اسكريبتات فارس وملاك

اسكريبت 13

- سهم ايروس السحرى
_ مش فاهمة
- هكيلك قصتة
_ لا انا فاضية يلا المحاضرة هتبدأ ثم دى لعبة هبلة يابنتى
- لو سمحت متقوليش على لعبتى هبلة
ضحكت وقومت وسيبتها رحت لقيتها جريت وريا ودخلنا المحاضرة ومفكرتيش فى معنى الاسم اللى طلعلى دا اصلا انا وحور صحاب من ابتدائى وديما مع بعض حتى دخلنا نفس الجامعة حور مهتمة جدا بالاساطير اليونانية القديمة وجت انهاردة قالتلى انها اخترعت لعبة همسك كتاب من بتوعها للاساطير اليوناينة وقالتلى افتح اى صفحة واول اسم تيجى عينى علية تبقى اسطورتى .... خلصت اخيرا المحاضرات وروحت البيت بس وانا طلعة على السلم وكان فى حد نازل بسرعة فخبطنى ووقعت على الارض
_ مش تحاسب يا بتاع انت
+ انا اسف مختيش بالى وللة كنت مستعجل
_ واستعجالك جة على دماغى اعمل اية بأسف بتاعتك دى
+ ما قولت اسف بقا بطلى نرفزة
_ وللة لولا انك ابن عمى كنت هزئتك
+ نفسى تبطلى الدبش اللى بتحدفية والغرور دا طول عمرك مغرورة
بصتلة من فوق لتحت وقومت وسيبتة وطلعت بيتنا فارس يبقى ابن عمى كنا صحاب زمان واحنا صغيرين كنا اقرب اتنين لبعض بس بعد لما كبرنا بقت هى دى علاقتنا ببعض ديما بنتخانق وكلمتة ديما عليا انى مغرورة مش فاهمة انا اية الغرور انا عملت اية يعنى ...
_ امى يا نور بيتنا يا ست الكل بموت فيكى
بصتلى وبصيت الناحية التانية اية المعاملة دى بقا يا ست الكل
- اية عملت مصيبة اية
_ لا لسة هتعملى
- وانتى بتحسى بالمصيبة قبل ما اعملها اية دا !!
_ لا يا ناصحة انتى جيلك عريس بكرة
- يووووة
_ اسمعى بقا لو طفشتية يا ملاك انا هوريكى
- طبعا طبعا
معرفش انا كل يوم عريس عريس انا مش هتجوز انا انا اصلا مش بؤمن لا بالحب ولا بالجواز منا حلوة وانا لوحدى لية بقا اقرف نفسى ؟! دخلت اوضتى وكلمت حور احكليها على المصيبة اللى انا فيها دى
- يعنى هتعملى اية
_ هطفشة زى غيرة
- جدعة
_ عيب عليكى
- هتشيلنى ياربى هتشلينى يا شيخة بطلى بقا طريقتك دى هتفضلى طول عمرك لوحدك
ضحكت وقفلت معاها ودخلت انام ......... فتحت عينى لقيت نفسى فى اوضة كبيرة جدا ونايمة على سرير اكبر من بيتنا كلو اصلا قومت من علية لقيت نفسى لابسة فستان شبة فساتين الاميرات فوقت من صدمتى دى على صوت خبط على الباب ودخول واحدة تقريبا قدى لابسة تقريبا لبس الخدم
- صباح الخير يا اميرة الفطار جاهز
منتظرتش ردى ومشيت وانا فضلت واقفة مكانى باصة لنفسى هو انا جيت هنا ازاى وهى بتقولى يا اميرة هو انا اميرة هو اية اللى بيحصل دا مشيت لغايت الدولاب اللى كان قدامى وفتحتة لقيت كمية فساتين وكلها جميلة جدا اخترت فستان فيهم كان فستان طويل كشمير هادى بطريقة تسحر لبستة ونزلت اشوف المكان الجديد اللى معرفش جتلة ازاى دا كان قصر ضخم جدا ومليان خدم فضلت ماشية فية لغايت اما طلعت برا فى الجنينة وكانت مليانة ورد وشجر وكان شكلها حلو اوى فجريت عليهم وقطفت وردة منهم وانا بشم ريحتها بس سمعت صوت مألوف ليا
+ لية تموتيها كدا حرام عليكى
لفيت عشان ارد علية لاقيت حد مسكة وانحنى ليا
* احنا اسفين يا اميرة هو جديد هنا ميعرفش حضرتك ارجوكى اعزرية ومتعاقبهوش ارجوكى
بصيت للراجل الكبير اللى بيحاول يحمى الولد اللى اكلم .. ثوانى هو اللى اكلم دا فارس ابن عمى هو اية اللى جابة هنا معقولة جة هنا زى ! لقيت فارس بيبصلى بصة كرهة لاول مرة تأثر فيا ....
_ اولا هو ملوش دعوة اقطفها ولا لا دا قصرى وانا حرة انا هكتفى بتحذيرك بس لكن مرة تانية لو فكرت تكلمنى كدا تانى هيحصل تصرف مش كويس منى
كان لسة فارس هيكلم بس مسكة الراجل التانى اللى معاة ومنعة و انا سيبتهم ومشيت بس سمعت فارس وهو بيقول
+ مغرورة
* اسكت لحسن تسمعك
انا لية زعلانة دلوقتى ما طول عمرى الكل بيقول انى مغرورة ومتكبرة ومش بيكون هاممنى فضلت ماشية وانا بفكر لغايت اما لقيت قدامى نافورة فى نص الجنينة وقاعد جمبها طفل عمالة يعيط
_ مالك يا قمر بتعيط لية
: انتى شيفانى
_ اة
: ازاى
_ هو اية اللى ازاى
لقيتة قام وبصلى بتركيز
: مش انتى الاميرة المغرورة
_ هو فى اية انتوا جايبنى هنا تهزئونى ولا اية
مرديش عليا وخد من جمبى السهم المكسور اللى لسة واخدة بالى منة
_ هو اية السهم دا
: ملكيش دعوة
_ الحمد للة لقيت حد مغرور اكتر منى
: لا مفيش حد اكتر منك صدقينى
_ نفسى افهم انت مش طاقينى لية انا عملتلك اية
: كسرتيلى السهم بتاعى
_ كسرتهولك امتى انا لسة شيفاك اصلا
: مش مهم تعرفى
كان لسة هيمشى رحت جريت وراة ومسكتة
_ طب عندى فكرة اية رايك نصلحو
: ازاى
_ نجيب صمغ ولا اى حاجة ونلزقة
فضل باصيليى وهو بيفكر وزى ما يكون مرة واحدة جاتلوا فكرة
: انا موافق بس عندى شرط
_ اية هو
: تسمعى كلامى
_ نعم
: انا هاجى معاكى وهسامحك على السهم اللى كسرتية بس بشرط تسمعى كلامى لمدة يوم
هو هبل شوية لا جنون مش هبل انى اوافق صح طب وانا اوافق لية اصلا هو انا كسرت السهم بتاعة دا امتى ..... حس انى مش موافقة فلف عشان يمشى رحت مسكتة بسرعة
_ خلاص خلاص موافقة
بصلى بابتسامعة مرتحتلهاش ومسك ايدى ومشينا
_ هو انت اسمك اية
: ايروس
خدنى وطلعنا الاوضة اللى صحيت فيها
_ لا طبعا مش هعمل كدا
: انتى غلطتى ولازم تعترفى بغلطتك
_ لا
: خلاص براحتك بس انا ماشى
_ خلاص خلاص هعمل اللى قولتوا اما نشوف اخرتها معاك
معرفش بسمع كلامة لية ومش عاوزواة يمشى لية يمكن عشان حاسة ان كلامة صح وانى لازم اغير مت اسلوبى وطريقتى شوية حتى لو يوم .... خدنى ايروس ورخرجنا برا فى الجنينة وكان فى زى اوضة صغيرة فى اخر الجنينة ايروس قالى ان فارس عايش هنا لانوا هو الجناينيى بتاع القصر ..... وقفت قدام الباب وايروس مستخبى جمب الاوضة وعمال يشجعنى عشان اخبط فخبطت اخيرا بس هو انا مخبطتش فى الباب خبطت فى دماغ فارس
+ اةة
_ انا اسفة وللة مكنتش اعرف انك هتفتح انا لسة كنت بخبط انا اسفة
بصلى بستغراب وهو مش مصدق ان معقولة انا اللى بكلم
+ هاا
مرديتش علية ولفيت عشان امشى راح وقف قصادى وسكت اكنو مستنينى اكلم
_ هو انا الصبح كنت رخمة شوية فى الكلام معاك انت عندك حق معكنش ينفع اقطف الوردة
+ هى الاميرة فين
_ نعم !
+ يعنى مش معقولة ان اللى بتتكلم دى نفس الاميرة اللى بهدلت الدنيا الصبح
ابتسمت وسكت
_ تعرفى ان عيونك حلوة اوى
جريت واناحاسة ان قلبى من كتر الدق هيخرج من مكانة ! ... رجعت الاوضة وقفلت الباب وانا حاطة ايدى على قلبى ومغمضة عينى انا اول مرة احس بالاحساس دا هو اية اللى بيحصل فى قلبى دا
: يلا ندخل على الطلب اللى بعدة
فتحت عينى لقيت ايروس قاعد على السرير وبيبصلى
_ عاوز اية
: تنزلى تساعدى الخدم فى المطبخ
ضحكت وقررت مش هعارض انا مبسوطة انى هخرج من القوقعة اللى كنت حابسة نفسى فيها انا طول عمرى كل صحابى ومعارفى تتلخص فى حور ومامتى مجربتش اخرج من الدايرة دى وكتت مبسوطة فيها لاول مرة احس قد اية انى محتاجة اتغير
_ ممكن اساعدكم
بصولى كلهم بصدمة اكن معجزة حصلت فقررت فمسبلهمش فرصة اكتر للصدمة فدخلت المطبخ
_ انا عاوزة اعمل كيكة مين معايا
كانوا هيعترضوا بس وقفتهم بأشارة من ايدى وبدات اعمل الكيكة وهما بيساعدونى وهما مش مصدقين ان الاميرة المغرورة واقفة معاهم فى المطبخ ....... خلصت الكيكة واتعرفت على كل الخدم وطلعوا بجد ناس طيبة جدا وكنت مبسوطة اوى بالانجاز الصغير اللى عملتة انهاردة خرجت من المطبخ لقيت فارس واقف باصيليلى وهو مبتسم وقرب منى
+ انهاردة خت بالى من حاجتين الاول ان لون عيونك يسحر والتانى انك رقيقة اوى ياترى هتفضلى تصدمينى تانى ولا كفاية
جيت اجرى تانى راح مسك ايدى وقرب منى
+ تسمحلى اميرتى تخرج معايا انهاردة
هزيت راسى
+ غيرى هدومك وانا مستنيكى على بوابة القصر
طلعت بسرعة الاوضة لقيت ايروس قاعد مبتسنلى وماسك السهم بتاعة اللى شكلو اتصلح بس فى كسر بسيط جدا وراح جرى عليا حضنى
: شكرا جدا ليكى
_ انت صلحت السهم بتاعك
: بفضلك
_ ازاى
: مش مهم تعرفى المهم يلا بسرعة عشان متتأخريش على فارس يلا عشان انا جاى معاكى
قال كدا وخرج وانا ابتسمت وجريت البس عشان اروح لفارس ..
_ يلا يا ايروس
مسك ايدى واحنا ماشيين وطلعت لفارس لقيتة راكب حصان وشادينى ركبنى قدامة وكنت لسة هقولة على ايروس بس ملقتوش استغربت هو راح فين وجيت اتكلم بس كان فارس جرى بالحصان ....فضلت ماسكة فى فارس والحصان بيجرى لغايت اما وقف عند مدخل لسوق ضخم تقريبا دا سوق المدينة
+ اكيد الاميرة عمرها ما فكرت انها تيجى مكان زى دا
_ ملاك
+ اية
_ اسمى ملاك
ابتسم ومسك ايدى وجرينا جوا السوق كان فى نص السوق دا فى عرض كبير لمهرج فضلت اتفرج علية انا وفارس وبعد ما خلص لقيت الاغانى اشتغلت راح فارس مسكنى وبدأنا نرقص مع اهل المدينة كنت اول مرة فى حياتى حرة..... وفى وسط منا برقص مع فارس شوفت ايروس طاير من بعيد وماسك السهم بتاعة اللى اتصلح
: ضربتة مرة فيكى واتكسر اكيد المرادى مش هيكسر
قبل ما اتكلم لقيت ايروس حدف السهم فى قلبى ...........فتحت عينى لقيت نفسى فى اوضتى وماما عمالة بتنادى عليا انا رجعت ازاى وايروس لية ضربنى بالسهم ! وفارس
* يلا يا ملاك فوقى زمان العريس جاى
_ عريس اية وفارس لا مستحيل
قومت بسرعة ولبست وطلعت اجرى على شقة فارس اللى فوقينا وفضلت اخبط على الباب وانا بنهج وفتحلى فارس فضلت بصالة انا ازاى مختيش بالى من فارس انا طول عمرى بعمالة وحش لية مهوا حلو وبسمسم اهو
+ ملاك مالك بتنهجى كدا لية انتى كويسة
_ فارس انا جايلى عريس تعالى اتقدملى بسرعة قبلة
ضحك وهو بيبصلى ومش فاهم هو فى اية
+ صباح الخير يا ملاك انا العريس
_ بتهزر
+ عارف انك هترفضى اساسا انا غلطان انى اتقدمتلك وللة
_ باااس ارفض اية طبعا موافقة
فضل بصيليى شوية وهو مصدوم
+ بتتكلمى بجد
_ انت اتقدمتلى لية
بصلى هو بيتنهد
+ ممكن معاملتك معايا او مع اى حد اصلا مش احسن حاجة بس للاسف انا وقعت فيكى ومش عارف اطلع كل يوم بحاول افوق نفسى واقول انك مش بتحبينى بس برجع اقول انك مش بتحبى حد اصلا ودا ممكن تكون فرصة ليا بدل مشكلة انا بحبك من زمان يا ملاكى
ابتسمت وقربت منة
_ وملاك مستنياك بليل عشان تتفق على معاد الفرح يا سهمى
+ سهمك
_ ايوة سهم ايروس السحرى

#ملاك_فارس
#اسراء_ايمن
بمناسبة عيد ميلادى بقا قولت انزل اسكريبت😂❤️بقى عندى ١٩ سنة 🌚
حابة اعرف رأيكم فى الاسكريبت دا بالذات ❤️