اسكريبتات فارس وملاك

اسكريبت 6

- شافنى شافنى أهرب ازاى دلوقتى
_مين
-فارس
_هو يعرف شكلك ؟
-لا
_يبقى خلاص اتصرفى عادى
-انتى بتهزرى يا حور
_ ملاك هو جوزك اة بس مشفكيش قبل كدا ولا مرة يبقى استمعتى باليوم وانسى كل حاجة ثم حتى لو عرف واجهية بطلى جبن بقى
قررت اسمع كلام حور انا فعلا شخصية جبانة بس دا مش بأيدى انا واحدة اهلها اتوفوا وهى لسة عندها عشر سنين فى حريقة وانا الوحيدة اللى اتنجيت منها من ساعتها وانا عندى فوبيا من اى حاجة حتى الناس!!!
سرحت بذكرياتى قبل اسبوع
- مش موافقة مستحيل اوافق
:هتوافقى عصبن عنك انا قررت قرار ومش هرجع فية
- حرام عليك هو انا مش بنت اخوك لية تعمل فيا كدا
:عملت فيكى اية هجوزك
- لشخص معرفوش اصلا
مشى وسابنى وانا مش عارفة اعمل اية من ساعت ما اهلى توفوا وانا روحت عشت عند جدى كانت حياتى مستقرة لغايت اما اتوفى من شهر ساعتها عمى خدنى ودلوقتى قرر انى لازم اتجوز ابن شريكة عشان شغلة وانا استسلمت للأمر الواقع مكنش قدامى حل تانى او انا شوفت كدا لغايت يوم كتب الكتاب العريس قال انوا مش هيعمل فرح هو كتب كتاب بس وهياخدنى على شقتة
"بارك اللة لكما وجمع بينكما فى الخير "
سمعت الجملة دى وكنت عاوز اقوم اجرى واهرب بس للاسف كان فات الاوان كنت لابسة فستان الفرح والطرحة بتاعتة مغطية وشى واساسا العريس اللى هو المفروض جوزى دلوقتى مهتمش يشوف شكلى او يبصلى اصلا!!!
= يلا
بصتلة كان شاب طويل اسمرانى وكان باين علية انوا مش طايقنى شلت شنطيتى ومشيت وراة لغايت اما وصلنا للعربية وهو ركب وانا ركبت جمبة ووديت وشى الناحية التانية وهو ساق لغايت اما وصلنا لبيتة نزل وانا وراة لغايت اما دخلنا الشقة وقفلنا الباب لقيتة اتكلم وهو ميدينى ظهرة
= اسمعى انا مغصوب على الجوازة دى ومش عاوزك فا هم 3 شهور بالظبط والبعثة بتاعتى تيجى وهطلقك لغايت الوقت دا ومش عاوز اشوف وشك انا عرفت ان وشك مشوهة من ساعت الحريقة اللى اتوفوا فيها اهلك وانتى كنتى فيها وعشان كدا مكنوش بيخرجوكى انا مستعد بعد الطلاق اديكى فلوس وبيت تعيشى فية ومتحتاجيش لعمك ودا اللى اقدر اعملة عن اذنك
دخل الاوضة وانا واقفة مكانى انا مشوهة !!! اهلى لما اتوفوا فى الحريقة انا فعلا اتحرقت بس جزء من ايدى اللى اتحرق بس ولما روحت عند جدى كان عندى فوبيا وخوف من كل حاجة انا واحدة اهلى ماتوا قدام عنيا وهما النار ماسكة فيهم وبيصرخوا ولولا ان الجيران لحقونى كان زمانى مت معاهم جدى كان مقدر دا وكان بيخاف عليا اخرج من البيت لوحدى او اخرج اساسا كنت بروح فى المدرسة للأمتحانات بس لغايت لما دخلت الجامعة وقابلت حور ساعدتنى اتخطى الحالة دى كتير حور جريئة مش بتخاف حاولت كتير ابقى شبها بس معرفتش كنت بخاف بردوا وارجع لجدى ومش بخرج بس حور مكنتش بتيأس وكانت بتجيلى هى بيت جدى احسن حاجة لما يبقى عندك صاحب يتقبلك بعيوبك قبل مميزاتك وانا لاقيت الصاحب دا فى حور ؛ رفعت فستانى ودخلت الاوضة التانية ورميت نفسى على السرير ونمت يمكن معيطتش لانى اتعودت على الصدمات او يمكن لانى حسيت انى انا السبب فى اللى حصلى دا ضعف شخصيتى السبب !! صحيت من النوم تانى يوم قومت وخرجت برة الاوضة ملقتيش حد فى الشقة هو راح فين دا مهمتمتش وجبت شنطتى وغيرت هدومى وبصيت على نفسى فى المراية انا يمكن معنديش جمالى عادى بس ربنا ميزنى بعيونى الزرقاء كانت ديما جدو وحور بيقولولى يا بخت مين يجوزك هيقعد يبص فى عيونك ديما ! فوفت من سرحانى على صوت موبايلى بيرن
_الهانم اللى بقالها اسبوع مش عارفة اوصلها انتى ناسية ان فرحى انهاردة انتى فين
- اتجوزت
_اية
- عمى جوزنى يا حور
_ بتتكلمى بجد
- بعد ما عمى خدنى ومنعنى عنك وحبسنى فى البيت جة من اسبوع خد منى تلفونى وقالى انى هتجوز ولسة مديهولى امبارح بعد اما اتجوزت واهو المفروض انى دلوقتى فى بيت جوزى
_ ومين جوزك دا
- معرفش حتى هو ميعرفش شكلى
_ طب هو فين ولما خدك امبارح عملك اية استنى انتى فين انا جيالك قولى العنوان
- اهدى متخافيش هو كمان مغصوب عليا واساسا هو مش موجود انا صحيت ملقتوش
_ يعنى مش هتيجى فرحى
- لا هاجى انا جاية دلوقتى
قفلت مع حور وقومت لبست فستان موڤ علية طرحة نفس اللون ودورت فى الشقة على مفتاح عشان لما ارجع لاقيت مفتاح محطوط على السفرة اتوقعت انوا اكيد نسية فاختة ونزلت ركبت تاكسى ورحت عند حور كان الفرح فى فندق فوق حور فى الاوضة مع المكيب ارتيست وتحت الفرح نزلت قدام الفندق ودخلت سألت على اوضة حور فى الاستقبال وروحتلها يمكن اول مرة اكون لوحدى وانا رايحة فى حتة بس فعلا لازم اتغير زى ما حور قالتلى لازم اعتمد على نفسى ! حور اول لما شافتنى جريت عليا وحضنتنى وانا حكتلها كل اللى حصل
_ هو اللى غبى وخسران قمر زيك واسمة اية الكابتن
-فارس شوفت الاسم وانا بوقع على ورقة كتب الكتاب
_وحش
ضحكت - طب يلا عشان تكملى الميك اب بتاعك
_ وانتى كمان
- وانا كمان اية
_هتعملى زى يلا
حطيت ميكب بسيط جدا بس برز جمالى وبذات عيونى بصيت لحور كانت باين عليها متوترة
-بتحبية
_ لما بشوفة قلبى بيدق لدرجة انى بحس انو سامع دقاتة من كترها
- وبتطمنى معاة
_ بخاف اكون من غيرة
بصتلها وابتسمت انا عارفة قصة حبها هى ومروان ؛مروان كان جارهم وهى من صغرها بتحبة وكانت ديما بتحكيلى عنة ولما اتقدملها كانت مش مصدقة من فرحتها وطلع ان مروان كمان بيحبها
*وانا عمرى ما هسيبك
بصيت ورايا لقيت مروان كان سامع كلامنا رحت بعدت عن حور وهو قرب منها وباس راسها ومسك ايديها ونزلوا رحت نزلت ورواهم وانا فرحانة لحور انها قدرت تلاقى الشخص اللى بيحبها وميقدرش يستغنى عنها
وكنت واقفة وبصالهم ومحستش بدموعى غير وهى نازلة وانا مش عارفة انا بعيط لية يمكن لانى خوفت حور تبعد عنى
= اتفضلى
لقيت صوت شخص مألوف وايد بتدمدلى بمنديل خت المنديل ومسحت دموعى وبصيت على الشخص دا واتصدمت لما لاقيتة الشخص اللى المفروض جوزى
= فارس
- اية
= اسمى فارس
بصتلة ومردتش علية وروحت على حور
-شافنى شافنى أهرب ازاى دلوقتى
_مين
-فارس
_هو يعرف شكلك ؟
-لا
_يبقى خلاص اتصرفى عادى
-انتى بتهزرى يا حور
_ ملاك هو جوزك اة بس مشفكيش قبل كدا ولا مرة يبقى استمعتى باليوم وانسى كل حاجة ثم حتى لو عرف واجهية بطلى جبن بقى
قررت اسمع كلامها وفعلا قولت انى لازم اواجهة ولازم انا اللى اخطط خطوط حياتى مش حد تانى
ابتسمتلها وسبتها ومشيت وقعدت على طرابيزة وانا عينى متابعة حور بس غصب عنى كانت عينى بتدور على فارس !! لاقيتة واقف وباصص عليا ارتبكت ومكنتش عارفة اعمل اية هو ممكن بكون عرفنى بس هيعرفنى ازاى هو مشافش وشى ابدا ! حاولت اتجاهلة وقررت انى بعد الفرح هقولة انى انا مراتة !!! خلص الفرح وانا كنت خارجة عشان اروح لاقيت فارس وقف قدامى
= تحبى اوصلك
-افندم
= بصى الوقت اتأخر ومفيش موصلات تعالى اوصلك
بصتلة واتضايقت هو اى واحدة كدا يقولها تعالى اوصلك طب وانا اللى فى البيت دى ومش عاملى ادنى اعتبار طب منا اللى اتعرض عليا اية اللى انا بقولة دا !! بصتلة وبصيت وراة لقيت زياد اخو حور
- زياد زياد
+ نعم
- تعالى وصلنى
مش عارفة لية ناديت زياد وطلبت منة يوصلنى زياد اخو حور واصغر منى بسنتين وانا بعتبرة اخويا مشيت ورا زياد وركبت معاة وانا شايفة فارس مضايق جدا بس حبيت اضايقة لية يعنى يطلب من واحدة ميعرفاش يوصلها طب ومراتة اللى هى انا !!! زياد وصلنى وطلعت جرى البيت قبل مايجى فارس وفتحت الباب بالمفتاح اللى معايا ودخلت غيرت هدومى بسرعة و لاقيت باب الشقة بيخبط عرفت انوا فارس رحت حطيت الطرحة وغطيت وشى بيها وروحت فتحتلة راح هو دخل ومبصليش اصلا ودخل اوضتة وقفل علية!! اتصدق انا غلطانة انى كنت لما تدخل هشيل الطرحة واقولك انوا انا هى دخلت اوضتى نمت على طول من غير ما افكر كتير نمت وصحيت تانى يوم على صوت فونى بيرن وكانت حور
- انا نفسى افهم مش انتى عروسة بترنى لية دلوقتى
_قومى بسرعة انتى لسة نايمة انا لاقيتلك شغل
- شغل اية
_ مروان وصحابة عاملين شركة زى ماانتى عارفة وهما هيعملوا صفقة مع شركة إيطالية وهما عاوزين مترجم عشان يترجملهم وانتى خريجة السن ايطالى اية رايك
فكرت فى فى عرض حور انا لازم اشتغل لازم اعتمد على نفسى
- موافقة
قفلت مع حور وقومت لبست وقررت انى لازم اقول لفارس انى نفس البنت ومش مشوهة زى مهوا مفكر خرجت من الاوضة وخبط على اوضة فارس ملقتش رد فافتحت الاوضة كان الاوضة مترتبة وهو مش موجود استنتجت انو هو خرج من بدرى رحت انا خت المفتاح اللى كان ناسية امبارح ومشيت روحت الشركة اللى وصفتهالى حور وقالتلى ان صاحب مروان هيقابلنى دخلت الشركة كانت شركة بسيطة بس ديكورها جميل كنت مبهورة بية وماشية فيها
= عجبتك
- اوى
خت بالى من الصوت بعد ما رديت بصيت لقيتة فارس مكنتش عارفة اعمل اية
= المرادى مظنش هتعرفى تهربى
- انا مكنتش بهرب
بصلى وضحك وانا مكنتش قادرة اسيطر على دقات قلبى وكنت همشى راح هو وقف قصادى
= متهيألى انتى صاحبة حور اللى مروان قالى عليها صح ؟
هزيت راسى بمعنى اة راح هو كمل
= تمام وانا فارس المفروض انك هتشتغلى معايا انا اتفضلى اوريكى مكتبك
مشيت وراة وانا ساكتة لغايت اما دخلنا مكتب
= دا مكتبك وانا المكتب اللى جنبك انتى هيكون كل شغلك تترجمى اى ورق او لما نقابل وفد من الشركة هتكونى حاضر عشان تترجميلى
قال كدا ومشى حتى مستناش ردى وانا روحت قعدت على المكتب انا لية مقولتلوش ؟ يمكن عشان هاروح اقولة اية مثلا سورى اصل انا مراتك اللى مشوفتهاش او عشان حبيت اللعبة ايوة حبيها انا حياتى كلها كانت مع جدى وبس كنت بخاف من الناس لغايت اما دخلت حور حياتى بس بردوا كانت حياتى عبارة عن حور وانا وجدى بس جدى كان شخصية شديدة كان شايف ان البنت مش من حقها تخرج او يكون ليها شخصية قوية واللى ساعدة اكتر انى انا مش ساعت الحريقة وانا جاتلى حالة خوف من كل حاجة دلوقتى انا بشتغل وبخرج يمكن لو قولت لفارس يمنعنى من دا كلو ومنكرش ان جزء جويا حابب اللعبة ومبسوط بيها !!فوقت من شردوى على صوت بنت
: اهلا انا ريماس سكرتيرة استاذ فارس
- اهلا وانا ملاك
: تمام اتفضلى الورق دا استاذ فارس بيقولك ترجمية
خت منها الورق وهى مشيت وانا كنت مضايقة البنت اللى لبساها ضيق وحطة كمية الميكب فى وشها دى سكرتيرتة ديما بتكون معاة هنا فى الشركة انا مش عارفة مضايقة لية حاولت اهدى وخت الورق وحاولت اشغل نفسى بية لغايت اما نجحت فعلا ؛ خلصت الورق وكنت مسكاة فى ايديا ومبسوطة بية دا اول حاجة اترجمها فى شغلى وخت بالى من شخص واقف على باب المكتب رفعت عينى كان فارس
= تسمحيلى
- هااا
= اشوف الورق
-اة اة طبعا اتفضل
مسك الروق وقرائة
= تمام براڤوا عليكى هو انتى اشتغلتى فى مكان تانى قبل كدا
- لا
= اسمك اية
- ملاك
= ملاك
قال اسمى وهو مستغرب وباصيليلى حسيت ان بخوف انوا يعرف
= اصل اسمك شبة اسم شخص تانى اعرفة
- شخص كويس ولا وحش
= مش عارف ..... صدقينى مش عارف اذا كانت وحشة او كويسة
لقيتة سرح ساعتها اتأكدت ان فارس ضحية زى بس لية ضحية انا بنت ومكنش قدامى خيار تانى هو اية يجبرة ساعتها قررت انى لازم اعرف وانى لازم اقرب من فارس بس وانا ملاك المترجمة مش مراتة ولازم ميعرفش ابدا ان انا هى !!!!! فارس بعد انا قالى كدا مشى وانا خلصت بقيت الورق وكان معاد الخروج جة روحت خت شنطتى وخرجت عشان اروح قبل فارس وصلت فعلا قبلة ودخلت غيرت هدومى بسرعة كان فارس فتح الباب ودخل وانا واقفة ورا باب اوضتى شيفاة وهو وقف فى الصالة عاوز يخبط عليا وفى نفس مش راضى عمال يقرب من الاوضة ويبعد تانى لغايت اما قرر يخبط روحت جريت جوة وحطيت الطرحة على راسى ووشى وهو خبط على باب الاوضة وانا فتحت راح هو كلمنى وهو واقف على الباب وعينة فى الارض مبصش فى وشى بس لاحظت انوا شاف الحرق اللى فى ايدى
= انا اسف انى خبطت امبارح على الباب بليل كان زمانك نمتى اكيد وانا صحيتك بس انا كنت نسيت مفتاحى ومتختفيش عملت واحد جديد مش هصحيكى تانى ......وكمان انا اسف على الكلام اللى قولتهولك يوم كتب الكتاب بس صدقينى انا هحاول اعوضك عن اى حاجة ومش هتحتاجى لعمك او ليا الشقة دى هتكتب بأسمك وفلوس هتكون عندك تقدرى تعيشى منها دا اللى اقدر اعملة واسف لو كنت جرحتك قبل كدا
قال دا كلو ومستناش ردى ومشى فارس حاسس بالذنب اتجاهى حاسس انوة ظالمنى ابتسمت وقفلت الباب وقعدت على السرير وانا قلبى بيدق انا بدأت احب فارس!!! سمعت صوت قفل الباب وعرفت ان فارس نزل تانى قومت وكلت وكلمت حور وقولتلها ان فارس جوزى هو صاحب مروان ودخلت اوضتى تانى واستنينت لما فارس جة وسمعت صوتة لما جة ونمت
صحيت تانى يوم على صوت قفل باب البيت جريت غيرت هدومى وروحت الشركة لاقيت فارس فى مكتبى زى مايكون كان مستنينى
= اية اللى اخرك
- انا انا
= مش وقتة مش وقتة يلا عشان عندنا اجتماع مع الشركة بس مش هنا فى مطعم قريب من هنا
مشيت معاة وروحنا المطعم كان الوفد مستنينا قعدنا وانا كنت بترجم كل الكلام لفارس لغايت اما مرة واحدة كل اللى فى المطعم كانوا بيجروا وبيصرخوا بصيت كان فى حريقة كبيرة فية انا وقفت مكانى متحرقتش وافتكرت يوم موت اهلى وهما بيصرخوا فارس كان عمال يشدنى عشان نجرى بس انا فضلت واقفة مكانى ومتحركتش راح فارس شالنى وخرجنا
= ملاك ملاك انتى كويسة
- النار النار هتموتنى زى ما مموتتهم
= اهدى اهدى خلاص احنا خرجنا
حضنت فارس يمكن كانت حركة مجنونة بس انا كنت محتاجة احس بالأمان وفعلا حسيتة وانا فى حضن فارس! فارس اتصدم لما حضنتة بس فضل ماسك فيا ومسابنيش ؛ بعدت عنة وهو لسة ماسك ايدى وشاف الحرق اللى فيها
= بقيتى احسن
- اة اة انا عاوزة اروح
= تعالى اروحك
- لا لا انا هاروح
سبتة وجريت مينفعش يعرف دلوقتى هيفضل على قرارة وهيسبنى بعد اما حبيتة وحسيت معاة بالامان الامان اللى اول مرة احسة من ساعت موت اهلى جريت وركبت تاكسى ومشيت وانا شيفاة واقف مستغرب من تصرفى روحت ودخلت اوضتى وقفلتها عليا وقعدت اعيط سمعت صوت فتح الباب عرفت ان فارس جة ولاقيتة خبط على باب اوضتى قومت بسرعة مسحت دموعى وحطيت الطرحة على وشى وفتحت الباب وكان هو واقف وباين انوا مرتبك
= انا انا عاوز اشوف وشك
- اية
= انتى هى صح
بصتلة هو عرف ازاى
= نفس العيون ونفس الحرق اللى فى الايد ونفس الاسم
بصتلة خلاص مفيش مفر روحت نزلت الطرحة من على راسى وهو فضل باصليلى وساكت
- مش هتسأل انا عملت كدا لية
= لا انا اللى هتكلم
مسك ايدى وخدنى وقعدنا على السرير وبدا يكلم
=ديما كان فى مشاكل بينى وبين ابويا هو كان لية طرقة فى حياتة وانا كنت شايف ان اللى بيعملة دا غلط ورفضت انى اشتغل معاة من ضمن طرقة انوا مستعد انوا يعمل اى حاجة عشان صفقة ومنها انوا جوزنى ليكى عشان يضمن الصفقة انا من الاول كنت رافض طرقة دى وعملت شركة انا وصحابى وكنت بدرس لانى عاوز اطلع بعثة وجت فعلا وكنت المفروض هسافر بعد 3 شهور لغايت اما ابويا وعمك قرروا انهم يجوزونا عشان كل واحد يضمن ان شريكة مينسحبش من الصفقة انا رفضت بس ابويا هدادنى انوا الصفقة الايطالية دى هيبوظها ودى كانت أهم صفقة فى الشركة وان البعثة هيلغياهالى طبعا بمعارفة مكنش قدامى حل غير انى اواقف بس كنت بكرهك كنت شايف انك انتى السبب فى دا كلو وكمان امى قالتلى انك كنتى مع اهلك لما اتوفوا فى الحريقة وسمعت انك اتشوهتى ومكنتش بتخرجى من البيت كان سهل عندى استنتج الباقى انك اكيد مشوهة وعشان كدا مكنوش بيخرجوكى .........ويوم كتب الكتاب لما قولتلك الكلام دا فضلت اندم نفسى انتى ملكيش ذنب زى بس مكنتش عاوز اشوفك وكنت مفكر ان كدا احسن هما 3 شهور واقدر اطلقك واطلع البعثة والصفقة الايطاليه تكون خلصت وساعتها هعوضك بالفلوس ولما شوفتك وانتى بتعيطى فى الفرح اتشديت ليكى كنت عاوز اعرف البنت ام عيون زرقاء بتعيط لية فضلت طول الفرح عينى عليكى لغايت اما كنتى مروحة معرفش لية عرضت عليكة اوصلتك مع انى عمرى ما اتكلمت مع بنت اصلا ولا بنت لفتت نظرى ولما خليتى زياد هو اللى يوصلك كنت غيران ايوة غيران انا حبيتك من اول مرة شوفتك فيها ودا خلانى احس بالذنب اكتر انا متجوز مينفعش عشان كدا قررت انى مش هشوف وشك لغايت اما اطلقك ومش هقعد فى البيت هنا او مش هجية غير على النوم عشان مكونش خاين ليكى ولقلبى لغايت اما شوفت حرق ايدك هنا وشوفتة فى المطعم حسيت ان فى حاجة غلط روحت لحور هى اللى تفهمنى حور قالتلى كل حاجة
بصيت فى الارض ومكنتش عارفة ارد اقولة اية راح هو رفع راسى وخلانى ابص فى عيونة
= انا بحبك ومحستش بالحب غير معاكى تقبلى تتجوزينى
- محنا متجوزين
= لا جواز حق بحقيقى جواز اشوفك واشوف عيونك من اول ثانية فية
- موافقة
"لنا لقاء يوما ما........"
#اسراء_ايمن
#كاتبة_المستقبل
اية رايكم 💜