علاقات زائفة

البارت الثالث والستون

اخذته منها اقره واشهك وساعه الطم ...

روند : اكلج بس صميم هواي بايع ثكل عليها هاج اقري ..

بنان : والنتيجه شنو هااا شنو تزوجها ..

روند : انتي متأكده متزوجها ..

بنان : لعد شجابها بيت اهله اذا ممتزوجها ..

كاعد نحجي واتصلت حور على موبايل بنان ، اخذته ورديت..

روند : الله جابج تعاي عركه..

حور : اعرف حجتلي بنان ، ليش مستغربه انتي شنو صميم جديد عليكم لو قمر ام ريحه شكد نصحت ونبت شعر بلساني وانتن نفس العناد والراس اليابس وذيج تكلي ليش متحبين الخير للناس حور حرام، وهاي النتيجه ..

روند : لج شفتي شنو دازتله كله صور بالبرنص مال حمام وبعدين بدت تتصلخ شويه شويه الى ان وصلت كما خلقني ربي ..

حور : اي مو مستفاده فلوس اكيد هيج تسوي ..

روند : راح اصور المحادثات وشوفي شلون ساحله روحها على صميم وشلون هو لابسها ولج برد كلبي من قريت..

حور: وشنو الفايده علينه ب اخر شي شو احجيلي شنو مكتوب..

روند : راح ادزلج..

حور : لا يمعوده عمر بالبيت خاف افتحهن ويصير فوك راسي ..

روند : تغارين على عمور.

حور : لا بس يضوج منها ..

روند : باعي شنو دازتله راح اقرالج من اول زحفه وخباثه علينه ..

حور : يلا خلي التهي وياج بلكت يكمل العشا بساع هههه

روند : سمعي ..

قمر
هلو شلونك ؟
ليش مترد

ثاني يوم دازه

اكلك اكو شغلة عرفتها اذا عندك مجال راسلني..

ولج حور وهم لابسها ممجاوب ..راجعه دازة ..

الشغله تخص بنان وابن عمها اذا حبيت تعرف راسلني ..

هنا هو مجاوبها ...

اكلج اذا شغله تافها مثل شغلاتج قبل وتعصبني ف لتدزين احسن واذا لعبه منج اله اطيح حضج هلمرة .

_ صدكني مو لعبه انت هناك ورجلك بالشمس تعال شوف ست بنان شكاعد تلعب لعب من وراك.

_ جذابه متسويها بنان ، وبعد لتدزين شي حت ما اهينج ..

حور : اي كملي بله حتى اخلي عمر يجيبني ونروح لبيت عيال بنان واصخمها والطمها ..

روند : اي ولج عاد دازه صورنه اللي جنه ندزها بالكروب اني وحسن وبنان من جنه نطلع سوه ..

حور : شايفتهن مابيهن شي يعني هنه سلفيات وانتو مجموعه ..

روند : اي اعرف واكو غيرهن هيه طاكتلهم وحدهم هم يعني من همه كاعدين سوه ليكدام ، ماخذه لقطات بالازدحام حسن مو يلتفت على جهة بنان ويسولفون ماخذتلهم اللي يشوفها عبالك جاي يتغزل بيها او يريد يبوسها ..