي ومستني رياحك .. مشاعرك بخيلة وقلبك معز .. أقولك بحبك تبصي بغرابة .. ولا أبدل بنظرة ولا حتى رمش .. تحسي إن قلبك رئيس العصابة .. وإن إنتي خبرة وأنا مستاهلش .
أسد بابتسامة مندهشة ومرح :- إيه الحلاوة دي كلها يا بقلاوة قلبي كده ينفع بترقصي من ورايا طب مش بترقصي قدامي ليه طيب ده أنا جوزك يعني ينفع ترقصي من غير ما أكون موجود وأتفرج على المهلبية دي كلها وهي بترقص .
سهيلة وهي تنظر إليه ولم تعقب وأكملت غناء :- أجمل ما فيكي النظرة البريئة .. مشاعرك سحراني ف كل دقيقة .. تحسي إن قلبك ده أدفئ مكان .. وإن إنتي خبرة وأنا مستاهلش .. تحسي إن قلبك ده أدفئ مكان .. وإن إنتي خبرة وأنا مستاهلش .. جمالك حبيبتي جمال مستفز .. عيونك سفينتي وشط ابن حظ .. و فارد شراعي ومستني رياحك .. مشاعرك بخيلة وقلبك معز .
أسد بابتسامة هادئة :- أنا عارف إني إنفعلت عليكي وإتعصبت جامد أوي وأكيد بكيتي بسببي وأنا لو فضلت أتأسفلك كتير مش هتسامحيني بسهولة لأني خلفت بوعدي مع عمي وزعلتك مني بس وعد والله مش هزعلك تاني خلاص مش إنتي دلوقتي مامتي طب ينفع أم تزعل من ابنها طيب .
سهيلة بدموع لم تستطع حبسها :- مش عايزة أتكلم معاك وأه هفضل زعلانة منك ومتحاولش تصالحني علشان مش هتصالح معاك أنت خلفت بوعدك ليا وزعقت فيا مش قولتلي الزعل مش هتخليه يعرف لقلبي طريق أهو بقى عارفه يلا إطلع بقى علشان عايزة أكون لوحدي شويه ممكن .
أسد وقد ركض تجاهها ليحتضنها ويراضيها :- هش هشش أنا آسف ياعمري آسف مليون مرة آسف حقك على راسي وعيني ويا نور عيني من جوا أنا حمار وجزمة وغبي علشان زعلتك مني وخلفت بوعدي أنا غلطان والله خلاص حقك عليا أنا والله مقصدش أتعصب عليكي كده بس أنا زعلت منك و إتخنقت وخوفت عليكي لما قولتي أرميكي وأرتاح منك وإنتي عارفة ومتأكدة إن راحتي ف وجودك جنبي ومعايا وحواليا يا نور عيني إنتي حبيبتي وصحبتي وأختي وأمي وكل حاجة بالنسبالي .
سهيلة ببكاء :- أنت فعلا حمار وجزمة وغبي علشان زعلتني يا أسد يا ألفي أنا كنت بهزر معاك والله وأنت قلبتها نكد وزعقت فيا جامد أوي وكان ناقص إنك تضربني بالقلم يا شيخ وأنا مش قدك أصلا شوف أنت جبل إزاي وأنا عصفورة جنبك .
أسد وهو يركع عندها وأمسك بيديها وقد أدمعت عيناه :- أنا فعلا أستاهل ده كله حقك على راسي يا نور عيني والله ما أقصد أخلي عيونك الحلوين دول يبكوا بسببي علشان خاطري متزعليش مني أرجوكي وسامحيني أنا غلطان والله .
سهيلة نزلت إلى مستواه بسرعة وإختبئت في حضنه وأمسكت بملابسه :- لا لا لا يا أسد متعملش كده تاني مهما يحصل بينا أنا بستقوى بيك ياعمري وأنا مقدرش أزعل منك أصلا يا أسدي مسمحاك خلاص والله قوم يلااا وحياتي عندك .
أسد وهو ينهض من مكانه وأنهضها معه وهو متمسك بها بقوة :- حاضر يا نور عيني هعملك إللي إنتي عايزاه وأنا كمان والله بستقوى بيكي لأنك إنتي قوتي وملجأي إللي بستخبى فيه ربنا ميحرمنيش منك أبداً أبداً يارب ويديمك ليا طول العمر .
سهيلة وهي تمسح دموعها بظهر يدها كالطفل الصغير قائلة بخجل :- ويباركلي فيك وف عمرك يا ضي العين يارب أنا دايما جنبك ومعاك ومش هبعد عنك أبدا تسلملي عيونك يارب .
أسد بابتسامة :- طب يلا تعالي نطلع فوق أخدك ونخرج نلف إسطنبول كلها يا نور عيني .
سهيلة بسعادة كالاطفال :- هيييييه بجد هواء هطلع ألبس بسرعة ونخرج نتفسح .
#أنهت سهيلة كلامها وركضت سريعا على الدرج لتصعد إلى الطابق العلوي لتذهب إلى جناحهم حتى تبدل ملابسها على عجلة .. أما أسد انفجر ضاحكا على فعلتها تلك وجلس في بهو القصر ينتظر قدومها على أحر من الجمر .. نزلت إليه سهيلة بعد دقيقتين وهي تحاول وضع قرطها في أذنها وتطلق شعرها للعنان وترتدي سلوبيت جينز أبيض وأسفله تيشرت أزرق وحذاء رياضي أزرق أيضا وتضع حول خصرها حقيبة شانيل فضية .. وصلت إلى آخر درجة في السلم وكان أسد يتطلع إليها بانبهار شديد حيث أنها كانت تشبه الدمى باربي ثم وقفت أمامه مبتسمة وتعض على شفتها السفلية بخجل جلي على ملامح وجهها الطفولي الذي يسحره دائما ...
سهيلة بخجل وتوردت وجنتيها :- هممم أسد أنا بقيت جاهزة خلاص يلا بينا بقى .
أسد وهو شارد فيها :- وبعدين بقى ف الجمال إللي يطير العقل من مكانه طب فرضنا إن في حد حاول يعاكسك قدامي أنا وقتها أعمل إيه أقتله وأخلص ولا أخلي ضبع يتسلى بيه شويه قبل ما ياكله .
سهيلة بابتسامة خفيفة :- أسد يا أسد أنت سرحان ف إيه مش كده يلا بقى خلينا نمشي .
أسد وهو ببتسم لها وأمسك بيدها يقربها له :- لو حد عاكسك أعمل إيه معاه أنا طيب قوليلي يابت الناس أنا مبقاش فيا عقل خلاص والله .
سهيلة بضحك :- ههههههههههههههههههه للدرجادي يا أسد مع إني على طبيعتي والله مش عاملة أي حاجة زيادة ولا حاطة ميك أب أصلا وبعدين أنا معايا أحسن راجل ف الدنيا كلها وأنا بمية راجل يعني متخافش قطتك بتخربش وبتسيب علامات .
أسد بابتسامة وجذب رأسها بذراعه :- طب تعالي يا قطتي الشرسة إللي بتخربش ومجنناني ومشقلبة حالي بعشقك والله العظيم أنا بعشق أمك إللي جابتك على الدنيا علشان أشوفك وقدرتي تدخلي قلبي بدون استئذان وتتربعي على عرشه وتقفلي عليكي جواه بحبك بحبك أوي أوي والله .
سهيلة بخجل وتنظر لعيونه التي تعشقها :- يسلملي نبض قلبك دايما يا ضي العين والله مش عارفة أرد أقول إيه على كلامك الحلو ده ربنا يديمك نعمة جميلة ف حياتي للأبد وميحرمنيش منك أبداً يارب يا عشقي الأول والأخير دايما وأبدا .
أسد بخبث :- طب بقول إيه ما تيجي نأجل الفسحة دلوقتي علشان عايز أقولك على شوية أسرار كده إفتكرتهم دلوقتي حالا ومينفعش يتأجلوا .
سهيلة وقد فهمت ما يرمي إليه وقالت بإستفزاز :- تؤ أنا عايزة أخرج وأشم هواء تركيا وأنت أجّل أسرارك النهاردة وخليها يوم تاني غير ده ويلا بقى أنا زهقانة وعايزة أطلع إتفضل قدامي يا باشا كده و زوق عجلك على برا يلا عايزة أعمل شوبينج وأشتري هدايا كمان للكل جهز نفسك يلا .
أسد بغيظ وأمسك مفاتيح سيارته البورش السوداء :- إمشي قدامي ياختي يلا قبل ما أشيلك وأطلع فوق أنا مستحمل و دايس على نفسي بالعافية أوووف .
سهيلة وهي تضحك وتمشي أمامه :- ههههههههههههه متبقاش نرفوز وخلقك ضيق يا دودي خليك رويح وفوت هههههههههههههههههه أنا هسكت أهو قبل ما ألاقيك إتحولت وطلعت نار من ودانك .
أسد وهو يفتح لها بابها ليدخلها فيه :- إركبي يابت وبطلي غلاسة أنا مش ناقص غلاستك دلوقتي يلا خليني أفسحك مهو أنا إللي جبته لنفسي .
سهيلة وهي مازالت تضحك :- ههههههههههههههههههه خلاص بقى يا دودي قلبك أبيض وبخطين حمر زي علم الزمالك هههههههههههههههههه أنت أهلاوي ولا إيه يا دودي صحيح ده أنا نسيت أسألك ولا أنت بتشجع باقي الفرق زي بارشلونة وريال مدريد .
أسد بابتسامة ونقر بسبابته فوق أرنبة أنفها :- أنا أبقى أهلاوي مدريدي يا نور عيني وساعة الماتشات بقى هطلع غلبي فيكي وكل جون فيكي هاخد حقي منك تالت ومتلت اوك ياقلبي .
سهيلة بابتسامة مبادلة وخجل :- وأنا زملكاوية بارشلونية يا قمر وساعة الماتشات أنا كمان هظبطك ع الآخر بس أصبر على رزقك شوية .
أسد وهو يغلق بابه هو الآخر :- ماشي يا سهيلة يعني هنروح فين من بعض أدينا موجودين .
سهيلة بمرح :- طب يلا بقى دوس بنزين خلينا نطير وندغدغ الدنيا بجنونا يلا يا أسد .
#نظر أسد إلى سهيلة بابتسامة سعيدة وانطلق بها سريعا خارجا من القصر متوجهين إلى طرقات إسطنبول ليقضوا أجمل يوم في حياتهم لن ينسوه وخصوصا سهيلة .. وأيضا قضوا شهر عسلهم في سعادة وفرح وضحكات وإشتروا هدايا للجميع وعادوا إلى مصر ليلاً وذهبوا إلى قصر أسد الموجود في منطقة التجمع الخامس ...

(والبارت خلص يا حلوين .. انتظروا الجديد ..ونستعد بقى للتقيل والاحداث الحماسية)
Goodbye ❤️ hayatim ❤️
هتوحشوني أوي
#عشقت-زعيم-مافيا
بقلمي سهيلة محمد سيد