اسكريبتات فارس وملاك

اسكريبت 7

= قتلتية لية
- مقتلتوش مقتلوش صدقونى مقتلتوش
= اهدى اهدى
انهارت وفضلت تكسر اى حاجة قدامها كالعادة لما اى حد بيسألها السؤال دا ناديت على الممرضة وادينها حقنة مهدئ ووفضلنا مسكينها لغايت اما هديت ونامت اثر الحقنة فضلت باصص عليها ياترى هى بريئة ولا لا بس كل الادلة ضدها
: انهارت بردوا
= ايوة ومش عارف هعمل اية من ساعت ما جت المستشفى هنا مش بتتحسن بالعكس حالتها بتسوء من سئ الى اسوء
:متعملش حاجة كل الدكاترة اللى مسكوا حالتها قبلك استسلموا وسابوها
= بس انا مش هسيبها وهعرف اذا كانت قاتلة فعلا ولا لاء
: بس دى مش شغلتنا احنا مالنا انت دكتور نفسى وبس انت مفكر نفسك ظابط
= لا مش مفكر نفسى ظابط بس البنت دى بريئة وانا هفضل ورا القضية دى لغايت اما اكشف دا
معرفش لية اتمسكت انى اعرف الحقيقة البنت دى متهمة فى جريمة قتل بس هى كل اللى بيسألها حاجة عن الجريمة بتصرخ وتنهار فالبوليس جابها هنا فى مستشفى الامراض النفسية والعقلية او زى ما بيقولوا مستشفى المجانين !!!!! فضلت واقف جمبها وهى نايمة على السرير مش عارف اعمل اية حاسس انها بريئة فاعينى جت على كوباية المياة اللى على الكوميدينوا جمبها فى حاجة غريبة المياة دى لونها غريب ختها وقررت اعرف المياة دى فيها اية روحت لمعمل قريب من المستشفى
= انا عاوز اعرف المياة دى فيها مادة اية
* تمام يا فندم فى خلال ساعتين هنعرف
فضلت مستنى فى المعمل الساعتين وعمال افكر فى حكاية البنت دى انا لسة جديد فى المستشفى اول اما جيت ادونى حالتها قالوا ان كل دكتور بيمسكها حالتها مش بيعرف يعمل حاجة فابيسيبها فى الاخر هى بقالها 3 شهور هنا فوقت من سرحانى على صوت الولد بتاع المعمل
* ايوة يا فندم المياة دى فيها مادة....ودى بتأدى لتلف الاعصاب وكترتها بيسبب الجنون وانا شايف ان فى كمية كبيرة جدا فى المياة دى على المدى القريب ممكن الشخص اللى بياخدها تسببلة جنون
انصدمت يعنى هى فعلا مش مجنونة او بتمثل كدا فى حد اللى عمل فيها دا كلو واكيد الشخص دا اللى عمل الجريمة ولبسهالها !!! رجعت للمستشفى وقررت اعرف كل حاجة عن البنت دى وطلبت من مدير المستشفى الملف بتاعها وهو وافق وختة فعلا
= ملاك احمد 23 سنة والدتها متوفية والدها من اكبر رجال الاعمال متهمة بجريمة قتل يوسف محمد لاقوها فى مكان الجريمة وكان فى ايديها سلاح الجريمة ومكنش فية اى مقاومة منها لما قبضوا عليها كل الشهود اكدوا عدم استقرار حالتها النفسية فى الفترة الاخيرة وانها كانت بتعانى من نوبات عصبية شديدة واكتئاب
قفلت الملف واتأكدت ان فى حاجة غلط الملف دا ناقص !! انا لازم اعرف مين اللى هيستفاد انوا يجنينها ومين الناس اللى المفروض كانوا حواليها فى اخر فترة قومت ورحتلها لقيتها صحيت وقاعدة على السرير وساكتة وكانت الممرضة جابتلها الاكل فاختة منها انا
= روحى انتى انا هبقى اخليها تاكل
° بتوتر لا لازم انا اكلها عشان تاخد العلاج بتاعها يا دكتور
= لا انا هبقى اتأكد انها خدتة اتفضلى انتى
مشيت الممرضة وانا متأكد انها دى مع الشخص اللى وصل ملاك لهنا فابصيت على ملاك لاقيتها زى ما هى حتى منتبهتش للحوار اللى دار بينى وبين الممرضة روحت وقعدت على الكرسى اللى جمبها
= اعرفك بنفسى انا فارس
مردتش عليها وفضلت باصة قدامها وساكتة
= انا مصدقك وعارف انك مقتلتهوش
لاقيتها بصتلى ونظرات ونظرات الفرحة الامل فى عنيها ان اخيرا حد صدقها
- بجد
= ايوة
- واية اللى خلاك تصدقنى
= انك باين عليكى ان عمرك ماتقدرى تقتلى دبانة هتقدرى تقتلى انسان
ضحكت وسكتت وبصت قدامها تانى
= ملاك هطلب منك طلب .....اى اكل او مياة يجبهولك هنا فى المستشفى متكلهوش وانا هبقى اجبلك اللى انتى عوزاة
- لية
= عشان الاكل دا فى مادة بتتلف الاعصاب وهى اللى سببتلك دا كلو
- يعنى انا مش مجنونة
= لا مش مجنونة واوعدك انى هثبت برائتك فى اسرع وقت بس اللى هطلبة منك دلوقتى انك اى اكل او مياة الممرضة دى تجبهولك توهميها انك ختية وانا هبجبلك اكل تانى غيرة
- وانا موافقة بس اخرج من هنا ويبطلوا يقولوا ان انا قتلتة
بصتلها كانت بتتكلم بطفولية الادوية دى فعلا اثرت على جزء من عقلها بس انا معاها وهرجعها احسن من الاول وهثبت برائتها بس لازم اعرف اكتر من حياتها قبل كدا
= انتى عارفة انتى قتلتى مين
- يوسف
= يوسف مين احكيلى اكتر عنك
- لية
بصتلى بخوف هى لازم تطمنلى وتحس معايا بالامان عشان تقدر تحكيلى فاقررت انى لازم استنى شوية على انى اسألها لغايت اما تطمنلى
= مفيش انا هاروح اجبلك الاكل اللى انتى عوزاة وزى ما اتفقنا
- متخافش روح انت هاتلى اكل بس
ابتسمت وروحت عشان اجبلها تاكل وانا بفكر اللى بيحطلها الحبوب دى قبل الحادثة اكيد شخص من بيتها عشان الحبوب دى اكيد كانت بتتحطلها بشكل شبة دائم جبت لملاك الاكل ووديتهالها وهى كانت بتاكل وانا باصيليها وساكت
- مش هتاكل معايا
= لا شكرا
- لا تعالى كل لو مكلتش انا مش هاكل اهو
ضحكت لما عملت كدا وروحت اكلت معاها ولما خلصنا كانت باين انها عاوزة تنام
= انا بقى ماشى وانتى نامى
- سلام تصبح على خير
= وانتى من اهلة
مشيت وسبتها وانا مقرر ان بكرة لازم اروح بيتها واقابل ابوها عشان اقدر افهم المحيط اللى هى كانت فية قبل الحادثة
_____________________
تانى يوم روحت على بيت ملاك انا تقريبا منمتش طويل الليل بفكر هقابل ابوها واقولة اية .......وبفكر فى ملاك !!! روحت البيت كان اشبة بالقصر قولت للحراسة انى دكتور ملاك وعاوز اقابل والدها عشان حاجة بخصوصها فاوفقوا يدخلونى بعد اما كلموة وهو وافق دخلت وقعدت فى الصالون نزل بابها ووقف قصادى
= حضرتك انا فارس دكتور ملاك بنت حضرتك فى المستشفى
: عرفت وانت عاوز اية
استغربت من طريقتة مش انا المفروض جى لحاجة لبنتة ؟!
= كنت عاوز اعرف هى حالة ملاك كانت اية قبل الحادثة ومين الناس اللى هى كانت على علاقة بيهم
: هتفرق
= افندم
: هتفرف خلاص القضية اتقفلت ملاك اتجنينت وعشان كدا قتلت يوسف
= بس ملاك بريئة
: كل الادلة ضدها ودا اللى يثبت ولو خلصت اسألتك يلا اتفضل من هنا لانى عندى صفقة مهمة ومش فاضى
اتصدمت هو فى اب بالبشاعة دى مش همة ان بنتة تكون بريئة او قاتلة اهم حاجة عندة الصفقات والفلوس مكنتش عارف اعمل اية بصتلة وخرجت وفضلت واقف قدام الفيلا مش عارف اعمل اية
_ يا ابنى يا ابنى
بصيت ورايا لقيت ست كبيرة باين على ملامحها الطيبة جاية عليا وباين انها مش عاوزة حد يشوفها
= ايوة
_ انا اقدر افيدك فى موضوع ملاك انا المربية بتاعتها
فرحت ان فى حد هيساعدنى على الاقل اقدر اوصل لطرف الخيط وانا هكمل
= انا عاوز اعرف هى كانت على علاقة بمين فى الفترة الاخيرة
_ ملاك مكنتش اجتماعية اوى مامتها اتوفت لما كانت بتولدها وبباها بعدها اتجوز واحدة اجنبية وعاش حياتة وكان ديما مسافر مع مراتة وتقريبا نسى ملاك كان بيديها فلوس بس ومش بيهمة حالتها اية اهم حاجة منظرة وشركاتة ودا يفسر تعاملة معاك دلوقتى هو مش عاوز قضية ملاك تتفتح تانى عشان دا ميأثرش على اسهمة فى البورصا كانت ملاك فى الفترة الاخيرة اتصاحبت على شلة يوسف دا انا مكنتش مطمنالهم وحذرتها منهم وهى قالتلى انها هتبعد عنهم وفعلا بعدت بس بقت تجيلها الحالات العصبية الشديدة وانها تكسر كل حاجة قدامها دى كل فترة وبابها زى ماانت عارف مسافر ديما انا كنت هجبلها دكتور بس هى رفضت لغايت اما جتلها حالة اكتئاب وفضلت قاعدة فى اوضتها مش بتخرج لغايت اما فى يوم صحينا على البوليس وبيقولوا ان ملاك متهمة فى جريمة قتل يوسف وهى دلوقتى فى القسم
= طب هو مفيش غيرك هنا فى البيت غير الحرس اللى برة
_ لا يابنى فى
* ماما
قطعتها بنت جت وقفت جمبها
_ فى اية يا ريهام اقدملك يابنى ريهام بنتى
*يلا يا ماما
_عن اذنك يابنى
= اتفضلى
البنت دى خدتها ومشيت وانا واقف لسة مكانى فى حلقة مفقودة لية ملاك قربت من شلة يوسف ولية بردوا مرة واحدة بعدت كل دا هعرفة من ملاك انا لازم اتكلم مع ملاك روحت لملاك المستشفى لايقتها قاعدة فى مكانها وبتعيط فاجريت عليها
= ملاك فى اية مالك
- انت كنت فين واية اللى اخرك
= كنت بشوف حاجة وجيت على طول فى اية فى اية
- البنت اللى انت قولتلى متخديش منها اكل جت هنا وكانت عاوزانى اشرب العصير اللى هى جبتة وانا عملت انى هشربة عشان هى تمشى بس هى فضلت واقفة رحت عملت انوا وقع منى راحت فضلت تزعقلى
= طب اهدى اهدى خلاص
- متمشيش من هنا تانى
= حاضر مش همشى
- وعد
= وعد
ملاك هديت وانا كنت سايبها وجاى امشى
- رايح فين
= هجبلك حقق وجاى متخافيش
سبتها وروحت عند اوضة الممرضين لاقيت الممرضة دى
= اسمعى بقى انا ساكتلك من الاول بس متحصلش انك تزعقى لمريضة انا اللى مسؤل عن حالاتها وتخليها تدخل فى حالة اكتئاب تانى لمجرد انها مشربتش العصير اللى انتى جيباة
*يا دكتور انا
= انتى تسكتى خالص حالة ملاك انا اللى مسؤل عنها هنا وبالنسبة لأكلها انا بردوا اللى مسؤل عنة انا مش هوافق ان حالة مريضة عندى تنتكس تانى بسببك فاهمة
سيبتها ومشيت قبل ما تكلم من دلوقتى ملاك مسؤليتى وانا اللى هحميها ممكن من الاول كنت عاوز اساعدها من باب الفضول انى اعرف حكايتها بس دلوقتى انا بحبها بحب ملاك !!! رجعت تانى لملاك بس لاقيتها كانت واقفة عند الشباك وخلاص هتنط جريت شديتها
= انتى مجنونة اية اللى كنتى هتعملية دا
- انا مش مجنونة مش مجنونة
= بس بس اهدى انا اسف خلاص انتى مش مجنونة اهدى
فضلت اهديها لغايت اما هديت ولاقيتها نامت بين اديا روحت شلتها وحطيتها على السرير وانا مقرر انا مش هسيبها وفضلت اكتر من اسبوع معاها ملاك هى اللى هتفهمنى مين عمل كدا ومن خلالها اقدر اوصل للقاتل وكنت مانع اى حاجة ممكن يحطولها المادة دى فيها لغايت اما فى مرة كنا قاعدين وهى اتكلمت