علاقات زائفة

البارت الثامن عشر

ترى مو شرط الحب يحلى حياتنة.. .

احنه حلوين ...😊

______

اكو نوعين من الحب ..

حب صادق وحب كاذب .

لازم نفرق بينهم من البدايه ونختار صح ...

مرات الحب الكاذب يريحنة ونعيش بيه حياة مستقرة

مع العلم احنه نعرف هو كذب بس مرتاحين .

نكول شنو يعني واذا ميحبني او متحبني صدك ، اهم شي اني مرتاح او اني مرتاحه ،
وممكن بمرور الايام راح نحب بعضنا صدك وممكن منحب بعض بس مستقرين ،
اكو هواي اشياء اهم من الحب خصوصآ بالحياة الزوجية او بالعلاقات الاخرى .

مثل ، الاحترام هذا اهم من الحب
التقدير للطرف الاخر ،
الخوف من فقدان الشريك ..
الموده ، التفاهم ، التناغم مع الحياه ،

كل هذه العوامل اذا كانت موجوده راح تتحول بمرور الزمن للحب ..
بينما اذا الحب موجود وهذه العوامل كلها مموجودة بأي علاقة ،
راح يتلاشى هذا الحب بمرور الزمن ويصبح رماد ويذهب مع  اول هبه ريح.
اول منبلش بعلاقة لازم نبلش صح ، اشوف بيها احترام لنفسي ولأهلي ولكياني كأمرأة استمر ، اشوف العكس لا والف لا انسحب وبلاها هالعلاقة اللي ميجي من وراها غير وجع الراس ...

النوع الثاني

الحب الصادق ، هذا الحب يكون حقيقي ومتوفره بيه كل الاسس اللي ذكرتها سابقآ بس  مرات هذا الحب يأذينه ،
ويسببلنه عوائق هواي بحياتنه ويخسرنه اشياء ثمينه  ،

من الصعب تتعوض احتمال نخسر الصحة ، السمعه ، الاهل ، الوظيفه ، الدراسه ، الامان ، الاستقرار النفسي و الخ ،،،
بس يا ترى راح تضل هيج الامور كما هي لو تتغير..

ممكن يتدخل القدر ويكون اله رأيي اخر ؟؟؟ليش لا ...

وتضل هذه العلاقة تمر بعده احتمالات و بالنهايه الحسم بيد القدر .....

________

كمل الاحتفال وكعدنه نسولف كل واحد شنو مر بموقف بحياته سواء مضحك او محزن ...

بدينه بصميم ، بما انو هو الولد الوحيد بيناتنه واكبر واحد ...

صميم : احم ههههه خليتوني براس المدفع يولو ...

رونق : احجي معلينه بنونه اختارتك ...

بنان : اني شعليه مو انتن اشرتن عليه ...

صميم : يلا احجي ، وامري لله ..

مرة جان عدنه امتحان بلمرحله الاولى وكورس اول
شويه صعبه جانت واللغه غريبه علينه ، يعني من بيتنه وسوالف الحجيه للفرنسي ، شلون رهموها ماعرف ..
المهم انه وكم واحد مثل مستواي ..

حور : كساله قصدك ...

صميم : عليج نور ، كساله ..

حور : ههههه اي كمل بله ..