وَطّن.

اربعه و عشرين

دحوم:
😂😂😂
لا يسمعك عّز بس

عُمر:
سوسو نمرك و لا تجي بسيارنك؟
بسيارمك*
يووووه
بسيارتتتتتك*

انفجر ضحك سعود و كتب لهم 'لا انا بسوق' بعد ما ارسلوا له المستشفى. راح غسل وجهه و اخذ شور سريع و سوا له قهوه و هو يلبس. ركب سيارته و توجهه بطريقه للمستشفى، وقف عند محل ورد و اخذ ورد ليوسف و كتب له بكرت حمدالله على السلامه. حس انها حركه لطيفه لازم يسويها. ماكانت الا دقايق و هو واصل المستشفى، حس ان الجو حار و هو لابس ملابس ثقيله بس ما اهتم. دخل المستشفى و هو بيده الورد و لقى عُمر قاعد يطلب قهوه ابتسم و قرب له و هو يحاول يغير موده.

"صباحو" قال و هو يشوف عُمر.

عُمر لف عليه "تعال! شصار ويا انس؟؟".

"ذبحححني! مادري ليش عباله اني ميت عليك من زينك عاد" قال سعود و هو رافع حاجبه.

"يع تخيل بس انا و انت" قال عُمر بقرف.

تعابير القرف وضحت على وجهه سعود "يع شنو خلصوا الناس عشان احب زباله نفسك؟".

"يعني انا اللي بحب قرد نفسك؟" قال عُمر و هو يخز سعود.

"اطلب لي قهوه بس" قال سعود و هو يعدل شعره و هو يطالع بالكاميرا الاماميه.

صفر عُمر باعجاب بعد ما طلب "ياولد ورد و حركات! والله طلعت ذوق من وراي".

"شعبالك نفسك؟" قال سعود.

عُمر مسك بلوفر سعود و قال "اقول وربي ادفنك هني".

ضحك سعود و هو يحرك شعره "تخيل و يصورونا و يكتبون هوشه مستشفى .. ".

"و ننشهر و يخقون علينا الناس و احنا نتهاوش" قال عُمر بعد ما اخذ قهوته و قهوه سعود.

ابتسم سعود بعد ما اخذ القهوه "انت كله عبالك الناس بتتخرفن عليك؟ شايف وجهك؟".

"اخ يا وجهي لو اني مو انا جان تزوجتني والله" قال عُمر بثقه.

"النرجسيه!" قال سعود بمبالغه.

عُمر تجاهل سعود و بدأ يمشي بطريقه لغرفه يوسف، دخلوا و لقوا حمني و يوسف يضحكون بهستريا و عّز مبوز. "السلام عليهمم، ضحكونا معاكم" قال عُمر و هو يشرب قهوته.

"ما شفت وجهه عّز لما الممرضه اللي كان يحش فيها دشت و هو مو حاس" قال حمني و هو منهار ضحك.

"الله لا يحطني مكانك" قال سعود و هو يضحك على تعابير وجهه حمني "ماتشوف شر يوسف" حط الورد قدامه و ابتسم له.

يوسف ابتسم لسعود "الشر ما يجيك، بس شتبي جاي؟".

"جيت اغثك" قال سععود و هو فاهم ان يوسف مو قصده شي لكن هذا اسلوبهم مع بعض، استفزازي.

ضحك يوسف " و نجحت بهالشي".

"شلونك اليوم يا الخايس عساك احسن" قال عُمر.