اسكريبتات فارس وملاك

اسكريبت 4

"اشتقت اليك كثيرآ انك كالقمر الذى ينير ظلام ليلى انك كالمطر الذى يروى ارضى الجافه انك كالنجوم التى تزين سمائى اشتقت اليك كثيرآ "

* عرفتى هتعملى اية يا ملاك
_وللة يا ماما حفظت متخافيش لو حد قلى تعالى هوديكى لماما واديكى شكولاتة مش هرضى متخافيش
* طيب يا ملاك دا جزائى عشان خايفة عليكى يعنى
_ لاطبعا ياماما ربا يخليكى ليا متخافيش يا قلبى بنتك راجل ثم انا مسافرة مع خالوا يعنى مش لوحدى
علاقتى انا وماما مش زى اى ام وبنتها ماما قريبة منى جدا وبتخاف عليا جداا اول مرة اسافر من غير ماما انا خريجة اداب ومشتغلتش من ساعات ما اتخرجت فكنت مخنوقة من قاعدة البيت فاخالوا وعيلتة كانوا طالعين اسكندرية وعرض عليا اروح معاهم وانا وافقت منفعش ماما تيجى معانا لان اخواتى كان وقت امتحانتهم جهزت شنطتى ورحت عند بيت خالى
+ استنى هحضرلك الاكل
_ وللة كلت يا مرات خالوا اقعدى انتى بس وقوليلى عاملة اية
+الحمد للة
: اهلا ملاك عاش من شافك
_ خالو عامل اية
: كويس طول ما مراتى القمر كويسة
مرات خالى اتكسفت ودخلت جوة انا بحب حب خالى لمراتة جدا بتمنى حد يحبنى زي ما هو بيحبها لانوا حارب كتير اوى عشان يوصلها لان اهلها مكنوش موافقين على خالى لان كان عندهم فى عيلتهم البنت لأبن عمها بس خالى حارب وفضل وراهم لغايت اما وافقوا اخيرا علية واتجوزا وكان ثمرة حبهم ابنهم مروان عندو دلوقتى 5 سنين
_ مش فاهمة بردوا يعنى احنا هنسافر ازاى
- يوووة يا ملاك انا هفضل اشرح كتير
_ ما تشرح يا مروان هو انت وراك حاجة
- عاوز اجهز نفسى عشان حور مسافرة معانا
_ هو فى حد مسافر معانا
- ايوة خالتوا وولادها فارس وحور ويوسف وانا عاوزة ابقى حلو وقمور عشان حور تحبنى
ضحكت علية مش معقولة دا طفل خمس سنين بس محطتش فى دماغى اللى قالة اكيد ولاد خالتوا دول اطفال زية رحت ونمت عشان المفروض هنسافر بكرة بدرى صحيت الصبح ولبست فستان كشمير علية طرحة نفس اللون وحطيت روج بس وشلت شنطتى ونزلت كنت لسة على السلم لقيت شخص ضخم كدا واقف قصادى
= هاتى
_ افندم
= هاتى الشنطة اشلهالك
_ وتشيلها لية انت حرامى يالهوى الحقونى
قولت كدا مرة واحدة وحسيت انوا اتصدم بس مدتلوش فرصة يرد عليا وكنت لسة هصوت بس الشخص دا حط ايدة على بوقى رحت عضيتة وجيت اجرى لقيت خالو طالع فجريت علية
_ الحقنى حرامى يا خالو
: حرامى مين دا فارس
_ فارس مين
= انا فارس خالك اللى قالى اطلع اشيل منك الشنطة
لما قال كدا مكنتش عارفة اقول اية ولا اتصرف ازاى وهو مدانيش فرصة اصلا اتكلم وخد الشنطة ونزل
_ انا مكنتش اعرف هو هو
: اهدى هو فارس كدا اصلا عصبى سيبية وهو هايهدى
نزلت لاقيت بنوتة صغونة فى نفس سن مروان تقريبا وفارس وولد قدى تقريبا استنتجت انوا يوسف ومامتهم

: يعنى انت عاوز اية يا مروان
- حور تركب معايا
: طب ملاك تركب مع فارس فى عربيتة واحنا ناخد حور فى عريبتنا
اتقسمنا فى عربيتين انا ويوسف وفارس ومامتهم فى عربية وخالوا ومراتة ومروان وحور فى عربية دا بعد اصرار مروان ان حور تركب معاة كنت راكبة ورا جمب مامتهم وهو يوسف قدام وفارس اللى بيسوق وباين انوا متعصب اوى وكان كل اما عينى تيجى فى عينة فى مراية العربية كان بيستغفر هو انا فيا حاجة غلط ؟! ثم هو مالة كدا مش معقولة يعنى حد بيقولى هاتى الشنطة هدهالة على طول !!
وصلنا وانا زى ما صدقت نزلت من العربية ووقفت ورفعت دراعى وغمضت عنيا ممكن دى حركة غربية بس انا بحب اعملها جداا بالذات وانا متوترة !! لفيت مرة واحدة لقيت فارس باصيليلى ولما لاقانى شوفتة راح شال الشنط ومشى ! استغربت من ردت فعلة رحت مشيت وراة طلعت لاقيت اننا واخدين شاليهين جمب بعض دخلت الشالية بتاعنا وكان فى اوضتين خت اوضة انا ومروان والتانية لخالى ومراتة
: بصوا ارتاحوا شوية عشان بليل هانروح الملاهى اللى هنا تمام
فرحت اوى اننا هانروح الملاهى ممكن ابان انى جامدة وعاقلة بس انا جوايا طفلة تافهة خت رواية من رواياتى ودخلت البلكونة كنت منسجمة فى القرائة خت بالى ان فى حد بيبص عليا من البلكونة اللى جمبنا وكان فارس وانا ممكن من مميزاتى انى باخد بالى من كل حاجة حتى لو كانت بسيطة لاقيتة زى اللى متردد اذا كان يدخل او لا قولت اوفر علية المجهود دا
_ تقدر تتفضل انا كدا كدا قايمة
= لا لا خليكى انا كنت ... كنت
_ انا اسفة
= اية
_ على موقف الصبح انا اسفة انا مكنش اعرف
= لا عادى متتأسفيش انا اللى غلطان كان الفروض افهمك انا مين الاول
_ يعنى خلاص صافى يا لبن
= حليب يا قشطة
قالها وهو بيضحك ضحكتوا كان حلوة اوى بالذات لما لقيت انوا عندو غمازات لما لقيت انوا خد بالة انى بصالة فتوترت
_ طب انا داخلة بقى عند اذنك
دخلت وقفلت باب الاوضة عليا وحطيت ايدى على قلبى كان بيدق بسرعة اوى !! غيرت هدومى
وخرجنا كلنا رحنا الملاهى كنت مبسوطة اوى وبتنطط ولقيت فارس باصيليلى بردوا !!
_ لا مستحيل بتهزروا مش هركب دى
+ لية يا ملاك
_ اخاف دى صعبة اوى لا لا مستحيل
= انا هركب معاكى
بصتلة وهو مالة هو كنت لسة هرد علية بس لقيت نفسى سكت راح هو مسك ايدى وركبنا ! مع انى كنت مستحيل العب اللعبة دى وكنت بخاف منها جداا بس وهو معايا حسيت بالامان وكنت مبسوطة وانا معاة!
: شوفتى اهى سهلة وللة جدع يا فارس انك ركبت معاها قويتها
ولا انا ولا فارس ردينا كنا بنبص لبعض وانا ايدى لسة فى ايدة خدت بالى رحت شديتها بسرعة وروحت فى اليوم دا وانا حاسة بأحساس غريب احساس اول مرة اجربة ! نمت فى اليوم دا مبسوطة وصحيت الصبح بدرى لقيت كلهم نايمين فخت رواية وروحت عند البحر وقعت اقرائها
= بتحبى الرويات اوى كدا
بصيت وريا كان فارس ولابس تيشرت اسود كان طلعتة جميلة بشكل مبهج طلة قادرة تخطف انفاسى لاقيتة مبتسم وقعد جمبى على الشط
= مردتيش على سؤالى
_ اية ..اة ..اصل انا بحب الرويات والقرائة
= خت بالى ..كل اما اشوفك بتكونى بتقرائى رواية
قال كدا وبص قدامة للبحر وسكتنا بس قلبى مكنش ساكت كان بيدق بصوت عالى لدرجة ان حسيت انوا سامع دقاتة !!
= عمرك حبيتى
_ عمرى مفكرت انى ممكن فى يوم احب واتحب
= انتى نجمة تستاهلى تتحفرى فى القلب مش تتحبى وبس
هو قال كدا بعفوية وانا اتكسفت وقمت من جمبة وروحت دخلت الاوضة وكنت مبسوطة بكلماتة دى واتأكدت انة بحبة بحب فارس ! صحيوا كلهم وكنا المفروض اننا هانروح البحر غيرت هدومى وروحت معاهم لقيت فارس قاعد لسة هناك كنت مكسوفة ومتوترة بس لقيت فارس قام وتجاهلنى وسلم عليهم كلهم وقعد جمب يوسف ولقيت يوسف بصلى وقال حاجة لفارس راح فارس اتعصب اوى علية ومشى استغربت من ردت فعلة ! خلص اليوم وروحنا وانا مش فاهمة هو فارس مالة هو انا عملت حاجة ! تانى يوم خالى جالة شغل وقال اننا لازم نرجع تانى زعلت انى خلاص مش هشوف فارس تانى حضرنا الشنط وسلمنا عليهم وفارس مكنش موجود يوسف لاحظ انى بسأل علية راح قال
*معلش فارس مسلمش عليكم اصلوا راح لخطيبتة
اتصدمت فارس طلع خاطب ! طب وانا مشينا وكان مروان بيعيط لانوا ساب حور وانا عيط معاة كلهم فكروا انى بعيط عشان مروان بس انا بعيط على قلبى اللى سبتة هناك لأنسان ميستهلش؟! رجعت بس رجعت فاقدة حاجات كتير اولهم قلبى واخرهم شغفى وضحكتى الكل كان مستغرب تغيرى دا كنت قاعدة فى اوضتى مش بخرج ماما وصحابى حاول يخرجونى كتير بس انا كنت برفض مسكت النوت بتاعى وكتبت
"اشتقت اليك كثيرآ انك كالقمر الذى ينير ظلام ليلى انك كالمطر الذى يروى ارضى الجافه انك كالنجوم التى تزين سمائى اشتقت اليك كثيرآ "

لقيت تلفونى بيرن برقم غريب مهتمتش فى الاول بس الرقم فضل يرن فاستسلمت ورديت
= انا قدام بيتك انزلى
_ اية
لقيتة قفل دا صوت فارس انا متأكدة خرجت للبلكونة لقيت فارس واقف فعلا كنت فرحانة بس افتكرت اللى عملة معايا رحت دخلت ومردتش انزل راح رن تانى وانا مردتش وفضل يرن لغايت اما رديت
= بصى بقى لو منزلتيش انا هطلعك وانا مجنون واعملها
اضطريت انزل مع اصرارة دا نزلت لاقيتة واقف قدام عربيتة واول اما شافنى جرى عليا
بلهفة= وحشتينى
_ بطل كدب
= ولية بتقولى كدا
= انت واحد خاطب اية اللى جابك
فضل باصيليلى وانا بكلم بعصبية وراح ضحك انا نسيت كل عصبيتى وسرحت فى ضحكتة وهو خد بالة راح غمزلى
= معجبة بقى
_ هاا اية لا طبعا اية اللى بتقولة دا
كنت حاية امشى راح هو مسك ايدى
= ممكن نروح مكان وتسمعنينى واوعدك لو مقتنعتيش بكلامى هسيبك تمشى
مش عارفة ازاى لاقيت نفسى وافقت وروحت معاة لكافية
= انا هبدأ معاكى بأول مرة اتقابلنا فيها هى بصراحة مكنتش اول مرة انا شوفتك قبل كدا فى فرح خالك وخالتى كانت اول مرة اشوفك كنتى لابسة كشمير نفس اللى اللون اللى شوفتك بية بعد كدا خطفتى قلبى قبل ما تخطفى عنينا حبيت عفويتك فى الكلام حبيت ضحكتك كنت طول الفرح ماشى وراكى انتى مختيش بالك منى اصلا بس انا كنت مركز مع كل فعل بتعملية وقتها كنتى لسة فى تالتة ثانوى وانا فى رابعة جامعة ساعتها طلبت من ابويا انى نروح نتقدملك بس هو رفض ...ابويا بيكون ابن عم امى وكان المفروض اخوة اللى هيجوز خالتى بس هى حبت خالك وطبعا انتى سمعتى عن قصة حبهم طبعا لما جدى لاقى ان بنتوا بتحب شخص وهو بيحبها وهيحافظ عليها كان اول واحد يكسر قوانين العيلة ويوافق ان بنت تتجوز من برة دا طبعا عمل مشاكل كتير وابويا خاف ليحصل مشاكل زى كدا تانى وقالى انى لازم اتجوز بنت عمى وخطبهالى فعلا وكمان انتى كنتى لسة صغيرة حاولت انساكى كتير واحب بنت عمى دى قولت لنفسى مش معقولة بنت شوفتها مرة واحدة بس احبها دا مجرد اعجاب بس لقيت نفسى بفكر فيكى كل يوم وكل ساعة وكل دقيقة وكنت هفسخ خطوبتى دى حسيت انى بظلم بنت عمى وبظلم نفسى بس فى الوقت دا والدى اتوفى فى الفترة دى دخلت فى حالة اكتئاب ابويا مع انوا بيان شديد الا ان هو كان اقرب شخص ليا حاولت اخرج من حالة الاكتئاب دى عشان اخواتى وامى وكنت بشتغل ليل نهار عشان انساكى لغايت اما شوفتك تانى حسيت ان كل اللى حاولت اعملة اتهد فى الثانية اللى شوفتك فيها عشان كدا معرفتش اتعامل معاكى ولاقيت نفسى بقرب منك من غير ارادتى وفى اليوم اللى كنا فية على البحر بنت عمى اتصلت بيا بعد ما مشيتى افتكر انى خاطب وان حبى ليكى دا غلط اتضايقت من نفسى وحاولت اتجنبك بس لما يوسف قالى ان كل اما تهرب من حبها مش هتقدر واجة احسن اتعصبت علية ومشيت بس قررت ساعتها ان لازم انهى الخطوبة دى وروحت فعلا عملت كدا وجتلك تقبلى يا ملاك تكونى ملاكى الخاص والجزء اللى يومى مش بيكمل من غيرة
بصتلة وقولتوا
_ اقبل ما فارسى اقبل
" لنا لقاء يوما ما....."
#اسراء_ايمن
#كاتبة_المستقبل