علاقات زائفة

البارت التاسع والخمسون

بنان : ادري شدعواه جراح هيج يسوي اول واحد يحب اخر واحد..

مسرة : همه هيج حت صميم من عفتيه هيج تدمر ودمرنه وياه ، حبهم بخبال .

بنان : مسرة لتزعلين مني هلمرة ما اكدر اجي وياج ..

مسرة : مصره على رأييج .

بنان: اي والله ..

مسرة : هذا هو شكرا ..

بنان : لتزعلين مني حبيبتي بس اني لمصلحتج..

مسرة : هاهيه ..

راحت وسدت الباب ...

____________

روند

اليوم يوم الحظ بالنسبه الي ، اجتني علاوة لان شغلي تمام وملتزمه بالدوام وابد ما اسخت وشنو ينطوني اشتغله ما اتعاجز ابد لهذا اجاني كتاب شكر وزياده بالراتب بس هذا الشهر والشهر اللي يجي يرجع راتبي نفس ما هو ، ومن رجعت بابا وحسن يتهامسون شنو ما شنو ماعرف..رحت بست بابا وحسن انطاني وجها يعني اني هم بوسيني رحت بسته ..

روند : شو ممرتاحتلكم اكو شي اشم ريحه اتفاقيه وخطيره هم ..

حسن : حجي تحجي انت لو اني احجي .

احمد : لا خليها العصر تعرف وحدها ..

روند : هلوو واني وين اتحمل والحمزه هسه تحجون ، اصلا ما اصبر دقيقه بعد ..

سمعت ورايه صوت خرخشه مال مفاتيح التفتت ماما واكفه تضحك وبيدها سويج سيارة وتضرب بيه بالصينيه ..
باوعتلها ورجعت اباوع لبابا وحسن ..
حجيت بلهفه ..

روند : سويج سيارة المن لتكلولي الي والله ادعمها من الفرحه .

كامو يضحكون .

احمد : تستعمليها بالهنا بس كون تتعلمين زين يلا تصعدين بيها ..

كمت اكمز ..

روند : وينها اريد اشوفها ..

احمد : حسن اخذها شوفيالها .

روند : اوكفو لحضه هيه بالباب .

حسن : اي ..

روند : خاف الكيو كيو ..

احمد : اي ..

روند : نيالي اني تالي عمري اصعد كيوكيو وشيري ..

حسن : لا اجيبلج سيارة من شركه ياباني لو وارد امريكي مو ..

روند : واني ما استاهل.

حسن : لا تستاهلين ، بس انتي مو بت وزير حتى نجيبلج سيارة بدفاتر ، هاي على كد الحال عود من تتزوجين رجلج يشتريلج .

روند : هم رجلي وشبيه اني عندي راتب اجمع واشتري ..

احمد: بس يصير عندي ابدلها الج تدللي يابه هاي اني واخوج تساعدنه يلا كدرنه نجيبها ..