اسكريبتات فارس وملاك

اسكريبت 2

* انتى اتجنينتى عاوزة تتجوزى واحد اعمى
دا كل اللى اهلى بيقولوة ليا من ساعت ما قولتلهم انى موافقة على فارس لية ديما شايفين الشخص الكفيف مينفعش يجوز مينفعش يعيش حياته مينفعش يحب ويتحب لية كلهم مش شايفين ان الاعمى دا هو اللى هياحفظ عليا هو اللى بيحبنى هو اللى فى وجودة بحس بأمان منا ممكن اتجوز شخص مش كفيف بس بيضربنى مش بيحبنى بيهينى حكايتى مع فارس بدأت من تلت شهور
_ لو سمحت
: اتفضلى
_ هو الشخص اللى قاعد هناك دا مين
: دا استاذ فارس صاحب الكافية
اتصدمت متوقعتش ان دا صاحب الكافية انا فكرتة زبون عادى انا باجى الكافية دا ديما لقرائة الروايات هو من احب الاماكن لقلبى ممكن موقعة المميز هو اللى مخلينى احبة هو على البحر وديكورة جميل جدا مريح نفسياً وفى مكتبة فيها كل انواع الروايات ديما بشوف فارس قاعد على نفس الترابيزة قدام البحر مش بيعمل حاجة من اول اما اجى لغايت اما بمشى بيبص للبحر مش عارفة لية لاحظتة وبقيت براقب تصرافاتة واخيرها انى سألت النادل علية وعرفت انوا صاحب المكان فضولى خدنى ولقيتنى بروحلة وقعدت على نفس ترابيزتة اتوقعت انوا هيكلمنى او يهزئنى لان الدنيا رايقة ومعظم الترابيزات فاضية بس لقيتة ساكت حتى مبصليش كل تركيزة على البحر
_ لو سمحت
- افندم
_ هو بس ممكن مجرد فضول بس اية فى البحر يخليك كل يوم تقعد تتفرج علية ومش بتعمل حاجة تانية وعمرك ما مليت
- ممكن لانى مش شايفة مثلا
مستوعبتش كلامة او اتصدمت معقولة اعمى
- انتى اتصدمتى اكيد ايوة انا اعمى
_ انا اسفة جداا انا مكنتش اقصد
- لا ولا يهمك اعرفك بنفسى انا فارس
_ وانا ملاك
ابتسم وبص ناحية البحر تانى ورجع لسكوتة فضلت بصالة شوية تقريبا هو فكر انى مشيت لما متكلمتش تانى بس انا فجائتة لما سألتة
_ هو انت لية معملش حاجة تانية غير انك قاعد قدام البحر
- زى مثلا
_ اى حاجة فى برامج كتير على الفون ليك وفى برامج مثلا لقرائة الكتب صوتيا اصل انت اكيد بتحب القارئة انت حاطط مكتبة بحالها فى الكافية وفى حاجات كتير ممكن تعملها تخرجك من وحدتك دى افضل ما انت حابس نفسك كدا

انا عمرى ما اتكلمت مع ولد قبل كدا وطول عمرى اساسا انطوائية معرفش ازاى اساسا جيت اكلمة ولما هو سكت وبص على البحر تانى انا قومت حسيت اصلا بتأنيب الضمير انا اخلاقى ودينى ميسمحوش انى اروح اكلم ولد بالطريقة دى روحت بيتنا ودخلت اوضتى وصليت واستغفرت ربى ونمت
* ملاك ملاك قومى
_ فى اية يا ازعاج
* قومى لقيت ليكى شغل
انا خريجة اداب وكنت بدور على شغل وخليت اختى حور هى اللى تتولى المهمة دى ممكن لانى مش فاضية بمراقبة فارس فى الكافية كل يوم!!!!
_ شغل اية وفين
* فى شخص اعمى عاوز حد يقرائلة كتب ورويات وانتى بتحبى اساسا القرائة اية رايك
حسيت ان الشخص دا فارس معقولة يكون هو وسمع بنصيحتى!!!
_ انتى جبتى الشغل دا منين
* هو بيكون ابن عم واحدة صحبتى وهى قالتلى

معرفش لية وافقت بس لما حسيت انوا ممكن يكون فارس فرحت

_ احنا جايين الكافية دا لية
* يابنتى مهوا صاحب الكافية دا اللى هتقرائيلة
فرحت جدا لولا انى فى الشارع كنت انططت من الفرحة بس لية مش معقولة شخص كنت براقبة من بعيد واول مرة اكلمة امبارح ابقى مبسوطة بالطريقة دى ؟!!! لا فوقى دا مجرد شغل جايلك هتتعاملى معاة عادى
+ ملاك ازيك اعرفك يا فارس حور صحبتى واختها ملاك
- اهلا
كنت خايفة اتكلم عشان ميعرفنيش بس ازاى انا اساس شغلى معاة الكلام !! حور خبطتنى عشان تنبهمنى انى لازم اتكلم فاتكلمت اخيرا
_ اهلا يا استاذ فارس
تقريبا عرفنى انا فهمت من تعابير وشة بس هو مالة فرح اوى كدا لية ؟ حور مشيت هى وبنت عمة وفضل انا وهو
- هتفضلى واقفة كدا متقعدى
قعدت وانا متوترة مش عارفة اقول اية ولا اعمل اية
- سمعت نصيحتك اهو
_ بس انا قولتلك فى برامج احسن بكتير من ان حد هو اللى يقرائلك
- بس دى مش هتخرجنى من وحدتى ....انتى عندك حق لازم اخرج من وحدتى فاحبيت انى على الاقل اتكلم مع شخص واحد
_ طب تحب نبدأ بأية
- اكتر رواية بتحبيها
بصتلة بستغراب هو ازاى عرف انى بحب الروايات وحسيت انو هو حس انى استغربت فاتكلم
- اكيد واحدة اللى لفت نظرها فى الكافية المكتبة وجاية اصلا شغالانة اصلها القرائة بيبقى اكيد بتحب القرائة والروايات
_ انا بحب رويات الفانتازيا تحب اقارئهالك
- اقارئى
بقيت كل يوم اروح لفارس الكافية اقرائلة رواية جديدة حسيت انى اتعلقت بية اكتر من الاول بس عمرى ما اتجارئت وفتحت معاة حوار كان كل كلامنا عبارة عن انى بروح كل يوم اقرائلة رواية جديدة بس لغايت اما فى يوم اتجرائت وكلمتة
_ هو انت من وانت صغير كدا
- كدا ازاى يعنى
_ كدا يعنى ..يعنى
- فهمت فهمت ....انا كنت بشوف عادى لغايت من سنة حصلتلى حادثة هى السبب فى اللى انا فية دا