علاقات زائفة

البارت الثالث والستون

صلفه امنياتي الرادتك
سئلتني عنك بس صمت
كلش ولاحاجيتها
كالتلي وينه وجاوبت
ماادري
مادليتها

معقوله مانمشي سوه؟
معقوله في لحظة الشمس
للكاع ماتنطي ضوا؟
وتنتهي ومانلكه صبح
معقوله يطلعلي جرح
معقولة ريشة شفتك
ترسملي بالضحكة رمح؟؟

تذكر جنت
من تعتنيني بلهفتك
تشتاق حتى تشوفني
وتلكاني روحي مشككة
ولمسات اديك تروفني
تتركني هسه قررت ؟
ينطيك كلبك ننتهي
وبس بالاحلام تشوفني؟
تتركني هيج بلا ذنب ؟
بررلي حتى لو جذب
مليت ؟

دورتك انه بشدتي
شفتك وطن
حنيت الك
لكن لكيتك غربتي
احتاريت منهن ياهي اصح
مابين ذلي وعزتي
اختاريت اعوفك حتى لا
تكسر قررارك دمعتي
ونيت سكتة ماردت
يتشمتون بونتي
صح اضحك بنبرة فرح
بس ركز بصوتي بعد
تسمع نحيب بضحكتي
___________________

روند

جراح : شكو هاي شصايررر..

مخصر ايده ويباوعلنه ..

روند: ماكو شي بس اكو حشرات هنا وتجاوزو على حق بنت عمي وجاي اربيهم ، خاف مستغرب يعني ، هااا اذا مستغرب من تصرفاتي اكثر من استغرابك بسوالف اخوك كول من هسه حتى اعرف شلون اقسم زين..

باوعلي مخنزر ...عاط..

جراح : ول عليمن تقسمين شو انتي ما تحترمين احد ...

روند: شلون تريد احترم وانتو ملفين شكولات مو محترمه وماخذه شهايد عليا بالسقوط والانحراف ..

اجه صميم يريد يوخر ايدي عن شعرها ، دفعتها حيل وكعت بحضنه ..

روند: هاك اشبع بيها بس سبحها زين قبل لا تشمها لان بيها عطور مختلطة مال زلم وين تلكه ريحتها ههههه ، تعرف شغلتهة هاي من قسور وبعدين الك واحتمال لجراح هم لان هيه لعبت على الكل ومو بعيده لعبت عل ابوك هم ...
بس تدري جانت ريحتها متنحمل الله ينطي بنان تشتريلها ركزونات كل ٢ سوه علمود نتحمل نكعد يمها..

جراح : لا يااااا ادبسززز لج شنوووووو هذا لسانج مو عيب ..
عاط بصوت عالي ..

سحبني من ايدي ماعرف راد يضربني لو يحجي ويايه ، سحبت ايدي منه وخزرته كمت اصيح فقدت حتى ما ادري شنو لصت بالكلام بس اللي اتذكرة كلش زين ومنسيته هذا الحجي اللي هزني هز حتى بجيت من حجيته ..

روند: العيب مو عليه ولا باللي حجيته العيب عليكم انتو اللي على اساس تربات دواوين والدله والفنجان ، شلون تلفون وحده عاهره بيتكم وتاخذ مكان بنت عمي وبناتها بله رجلها طزززز بيه وبالعافيه عليها لان هو مثلها ، بس العتب عليكم شلون تقبلون بهيج وحده تصير جنه بيتكم ،
رجعت التفتت على جراح ،
انت كل عقلك اصير اني وياها جناين بهذا البيت صدك والله ، ونكعد نتريك سوة ونطبخ ونظف ، واسولفلها اسراري وتجي تصادقك وتحجيلك اول بأول .. وتاخذ منك فلوس لو تساومك على سوالف استغفر الله تعويض لمجهودها تعرف خطيه تتعب هواي ...