علاقات زائفة

البارت الخامس عشر

عمر يكول

ثگلت عليه شبيها الوجوه
سويت زين وصرت مكروه؟

______💘

قريت الرساله ومتت قهر يعني اني شبيدي عليه

هو محجه اني شسوي هسه .

جريت حسرة طويله وكتبتله ..

💬

حسوني اتمنى متعتبر نفسك غريب ولا تقارن نفسك

بأحد احنه صداقتنه صداقة مواقف ، وانت صديقي

من زمان ، وحافظ سري ، ارجع حسوني القديم اللي

جنت ما استحي من افتحله كلبي واشكيله،رجع مكانتي بكلبك

مثل قبل، اريد ارجع اخذ نصائحك

، انصحني نبهني على الغلط ، اني افتقدت

صديق ، لو اضل طول عمري ادور مثله ما راح الكه ..

واتمنى ما اخسرك اكثر ، ارجع ياصديقي ...

طلعلي تم التسليم ، وره شويه دزلي ...

💬

صعب نرجع مثل قبل

سامعه بيوم الحب يتحول لصداقه اني ما سامع

السامعه الصداقه تتحول حب ..

💬

وياك حجيك صحيح ، هاي بحاله اذا اني جنت مبادلتك

نفس الشعور وتخاربنه وافترقنه ، بهيج حاله الحب

ميرجع صداقه ، بس انت اكبر من هالشي عندي

واحبك اكثر من ما جنت حبيبي والله وداعت امي

ياحسن حبك مختلف عن الكل ، انت متتعوض ..

والله يخليك لتكسر بكلبي اكثر ما اتحمل ، عوفك من

سوالف غدرتيني وكسرتي كلبي ، لان اني مو هيج

ومجنت اعرف بيك اترجاك ارجعلي صديق محتاجتك...

...

قراها ومدز شي ، ثاني يوم بليل صميم كال راح اروح للشقه ، لان عمر رايد يروح لأهله من الصبح ، ويريد يجيب المفاتيح منه ..كتله براحتك ...

اريد انام ، اجاني مسج فتحته من حسن كاتب ..

💬

هذا هو بنونه رجعلج حسن ، بس تحمليني

اذا بدرت مني بعض الهفوات ...

...

يابه شكد فرحت دزيتله ..

💬

والله هسه يلا ارتاحيت وفرحت بخطوبتي.

الله يحفظك الي ويوفقك بحياتك يا احلا صديق..

💬

كافي عرفت صديق عرفت لا كل شويه ذاكرتها ...

💬