ထိုအခါ ခေါင်းအုံးအောက်ရှိ စာရွက်အဖြူ လေး ပေါ်လာလေတော့သည်။ ရှင်းယွဲ့ ထပ်၍ ခေါင်းသာ ခါရမ်းလိုက်မိပြန်သည်။ သူ၏ ချစ်သူလေးသည် ဉာဏ်အရမ်းကောင်းသော်လည်း တခါတလေ ရူးကြောင်ကြောင်နိုင်ပေသည်။
"ရှောင်ဟွား စာရွက်က ဒီမှာ"
"အမ် ဘယ်မှာ ဘယ်မှာလဲ"
သူ၏ အပြောကြောင့် ကျောပေးကာ တတွတ်တွတ်ရေရွတ်နေသော ရှောင်ဟွားက သူ့ဘက်သို့ လှည့်ကြည့်လာသည်။ အပေါ်သို့ မြင့်တက်နေသော ခေါင်းအုံးနှင့် အိပ်ရာခေါင်းရင်းတွင်ရှိနေသော စာရွက်အား ကြောင်အစွာ ကြည့်ပြီးနောက် သူ့အား သွားများ ပေါ်အောင်ထိ ရယ်ပြလာတော့သည်။
"ဟီး မနေ့ညက အိပ်ချင်မူးတူးနဲ့ ခေါင်းအုံးအောက် ထိုးထည့်ပြီး အိပ်ပျော်သွားတာပဲ"
"ငွေသန်းချီ တန်တဲ့စာရွက်ဆို အဲလို လုပ်လို့ရလား ရှောင်ဟွား"
ချက်ချင်း ရယ်ပြနေရာမှ နှုတ်ခမ်းဆူသွားသောကြောင့် ရှင်းယွဲ့ ပြုံးလိုက်မိသည်။
"အိပ်ချင်နေတာကြောင့် သတိမထားမိလို့ပေါ့...သတိထားမိရင် ခေါင်းအုံးအောက် ဘယ်ထိုးထည့်မှာလဲ...ငယ်ငယ်က စာရအောင် ခေါင်းအုံးအောက် စာအုပ်ထိုးထည့်အိပ်တာ အကျင့်ပါသွားလို့"
မျက်နှာ ဆူပုတ်နေပုံအား ကြည့်ရုံနှင့် စိတ်ဆိုးသွားပြီမှန်း ရှင်းယွဲ့ သိလိုက်သည်။ သူက သွားစမိသူဆိုတော့ ချော့ရပေဦးမည်။
စာရွက်အား ယူလိုက်ပြီး လက်အား ဝှေ့ယမ်းလိုက်တော့ အလင်းများ ပျောက်ကွယ်သွားသည်။ ခေါင်းအုံးသည်လည်း အိပ်ရာထက်သို့ပြုတ်ကျလာလေသည်။
"ပုံက တော်တော်လေး လှတယ်...ဒီ ဒီဇိုင်းလည်း သေချာပေါက် ပေါက်ဦးမှာပဲ"
သူ့အား ရှောင်ဟွား ဘာမှ ပြန်ပြောမလာပေ။ ကလေးဆန်သော ချစ်သူကြောင့် ရှင်းယွဲ့ ထပ်ပြုံး လိုက်မိသည်။
"ကိုယ် ဆာပြီ...မနက်စာစားရအောင်"
ယခုရက်ပိုင်းအတွင်း မနက်စာအား တာဝန်ယူထားသူမှာ ရှောင်ဟွားပင်။ သူ တားသော်လည်း မရ။ ချက်ကျွေးချင်လို့ ဟူသော အကြောင်းပြချက်ဖြင့် နေ့တိုင်းချက်ပေးလေသည်။ ချက်ထားသော မနက်စာအား သူစားလျှင် အရမ်းပျော်ရွှင်သွားတတ်သည်။
YOU ARE READING
ရာဇဝင်ထဲက ကျွန်တော့်ချစ်သူ(Complete)
Historical FictionZawgyi "ကိုယ့်ပြည်သူတွေ ကိုယ်ဂရုစိုက်ပါတယ်။ ဒါပေမဲ့ မင်းနဲ့ယှဥ်လာရင်တော့ ကိုယ်မင်းတစ်ယောက်ကိုပဲ မြင်တယ်" ကံကြမ္မာသည် ဆန်းကြယ်လွန်းလှသည်။ ရာဇဝင်ထဲ အချိန်ခရီးသွားပြီးနောက် သူ၏နှလုံးသားတစ်ခုလုံးနှင့်ရင်း၍ ချစ်ရသူအား ရှာဖွေတွေ့ရှိခဲ့သည်။ Unicode "ကိုယ့္...
Extra-1
Start from the beginning