ရာဇဝင်ထဲက ကျွန်တော့်ချစ်သူ(Complete)

အပိုင္​း(၅.၁) သနားစရာ အပိုဇာတ္​​ေကာင္​​ေလး

Unicode

အပိုင်း(၅.၁) သနားစရာ အပိုဇာတ်ကောင်လေး

အမြဲလိုလို တိတ်ဆိတ်နေတတ်သော ပတ်ဝန်းကျင်ဖြစ်သည့် ရုံဟွေ့ခြံဝန်းထဲတွင် ရှုပ်ထွေးသော အခြေအနေတစ်ခု ဖြစ်ပေါ်နေသည်။

တည်ကြည်ခံညားသော ရုပ်သွင်ရှိသည့် လူတစ်ယောက် မြေပြင်ပေါ်တွင် ဒူးထောက်နေပြီး နတ်ဘုရားသဖွယ် ရုပ်သွင်ရှိသည့် လူတစ်ယောက်၏ ရှေ့တွင်တော့ ချောမောလွန်းသော ကောင်ငယ်လေးတစ်ယောက် အံ့သြမှင်သက်စွာဖြင့် မတ်တပ်ရပ်နေလေသည်။

သူတို့်၏ ဝန်းကျင်တွင် ဓားများကို ကိုင်ဆောင်ထားသော အနက်ရောင်ဝတ် ကိုယ်ရံတော်အုပ်စု ရှိနေကြသည်။

"ဟွားအော် ဘာလုပ်နေတာလဲ...ခုချက်ချင်း မင်းကြီးကို အပြစ်အတွက် ခွင့်လွှတ်ပေးဖို့ ဒူးထောက်တောင်းပန်လိုက်စမ်း"

အကိုကြီး၏ အော်ငေါက်သံကြောင့် ရီဟွား ကြောင်အနေရာမှ အသိဝင်လာရသည်။

'ဒါ သက်ဦးဆံပိုင် ဘုရင်စနစ်..ဘုရင့်စကား တစ်ခွန်းနဲ့ ငရဲပြည်ကို ရောက်သွားနိုင်တယ်...ဟင့်အင်း ငါလေး မေ့လျော့ခြင်းမြစ်ကို မဖြတ်ချင်သေးဘူး...ရောက်တဲ့နေရာမှာ အကောင်းဆုံးရှင်သန်နိုင်အောင် ကြိုးစားရမယ်'

ရီဟွား ဒူးထောက်တောင်းပန်ရန် ပြင်လိုက်စဉ် လက်တစ်ဖက်သည် သူ့လက်အား ဆွဲမကာ သူ၏ အပြုအမူအား တားဆီးလိုက်သည်။

လက်ပိုင်ရှင်အား ကြည့်လိုက်သောအခါ သူ၏ အရှေ့တွင် လက်တစ်ဖက်၌ ယပ်တောင်ကိုင်ထားလျက် ကျန်လက်တစ်ဖက်သည် သူ၏ တောင်းပန်ရန် ထပ်လျက်တင်ထားသော လက်နှစ်ဖက်အား ဆွဲမထားသည့် တစ်ခါမြင်ရုံမျှဖြင့် မမေ့နိုင်သော ရုပ်ရည်ပိုင်ဆိုင်ထားသူအား တွေ့လိုက်ရသည်။

"ရှောင်ဟွားက အရမ်းငယ်သေးလို့ ကိုယ်တော့်ကို အမှားလုပ်မိတာပါ...ကိုယ်တော် အပြစ်မယူပါဘူး... ဒူးထောက်ပြီး တောင်းပန်စရာမလိုဘူး"

ထို့နောက် အနည်းငယ် အကွာအဝေးတွင် ရှိနေကြသော ကိုယ်ရံတော် အုပ်စုဆီ ကြောက်မက်ဖွယ် အကြည့်တို့အား ပို့လွှတ်လိုက်သည်။