اسكريبتات فارس وملاك

اسكريبت 12

_ صحيتى يا هانم
فوقت لقيت نفسى فى مكان غريت على سرير اغرب وحتى الهدوم اللى لابساها شكلها غريب فوقت وقفت وانا مش فاهمة انا جيت هنا ازاى وصوت مين اللى بيكلم دا وفى وسط الحيرة دى الصوت اتكرر تانى
_ صحيتى يا ملاك هانم
مكنتش عارفة اعمل اية اهرب ولا ارد هو انا اساسا فين فقررت انى ارد اخيرا
- ايوة
اتفتح الباب ودخلت بنوتة شكلها حلو ولابسة هدوم تقريبا شكلها خادمة اول لما دخلت قالت
_ الباشا والدك منتظرك تحت وبيقولك متتأخريش
قالت كدا ولفيت ومشيت وانا واقفة ومش فاهمة حاجة بصيت جمبى لاقيت حاجة كدا شبة الدولاب فتحتة لاقيت فساتين كتير وكلها حلوة اوى وشكلها من ايام الهوانم والقصور تقريبا بدأت افهم انا رجعت بالزمن بس ازاى انا اخر حاجة فكرها لما اتخانقت مع فارس وقررت اننا هنطلق قررت انى اكمل تجربة جديدة وانا مبسوطة بيها انا بعشق المغامرة والجنون ويمكن دا سبب كل مشاكلى مع فارس ؛ لبست فستان من الفساتين دى وعملت شعرى زى الهوانم اللى كنت بشوفهم فى التلفزيون وخرجت من الاوضة لاقيت نفسى فى قصر كبير ومليان خدم فى كل حتة فضلت ماشية فية وانا مبهورة بجمالة لغايت اما لقيت نفس البنت اللى صحيتنى قدامى
_ يا هانم والدك منتظرك فى اوضة السفرة
- طب ودهالى لو سمحت
بصيلتى بستغراب بس متكلمتش ومشيت وانا مشيت ورها لغايت لما روحنا اوضة السفرة دى لاقيت فيها سفرة كبير عليها شخص قاعد فى اولها تقريبا دا والدى الباشا فرحت قعدت على كرسى من الكراسى دى فهوا بصلى وقال
_ صباح الخير
- صباح النور
_ يلا افطرى عشان تتجهزى لحفلة بليل
- حفلة اية
_ البية فارس بقى باشا وعامل حفلة بمناسبة دا
بصتلة بستغراب بس تقريبا فهمت هو زمان كانوا بيشتروا اسم باشا او بية وكدا بس فارس معقولة هو معايا هنا !!! خلصت فطار وقومت اتمشيت شوية فى القصر بعد كدا طلعت اوضتى لبست فستان تانى وفردت شعرى ونزلت لاقيت والدى كان مستنينى ركبنا الحنطور ومشينا رحنا قصر تانى ميختلفش كتير عن القصر اللى كنت فية بس لفت نظرى ان فى الجنينة مرجيحة مزينة بالورد خطفت قلبى و دخلنا الحفلة وحسيت بملل كان كل شخص بيكلم مع حد تانى او كل مجموعة مع بعض وبما انى معرفش حد وقفت لوحدى حتى والدى كان مع مجموعة من المجموعات دى فقررت انى اخرج واشوف المرجيحة اللى شوفتها اول لما ما جيت فخرجت ورحت عندها وقعدت عليها وقعدت أفكر فى حياتى مع فارس انا انسانة مشاغبة بحب الحياة وبحب استمتع بيها هو عكسى انسان ملل روتينى جوازة جت لمجرد ان اهلنا كانوا شايفنا مناسبين لبعض بحكم اننا قرايب وانا مفكرتش او محدش ادانى وقت انى افكر لان كل حاجة جت بسرعة سواء خطوبة او جواز وفى وسط افكارى دى حسيت ان المرجيحة حد بيهزها بصيت وريا لقيتة هو فارس بس لابس لبس غريب لبس باشا فعلا ! قال بتكشيرتة المعتادة
_ هو محدش قالك ان مفيش حد بيقرب من اى حاجة تخص فارس باشا
رجعنا تانى لارض الواقع فارس هو فارس فى اى زمان او مكان متقربيش من حاجتى يا ملاك متخرجيش يا ملاك متتكلميش يا ملاك تحكمات وبس بس لاء بقى انا تعبت قومت بسرعة لدرجة ان هو اتخضن وقربت منة وقولت بعصبية شديدة
- انت مين يعنى عشان تقولى اعمل ومعملش انا اعمل اللى انا عاوزاة وعلى حاجتك اهى سيبهالك همسك اية يعنى
كنت بلف عشان امشى بس هو وقف قصادى
_ انتى مش عارفة بتكلمى مين
مغرور هيفضل فارس المغرور طول عمرة بصتلة وانا عنيا فى عينة وقولت
- انسان مغرور مفكر نفسة محور الكون
مشيت بسرعة عشان حسيت ان فى اللحظة دى هيطلع دخان من ودانة ودخلت جوة القصر لاقيت والدى فرحتلة ووقفت جمبة دخل وريا فارس وبصلى وقرب منا وسلم على والدى
= اقدملك ملاك بنتى يا فارس باشا
فارس بصيلى وابتسم ابتسامة مستفزة لدرجة ان لوهلة خوفت بس قررت انى اشجع نفسى هيعملى اية يعنى بصيت بعيد بس حسيت انوا زى اللى مراقبنى كل اللى فى الحفلة كانوا كلهم بيحاولى يكلموا معاة بس كل اما ابص علية بلاحظ انوا هو كمان بيبص عليا لغايت اما الحفلة خلصت اخيرا فكنت ماشية بس هو صمم انوا يوصلنا لغايت اما نركب وقبل ما اركب الحنطور لاقيتة قرب من ودنى وقالى
- اوعدك ان المغرور دا هيبقى محور الكون ليكى فعلا