عشقت زعيم مافيا⁦♥️⁩ (جزء أول + جزء ثاني) مكتملة (تم تعديلها)

تركية مجنونة و مدير فرفوش😂♥️

(هلوووااات عليكم 😂 وحشتوني جداً .. محتاجة دعواتكم الحلوة لشخص غالي على قلبي تعبان شويه ياريت تدعوله بالشفاء العاجل 🥺 .. ندخل بقى بارت جديد أهو علشان عيونكم .. كومنتاتكم بقى 😂)

وجيالك بشوق الدنيا جيالك
واحشني ونفسي أقولهالك
حبيبي في قلبي شايلالك
غرام ميجيش على بالك
_جنات

©©في شركة الأسد بمنطقة المعادي ...
#داخل مكتب زين أسد الألفي .. حيث كان يجلس على كرسي مكتبه بأريحية رافعاً قدميه فوق مكتبه ويلعب بهاتفه حينما دخلت عليه فتاة ترتدي ملابس غريبة كالشباب وتعقص شعرها على شكل كعكعة .. فانتبه يزن لوجود أحدهم في مكتبه فرفع خضراوتيه ليقابل زوج من العيون الرمادية تتطلع إليه بحنق فاتر للغاية وتشبه الرجال بهيئتها الغريبة تلك ...
فريدة بضيق من نظراته :- جرالك إيه يا أفندي هتّنح كده كتير أول مرة تشوف واحدة قدامك .
زين باستغراب :- أفندم ياختي بقى أنا زين الألفي ع سن ورمح يتقالي متنح وأفندي هو إنتي متعرفيش أنا مين ولا بعمل إيه هنا وبشتغل إيه .
فريدة بإشمئزاز :- حصلنا الرعب يا أخويا وأيوة أنا أعرف أنت مين وبتعمل هنا إيه وبتشتغل إيه كمان ثم أنا جاية أقدم هنا على الوظيفة مش علشان بقى يتبصلي من تحتي لفوقي وأتفصص حتة حتة وأقف ساكتة لحضرتك علشان هتكون مديري وتعاملك بقى معايا يكون كدهون بإحترام وغير كده هتشوف مني وش خشب على أصوله ومش هيعجبك أبدا .
زين بسماجة وإستفزاز :- ما تهدى علينا يا شبح هو حد داسلك على طرف وأنا مش عارف وبعدين مش أنا يا ماما إللي يتهزق ف مكتبه plus من جوا شركة أبوه تبقى بقت ميغة وهسكتلك لأ لأ لأ إصحيلي كده معايا وإفتحيلي ودانك ودماغك وركزي علشان زين الألفي مبيتهددش يا حلو ولا حلوة .
فريدة بتأفف وبرود :- هتشوف الملف بتاعي ولا إيه نظامك علشان لولا حوجتي مكونتش وقفت قدامك ثانية على بعضها ولا أروح لحال سبيلي أحسن ثم حلو إيه ليه شايفني بالشنب والدقن قدامك .
زين بغمز وضحك :- إوعى بقى لأ لأ يابت إسترونج إندبندنت وومن بصحيح وعايزة يبقى عندك كاريير كمان هههههههههههههه هاتي هاتي ياختي أما نشوف مش يمكن ميعحبنيش وأطردك بس الصراحة لأ مش ناوي أعمل كده علشان أصطبح ب وشك الحلو ده كل يوم وأناقرك لغاية ما تتعصبي وبصراحة من لبسك ده أشك إنك على تكة ويبقى عندك دقن وشنب يا فرج يا قمر يا مقطقط أنت حلاوتك .
فريدة برفعة حاجب وغيظ :- لأ والله وماله يعني لما أبقى كده هو أنا مراتك يعني وبتغير عليا علشان أنت دمك حامي وصعيدي وكده ممكن بقى تشوف الزفت وإنجز علشان لو هستلم شغلي دلوقتي أتصل بوالدتي وأطمنها عليا ولو حابب تطردني برضو يبـقى أحسن علشان مصطبحش بوشك ويومي يتقفل وأنا إسمي فريدة مرعشلي مش فرج ومتقولش اللقب البايخ ده قدامي وإلا هزعلك مني وأنت حُر بقى .
زين بغمز وخبث :- وماله يعني يا فرج قصدي يا فري خانم مش يمكن تقعي ف دباديبي وتحبيني ونتجوز كمان ونجيب صبيان وبنات يبقوا أحفاد لوليتا وأسد وغير كده فرج لايق عليكي أوي وهفضل أقوله ليكي علطول يا فرج يا مقطقط أنت .
أسد الألفي وهو يدخل عليهم المكتب :- بقولك إيه يا زين فين ملف مناقصة شركة البرازيل أنا بقالي ساعة بدور عليه أنت متعرفش هو مع مين بالظبط هنا .
زين بجدية :- بصراحة لأ يا أسد باشا إللي أعرفه كان مع نورسين آخر مرة وبعدها راح مكتب أونكل طائف وبعدين رجع الأرشيف أو مكتب مروان .
فريدة بابتسامة مرحة :- وحشتني يا أسد يا ألفي أنا بجد زوعلانة منك علشان مش بتسأل عني من فترة طويلة إخص إخص بجد والله زوعلت منك خالص .
زين بصدمة :- يا أسد يا ألفي نهااارك الفحلقيي أبويا يتقاله كده دي لو أمي هنا كان زمانها طبقت ف زمارة رقبتك الحلوة البيضا دي زي مصاصين الدماء هو هو إيه الموضوع بالظبط أنا مش فاهم حاجة .
أسد بضحك وضمها لحضنه :- ههههههههههههه وإنتي وحشاني أكتر يا مجنونة مهو إنتي عارفة بقى الشغل وعمايله معايا ومراتي المجنونة وعمايلها وبعدين ما أنا بتطمن عليكي علطول من نورسين وبعرف أخبارك أول بأول كمان إنتي بقى إللي مش بتسألي عليا .
زين نظر إليهم باستغراب وغيظ فأكملت فريدة :- ع عيوني والله يا دودي بس ما حضرتك عارف نورسين نسّاية أوي وأكيد بتنسى توصلّي سلامك بس متأكدة إنك بتسأل عليا علطول والله قولي بقى أخبار لوليتا إيه وهموسة ومريم وجوز الخيل ولادك .
أسد بضحك ونظر إلى زين المنصدم :- هههههههههههه مجنونة والله يا فيرو ومش هتعقلي أبداً وع العموم لوليتا كويسة وبتسلم عليكي علطول والبنات كمان أما جوز الخيل بقى واحد ف مقر المخابرات والتاني واقف وراكي أهو ههههههههههههه إوعي تكوني البنت إللي هتشتغل مساعدته الشخصية وناوية إنك تطلعي عينه وتجننيه من مقالبك المجنونة زيك بالظبط .
فريدة بضحكة خفيفة :- مهو أنا عارفة الصراحة إنه التاني بس بتأكد ههههههههههههه وفعلا أنا إللي ناوية أشتغل معاه وربنا يستر بقى عليه مني .
زين بسخرية وتهكم :- كتر خيرك إنك خايفة عليا من مقالبك فيا يا فريدة خانم çok teşekkür والله .
فريدة بغيظ وأخرجت لسانها له :- نينينينين ظريف أوي حضرتك والله ومتتريقش عليا علشان من تركيا وإلا هشتمك ومش هيهمني .
أسد بابتسامة :- لأ لأ ده أنت بقى يا زين أفندي فعلا لازم تخاف على نفسك منها لأن يعتبر فريدة نسخة مصغرة من أمك ونفس البرج والطباع يعني هتتنفخ على إيدها وهتتظبط ع الآخر منها .
زين بتذمر وغيظ منها :- شايف يا بابا بتتعامل معايا إزاي هو أنا هشغل عندي طفلة وأنا مش عارف وأنا بقى هتعامل معاها زيها زي باقي الموظفين هنا ومش معنى إنها مساعدتي الشخصية يبقى هكون متساهل معاها ومش هعاقبها على غلطها معايا ده .
فريدة وهي تضع يدها في خصرها ببرود :- والله أنا معملتش حاجة غلط علشان حضرتك تعاقبني وغير كده أنا مش زي الباقي لأني مختلفة عن الكل اوك .
أسد بضحك على مناوشتهم :- هههههههههههه يخرب عقلك يا زين مهو أنت بتتغالس عليها يبـقى تستاهل وبلاش تزعلها وإلا أنا إللي هزعلك فاهم فرفورة ليها معزّة ف قلبي زيها زيكم بالظبط ومقبلش حد يزعلها ويدايقها ويتريق عليها مفهوم .
زين بضيق وايماءة :- حاضر يا بابا إللي حضرتك بقى تشوفه وعايزه أنا هعمله كمان وحضرتك إتفضلي أهو الملف بتاعك وتروحي بيه تسألي على مكتب مروان وهو هيكمل معاكي إجراءات إمضاءك ع العقد .
فريدة بإيماءة ونظرت إلى أسد بابتسامة :- تمام اوك أستأذن أنا بقى با أونكل أسد وأشوفك ف الاستراحة بتاعت الموظفين علشان عاوزة أقولك على حاجات كتيرة حصلت أنت متعرفهاش هخلع أنا دلوقتي ولما أترستق ف الشغلانة هجيلك مكتبك .
زين بإشمئزاز :- اووووعععع أترستق إيه الكلام ده هو إنتي فعلا متأكدة إنك تركية بجد ولا بتستهبلي .
أسد بضحك شديد :- هههههههههههههه يالهوي ع كده إرحميني يا فيرو مش هتكوني إنتي كده ومراتي لولا المجنونة على دماغي أنا همشي قبل ما يجرالي أي حاجة معنديش غير مرارة واحدة .
فريدة بغيظ :- جرا إيه يا سيدنا الأفندي مالها طريقة كلامي وكلمة أترستق بقى مديقاك ف حاجة ألحق أنا أمشي قبل ما جنابي تفرقع من الغيظ والكيد .
#غادرت فريدة سريعا من مكتب زين وهي مغتاظة للغاية وكان زين و والده أسد يضحكان بشدة عليها وعلى تصرفاتها وأقسم زين أن تلك الفتاة مجنونة .. وبعد وقت قصير لحق بها أسد ليذهب إلى مكتبه هو الآخر ويكمل باقي أعماله ويتمم باقي صفقاته ...