علاقات زائفة

البارت الثاني والستون

التفتت هيه اليه شافتني ، ركضت لفت نفسها بالجرجف وراحت بنهايه الغرفه تلبس ملابسها ، اني هنا عيوني تراقب بيهم اريد احجي اريد اضربهم اريد اموتهم بس ما اكدر دماغي توقف عن العمل شل جسمي كله ، كلبي محروك نفسي يطلع من حلكي كأنما مدخنه مال حريق بداخل صدري ، واخيرا من بعد معاناة كدرت انطق بكلمة ..

ولك ليش .. ونزلت وياها سرب من الدموع الحارقة ، حركت وجهي جنت اسمع اكو دموع تحرك الوجه بس والله مجنت اصدك اله جربتها احسها تحفر بخدي ...

كام وتقرب مني وجاوبني ببرووووووود قاتل ..

صميم : شجابج و وين البنات ؟؟؟

باوعت هذا صدك يحجي يعني هيج قباحة اني مشايفه ، وخرت عيني عنه وباوعتلها كملت لبس نفس ملابس الصبح اللي شفتهن بيها معناها هيه اللي جانت وياه ونازعه الحجاب وصايرة احوال ...

عفتهم وطلعت كعدت بالهول دخت كلش وخفت يغمى عليه حسيت الدم كله صعد براسي لهذا مكدرت اوكف ولا كدرت احجي غير كلمت ليش ، اجه يمي وهيه ضلت بالغرفه ، كعد بالكاع كنبص واني على القنفه ، لزم ايدي وباوعلي بنظرة توسل .

صميم : بنان الله يخليج افهميني احبها والله احبها ، موبيدي ما اكدر ، صدكيني اذا خليتيني اتزوجها اعيشج ملكة طول حياتج ، واذا منعتي هذا الزواج اعيشج بجحيم وازوهرج والله ..

ضحكت وعيوني مليانه دموع ..جاوبته بصوت يرجف ..

بنان : لك انت شكد قبيح من كعدت كبالي تصورت بلحظة غباء مني جاي تعتذر او تطلب السماح حتى ما اعوفك واعفو عنك مثل كل مرة بس متوقعت تطلب مني هيج طلب بهيج خسه ونذاله ، صميم انت انتهيت من حياتي وصدكني صدكني قسمآ بذات الله اذا طلعت من هذا الباب مراح انزل دمعه وحده من عيني عليك وراح اعيش حياتي طول بعرض وخليك ويه العواهر هنه من مستواك ، لك هاي لعبت على قسور لعب تعرف لو لا وصادقت اشكال وجانو يصرفون عليها لك انت صدك هيج ، معقوله انت ماعندك غيره وغيرتك سززز..

صميم : كلشي تحجيه اقبل لان انتي بحاله عصبيه هسه ، ارتاحي وبعدين نحجي ، بنان اريدها وبنفس الوقت ما اكدر اطلكج ..

هنا صرخت بعلو صوتي يمكن ما هلكد كلبي فور عليه متحملت اكتم اكثر..

بنان : لك انتتتتتت شنو شنووووو فهمني من ياطينه مخلوق هااا من يا طينه ، شووووف حباب اني راح اعوفك وتطلكني غصب عليك وارجع احب واتزوج وهلمره اختار رجال حقيقي مو رجال ورقي بحيث يطير ويه اول هبة ريح راح اختار رجال ماكو مثل عقله ورزانته واله تاريخ عتيق يحترم المرة مثل ما يحترم أمة يخاف الله بيها ما اصير طماعه واريده كامل لو مثالي لان ماكو هيج شي بالدنيا بس راح اخذه مبهر ب احترامه الي ولمشاعري رجال يحسسني اني كامله مو ناقصه علمود يجي هو يكملني يخلي كلبي على كلبه ويكمل فراغ الحب ، ما اريده يميل ويه كل هويه ، اريده صلب يسندني من الحياة تشتد يكون سند يشد ضهري مو يشد عليه ، اخذه يهتم ب ابسط تفاصيلي اليوميه ويتغزل بيه كل ميشوفني مو بس وقت الفراش يشتغل الغزل لان تصعد عنده الرغبه الحيوانيه واذا ما لكيت هيج رجال راح ابقة على ذمة نفسي احسن من ما اعيش ويه هيكل على هيئة رجل علمود ارضى الناس واسد حلوكهم عني ، مطلقة افضل من عيشتي ويه رجال تتغير كل مشاعره وتتخربط احواله بمجرد استنشق عطر نسائي طيب ، لك اني نطيتك حب ماكو مثله محبيت انسان بكدك ، جنت اتحمل الألم واسكت واتغاضى في سبيل اشوفك سعيد ومرتاح لك صميم جنت اتنفسك اني والله اتنفسك ، جنت ضعيفه بحبك بحيث جنت اختل وراك من شده ضعفي تجاهك ، اذا عندك كرامه اطلع من حياتي لان سقطت من عيني..